قانون الجذب

أخطاء تطبيق قانون الجذب

July 27, 2011 — by فيصل عبد الواحد8

main

قانون الجذب

أخطاء تطبيق قانون الجذب

July 27, 2011 — by فيصل عبد الواحد8

قانون الجذب
قانون الجذب

طب لما قانون الجذب سهل كدة، ماحنا ياما اتخيلنا اهداف واحنا صغيرين..

ده عشان كلنا، كنا بنقع في أخطاء قانون الجذب، أخطاء كلنا كنا بنعملها، قبل ما نعرف يعني ايه قانون الجذب..

أخطاء تطبيق قانون الجذب كتير عشان كده هنقسمها على أكتر من مقالة ان شاء الله

أول حاجة، في حاجات كنا بنعملها واحنا صغيرين، مفروضة علينا، يعني لازم تجيب مجموع كويس ، لازم تدخل كليب طب، فده ماكانش هدفنا احنا، كانت أهداف معروضة علينا، فكنا عشان كده، مش قادرين نحس بالفرحة المطلوبة لتحقيق الهدف ده، وده مرتبط بخطأ تاني هنتكلم عنه الوقتي..

تاني حاجة، ان واحنا كنا بنتخيل زمان الي عايزين نعمله، كنا بنتخيل بس، بنفكر بس..وده مش كفايه، بالعكس، كده يعتبر التفكير مالوش لازمة، لكن الصح، التفكير، مع الإحساس..يعني ايه؟

يعني تحس بالفرحة، المصاحبة للهدف لما يتحق..

يعني لو كان الهدف مثلا انك يكون معاك 100000 جنيه، ما بتحسش بالفرحة الي هتحس بيها لو فعلا معاك ال100000 جنيه، ما بتشوفش نفسك وانت بتصرف الفلوس دي، ما بتحسش فرحتك وانت ماشي بتعدي على محل موبايلات، تشوف موبايل عجبك تدخل تشتريه، عشان في جيبك فلوس كتير..

فدايما اما بتتخيل أي هدف، وتمزج الإحساس ده مع الفرحة المصاحبة ليه، كإن الهدف فعلا اتحقق، قوة جذبك للهدف ده بتتضاعف 50 مرة..

يعني تخيل معايا، لو قوة جذبك ليها قيمة معينة، بتجذب بيها هدفك في وقت معين..فالقيمة دي هتتضاعف 50 مرة، و الوقت ده هيقل بمقدار 50 مرة، يعني لو هتجذب الهدف في خمسين يوم بقوة جذبك، هتجذبه في يوم واحد..

كمان خليني اسألك سؤال، دايما لما كنت بتحط هدف قدامك، عشان تعمله..أول سؤال كنت بتسأله لنفسك كان ايه..؟

اه بالظبط..كنت بتسأل نفسه..إزاي ؟

إزاي هعمل كدة

إزاي هشتري العربية الي بحبها

ازاي هيبقى دخلي في الشهر (…) وأنا لسه طالب، وأنا ما بشتغلش، وانا حتى مديون..صح ؟

خليني اسألك برده..لما اتنين..قالوا احنا عايزين نطير..

كان وقتها على فكرة الفيزياء وقوانينها لسه في تطورها..لما اتنين قالوا احنا هنتحدى جاذبية نيوتن..ونطير..

ماكانوش يعرفوا ازاي..

دول كانوا اتنين بيصلحوا العجل..الدراجات يعني..!

لكن بدأت عندهم بإيه..؟

لأ، مش بفكرة..

بدأت برغبة..بدأت بإحساس..

عايزين نطير..

الأخوين رايت .

قانون الجذب لو جيت تتبع قصص حياة كل العظماء، هتلاقيهم اتكلموا عنه بصورة أو بأخرى، ولو شوفت فيلم

The secret

هتتاكد من كدة، هتتأكد ان كل العظماء قالوا اقوال مأثورة، اتكلموا فيها عن قانون الجذب..

المهم..مالكش دعوة بإزاي..

مش عايز منك، أو بمعنى أصح، ما تعوزش من نفسك، أكتر من انك تكون عايز..!

يعني ببساطة أكتر..عايزك تشوف، انت عايز ايه فعلا، انت ايه رغبتك..

ومالكش دعوة بالظروف الي حواليك..

مالكش دعوة لو الناس قالتلك ابقي قابلني، أو اتريقت عليك..

اديسون أساتذته قاله عليه غبي..

واتطرد من كل شغلانة اشتغلها ، كل مديرينه قاله عليه

Not productive !

غير منتج..مالوش لازمة..!

النهاردة..عايزك تجيب ورقة وقلم..وتقعد مع نفسك

وتكتب..

أنت، عايز ايه .

قانون الجذب

8 comments

  • صحراء 55

    March 24, 2012 at 7:28 pm

    مرحبا مشكوررررررررر جدا على المقاله الحمدلله انا عرفت ماذا اريد^_^

  • حسن

    May 17, 2012 at 1:07 am

    مواضيعك كلها  روعه بس ازاي اقجر اجتذب اكتر من هدف في وقت واحد    ياريت تدلني عالموضوع اللي فيه الطريقه  
      :D

  • Pingback: Anonymous

  • Nagham

    December 27, 2012 at 8:02 pm

    مشكلتى يا دكتور فيصل انى مش عارفه انا عايزه ايه بالظبط انا متخرجه بس مشتغلتش وكل تفكيرى انى مش هعرف اشتغل بمجالى لانو معقد وانا معنديش خبره فيه وانا دخلت الكليه على حسب المجموع مش حبا فى المجال وكمان مفيش مجال محدد بحبه عشان اطور نفسى فيه

  • amirnafsak

    December 31, 2012 at 10:46 am

    اهلاً يا نغم
    صدقيني في مرحلة أو أخرى
    كلنا شعر ذلك الشعور
    المهم..ما الذي تحبيه ؟

  • Nagham

    January 1, 2013 at 10:47 pm

    شكرا يا دكتور كلام حضرتك طمنى وكمان مقالة حدد اهدافك وضحتلى اكتر من الاول الاولويات والاهداف اللى هشتغل عليهم ان شاء الله
    اشكرك جداااااااا

  • amirnafsak

    January 5, 2013 at 7:42 am

    اهلاً يا نغم
    ان شاء الله تستفيدي دائماً،
    تحياتي لك
    وبالتوفيق دائماً بإذن الله في جذب كل ما تريدين

  • نادية

    March 22, 2015 at 12:24 pm

    معني كلام حضرتك إن إحنا مش لازم نحط خطة لتحقيق هدفنا . ما لو ما سألتش إزاي يبقي مش هأحط خطة و إذا ما حطتش خطة يبقي مش هأتحرك ناحية الهدف أرجو التوضيح .

Leave a Reply

Your email address will not be published. Required fields are marked *