قانون الجذب

! الحل

June 22, 2012 — by فيصل عبد الواحد58

main

قانون الجذب

! الحل

June 22, 2012 — by فيصل عبد الواحد58

قانون الجذب
قانون الجذب

اخترت؟

بدل ما أسيبك 7 ثواني سيبتك أكتر من 7 أيام

فكرت كويس ؟

المقالة النهاردة مش هتبقى طويلة أوي

لأني مش هقعد ألف وأدور عشان أقولك السر

أو الحل

لكن قبل ما أقولهولك عايز أقولك سر قانون الجذب

وده غير السر اللي هقولهولك النهاردة

سر قانون الجذب يتعلق بسيستم عمل قانون الجذب

كل حاجة في الكون ماشية بنظام

مفيش حاجة بتمشي عشوائي

افتكر واحد مرة قال، حتى الفوضى لها نظام

Even Chaos has an order

الناس بتبدأ دايماً في قانون الجذب بتحديد الأهداف ومحاولة تحقيقها باستخدامه

وده أول غلطة، ولو حاجة ابتدت غلط استحالة تكمل

انا شخصياً بدأت بحسبي الله ونعم الوكيل

وأرشدني ربنا الكريم لمعرفة سيستم قانون الجذب اللي بيشتغل بيه

حتى قانون الجذب، له نظام

كلمة السر في قانون الجذب، وبكرر ده مش الحل اللي هقولهولك في آخر المقالة

هي

CLEASING

كلمة انا مزجتها من

Clearing

و

Releasing

عمرك جربت تعمل عصير؟

أنا آسف، عارف ان السؤال غريب، بس فعلاً جربت تعمل عصير أي حاجة ؟ ؟

أو شوفت حد بيعمل عصير

لما بيصفي العصير، ويستخدم المصفاة

بيبقى في شوائب في المصفاة دي

لدرجة انها ممكن تمنع مرور العصير

أو الماء بوجه عام

نفس الحكاية انت، لكن انت عندك شوائب كتير جداً جداً، لأن عقلك الباطن بيسجل كل حاجة كنت بتشوفها او تسمعها او تحس بيها

بداية من يوم ولادتك

وفي ناس بتقول حتى قبل الولادة، وانت في بطن الأم، عشان كده بينصحوا الأب انه يتكلم مع ابنه وهو لسه جنين

المهم..انت بتخزن كل ده

عقلك الباطن ما بيحكمش صح او غلط

بيحكم ان دي برمجة وهي اللي تتخزن وهي اللي تتنفذ وقت الحاجة

المهم انك مثلاً لو كنت 20 سنة، فأنت بقالك حوالي

7300 يوم

بتخزن، مش بس كدة، بره في أمريكا 90% من الناس بيفكروا تفكير سلبي

بره..في أمريكا

اللي مستوى معيشتهم مرتفع عنا بمراحل

ما بالك هنا؟ المنطقة اللي فيها كراهية وحروب واحتلال واستغلال وعمالة الأطفال وانتهاك لحقوق المراة والبطالة و و و

المهم انك كنت بتخزن كل ده

يبقى ما تتعجبش انك لما تحاول تعدي أي حاجة من المصفاة دي

تعدي

ممكن مع التكرار تعدي حاجة بسيطة جداً، وبعد وقت كبير

وعشان كده ساعات بناخد اوقات كبيرة جداً على ما نشوف نتيجة لاستخدام قانون الجذب، وبتكون يا إما نتيجة بسيطة جداً

يا إما نتيجة عكسية، لوثها البارادايم بتاعنا

الصح انك تبدأ تصفي وتنضف الشوائب دي

في حاجات كتير منها حرق المعتقدات، وفي حاجات تانية متقدمة اكتر وفعالة اكتر جداً

لكن حرق المعتقدات طريقة بسيطة انصحك بالاستمرار عليها

وبعدين تبدا تشتغل على هدفك

الحل..أو الطريقة التالتة اللي كنت بكلمك عليها

واللي عشانها قلتلك تختار امنيتك او هدفك

الحقيقة..ان 99% من الناس بيجاوبوا السؤال ده غلط

لو كانت اجابتك حاجة خارجية

فلوس مثلاً او نجاح في شغل أو دراسة أو زواج

فإجابتك غلط

عشان افسرلك الكلام ده محتاج مواضيع كتيرة

ممكن المقالة الجاية ابدأ في التفسير

لكن لو بتثق فيا صدقني، لو فضلت تجري ورا هدفك الخارجي

هتحط على نفسك ضغط

وكل ما الوقت يقرب وما تحققوش هتتعب

وهتقاوم البارادايم والبارادايم بيقاومك

وفي الآخر نسبة نجاحك 3% بس

لكن زي ما قلتلك لو بتثق فيا، جرب الحل التالت

الحل التالت، بيبدأ من جوا

ما تستهونش بالكلمة دي، كتير كنت بقرأ كلمة

الثراء يبدأ من الداخل

وبقول اه جميل كويس، انا عارف، لكن ما بفكرش في الكلمة

لكن لما فكرت فيها وجربتها

وركزت على الداخل

لازم الخارج ييجي

لأن الحكاية صدقني مش زي ما انتا متخيل، الخارج يتحقق وبعدين الداخل يتحقق، يعني الهدف يتحقق وبعدين السعادة

