قانون الجذب سلاح ذو حدين

قانون الجذب سلاح ذو حدين..

الوقتي..لو انت كنت متابع كل المقالات الي فاتت، وبتقرأ وبتدور في قانون الجذب..

وعملت كل الي قرأته..

المفروض، تكون متمرس في قانون الجذب..

وبدأت تشوف بعينك، حاجات بتحصل قدامك..غيرك، ممكن يقول عليها سحر..

سواء أهدافك وهي بتتحقق بطريق ما كنتش تتخيله، أو حتى لو كانت علامات في الظروف والواقع اللي حواليك..تقولك ان الي انت عايزه بفضل الله قرب..

عشان كدة..

كان لازم أحذرك..

في حوالي أوائل الستينات..

وزارة الدفاع الامريكية، خصصت ميزانية ضخمة، لمشروع كان يُعد الأضخم في التاريخ وقتها..

وهو صناعة صواريخ يتم توجيهها ببرامج كمبيوتر..

أول ما الكمبيوتر بدأ يتم ظهوره بشكل فعال في العالم ومختلف الصناعات..

وتم فعلا الاستثمار في المشروع ده..

وتصميم “البرامج” المسئولة عن توجيه الصواريخ دي..

وكانت بلغة برمجة بدائية جداً..وهي الـ

Basic

تعتبر من اول لغات البرمجة في تاريخ الكمبيوتر..

ومع ذلك، ومع الانفاقات والاستثمارات الضخمة في المشروع ده..

نجح تصميم برنامج ، بلغة الـ Basic  ويكون قادر على توجيه الصواريخ الأمريكية لأهداف محددة..

لكن فجأة..

تم تدمير المشروع..!

تم تدميره تماماً..ومحو أي بواقي برمجية خاصة بيه..

وعن طريق وزارة الدفاع الأمريكية نفسها..!!

ليه كل ده..

عشان اكتشفوا ان ممكن زيادة قوس واحد، او فاصلة واحدة في لغة البرمجة..

يخلي بدل ما الصاروخ ينطلق نحو الهدف..

انه ينطلق..وينزل يدمر مكان الانطلاق..!

يعني يفجر نفسه ويفجر كل حاجة محيطة بيه..!!

ورغم تأكديات المهندسين وقتها على ان مفيش أي خطأ في البرمجة وان الحكاية أمان..لكن ماكانش عند وزارة الدفاع الأمريكية أي استعداد للمغامرة..خصوصاً، مع رغبتهم في وضع رؤوس نووية على الصوارايخ دي..، عشان يبقى عندها أكثر الأسلحة تطوراً في العالم..

تقدر تدمر دولة، بضغطة Enter ..

المقدمة الطويلة دي كلها ليه..

عشان أحاول أقربلك الفكرة..

انت الوقتي..زي الصاروخ ده..

رجل متمرس جدا بفضل الله في قانون الجذب، وانت فرحان على طول..فبفضل الله برده، بتجذب ليك مواقف ايجابية وسعيدة ومفرحة..

لكن..

لو حصل ومرة اتضايقت..وفضلت في حالتك “السلبية” دي..

صدقني..

هتشوف بعينك كوارث..

وده عن تجارب شخصية..

اسمعني..مفيش أي حاجة في العالم مالهاش أخطار..

وزي ما قانون الجذب بإذن الله تقدر تستغله لصالحك..

ممكن وانت راجل متمكن وقوي جداً فيه..

يشتغل لعكس الي انت عايزه تماماً..

انا شخصياً..آخر مرة اتضايقت..وفضلت في الحالة دي لدقيقة..

شوفت بعيني كوارث..

الموقع بتاعي وقع..

الموقع الي انت بتقرأ المقالة دي عليه حالياً..

وحصلت مشاكل شخصية ليا لا حصر ولا عدد ليها..

وفضلت الأخبار الوحشة تيجي خبر ورا التاني لغاية ما امتلكت زمام نفسي..

وقولت لنفسي..

لا..انا مش عايز كدة..

I choose to be happy

I want to be happy

وخدت نفس وهديت خالص..وفجأة بدأت الأمور تتبدل بفضل الله..

مش كده وبس..

