main

قانون الجذب

المعايشة

July 27, 2011 — by فيصل عبد الواحد46

بفضل الله وحمده..خلصنا الجزء الخاص بأخطاء تطبيق قانون الجذب..

وكان جزء مهم نبدأ بيه الأول عشان نمسح أي أفكار أو عادات خاطئة في التفكير..عشان نبدأ نفكر ونتخيل..ونتعايش مع الهدف..

المقالة دي بإذن الله..عن المعايشة..

Visualization

حرفيا يعني التخيل أو الرؤية..لكن هنا..

عشان نفهمها أكتر..

المعايشة..

يعني ايه ؟

المعايشة هو انك بعد ما تكون حددت هدفك – تحديد دقيق جدا على أد ما تقدر – تبدأ تتخيله..وتتعايش معاه..

يعني ايه برده..

خلينا ناخد مثال..وليكن، العربية..

الأول زي ما قولنا لازم تحدد الهدف تحديد دقيق جدا على أد ما تقدر..

يعني هنا..لازم تحدد نوع العربية..موديل العربية..لون العربية، لو عاوز حتى حدد لونها الخارجي واللون الداخلي(لون الفرش أو ال Interior).. نظام الصوت فيها، كاسيت، فيها فتحة سقف ولا لأ..، جنوط سبور..وسادة هوائية..

حدد كل الي تقدر تحدده..صدقني هتفرق جدا جدا في سرعة تحقيق الهدف..

هقولك على حاجة جميلة..شركات العربيات المحترمة..العربيات العالمية..عاملة على موقعها اوبشن اسمه Build your own car

بتدخل الأول تختار النوع بتاع العربية..سواء الفئة أو الاسم..وبعدين اللون الخارجي، وبعدين عايزه لون عادي ولا Metallic ..وبعدين اللون الداخلي..وبعدين لون الـ Trim  الداخلي للعربية..ونوع نظام الصوت..و و و و ..لحد ما يخلوك تختار كل حاجة في العربية..

هما كدا بيعملوا ايه..؟

اه بالظبط، بيعملولك Visualization ..

لما انت تعمل كل ده وتعيش في الحاجات الي بتختارها..حتى لو – شايف – ان مش عندك امكانيات انك تشتريها..بس كده انت عملت الVisualization.. أو المعايشة، ودي لو اتعملت صح، يبقى خلاص..مبروك عليك العربية !

تقدر تتأكد من الكلام ده من كذا موقع زي مثلا www.bmwusa.com

وتشوف هناك الناس دي فعلا بتفكر ازاي..

المهم..بعد ما بتحدد كل ده..، وتشوفه في عربيتك..

تبدأ عملية المعايشة..

تبدأ تشوف نفسك وانت سايق العربية دي فعلاً..

خليني آخد الكلام من على لسان Joe Vitale .. واحد من نجوم فيلم The secret ..

في كلام ماقالوش في الفيلم..ده خاص لناس محدودة وكنت واحد من الي ربنا بفضله أنعم عليا وحط الكلام ده في طريقي..وعلى فكرة ده كمان قانون جذب بس خلينا ما نخرجش بره الموضوع..

بيقول ايه الراجل ده..

بيقول عايزك تشوف نفسك واقف في بلكونتك..الوقتي..الثانية دي..

وانت بتبص على عربيتك دي تحت..قدام بيتك

وبتدخل من البلكونة أو الشباك وتاخد مفاتيح عربيتك..تخرج من شقتك..تنزل من البيت

تحط مفتاح العربية في الباب..تقعد على كرسي العربية..تحس بملمس كرسي العربية الي انت اختارته بنفسك..وتحس بقعدتك المريحة على كرسي العربية، وبتقفل الباب وراك..وبتحط المفتاح في الكونتاك، وتدور العربية وتسمع صوت الموتور الهادي..والعربية بتدور..وتمسك دركسيون العربية بإيدك وتحس بملمسه على جلدك..وواحدة وواحدة تطلع بالعربية..وتروح شغلك أو كليتك..

قبل ما انسى..الراجل ده..Joe Vitale .. يمتلك أغلى 6 عربيات في العالم..كل ما يعوز عربية يعمل كدة..وبيقول – وانا اتضامن معاه في كده – ان السر في انك تشوف نفسك عندك فعلا الهدف ده..في حياتك بالفعل وبتستعمله..مش انه (هيبقى) عندك..