بالعكس

وعدتك اني هفسرلك ده لكن مش النهارده

عايزك تبدأ تشوف انت عايز هدفك الخارجي ده ليه

عايز عربية عشان اروح بيها الشغل

عشان ارتاح

يبقى الراحة

واشتغل على الراحة، وصدقني العربية هتيجي

عايز العربية عشان اترسم بيها قدام الناس

يعني الواجهة الاجتماعية

يعني الشعور بقيمة النفس

اشتغل على قيمة النفس وحب نفسك وشوفها عظيمة فعلاً، وصدقني والله العربية هتيجي

وقس ذلك على أي حاجة تانية

ما تستهونش بالكلام ده وتقول اه مانا عارف انا قريته قبل كده

كل كلمة بتيجي من مجموعة تجارب وأسرار وتعب، فكر فيها واعقلها كويس

وان شاء الله هقربلك الفكرة في مقالات مقبلة

بعتذر اني خلفت وعدي معاك

! المقالة طلعت أطول مما كنت اتصور

بالتوفيق ليك ان شاء الله

58 comments

  • ameera

    June 22, 2012 at 2:54 pm

    اوكي جميل بس في بالي سؤال هاقرا المقالة مرة ثانية و اسئلك

  • ameera

    June 22, 2012 at 2:56 pm

    اولا ليش التركيز على الحاجة الداخلية اهم من الخارجية؟ السبب؟

  • ameera

    June 22, 2012 at 2:59 pm

    طيب انا اريد حاجة السبب : المظهر الخارجي ..يعني رضا نفسي و زوجي و الناس عن المظهر الخارجي ؟ ايش الطريقة الاصح اعملها يعني اشتغل على ايه؟

  • ameera

    June 22, 2012 at 3:01 pm

    اسفة لكثرة الاسئلة لكن ممكن ان الهدف دة يتحقق و الحاجة الخارجية ما تجي؟ يعني يتحقق الهدف بوسيلة اخرى غير اللي في بالي؟

     

  • norjan

    June 22, 2012 at 4:13 pm

    مقالة رائعة وتسلم ايديك ودي المقالة الي بنقول عليها (لب الموضوع)
    يعني تقدر تقول المغزى من الموضوع
    فعلا استاذ فيصل عقلنا الباطن مليان اعتقادات وسلبيات و و و
    وعيزين نحصل على كل شي طيب وايجابي طبعا مستحيل نجذب الخير واحنا عايشين بخوف وشك وعدم الثقة بلله
    ونقدر نخلي عنوان تاني للمقالة دي وهي الاية الكريمة (ان الله لا يغير ما بقوم حتى يغيروا ما بانفسهم))
    وشكرا  لجهودك جعل الله في ميزان حسناتك

  • صحراء 55

    June 22, 2012 at 6:27 pm

    السلام عليكم

    بصراحه المقاله رائعه ومشوقه جدا

    انا هدفى الراحه <img src="/DOCUME%7E1/Amer/LOCALS%7E1/Temp/moz-screenshot-2.jpg" alt="">طيب كيف اشتغل على هذا الهدف <img src="/DOCUME%7E1/Amer/LOCALS%7E1/Temp/moz-screenshot-3.jpg" alt="">

    <img src="/DOCUME%7E1/Amer/LOCALS%7E1/Temp/moz-screenshot-1.jpg" alt=""><img src="/DOCUME%7E1/Amer/LOCALS%7E1/Temp/moz-screenshot.jpg" alt="">

  • saida

    June 22, 2012 at 10:34 pm

    *انت تقصد  بكلامك انه نشتغل على الطاقة و بعدين تيجي المادة صح ؟ يعني مثلا السعادة طاقة اشتغل عليها و بعدين تيجي كل الحاجات المادية اللي بتشعرني بالسعادة مثلا انجاب طفل أو ثراء ……. صح كده

