main

قانون الجذب

القطعة المفقودة

July 27, 2011 — by فيصل عبد الواحد50

حلو الاسم..

مش كده؟

قعدت ادور على اسم مناسب للمقالة، تماشياً مع الي هيتكتب فيها – بإذن الله – ما لقيتش أنسب من ده..

عشان أولا هتكلم عن كذا حاجة، بعيد عن بعض نوعا ما..

وفي نفس الوقت كلهم يعتبروا القطعة المفقودة..الي لو طبقتها، تميزك عن أي حد تاني غيرك ممكن يكون بيستخدم قانون الجذب..

يعني بتديك أفضلية على أي حد..حتى لو كانت قوة جذبه أعلى منك..الا لو كان هو كمان عارف الي هقولهولك ده، وده احتماله قليل شوية، لأن الي هقوله ان شاء الله نتيجة أبحاث وتجميعات شخصية.. نسبة ان حد غيري يكون عملها بنفس الشكل وفي نفس الوقت، أعتقد ضعيفة.

بدون تطويل..هكلمك عن حاجات تعملها وانت بتطبق قانون الجذب في حياتك..تقدر تقول عليها الـ Key points  لقانون الجذب..أولها:

1-    Describe describe describe .

للي كانوا بيتكلموا عن الوقت..وبيقولوا الي بنجذبه بيتأخر ليه..

دي اجابتك..عشان تقصر الوقت على أد ما تقدر، ده مفتاح اللغز، اوصف على اد ما تقدر الي انت عايزه..

من كام يوم، كنت قاعد مع اتنين بكلمهم عن قانون الجذب، ولد وبنت..

وقلتلهم على خطوات يعملوها واحنا قاعدين مع بعض، كان من ضمنها ان كل واحد يطلع ورقة ويكتب فيها مشهد من حياته بعد ما كل أهدافه تكون اتحققت..ويوصف بأدق التفاصيل..

الولد، الي هو صاحبي اوي بالمناسبة..كان دايماً يخلص الأول، البنت، الي كانت أول مرة اشوفها برده بالمناسبة، فضلت تكتب وتكتب وتكتب..وانا من جوايا كنت فرحان جدا انها عاشت الكلام الي بتكتبه أوي كده..ودخلت جوا الكلام وبدأت تضحك هي بتكتب..تفرح وهي بتكتب..وتعيش كل تفصيله مهما كانت صغيرة، في أهدافها وهي بتكتبها، بدون تردد قولت لصاحبي، على فكرة "..." بإذن الله هتحقق الي هي عايزاه قبل منك..

خلصنا كلام..وفي آخر القعدة، كان حاجتين من الي البنتين اتمنتهم، اتحققوا واحنا قاعدين بفضل الله!

هي نفسها ماكانتش مصدقه، وبفضل الله كان يوم جميل وكلنا كنا مبسوطين..

فحاول على أد ما تقدر، توصف..إزاي؟

هات ورقة، واقعد مع نفسك خالص، واكتب مشهد من حياتك بعد ما تكون كل اهدافك بفضل الله اتحققت، واوصف يوم عادي من حياتك – في ظل تحقق كل أمنياتك دي – بكل تفصيله ممكن تكون شايفها هايفه او صغيرة..بس أنصحك، ما تعملش الخطوة دي..الا أما تعمل الخطوة الجاية.

2-    Cleansing ritual

او طقس التطهير..

انا بحب أسميه كده..

لإن ما ينفعش تكون قعدت طول عمرك تبني قدامك سور عالي أوي، وضخم أوي، والوقتي عايز فجأه انك تعديه، كل ما تحاول لازم هتتخبط فيه..

يبقى لازم تشيله..

إزاي؟

هات ورقة فاضية، طريقة الكتابة دي جميلة جدا جدا ومفيدة جدا جدا، عشان عينيك بتشوف الي انت بتكتبه، وعقلك الباطن بيوصله كل كلمة عينيك بتشوفها وهي بتتكتب قدامها..المهم هات الورقة الفاضية، واكتب فيها كل حاجة بتضايقك..!

آه كل حاجة بتضايقك، أنا آسف..بس معلش، استحملني..

