main

قانون الجذب

السر – كيف تجذب المال 2

July 27, 2011 — by فيصل عبد الواحد43

(مهم جداً: يجب قراءة الجزء الاول من المقالة من هنا)

إزيك..

أخبارك ايه..

المقالة الي فاتت (السر – كيف تجذب المال 1) وقفنا عند حاجة مهمة جداً..وهي المعتقدات الداخلية، الي بتكون جواك وممكن هي الي بتمنع عنك الي انت عايزه، سواء الفلوس أو العربية أو الشغل أو أو أو..

ضربنا أمثلة..

اتكلمنا عن حلولها بفضل الله، واتفقنا انك كل ما تلاقي سؤال يظهر قدامك أول ما تحدد الهدف، وتحس انه هيصعبلك الحكاية، او هيصورهالك مستحيلة..انك تعرف وتتأكد..

أنه معتقد سلبي مزروع جواك من زمان..لسبب أو لآخر، قد يكون كلمة سمعتها وأنت صغير أو موقف شوفته هو الي زرع جواك المعتقد ده..

الوقتي، المفروض انك خلاص، مستعد لإنك تعمل الجزء التاني من السر – كيف تجذب المال،

والمفروض انك تكون عارف ان كله من فضل الله، وأي هدف انت عايزه سواء مليون او تريليون، لا يماثل في ملك الله شيء، وأنك تحس وتفرح، انك تستحق كل الي انت عايزه..

انت تستحق يبقى معاك مليون جنيه..

انت تستحق تركب العربية الي انت بتحبها..

أنت تستحق تمشي في الشارع تتفرج عالمحلات، ولو أي حاجة عجبتك، تدخل تشتريها، عشان عارف ان مهما كان تمنها، انت معاك أكتر..

أنت تستحق كل ده..

خلينا ندخل في الكلام المهم..

الأول..بعد ما حددنا احنا عايزين ايه، الي هو هنا "مليون جنيه"، عايزك أول حاجة..تمسح أي جملة فيها كلمة نفي من كلامك المعتاد أثناء اليوم، يعني مثلاً "أنا مش عايز أقل من مليون جنيه"..خلي بالك عشان قانون الجذب زي ما اتفقنا لا يعرف أدوات النفي..

والكلام ده اتكلمنا عنه قبل كده، فكده احنا بفضل الله اختصرنا أول خطوتين..

تالت خطوة، الي هي تحرير نفسك من المعتقدات السلبية، ودي بفضل الله اتكلمنا عنها برده المقالة الي فاتت..

بعد كده..عايزك تعمل عملية المعايشة للمليون جنيه..تشوفهم معاك فعلاً..وتشوف نفسك قدامك الورق ال 200 كتير..وأنت بتعد فيهم كلهم، وهما على مكتبك او على سريرك..وبتاخد فلوس عشان تنزل تشتري اللابتوب الي انت عايزه، الموبايل..اللبس..انت وخيالك..

بعد كل ده، افصل نفسك عن الهدف..الهدف اه لما يتحقق بفضل الله هيخلي حياتك لذيذة..لكن لو ماجاش – وهييجي ان شاء الله صدقني – حياتك مش هتبقى وحشة..

لأ ما تخافش..عارف انك عارف كل الكلام ده – عشان قرأت كل المقالات الي فاتت – انا مش هسيبك كدة..

لأ، مش هو ده السر..

جاهز ؟

جاهز تقرأ سر من أسراري الشخصية في جذب المال..الي وعدتك بيه من فترة ؟

جاهز انك يكون معاك بفضل الله، مليون جنيه ؟

على بركة الله..

النهاردة كام ؟

الجمعة

8\7\2011

الساعة 11:34

عايزك تفتكر الوقت الي هتبدأ فيه تطبيق الخطوات الي جايه كويس جداً جداً..وهقولك ليه في الآخر ان شاء الله..

هات كراسة – مش ورقة واحدة – وقلم.. وتعالى

افتح ورقة فاضية..