عارف لو عملت كدة مرة واحدة بس..كل ما تفتكر، سيبك من الكلام الي الناس بتقوله عن قانون الجذب وتصعبه ليك وتقول لازم تعمل الكلام ده 21 يوم ونص ساعة في اليوم و كل الكلام الي مالوش أي فايدة غير انه بيبعد الهدف عنك أكتر..

عايزك تعمل كدة..مرة واحدة بس..وقف قراءة المقالة..وحدد هدفك..وتخيله بكل تفاصيله وانت بتعيشه..بكل شيء فيه..

خد وقتك..

وتعالى كمل قراءة بعد ما تخلص..

 

خلاص..خلصت ؟

حسيت بإيه؟

أظن انت حسيت بفرحة داخلية..مش كدة؟

الوقتي بقى..ياريت لو تكتب كل المواصفات الخاصة بالهدف ده في ورقة..

اكتب كل الي انت فاكره من المواصفات دي في ورقة قدامك..

وخلاص..

انسى الهدف ده..ما تفكرش فيه !

آه ما تفكرش فيه..

هو ده زي ما قالوا عليه في كتاب ، اتكلمت عنه اوبرا وينفري.. The secret behind the secret .. ونفس الي قاله Joe Vitale  في كتابه الي مش هقولك اسمه – كنوع من التشويق – عشان هديهولك هدية في مقالة تانية خاصة عن Joe  ان شاء الله..

Detach yourself from the thing you desire

بعد ما تعمل كل ده..افصل نفسك عن الهدف..خلاص..

سيبه هو هيتجذب ليك..

لو افتكرته انت بعد كده اوك فكر فيه بنفس الطريقة الي اتكلمنا عنها من شوية..وتراعي الكلام الي قولناه قبل كده الخاص بأخطاء التطبيق..

استنى الجزء الجاي..حاجة هتساعدك على التخيل جداً..سر انا بستخدمه شخصيا في جذب الأهداف..قسم جديد هفتحه في الموقع ان شاء الله..وهتشوف بإذن الله أد ايه هيفرق معاك..

الوقتي..عايزك تعيش مع الهدف بتاعك..عيشه، حسه، شوفه واسمعه، عيش كل تفاصيله وحبها وحب نفسك وانت محققه، وبعد كده..

افصل نفسك عنه..انساه..وهو ان شاء الله، هيجيلك لواحده..

 

في  Vitale له ind the secret  اتكلمت عنه اوبرا وينفري.. ..

ه بكل تفاصيله وانت بتعيشه..بكل شيء فيه..

ول لازم تعمل الكلام ده 21 يو

 

 

46 comments

  • abdullah

    March 14, 2012 at 8:52 am

    .. هو انتا ماغيرتش حاجه من الكلام اللي فوق..اقصد يعني هو الاسلوب الانجح لحد الان والفعال! هو ده؟

    ينفع اعمله لبداية علاقات مع اشخاص مهمين مثلا وكويسين !

  • abdullah

    March 14, 2012 at 10:32 am

    اللي بلاحظه انا, انه بعض اللي يوجهوا الناس لعمل الحاجات ذي ..هو انه بعضهم بيفضل انك تتعايش وتطبق التمرين وتنسى خلاص ماتفكرش ثاني..والبعض العكس يفضل انه باستمرار لحد ماتحصل النتيجة المطلوبة

  • فيصل عبد ال

    March 14, 2012 at 3:19 pm

    هقولك ليه يا عبد الله
    جو فيتالي، بيقول انك لازم تعمل المعايشة، وتنسى الهدف، وده هيخليه يجيلك أسرع..في حين ان بوب بروكتور، بيقول العكس تماماً، انك لازم تفضل فاكر الهدف ومركز عليه على أد ما تقدر عشان يجيلك أسرع
    والاتنين من عمالقة تدريب قانون الجذب والطاقة في العالم، مع ان معتقد كل منهم عكس بعض، ده يرجعنا لنقطة
    ان قانون الجذب بياخد المعتقدات الي جواك ويشتغل عليها، كل واحد فيهم جواه المعتقد ده، وبيشتغل بيه
    انا شايف ان ما ينفعش نمشي مبدأ واحد على كل حاجة، ان شاء الله هرد على التساؤل ده بموضوع مفسر قريب ان شاء الله

  • فيصل عبد ال

    March 14, 2012 at 3:21 pm

    أول سطر ما فهمتوش بصراحة، تاني سطر اه ينفع ان شاء الله

  • abdullah

    March 15, 2012 at 9:48 am

    ربنا يبارك في عمرك ويدّيك العلم من واسع فضله وعلمه ..