الامور السلبية مش هتحصلك لواحدك..هتحصل كمان لناس بتحبهم..

ومش شرط بتحبهم..هتحصل لأي حد حواليك..

وكل ما هتدخل في مكان لازم هيحصل فيه حاجة وحشة..

كوباية تتكسر..

نور يتقطع..

طفل صغير يصرخ..

كلنا بنطلع طاقة ما بنشوفهاش..وكلنا برده عقلنا الباطن بيستقبلها ويقرأها ويتصرف عليها..

وده مبدأ التخاطر الذهني او الـTelepathy..

كمان عايزك تسامح أي حد أساء ليك..

تسامحه عشانك انت..

لما حد بيعمل موقف يضايقك..

أو يزعلك..

وبتشيل جواك..وقلبك يبقى أسود..

عقلك الباطن ما بيشوفش الشخص التاني ده..

ما بيشوفش غيرك..

مش بيشوف غير انك خزنت جواك طاقة سلبية..

طاقة سوداء..

وده يمكن نوعا ما، مرتبط بفكرة حديث سيدنا محمد إن العبد إذا أخطأ خطيئة نكتت في قلبه نكتة سوداء..” إلى آخر الحديث..

وصدقني، كون انك تشيل من حد أو تحط جواك فكرة الانتقام أو الحزن الشديد والرغبة في القطيعة..

دي في رأيي الشخصي، من أكبر الخطايا..

كان سيدنا الحبيب، سيدنا محمد عليه افضل الصلوات والتسليم..

جالس مع أصحابه..

فقال لهم، يطلع عليكم اليوم رجل من أهل الجنة..

فأتى رجل..

ونفس الموقف في ثاني يوم، وثالث يوم..

حتى تعجب عبد الله بن عمرو بن العاص..

وقال له يا رجل، لقد أخرجني أبي من البيت فأريد أن أبيت معك ثلاث ليال..

فأقام معه في الليلة الاولى، فلم ير منه صيام ولا قيام شديد..

وكذلك في الثانية..

وفي الثالثة..

حتى قال له يا رجل، بت معاك ثلاث ليال ولم أر منك صيام ولا قيام، وقال عنك رسول الله أنك رجل من أهل الجنة..فبالله عليك، ما الذي تفعله لذلك؟

فقال له : “أبيت وليس في قلبي حقد على مسلم فقال عبد الله هذه التي بلغت بك وهي التي لا نطيق”

فهمت قصدي ايه ؟

الحديث ده لما قراته من فتره، وقارنت بينه وبين الي بقوله على السماح وقوة التسامح والنسيان وأثرها على تضاعف قوة قانون الجذب بشكل وهمي..

ذهلت من عظمة ديننا..

وذهلت من حكمة سيدنا محمد عليه الصلاة والسلام..

وعرفت ان مفيش امر ديني..سواء فهمناه أو ما فهمناهوش..وسواء تعارض مع العلم أم لم يتعارض..

الا وكان له، بجانب الغرض الديني..جانب علمي سببي، لأن كل شيء في الكون يسير بقدر..

“كل في فلك يسبحون” ، “إنا كل شيء خلقناه بقدر”..

الطبيعي انك تسمع الكلام والاوامر وتبتعد عن النواهي..لكن لو فكرت وقارنت بين العلوم الدنيوية، وعلاقتها بالأوامر والنواهي الدينية..

هتزيد حباً وقرباً في حبيبك محمد عليه الصلاة والسلام، وفي حبيبك الله، ربي وربك ورب هذا الكون، وتفتخر بعبوديتك ليه، في وقت فيه ناس كتير جداً..ضالة، بلا إله..ومع ذلك..، ربنا بيكرمهم..ويديهم على اد ما بيشتغلوا..سواء بقانون الجذب، أو بغيره حتى لو كانوا مش عارفينه..

لما انت بتسامح حد..انت بتسامح نفسك انت..

داخل عقلك الباطن..

اتصورله انك زعلان من نفسك..مش زعلان من حد..

فبيتصورله برده انك بتسامح نفسك مش بتسامح حد تاني..

سامح بجد..

سامح من قلبك..

وحب واعف واغفر للناس..

