main

قانون الجذب

الفرحة

July 27, 2011 — by فيصل عبد الواحد17

ازيك..

اخبار قانون الجذب معاك ايه..

ما تردش على السؤال ده الوقتي..عايزك ترجع بالزمن لوراء اربع او خمس او ست سنين..

وتشوف أي موقف حصلك..وتسأل نفسك..كان لقانون الجذب دور فيه..؟

نسيت أقولك – وبعتذر – ان مفيش حاجة اسمها صدفة..

كلمة "صدفة" كلمة بنقولها عشان نريح نفسها من التحليل..

كلمة بنقولها عشان دايما نقر ونصدق ونؤمن..

اننا ما نستحقش الخير..!

كلمة صدفة كلمة بنقولها عشان بنكسل نستغل الفرص..

المقالة النهاردة عن الفرحة..

بص..هقولك على حاجة، كلنا في حد في حياتنا، الأمور بتمشي معاه كإنها – سحر - ..ينزل من البيت متأخر يلاقي تاكسي فاضي يوديه المكان الي عايز يروحه..لو ما لقاش تاكسي يلاقي واحد صاحبه ما شافوش من زمان معدي عليه صدفه ياخده يوصله، لو راح يخلص مصلحة مثلا في وزارة ولا هيئة حكومية، يلتقي بموظف وما أدراك ما الموظفين في عز الظهر بالذات – معذورين- برده، وفجأة مصلحته تخلص..

طب ايه السر..؟

معادلة سحر قانون الجذب..دي معادلة انا ابتكرتها بفضل الله وسجلتها في وزارة الثقافة، خاصة بتسريع أثر قانون الجذب بشكل شبه لحظي لما تتمكن من كل ركن فيها..

المهم..وانا رايح أسجلها، كنا يوم خميس، روحت الساعة عشرة الصبح وزارة الثقافة الي في الدقي شارع المساحة، دخلت المبنى..طابور قدام الأسانسير..استنيت اما نزل وطلعت الدور الخامس..

وهقولك حاجات كتير ما حكيتهاش في النص لكن لما ييجي وقتها..

دخلت المكتب المختص..

"الموظف بتاع الخزنة في البنك بيورد الفلوس عشان النهاردة الخميس واحتمال كبير ما يجيش"

الجملة الي قابلني بيها الموظف الي في المكتب..

برده هقولك على حاجات ما حكيتهاش بس لما برده، ييجي وقتها..

انتهى اليوم الحمد لله بتسجيل المعادلة وتسجيل حقوق ملكيتها باسمي..في ربع ساعة جه فيها الموظف ومشي..

نرجع للحكاية من الأول بقى..

الأسانسير..قدامه طابور..ده بيشتكي من مراته، وده بيتريق على الي بيشتكي من مراته بعد ما مشي.. والدنيا حر..والأسانسير اتأخر..

لأ، انا ماكنتش بفكر كدة..

ده السر..

مجرد التفكير السلبي..مش هيجذب الا واقع سلبي،

فجأة ناس قرروا ما ياخدوش الأسانسير عشان اتأخر، وطلعوا السلم، والأسانسير نزل بعد ما مشيوا على طول، وطلعت الدور الخامس..هزرت مع عامل الأسانسير شوية..وروحت عالمكتب،

الموظف قابلني بالجملة الي قلتلك عليها من شوية..

انتوا بتستعبطوا..انتوا ماعندكوش دم..ده تهريج، انا جاي من سفر..

لأ برده، ما فكرتش كدة..

ابتسمت للموظف..

شديت كرسي وقعدت جمبه..

وقلتله انا جاي ان شاء الله اسجل حقوق الملكية الفكرية للمعادلة دي..

"معادلة سحر قانون الجذب"

قرأ المعادلة، كام صفحة من الأول..

وقالي آه..فيزياء يعني..

قلتله لا مش فيزياء..

قرأها تاني..قالي اه اه..فلسفة مش كدة ؟

قلتله ولا فلسفة..

قرأها للمرة التالتة..قالي اه ، مزيج بين الفيزياء والفلسفة..

قلتله لا هي فيزياء ولا فلسفة ولا مزيج بينهم..

