قانون الجذب

!!..ازاي

October 19, 2012 — by فيصل عبد الواحد32

main

قانون الجذب

!!..ازاي

October 19, 2012 — by فيصل عبد الواحد32

المقالة دي تقدر تعتبرها فهرس

وتقدر برده تعتبرها مقدمة لقانون الجذب اذا لسه جديد

انا مش هكلمك قانون الجذب بيشتغل ازاي، احنا اتكلمنا عن الحاجات دي كتير قبل كدة

ويمكن اكتر، وضحناها في مقالة "قانون الجذب..أنا لسه جديد"، لكن النهاردة ان شاء الله

عايز اقولك، خصوصاً ان اذا كنت جديد في أمير نفسك

المقالات هتلاقيها بوجه عام حاجة من التلاتة

مقالات بتتكلم عن الورق والكتابة ومقاومة البارادايم

مقالات بتتكلم عن النسيان وفك الارتباط

مقالات بتتكلم عن التحرر وتغيير البرمجة الداخلية

المقالات الأولى، اللي هتلاقيني دايماً فيها بتكلم عن انك تكتب أحلامك، وتقرأها مرة أو مرتين في اليوم

وانك تقاوم الظروف مهما حصلك

وتفضل متمسك بهدفك

دي تتبع الطريقة الأولى لتحقيق الأهداف بقانون الجذب بإذن الله

وهي مقاومة البارادايم

طريقة عايزة صبر..وعزيمة اعجازية، لأن نسبة نجاحها 3% فقط

إذا لقيتني بتكلم عن المعايشة ل3 أيام، أو فك ارتباط

او تقنيات لنسيان الهدف

فده معناه ان المقالة دي تتبع طريقة فك الارتباط، اللي هي بتتبعها مع العقل الدافع عشان تجذب اهدافك بإذن الله

سواء بأنك تنسى الهدف

او تعمل معايشة ايجابية لضد الهدف،

يعني لو كان هدفك مثلاً 1000 جنيه، تعمل معايشة ايجابية، انك هتكون فرحان ومبسوط

اذا كان عليك دين ب1000 جنيه

ودي، أو النسيان، الاتنين تحت بند فك الارتباط

وفك الارتباط طريقة معقدة جداً وأظن انك حتى عشان تفهمها كويس هتحتاج تقرأ السطور دي مرة تانية

اما اذا لقيتني بتكلم عن تحرر

سيدونا

DNA Clearing

سيستم عمل قانون الجذب

نقر..أو أي حاجة من شانها انها تغير، أو تصفي، أو تطهر، أو تنظف السلبيات اللي جواك

أو اني بتكلم عن معايشة - بدون كتابة - كل يوم، فاعرف اني بتكلم عن الطريقة التالتة لتحقيق الأهداف بفضل الله، بقانون الجذب

الطريقة دي أفضل، وأقوى طريقة لاستخدام قانون الجذب، لأنك ببساطة بتستخدم السيستم

اللي المفروض قانون الجذب يشتغل بيه

واتكلمت عنها كتير جداً جداً

ولسه ما خلصتش 1% من التقنيات الموجودة للتحرر

التحرر ببساطة انك بتسيب الفكرة، الحدث، الموقف، الذكرى، أو الشعور اللي جواك

ناحية الحاجة اللي عايز تجذبها او تتخلص منها

وبعد كده قانون الجذب - ببعض المحفزات - بيشتغل معاك بشكل تلقائي بفضل الله

والطريقة دي نسبة نجاحها مع المتدربين ومع اللي جربوها 98%، وال2% الباقيين

ممكن ما عرفوش يطبقوها صح، ودي الميزة

ان اذا حتى فشلت في تطبيقها، مفيش نتايج عكسية

بعكس أي طريقة أو تقنية تانية

لكن اذا ربنا قدر ليك ونجحت

يبقى أكيد هتفهم الردود والتجارب "الغير معقولة" اللي المتدربين والزوار كتبوها سواء في مقالة "أنا محتاجك" أو قسم