اكتب كل أهدافك الي انت عايزها، في مثالنا هنا مثلاً:

1-    أنا عايز مليون جنيه.

2-    أنا عايز عربية "..." .

3-    أنا عايز..

4-    أنا عايز..

5-    انا عايز..

لاحظ انك لو هتكتب عربية، لازم تكون محدد على أد ما تقدر، حدد كل حاجة، النوع، الموديل، سنة الصنع، اللون، نوعية اللون..حدد كل الي تقدر تحدده فيها، وأنت وخيالك برده..

وكذلك مع كل الأهداف التانية..خليك محدد على أد ما تقدر، أهم حاجة، مالكش دعوة بالطريقة..

بالمناسبة المعادلة دي جزء من معادلة "سحر قانون الجذب"  المسجلة في وزارة الثقافة المصرية باسمي ومحفوظ حقوق ملكيتها ليا..

المهم..

خلاص كتبت مثلاً خمس أهداف؟

تمام..

الوقتي هات صفحة جديدة..

ما تكتبش في ضهر الصفحة الأولى..

وشيل أي هدف، ممكن يسبب ضرر لأي حد غيرك، يعني مثلا لو كنت كاتب، انك عايز تتجوز حبيبتك من أيام الكلية، الي متزوجة الوقتي..لأ يبقى شيل الهدف ده..

وشوف أي حاجة ممكن تسبب ضرر لأي حد بطريقة أو بأخرى، شيلها من أهدافك خالص..

واكتب أهدافك مرة تانية في ورقة تانية، بعد تنقيتهم..وفكر في اهدافك كويس..

خلصت؟

الوقتي، هات صفحة جديدة، واكتب أهداف أحسن من الي كتبتهم..يعني لو كنت كتبت انك عايز مليون جنيه..اكتب انا عايز 2 مليون جنيه، او مليون دولار..

ولو كنت كتبت انا عايز BMW 320 ، اكتب انا عايز BMW 740 ..وهكذا..

وهكذا مع كل الاهداف..

خلاص؟ الوقتي المفروض يكون معاك 3 ورقات..

هات ورقة رابعة، وحاول فيها انك توحد كل هدفين أو تلاتة في هدف..إزاي ؟

يعني مثلاً، بدل ما أول هدف 2 مليون جنيه، وتاني هدف BMW 740 .. اكتب كالآتي:

1-    انا عايز 2 مليون جنيه، ويبقى عندي عربية BMW 740  سودة...إلخ.

حاول توحد كل هدفين أو تلاتة في هدف، واكتبهم في هيئة جمل مترابطة..

خامس وآخر ورقة، ورقة جديدة طبعاً..

اكتب كل الأهداف دي بعد توحيدها، بس بصيغة الحاضر..

يعني ما تقولش انا عايز..

قول أنا عندي الوقتي..

أنا عندي الوقتي 2 مليون جنيه، وعندي عربية BMW 740  سودة، بحبها أوي، ولما بركبها بحس بالفرحة..إلخ

وحاول تدخل عبارات توصف شعورك وانت عندك الهدف ده معاك بالفعل..

واعمل كل الكلام ده مع كل الأهداف التانية، وعيد كتابتهم في الورقة الخامسة والأخيرة دي..

الوقتي بقى..فاكر لما قلتلك افتكر الوقت واليوم كويس أوي ؟

تمام..

عايزك بقى تفتكر الوقت ده، اليوم والتاريخ والساعة..

وتحس انك معاك كل الأهداف الي كتبتها دي..في نفس اللحظة دي..

تحس انهما موجودين معاك فعلاً..

في نفس الثانية دي..

وخلي بالك ما تقولش "أنا اتجوزت" او "أنا اشتريت"..سيبك من صيغة الماضي، والمستقبل..

وخليك في صيغة الحاضر، "أنا متجوز".. "انا عندي"..