  • ra7ooma

    June 23, 2012 at 6:12 am

    شكرا استاذ فيصل جاري التطبيق

  • ra7ooma

    June 23, 2012 at 6:13 am

    شكرا استاذ

  • nidaa

    June 23, 2012 at 9:43 am

    مقالة رائعة اتفق معاك كليا وااحب اشارك ببعض المعرفة التي توصلت اليه من خلا معرفتي بهذا القنون وتجربته وتحقيق بعض الاهداف
    الي فهمته والي قريته عن قانون الجذب ان اول شئ لازم واحد يفهم نفسه الاول ويعرف الشئ الي يريده والسبب، يعني يرسم شجرة ويكتب الاهداف الي هو يريد تحقيقها ثم يكتب مقابل كل هدف الغاية او السبب ثم يحلل الهدف، اي بمعنى اخر يقوم بتحليل الاهداف ومعرفة الذات لانه ليس من الصعب ان نعرف ماذا يوجد في داخلنا، مثلا اذا كان الهدف هو تخفيف الوزن، السبب هل هو رضاء النفس او رضاء الاخرين او اسباب اخرى، ثم يشتغل على هذه الاسباب، كل سبب لوحده، مثلا اذا كان لارضاء النفس يجب اولا العمل على حب وتقدير النفس لان مجرد اللانسان يحب ويقدر نفسه يحصل له المعجزات، اما اذا كان في سبب اخر يجب معرفته والعمل على ازالته بالكامل اما بطريقة كتابة الهدف او التخيل او استخدام حرية التقنية النفسية، اي اولا ازالة كل اللاسباب والعقبات والمخاوف من الداخل، ثم الاستعداد والانفتاح الكامل اي ان يكون الشخص مستعدا ومنفتحا تماما لاستقبال هدفه او تحقيق تغير الي يهدف اليه في حياته.
    هذا ماتوصلت لمعرفته وتجربته وحصلت على نتائج ايجابيه منه
    اتمنى تكون الفكرة واضحة

  • nidaa

    June 23, 2012 at 9:46 am

    شئ مهم اخر التغير يبدا من الداخل، اي غير مفاهيمك وغير عاداتك وطريقة تفكيرك حتى يصبح عملية الجذب عندك ممكنة وقابل للتحقيق مهما كان الهدف

  • Anonymous

    June 23, 2012 at 11:54 am

    السلام عليكم

    ازيك استاذ فيصل

    شكرا ع المقالة الاكثر من رائعة اتفق معك ف كل حرف

    سؤالين

    1- ازاي يعني بدأت بحسبنا الله ونعم الوكيل

    2- حرق المعتقدات طريقة فعالة بس ممكن تفسرلنا ايه هي الطرق الي تعرفها فعالة اكتر واسرع

    بالمناسبة انا لما ببقى عوزة حاجة بدعي ربنا بالدعاء الي قال عليه الشيخ المغامسي ما دعى به احد الا وأستجاب له 

    حسبنا الله سيؤتينا الله من فضله إنا إلى الله راغبون

    الاية دي  نقولها وبعدها ندعي بالي احنا عوزينو

    يترى حضرتك قصدك كده بكلمة بدأت بحسبنا الله ونعم الوكيل

    نرجو التوضيح

    وجزاك الله خيرا 

    تحياتي صانعة الأحلام 

  • lola

    June 23, 2012 at 7:35 pm

    مقاله جميله جدا

    فعلا الثراء يبدأ من الداخل 

    انا مؤمنه جدا بالمقوله دي

    منتظره المقالات القادمه

  • lola

    June 23, 2012 at 7:36 pm

    *

  • Anonymous

    June 24, 2012 at 5:35 pm

    سلاااام استاذ فيصل.. المقالة بتجنن وانشاء الله ههحاول افكر بالطريقة دي ..والمقولة دي حلوة الثراء يبدأ من الداخل..ورح افكر بهدفي بالطريقة الي قولتها..شكررررا كتير الك ربنا يخليك..

  • فيصل عبد ال

    June 25, 2012 at 2:37 pm

    كنت أرى تأجيل الإجابة للمقالة المقبلة، لكن
    الحدث الي بيحصل بره في الدنيا المحيطة بينا
    مش مرتبط بيه مشاعر، مش مرتبط بيه احاسيس
    نفس التجربة اللي ممكن تحمل كل الفشل والاحباط واليأس لشخص
    ممكن شخص معاه في نفس اللحظه وبنفس خبراته وتجاربه، تكون بالنسبة له باب لحاجة جديدة
    دايماً، ان مع العسر يسر، لكن الآية دي ليها بعد تاني غير اللي احنا فاهمينه
    غير ان التغيير بيبدأ من الداخل للخارج يا أميرة، لو اللي في الداخل اتغير لازم الخارج يتغير
    ممكن يكون الكلام مش مفهوم، لكن هتفهميه قريب بالتفصيل ان شاء الله
    بالتوفيق ليكي ان شاء الله

  • فيصل عبد ال

    June 25, 2012 at 2:38 pm

    بغض النظر عن أي هدف
    شوفي انتي عايزه هدفك ليه
    وامشي معاه بالترتيب
    لغاية ما تشوفي السبب النهائي ايه
    وبعدين اشتغلي على السبب النهائي "الداخلي" ده
    بالتوفيق ان شاء الله