قالي أمال ايه تنمية بشرية مثلاً ؟

قلتله اه ممكن تقول عليها كدة..

بدأ يسألني عن نفسي وعن اسمي ومنين والكلام ده كله..وقعدنا نتكلم عن قانون الجذب، وقالي اصل الخميس بيبقى الموظف بيروح يورد الفلوس وكده وما بيجيش ولو جه بييجي بس يجيب وصل التوريد ويمشي..

كان في ناس عايزه تسجل برده مؤلفات وابتكارات وكدة..كنا حوالي 6

قلتله مش مشكلة بس هو هييجي ان شاء الله..

جت موظفة سمعتني بتكلم..قرأت المعادلة وعنوانها "معادلة سحر قانون الجذب"، وقالتلي بس مش هنعرف نسجلهالك باسمك معلش..قلتلها ليه؟

قالتلي اصل دي معادلة ، وأي حاجة رياضية لازم تتعرض على لجنة الأول عشان تشوفها، قلتلها دي مش رياضيات .. وفهمتها الموضوع واقتنعت..

وانا قاعد اتكلم مع الموظف

تليفون جه..

موظف الخزنة جه يا أستاذ فيصل، خد الوصل اهوه وانزل ادفعه وتعالى اكون خلصتلك الإجراءات..

نزلت، لقيت الموظف يادوب بيدي معاش لراجل كبير..وخد مني رسوم التسجيل، ولسه بيقفل، جه واحد تاني من الستة الي كانوا في المكتب عايز يسجل الشيء الخاص بيه..اداله كلمتين مش كويسين انه جه متأخر ومش عارف ايه، وانه – موظف الخزنة – كان المفروض يمشي ما يجيش الشغل والكلام ده..وقفل المكتب، وقام ماشي ..

طلعت، ادتلهم الوصل..مضيت على كل الورق الخاص بالتسجيل..خدت نسختي الموثقة، سلمت على الموظفين..ومشيت..

فرحان

 

أيوة..هو ده السر..

السر..اني كنت فرحان..بفضل فرحان..مهما حصل، مهما شوفت من أي حدث سلبي قدامي، ما بربطش نفسي بيه، ما بدخلش جوا الحدث وافكر جواه..استحالة تعرف تفكر في حل، لو أحطت نفسك بالمشكلة..

مهما يحصلك وانت خارج..وانت داخل، وانت طالع وانت نازل، وانت بتكلم الناس وانت ساكت تسمعهم..

حاجة تعصب ؟

حاجة تضايق؟

حاجة تكئب؟

حاجة تزعل؟

لأ..

تفرح..ما تزعلش..احنا اتبرمجنا غلط من صغرنا اننا ما نفرحش..الا أما حاجة تحصل تفرحنا !!

كإننا ما نستحقش نكون فرحانين عشان احنا عايزين نكون فرحانين..

كإننا لازم نستنى الناس عشان تفرحنا..

عشان كدة..ناس كتير، لما بتبقى في ملل..بتبعد عن الناس..بتكتئب..عشان "اتبرمجت" على الفرحة غلط..

استناني في الجزء الجاي من مقالة الفرحة..واوعدك انها هتغير حياتك ان شاء الله

والجزء الي بعد كدة..

الخطوة الأولى..

في امان الله..

 

17 comments

  • صحراء 55

    February 28, 2012 at 5:38 pm

    مقاله رووووووووووووووووووووووووعه^_^

  • فيصل عبد ال

    March 5, 2012 at 5:03 pm

    ردك جميل ومشجع يا شذى، بالتوفيق ان شاء الله

  • ameera

    April 12, 2012 at 6:03 pm

    من غير مجاملة انت انسان راااااائع  الله يوفقك

  • Anonymous

    April 18, 2012 at 5:38 pm

    سلاااااااام دكتور ..والله كل ما ادخل الموقع افكر في مقالات الفرحة مش عارفة ليه بحسها تديني فرحة وعم استخدم السر ده انو بكون دايما فرحانه والحمد لله عم تطبق..شكرا كتيرررررررررررر