حس كل ده ، وحس بالفرحة الي مع كل ده، كإن كل أهدافك دي معاك في نفس اللحظة الي انت بتعمل فيها كدة..

دي أهم حتة..

تحس انهم موجودين فعلاً في نفس اللحظة، في نفس اللحظة دي، انت عندك عربيتك الـ"..." الي مركونة تحت قدام البيت..

في نفس اللحظة دي، أنت عندك مليون جنيه فعلاً..في نفس اللحظة دي..

شوف انا كررت الكلمة كام مرة..؟

أهم حاجة..انك تحس ان كل حاجة انت عايزها، والي كتبتها بصيغة الحاضر، موجودة معاك في نفس اللحظة دي الوقتي..

بس، الوقتي عايزك تجيب الورقة الأخيرة دي، وتطبقها، وتحطها في جيبك على طول، يا ريت ما تخليهاش تفارق جيبك، سواء في البيت أو بره البيت..

في أي حتة ياريت على أد ما تقدر تكون معاك..

يلا أسيبك تنفذ..

وأستناني المقالة الجاية ان شاء الله.

43 comments

  • احمد

    December 12, 2011 at 7:23 am

    البصراحه ماستفدنا من كلمك وهذرتك ازايده هذي كل الي قالتو مجرد حاجه تحلم فيه حنا نريد كيف تكون ناجح بتجارتك وبس وشكرا

  • فيصل عبد ال

    December 14, 2011 at 4:23 am

    الموقع مالوش علاقة بالتجارة والتسويق يا احمد 🙂

  • صحراء 55

    February 21, 2012 at 11:17 pm

    السلام عليكم مقاله رائعه جدا الله يعطيك العافيه ^_^

  • فيصل عبد ال

    March 5, 2012 at 5:09 pm

    وعليكم السلام ورحمة الله وبركاته، شكراً لردك الجميل يا شذى

  • فوفو

    March 27, 2012 at 9:36 am

    طيب الورقة الخامسة تقرا مرة وحدة باليوم مثلا قبل النوم و وقت القيام من النوم

    وتنساها وهذا ما يسمى بفك الأرتباط تنساها على اساس انها معك الحين لأن إلي معه الشيء ما

    يحتاج يفكر متى بيجي !

  • فيصل عبد ال

    March 27, 2012 at 9:40 am

    والله في اتجاه بيقول انك تنساها، على رأسهم جو فيتالي
    وفي اتجاه بيقول انك تقراها على الأقل مرتين في اليوم مرة قبل ما تنام ومرة بعد ما تصحى
    على رأسهم بوب بروكتور
    انا شايف انك تجرب الأول في حاجات صغيرة أي طريقة منهم لمدة شهر، وتشوف لو ظهرت علامات عن قرب الهدف ليك، وبعدها تجرب الطريقة التانية وتشوف انت ايه المناسب ليك أكتر وتستمر عليه بعد كده بإذن الله
    وقريب ان شاء الله موضوع مفصل عن الحكاية دي

  • nidaa

    March 31, 2012 at 4:14 pm

    سؤال استاذ فيصل

    هل نكتب التاريخ في الورقة او لا؟

    جزيل الشكر

  • اسيل

    May 10, 2012 at 6:10 am

    *ايه رأيك بتمرين ٢١*١٤

  • فيصل عبد ال

    May 10, 2012 at 4:13 pm

    أفضل ما أجاوبش على السؤال ده يا أسيل، بما أنه تمرين لمدرب آخر في الجذب وما بحبش أقول رأيي في حد، لكن عامة هي كلها مدارس مختلفة في التدريب
    بالتوفيق ان شاء الله