اكتب كل حاجة بتضايقك في حياتك، في شغلك، في أصحابك، في حبيبك، في كل حاجة..

ومش بس اكتب، عايزك تعيش كل حاجة بتكتبها، عايزك تتضايق..تكتئب..تزعل..

انا عايزك تتخنق !

صدقني..كل ما هتحس اكتر بالكلام الي بتكتبه..كل ما هتبقى قادر أكتر انك تشيل المعتقد السلبي والكره المرتبط بالكلام ده جواك..

الطبيب لازم ينضف الجرح كويس من الداخل..قبل ما يخيطه..

ممكن تكون عملية التنضيف مؤلمة..

لكن ضرورية، ومفيدة..وإلا هتجيب نتايج عكسية بعد كدة..

المهم..بعد ما تعمل كل ده، وبرده بكل تفصيله تقدر تكتبها انت..هات الورقة دي، وقطعها، واحرقها قدام عينيك..

وبعد كده، اعمل الخطوة الاولى، الخاصة بالورقة الي تكتب فيها مشهد من حياتك يفرحك، يكون فيه كل امنياتك اتحققت..

3-    Refelct from inner to outer .

كلنا دايماً بنبص على الي حوالينا..ما بنبصش جوانا..

الطريقة دي جميلة جدا في استخدام قانون الجذب..

Joe Rubinho  و Robert Anthony   و Joe vitale   الثلاثة..

قالوا الكلام ده..، وانا مصدقهم فيه جداً.. عن تجربة شخصية..

عشان تعيش الثراء الخارجي..لازم تعيش الثراء الداخلي..

يعني ايه..؟

يعني لازم تكون من جواك غني، عشان تجذب الغنى حواليك..

أيوة إزاي برده..

مش هقولك يعني لازم تكون راضي عن نفسك وفرحان داخليا وكده..عشان الكلام ده قلتهولك قبل كده، رغم ان الكلام ده مهم جداً..

لكن المرة دي هقولك حاجة جديدة..وغريبة..

جرب تتخيل، وتحس، وتشوف جواك كنز..

اقنع نفسك وعيش انك جواك كنز فعلاً..جواك ثروة..

وغمض عينيك وتخيل ان كل حاجة حواليك، مرتبطة بيك داخلياً..

Jacob jones  أو مش متذكر الاسم أوي..

بيقول لو عايز تتخيل ان في خيط نور بيربط كل حاجة حواليك بيك..تخيل..

تخيل ان الكنز الي جواك، وكل حاجة حواليك، فجأة بتتعكس

وتطلع بره..

والكنز الي جواك بقى حواليك..

الثراء الداخلي، والفرحة الداخلية..

انت طلعتها من جواك..نشرتها حواليك..

تقنية جميلة انا مجربها شخصياً..ويمكن من أسرع التقنيات الخاصة بقانون الجذب من نحية الوقت..

لكن للأسف هنا في بلادنا قليل الي اقتنعوا بيها عشان شايفين انه عيب او من الجنون، ان واحد يقعد لواحده، ويقول لنفسه – في خياله – انا جوايا كنز..!

أتمنى تكون المقالة عجبتك، وأتمنى ما أكونش طولت عليك..وبعتذر عن تأخيري الفترة الي فاتت..

وتابعونا لكل جديد ان شاء الله.

50 comments

  • صحراء 55

    April 1, 2012 at 7:32 pm

    مقاله أكثر من رائعه انا ان شاء الله اليوم بطبقها

    مشكوررررررررررررررررعلى المجهود الجميل^_^

  • nidaa

    April 7, 2012 at 4:53 pm

    جميل جدا لي تكتبه كل مااعيد قرائته افتهم واستوعب اكثر

    انا اعترف ان اول نجاح لي في قانون الجذب هو معرفتي بهذا الموقع وبشخصك لاني فعلا كان عندي اسئلة كثيرة وكنت محتارة على الحصول على الاجابة

    بس الحمدالله اول شئ عملته ني غمضت عيني واتخيلت وجود شخص يجاوبني على كل الاسئلىة الي ميحرني وفعلا حقق هذا الشئ بوقت قصير جدا