  • فيصل عبد ال

    June 25, 2012 at 2:38 pm

    استحاله
    وبرده هشرح قريب ليه ان شاء الله
    بالتوفيق ان شاء الله

  • فيصل عبد ال

    June 25, 2012 at 2:39 pm

    في معنى خفي للمقالة يا نورجان
    ما اعتقدش ان حد لسه توصل اليه
    صدقيني ده مش مجرد كلام
    لو جربتي تشتغلي يوم واحد بس على النتيجة الداخلية
    هتشوفي معجزات في النتيجة الخارجية
    شكراً لردك وبالتوفيق ان شاء الله

  • فيصل عبد ال

    June 25, 2012 at 2:39 pm

    وعليكم السلام ورحمة الله وبركاته
    شكراً على كلامك الجميل يا شذى، ابدأي اعملي الخطوات العادية للجذب، لكن على الراحة
    وهتشوفي النتيجة خلال أيام ان شاء الله

  • فيصل عبد ال

    June 25, 2012 at 2:41 pm

    بوجه عام كل شيء طاقة، لكن المعنى الخفي اللي كنت هفسره المقالة الجاية
    ان لما التردد الداخلي بيزيد، وبيزيد فعلاً ويستمر، وشيلنا الشوائب والمعوقات الداخلية دي
    لازم ينجذب ليه المشابه الخارجي
    وهو ده قانون "الجذب"، انك تخلي الجذب يشتغل لواحده كنتيجة تلقائية
    بالتوفيق ان شاء الله

  • فيصل عبد ال

    June 25, 2012 at 2:41 pm

    شكراً لكي ra7ooma
    بالتوفيق ان شاء الله

  • فيصل عبد ال

    June 25, 2012 at 2:42 pm

    شكراً على كلامك وتعقيبك الجميل يا ندا
    لكن مش هو ده بس اللي قصدته
    زي ما قولت ل
    saida
    لكن كنت احب اسيبه للمقاله الجاية :
    بوجه عام كل شيء طاقة، لكن المعنى الخفي اللي كنت هفسره المقالة الجاية
    ان لما التردد الداخلي بيزيد، وبيزيد فعلاً ويستمر، وشيلنا الشوائب والمعوقات الداخلية دي
    لازم ينجذب ليه المشابه الخارجي
    وهو ده قانون “الجذب”، انك تخلي الجذب يشتغل لواحده كنتيجة تلقائية

  • فيصل عبد ال

    June 25, 2012 at 2:45 pm

    وعليكم السلام ورحمة الله وبركاته
    حسبي الله ونعم الوكيل الناس كلها فاهماها مجرد "حسبنه" في وجه الظالم
    لكن لو قلناها وفهمنا اللي فيها
    ليها مفعول المعجزات وانا شخصياً جربت ده بنفسي
    ربنا أرشدني بعد المداومة عليها بيقين وتفكر للي انا اعرفه الوقتي عن قانون الجذب
    واللي بستخدمه – بعد حسبي الله ونعم الوكيل برده – لحد الوقتي بعد فضل ربنا أولاً وأخيراً
    لجذب أهدافي بفضل الله وحمده ومنته
    بالنسبة للطرق التانية في طريق كتير لكن مجرد الكلام عنها ما ينفعش
    لازم تجارب عملية، الناس اللي حضرت معايا الكورس جربوا طريقتين عمليين وبفضل الله بيستخدموهم لحد الوقتي
    لكن حرق المعتقدات فعالة جداً، مش معنى كده انها ضعيفة
    بالتوفيق ان شاء الله

  • فيصل عبد ال

    June 25, 2012 at 2:45 pm

    بالظبط يا لولا
    لكن وراء كل كلمة معنى خفي
    ان شاء الله هفسر الكلام ده قريب
    شكراً على كلامك الجميل
    بالتوفيق ان شاء الله

  • فيصل عبد ال

    June 25, 2012 at 2:46 pm

    شكراً على كلامك الجميل يا نانسي
    ان شاء الله نسمع منك اخبار حلوة قريب
    بالتوفيق ان شاء الله

  • ameera

    June 25, 2012 at 3:05 pm

    شكرا على الاجوبة  المفيدة بانتظار المقالة القادمة  ان شاء الله

       مستنية على نار لاني فضولية جدا هههه

  • saida

    June 26, 2012 at 12:45 pm

    *وصلنا لمربط  الفرس ازاي يا أستاذنا نشتغل علي التردد الداخلي و نخليه يزيد عشان منتعبش في جذب أي حاجة عوزنها و نخلي قانون الجذب يشتغل لوحده لصالحنا ؟؟؟ وشكرا ليك بالتوفيق ان شاء الله