  • Anonymous

    May 16, 2012 at 11:32 am

    سلااام استاذنا..انا من النوع  العقل الدافع يعني اذا نسيت الهدف وبكون خلاص فقدت الامل فيها بتنجذب بسرعه ولما افضل اتذكرها ع طول بيبعد عني الهدف..في مقالة معاك ورقة وقلم 2 انا بصراحة لما اقرا الهدف واعيشوا سواء صباحا او مساءا لما اخلص بنسى الهدف خلال اليوم وبعمل اي حاجة بتنسيني الهدف حتى يقرب مني اكتر..طب بهذه المقالة اذا فكرت اطبقها.. في ورقة انت قولت بتكون دايما معايا..طب انا من نوع العقل الدافع شو بعمل اذا حبيت اعمل الي قولتو بالمقالة دي؟؟شو بتنصحني استاذنا..والمقالة بتجنن وحابة اعملها في جذب حاجات معينة بتمناها..كيف اتصرف وانا من نوع العقل الدافع..وتسلم يمنك استاذنا

  • فيصل عبد ال

    May 17, 2012 at 3:14 am

    افضل شيء، رغم انه هيعرضك لمقاومة كبيرة، هو الاستمرار في المعايشة
    حتى لو الهدف بعد
    تستمري، وتقاومي اي ظروف تظهر
    ده أحسن بكتير عشان في النهاية عقلك يكون عقل جاذب بإذن الله
    الحكاية بالظبط زي المرض اللي له مسكن، او حل نهائي
    الحل النهائي بياخد وقت وممكن يكون مر شوية عن المسكن
    لكن أفضل في النتيجةالنهائية بإذن الله
    بالتوفيق ان شاء الله

  • Anonymous

    May 23, 2012 at 8:33 pm

    *سلام استاذنا معلش تعبتك..انا بدي اقاوم البارادايم حتى يكون عقلي من النوع الجاذب هلأ قررت اقاوم بس رح استخدم المعادلة دي..وعندي سؤالين..
    الاول: انت كتبت انو افصل نفسي عن الهدف في بداية المقالة..بس بالتطبيق في المعادلة قولت انو لازم تبقى معي الورقة ع طول..هلأ افصل نفسي عن الهدف او لا..ببقى اتذكرو ع طول؟؟..
    والسؤال التاني: حضرتك قولت انو لازم احدد اليوم والساعه الي كتبت فيهم الورقة وابقى اشوف نفسي وانا محققة الاهداف..طب نختار يوم مستقبلي غير يوم الي كتبت فيهم الورقة؟يعني بختار يوم بشوف نفسي حققتوا فيه؟
    وشكرا كتير الك استاذنا

  • فيصل عبد ال

    May 24, 2012 at 7:54 am

    الفصل عن الهدف، او التركيز عليه يرجع لنوع العقل
    والمعتقدات اللي جواكي يا نانسي
    وعلى حسب الطريقة اللي عايزاها، لو عايزة حل سريع يبقى تفصيل نفسك عن الهدف
    لو عايزه الحل الأفضل لكن ممكن ياخد وقت شوية، لكن افضل كتير من الحل الأول
    يبقى تقاومي البارادايم
    اختاري اليوم اللي شايفه نفسك حققتي فيه الهدف بإذن الله
    بالتوفيق ان شاء الله

  • فرح

    June 7, 2012 at 10:38 am

    * فيصل انت رائع شكرا لك   كتير   ممكن لو تكرمت يا فيصل تكمل الجزء الثالث

  • فيصل عبد ال

    June 7, 2012 at 3:22 pm

    السلام عليكم، إزيك يا فرح
    المقالة مالهاش جزء تالت، لكن دي المقالة اللي بعدها على طول
    القطعة المفقودة
    شكرأً على كلامك الجميل
    بالتوفيق ان شاء الله

  • مي

    June 9, 2012 at 6:37 pm

    شكرا كتير استاز فيصل الله ينور دربك متل ما عم تنور عقولنا بهالعلم المميز
    عندي سؤال لو سمحت من بعد ازنك انا احيانا بفكر بشي وما بعطيه انتباه كبير بلاقيه تحقق بسرعه قبل نهايه اليوم لكن  لو ركزت عليه وانتبهت  للفكره ما بتتحقق  ممكن اعرف شو هالحاله
    وشكرا كتير الك وعلى رحابه صدرك

