قانون الجذب

أخطاء تطبيق قانون الجذب 4

July 27, 2011 — by فيصل عبد الواحد20

main

قانون الجذب

أخطاء تطبيق قانون الجذب 4

July 27, 2011 — by فيصل عبد الواحد20

قانون الجذب
قانون الجذب

قانون الجذب

أخطاء تطبيق قانون الجذب 4

وقفنا المرة الي فاتت عند خطأ أنا محتاج وأنا نفسي..وإزاي ساعات بتقولها لنفسك وبكدة بتبعد عنك الهدف الي بتفكر فيه، حتى لو كنت بتعمل كل الخطوات التانية صح..

المرة دي مع الجزء الأخير ان شاء الله مع أخطاء تطبيق قانون الجذب..

خطأ الوقت..

بص هقولك حاجة..

خليني قبل ما أكلمك عن خطأ الوقت..أربطهولك بخطأ اتكلمنا عنه قبل كده..

خطأ إزاي..

الوقتي لو طفل صغير.. هدفه انه يجيله عجلة أو كمبيوتر أو أو أو..بالنسبة له..

لو سأل نفسه إزاي هجيب الكمبيوتر ده..أو العجلة دي..

بالنسبة ليه طبعا هدف صعب..إن ماكنش مستحيل..

وبرده في نفس الوقت..حتى لو كان تحقيقه ممكن ليه (هيقول لنفسه انا هحوش من مصروفي كل يوم أد كده وبعد أد كدة هجيب الي انا عايزه..) تحقيق الهدف ده..هياخد منه وقت كبير..مش كدة؟

 

لكن لو الي هيجيبهاله حد تاني أكبر منه، والده على سبيل المثال..أو أخوه الكبير..

 

ها..؟

بالظبط..نفس المبدأ الي انت بتفكر فيه الوقتي بيحكم خطأ الوقت وخطأ إزاي..

انت بتقيس الحاجة من مقياسك انت..

وبالتالي بتقول لنفسك ان عشان تحقق الهدف ده..هتاخد وقت كبير..

فكرة عامة بقى..لو انت قبل ما تطبق قانون الجذب، حطيت جواك انك عشان تجذب مليون جنيه محتاج 5 سنين..يبقى ما تزعلش لو ما عملتش مليون جنيه قبل ال 5 سنين دول..!

كل أخطاء قانون الجذب مرتبطة ببعض..الكلام ده مرتبط بخطأ عدم تقدير الذات..والتشكيك في انك تستحق الهدف ده (العربية – الفلوس – الشفاء – الزوجة – الشغل..) بإذن الله..

لو قعدت كل يوم تسأل امتى بقى امتى بقى امتى بقى..يبقى برده انت بتنفي الي اتكلمنا عنه المقالة الي فاتت..وهو انك تفصل نفسك عن الهدف..وتقتنع فعلا انك مش (محتاجه) لكن انت (عايزه)..

كمان قانون الجذب داخل في كل حاجة انت بتعملها في حياتك..

لو انت خارج تمتحن..ونسيت قلمك في البيت وقولت لنفسك يوووه..ده انا ما بعرفش احل من غير قلمي ده..

حتى لو كان الامتحان سهل..ما تتوقعش انك تحل كويس !

لو ضهرك وجعك وقولت لنفسك..انا ضهري بيوجعني أوي..يبقى ما تتوقعش ان الوجع يروح !

لو صحيت ما نمتش كويس وقولت انا لما بصحى ناقص نوم يومي كله بيبوظ..ما تتوقعش ان ده يكون افضل يوم في حياتك..!

لو حد عزيز عليك مسافر..واتأخر عليك..صدقني، صدقني عن تجارب كتير اتحكتلي..

ما تقولش انا حاسس ان حاجة وحشة هتحصل..وتقعد تتخيل حاجات مالهاش أي لازمة..

قانون الجذب في كل حاجة في حياتك..

قانون الجذب كل حاجة بتعملها وكل حاجة بتقولها..