  • نورا راشد

    June 26, 2012 at 1:45 pm

    *السلام عليكم استاذ فيصل اليست السعاده هي الهدف الداخلي لكل شي انا قريت كذا في كتا ب السر ايش رايك

  • Abdullah

    June 26, 2012 at 3:17 pm

    *أحلى تحية لحبيبنا الاستاذ فيصل

    عن نفسي لابد من اعادة ترتيب أوراقي بتأني وهدوء

    ما اخفي عليكم ان الفترة اللي فاتت وقفت كل طرق الجذب

    عدا التحرر من الطاقة السلبية  النقر . والدعاء

    لانه لابد من اليقين بأن كل خطوة نعملها تكون بوقتها وطريقتها صح

    خصوصا لو علمنا ان البارادايم بيكون عائق لجذب الاشياء المهمة 

    او التي لاتحتمل تأخير الوصول للهدف 

    وعن نفسي دائماً اسمع ان الاحداث اللي  بتفكر فيها بتنجذب  ليك 

    ولازم تنتبه لافكارك. وهو اصلا الجذب يعيقه البارادايم فكيف نجذب باللي نفكر فيه

    وهل توافقني انه لابد قبل ماتبدأ بالجذب انك تكون عارفه بعمق

    وتفاصيله ويكون بكورس كامل 

    وافضل انه يكون لك موقع اشتراك صوتي خاص للكورسات وعربي غير محدد بالوقت اي مفتوح 

  • nidaa

    June 26, 2012 at 6:43 pm

    انا معالك استاذ فيصل
    بس سؤال كيف نحافظ على ترددات الجسم عالية لان قوة الجذب يعتمد درجة كبيرة على ترددات الجسم (العالي يجذب العالي والواطئ يجذب الواطئ) اي كل  ما كانت ترددات الجسم عالية والي يتمثل المشاعر الايجابية من السعادة والفرح والرضا عن النفس اي بمعنى اخر (الابتسامة الداخلية) لو الانسان قدر يحافظ على هذا الشئ، راح يضمن  قوة جذب 100% ، اما اذا كانت الترددات واطئة من (مشاعر سلبية وحزن واحباط………) يكون الجذب الاشياء السلبية فقط . انا شخصيا لاحظت اشخاص قوة الجذب عندهم قوية ولما راجعت الموضوع وبحث فيه وراقبت طريقة افكارهم ونفسيتهم توصلت الى شئ  واحد فقط مشترك بينهم وهو المشاعر الايجابية في كل الظروف والاوقات. هذا الموضوع يبدو صعبا وليس بمقدرو الكل المحافظة على مشاعر ايجابية في كل الظروف، الا بطريقة واحدة وهي فتح مسارات الطاقة في الجسم يوميا اما عن طريق جلسات تامل يوميا حتى ولو لدقائق، يوغا او حرية التقنية النفسية او تقنية جديدة (حرية التحرر بسرعة) او حرق معتقدات، اي طريقة يكون فعليتها اسرع و اقوى عند التجربة. ، حتى نحافظ على ذبذبات عالية بالتالي يصبح قوة الجذب لدينا قوية. لانه بوجود مشاعر سلبية يصبح عملية الجذب لاشياء االسلبية فقط.

  • Anonymous

    June 26, 2012 at 9:19 pm

    السلام عليكم

    ايوه فعلا انا معاك جدا ف انها مش مجرد حسبنة ف وجه الظالم 

    انا لما حد بيرفضلي طلب بجد والله بقول من كل قلبي ربي انت حسبي ونعم من وكلته امري وبعد اقول حسبنا الله ونعم الوكيل كتير وسبحان الله بتتحقق الحاجة ف كل مرة بدعي فيها بيقين حط تحت يقين مليون الف خط

    واقرب مثال لما كنت عايزة اجي القاهرة وبابا ف الاول رفض اعدت اقولها كتير جدا والله لقيت بابا بيتصل بيا ويقولي انتي عوزة حاجة قلتلو نفس الطلب الي كان رافضو لقيتو بيقولي هبعتلك الفلوس بكره 

    سبحان الله انا فعلا بلاحظ الحكايه دي وكمان لما بدعي بالاية المذكورة سلفا حسبنا الله سيؤتينا الله من فضله انا الى ربنا راغبون