  • فيصل عبد ال

    June 11, 2012 at 12:17 pm

    عشان انتي بتتمتعي بعقل دافع، وبالعكس، ممكن لو ركزتي على حاجة اكتر وكانت هدفك، تلاقيها بعدت عنك
    لما احنا بنفكر في حاجة وبننساها بتوصل للعقل الباطن انها حاجة عادية، مجرد فكرة، ما "بتتصبغش" بصبغة عايز أو مش عايز، محتاج او مش محتاج
    فبيكون توصيلها للطاقة المحيطة بينا أسهل بكتير
    ولذلك تحقيقها بيكون اسهل بكتير
    أما لو كان عندنا عقل دافع وحاولنا نفكر عايزين، أو محتاجين، بنحط عليها صبغتنا السلبية، لأن دايماً بعقلنا ده، كلمة عايز ، او
    want
    تعبر عن وجود نقص، أو
    lack
    وهو ما يجذبه العقل الباطن، وكذلك كلمة
    Need
    تعبر عن وجود حاجة
    وهو ما يجذبه العقل الباطن ايضاً
    زي ما بقول دايماً في 3 حلول، هو انك تخدعي العقل الباطن، أو تقاومي البارادايم
    والحل الثالث هو اللي بتكلم عنه في سلسلة انسى السر حالياً
    انصحك تقرأي سلسلة معاك ورقة وقلم، هتلاقيها في الموقع،هتفيدك ان شاء الله
    شكراً مرة تانية وبالتوفيق ان شاء الله

  • أسامة

    November 27, 2012 at 10:21 am

    السلام عليكم ورحم الله وبركاته
    اخى الفاضل الاستاذ فيصل
    احب اشكرك جزيل الشكر على المقالاه دى

    بس عندى استفسار
    هو يعنى لازم الخصوات اللى عملتها على الكراسه

    تكون لهدف جذب المال
    ام اى هدف اخر ؟

    وجزاك الله خيرا

  • amirnafsak

    November 29, 2012 at 3:10 am

    وعليكم السلام ورحمة الله وبركاته
    اهلاً يا اسامة
    بالنسبة للكتابة، لا، مش لازم المال فقط
    تقدر تستخدمها لأي شيء آخر
    تحياتي ليك وامنياتي بالتوفيق بإذن الله

  • شروق إيماني

    December 28, 2012 at 12:11 pm

    تحفة تحفة تحفة تحفة تحفففففففففففففففففففففففففففففة يا دكتور الحمد لله علي الفرحة إللي عندي بجد الحمد لله يــــــاربي
    ربنا يرزقك الفرح دنيا و آخرة يا دكتور فيصل
    بس بالنسبة للحاجة إللي حضرتك أشرت لها في الصيغة
    أنا شفتها بعد ما خلصت بس كنت كتبت إني الحمد لله حققت كذا و في طريقي لكذا
    حضرتك فام قصدي؟!
    يعني تعتبر حاضر بردو
    و الحمد لله فررحت أوي أوي أوي و يـــــــــــــــــارب يـــــــــــــــــــارب يـــــــــــــــــــــــــــــــا رب تتحقق يارب
    اللهم آميــــــــــــن
    دعواتك دكتور بجد من أعماااااااااااااااق قلبك كدا يا دكتور لي جزاك الله كل خيـــــــــــر يارب
    ممكن كمان تساعدني بأنك تتخيلني حقق إللي كتبته الحمد لله و جاية لحضرتك مثلا أشكرك و عاملة لحضرتك مفااجأة بإذن الله ردا لجزء من جميل حضرتك☺
    جزاكــــــــــــــــــــــــــــ الله كل خير يـــــــــــــارب
    اللهـــــــــــــم آميــــــــــــــــــــــــن

