main

قانون الجذب

السر – كيف تجذب المال

July 27, 2011 — by فيصل عبد الواحد17

متوقع ناس كتير جدا تدخل تدخل تقرأ المقالة دي..

انا كمان متوقع ناس أكتر تدخل السايت مخصوص عشان المقالة دي..

عشان في ناس كتير اتبرمجت تقيس كل حاجة بالفلوس..

هو قانون الجذب ممكن يجذبلي فلوس؟

طب إزاي ؟

للأسف الناس قدامها أي هدف سهل..الا الفلوس، وده معتقد بيأخر جذب الفلوس، فعشان كده شايفين انها حاجة صعبة..لكن لو اتعاملت مع الفلوس على انها مادة..زيها زي الكرسي الي انت قاعد عليه الوقتي بتقرأ المقالة دي..زي الشاشة الي بتشوف فيها الكلام ده..زي الموبايل الي بتتكلم فيه..مادة..

هتعرف ان سهل جدا..ان لم يكن من أسهل الحاجات، هو جذب المال..

خليني ما أدخلش معاك في تفاصيل علمية أكتر، وإن الفلوس زيها زي أي مادة، وجدت في حيز الطاقة والتفكير قبل ما توجد في حيز المادة والوجود..ومش هدخل في تفاصيل فيزياء الكم، أو الطاقة وترددات الأهدف..رغم ان الكلام ده لذيذ جداً بس عايز سلسلة خاصة من المقالات – أوعدك أكلمك عنها قريب – واللي ان شاء الله لما تفهمها كويس، هيبقى قانون الجذب بالنسبالك كالآتي :

أنك تعوز حاجة..تجذبها ليك..

بس، وخلصت.

 

لكن خليني معاك واحدة واحدة..

لكن قبل ما أبدأ أكلمك في السر الي وعدتك بيه، الي هو ازاي تعمل فلوس كتير "مليون جنيه" على سبيل المثال، باستخدام قانون الجذب.. بخطوات واحد اتنين تلاتة..مش مجرد كلام..

والي هو سر من أسراري الشخصية في جذب المال بفضل الله أولا وأخيراً.. الي هداني له ، ولقانون الجذب، وللطريقة دي..

خليني اسألك شوية اسألة عشان مهمة..

لو هدفك زي ما اتفقنا "مليون جنيه".

ايه أول سؤال بيظهر في مخك بعد ما بتحدد الهدف ده يكون هدفك بالفعل ؟

أساعدك انا ؟

-         هعمل مليون جنيه إزاي ؟

  • ·        يبقى انت جواك معتقد غلط انك لازم تعرف تحقق أي هدف ازاي قبل ما تحققه، وده غلط جدا..مش لازم تعرف ازاي هتحقق الهدف..لكن لازم جداً، وكفاية جداً جداً، تعرف انت عايزه ولا لأ.

 

-         عشان أعمل مليون جنيه انا محتاج مش أقل من "..." سنة ؟

  • ·        يبقى انت برده جواك معتقد غلط انك لازم تقعد فترة معينة قبل ما تحقق أي هدف..زي واحد قريب في ندوة، قالي ان هدفه يكون عضو مجلس شعب، عنده 24 سنة، فسألته لو قانونيا ولائحياً كان جائز ليك في سنك ده انك تكون عضو مجلس شعب.. شايف انك قدامك كام سنة عشان تبقى عضو مجلس شعب..قالي 15 سنة..!

ما تحاولش تصعب الحكاية على نفسك..لأن قانون الجذب بياخد معتقداتك، وبيبني عليها..قانون الجذب لا يؤثر على المعتقدات، المعتقدات هي التي تؤثر على قانون الجذب،..، كمان جواك معتقد تاني انك مش واثق في امكانياتك، وبتقيس امكانية نجاحك على نجاح الآخرين الي سبقوك في تحقيق الهدف ده..ما تقارنش نفسك باي حد عمل هدفك ده في أي مدة من الزمن..مالكش دعوة بغيرك عمل مليون جنيه في أد ايه، وما تقيسش نفسك عليه.