    شكرا ليك استاذنا الفاضل بارك الله فيك بالنسة لحرق المعتقدات 

    هبقى ابعت لحضرتك مشكلتي فيها بعدين 

    بشكرك جدا على المقالة الجميلة ومستنين التفسير بفارغ الصبر 

    تحياتي صانعة الاحلام

  • Anonymous

    June 26, 2012 at 9:20 pm

    معذرة في خطأ ف الاية هي الى الله راغبون مش الى ربنا 

    وشكرا جدا

  • فيصل عبد ال

    June 27, 2012 at 7:01 pm

    تم وضع المقالة
    بالتوفيق ان شاء الله

  • فيصل عبد ال

    June 27, 2012 at 7:01 pm

    في المقالة المقبلة ان شاء الله
    بالتوفيق بإذن الله

  • فيصل عبد ال

    June 27, 2012 at 7:02 pm

    لأ مش دايماً
    السعادة طاقة ومشاعر زيها زي حاجات كتير
    الحب
    الزهو
    الفخر
    الراحة
    السلام
    في حاجات كتير ممكن تكون هي الهدف الداخلي
    بالتوفيق ان شاء الله

  • فيصل عبد ال

    June 27, 2012 at 7:05 pm

    اهلاً يا عبد الله ازيك
    شكراً على كلامك الجميل
    وطبعاً لازم الشخص يكون ملم بكل اللي يفيده في قانون الجذب قبل استخدامه
    وهو على الأقل 30-50% من كل نقطة أو موضوع من مواضيعه
    بالنسبة للموقع الخاص بالكورسات، انا بالفعل بدرب كورس تدريب قانون الجذب المكثف
    خمس أيام تدريبية وبفضل الله المتدربين بيشوفوا نتايج جميلة جداً
    كنت فكرت قبل كده اسجله ويتم بيعه بشكل اوتوماتيكي، لكن فضلت انه يكون لايف ويتم العمل مع المتدربين بشكل فردي وحي
    لكن هو مسجل وجاهز للوضع والبيع في لحظات، هفكر في الحكاية وان شاء الله ممكن أرفعه
    قريب بإذن الله، وأكيد مش هيبقى بنفس سعر الكورس التدريبي الحي
    بالتوفيق ليك ان شاء الله

  • فيصل عبد ال

    June 27, 2012 at 7:07 pm

    المقالة المقبلة يا ندا ان شاء الله
    وبالنسبة لليوغا ابعدي عنها تماماً
    لأن بعد البحث والتنقيب فيها اكتشفت انها ما هي الا عبادة الشمس على حوالي 13 أو 15 موضع
    مش فاكر الرقم بالظبط
    لكن هي عبادة للشمس وخلاص
    والعياذ بالله
    شكراً على ردك وبالتوفيق ان شاء الله

  • فيصل عبد ال

    June 27, 2012 at 7:09 pm

    وعليكم السلام ورحمة الله وبركاته
    بالفعل يا صانعة، انا ان شاء الله ممكن اعمل مقالة قريب عن حسبي الله ونعم الوكيل
    وبعض الجمل والأذكار والآيات التانية
    وعلاقتهم بقانون الجذب ان شاء الله
    انا رديت على اميلاتك اظن، وبالتوفيق ليكي دائماً ان شاء الله

  • Abdullah

    June 28, 2012 at 5:40 pm

    *استاذ فيصل هو أكيد.  انا مع الدروس اللي بتكون لايف افضل 

    وأنفع ليأخذ المتلقي ويعطي معك بدقه 

    بس ياليت يكون برابط مستقل وسهل وعربي

  • ameera

    June 28, 2012 at 8:07 pm

    استاذ فيصل هو كورس الترددات نفس الرابط السابق؟

  • فيصل عبد ال

    June 30, 2012 at 6:32 pm

    لا، لسه يتم التحضير له حالياً
    سأنتهي منه قريباً ان شاء الله
    بالتوفيق لك دائماً بإذن الله