    وجهت كثير ناس للاستفاده منك ..لبراعتك بالطريقة المثلى بالشرح..هو كذا انا شايفه مناسب للعالم دي للي تبصروا بالعلم ده من قريب وبدأو يتعمقوا فيه .. وانا واحد منهم

  • فيصل عبد ال

    March 15, 2012 at 4:45 pm

    شكراً لردك الجميل يا عبد الله، ان شاء الله أقدر أفيدك وأفيد كل القراء بإذن الله

  • nagat

    March 23, 2012 at 1:10 pm

    شكرااا كتيرا بس انا من ناس لما عملت تمرين 21 فى 14 ماتحصلش نتيجه فى حين انى لما بدات اقول واكتب انا عايزه اى واستشعر الشى مره او مرتين بحصل على شى

  • فيصل عبد ال

    March 23, 2012 at 10:08 pm

    للحديث عن أهمية الكتابة مواضيع عدة، أعدك بموضوع عنها قريباً ان شاء الله

  • nidaa

    April 3, 2012 at 6:03 pm

    هل الي فهمته انك بعد ماتحدد الهدف تعمل معايشة والي قريت انه يكون 83 ثانية بس بعدين تكتبه على ورقة بصيغة الحاضر مثل ماتكون في موقف نفسه او تمتلك الشئ الي تريده لمرة وحدة بس ، والعملية هذا

    تمعلها مرة وحدة ولا تكررها؟؟

    مع فائق الشكر والتقدير

  • فيصل عبد ال

    April 4, 2012 at 3:52 pm

    المعايشة ل3 أيام يا نداء على الأكثر، لكن ما فهمتش السؤال، أصدك ايه بتكرار العملية، عملية المعايشة ولا الكتابة ؟

  • nidaa

    April 7, 2012 at 12:20 pm

    قصدي عن الكتابة وانت جاوبتي مشكورا هو كتابة مرة وحدة بس

  • نورا راشد

    April 24, 2012 at 1:58 pm

    ااستاذ فيصل اولا شكراالك على اللي بتقدمه لنا هنا  انا ارتحت لك كثير ولاسلوبك   الجميل بس فيه حا جه محيرتني  انه لما اعمل معايشه  لهدفي ودايماا اردد تاكيدات على ملكي لهذا الهدف احس خلاص انو صا رعندي بالفعل  مع اني لسه ما شفته حقيقه احس فيه حا جه جواي  تقول خلاص يكفي كلام وتاكيدات ما ادري صح والا غلط ارجو منك توضيح     هاذا الشي وشكراا لك

  • فيصل عبد ال

    April 25, 2012 at 12:46 pm

    انسي كل الي عرفتيه عن قانون الجذب قبل كده يا نورا
    سواء التوكيدات أو الامتنان والحاجات دي
    اه الحاجات دي جميلة وكويسة، لكن في حاجات أقوى وأفضل منها، نركز الأول على الحاجات الأقوى واللي فعاله اكتر
    ولما نكون ملمين بكل ده، ندخل في الحاجات التانية بقى ان شاء الله
    ياريت تنسي التوكيدات خالص الوقتي، وداومي على الطرق المكتوبة في الموقع هنا، هي بسيطة جدا وفعالة جداً في نفس الوقت
    بالتوفيق دائماً ان شاء الله

  • اسيل

    May 15, 2012 at 7:52 am

    *اسمحلي يادكتور انا تلخبطت

    انت ذكرت سابقا ان يحب ان لا نتخيل حتي لايبرمج عقلنا الباطن ان هدفنا خيال فلا يتحقق

    والان تقول لنا تخيلو وتعايشوا(هل هوا التخيل غير التعايش)

    شئ اخر انت ذكرت سابقا ان التفكير بالتعايش يجب ان لا يكثر عن ٣ايام والان تقول ٢١ يوم

    طيب ذكرت ان بعد التعايش اكتب الذي  فكرت به بكل تفاصيله ثم انساه..ولكنك رجعن وقلت ترجع تتعايش لمدة ٢١ يو

    ورجعت انكرت مصداقيه وجديه تمرين ال ٢١يوم بنفس هذا المقال

    شي اخر(معلش يمكن اكون  طولت ودخلت بتفاصيل  لكن لاني اريد التوضيح فانا جدا تلخبطت)