  • شروق إيماني

    December 28, 2012 at 12:17 pm

    إذا حضرتك عاوزني أعدل قول لي أعدل في حكاية الصيغة لو تستدعي
    كمان حضرتك كنت قلت بالبداية 5 أهداف أنا كنت بدأت و كتبت الحمد لله25هدف كانوا كلهم فيهم إرضاء لربنا
    و كان وش و ضهر ؛لأني مكنتش شفت طلب حضرتك
    لكن عدت كمان مرة الأهداف لما حضرتك قلت نزود الحاجة إللي عاوزنها
    و بعد كدا دمجت
    و بالآخر أنجزت☺الحمد لله يـــــــــــــــــــارب

  • amirnafsak

    December 31, 2012 at 10:48 am

    اهلاً يا شروق
    لماذا لا تستخدمي تغيير المقاومة الداخلية؟

  • amirnafsak

    December 31, 2012 at 10:49 am

    بإذن الله تحققي هدفك يا شروق
    لكن لماذا لا تستخدمي تغيير المقاومة الداخلية ؟

  • شروق إيماني

    December 31, 2012 at 5:51 pm

    جزاك الله كل خير دكتور فيصل و ربنا يتقبل دعوتك الرائعة هذه يـــــــــــارب و لك مثلها بإذن الله
    لو سمحت حضرتك عرفني إزاي أعمل تغيير المقاومة الداخلية

  • amirnafsak

    January 5, 2013 at 7:39 am

    ستجدي كل شيء في دليل الزائر الجديد بإذن الله
    تحياتي لك

  • baro

    February 23, 2013 at 1:57 am

    *جزاااك الله خير

    مقااله تجنن انا  حسيت شعور جميل جميل حسيت كاني طاااايرة

    وانا اكتب اخر ورقة 🙂


    ان شاء الله راح اقرااا الورقة الاخيرة لمدة 14 يوم  وبعدين انسى المووضووع واشيل الورقة في مكان ما بشوفه

    هيك بكون جربت طريقة العقل الجاذب والدافع 

  • فيصل عبد الواحد

    February 24, 2013 at 11:08 pm

    بالتوفيق لك ان شاء االله
    لكن طالما اتخذتي تلك الطريقة
    فيفضل أن تطبقي تلك الورقة وتأخذيها معك دائماً بإذن االله في كل مكان
    تحياتي لك

  • فرح

    April 8, 2013 at 12:49 pm

    *فيصل انت رائع ان شاءالله كل حرف كتبته يجعل لك في ميزان حسناتك ويفتح كل ابواب السعاده والفرح
    انت تعطي المعلومات بكرم شديد قليل من نجده يعطي بهذه الصوره الان  عزيزي عندي سؤال هل تحقق لك اهدافك من هذه التمارين وهل حصلت على مليون جنيه مثلا او حققت اي امنيه ياريت تطرح مثال حي وكم يوم عملت التمرين وكم طول تحقيق الحلم وشكرا لك من كل قلبي
    فرح

  • فيصل عبد الواحد

    April 9, 2013 at 3:05 pm

    أهلاً بك يا فرح
    بالفعل حققت ما يقارب ذلك كثيراً بفضل الله وحده
    وأنا في سن صغير جداً، حتى كان قبل التخرج من الجامعة
    وكل ما أردت في حياتي حققته بفضل الله وحده
    وكله بفضل الله وفضل كلمة “حسبي الله ونعم الوكيل”، فدلني الله على الطريقة الصحيحة لاستخدام ما أعلم بالفعل
    تحياتي لك
    وأشكرك على كلماتك الرقيقة الجميلة

  • شيخة

    April 16, 2013 at 8:46 am

    اشكرك مقالك راااائع وقليلة في حقة.كلمة رائع.. وان دل اخي كاتب المقال يدل على انك شخص رائع جدا جدا

  • فيصل عبد الواحد

    April 18, 2013 at 9:15 pm

    اهلاً بك يا شيخة
    اشكرك على كلماتك الجميلة
    ان شاء الله تستفيدي دائماً
    تحياتي لك