قصص النجاح

أو اللي بيتبعتولي على الميل يومياً بفضل الله

أو اللي على صفحة أمير نفسك على الفيس

فعشان اكون وفرت لكل شخص، ولكل طبيعة، الطريقة المناسبة

بتكلم عن كل الطرق دي، زي ما في تدريب طاقة الجذب - كورس تدريب قانون الجذب، بنتكلم عن تقنيات تحرر

غير سيدونا، وتقنيات تجلي - جذب مادي - كتير جداً

عشان المتدرب أياً كانت شخصيته يختار الأنسب ليه بفضل الله

لأن ما ينفعش..تدخل مطعم

وتلاقي كل اللي عنده

صنف واحد..مش كدة؟

اتمنى ان شاء الله اني أكون أزلت اللبس ده من عندك

وأكون قدرت ان شاء الله أوصل ليك المقالات في أمير نفسك ماشية ازاي

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

32 comments

  • rony

    October 19, 2012 at 8:49 am

    صباح الخير استاذ فيصل
    دائما ببدى الصباح اني اقرأ كلماتك سبحان الله تعطيني تفائل طول اليوم
    وان شاالله اصبحت الان استخدم القانون الرباني لمصلحتي
    دمت بخير وبصحة صديقي

  • nivine

    October 19, 2012 at 8:57 am

    صباح الخير استاذ فيصل
    ياريت كل ما منصحى الصبح ونفتح الموقع نشوف مقالة جديدة او اي شي كتبتو بيدخل الفرحة لقلوبنا
    وشكرا على التوضيح بهالمقالة ..هلاء صرت اعرف منيح شو الي لازم اقراه بدون ما اتلخبط وضيع

  • Abdullah

    October 19, 2012 at 11:11 am

    *مساء الخير 

    انا بشوف كذا هو الصح  والمفروض يعرفه اي شخص عرف القانون 

    ومن ثم يبدأ يختار طريقه المناسب وبدأ يتعلم عليه ويدرسه ويعرف الايجابيات والسلبيات  والطرق الصحيحه  ويفهم اسراره ويدرس بالضبط مفاتيح التطبيق الصحيح  وهيشوف النتايج 

    ف بالضبط  ذي اهم خطوه كبدايه  خاصة للناس اللي تعلمت التطبيقات المباشرة للجذب

    وماحصلوا نتيجة او واجهوا نتايج عكسية  ويلوموا القانون ا.و يشكوا فيه وهنا عملوا اخطاء فادحه  ثم رجعوا من حيث أتو. بسبب جهلهم بالبداية الصحيحة

  • صحراء55

    October 19, 2012 at 1:02 pm

    السلام عليكم
    جمعه مباركه
    سلمت اناملك الذهبيه على هذا المقاله
    مقاله جميله مشكور^_^

  • hindo

    October 20, 2012 at 11:35 am

    دائما متألق يا أستاذ فيصل … ربنا يزيدك من علمه أكثر وأكثر

    ياريت حضرتك تكلمنا أكثر عن تقنيات التحرر …. زي سيدونا و
    DNA Clearing
    والزاي نطبقهم صح بطريقة عملية

    ربنا يخليك

  • amirnafsak

    October 22, 2012 at 2:57 am

    السلام عليكم
    صباح النور يا روني
    اشكرك على كلامك الأجمل في كل رد من سابقه
    ان شاء الله تفرحي دائماً
    تحياتي لك وبالتوفيق دائماً بإذن الله

  • amirnafsak

    October 22, 2012 at 2:58 am

    السلام عليكم ورحمة الله
    صباح النور يا نيفين
    معنى كدة انك عايزه مقالة كل يوم
    ما أظنش بصراحة ان ده ممكن في الفترة الحالية، خصوصاً ان في حاجات كتير جداً بوازن بينها
    ما بين الميل، والتدريبات، والموقع، والمنتديات التانية، والصفحة على الفيس
    غير حياتي الشخصية والسفر الدائم الفترة الحالية
    ان شاء الله اقدر افيدك وافيد كل الناس على قدر ما يقدرني ربي
    تحياتي لك وبالتوفيق ان شاء الله