    انا كل يوم بتعلم شئ جديد وابحصل على اجابة لاسئلتي

    ماشاء الله عليك على علمك وعلى سعيك لمعرفة الاخرين

    اجره كبير عند الله انشاءالله

  • فيصل عبد ال

    April 10, 2012 at 8:25 pm

    يسعدني اني كنت واحد من الناس الي ساعدوكي، لا تتخيلي فرحتي لما بعرف اني كنت سبب في فرحة الناس
    بالتوفيق ان شاء الله، وأي حاجة لا تترددي في سؤالها ان شاء الله

  • نورا راشد

    April 21, 2012 at 12:00 pm

    السلام عليكم الاستاذ فيصل انا ما فهمت يعني اتخيل كنز جوايا يعني  شكل فلوس او صندوق  ثمين زي اللي نشوفه في القصص  ارجو التوضيح وشكراااا

  • فيصل عبد ال

    April 21, 2012 at 10:06 pm

    وعليكم السلام ورحمة الله، بالنسبة لآخر مقاله اه، انك تعرفي ان الثروة داخلية مش خارجية، لو شخص مش جواه برمجة الثروة لو اديتيله فلوس كتير هيضيعهم ويرجع يطلب تاني
    انا شخصياً في وقت من الأوقات كان معايا فلوس كتير جداً، لكن خسرتهم عشان نفس السبب
    كنت رايح مكان في القاهرة، في يوم ما، ولقيت فيه باعة جائلين كتير، وبيرموا حاجات كتير عالأرض، والمكان مش نضيف
    و في زحمة، ومفيش أي نظام، نفس الفكرة، لو احنا نضفنا المكان ده، وسيبنا الناس دي بسلوكهم ده، هيرجعوا يخلوا المكان أوحش من الاول
    لكن لو اهتمينا الناس دي، مع الوقت المكان هينضف لواحده
    لو اهتميتي بالداخل، الخارج لازم ييجي بإذن الله
    بالتوفيق

  • scarlett

    April 27, 2012 at 1:25 pm

    انت رائع دكتور عن جد انت شخص مبدع بكل معنى الكلمة الله يعطيك الف عافية
    النقطة الاولى عجبتني كتييييييير و مطبقتها من زمان وعدة مرات عن جد رائعة
    طيب دكتور انا لما بوصف مشهد من حياتي بظل تحقيق اهدافي بتكون الصيغة بالماضي يعني
    بكتب رحنا وعملنا وقال وقلت …صح هيك شغلي ؟؟ وبيصير اعمل هالتمرين اكتر من مرة ولا بس مرة ؟؟
    انا عادة بعمله كل ما بيجي على بالي ….

  • nidaa

    April 27, 2012 at 5:38 pm

    انا من زمان كنت دايما بقاوم اي فكرة سئية واتحدي اي شئ مهما كانت صعبة، كل ماكان الموقف صعب بتحدى اكثر، يعني شباك الي يجي منه الريح بواجه واتحداه اكثر. بس مرات يصيبني الم لما بذكر موقف مريت به اتالمت منه جدا، او فرصة ضاعت مني، ينطيني شعور بالالم والاحباط ، بالرغم من اني مابخليه يستمر كثير، احاول بسرعة اتذكر موقف حلو مريت به. ياترى هل هذه الذكريات له دور في تاخير اهدافي، وهل يجب ان اكتب كلها في ورقة واحرقها لكي لاتاتي على بالي نهائيا؟؟

  • nidaa

    April 27, 2012 at 6:10 pm

    عجبني موضوع كتابة مشهد من حياتك بس الكتابة تحتفظ بها او تعيد قرائته كل يوم؟؟
    مع جزيل الشكر

