main

قانون الجذب

الفرحة 2

July 27, 2011 — by فيصل عبد الواحد12

الفرحة هتجذبلك كل حاجة انت عايزها لواحدها.

 

بعد المعادلة اعمل الفرحة تاني..وعيش الحياة عادي.

 

المقالة دي هكلمك عن حاجة..ممكن تكون شايفها سهلة..

وممكن برده في نفس الوقت، تكون شايفها صعبة جدا..

صعبة جدا عشان ممكن تكون زي ناس كتير..مقتنع انك ما تفرحش..الا اما تسمع خبر حلو، او تقعد مع حد بيفرحك..

وسهلة عشان ممكن تكون شايف انها شيء عادي..

الأول..الفرحة مهمة ليه..وايه علاقتها بقانون الجذب ؟

الفرحة يا سيدي، بالظبط..بدون أي مبالغة، زي (الزرار) الي بتضغط عليه..يشغل قانون الجذب لواحده..

الـ

Auto-pilot

بتاع الطيارة، الي بيخليها تطير – نوعا ما – لواحدها بدون تدخل من الطيار الا في حاجات بسيطة..

الفرحة..بتشغلك قانون الجذب لواحدها..من غير ما تتدخل، من غير ما تعمل معايشة..من غير أي حاجة..

الفرحة..هي الي بتعمل السحر الي بيحصل مع الناس الي كلمتك عنهم المقالة الي فاتت، ودور على أي حد في حياتك كده، بيحصل معاه سحر في كل حتة يروحها..وشوف حالته المزاجية ، معظم الوقت..بتكون ايه ؟

لما تكون فرحان..كل حاجة بتتحل لواحدها..كل تدخلك انك تبقى شايف الموقف بيتحل قدامك..

وتقول سبحان الله..

وخلي بالك..في فرق بين كتر الضحك..وكتر الفرحة..

"كثرة الضحك تميت القلب" بنص حديث حبيبي وسيد البشر، سيدنا محمد صلى الله عليه وسلام..

لإن فعلا لو كنت كل ما تتكلم "تضحك" بمبالغة..اولا هيبتك واحترامك بيقل، ثانياً، بنص الحديث برده، تميت القلب..إزاي، انا معرفش..

ايه الفرق بين الفرحة والضحك..؟

لما انت تكون متضايق..لازم تبكي ؟

بالظبط..

فهمت قصدي.. ممكن تكون فرحان جدا..ومبسوط أوي، لكن ما تضحكش..هتبتسم ممكن..حتى لو هتضحك، هيبقى ضحك تلقائي..

فهمتني ؟

لكن التحدي..مش المشكلة، انك اتعودت ما تفرحش الا اما تسمع حاجة تفرحك، أو حد يخليك تفرح..كإن انت ما تستاهلش تفرح الا اما حد يفرحك..!

لأ الفرحة مش شرط تكون مرتبطة بالأحداث..

انت عايز تفرح..

افرح..

بالبساطة دي..!

اقعد مع نفسك كده، غمض عينك..

وافرح..حس بالفرحة من جواك طالعة واحدة واحدة على شفايفك..

وبتبتسم واحدة واحدة..

وبتضحك..وتقول لنفسك..انا فرحان..

افرح،

اعملها أول اليوم..وشوف بفضل الله يومك هيكون ازاي..

عارف حتى لو بعد كده اتعصبت او اتضايقت..الوقتي بقيت انت المتحكم في الموقف..مش الموقف الي بيتحكم فيك..

انت الوقتي..

In control

طب يعني لما يحصل أي حاجة تضايقني او تعصبني..مانا لازم هتعصب !

لأ مش لازم صدقني..بس برده همشي معاك واحدة واحدة لغاية ما تتقن المفهوم ده..

أختار حاجة من الطريقتين دول:

اول كل يوم، اختار لنفسك هدف، كبير او صغير، عربية، شغل، جواز، صحة، وزن مثالي..

الأهداف كتير..

وقول لنفسك.. لو حصل واتعصبت النهاردة..كل ما اتعصب، هفكر في الهدف ده..ههدى خالص..

وطاقتي السلبية – مؤقتا – الي جوايا دي..هحولها نحية الهدف ده، وبكده تبقى انت ما اتعصبتش..هديت وحولت طاقتك السلبية دي لطاقة ايجابيه، ووجهتها للهدف بتاعك..

