main

قانون الجذب

الفرحة 3

July 27, 2011 — by فيصل عبد الواحد15

إزيك..

أخبار الفرحة معاك ايه..؟

أظن الوقتي – بعد ما قرأت آخر مقالتين – ماعدش ليك أي حجة انك تعكنن على نفسك..

عرفت انك انت الي تقدر تتحكم في نفسك وفي مشاعرك، وتقدر في أي لحظة..

تغمض عينيك..

وتفصل نفسك عن كل العالم الي حواليك..

وتفرح..

وعرفت أهمية الفرحة..وعرفت ازاي الفرحة بتسهلك حاجات كتير جدا في يومك..

كلمة جميلة أوي..بيقولها David Wygant

المتخصص في العلاقات الاجتماعية..

Life happens in the moment

يعني الحياة..بتحصل في لحظة..

يعني ايه برده..يعني الحياة هي كل لحظة بتعيشها..عيشت لحظة حلوة وفرحتك، وعيشت لحظة تانية زيها..وتالتة ورابعة..

هي دي الحياة..

وكذلك العكس..لو اختارت تخلي كل لحظاتك زي لحظة وحشة عيشتها..هتبقى دي حياتك..

عايزك تسأل نفسك الأسألة دي..

انا بحب ايه..؟

ايه الي يخليك من الفرحة تمشي في الشارع عايز تحضن كل الناس..؟

ايه الي يخليك عايز تغني وتقول بحبك يا حياة..؟

ايه الي بيخليك تبتسم..لو فكرت فيه حالا ؟

ايه الي انت هتعمله، لو عرفت انك الوقتي، معاك الي يخليك تعمل كل حاجة..؟

وغير كل ده..

عايزك تجرب حاجات جديدة..

مهم تعرف..إن مفهوم، الشخص لا يبرع الا في مجال واحد، ده مفهوم فاشل..

يعني مش معنى انك طبيب.. انك ما تنفعش تكون عازف بيانو رائع..وفي نفس الوقت مش معنى كده انك ما ينفعش تكون لعيب كورة..

انت تقدر تكون أي حاجة، لو بعدت عن مبدأ التخصص الي اتعودنا عليه من صغرنا..

أفضل رسام في التاريخ..كان أعمى..

Esref Armagan

ومش عمى ناتج عن حادثة..

ده اعمى بالولادة، ما شافش أي حاجة طول عمرة..ومع ذلك تقدر تكتب اسمه في جوجل وتشوف بيرسم ازاي..

الراجل ده، علماء بريطانين شكوا في أمره، قالوا ازاي واحد اعمى بالولادة يقدر يرسم الحاجات دي..

جابوه، بعد اذنه طبعاً، ووصلوا مجسات بمخه، وعرضوا عليه صور لوحات، عشان لو كان في أي نسبة نظر في عينه، هيعرفوا من التفاعل الي هيحصل في جزء معين في المخ، والمجسات هتوصله وهيبان على الجهاز المعين الي عملوه لكده..

لقوا ان مفيش..الراجل فعلاً اعمى 100%..

قالوا طب مهو ممكن ما يكونش هو الي رسم الحاجات دي..

خدوه ودوه مبنى عندهم كده..واتحدوه انه يرسمه بمجرد بس انهم يخلوه يلمس المبنى ده..

خلي بالك الراجل ده لا يعرف يعني ايه احمر، ولا ازرق، ولا اخضر، ولا اسود..

ولا يعني ايه مربع ولا دايرة ولا مثلث..

ومع ذلك..راح المبنى ده..لمسه المبنى من بره..

وجاب ادواته، ولوحه فاضيه كبيرة..وقعد..والناس اتجمعت..

ورسم المبنى..!!!

انت تقدر تعمل أي حاجة..انت تقدر تعمل كل الي انت عايزه..

الراجل ده قال انه بيحب يرسم..عشان "الفرحة" الي بيحققهاله الرسم..!

الفرحة هي مفتاح كل حاجة..

بص هقولك على تجربة جميلة جداً..

افتكر مشكلة مش قادر تحلها، من فترة كبيرة..

او شخص مثلا كان مخاصمك وما بتكلموش..

وبعد كده اقعد مع نفسك..افرح بالطريقة الي كتبتهالك المقالة الي فاتت..