  • خلود

    April 26, 2013 at 7:28 pm

    طيب ي استاذي ..
    كيف اجمع مابين طريقة الكتابه بالورقه والقلم وهذه الطريقه في تحقيق الهدف ..
    هل بإمكاني اني استخدم الطريقتين في وقت واحد ، في تحقيق الاهداف ؟

  • فيصل عبد الواحد

    April 29, 2013 at 12:52 pm

    أفضل طريقة لجذب أي شيء سواء المال او غيره، هي تغيير المقاومة الداخلية
    وذلك عن طريق التحرر بإذن الله

  • نور

    May 31, 2013 at 4:47 pm

    السلام عليكم.. هل ينفع ان اجذب المال لوالدي؟
    وايضا هل تنفع طريقة المعايشةفقط بدون هذه الطريقة الكتابةواذا كان ينفع كيف احدد الهدف بالتفصيل بالنسبة للمال؟؟ ايضا انا رح افكر مثلا من فين رح يجي لوالدي هذه الممبلغ ..الخ ماذا افعل بالنسبة لهذه الافكار..شكرا لك…

  • Hiba

    June 1, 2013 at 12:10 pm

    يعطيك العافيه دكتور  اود سؤالك بالنسبه لموضوع ورقه وقلم انا كتبت اهدافي وجمعتها في ورقه ومستمرة في قراءتها ولكن بعض المرات أنسى قارئتها قبل النوم وحين الاستيقاظ هل يؤثر ذلك على تحقيق ما أريد وهل استمر من دون انقطاع  وشكرا على جميع مقالاتك الرائعة 

  • فيصل عبد الواحد

    June 5, 2013 at 7:16 pm

    وعليكم السلام ورحمة الله
    نعم بالفعل، ولكن هو نفسه يجب أن يتحرر من معتقداته السلبية تجاه الثراء بإذن الله
    وأفضل طريقة لجذب أي شيء بإذن الله هي تغيير المقاومة الداخلية، استمعي لتسجيل حقق احلامك في 20 دقيقة
    وستفهميها بالتفصيل الجميل بإذن الله
    وستجدي كل الاجابات لتلك الأسألة
    تحياتي لك
    وبالتوفيق بإذن الله

  • فيصل عبد الواحد

    June 5, 2013 at 7:21 pm

    اهلاً بك يا هبة
    لا مشكلة
    ولكن هل جربتي طريقة تغيير المقاومة الداخلية ؟

  • نور

    June 9, 2013 at 6:31 pm

    *شكرا ع الرد…طيب يادكتور اذا كان والدي لديه معتقدات سلبية ولايصدق هذا الكلام انه يجب ان يتحرر من معتقداته السلبية تجاه المال …ماذا افعل؟؟ ماينفع انا اتحرر واجذب المال له لوحدي ؟

  • فيصل عبد الواحد

    June 10, 2013 at 10:13 pm

    اهلاً بك
    نعم ممكن بالفعل بإذن الله
    ولا تفكري في “كيف” وأن الطريقة الوحيدة هي أبيك
    تحياتي لك
    وبالتوفيق بإذن الله

  • Mohamed Gaber

    June 25, 2013 at 3:17 pm

    انجز يا باشا انا مديون.

  • كلنا سخنين

    July 14, 2013 at 12:13 am

    استاذي.. اعمل الطريقة هذه واضمن نتائج الي انا عاوزها ان شاء الله ؟.

  • فيصل عبد الواحد

    July 17, 2013 at 2:35 am

    بإذن الله

  • tv advertising prices

    May 8, 2014 at 9:47 am

    Whats up very cool website!! Man .. Excellent .. Amazing ..
    I will bookmark your website and take the feeds additionally?
    I am satisfied to find numerous useful info here
    in the publish, we’d like work out extra strategies in this regard, thanks for sharing.
    . . . . .

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close