    انت ذكرت مثال البيتزا وانك  لا تسترسل بالوصف فقط اطلب الشئ وخلاص ..لكن هنا اثبت غير ذلك فقلت اوصف كل شئ بالسياره بشكل دقيق

    يمكن اكون مخطأه بهذه التقاط ولكني كتبتها لك لاني اريد التوضيح

    ولك جزيل الشكر

  • فيصل عبد ال

    May 15, 2012 at 10:54 am

    شكراً على ردك يا أسيل
    انتي تقريباً متلخبطة بين كلامي وبين تمرين
    14×21
    أما بخصوص اني قولت مرة تنسى الهدف ومرة تفضل مركز عليه
    فده بيرجع لنوعية العقل، دافع أو جاذب، واتكلمت في الحكاية دي أكتر من مرة، هتلاقي شرح مفصل ان شاء الله في مقالة "أنا اتخنقت – كل ما احاول أجذب حاجة تختفي"
    وطبعاً في فرق بين التخيل والمعايشة، واتكلمت عليه اكتر من مرة برده، المعايشة أقوى لانها بتوصل رسالة للعقل الباطن ان اللي بتشوفي تفاصيله ده واقع مش خيال
    ونفس الحكاية بالنسبة لكتابة التفاصيل ونسيانها أو التركيز عليها، اتكلمت عنها قبل كده برده في المقالة اللي قلتلك عليها و كان في ناس سألت نفس السؤال ورديت عليه
    بالتوفيق دائماً ان شاء الله

  • اسيل

    May 15, 2012 at 10:45 pm

    *انا عزمت ان اقراء كل مافي هذا الموقع من مقالات ثم اتناقش معك

    لاني لم اقتنع حتي الان بمحتوى هذه المقاله ولا بردك 

    لي عوده اما ان اقول لك فهمت ووجدت اجابات او ان اطلب منك شرح وافي

  • فيصل عبد ال

    May 17, 2012 at 12:24 am

    بالتوفيق ان شاء الله

  • هاجر

    September 1, 2012 at 10:37 pm

    *السلام عليكم 

    انا تقريبا بدأت أفهم و بالفعل طريقتك أسهل و أحس أنه أقرب لتحقيق الهدف أشكرك كثيرا دكتور و الله يزيدك من وافر علمه بس لو ممكن طلب أنا عايزة اتواصل معاك و عايزة طريقة 

  • فيصل عبد ال

    September 2, 2012 at 2:58 pm

    وعليكم السلام ورحمة الله وبركاته
    اهلاً يا هاجر، اتمنى اني اكون قادر اوصل المعلومة بشكل بسيط جداً ان شاء الله
    تقدري تبعتيلي أي حاجة عايزاها على
    personal@amirnafsak.com
    وبالتوفيق ليكي دائماً ان شاء الله

  • نانا

    September 15, 2012 at 9:47 am

    اشكرك من اعمق قلبي يا استازي على المقال الرائع كعادتك
    وبعد ازنك عندي شوية اسئله
    ايه الفرق بين المعايشه والخيال وازاي اميز واعرف نفسي انا بتخيل ولا بعمل معايشه ازاي اعرف اني انا ماشيه على الطريق الصيح وايه الفرق بينهم وبين احلام اليقظه
    السؤال التاني  لما المعايشه بتكون اقصى حد 80ثانيه
    ما تكفيش اني اتخيل واتعايش مع تفاصيل هدفي معقوله
    السؤال التالت خلاص والأخير بس ماتتعصبش
    تفاصيا الهدف اكتبها قبل المعايشه ولا بعده؟؟وايه هوه الي اكتبه بعد المعايشه؟
    اتعصبت؟؟خلاص مش حا أسال تاني
     انا بهزر بس اهزار بقى سؤال !!بتبقى عامل ايه وانت متعصب ازااي بتتعامل مع نفسك ومع المشاعر ديه؟؟؟
    ربنا يوفقك يا استازي العزيز ويخليك لينا وما يحرمناش منك يارب