كلنا بشر..وكلنا بنخطأ، واذا ابتدأت بانتقاد الناس..اعرف انك عندك وقت فاضي..تقدر تستغله في تطوير نفسك أحسن..

حب وعيش بالحب والعفو والسماح، واحنا داخلين على شهر كريم..

ربنا يتقبل مني ومنك ومن المسلمين جميعاً، ويحفظنا ويحفظ بلدنا وسائر بلاد المسلمين..

قول آمين.

 

Comments

comments

You can leave a response, or trackback from your own site.

25 Responses to “قانون الجذب سلاح ذو حدين”

  1. اميره جوهر says:

    اكتر حاجه بحبها اوووووووى فى مقالاتك انك بتستدل على كل كلامك بكلام ربنا وحبيبنا المصطفى صلى الله عليه وسلم

    ربنا يزيدك يكرمك وهل من مزييييييييييييد

  2. amir nafsy says:

    ديننا مليان معجزات، وقرأننا كل مرة تقريه، حتى لو هتقري آية واحدة، لازم تلاحظي حاجة ما خدتيش بالك منها قبل كده..

    وأياً كانت ميول الشخص الفكرية أو دراساته..

    فيزياء كيمياء طب هندسة زراعة قانون جذب فلك رياضيات..

    لازم أما يقرأ كتاب الله، يلاقي اعجاز في مجاله..

    وسيدنا محمد أحاديثه لواحدها معجزة..والمتأمل فيها والي يربط بينها وبين الأحداث الي حواليه..

    يعرف فعلا اد ايه الراجل ده أولاً كان بيحب كل المسلمين

    حتى الي ماشفهمش..وفعلا اشتاق الينا لما بكى وقال اشتقت الى احبابي..

    ربنا يجمعنا معاه في الجنة ان شاء الله جميعاً..

    بالتوفيق، و أتمنى ليكي دنيا وآخرة صالحة بإذن الله

  3. aanaa999 says:

    كلام خطييير للي يدخلوا عالم قانون الجذب ..الله يستر

  4. صحراء 55 says:

    السلام عليكم ورحمة الله

    مشكوووووووووووووووووووور

  5. nidaa says:

    كلام جميل وحقيقي فعلا انا حصلي نفس الشئ لما كنت بتضايق

  6. فيصل عبد ال says:

    عشان كده لازم ناخد بالنا من كل كلمة بنقولها، بمعنى كل كلمة، ولازم دايماً نعرف ان عقليتنا مش زي عقلية الي قدامنا، ولا مستوى تعليمنا زي مستوى تعليمه، ولا ذكاءنا وفهمنا واطلاعنا وثقافتنا زيه
    فلازم نبطل نحكم على الناس، ولو لازم نحكم، يبقى ما نبطل نحاول نخلي الناس دي
    نسخة تانية مننا
    بالتوفيق ان شاء الله

  7. scarlett says:

    اليوم حتى فهمت منيييييح شو معنى قانون الجذب سلاح ذو حدين
    اليوم الصبح كنت مزعوجة ومتدايئة وطولت شوي وانا بهالحالة وفجأة بدأت المصايب
    تنهال عليي من كللللل جهة وكل شوي بسمع خبر اسوأ من اللي قبلو واتخانئت انا وبعض ناس
    وكل شي عندي خرباااان ولحد هلأ مزاجي معكر وما عم بئدر سيطر عالوضع :( 
    الله يستر من اللي جاية

  8. فيصل عبد ال says:

    بإذن الله تقدري تكوني مسيطرة اكتر على أحاسيسك
    بالتوفيق دائماً ان شاء الله

  9. Anonymous says:

    السلام عليكم ورحمة الله وبركاته

    يا استاذ فيصل بجد انت انسان رائع انسان قلما يجود بهِ الزمانُ

    الله يبارك فيك وف علمك وف عمرك جزاك الله عنا كل خير

    تعرف لما قرات المقاله دي حسيت اني فعلا قربت احقق اهدافي لاني لقيت الي يساعدني ف تحقيق حلمي

    لان حلم حياتي هو الطلب الي بعتو لحضرتك ع الميل وان شاء الله تساعدني احقق اكبر احلامي قريب