  • scarlett

    July 1, 2012 at 1:56 pm

    انا صرلي فترة غايبة عن الموقع وكتييييير اشتقتلو
    ولما رجعت اتفاجأت بهالسلسلة الرائعة من المقالات الجديدة
    مقال حلو كتيييير ورائع ومميز وبيشد وبيحمس يسلموا ايديك دكتور فيصل
    ممممم من زمان وانا مقتنعة انو في شي بقانون الجذب (تقنية مثلا او سر)
    بيخلينا نوصل لهدفنا بكبسة زر، و ما كنت اعرف شو هو !!
    اما بالنسبة للكورس اللي قلتلنا عنو كنت عم قول من فترة يا ريت يكون
    في هيك كورس ..الله يخليك دكتور لحقنا فيه بسرررررعة
    شو ناطر ..؟!!
    واذا قدرت فعلا حقق اهدافي عن طريق هالكورس بدي ادفعلك
    حقو مرة تانية بنهاية الكورس ,يعني تحلاية ،
    لان اهدافي كبيييرة وكتييييير مهمة وبدي حققها ان شاء الله مهما كلف التمن
    وفكرة انك تسجل الكورس وتبيعه فكرة رائعة جدا يا ريت تنفذها دكتور
    مشان يستفيدوا منو اكبر قدر ممكن من الناس
    بعد الكورس اللي حضرنا معك وبعد النتائج الرائعة اللي شفتها
    توصلت لنتيجة اني بمجرد اتخلص من المشاعر والمعتقدات السلبية اهدافي
    رح تنجذبلي بسهولة لوحدا بدون اي شي تاني وكل يوم عم شوف نتائج راااائعة
    على سيرة الكورس،انا طبقت التمرين باليوم الرابع على مشكلة او(معضلة)
    كتيييير مضايقتني وزاعجتني ..وكنت محتفظه بهالشعور السلبي ومو حابة
    اطلقه بسبب معتقدات خاطئة والحمد لله لما طبقت التمرين من تاني يوم
    بدأت تتصلح الامور بشكل ملفت ورااااااااااااااااااااائع…شي متل السحر
    وهلأ عم يتحقق ادامي هدف من اهم اهم اهداف حياتي وكتيييير مبسوطة
    الف الف شكر الك دكتور فيصل الله يعطيك الف عافية
    وشكرا كتييير الك عالمقال المميز قرأته من الموبايل وانا ماشية بالمول
    وما ضل شخص الا وخبطت فيه ههههه..
    ما ائدرت انتظر لكون بمكان هادي

  • ناني

    July 4, 2012 at 1:14 pm

    *السلام عليكم  دكتور فيصل                                                                                                                    انا اول مره اشترك معكم في احديث ولكن فعلا جزاكم الله كل خير                                                                      معلش ان لي سؤال     هو حضرتك مكان الكوراسات بتعتك فين  في القاهرة  وازي نوصلك انا دورت  كتير علي النت  علي عنوان او حتي تليفون   لكن للاسف لم احصل علي اي شي علما باني من سكان القاهره وعايزه احضر الكورسات  ارجو الرد

  • ناني

    July 4, 2012 at 1:15 pm

    *

  • فيصل عبد ال

    July 4, 2012 at 6:07 pm

    ضحكتيني يا لمى، ابقى خلي بالك المرة الجاية وانتي ماشية 🙂
    تقنية اليوم التالت والرابع في الكورس فعلاً شيء فعال جداً وقوي جداً
    الكورس القادم ان شاء الله هيكون عليهم بس
    لكن مش زي ما انتوا اخدتوها، لكن كمان هتبقى على كل انواع المشاكل
    وكمان على تحقيق الأهداف المعينة
    الكورس اللي بعده بقى ان شاء الله هو اللي اتكلمت عنه في مقالة الحل، اللي هيبقى على التنقية، والترددات في نفس الوقت
    المتدرب هيطبقه لمدة شهر، وان شاء الله بفضل الله وحده
    هيؤدي لكل اللي المتدربين عايزينه بفضل الله ومنته
    شكراً لكلامك الجميل و ان شاء الله اقدر افيدك دايماً
    بالتوفيق ليكي ان شاء الله

  • فيصل عبد ال

    July 4, 2012 at 6:14 pm

    كورسات قانون الجذب او جذب المال او الـ
    Clearing
    في مصر بتكون عن طريق شركة سنابل للتسويق والتدريب في القاهرة، الجيزة تحديداً
    رقم التليفون الشركة
    01005330993
    ودي بتبقى بتنظيم مسبق منهم، لكن أغلب الكورسات بتبقى اونلاين عن طريق امير نفسك هنا
    شكراً على ردك، وان شاء الله تشاركي باستمرار
    بالتوفيق ليكي ان شاء الله

  • Nano

    August 21, 2012 at 6:25 am

    دكتور فيصل

    فعلا فكرة عبداله انو تبيع الكورسات ك سيدي

    او عن طريق النت ترسلها لنا بالايميل لانو مثلا نحنا قي بلد تاني ويمكن ما يناسينا احيانا موعد الدورة بسبب الارتباطات

    فارجوك نريد ان نشتري الكورسات بالاضافة انه لي طلب خاص

    هل يمكن اجراء دورة خاصة لفرد واحد ؟

    ولو تكاليف مضاعفة

    شكرا لك كثيبرا

  • فيصل عبد ال

    August 22, 2012 at 12:40 am

    السلام عليكم ورحمة الله وبركاته
    بالفعل يا نانو ممكن جلسات خاصة ولكن بتكاليف أكثر نوعاً ما
    ان شاء الله التسجيل في الفترةالمقبلة، لأني أريد أن أقدم أفضل شيء ان شاء الله على هيئة تسجيلات
    وذلك يحتاج لاستوديوهات تسجيل وميكساج ومتخصصين
    و ذلك في مرحلة بعيدة ان شاء الله
    بالتوفيق لك ان شاء الله دائماً