 

-         عشان أعمل مليون جنيه أنا هتعب أوي.

  • ·        يبقى انت جواك معتقد – أكيد غلط – انك لازم تتعب عشان تحقق هدفك، وللأسف الحكاية دي منتشرة كتير في ناس كتير، من صغرنا وأهالينا بتقولنا لازم تتعب عشان تكون حاجة..لازم تسهر الليالي عشان تكون حاجة.. خليني اسألك سؤال، في الثانوية العامة ماتعرفش واحد ماكانش بيذاكر زيك، ماكانش بيسهر، يمكن ماكانش مواظب على الدروس، ومع ذلك نجح وجاب مجموع كبير – ومن غير غش - ، سيبك من المعتقد الي آسف اني بقول كده، بس يودي في داهية..

التعب مش لازم، ومش ضروري، وحتى لو جه، في حاجة انت جذبتها عشان بتحبها، بالنسبة ليك مش هيبقى تعب.

حبيبي ربي وربك ورب الكون بيقول في كتابه العزيز "وقل اعملوا فسيرى الله عملكم ورسوله والمؤمنون"، ما قالش وقل اتعبوا.

 

-         بص أنا مقتنع ان الفلوس لو جت هتيجي على حساب حاجة تانية، الشخص بياخد 24 قيراط بس في حياته موزعين بين حاجات كتير.

  • ·        برده انت فاهم المسألة غلط..أي نعم حياتك كتبت قبل ما تولد..ولكن مع ذلك، انت مخير في حياتك كلها، مخير في جميع أفعالك واختياراتك، وإلا ماكانش بقى في جنة ونار، نعيم وجحيم..وماكانش يبقى في سؤال عن المال، كيف اكتسبته وفيما انفقته..أحد الصالحين حتى بيقول، الحرامي لو كان صبر قبل ما يسرق، كان هياخد الفلوس الي سرقها بس بطريقة تانية، لإن مكتوبله انه هيرزق بالرزق ده، لكن هو الي اختار وسيلة حرمها الله، ألا وهي السرقة..

كمان في آية كريمة، بحبها أوي عشان حسيتها في حياتي كتير، بتنهي كل الكلام ده.. بتقول : "لئن شكرتم لأزيدنكم"..بجد، الآية دي كفاية.

 

وأعذار ومعتقدات تانية غلط كتير..المهم لو فوجئت بأي معتقد يصعبلك العملية، اعرف انه غلط..

لأن عملية الجذب عموما، وجذب الأموال خصوصاً، بالله العظيم مافي أسهل منها..

واعرف انك لازم تبعد عن المعتقد ده بإنك تبدأ تقول لنفسك عكسه، وتصدقه وتعيش بيه..

عشان تشيل المعتقد الغلط ده..

اقرأ  المقالة دي..مرة واتنين..

عشان فيها حاجات كتير هتفيدك..

وخد وقتك في انك تنسى كل معتقداتك السلبية، الي بتأخرك..

واستعد، للمقالة الجاية ان شاء الله، الي هتغير حياتك بإذن الله ملك السماوات والأرض ورب العرش العظيم..

للأبد.