وحس بكل حاجة، وبكل تفاصيل الطريقة الي كلمتك بيها..

وما تفكرش في المشكلة..عايزك تفكر أي حد بيها..

وتشوف حلها هينجذب ليك ولا لأ

او امسك موبايلك..قلب لحد ما توصل لرقم الشخص ده..وانت لسه فرحان..

وشوفه وهو بيتصل بيك..

وشوف النتيجة..

يا إما هيتصل بيك..يا إما هتشوفه صدفه في الشارع وانت ماشي..يا إما حد هيكلمك يقولك فلان كان لسه سائل عليك !

صدقني..

انت تستاهل تفرح..

اتمنى تكون المقالة عجبتك..وان شاء الله اشوفك المقالة الجاية..

في مقالة "الخطوة الأولى"..

 

 

15 comments

  • صحراء 55

    February 28, 2012 at 6:48 pm

    شكرا على كل هذا المقاله جميله جدا

  • فيصل عبد ال

    March 5, 2012 at 5:02 pm

    الشكر لله، مبسوط ان كل سلسلة مقالات الفرحة عجبتك بفضل الله

  • Anonymous

    April 12, 2012 at 11:54 am

    انشاء الله نكون دايما مبسوطين…يارررررررررب.. وربنا يكرمك ويحفظك ع الي بتقدمو ..ماني حابة ولا دقيقة تفوت وانا مدايقة وعم احاول افرح واتحدى البارادايم بتاعي ويا رب اغيرو للاحسن..وع طول اكون فرحانه..

  • فيصل عبد ال

    April 12, 2012 at 5:40 pm

    بإذن الله فرحانة دايماً
    بالتوفيق ان شاء الله

  • الخير قادم

    June 8, 2012 at 11:00 pm

    *انا هلا بجد فرحانه بعد ما قرات هالمقالات الروعه لكن الي ياسني شوي اني قرات البرادايم ياريت ما قراته هههههههههههه بس فعلا روعه

  • فيصل عبد ال

    June 9, 2012 at 10:49 am

    الباارادايم بعد فترة من معرفته وفهم مقاومته، بيبقى لصالحك وليس ضدك
    شكراً على كلماتك الجميلة
    بالتوفيق ان شاء الله

  • amal

    September 26, 2012 at 1:41 pm

    بارك الله فيك ,كلامك يريح الانفس المتعبة
    هل من الممكن جعل شخص بينى وبينه خصام كبير يتصل بى؟

  • فيصل عبد ال

    September 26, 2012 at 10:02 pm

    ممكن جداً يا أمل
    تحياتي لك وبالتوفيق ليكي ان شاء الله، واشكرك على كلامك الجميل

  • amal

    September 27, 2012 at 11:24 am

    *ما رايكم فى ان يتم اظهار تاريخ كل مقالة بجانب العنوان فى العرض الجانبى للصفحة حتى يسهل متابعة المواضيع بنفس التسلسل
    مجرد راى

  • فيصل عبد ال

    September 27, 2012 at 11:50 am

    بالفعل يتم اظهار التاريخ يا أمل بجانب عنوان كل مقالة
    تحياتي لك وبالتوفيق ان شاء الله

  • amal

    September 27, 2012 at 6:40 pm

    *اقصد  فى عرض الصفحة الرئيسى حتى يستطيع حديث العهد بالموقع متابعة تسلسل المواضيع من البداية ويستوعبها 
    categories    تحت  الأيتيم   
    بدلا من فتح كل مقالة لمعرفة تاريخها وما قبلها
    شكرا لسعة صدرك

  • فيصل عبد ال

    September 28, 2012 at 12:22 am

    بإذن الله يا أمل سأبحث ذلك
    تحياتي لك وبالتوفيق ان شاء الله

  • weza

    October 17, 2012 at 1:34 pm

    *

  • hanene

    December 4, 2012 at 3:31 pm

    موضوع رااااااااااااااااائع ألف ألف شكر

  • amirnafsak

    December 6, 2012 at 6:24 pm

    شكرك على كلماتك الرقيقة يا حنين
    ان شاء الله تفرحي دائماً
    تحياتي لك وبالتوفيق بإذن الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close