  • amirnafsak

    October 22, 2012 at 2:59 am

    اهلاً يا عبد الله
    ان شاء الله سيتم جعل تلك المقالة صفحة ثابتة
    تحياتي لك وبالتوفيق بإذن الله

  • amirnafsak

    October 22, 2012 at 3:00 am

    وعليكم السلام ورحمة الله وبركاته
    اهلاً يا شذى
    نشيطة دائماً كعادتك
    اشكرك على كلامك الجميل، وان شاء الله كانت جمعة مباركة علينا جميعاً
    تحياتي لك وبالتوفيق دائماً بإذن الله

  • amirnafsak

    October 22, 2012 at 3:05 am

    اهلاً يا هند
    اشكرك على كلامك الجميل جداً
    ان شاء الله كل مرحلة بوضح تقنيات مختلفة لكل الشخصيات المختلفة
    وان شاء الله تفيدكم دائماً
    تحياتي ليكي وبالتوفيق ان شاء الله

  • hindo

    October 22, 2012 at 4:30 pm

    أستاذ فيصل …. انا عايزاك في خدمة … ومتأكدة انك مش حتردني …. انا من كم شهر فسخت خطوبتي براجل …. والراجل دة كان عاجبني أوييييييييييي اتعلقت بيه جدا …. بس بفضل ربنا اكتشفنا أنه متزوج ووالد … والحاجة دي أثرت فيا جدااااا …. عايزة اتخلص منه وأبتدي حياتي من ثاني …. عملت سيدونا … بس ماعرفتش أقول إيه ولا أعمل إيه … حاسة بحرقة في قلبي وجرح عميييييق … وعايزة فعلا أتخلص منه أعمل إيه ؟؟

  • manarmano

    October 23, 2012 at 10:54 am

    حلو ه اوى القسم ده فعلا لانو انا ف البدايه لما دخلت الموقع وقريت كل المقالات اكتشفت ف النهايه انو اللي كنت فهمته كان غلط بسبب اني افتكرت انو كل المقالات تبع بعض وكان الحوار ده بيسبب ليا حيره كبيره فعلا لكن فهمت ف النهايه خالص وكان نفسي اطلب من حضرتك انك تعمل قسم خاص بالناس الل لسه داخله جديد الموقع عشان ميحصلش ليهم اللي حصل معايا ,,,, فكره راااااااااااااااائعه استاذ فيصل جزاك الله كل خير

  • lola

    October 23, 2012 at 5:19 pm

    السلام عليكم ورحمه الله
    اشكرك جدا يا استاذ فيصل علي المعلومات الجميله اللي دايما بتفيدنا بيها
    وانا عندي سؤال بعد اذنك
    هل يوجد طريقه اخري للتحرر من المشكله او الماشاعر السلبيه غير سيدونا
    لاني حاسه اني بتعذب بطريقه سيدونا بستغرق في الترحيب والاحساس بالمشكله وبعد كل ده مابقدرش اتحرر منها؟

  • lola

    October 24, 2012 at 5:11 am

    ومعلش عندي سؤال ثاتي
    هل كل النااس المشاهير والناجحين في العالم
    استخدمو طريقه مقاومه البارادايم
    بم ان الناس دول ماكانوش سمعو اصلا عن قانون الجذب
    حتي لو كانو سمعو عنه
    كان هيبقي مجرد الحاجات البسيطه انه يركز علي هدفه ويحس كأنه محققه والكلام البسيط ده
    وماكانوش سمعو حاججه عن التقنيات اللي حضرتك بتقولها
    وياريت حضرتك ماتفهمش سؤالي غلط
    هو مجرد سؤال بيخطر علي بالي كتير

  • amirnafsak

    October 24, 2012 at 11:11 am

    هل قرأتي سيدونا يا هند ؟

  • amirnafsak

    October 24, 2012 at 11:12 am

    اهلاً يا منار
    بالفعل، عشان يساعد الزوار الجدد بإذن الله
    تحياتي ليكي على ردك الجميل وأمنياتي ليكي بالتوفيق ان شاء الله