  • فيصل عبد ال

    April 28, 2012 at 1:19 pm

    يفضل صيغة الحاضر يا لمى
    شكراً على ردك الجميل، وبالتوفيق ان شاء الله

  • فيصل عبد ال

    April 28, 2012 at 1:21 pm

    أكيد !
    التفكير في أي شيء سلبي، حتى لو مشهد حزين في فيلم أو كليب
    يزيد من فرص جذبك للسلبية، وخصوصاً لما يشبه ما كنتي تفكري فيه
    لذلك لا أشاهد الأفلام ولا الكليبات، ولا حتى أسمع الأغاني
    هناك أكثر من تقنية يمكن التدرب عليها للتغلب على أثر الأفلام والأغاني، ساتحدث عنها في مقالة التغلب على تأثير الظروف المحيطة ان شاء الله اللي وعدت بيها
    لكن بالنسبة للذكريات، ابعدي تفكيرك عنها خالص وياريت تحرقيها كلها بحرق المعتقدات
    بالتوفيق ان شاء الله

  • فيصل عبد ال

    April 28, 2012 at 1:22 pm

    يفضل انك تحتفظي بالورقة معاكي على طول، في جيبك او في الشنطة، جربيها لمدة 10 ايام فقط وهتعرفي الفرق ان شاء الله
    بالتوفيق بإذن الله

  • scarlett

    April 28, 2012 at 2:57 pm

    شكرا كتير لردك دكتور بس انا ما بتزبط معي بصيغة الحاضر يا ريت تعطيني مثال لو سمحت …

    وكم مرة اعمل هالعملية بيصير اعملها اكتر من مرة ؟؟ يا ريت تجاوبني دكتور

  • nidaa

    April 28, 2012 at 4:03 pm

    شكرا عل ردك انشاءالله اعمل بنصيحتك

  • scarlett

    April 28, 2012 at 6:38 pm

    و سؤال اخير لووووووو سمحت لما منكتب مشهد من حياتنا عدة مرات منكرر نفس المشهد او كل مرة مشهد جديد ؟؟

  • فيصل عبد ال

    April 28, 2012 at 10:54 pm

    صيغة الحاضر أو المستقبل القريب – المفضلة – تكون كالتالي:
    في يوم كذا سيكون معي 1000 دولار، سأحصل عليهم بكميات ومن مصادر مختلفة
    سأحصل على هذه ال1000 دولار مقابل عملي كـ… وسأقدم أفضل خدمة ممكن للناس
    أنا أعلم أنني في يوم كذا سيكون معي 1000 دولار ان شاء الله، وأشعر أنهم معي وفرحة جداً بهم، وأشعر أنني ألمسهم الآن بيدي
    وفي انتظار فرص و عروض وأفكار و خطط تقربني من الحصول على ال1000 دولار في يوم كذا
    اكتفي بالطريقة اللي في سلسلة معاك ورقة وقلم، هي تكفي ان شاء الله

  • فيصل عبد ال

    April 28, 2012 at 10:54 pm

    بالتوفيق ان شاء الله

  • فيصل عبد ال

    April 28, 2012 at 10:58 pm

    نفس المشهد، لكن لو عايزة تضيفي او تعدلي عليه، مفيش اي مشاكل

  • اسيل

    July 4, 2012 at 7:09 am

    *استاذ فيصل

    انا حرقت المعتقدات تقريبا مرتين  ولم اجد نتيجه المرضيه فهل اسمتر..يعني ممكن احرق اكتر من مره الي ان اصل للنتيجه المرضيه

  • shaima

    July 4, 2012 at 12:05 pm

    *انا ايضا استاذ حرقت المعتقدات مرتين وكتبت اهدافي وفي وسط ذلك كله لم يحدث شي عندما جاء اليوم المترقب

    علما اني امر بمشاكل عائلية كثيرة لاادري هل لها تاثير

    واحاول جاهدة على فصل نفسي عن تلك المشاكل لاركز في هدفي

    حتى اختي تقول هذه انانية ان تكوني هكذا فرددت عليها وقلت لها المشكلة لا تخصني فلما ادخل نفسي فيها ولكن اجد اني اتاثر من كثرة الكلام حوالية عن الموضوع

    فماذا افعل احس ان قوة جذبي تقل وسط هذه المشاكل للهدف لذا عندما ياتي لا يحدث شي في ذلك اليوم

  • فيصل عبد ال

    July 4, 2012 at 6:10 pm

    ياريت اعرف يعني ايه ما لقيتيش النتيجة المرضية؟ يعني ما حسيتيش داخلياً بأي تغيير ؟

