main

البرمجة اللغوية العصبية

ألو..أهلاً..أيوة

December 16, 2011 — by فيصل عبد الواحد13

عمرك سألت نفسك

ليه كل شبكات الموبايل، أسامي "الأنظمة" الخاصة بيها متشابه ؟

نظام ألو

نظام أيوة

نظام أهلاً

نظام مرحبا

نظام Yes

ليه..؟

الحقيقة، ان الناس دي، وان كان فيها شبكات عربية

لكن محترفين في كل حاجة بيعملوها

فعشان كدة مش عجيب ان أرباحهم سنوياً تكون بالمليارات

ومن غير ما نمسك إعلان كل شبكة في الشبكات التلاتة - حالياً - ونحلله دقيقة بدقيقة..ونكتشف أد ايه الناس المختصة بالدعاية والإعلان عندهم ناس محترفة، ويستحقوا كل دولار بيتدفعلهم، ومن غير ما أتكلم عن طرق الإعلان الاحترافية، اللي آخرها الإعلان بدون إعلان..اللي ببساطة برده، يعمل اعلان ضخم جداً ويصرف عليه ملايين، من غير ما يقولك  ميزة واحدة عن المنتج المعلن..! ودي في حد ذاتها في تحليلها

أقوى أنواع الاعلانات..لكن مش هقولك ليه الوقتي..الموضوع الجاي ان شاء الله في البرمجة اللغوية العصبية

لكن النهاردة، همسك حاجة بسيطة جداً..

اللي بدأت بيها الموضوع

ليه الناس دي اختارت أسماء زي الي قولناها

لأن دي اكتر كلمات انت بتستخدمها

فشبكة زي موبينيل، اختارت كلمة زي الو

وخدتها اسم للنظام الي توقعت انه يكون شائع أكتر..

الي هو الكارت

عشان بطريق غير مباشر، تستغل "دروج" وانتشار الكلمة عند المصريين

"وربطها ذهنياً"

بنظام الكارت المدفوع مقدماً الخاص بيها بوجه خاص

وبموبينيل بوجه عام..

شبكة تانية، أظن اتصالات، اختارت أيوة

عشان نفس المبدأ

في ناس بترد تقول ألو

وناس بترد تقول أيوة

فبشكل تلقائي، لازم هيحصل ربط ذهني بين الكلمة دي، والفعل ده، والشبكة دي

وبشكل تلقائي، لازم تشتري المنتج بتاعهم

وعشان ال3 شبكات بتتبع الأسلوب ده

وباحترافية كبيرة جداً

سهل جداً، تلاقي شخص ما، معاه على الأقل خط لكل شبكة فيهم !

مش عايز أخوفك..لكن كل ماركة حواليك

خصوصاً الماركات العالمية..بتستخدم البرمجة اللغوية العصبية

فودافون - موبينيل - اتصالات - بيبسي - كوكاكولا - شيفروليه - هيونداي - مرسيدس - نوكيا - كيو نت - باور بالانس..

ده اللي انا متذكره حالياً، وعشان كدة، مش عجيب انك تلاقي شركة زي بيبسي مثلاً، سعر "البراند" أو لوجو بيبسي بتاعها بس، أكتر من 100 مليون دولار !!

خليني آخد مثال لإعلان كوكاكولا، اللي المفروض كنت أكلمك عنه الموضوع الجاي، اشرب تفرح

الإعلان كله بيقولك اشرب تفرح، وفيه مظاهر فرحة

ورقص

وأغاني

ولعب

ومفيش أي حاجة عن مميزات كوكاكولا، ولا سعرها، ولا شكلها

بس..اشرب تفرح

لأنه ببساطة لو قالك كل ده، العقل الواعي مش هيسيب حاجة منه تدخل لعقلك الباطن

والناس دي بتستهدف عقلك الباطن، عشان يترسب جواه معتقد:

اشرب "..كوكاولا".. "تفرح"

كل المظاهر والهيصة الي في الاعلان، عشان تلهي العقل الواعي عن الرسالة دي

اللي يشوفه، اشرب..و تفرح وما يشوفش كوكاولا، وما يعرفش ان في ربط ذهني بيحصل بين الشرب، والفرح..

وكوكاكولا

13 comments

  • Mohamed

    December 16, 2011 at 5:32 pm

    Wonderful…:D

  • rachid

    December 22, 2011 at 11:11 pm

    موضوع مميز مشكور اخ فيصل

  • صحراء 55

    February 18, 2012 at 10:27 pm

    السلام عليكم

    مقاله جميله اولامره اعرف هذا المعلومه مشكورررررر^_^

  • فيصل عبد ال

    March 5, 2012 at 5:07 pm

    وعليكم السلام ورحمة الله وبركاته، البرمجة اللغوية العصبية موجودة حوالينا كلنا، كنت بفكر احلل كل اعلانات المنتجات التجارية لكن هتاخد وقت كبير لا أملكه حالياً
    بالتوفيق ان شاء الله وجزاك الله خيراً على مرورك الجميل

  • فوفو

    April 9, 2012 at 11:23 pm

    ياليت من فترة لفترة استاذي تحلل كم اعلان .. مو شرط كثير

  • فيصل عبد ال

    April 10, 2012 at 8:07 pm

    بإذن الله يا فوفو، المشكلة ان الوقت ضيق والوقت اللي يسمح، بستغله في كتابة مواضيع عن قانون الجذب، لكن حاضر بإذن الله، ان شاء الله الفترة اللي جايه هولي اهتمام أكبر لتحليل الاعلانات وعلاقتها بالبرمجة اللغوية العصبية
    بالتوفيق ان شاء الله

  • safoh

    May 7, 2012 at 4:41 pm

    *مذهل انت تلفت نظرنا لكثير من الاشياء ل اصلا العقل الاعي ما بفكر فيها 

    طيب كيف انا ساخاطب العقل الباطن لنفسي اربطه ذهنيا

    بما اريد

    هل المضع صعب

    بتمنى تكون فاهمني

  • safoh

    May 7, 2012 at 4:42 pm

    *مذهل انت تلفت نظرنا لكثير من الاشياء ل اصلا العقل الاعي ما بفكر فيها 

    طيب كيف انا ساخاطب العقل الباطن لنفسي اربطه ذهنيا

    بما اريد

    هل الموضوع صعب

    بتمنى تكون فاهمني

  • فيصل عبد ال

    May 7, 2012 at 6:54 pm

    مخاطبة العقل الباطن بأكثر من طريقة وأكثر من تقنية وأكثر من علم
    الموضوع مش صعب ولا حاجة، امشي بس على الطرق اللي بكتبها وده كفاية ان شاء الله
    بالتوفيق ان شاء الله

  • baro

    February 13, 2013 at 10:40 pm

    *عالعموم انا مقاطعه ببسي وكولا بس طلعوا بيخدعونا بجد 

    🙂 جزيت خيرا

  • فيصل عبد الواحد

    February 15, 2013 at 3:47 pm

    كلها طرق برمجة لغوية عصبية موظفة لخدمة مصالحهم
    ان شاء الله تستمعي بالقراءة دائماً يا Baro
    تحياتي لك وبالتوفيق بإذن الله

  • baro

    February 16, 2013 at 12:07 am

    *جزاك الله خير

  • فيصل عبد الواحد

    February 24, 2013 at 10:53 pm

    بالتوفيق ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close