  • amirnafsak

    October 24, 2012 at 11:12 am

    وعليكم السلام ورحمة الله وبركاته
    اهلاً يا ليلى
    بالفعل يوجد طرق عديدة
    ولكن سيدونا من أقواهم وأفضلهم بإذن الله
    وعلى العكس تماماً، سيدونا نظراً لبساطتها الشديدة
    الناس تعتقد انها \”يجب\” أن تكون صعبة

  • amirnafsak

    October 24, 2012 at 11:13 am

    هناك من استخدم مقاومة البارادايم
    وهناك من استخدم الطريقة الثالثة دون ان يشعر
    منهم جيم كاري وأوبرا وينفري
    والتقنيات ليست اختراع، ولكنها اكتشاف لشيء وقدرات موجودة بالفعل، كنا نستخدمها بدون علم
    تحياتي لك وبالتوفيق ان شاء الله

  • hindo83

    October 24, 2012 at 12:10 pm

    قرأتها وطبقتها على حاجات ثانية ونفعت معايا جدااا وحسيت بعديها بتحرر رهيب … وجربتها على الموضوع دة بس مش قادرة أنساه بيرجعلي الإحساس والشعور من ثاني

  • amirnafsak

    October 24, 2012 at 12:28 pm

    اذاً جربي الترحيب فقط لمدة 3 أيام

  • hindo

    October 30, 2012 at 12:22 am

    *مرحبا أستاذ فيصل …. أنا عملت كل لي حضرتك قلته ليا … ورحبت بالموضوع ل3 أيام بكيت فيهم واكتأبت فيهم بششدة … بعديها كتبت كل لي حسيته ولي قاهرني في ورقة …. وحرقتها وأنا ببص عليها  … بعديها كتبت عكسها …. وأبششرك ولله الحمد … حاسة روحي فعلا تحررت من لي كنت حاسة فيه … وهديت أكثر وأكثر … ربنا يخليك يا أخ فيصل …. وأنا دلوقتي مستعدة أجدب الموبايل إلي حتساعدني عليه 🙂

  • amirnafsak

    October 31, 2012 at 8:33 pm

    جميل يا هند
    ولكن هل أنتي أحد الخمس أشخاص على الفيس بوك الذين تم اختيارهم ؟

  • hindo

    November 3, 2012 at 12:54 pm

    أيوة أنا واحدة منهم يا أخ فيصل

  • amirnafsak

    November 5, 2012 at 1:30 pm

    ما أظنش يا هند، المسابقة كانت على الفيس بوك، وتم اختيار الخمسة بالفعل وانا اعرفهم اسم اسم، وانتي مش فيهم
    مرة مقبلة بإذن الله

  • hindo

    November 7, 2012 at 3:55 pm

    لأ يا أستاذ فيصل أنا كنت من الخمسة إلي تم اختيارهم في الفيس وإسمي هناك "هند مرشد" .. بس للأسف ما قدرتش أتواصل معاك في الأيام إلي فاتت على السكايب … كانت عندي ظروف خاصة جدااااااا …. الخير فيما اختاره الله

  • amirnafsak

    November 12, 2012 at 11:39 am

    لا مشكلة يا هند
    الخيرة فيما اختاره الله
    اي استفسار لا تترددي في ارساله
    تحياتي لك
    وبالتوفيق بإذن الله