  • فيصل عبد ال

    July 4, 2012 at 6:11 pm

    تم الرد على الايميل يا شيماء
    بالتوفيق ان شاء الله

  • هاجر

    September 4, 2012 at 8:53 pm

    *عفوا لكن في يوم كذا سيكون عندي هادي صيغة حاضر و لا مستقبل انا اعرف انه السين هادي سين مستقبل قريب

  • فيصل عبد ال

    September 5, 2012 at 12:46 am

    مستقبل قريب
    بالتوفيق ان شاء الله

  • نانا

    September 13, 2012 at 7:31 am

    استاذ فيصل انت رائع حقا وبدخلك كنز من العلم والمعرفه والمحبه والعطاء
    الله يزيدك من فضله شكرا جزيلا على المقال الجميل

  • فيصل عبد ال

    September 13, 2012 at 3:07 pm

    أشكرك على كلامك الجميل يا نانا
    ان شاء الله يوفقني ربي وأقدر أفيدكم بإذن الله دائماً

  • أسامة

    November 27, 2012 at 10:35 am

    ااخى الاستاذ فيصل
    انا والله مش عارف اشكرك ازاى
    بس بقول جزاك الله كل خير
    عندى استفسا صغنون
    انا ممكن اجيب ورقة وقلم كل صبح
    واكتب كل حاجه بتعكرن مزاجى وتضيقنى يعنى كل الهموم والسلبيات
    وارمى الورقة او احرقها
    واجيب ورقة تانيه
    اكتب كل حاجه ايجابية انا هعملها فى اليوم ده وبصيغة المستقيل لانى مش عارف هقولهم بصيغة المضارع ولا لا

    ولا اييه رأيك

  • amirnafsak

    November 29, 2012 at 3:11 am

    تقطع الورقة وتحرقها يا أسامة
    لكن يفضل انك تنتظر يوم او يومين قبل ما تكتب ورقة الايجابيات
    وبعد كدة اذا حابب، استمر عليها كل يوم بإذن الله

  • أسامة

    December 2, 2012 at 9:43 am

    انا انتظر ردك

  • amirnafsak

    December 2, 2012 at 4:33 pm

    رددت عليك ولكن ربما لم تقرأ ردي
    انصحك بعدم كتابة الايجابيات مباشرة بإذن الله

  • aya

    December 25, 2012 at 11:30 am

    استاذ فيصل انت رااااااااااااااااائع ..!!!!!!!!!!!!!!!!!!!!!!!!1
    تسلم الايادى والقلب المعطاء……………..

  • amirnafsak

    December 26, 2012 at 10:33 am

    اشكرك على كلماتك الجميلة يا آية
    ودعاءك الأجمل
    ان شاء الله تستفيدي دائماً وتجدي ما يفرحك
    تحياتي لك وبالتوفيق بإذن الله

  • shimaa

    February 10, 2013 at 3:30 pm

    *بالنسبة للكنز الداخلي ازاى يعنى الكنز ده صفات حلوة ولا زى الافلام دهب ياقوت مرجان !

    ورقة الايجابيات نكتبها بعد ما نحرق ورقة السلبيات ع طول ولا ايه .؟

  • فيصل عبد الواحد

    February 10, 2013 at 10:51 pm

    لم أفهم..هل هذا نوع من السخرية أم ماذا ؟

  • shimaa

    February 11, 2013 at 7:20 pm

     والله بالعكس انا مبسوطة انى اتعرفت ع حاجة زى كده*لا لا ابدا

    بس عايزه اعرف ايه نوع الكنز اللى بنتخيله

    يعنى ازاى تتخيل ان جوالك كنز

    ويالنسبة للايجابيات انا كتبتها فعلا بس انا كنت مخنوقة طبيعى وقطعتها ورميتها ارتحت ثوانى وبعدين رجعت متضايقة

  • فيصل عبد الواحد

    February 15, 2013 at 3:38 pm

    هل السؤال هو، ماذا قصدت أنا بكلمة كنز ؟

  • shimaa

    February 16, 2013 at 3:34 pm

    اه الكنز

     يعني الصفات الحلوة فيك مثلا واتخيلها زى الدهب والمجوهرات ولا ايه رجاءا رد ع سؤالي