راقب الي بتقوله..راقب الي بتفكر فيه..

وشوف السحر وهو بيحصل حواليك..

اتمنى يكون الجزء المهم جدا ده عجبك (أخطاء تطبيق قانون الجذب).. وانتظر ان شاء الله الجزء الجاي..الخاص بالتخيل وتقنيات مخاطبة العقل الباطن..

انا قاعد عالميل مستني قصة نجاحك في جذبك لأهدافك..ومستني أقراها بفارغ الصبر.. ابعت قصة نجاحك مع اسمك على  

success@amirnafsak.com

أتمنى لك جذباً ساحراً..وحياة مليئة بالسعادة..وقانون الجذب

20 comments

  • صحراء 55

    March 8, 2012 at 2:09 pm

    السلا م عليكم المقاله جميله جداااااااااااااااااااا شكرااااااااااااااا^_^

  • abdullah

    March 18, 2012 at 2:46 pm

    انا انوي ان شاءالله بكل نجاح عملية جذب ليا او لحد ثاني انا كلمته من اللي انتا قلت عنه, اني هابعثهولك

    بالايميل او في الموقع ده

    ان شاءالله من الليلة دي هي بداية موعد التطبيق والقوة الفعلية والمباشرة لجذب الاحداث السعيدة وتعويض مافاتني من حياتي .. انتظرني مع تجاربي وتجارب اللي انا كلمتهم عن اللي انت أفدتني عنه

  • فيصل عبد ال

    March 19, 2012 at 7:50 pm

    في انتظار قصص نجاحك ونجاح من تعرفهم ان شاء الله وأوعدك انزلهم في الموقع كهدية خاصة مني لك
    بالتوفيق ان شاء الله

  • mona

    March 30, 2012 at 6:06 pm

    كلام رااااائع وهحاول أطبقه ان شاء الله

    أنا في فترة من حياتي كان عندي كل مقاييس النجاح

    من الناحية المادية والعمل ونفسيا وعاطفيا وكل حاجه ولكن للأسف استكترت وقتها النعمه على نفسي بجهل مني قلت معقولة كل الحاجات الحلوة دي تحصل لي مرة واحدة كده أكيد مستنياني مصيبة وفعلا كل الحاجات الحلوة دي راحت واحده ورا واحده في زمن قياسي ومن ساعتها بقالي سنين قاعدة بندب في حظي التعيس واقول الناس حسدوني وأنا ليه بيحصلي كده

    شكرا جزيلا أستاذ فيصل وفي انتظار المزيد لتطوير حياتنا للأفضل

  • nidaa

    March 31, 2012 at 12:11 pm

    اهنيك على موقع الرئع والمعلومات القيمة

    حبيت اشترك في منتدى ولكن ماشفت صفحة الاشتراك حتى اشراكم بتجربتي في قانون الجذب الي عملته من غير ماعرفه فعلا كلامك صحيح كل مانقول لانفسنا متى يتحقق هذا نكون نبعد الهدف عنا وهذا ماحصل لي كنت دايما اقول لنفسي متى يتحقق هذا الشئ الذي اريده ووجدت نفسي تاخرت كثيرا في تحقيق الهدف

  • كتلة تقاؤل

    April 22, 2012 at 9:57 am

    مقال رائع 

  • فيصل عبد ال

    April 22, 2012 at 12:37 pm

    ان شاء الله باقي المقالات تفيدك
    بالتوفيق ان شاء الله

  • miramar

    September 9, 2012 at 3:18 pm

    السلام عليكم انا عندي استفسار ممكن اعمل جذب لاشياء كتيرة في نفس اليوم لاني عندي اشاء كتيرة بتمنى تحصلي والله يوفق الجميع

  • فيصل عبد ال

    September 9, 2012 at 9:14 pm

    وعليكم السلام ورحمة الله وبركاته
    بالفعل يا ميرا، مفيش أي مشاكل ان شاء الله
    تحياتي لك وبالتوفيق ان شاء الله

