قانون الجذب

المختصر المفيد – الجزء الأول

July 28, 2011 — by فيصل عبد الواحد11

main

قانون الجذب

المختصر المفيد – الجزء الأول

July 28, 2011 — by فيصل عبد الواحد11

المختصر المفيد - قانون الجذب

قانون الجذب

قانون الجذب

إزيك..

ايه أخبارك بعد المقالة الي فاتت..

اخبار دنيتك ايه وأخبار الجذب معاك ايه..

شايف الدنيا حواليك سحر وفرحة وسعادة..

ولا لسه في مشاكل ؟

أو بلاش كلمة مشاكل، ما بحبهاش..

لسه في تحديات ؟

شيل كلمة "مشكلة" وكلمة "هحاول" وكلمة "مستحيل" من حياتك..

وحط بدالهم "تحدي" و "هعمل" و "أكيد"..

وجرب طريقة كلامك بالمصطلحات دي..وشوف هتجذب ليك الي انت عايزه بس ولا لأ..

لأن قانون الجذب مش بس معايشة واحساس، رغم ان ده جزء كبير جداً منه..

لكن برده، وده شيء خطير جداً، قانون الجذب ألفاظ وكلمات..

جرب تراقب نفسك..أو تمشي بورقة وقلم، وكل ما تلاحظ انك في أي محادثة مع حد قولت أي كلمة من الي قلتلك عليهم..او أي كلمة محبطة او مثبطة لهمتك أو لهمة غيرة بوجه عام..

اكتبها..

وبعد كده اقعد مع نفسك دور على مرادف ايجابي ليها..

لو لسه حاسس ببعض التحديات، او حاسس ان لسه شيء ناقص، جرب تعمل الجزء الخاص بالتخلص من المعتقدات السلبية، الي في الجزء الأول من مقالة "السر – كيف تجذب المال".

اعمله مرة واتنين وتلاتة..، وطلع كل الي جواك في الورق وقطعه واحرقه، وشوفه بعينيك قدامك وهو بيتحرق..

شيل الجدران الي غصب عنك السنين بنيتها جواك..

لأ..اتطمن،

المقالة دي مش على كدة بس..

المقالة دي بعنوان – زي ما انت قرأت من دقيقتين – المختصر المفيد..

هقدملك حلول سريعة وفعالة جداً.. لأكثر 3 تحديات بتواجه الناس..

وده تبع احصائية امريكية عن اكثر طلبات الناس المتعلقة باستخدام قانون الجذب، وهما على الترتيب :

1-    الشفاء.

2-    المال.

3-    انقاص الوزن.

المواضيع دي أكثر 3 مواضيع الناس مهتمة وعايزة جداً، انها تستخدم قانون الجذب فيها..

وهنتكلم عليهم واحدة واحدة..

وبحلول بسيطة وسريعة وفعالة جداً..

وانت هتجرب بنفسك ان شاء الله..

أول تحدي، أو أول موضوع ، الشفاء..

كلمتك قبل كده عن موريس جودمان، الراجل الي وقع من طياره وجسمه اتكسر، ونظره راح وكل حتة فيه اتحطت في الجبس..وبفضل الله استخدم قانون الجذب من غير ما يعرفه..

عشان يرجع يمشي تاني..

لكن في موضوع الشفاء، الغالب ان الي بيتكلم، او الي بيطلب قانون الجذب، مش الشخص الي عنده المرض أو المشكلة الصحية – التحدي الصحي – خلاص زي ما اتفقنا..

وحتى المريض نفسه لو استخدم قانون الجذب بيبقى في صورة  "أنا مش عايز المرض ده"..

"أنا مش عايز اقعد في المستشفى"

"انا مش عايز.."

"..مش.."

خدت بالك أكيد..مش كدة ؟

بالظبط، قانون الجذب لا يعرف أدوات النفي..زي مانتا قرأت في مقالة "أخطاء تطبيق قانون الجذب"

العقل الباطن هيشيل اداة النفي ويسمع ويخزن ويتصرف ويجذب ليك كل حاجة شبه الجمل دي:

"أنا عايز المرض ده"

"أنا عايز اقعد في المستشفى"

"أنا عايز.."

فمحتاج انك تقول كدة للشخص المريض..

كمان المريض ممكن يكون يائس أو حالته النفسية مش كويسة، فكده بيعمل قوة جذب سلبية، أو عكسية لنفسه، بيجذب ليه اللي هو مش عايزه..الي هو زيادة المرض وسوء حالته أكتر وأكتر..

فهنا انت في تحدي كبير جداً..عشان لازم توازن القوة السلبية دي بقوة جذب ايجابية منه..

لكن التحدي الأكبر فين..

أن التحدي الصحي ده يبقى عند حد تاني غيرك، وانت عايز تستخدم قانون الجذب ليه..

وأنه يكون بيتسبب في قوة جذب سلبية..ويجذب ليه تدهور حالته الصحية..

وكمان لو كلمته عن قانون الجذب مش هيقتنع..

لأ ما تقلقش الموضوع أبسط مما تتخيل..

هنا ، لازم تعمل حاجتين ، وده الجزء الأول من المختصر المفيد، اللي هو متعلق بالشفاء بإذن الله :

أول حاجة، انك تعمل المعايشة، ليه هو..وهو معافى تماماً وسليم تماما بفضل الله..بس تعملها أكثر من مرة في اليوم..عشان على أد ما تقدر توازن القوة السلبية الي هو بيعملها دي..وقريب ان شاء الله هكلمك بالتفصيل عن قوة الجذب او طاقة الجذب، بمعادلات رياضية تفصيلية ان شاء الله.

