main

قانون الجذب

الـ3 أبعاد

September 14, 2011 — by فيصل عبد الواحد16



قبل ما تقرأ المقالة دي، عايزك تفتح عقليتك شوية، وتنسى الفيزياء والكيمياء الي اتعلمتها في التعليم المصري لربع ساعة بس، وما تحاولش تقاوم أي معلومة علمية تقرأها هنا الا بعد ما تخلص قراءة المقالة كاملة ان شاء الله

رقم 3

المقالة الي فاتت كانت حقق هدفك في 3 أيام

انا شخص، رقم 3 كان ليه فرص كتير أوي في حياتي

ظهر في أكثر من مرة في حياتي وكان له فايدة كبيرة جداً

حتى في دراستي، أستاذ من أساتذتي في الكلية كان بيشرح مادته - التأمينات والمعاشات - بناء على رقم 3 !

أو التقسيم الثلاثي زي ما كان بيحب يقول

في رأيه ان رقم 3، هو الرقم السحري

الي استحاله تنسى أي حاجة من عناصره

لو قدرت تلخص أي مادة أو أي فكرة أو أي موضوع في 3 عناصر

يبقى قدرت تلم كل جوانب الموضوع

النهاردة، مع ظهور جديد لرقم 3

المقالة هتكون عن قانون الجذب ان شاء الله، او بمعنى أدق

عن الجانب "الطاقي" في قانون الجذب

فيزياء الكم

كلمتك قبل كده في المقالات اللي فاتت عن ان في فيزياء الكم، كل حاجة مادية في حياتنا كانت أصلها طاقة

ووعدتك بتفصيل أكثر في الموضوع

ببساطة

الشاشة الي انت بتقرأ عليها المقالة دي حالاً

مكونة من ايه؟

أسلاك ومسامير وبلاستيك وإزاز معالج بطريقة معينة و و و ..

امسك حاجة حاجة

الأسلاك مثلاً

عبارة عن تجمع لأكثر من سلك

نمسك سلك واحد

عبارة عن ايه ؟

مادة عازلة من البلاستك مثلاً

ومادة موصلة من الحديد أو النحاس أو القصدير، على حسب نوع وجودة السلك

الحديد..مكون من ايه ؟

من جزيئات الحديد

جزيء الحديد ده، مكون من ايه ؟

من ذرة، وحواليها الكترونات بتدور في مداراتها

جميل جداً، طب الذرة نفسها

بتتكون من ايه ؟

من بروتونات، موجبة الشحنة

البروتونات دي بقى..ايه هي؟

بالظبط

طاقة !

لو مسكت أي حاجة مادية حواليك وجيت تفكر، لازم هتلاقي ان أصلها طاقة

خلايا أنسجة صوابعك، طاقة

الكرسي الي انت قاعد عليه

طاقة

الموبايل بتاعك

طاقة..

والجميل في الأمر

ان كل حاجة "مش أصلها" طاقة، لأن لو قولنا كده

يعني الصورة الأولية بتاعتها انتهت، وده خاطئ جداً

لإن زي ما الصورة المادية موجودة

الصورة الأولية، أو الأساسية، موجودة في نفس الوقت

وتقدر تشوفها !

أه تقدر تشوفها

وعشان أجاوب السؤال الي في دماغك

آه أنا أقدر بفضل الله أعلمك تشوفها ازاي، عن طريق حاجة مرتبطة بالـ

Third Eye

الي اتكلمنا عنها قبل كده

وحاجة تانية اسمها الـ

OBE

لكن ليهم موضوع تاني ان شاء الله

المهم..أن كل شيء حواليك طاقة

جميل، استفدت من كدة ايه؟

وايه علاقة ده بعنوان المقالة؟

انا هقولك حاجة جميلة جداً

علماء الفيزياء بيقولوا ان كل حاجة في الدنيا، بالحديث عن الأبعاد

توجد في 3 أبعاد

يعني مثلاً

حلمك بالفيللا الفخمة دي

موجودة في 3 أبعاد

البعد الروحي

البُعد العقلي

البُعد المادي

وبيأكدوا، ان انت تملك ال3 جوانب !