    تحياتي صانعة الأحلام

  10. فيصل عبد ال says:

    وعليكم السلام ورحمة الله وبركاته
    شكراً على كلامك الجميل يا صانعة الأحلام، ان شاء الله يرزق كل الناس من علمه وفضله الواسع
    هراجع الإيميل وأرد عليكي في أقرب وقت، انا بس الفترة دي منشغل في حاجات كتير وما بفضاش غير ساعات قليلة في يوم واحد في الأسبوع
    بالتوفيق ليكي ان شاء الله

  11. دعاء ح says:

    معلومة خطيرة انو العقل الباطن لما انا ازعل من حدا بفسرها انو انا زعلانة من نفسي!!!!

    ربنا يجزيك كل خيييييير

  12. فيصل عبد ال says:

    هي دي الحقيقة يا دعاء
    اشكرك على كلامك الجميل
    بالتوفيق ان شاء الله

  13. Abdullah says:

    *استاذ فيصل انت بتقرأ تعقيبي هذا ؟ 

    لو نعم هتكلّم.  ولو لا يبئ بمداخلة قادمة 

  14. فيصل عبد ال says:

    انا اقرأ كل التعليقات يا عبد الله
    تفضل، وان شاء الله ارد عليك في أقرب وقت بإذن الله

  15. Abdullah says:

    *الحمدلله.  اولا ان شاءالله تكون بأفضل حال ومرتاح ومبسوط 

    ثانيآ. انا تعمدت اكتب هنا 

     عندي حاجات حصلت معاي كلها امبارح  طبعآ ولاول مره بحياتي اعملها بقصد

    بس توقفت شوي ورجعت للموضوع ده من جديد فـ عايز اخذ تفسيرها منك

    الاول مع صاحبي وهو بيشتكي من خدمة موبايله هتنفصل انا اخذت الامر بابتسامه  واستمعت له

    بدون ماتأثر بكلامه. بعد العشاء انفصل خطي أنا. ياساتر في وقت متأخر  ف على طول ماتضايقت ولا حاجه 

    اللهم بأول الصدمه شويا ثم طريقتي الشخصيه بسيدونا واللي سبق كلمتك عنها وهي انه 

    بعد صدمتي بفصل الخط قبلت الموضوع بشرط اني اعتبر الموضوع حصلوخلاص الحمدلله من كل

    قلبي وأكون عادي ومبسوط وبالفعل عملت كذا  فقلت هشوف اقرب فرع للشركة اروح لهم يساعدوني

    وحصلت باخر لحظة ودخلت رغم تأكيد الموظف انه خلاص الدوام فـابتسمت وقلت مافيش مشكلة لو مالحقتش عادي وأظل راضي ومبسوط. خلال دقيقتين جاني موظف دايركت عندي قاليهخلص  مشكلتك وبالفعل

    صار يعرف صاحبي بالصدفه وانحلت المشكلة 

    ٢-بالدوام اعتدت قبل ابدأ بالشغل اخذ كوباية قهوة جاء عامل العربة اللي يبيع الشاي واشتريت منه وراح 

    بعد ماخلصت الكوب كنت بحاجه لكوب ثاني وبثانية  تخيلت ان عامل العربة الثاني جاء يجي عشان اشتري منه 

    وبسرعه فصلت عن الهدف،  بعد دقيقتين برضه وانا طلعت مع الباب  جاء بوجهي وأنا ابتسم  واقوله هوا انا جبتك عندي ؟ فقال هوا فيه اييه. طبعآ هو مش عارف الحكايه فـ لحظتها حسيت اني تحولت اعقل جاذب 

    لكن اثناء الشغل ظهرت التخيلات الكثيره اغلبها سلبيه (فقلت لنفسي يعني صرت عقل جاذب خلاص  يعني لازم افكار سلبية ) فعملت معايشة برضه لموقف اخر  وماحصل اي شي فتحيرت

    السؤال هل معقول اتحرر من اغلب السلبيات وابدأ بالجذب يعني خلاص لازم اكون حذر من سماع اي سالفه ومااكون ولادقيقه زعلان والايحصل معانا مشاكل!  ولو قرأنا اية الكرسي برأيك هل تحمينا من الاشياء دي 

  16. دعاء ح says:

    *راائع يارب يباركلك وتحمست كتير

    ونفس السؤال لاخي الاستاذ فيصل..