تاني حاجة، إنك تقوله على قانون الجذب..

حتى لو ما اقتنعش بيه..

بس الوقتي انت الي عرفته عليه، و طبقاً لمبدأ تضاعف وتتابع قانون الجذب..

هتعرف ان مهما كانت قوته السلبية في الجذب، فأنت هتستخدمها لصالحه..

لأن ببساطة كل ما انت تعرف حد بقانون الجذب، قوتك انت بتتضاعف، وكل ما هو يقول لحد عن قانون الجذب، قوتك برده بتتضاعف، وكل ما هو يجذب حاجة ليه، سواء عايزها او مش عايزها..

بالظبط، قوتك برده بتتضاعف..

ده تفسير سريع لـمبدئين في قانون الجذب وهما:

What you put out there gets back at you multiplied

و

You have to give to recieve

الأولى يعني الشيء او الفكرة او الحاجة او الاحساس..أو أو أو..أي حاجة بتديها لغيرك، بتخرجها بره منك، هتتردلك مضاعفة.

والثانية معناها انك لازم تدي وتشارك الي عندك، عشان تستقبل وتسمح لقانون الجذب بإنه يشتغل لصالحك..قريبين شوية من مبدأ في شريعتنا،

"لا يؤمن أحدكم حتى يحب لأخيه ما يحب لنفسه".

"الحسنة بعشر أمثالها".

صح..؟

صدق رسول الله صلى الله عليه وسلم..

أسيبك مع الجزء الأول من سلسلة المختصر المفيد..

وأشوفك الجزء الجاي ان شاء الله ، مع تحدي المال..

رمضان كريم.

 

 

 

11 comments

  • اميره جوهر

    July 30, 2011 at 10:51 pm

    انا معاك جدااا فى موضوع الشفاء دا …انا عن نفسى لو لاقدر الله تعبت مش بحب اعيش جو التعب لازم اخرج لازم اتحرك حتى لو مش قادره بس بحس انى بشيل التعب كله…………………..​بس فى كتير بيعيش المرض وبيديله حقه واكتر وبجد انا حاولت معاهم يتعايشو قابلو الموضوع بقمه السخريه واليأس

    ربنا ينفعنا بعلمك ويزيدك من فضله

  • nidaa

    April 3, 2012 at 9:03 am

    تسلم على المقالة الحلوة انا فعلا علمت وحدة صديقة عندي بهذا القانون كانت عندها مشاكل نفسيىة وسواس وقلة نوم وعدم ثقة بالتفس وهي بعد ماقرات وفهمت موضوع طبقت الايحاء الايجابي واتخيلت نفسها انا شفت تماما وانها على مايرام وقالت انها اتخيلت نفسها استفرغت كل الاشياء الي بجسمها وفعلا بعد ماستفرغت حست براحة واختفت كل الاعراض , حسيت بسعادة كبيرة لانني قدرت اساعدها تتخلص من الحالة الي كانت تعاني منه

  • فيصل عبد ال

    April 3, 2012 at 4:39 pm

    جميل انك تكوني سبب في سعادة حد
    ان شاء الله تقدري تنشري الخير والسعادة بين كل الي تعرفيهم
    بالتوفيق ان شاء الله

  • صحراء 55

    April 7, 2012 at 2:19 pm

    السلام علـيـكم ورحمه الله

    يـعطـيـك الف عافـيـه على هذه المقاله الرائعه جعلتنـي اشعربسعاده مشكوررررررررررررر^_^

  • فيصل عبد ال

    April 10, 2012 at 8:29 pm

    وعليكم السلام ورحمة الله، اتمنى سلسلة المختصر المفيد كلها تكون عجبتك ان شاء الله
    بالتوفيق بإذن الله

  • Roro

    January 10, 2013 at 8:13 pm

    I have been reading your articles for the past few days and I like what I am reading so far, thank you for your help.
    However, you said that I have to talk to the sick person about it but I have a 2 years old daughter who is sick so how can I help her with that? and would it work for her?
    Thanks.

  • amirnafsak

    January 14, 2013 at 5:03 pm

    in that case, Roro, you can help her without even telling her anything about law of attraction, just make her well-being is your goal, and apply the \”clearing – defining – inner visualization\” formula on it.
    have a good day,

  • منة الله

    March 11, 2013 at 6:32 pm

    طب لو نفرض ان الشخص المريض ده عنده مشاكل وطاقه سلبيه هيقدر يستخدم الجذب .. ولو الشخص ده ماقتنعش بكلامي واثر عليا بطاقته السلبيه ايه العمل ؟

  • فيصل عبد الواحد

    March 13, 2013 at 3:40 pm

    لا تحاولي اقناعه
    حاولي التحدث أمامه عن قانون الجذب
    وانظري كيف سيختلف رد الفعل بإذن الله
    تحياتي لك

  • BARO

    March 26, 2013 at 9:36 pm

    *جزااك الله خير

  • فيصل عبد الواحد

    March 28, 2013 at 8:45 pm

    اهلاً بك
    اشكرك على ردك الجميل
    بالتوفيق ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close