مش كلام خيالات

بس فعلاً، أي حاجة انت عايزها، في غيرك قبل كده في ملايين السنين الي فاتت، وفي نفس الوقت حتى الي انت بتعيش فيه، فكر فيها، بنفس التفاصيل حتى

وموجودة فعلاً في البُعد الروحي

حتى مش عشان حد غيرك فكر فيها، لكن عشان انت بدأت تتخيلها

اتكونت في هيئة طاقة في البُعد الأول، البُعد الروحاني أو الروحي، او بلاش اتكونت عشان أكون دقيق في التعبير، لكن الطاقة موجودة بالفعل وانت أعدت تشكيلها أو تهيئتها بما يناسب الشيء الي بتفكر فيه، وده الي كتير من خبراء الطاقة وقانون الجذب في العالم بيسموه:

The creating power of the mind

يعني بمجرد ورود الفكرة ليك ورضائك عنها وسعادتك بيها، هنا انت فعلاً بدأت في التكوين الطاقي، او "التشكيل الطاقي" للشيء ده

بعد كده، البُعد العقلي، وهو لما تبدأ تشوف تفاصيل الشيء ده، وتشوف نفسك وانت محققه بالفعل

بتحاول تاخد صورة من البُعد الروحي و"تطبعها" في عقلك، عشان كده اسمه البُعد العقلي

وعلى اساس الصورة الي خدتها دي، هنا بييجي دور قانون الجذب

في أنه ياخد "البرينت" الي انت خدتها دي، الي بيدعهما الشكل الطاقي أو الصورة الطاقية الي في البُعد الروحي

ويجذبها ليك، عن طريق ملائمة تردداتك لترددات الشيء الي انت عايز تجذبه

اه، رجعنا تاني لكلمة "ترددات"، هي دي وسيلة قانون الجذب في محاولته لجذب الشيء الي انت حطتله صورة في ذهنك

عشان كدة واحد زي دكتور روبرت أنتوني، بيقول لازم يكون عقلك في موازاه أو

Alignment

مع ترددات الشيء الي عايز تجذبه، لأن ترددات الأهداف تختلف، والأبحاث العلمية الأخيرة، اثبتت حاجة رهيبة جداً

ان كل الأمنيات السعيدة، مجرد انك تعملها معايشة في مخك، بيتولد عنك بسببها ترددات "عالية" و"سريعة"، في حين لو فكرت في فكرة سلبية، أو حاجة بتزعلك، الترددات بتكون "منخفضة" و"بطيئة" وده يمكن الي بيفسر ليه لما الواحد بيكون في حزن، بيميل انه يعيش فيه فتره أطول من الفرحة و السعادة، لأن تردد الطاقة، أو "طول الموجة" دي من التردد، اطول من "طول موجة" الفكرة السعيدة.

واللي عايز أوصلهولك، انك بمجرد انك تجيب الهدف

وتعمله معايشه بكل تفاصيله، في عقلك، وتعمل المعايشة 3 أيام بس زي ما قلتلك المقالة الي فاتت

يبقى خلصت تلتين عملية الجذب

والثلث الباقي حتى، مش من اختصاصك انك تعمله

او تقلق عليه، أو حتى تفكر فيه، لأن الجزئية المادية أو جزئية "إزاي" مش بتاعتك،

كل الي مطلوب منك تعمله،

هدفك في البُعد الروحي

والبُعد العقلي

ها، تقدر ؟

16 comments

  • Noha

    September 15, 2011 at 1:27 pm

    maqala to7faaaaaaaaaaaaaaaaaaaaa bgd awy….

    وفى قانون فى الفيزياء بردو بيدعم كلامك دا…((الطاقه لا """تفنى""" ولا تستحدث من عدم)))

    wait other articles 🙂

  • Faisal Abdelwahed

    September 17, 2011 at 1:30 pm

    وتنتقل من صورة لأخرى..
    القانون الأول في الطاقة، كلامك منضبط جداً جداً، ونبهني لحاجة جميلة أوي كمان، ان ده بيأكد أكتر ان الحاجة الي عايزاها موجودة على المستوى "الطاقي" ان صح التعبير، انتي مش هتستحدثيها من عدم، انتي هتنقليها من صورة لأخرى، أو من حيز لحيز آخر
    إزاي بقى، هو زي ما اتكلمنا في الموضوع،
    اسعدني ردك، ومبسوط ان المقالة عجبتك وصادفت قبولك بفضل الله

    بالتوفيق،
    فيصل عبد الواحد

  • صحراء 55

    March 3, 2012 at 5:34 pm

    السلام عليكم

    مقاله جميله شكررررررررررا^_^

  • فيصل عبد ال

    March 5, 2012 at 5:01 pm

    وعليكم السلام ورحمة الله وبركاته، أتمنى تكون عجبتك بإذن الله

  • نانا

    September 12, 2012 at 1:07 pm

    جميل ورائع جدا جدا شكرا جزيلا لك دكتور مقال قيم وثري بالمعلومات وضحلي الصوره العامه للقانون خطواتي في كل مقال اقراه لك تزداد خطوه واعتبر هذه قراءه مبدأيه
     فكيف عندما ادرس مقالاتك  اعتقد انني ساتعلم ان اسابق بالماراثون وليس خطوات المشي فقط
    الطاقه اصلا موجوده في البعد الروحي ونحن عندما نفكر في الهدف فان الطاقه تتشكل لتكون هذا الهدف في البعد الطاقي وعندما نشكل الصوره ونطبعها بعقلنا تنتقل الى
    البعد العقلي وعندما ترتبط الأحاسيس بالصوره تقوم هذه الأحاسيس وكانها هي الحبل الذي يجذب هدفك ويشده اليك الى البعد المادي
     هذا ما فهمته من المقال
    اتاذي عندي سؤال
    اذا كنت اشعر بالامتنان اثناء التفكير بالهدف  مثلا البعض يقول انني
    ممكن اجذب اشياء اخرى امتن عليها ولا اجذب هدفي الذي اريده
    كيف استطيع ان اتجنب هذه النقطه

