قانون الجذب

اخطاء تطبيق قانون الجذب 3

July 27, 2011 — by فيصل عبد الواحد11

main

قانون الجذب

اخطاء تطبيق قانون الجذب 3

July 27, 2011 — by فيصل عبد الواحد11

قانون الجذب
قانون الجذب

قانون الجذب

اخطاء تطبيق قانون الجذب 3

الجزء الثالث من أخطاء تطبيق قانون الجذب..

وقفنا المرة الي فاتت اننا لازم نظبط مواعيد نومنا عشان نبدأ نستفيد الاستفادة القصوى من قانون الجذب..

مخك لو مش صافي وتركيزك مش في حالته..صدقني لا هتعرف تستفيد بقانون الجذب، ولا بغير قانون الجذب..

النهاردة هتكلم عن حاجات مهمة جدا بالنسبة للأخطاء، أولهم، ما يعتبرش خطأ بمعنى خطأ..لكن هي قاعدة مرتبطة بقانون الجذب عموما..

وهي، إن قانون الجذب لا يعرف أدوات النفي..

يعني ايه ؟

يعني لو بدأت خلاص تحدد هدفك انك مش عايز تكون مديون لحد..وقعدت تتخيل وتقول "أنا ليس عندي ديون".. الي هتجذبه ليك ان شاء الله..الديون !

قانون الجذب زي ما هنعرف، ان شاء الله، في المقالات الجاية، بيتعامل مع العقل الباطن، وما بيفهمش أدوات النفي..حتى الحكاية دي مرتبطة بتقنية في البرمجة اللغوية العصبية اسمها الـ Analogue marking .. المهم مش كلامنا، اختصارا وتبسيطاً..لو كل الأخطاء الي فاتت كانت بتأخر أو بتضعف او حتى بتعدم فرصة تحقق الهدف..فالخطأ ده، مش كده وبس، لأ كمان هيجذبلك ان شاء الله، الي انت مش عايزه..الي هو في حالتنا هنا..الديون..

يعني الوقتي، ما تفكرش بصيغة "اللا"..ما تقولش أنا نفسي ما أسقطش تاني..أنا نفسي ما يكونش عليا ديون..أنا نفسي ما أكونش عاطل..

شوف عكس الكلام ده كله ايه..انا عايز انجح..أنا عايز يكون معايا فلوس كتير – وهنتكلم في الجزئية دي اكتر - ، أنا عايز اشتغل..

ركز على الجملتين اللي فاتوا دول وهقولك ليه كمان شوية..

القائمة الي عملتها بأهدافك الي اتفقنا عليها في أول مقالة..شيل منها كل الأهداف الي بالصيغة دي، وحولها للصيغة الإيجابية..

أقولك حاجة جميلة أوي..ليه الأطباء بيقولوا ان 50% - وده مثبت علميا – من نسبة شفاء أي مرض، متوقف على "الحالة النفسية" للمريض..

أي مرض.. على فكرة الكلام ده مثبت علميا وباحصائيات وأبحاث..

 

حاجة من الاتنين، يا إما مريض مش مقتنع بالإحصائية وبالتالي بيبقى معدل تعافيه من المرض بطيء..

يا إما المريض حتى الي مقتنع بالكلام ده، كل الي بيشوفه لنفسه.. إنه "معندوش" المرض ده..!!

وبالتالي..المرض هيزيد..!

هنا الصح ان الشخص يتخيل نفسه صحي تماماً..وبيمارس حياته العادية زي ماهو بيحب..انما ما يفكرش انه معندوش المرض ده..عشان كده..ان شاء الله، مش هيجذب غيره !

Morris Goodman

أو الرجل المعجزة زي ما بيقولوا..الراجل ده يا جماعة وقع من طيارة وجسمه اتكسر، ونظره راح، ومبقاش فيه حتة سليمة..

الراجل ده لما قام جري وبقى طبيعي زي الأول – اه طبيعي -، سألوه ازاي..الدكاتره كانوا بيقولوا خلاص ده هيعيش طول حياته كده..!

قال حاجة بسيطة خالص..كنت بتخيل نفسي وانا خارج من باب المستشفى عادي..في كامل صحتي، قبل ليلة الكريسماس..وأقعد مع عيلتي وافرح معاهم ونعمل الي بنعمله كل سنة..!

على فكرة الراجل ده فعلا – بفضل الله ورحمته طبعا رغم انه غير مسلم – حقق الي كان بيتخيله ده..