  • Mony

    October 3, 2012 at 2:22 am

    السلام عليكمبقالى فترة اسمع عن قانون الجذب واخدت عنة فكرة وحساة هااااااااااااااايل مع ثقتنا بالله انة هيحققلنا كلال نتمناة

    بس انا عندى استفسارين

    اول استفسار انى تايهة شوية مش عارفة ابدا منين يعنى شايفة ماشاء الله مقالات كتيرة اوى بس مشعارفة احط نفسي على بداية الطريق  ياريت حضرتك تفيدنى ابدا منين وانا ف مرحلة الصفررررر ابدا من اى مقال بالضبط او اى مرحلة

    تانى استفسار انا فهمت اوى العقل الدافع والعقل الجاذب بس مش عارفة افرق انا عقلى اى نوع فيهم يعنى اوقات ابقى مخنوقة اوووى ووصلت لمرحلة ان حاجة معينة بتمناها وف وقت الخنقة اعيط واقول خلاااااااااص مش عاوزة حاجة وابقى متمردة وكدة وتانى يوم الاقى فى اشارات بتقولى ان ممكن الحاجة دى تحصل

    واوقات تانية اسلم امرى لربى واقول انا واثقة فيك يارب والاقى بردى بعدها حاجات كويسة بتحصل تفرحنى

    مع ان ف الحالتين مش فى حاجة بتكمل بس بحس ان ربنا معايا وسامعنى

    انا كدة عقلى يبقى جاذب ولا دافع

    واسفة للاطالة بس بجد كنت اتمنى حد بيسمعنى ويرشدنى لان حياتى متلخبطة وفى مفاهيم كتير عندى متلخبطة ونفسي حياتى تضبط معايا اعمل اية وربنا يجازى حضرتك كل خير يارب

  • فيصل عبد ال

    October 3, 2012 at 8:17 pm

    دي شكوك طبيعية يا موني
    هنتحرر منها بعدين ان شاء الله
    لكن في البداية انصحك بقراءة أول المقالات
    زي مقدمة في قانون الجذب
    اخطاء قانون الجذب
    كل المقالات اللي في الأول هتفيدك جداً بإذن الله
    تقدري تجيبيها من انك تضغطي
    Older entries
    في آخر الموقع تحت
    تحياتي ليكي وبالتوفيق ان شاء الله

  • nivine

    October 29, 2012 at 5:38 pm

    انا هدفي استاذ انو حب نفسي متل الاول واثق بنفسي ابل كلشي وعم قوم بالتخلص من السلبيات بس مشكلتي اني مستعجلة بنفس الوئئت انو عندي كتير سلبيات بحياتي بسبب حساسيتي وخجلي الزايدين الي خلوني اخزن جواتي كتير سلبيات على مر السنين ….بدي سعادتي تكون من داخلي مو من الاشياء الخارجية ومن الي حواليي ..وبعتقد اي شي رح يكون سهل بعدين

  • amirnafsak

    October 31, 2012 at 8:32 pm

    نصيحتي ان تستخدمي سيدونا على شعورك بالاستعجال
    وقتها ستجدي كل شيء يمشي بسلام بإذن الله

  • Pingback: Anonymous

  • sousou

    April 30, 2013 at 1:07 pm

      السلام عليــكم
    انا من متابعيك باذن الله الى النهاية سيدي الفاضل قرات مقالاتك الرائعة جدا و جاري  
     التنفبذ باذن الله استاذي الفاضل بعد ان حددت الهدف ظهرت امامي عقبات كثيرة بدات باتخلض منها عن طريق حرق العتقدات و التحرر منها و الحمد لله النتيجة اكثر من رائعة سؤالي هو ما هي الخطوة القادمة هل بتحديد ما.سيعوده علي  الهدف داخليا ام ان هناك خطوة اخرى و هل هذه الخطوات المسبقة هي لتطهير مسارات الطاقة  الجاذبة للهدف 
    انرنا بنور علمك يا استاذ و ليحفظك الله لنا  

  • فيصل عبد الواحد

    May 2, 2013 at 5:00 am

    وعليكم السلام ورحمة الله
    اهلاً بك يا سوسو
    اشكرك على كلامك الجميل
    الخطوة القادمة بإذن الله هي تحديد ما تريدين، ثم المعايشة الداخلية 90 ثانية كل يوم على الأقل
    تحياتي لك
    وجذب ممتع بإذن الله

  • Si buscas ropa por web, ropa de hombre on line ya qui estas cansado signifiant ir a l . a . tienda para ver shedd modelos signifiant ropa b shedd precios.. نرم افزار اورجینال,رایت کلیک,rightclick,خرید ویندوز,کسپرسکی اورجینال,ویندوز سرور,لایسنس اورجینال Te proponemos not sitio web world wide web donde encontraras todas las tiendas en us single lugar comprarcomodo

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close