  • فيصل عبد ال

    September 12, 2012 at 10:59 pm

    اهلأً يا نانا
    البعد الروحي هو البعد الطاقي، وبعد ذلك عندما تثبتي الصورة للهدف في عقلك يكون انتقل للبعد العقلي بإذن الله
    وعندما يبدأ في الظهور امامك او بالقرب منك فيبدأ في الانتقال للبعد المادي
    وبالظبط الأحاسيس لها دور حيوي في ذلك
    ولا تقلقي من مشكلة الامتنان، بالعكس، الامتنان مثل فيتامينات لعملية المعايشة
    تقوي أثرها بشكل لن تصدقيه
    لذا أنصحك بالامتنان قبل أي معايشة
    تحياتي لك مرة أخرى وان شاء الله تستمتعي بكل ما في أمير نفسك أو بصفحتنا على الفيس بوك
    وبالتوفيق ان شاء الله

  • moon daughter

    October 20, 2012 at 5:49 pm

    خلينا نقول الاول سبحان الله … فكرتك دى بتأكدلى بالظبط حقيقة الدعاء واللى برضه بيتم عن طريق تلات مراحل مهمين اوى ودا لو دعينا بالشكل الصحيح اللى العلماء بيقولوا عليه وهو .. الاول ندعى بثقه ويقين وإحساسنا يبقى متعلق بالله فى طلب الشىء دا .. وثانياّ بيبقا عندنا ثقه بالله انه مش بيرد ايد اى حد بيسأله ودى البعد الثانى العقلى والمتعلق بالمعايشه والثالث الاستجابه اللى هى متعلقه بالله عز وجل وبالتالى ملناش اى ايد فيها لكن بمجرد حسن الظن بالله فى ان الاستجابه اّتيه لا محاله (وبذلك نحافظ على الترددات الايجابيه العليه لجزب الطاقه العاليه ) يتحقق الهدف بإذن الله ويتم الامر

  • amirnafsak

    October 22, 2012 at 3:07 am

    اهلاً يا مون،
    اشكرك على ردك، لكن لا اقدر افتي في ذلك، خصوصاً انني لا استطيع ان اربط بين تلك المعلومة
    وبين ال3 أبعاد
    تحياتي لك وبالتوفيق ان شاء الله

  • rooody

    January 18, 2013 at 7:57 am

    المقال تحفة بس مشكلتى ان قبل ما ابتدى اقرا انا استخدمت قانون الجذب بصورى سلبية لحياتى العاطفية والمستقبلية
    لحد الثانوى كنت بحلف انى لو حبيت حسيب او حيموت او مش حخلف وطبعا ده اثر على حياتى لانى قعدت سنين بتخيل فكده نتيجة اسلوب تربية سلبي
    ودلوقتى عليا اتخيل صح من غير خوف لان معنديش حاجة اخسرها خلاص
    انا حد
    ور على مقالة غير حياتك ف3 ايام بجد جزاك الله خير

  • amirnafsak

    January 18, 2013 at 6:46 pm

    اهلاً يا رودي
    اشكرك على كلامك الجميل
    ان شاء الله تتحرري من مثل تلك القناعات
    تحياتي لك
    وبالتوفيق ان شاء الله

  • rooody

    January 18, 2013 at 11:42 pm

    انا معاكى فكده اوى الدعاء هو اهم وسايل المعايشة ومن اهم طرق الجذب 🙂

  • amirnafsak

    January 25, 2013 at 12:50 pm

    نعم بالظبط
    تحياتي لك على متابعتك الدائمة

  • BARO

    March 30, 2013 at 3:03 am

    جزااك الله خير

    المقاله هذه ما هي الا تحفييييز وتشجييع للمواصلة 🙂

  • فيصل عبد الواحد

    April 2, 2013 at 1:25 pm

    اهلاً بك
    اشكرك على كلامك الجميل
    ان شاء الله تحققي كل ما تريدين
    بالتوفيق بإذن الله

  • Samar Saad

    June 29, 2013 at 2:21 pm

    السلام عليكم

    بجد رااااااائع المقال ده… تسلم

  • فيصل عبد الواحد

    July 1, 2013 at 12:56 am

    و عليكم السلام و رحمة الله
    اشكرك يا سمر
    ان شاء الله تستفيدي دائماً

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close