يعني كل ما هتتعصب، هتقرب هدفك ليك اكتر ان شاء الله..

الطريقة التانية،

فاكر اللغة المؤثرة ؟

لازم تعرف لغتك المؤثرة هنا..وتكلم نفسك بيها..

..اني كل ما تحصل حاجة ممكن تنرفزك أو تعصبك..

تقول لنفسك جواك..

مش ده الي انا عايزه..

انا مش كده،

انا مش عايز اتعصب..

انا عايز اكون فرحان..

انا اختارت اكون فرحان..

 

الطريقة التانية دي انا بعملها شخصياً..مع اختلاف اللغة المؤثرة والكلمات المستخدمة..كل واحد يختار لنفسه الكلمات الي شايف انها بتأثر فيه أكتر..المهم، ما يغيرش المعنى..

الوقتي..انت معاك كل الحاجات الي تخليك فرحان..

الوقتي، مالكش أي عذر..انك تعكنن على نفسك..

 

 

12 comments

  • صحراء 55

    February 28, 2012 at 6:33 pm

    السلام عليكم

    هذا المقاله بصراحه رائعه مشكورررررررررررر

  • فيصل عبد ال

    March 5, 2012 at 5:02 pm

    شكراً على ردك وأرجو ان اكون دائماً عند حسن ظن الزوار

  • nidaa

    March 31, 2012 at 7:46 pm

    فعلا كلامك صحيح لاحظت الاشخاص السعيدين في حياتهم يحصلون على مبتاغهم بسهولة من غير تعب ولامشقة والاشخاص غير سعيدين يكون حياتهم كلها صعب ومشاكل لاتنتهي، شوفوا الواقع وقارنوه راح تشوفوا ان الناس السعيدين يمشي الامور معاهم بسهولة اكثر من الغير سيعيدين

  • Anonymous

    April 11, 2012 at 10:06 pm

    كتيرررررررررر عجبتني المقالة دكتور دائما مبدع

  • فيصل عبد ال

    April 12, 2012 at 2:33 am

    بإذن الله باقي المقالات تفيدك ان شاء الله

  • نورا راشد

    April 23, 2012 at 10:16 pm

    السلام عليكم يا استاذ فيصل اين مقالاتك عن الوفره والامتنان  هل هم مهمين زي الفرحه وايضاا التامل يا ليت  تضع طريقه  سهله نفهمها  للتامل   وشكرااا لك  

  • فيصل عبد ال

    April 23, 2012 at 11:27 pm

    المشكلة يا نورا ان كل الناس تختزل قانون الجذب في الوفرة والامتنان
    نعم هما شيئين مهمين، لكن هناك أشياء اهم وأسهل منهم بكثير جداً
    ده سببه ان اغلب الناس اللي بتتكلم عن قانون الجذب بتترجم الدروس فقط بدون تجربة
    كمان عشان فعلاً الواحد يقدر يحس بالامتنان، لازم يعالج المشاكل و المعتقدات السلبية اللي جواه

    بالتوفيق ان شاء الله دائماً

  • nidaa

    August 13, 2012 at 12:12 pm

    مرحبا استاذ فيصل
    ارجو ان تكون بخير
    ممكن استخدام سيدونا للمعتقدات والقناعات القديمة ، خصوصا لمواضيع من الصعب التعرف على قناعاتنا بخصوصه؟

  • فيصل عبد ال

    August 14, 2012 at 1:46 am

    اهلاً يا ندا، ممكن جداً
    بالتوفيق ان شاء الله
    فيصل عبد الواحد

  • rooody

    January 21, 2013 at 8:20 pm

    جربتها امبارح قبل ما اقراها ههههههههه
    كان موقف فالعادي يقلب اليوم غم قعدت اقول لا ربنا معايا حتعدي
    وركزت على كلمات التوكيد اللى حطاها لنفسي وجابت نتيجة فظييييييييييييييعه

  • amirnafsak

    January 25, 2013 at 12:59 pm

    ممتاز
    بالتوفيق دائماً ان شاء الله

  • Shahd

    April 11, 2015 at 9:16 pm

    بجد روعه … الله يجزيك كل خير

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close