 

17 comments

  • صحراء 55

    March 14, 2012 at 7:58 pm

    السلام عليكم ورحمة الله وبركاتة

    الحمد لله ان جذ ب المال سهل شكرعلى هذا المقاله

    يعطيك العافيه

  • فيصل عبد ال

    March 14, 2012 at 9:01 pm

    شكراً لمرورك ومتابعتك للموقع باستمرار يا شذى
    بالتوفيق ان شاء الله

  • Anonymous

    April 27, 2012 at 10:50 pm

    *انت راااااائع بمعنى الكلمة
    جزاك الله خير الجزاء غيرت معتقداتي بمقالاتك الرائعة ماراح انساك من الدعاء

    هل نزلت  تكملة المقالة وماهو عنوانه؟

  • فيصل عبد ال

    April 28, 2012 at 1:24 pm

    شكراً على ردك الجميل يا وجدانة، ان شاء الله التغيير للأحسن والاجمل
    التكملة في المقالة اللي بعدها على طول
    تقدري تشوفيها من هنا :
    السر – كيف تجذب المال 2

    بالتوفيق ان شاء الله

  • اسيل

    May 10, 2012 at 6:01 am

    *ممكن سوال هو انتا يادكتور قدرت تجذب مليون جنيه؟؟؟بما انك متمرس بالجذب!!!

    اتمني تحيب علي هذا السوال

  • فيصل عبد ال

    May 10, 2012 at 4:12 pm

    أقصى ما استطعت جذبه كان 250 ألف جنيه، وخسرتهم كلهم، وهو اللي دايماً اتكلم عنه لو اديت مليون جنيه لواحد مش شايف نفسه غني من جوا، وكل معتقداته معتقدات سلبية، هيخسر كل فلوسه واحتمال يطلع مديون، زي كل الناس الي كسب اللوتري في أمريكا، اكتر من 300 مليون دولار لكل فائز تقريباً، وأكتر مدة لأي شخص فيهم استمر غني كانت 3 سنين، بعد كده بيصبح مديون
    وده هتكلم عنه ان شاء الله في مقالة قريب، عن تجربتي مع الفلوس دي وجذبتها ازاي وضاعت مني ازاي
    بالتوفيق ان شاء الله

  • اسيل

    May 12, 2012 at 9:29 am

    *وفقك الله ونحن بانتظار كل دروسك وتوجيهاتك 

  • nidaa

    May 12, 2012 at 10:12 am

    ان اؤمن بالمقولة "اذا اردت ان تصبح غنيا ، يجب ان تكون غنيا في داخلك وتسطيع الاحساس بانك غني طولا الوقت حتى اذا لم تملك قرشا واحدا، بهذه الطريقة فقط تستطيع ان تجذب الكثير من المال في حياتك"

  • فيصل عبد ال

    May 12, 2012 at 5:07 pm

    مظبوط جداً، بالتوفيق دائماً ان شاء الله

  • فيصل عبد ال

    May 12, 2012 at 5:08 pm

    شكراً على دعاءك الجميل، بالتوفيق دائماً ان شاء الله

  • nidaa

    May 12, 2012 at 5:20 pm

    شئ ثاني مهم قرئته في كتاب "كيف تجذب المال الان" ل جو فيتال يتحدث فيه عن احدى طرق جذب المال هو ان تنفق بعضا منه بدون علم احد وبنية صادقة بدون ان يكون هناك هدف من وراء هذه الانفاق بل تنفقه بصدق وحب، وتتعود على هذا الشئ، كل مانفقت اي مبلغ سياتيك اضعاف منه وهو نفس مبدا "زكاة" في شريعتنا ااسلامية. تعجت من هذا الامر الغرب يعملون بمبادئ الاسلام، واين المسلمين من الشريعة والاحكام الي فرضها الله؟؟. شئ تعودت عليه حتى قبل ان اقرأ الكتاب اي ميلغ يكون معي يجب ان انفق نصف منه واحتفظ بالنصف، في بعض لاحيان يملكني القلق من ان احتاج الى مبلغ اضافي، ولكن ييبقى المبلغ معى ولاحتاج الي اي شئ اضافي.