  • فيصل عبد ال

    April 18, 2012 at 9:30 pm

    بالتوفيق ان شاء الله في حياتك يا نانسي، ان شاء الله تلاقي اللي يفرحك ويسعدك دايماً بإذن الله

  • scarlett

    May 22, 2012 at 1:24 pm

    بهنيك دكتور فيصل على قدرتك الحلوة كتير بالسيطرة على مشاعرك
    وعلى كل المواقف السلبية ما شاء الله
    انا من اول مرة قرأت هي المقالة وانا عم حاول قلدك وما اتأثر بشي
    والنتائج حلوة كتير بس مو دائما بنجح …..
    يمكن التحكم بالمشاعر صعب شوي مو هيك ؟؟
    يعني انا هلأ مثلا ما بئدر شوف شخص بحبو وعزيزعليي زعلان كتير
    او عم يمر بشي مشكلة وما اتأثر مشانه …!!
    او لنفرض انو انا متزوجة وعندي بيبي واجا شي يوم ابني الزغرون عم يبكي
    لان في ولد ضربو مثلا, ما فيني شوفو عم يبكي وما اتأثر !!!!
    كيف بدي اتصرف بهيك مواقف ؟؟؟
    احيانا اذا حاولت اني ما اتأثر بحس انو هي انانية مني

  • فيصل عبد ال

    May 22, 2012 at 9:03 pm

    كنت أتمنى تكوني قادرة تحضري الكورس التدريبي
    اتكلمنا عن كل ده وبفضل الله الناس اللي حضرت شهدت بتجارب وحاجات جميلة جداً
    ان شاء الله هبدأ الكورس المدفوع في اول شهر 6 وهيكون مكثف أكثر من المرة الاولى بكتير
    ان شاء الله تحضري، لكن باختصار
    انتي تملكي الاختيار في انك تزعلي او ما تزعليش
    بالتوفيق ان شاء الله

  • shaima

    July 12, 2012 at 7:07 pm

    *كلام جميل جدا شكرا أ.فيصل

  • فيصل عبد ال

    July 12, 2012 at 8:43 pm

    شكراً لردك الجميل يا شيماء
    بالتوفيق ان شاء الله

  • دعاء ح

    September 1, 2012 at 10:47 am

    *اكثررررر من رااااااااااااااااائع

    جزاااااااااااك الله فردوس وسعادة الداااااااارييييييييييييين

  • فيصل عبد ال

    September 1, 2012 at 1:10 pm

    اهلاً بيكي يا دعاء
    اشكرك على كلماتك الجميلة
    ان شاء الله تعجبك باقي المقالات
    بالتوفيق لك دائماً ان شاء الله

  • hanene

    December 4, 2012 at 3:10 pm

    موضوع جميل و شيق
    جزاك الله خيرا
    يبقى كده لازم نبقى فرحانين عشان كلشي يمشي زي محنا عايزين

  • amirnafsak

    December 6, 2012 at 6:24 pm

    بالظبط يا حنين
    ان شاء الله فرحانة على طول
    تحياتي لك، وبالتوفيق بإذن الله

  • نجاة

    January 25, 2013 at 4:33 pm

    السلام عليكم ورحمة الله
    سبحان الله كلامك جميييييييل ويدخل القلب ببساطة رغم اني فرات كتير عن هدا القانون لم افهم شيئ الا الان جازاك الله خيرا وجعلها في ميزان حسناتك
    وفي نظري ورايي المتواضع هدي هي العلوم اللي تدخل اصحابها الجنة بادن الله لانها يتساعدهم على السعادة وتدريب النفس على الايجابية والعطاء
    دايما من المتابعين اعانك الله

  • فيصل عبد الواحد

    January 26, 2013 at 7:58 pm

    وعليكم السلام ورحمة الله وبركاته
    أهلاً يا نجاة
    اشكرك على كلماتك الجميلة
    ان شاء الله اقدر افيدك دائماً
    وبإذن الله تجدي ما تحبيه، تحياتي لك
    وبالتوفيق بإذن الله

  • baro

    February 16, 2013 at 3:32 am

    جزااك الله خير ونفع بك

  • فيصل عبد الواحد

    February 24, 2013 at 10:56 pm

    لا مشكلة، بالتوفيق ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close