    وجزاك الله خير

  17. Abdullah says:

    *شكرآ يادعاء بس حبيت اضيف برضه للاستاذ فيصل 

    انه صاحبي اشتكى لي من من مخالفة سرعه اخذها من يومين  وبرضه انا ابتسمت وماتأثرت  

    من بكرا ماشاءالله اخذت انا قسيمة مخالفة 

  18. فيصل عبد ال says:

    بالفعل لازم تراقب ما تسمع وما ترى، لذلك دائماً نقول ان نبتعد عن الأشخاص السلبيين
    وإن كان ضروري، ألا نتأثر بهم
    سواء داخلياً أو خارجياً
    تحياتي لك على تقدمك
    ولا أعلم بصراحة تاثير آية الكرسي

  19. فيصل عبد ال says:

    شكراً على تعقيبك يا دعاء، تحياتي لك وبالتوفيق ان شاء الله

  20. فيصل عبد ال says:

    واضح ان في صلة ما قوية بينك وبين صاحبك هذا يا عبد الله

  21. Abdullah says:

    *نعم ! ؟ 

    ايوه صحيح  

    بس ايه علاقة قوة العلاقة  ، اللي اعرفه انه لما تسمع حاجة ماتتأثرش  من اي مصدر كان. 

    صح كذا.  بس ماكنت اعرف ان قوة العلاقة وضعفها تأثر بالموضوع  مع العلم انه كتووم بس سالفه وعدت 

    هل يعتبر سلبي  !  

    مش فاهم بصراحة قاعدة الجذب سلاح ذو حدين لاني متأثرت بالموضوع  وجذبته لنفسي 

    معنى كذا وتفسيري ان اكثر من يجذب من  الاحداث  اليومية اللي نشوفها ونسمعها

    هم الذين يتحرروا اكثر من السلبيات لان لهم قابلية  اكثر للجذب  بسبب صفاء ذهنهم 

    بتوافقني كذا استاذ فيصل 

  22. دعاء ح says:

    *طيب استاذي ازا كان اهلي اللي عايشة معهم قمة السلبية؟؟ كيف بدي احمي حالي واتجنب سلبيتهم ؟؟!!

    هل برضو بسيدونا؟

    وكتير بسمع او برى مالايعجبني…هل لاتفادى حصوله لي اتقبله وارحب به ثم باقي خطوات سيدونا؟؟ هل باذن الله بضمن لنفسي بذلك الا يحصل معي الا كل خير والذي اريده؟

  23. فيصل عبد ال says:

    لقد جذبت الموضوع لنفسك يا عبد لأنك..انتظرت ان تجذبه لنفسك
    دقق في هذه العبارة ربما تفهم ما أريد أن أوصله لك
    تاني سؤال مش فاهمه بصراحة يا عبد الله، اذا كنت تقصد ان الناس اللي بيتحرروا من السلبيات اليومية جذبهم اقوى
    فذلك حقيقي بالفعل
    وبالنسبة للعلاقات والصلات بيننا بعضاً
    فكلما قوت الصلة، كلما كان التأثير المتبادل، وممكن تكون سمعت قبل كده عن اتنين صحاب جداً
    بيتعبوا في نفس الوقت
    ويضحكوا في نفس الوقت
    وانا شخصياً شوفت بنتين صديقات كدة
    لدرجة انهم اتخطبوا في نفس الوقت

    تحياتي ليك وبالتوفيق ان شاء الله

  24. فيصل عبد ال says:

    تحرري من أي شيء لا يعجبك فيهم بسيدونا
    ثم تحرري من رغبتك في تغييره بسيدونا أيضاً

  25. You could possibly certainly visit your abilities within the do the job you are submitting. The planet desires of far more ardent freelance writers that you that will not be reluctant to talk about the direction they feel.. نرم افزار اورجینال,رایت کلیک,rightclick,خرید ویندوز,کسپرسکی اورجینال,ویندوز سرور,لایسنس اورجینال Continuously comply with a person’s cardiovascular.

Leave a Reply