  • Mohamed Khaled

    July 20, 2012 at 4:20 am

    السلام عليكم ورحمه الله وبركاته

    احب اقولك انك لحد الوقتى مقولتليش طريقه مش اجيب بيها مليون جنيه اجيب بيها الف جنيه و علشان اعمل حاجه زى كدا لازم اتعب اوى اوى اوى مش زى مــ انتا بتقول سهله اوى الله اعلم بس انا مش شايف اى حاجه من اللى انتا قولتو فى الواقع الفعلى انا شاب عندى 17 سنه و عاوز جيب شقه و اخطب قولى اعمل كل ده ازاى استخدم قانون جذب المال علشان يجبلى انا واثق فــ ربنا بس ربنا برضو بيقول اسعى يا عبد و انا اسعى ورااك بــ المعنى يعنى و السعى فى تعب على العموم انا بشكرك على المقال وشكرا و اتمنى الرد على علشان انا فى مشكله بسبب الفلوس الملعونه دى

  • فيصل عبد ال

    July 20, 2012 at 11:24 am

    وعليكم السلام ورحمة الله وبركاته
    اهلاً بيك يا محمد
    بالفعل انا قولت اكتر من طريقة، لكن انت ممكن تكون ما قرأتش كل المقالات
    ابحث في مقالات الموقع هتلاقي حاجات كتير جداً عن جذب أي حاجة بما فيهم المال
    وبنتائج ملموسة، من تجارب الأعضاء وردودهم أسفل كل مقالة
    غير قسم قصص النجاح
    شكراً على تعقيبك، ووفقك الله إلى ما تحب وما يرضى
    وبالتوفيق لك ان شاء الله

  • nidaa

    July 20, 2012 at 11:47 am

    انا عندي تجربة في جذب المال واحب اشارك به، كنت عملت جذب المال بطريقة  الكنابة وكتبت الملبغ الي بحب يكون عندي وبعمل اي بالضبط بالملبغ هذه، ومن بينها ان اعطي قسم منهه لناس محتاجين. انا اشتركت في جمعية حتى اساعدهم باعطاء مبلغ من المال وكان من المفروض انا باخذه في شهر 12، بس انا طلبت المبلغ يكون عندي هذا الشهر وتخيلت حصولي عليه ، ولان مشتركين كثر ماكنت بتصور يوافقوا على طلبي, وبعد كم يوم اتصلو بي وبلغو لي عن موافقة مشتركين ان احصل على مبلغ هذا الشهر.. العائلة الي كنت اريد اساعدهم ، هم مفروض يستلموا المبلغ لاني في مدينة ثانية وبعيدة عنهم، وفعلا تم كل شئ، وسافرت حتى استلم المبلغ، بس الي حصل ان في صاحبة البيت الي هم ماجرين عندها جاءت اليهم وطلبتهم بالايجار المتاخر عليهم وهددتهم، وهم اتصلوا بي وطلبوا مني اساعدهم في هذا المشكلة، طبعا ما كان باليد حيلة ووافقت انهم ياخذوا المبلغ الي يخصني ويدفعوا الايجار.
    يعني باختصار المبلغ الي كنات بحتاجة لم احصل عليه كله انما نصف منه، والمبلغ الي كنت ناوية اساعد به فعلا كانوا في اشد حاجة اله.
    يعني باختصار قانون الجذب يعمل في كل الاحوال حتى لو كان جزء من تفاصيل مفقودة بس هي تحصل دائما .

  • فيصل عبد ال

    July 20, 2012 at 8:02 pm

    شكراً على تعقيبك المفيد يا ندا
    بالتوفيق لك ان شاء الله

  • jbalghwan

    December 18, 2012 at 11:11 am

    الله ينور عليك .. ويبعتلك مليون جنيه ما ضيعهمش ان شاء الله . على فكرة يا استاذ هذه ليست المرة الاولى التى اقرأ مقالتك .. بل عدة مرات ولله الحمد

  • amirnafsak

    December 26, 2012 at 10:23 am

    اهلاً بك
    بإذن الله تستفيد كل مرة
    تحياتي الخاصة لك وامنياتي بالتوفيق بإذن الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close