  • فيصل عبد ال

    September 15, 2012 at 1:34 pm

    اهلاً يا نانا
    اشكرك على كلامك الجميل
    المعايشة بتكون باحساس، الخيال بدون احساس
    اذا كنتي تشعري وتبتسمي ما تريه داخلك، اذاً فتلك معايشة
    اما اذا كانت مجرد مشاهد، فهي خيال
    والمعايشة مالهاش حد اقصى يا نانا !
    ليها بس في حالة واحدة اللي هي 3 أيام، في حالة فك الارتباط
    ما تكتبيش تفاصيل الهدف، فكري فيها وعايشيها طالما هتشتغلي بسيدونا ان شاء الله
    انا شخصياً قليل جداً أما بتعصب يا نانا، يكاد يكون نادراً، الا فقط اما حد يحاول انه يعتدي عليا او يفرض رأيه بالقوة
    ووقتها ما بتكون عصبية رد فعل، بتكون اتخاذ فعل لازم فقط
    تحياتي ليكي، وبالتوفيق ان شاء الله يا نانا

  • amal

    September 27, 2012 at 9:53 pm

    *استنى الجزء الجاي..حاجة هتساعدك على التخيل جداً..سر انا بستخدمه شخصيا في جذب الأهداف

    استاذ / فيصل
    ماذا تقصد بهذه الحاجة وما هى لم افهم
    خالص الشكر لكم

  • فيصل عبد ال

    September 28, 2012 at 12:23 am

    المقالة التي تلتها مباشرة يا أمل
    بالتوفيق ان شاء الله

  • sama

    October 2, 2012 at 12:20 am

    *يا دكتلا انا كده تركيزى اتشتت اصدق مين ؟؟ اخلينى اتعايش مع الهدف 21 يوم ولا هى مرة وكفاية 

    بجد اتا اهتزيت اوى اتمنى توضيح كافى يا دكتر ده انا فرحت بعد ما وقعت على قانون الجزب ده وقلت مشكلى هتتحل 

    بس دلوقتى لاقية تناقض مش عارفة بامانة اعمل ايه فيهم 

  • فيصل عبد ال

    October 2, 2012 at 10:55 am

    لا أريد ان اتحدث في أي تمرينات أخرى تخص غيري يا سما
    افضل طريقة لاستخدام قانون الجذب هي التحرر – التحديد – المعايشة الداخلية
    اقرأي من أول مقالة سيدونا ببساطة، ستستفيدي جداً بإذن الله

  • Naser

    January 9, 2013 at 5:06 pm

    السلام عليكم

    أحييك على طرحك للموضوعات ….. فعلا هائل

    لي سؤال…… ً

    لو الهدف بيلح علي كل يوم وساعات في اليوم اكتر من مره

    في الحاله دي اعمله تعايش كل مره ؟؟؟

    بارك الله فيك

    تحياتي

    ناصر

  • amirnafsak

    January 14, 2013 at 4:57 pm

    وعليكم السلام ورحمة الله
    اشكرك على كلامك الجميل
    ما الذي تقصده يلح عليك ؟
    أي تتذكره أكثر من مره ؟
    في تلك الحالة نعم، لكن ايضاً تحتاج لمزيد من التحرر

  • saly

    February 12, 2013 at 12:58 pm

    *السلام عليكم

    شكرا لهذه المقالات الرائعة واتمنى ان يزيدك الله من علمه

    ولي ؤال لو سمحت

    هل التعايش 3 ايام متتالية؟

    اي اذا لم اتمكن من اقامة التعايش 3 ايام متتالية لسبب من الاسباب هل علي الاعادة للتعايش مرة اخرى لتكون 3 ايام متتالية؟

    وهل التعايش ممكن يكون مثلا 5 دقائق

    وما الوقت الزمن الافضل للمعايشة هل رب ع ساعة اقل او اكثر

    شكرا لردك

  • فيصل عبد الواحد

    February 15, 2013 at 3:39 pm

    وعليكم السلام ورحمة الله
    اشكرك على كلامك الجميل
    نعم بإذن الله متتالية
    ولكن هذا ما يخص تلك الطريقة فقط التي تنتمي لفك الارتباط
    وممكن يكون المعايشة ل5 دقائق نعم بإذن الله
    وأهم شيء أن تصلي بالمعايشة للحالة التي تشعري فيها بنفس شعور امتلاك الهدف بإذن الله

  • نهرالامل والطموح

    February 21, 2013 at 10:50 pm

    *اشكرك يااستاذ وبارك الله فيك عندي سؤال —-كيف اعمل معايشه لي هددفي  وهو )تعلم اللغه الانجليزيه  والتفوق في الدراسه الجامعيه تخصص اللغه الانجليزيه ؟؟؟؟؟ارجو المساعده

  • فيصل عبد الواحد

    February 24, 2013 at 11:07 pm

    اهلاً بك
    هل سمعتي تسجيل حقق احلامك في 20 دقيقة ؟

  • نهرالامل والطموح

    February 26, 2013 at 5:34 am

    *لا لم اسمعه. 