  • نانا

    December 6, 2012 at 10:21 am

    استاذي العزيز
    عاوزه اكلمك عن تجربه عشان اعرف انا من اي نوع
    انا من3سنوات  كنت بجمع فلوس عشان اشتري عربيه
    وعمر الفلوس ما كانت مشكله عندي بس اتبعت الطريقه دي عشان ما آخدش قرض من البنك وعشان عاوزه اعتمد على نفسي من غير مساعدة حد في تحقيق اول حلم ليه بعد ما اشتغلت …المهم بعد ماحوشت المبلغ
    الي بيجيبلي العربيه الي عاوزاها  كانت بتحصل حاجات بتاخر موضوع شرائها
    احيانا بعد ماالاقي العربيه يطلع تمنها اكتر من الفلوس الي معايا
    واحيانا ما الاقيش طلبي اواخواني الي بيدورولي احيانا بيأجلوا الموضوع ومرات ترتفع اسعار العربيه ديه ويزيد الطلب
    عليها فبيرتفع سعرها اوي المهم مرت سنه على الظروف  دي والفلوس معايا ومافيش ما يمنع اني اشتريها
    لحد ما جي وقت فكرت اني احط الفلوس دي واشغلها في حاجه تانيه ولما بدأت افكر بجديه بالخيار التاني وخلاص اقتنعت فيه وقربت اقرر دخلت مره عالنت وكنت زهقانه فقعدت اتفرج على اسعار العربيات للعلم فقط
    لاني خلاص اقتربت من القرار اني عايزه اشغل الفلوس دي المهم بالصدفه لقيت العربيه  بالمواصفات الي عاوزاها واتصلت مع البائع وكانت بتزيد بالسعر شويه لكن البائع قال لي انه حيقصد باقي الفلوس عليه اتصلت باخي ليذهب لفحص العربيه.. فحصها طلع مش كويس وهوه راجع من الطريق مرق من عند مكتب عربيات وشاف عربيه بالمواصفات الي انا عاوزاها وعلى قد فلوسي بالزبط قلتله افحصها وطلع فحصها تمام واتفق مع البائع واشتريت العربيه وما شفتهاش الا عند التنازل .رغم اني في السابق كنت بدقق كتير اني اشوفها واعاينها بنفسي لانها كانت حلم مهم ليه لكن المره دي كنت عاوزه اشتري واخلص من الموضوع  يعني عايزه اشتري وخلاص وماكنشي في جواتي مشاعر فرحه قويه زي ماكنت بحس زمان وانا بدور على عربيه…اى فرحت اني حشتري عربيه بس مش زي الفرحه لما كنت بدور زمان
    انا آسفه يادكتور طولت عليك بس انا عاوزه اعرف انا من اي نوع في الجذب
    ربنا يسعدك ويوفقك ويجزيك الخير على جهودك الي بتبذلها معانا

  • amirnafsak

    December 6, 2012 at 7:06 pm

    نفس المشكلة اللي سيدونا بتعالجها بفضل الله وحده
    لما بتكوني عندك رغبة في حاجة
    دايماً بتتعلقي بيها
    وده اللي بيخليها تبعد عنك
    اول ما تنسيها
    او تفقدي الامل فيها
    تبدأ تقرب منك
    لزوال ذلك الشعور بالتعلق
    سيدونا بفضل الله وحده تقدري تستخدميها لكل اهدافك
    تحياتي ليكي وبالتوفيق بإذن الله

  • نانا

    December 8, 2012 at 7:09 am

    متشكره اوي اوي يا دكتور ربنا يسعدك ويوفقك    والله الكلمات تعجزعن وصفك   انت انسان رائع  ربنا يزيدك من علمه ويديك كل ماتتمنى

  • amirnafsak

    December 9, 2012 at 6:14 pm

    اشكرك على كلامك الجميل
    ودعاءك الأجمل يا نانا
    ان شاء الله تستفيدي دائماً
    تحياتي الخاصة لك، وأمنياتي بالتوفيق والنجاح دائماً ان شاء الله

  • عبيرالورد

    January 23, 2013 at 6:03 am

    ياريتك حطيت تحت (يختار الانسب ليه)بين قوسين ..لان للاسف اغلبنا وانا وحده منهم طبقت كل التمارين مع بعض وماكنتش عارفه ان لازم اختار اللي يناسبني..زي الدكتور لما يوصف لمريضين بنفس المرض علاجين مختلفين وفقا لدرجة كل واحد الصحيه..بعد مده عرفت ان سيدونا انسب حاجه ليا فعلا وخفيفه وجميله ..لازم الكل يعرف ان مش كل التمارين تنفع معاه اذا كان مبتدأ..صحح كلامي اذا كان غلط

  • amirnafsak

    January 25, 2013 at 1:11 pm

    وكذلك أنا قلت ان سيدونا الأنسب أكثر من مرة
    أليس كذلك ؟

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close