مش مصدق كلامي صح؟

http://www.law-of-attraction-guide.com/morris-goodman.html

تقدر تتأكد من اللينك ده،

موريس جودمان ده واحد من أبطال فيلم The secret .. الي كشف للعالم قانون الجذب – رغم تحفظي على كلمة كشف لأني مؤمن ان قانون الجذب موجود في شريعتنا الاسلامية من اكتر من 1400 سنة -.. وواحد رغم انه عادي جدا..لكن يعتبر من أقوى الناس في العالم..استخداما لقانون الجذب..

فاكر لما قلتلك ركز في الجملتين دول كويس عشان هرجع أفكرك بيهم ؟

أفكرك بيهم :

1-    ما تقولش أنا نفسي ما أسقطش تاني..أنا نفسي ما يكونش عليا ديون..أنا نفسي ما أكونش عاطل.

2-    انا عايز انجح..أنا عايز يكون معايا فلوس كتير – وهنتكلم في الجزئية دي اكتر - ، أنا عايز اشتغل..

ليه قلتلك تركز عليهم؟

عشان ده موضوع الخطأ الي بعد كدة..

انك بتتعامل مع الهدف على انه حاجة..مش رغبة، وده بيعدم تحقق الهدف..ليه ؟

لأن عقلك الباطن لما بيشوفك بتبص على الهدف على انه حاجة..، بيعتبر على طول انها في نقص..يعني نفي..يعني لا..!

يبدأ يجذبلك عكس الي انت نفسك فيه ده..

لكن العكس..لو قولت أنا عايز..انا أحب يكون عندي كذا..يبقى بتعكس الحكاية..

حتى لو انت فعلا محتاج الحاجة دي..بس برده ما تقولش محتاج، وما تفكرش فيها على انك محتاجها..

Joe Vitale

بيقول في كتابه عن قانون الجذب، وان شاء الله هيتبعتلك قريب في الـNewsletter الخاصة بالموقع، بيقول ان أهم حاجة لجذب الأهداف اليك..

انك بعد ما تتخيلها وتفرح بوجودها كإنها موجودة فعلاً..أنك تـ:

To detach yourself from it ..

يعني تفصل نفسك عنها !!

إزاي، دانتا لسه بتقول نعيش كإن الهدف موجود فعلا وافرح كإني محققه..وتقولي تفصل نفسك عنها..!

تفصل نفسك عنها يعني ما تربطش حياتك بيها، ما تبنيش حياتك عليها، تقول انا عايز كذا وكذا..بس حياتي مش متوقفة عليه..انا عايزه عشان انا بحبه..انا عايزه عشان هفرح لما يحصل ان شاء الله، أنا عايزه عشان بالهدف ده..حياتي هتكون لذيذة..!

انما ما تقولش انا عايز مرتب في الشهر (...) عشان انا مصاريفي كتير ومش قادر اعيش بأقل من كدة..!!

العقل الباطن – والحمد لله – ما بيقدرش يميز الي بتقوله حقيقة ولا ايحاء – رغم تحفظي على تطبيق المبدأ على اطلاقه -، يعني ما تخافش انك لما تقول كدة ان مش هيوصل لعقلك الباطن غير كدة..

زي ما عقلك الباطن بيجبرك تشرب السجاير عشان وصله منك اقتراح انها مفيدة ليك..رغم اقتناعك – العقلي – انها مضرة..

صدقني..برده تقدر توصله كل الإقتراحات والرسائل..بالصورة الي انت تختار توصلها بيها..بمجرد انك تقولها وتسمعها بس..

بس..أسيبك مع المقالة الطويلة دي النهاردة..وأتمنى اكون ما طولتش عليك، وأتمنى ان شاء الله تكون استفدت منها، وأشوفك المقالة الجاية في الجزء الرابع والاخير من أخطاء تطبيق قانون الجذب.