  • أسامة

    November 10, 2012 at 9:53 am

    السلام عليكم ورحمة الله وبركاته
    اخى فيصل عبد الواحد
    احب اشكرك جزيل الشكر

    انا اطالب فى الثانوية
    احيانا تجيلى احساس بالفرحة انى جبت 99% لدرجة انى عايز اطير
    ههههههههههههه

    ف سؤال علشان احقق الهدف ابذل مجهود كبير جدا
    لانى بفرح لما يجيلى الاحساس بد بس مش بعمل بيه

  • amirnafsak

    November 12, 2012 at 11:45 am

    وعليكم السلام ورحمة الله وبركاته
    اهلاً يا أسامة
    مش لازم تبذل مجهود كبير جداً
    ودي مشكلة للأسف عند أغلب الناس
    انه لازم \”يموت\” عشان يوصل لهدفه
    مش معنى كدة انك تنام في البيت وهدفك يجيلك
    لأ
    ربنا بيقول
    \”وأن ليس للانسان الا ما سعى\”
    لكن اذا فعلاً \”بتعيش\” في الفرحة والاحساس ده
    هيقويك على الزهق والملل والكسل
    تحياتي ليك، وبالتوفيق بإذن الله

  • أسامة

    November 13, 2012 at 11:46 am

    ممكن تيسط دى لو سمحت

    كل أخطاء قانون الجذب مرتبطة ببعض..الكلام ده مرتبط بخطأ عدم تقدير الذات..والتشكيك في انك تستحق الهدف ده (العربية – الفلوس – الشفاء – الزوجة – الشغل..) بإذن الله..

    لو قعدت كل يوم تسأل امتى بقى امتى بقى امتى بقى..يبقى برده انت بتنفي الي اتكلمنا عنه المقالة الي فاتت..وهو انك تفصل نفسك عن الهدف..وتقتنع فعلا انك مش (محتاجه) لكن انت (عايزه)..

    اصلى مفهمتاش

  • amirnafsak

    November 14, 2012 at 4:03 pm

    اهلاً يا أسامة
    قصدي هنا ان كل أخطاء استخدام قانون الجذب مرتبطة ببعض، يعني لما تشك في امكانية تحقيق الهدف، مرتبط بالشك في وقت تحقيقه، مرتبط بالشك في استحقاقك ليه
    وقس على ذلك كل أخطاء تطبيق قانون الجذب
    تحياتي ليك وبالتوفيق بإذن الله

  • موني الحرة

    November 19, 2012 at 11:02 pm

    السلام عليكم كيف الحدب لو كانت نفسيتي تعبانة او اشعر بالاحباط

  • amirnafsak

    November 20, 2012 at 7:27 pm

    اهلاً يا موني
    تحرري من ذلك بحرق المعتقدات او سيدونا او اي تقنية تحرر اخرى

  • ريم

    December 15, 2012 at 7:17 pm

    سلام عليكم دكتور فيصل

    انا بمارس الجذب بنية اني اطول كم سم وان الحمدلله ثقتي بربنا كبيره وعارفه انه قادر على كل شي بس دايما حاجه جوايا بتقولي مستحيل لا يمكن مين انتي علشان ربنا يحقللك طلبك

  • amirnafsak

    December 26, 2012 at 10:17 am

    وعليكم السلام ورحمة الله
    اهلاً ياريم
    من حيث المبدأ ممكن وربما قرأت وعرفت ما هو أصعب من ذلك
    لذا فما أنصحك به أولاً ان تحبي نفسك كما هي
    ثم بعد ذلك تستخدمي اي تقنية تحرر على ما تشعري به
    تحياتي لك وبالتوفيق بإذن الله

  • baro

    February 16, 2013 at 3:51 am

    *جزاك الله خير

  • فيصل عبد الواحد

    February 24, 2013 at 10:57 pm

    لا مشكلة، بالتوفيق ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close