  • نهرالامل والطموح

    February 27, 2013 at 1:38 pm

    *نعم سمعته لكن التسجيل موواضح

  • فيصل عبد الواحد

    February 28, 2013 at 6:25 pm

    لا مشكلة
    اسمعيه بإذن الله

  • فيصل عبد الواحد

    February 28, 2013 at 6:33 pm

    غريبة..أول مرة أستمع لتلك الشكوى
    كيف كان غير واضح بالظبط ؟

  • شروق القمر

    March 3, 2013 at 9:21 pm

    *دكتور لو سمحت بالنسبة لجذب شريك الحياة

    هل يمكن بجذب الشخص نفسه الذي نريده بذاته؟
    أم يتم الجذب علي أساس الصفات؟

    يعني لو في شخص معين نريد جذبه ، ينفع ؟

  • فيصل عبد الواحد

    March 5, 2013 at 4:16 pm

    ابتعدي عن جذب الأشخاص يا شروق
    واستخدمي جذب الصفات أفضل
    تحياتي لك
    وبالتوفيق بإذن الله

  • نهرالامل والطموح

    March 5, 2013 at 11:55 pm

    بارك الله فيك تغيرت للافضل نوعاً ما لكن محتاجه مساعدتك ان فهمة انه عند تحديد الهدفالخارجي فيه شي داخلي وانا هدفي النجاح باللتخصصي اللغه الانجليزيه وذللك لاشعر بالثقه بالنفس والمكانه يعني اكتشفت اني محتاجه ثقه بالنفس لكن الحين كيف اتصرف ساعدني اتمنى باسرع وقت لان اختباراتس بقى عليها شهر ونصف وانا ادرس بالجامعه تعليم مطور عن بعد

  • فيصل عبد الواحد

    March 7, 2013 at 10:27 pm

    اهلاً بك
    تحتاجي فقط للتحرر من ذلك الشعور بالثقة بالنفس بإذن الله

  • نورا

    April 5, 2013 at 5:21 pm

    *استاذ اريد منك ان تساعدني على جذب شريك العمر بمواصفات الي انا وضعتها  بخطوات سهلة وسأطبقها حرفيا واتمنى ان اجذبة بصورة سريعا ارجوك ساعدني

  • فيصل عبد الواحد

    April 7, 2013 at 3:39 pm

    أهلاً بك يا نورا
    ستجدي الخطوات بالتفصيل في تسجيل حقق احلامك في 20 دقيقة
    تحياتي لك
    وبالتوفيق بإذن الله

  • هنادي

    May 24, 2013 at 4:26 pm

    السلام عليكم..كيفك..عندي بعض الاسئلة ..هل لازم نعمل معيشة لففك الارتباط ؟او يكفي …التحرر+التحديد+المعايشة الداخلية ..ايضا يادكتور لما اريد ان اعمل معايشة للحصول على منزل كبير كيف احدد كل شي بالتفصيل صعب هل احدد بشكل عام؟؟

  • براءه

    May 26, 2013 at 5:18 pm

    السلام عليكم دكتور فيصل بارك الله فيك وجزاك الله كل خير ….دكتورنا هل فى امكانيه انك تعمل كورسات فى ليبيا

    ؟؟؟

  • فيصل عبد الواحد

    May 29, 2013 at 4:35 pm

    وعليكم السلام ورحمة الله
    التحرر، التحديد، والمعايشة الداخلية، يكفي بإذن الله
    ولا مشكلة، اكتفي بتحديد ما تقدري عليه
    تحياتي لك

  • فيصل عبد الواحد

    May 29, 2013 at 4:43 pm

    وعليكم السلام ورحمة الله
    لا مشكلة بإذن الله بالفعل، فقط العرض الرسمي، والتنظيم التميز، هما عامل الموافقة لدي على المركز المستضيف بإذن الله

  • NaDa

    July 24, 2015 at 11:46 pm

    حسنا عندما نقوم بمعايشة الهدف بالتفصيل الممل لا نحتاج حينها لسيدونا ام ماذا ؟!

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close