11 comments

  • صحراء 55

    March 24, 2012 at 5:49 pm

    مرحبا

    يسلموا على المقاله الله يعطيك العافيه مشكوررررررررر^_^

  • nidaa

    April 7, 2012 at 9:31 am

    راقب كلماتك لانها تتحول الي افعال يلريت تكتل لنا مقالة عن طريقة الكتابة لان الكلمات لها تاثير كبير جدا في قانون الجذب

  • nidaa

    May 21, 2012 at 7:37 am

    قوة الجذب والطاقة الايجابية
    انا لاحظت ان اكثر اخطاء قانون الجذب الي يقع فيع الكثيرين مرتبط بموضوع الطاقة، يعني واحد طاقته سلبية طول الوقت كيف يتوقع يعمل عنده قانون الجذب، وذبذباته واطئه، لان قوة الجذب يكون قوي كل ماواحد طاتقته قوية وذبذباته عالية. وهذا الشئ لاسف ليس كل الناس يستطيعوا ان يسيطروا على طاقتهم تكون قوية كل الوقت وعلى الذبذبات. لان اقل درجة من التوتر، القلق، الخوف يكفي لان يحول طاقة الجسم باكمله الى طاقة سلبية وبالتالي هذا كفيل بجذب الاحداث السلبية والناس السلبين، لانك اذا كنت في مكان وحسيت بالتوتر، او الخوف او القلق هذا يكفي بان تسحب كل القلق والتوتر والخوف الموجود لدى الحاضرين في ذلك المكان وفقط تصور نفسك كم من لطاقة السلبية تسحبه لنفسك. لهذا الكثيرين يشعرون بالاغماء اذا اصابهم اقل حالة خوف او توتر عند وجودهم بين مجموعة او مكان مزدحم، وافضل طريقة للحفاظ على طاقة جسم قوية وذبذبات عالية هو التزود بالطاقة الايجابية وبالتالي يكون ذبذبات الجسم ايضا عاليه. وهذا الامر يجب ان يتم يوميا. انا شخصيا اقوم بالنقر لكي اتزود بالطاقة الايجابية والذباذبات العاليه لانه اسهل واسرع طريقة. لاعرف اذا كان لدى استاذ فيصل اي فكرة اخرى عن طريقة الحفاظ على الطاقة الايجابية والتخلص من الطاقة السلبية ان وجد في اية لحظة. لان هذا الموضوع مهم وهو الذي يؤدي الى نجاح قوة الجذب او فشله.
    التوفيق للجميع

  • دعاء ح

    September 1, 2012 at 10:31 am

    *ما اروعك دكتور ..الحمدلله اللي هداني اليك

    استفدت كتتير شكرا جزيلا

  • فيصل عبد ال

    September 1, 2012 at 1:10 pm

    اهلاً يا دعاء
    اشكرك على كلامك الجميل الطيب
    ان شاء الله اقدر افيدك دائماً بإذن الله وفضله ونعمته
    بالتوفيق الدائم لك ان شاء الله

  • baro

    February 20, 2013 at 4:16 am

    *انا عايزة اتجوز ههههه (اسم مسلسل ده ولا ايه)

    صح الصيغه اللي كتبتها صح

    جزاك الله خير

  • فيصل عبد الواحد

    February 24, 2013 at 11:03 pm

    اهلاً بك
    أريد فقط ان أنوه، أن ذلك تابع لطريقة مقاومة البارادايم
    وليس تغيير البرمجة الداخلية
    اي طريقة تفضليها ؟

  • منة الله

    April 19, 2013 at 6:41 am

    طيب حضرتك بتقول الهدف الي عايزنه يبقي رغبه مش حاجة
    طيب لو انا حاسيت ان هدفي اتحول لحاجة ليا وعايزة اتحرر منه بتقنيه الحرية النفسيه
    اقول :بالرغم اني اشعر بالحاجة الي (اسم الهدف) .. الا انتي اتقبل نفسي كثيرا واسامح نفسي كثيرا
    صح كده ؟

  • فيصل عبد الواحد

    April 21, 2013 at 12:38 am

    لا تخلطي الأمور يا منة
    هذه المقالة خاصة بمقاومة البارادايم
    لا تخلطيها بتقنيات التحرر
    تحياتي لك

  • هنادي

    May 25, 2013 at 9:59 am

    أريد فقط ان أنوه، أن ذلك تابع لطريقة مقاومة البارادايم
    وليس تغيير البرمجة الداخلية
    اي طريقة تفضليها ؟

    ماهي الطريقة اللي خاصة بمقاومة الباردايم؟؟لم افهم

  • فيصل عبد الواحد

    May 29, 2013 at 4:37 pm

    اهلاً بك يا هنادي
    اكتبي في شريط البحث أعلى اليمين
    البارادايم
    واقرأي مقالته، ستعرفي بالتفصيل بإذن الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close