  • Amal

    February 23, 2013 at 10:55 pm

    تمرين ٨*٨ هل هو نافع!؟

  • فيصل عبد الواحد

    February 24, 2013 at 11:13 pm

    تمرين ماذا بالظبط ؟

  • Amal

    March 8, 2013 at 10:48 pm

    التمرين هو رسم شكل مثمن سبع مرات متداخله وكتابه الهدف داخله وفي الاضلاع الثمانيه كلمات امتنان وشكر وحب اني املك الهدف بالفعل ،، وعلي هذا الاساس يتم تصديق وجود الهدف في اللاوعي وجذب الشبيه وهو الهدف بالفعل… المهم انه عندما نكتب المثمن هذا نضعه في لوحة الاهداف الخاصه بنا او في صندوق احمر هو مشابه تقريباً لخطوات اني اكتب الاشياء السلبيه واحرقها ثم اكتب الحاجات الي عايزاها وااحتفظ بالورقه في جيبي

  • منة الله

    March 11, 2013 at 11:06 am

    حضرتك تقصد الكنز كصفات موجوده فيا وان اعزز الصفات دي ولا فعلا كنز بشكله الحقيقي

  • فيصل عبد الواحد

    March 13, 2013 at 3:29 pm

    لا، ابتعدي تماماً عن ذلك

  • فيصل عبد الواحد

    March 13, 2013 at 3:40 pm

    الكنز هو ان ما بداخلك هو ما يجذب الخارج
    وليس العكس
    ان ذلك الشعور الجميل الايجابي، الاستقرار الداخلي
    انعكس للخارج
    هذا ما قصدته بإذن الله

  • منة الله

    March 13, 2013 at 10:20 pm

    شكرا لحضرتك

  • فيصل عبد الواحد

    March 20, 2013 at 8:04 pm

    اهلاً بك
    اضطررت أن أنزل على رغبات من صوتوا في الاستفتاء
    ان شاء الله اذا في وقت ممكن اكتب اصدارين للمقالة الواحدة بإذن الله

  • فيصل عبد الواحد

    March 20, 2013 at 8:04 pm

    بالتوفيق دائماً ان شاء الله

  • نور

    May 31, 2013 at 5:49 pm

    يادكتور انا عملت حرق المعتقدات نفس الطريقة دي بس حرقت وع طول كتبت الايجابيات(مشهد من حياتي محقق فيه كل الاهداف) …هل هذه طريقة اخرى او نفسها…وهل ممكن اكتب السلبيات اكثر من مرة واحرقها؟ …والايجابيات تكون مرة وحدة فقط؟؟ وايضا كتابة الايجابيات او مشهد من حياتي محققة كل اهدافي خاص شوي فهل استطيع عند كتابة المشهد بعد فترة ارمي الورقةاللي قبلها اللي فيها نفس المشهد تقريبا لان مع كثرة الاوراق ممكن تطيح بيد احد ويقراها …مارايك؟

  • فيصل عبد الواحد

    June 5, 2013 at 7:17 pm

    اهلاً بك
    نعم، هي بالظبط بإذن الله
    ولكن ينصح بأخذ فترة من الوقت بين الورقتين
    ونعم بالفعل يمكن ان تفعلي الحرق أكثر من مرة
    والايجابيات مرة واحدة تكفي بإذن الله
    ونعم، لا مشكلة من تغيير ورق الايجابيات كل فترة، لكن يفضل ان تحتفظي بها لا ترميها
    تحياتي لك

  • Nada Nada Nada

    July 8, 2013 at 11:51 am

    روعه

  • فيصل عبد الواحد

    July 11, 2013 at 5:34 pm

    أشكرك يا ندى
    تحياتي لك
    وبالتوفيق بإذن الله

  • malak

    April 25, 2014 at 4:06 am

    صحيح..انا كنت من زمان بتخيل انه جوايا كنز بس مش عارفه كيف اطلعه… بجرب هالطريقه باذن الله
    مشكووور جدا على الموقع ده…
    ان شاء ف ميزان حسناتك

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close