main

قانون الجذب

الوعد

July 27, 2011 — by فيصل عبد الواحد11

لأ..

مش الفيلم..

Steve G Jones  رئيس ومؤسس الجامعة الأمريكية للبرمجة اللغوية العصبية، ومؤسس الاتحاد الأمريكي للمعالجين بالتنويم الإيحائي..

بيقول حاجة جميلة أوي في كورساته التدريبية..

From time to time, give your mind a candy bar..

يعني ايه ؟

حرفياً ترجمته مش هنفهم منها حاجة..لكن معناها، ريح مخك من فترة للتانية، بإنك تقرأ او تطلع أو تشوف حاجة مالهاش أي علاقة بشغلك، أو بمجال اهتماماتك..

زي "قطعة الحلوة" الي الطفل بياكلها من وقت للتاني..الشوكلاته..الي بتغير طعم اخر حاجة كلها، وبعدها يرجع تاني يقول لباباه بابا عايز جنيه اجيب شيبسي..!

بيل جيتس، رئيس شركة مايكروسوفت، في لقاء في مجلة أمريكية، كان بيحكي عن ازاي بقى مليونير، اتكلم عن فكرة الكاندي بار دي..قال انه دايما، ساعة في اليوم، بيقرأ أي مجلة تكون بعيده جدا عن التكنولوجيا والمال والتجارة..زي مجلات Vogue  للموضة النسائية، او كتب وصفات الطبيخ..

المقالة دي نفس الفكرة..

حبيت أريحك شوية من كم المقالات "الثقيلة" المتتالية..الي كان فيها معلومات كتير، والي اعتقد انك محتاج بعدها حاجة دمها خفيف..وتفيدك في نفس الوقت..

عايزك هنا، والوقتي حالاً..توعد نفسك..

 انك تكون قوي، مفيش حاجة تقدر تعكر صفوك الداخلي..

انك تتكلم بكل حاجة فيها صحة، كل حاجة فيها فرحة، كل حاجة فيها أمل، كل حاجة فيها رخاء، لكل الي تشوفهم.

انك تخلي كل صحابك وأصدقاءك، يحسوا بالشيء النادر المميز الي فيهم..

انك تبص للجانب المفرح في كل حاجة، وتبتسم حتى لو شايف ان من وجهة نظرك – حالياً – مش قادر تلاقي الجانب ده..

انك تفكر في الأفضل..تشتغل عشان تحقق الأفضل..وتستناه يحصل بإذن الله.

أنك تكون فرحان لنجاح غيرك بالظبط..بالظبط نفس فرحتك لنجاحك..

انك تنسى أخطاءك في الماضي..وتتحرك لنجاحاتك في المستقبل بإذن الله..

انك تكون صاحب وجه بشوش..مبهج..،وتضحك لأي مخلوق تشوفه في حياتك..

انك تدي كل وقتك لتطوير نفسك، بحيث انك ما يفضلش عندك أي وقت لانتقاد الآخرين..وكل ما تلاقي نفسك بتنقد حد..اعرف ان عندك وقت فاضي كان ممكن تستغله لصالحك..

أنك تبقى أكبر من القلق، أنبل من الغضب، أقوى من الخوف، وأنك فرحان جداً..لدرجة ما تسمحش بوجود أي مشاكل..

انك تحب نفسك، تعرف قيمة نفسك، تقدر نفسك..وتعلن ده للعالم كله، مش بالكلام العالي والكتير..

بإنجازاتك..بمعجزاتك..بفضل الله.

انك تعيش وتؤمن وتصدق، ان كل العالم في صفك، كل الكون عايزك تحقق الي انت عايزه، الي انت بتحبه..، على أد ما انت عايز كل العالم يبقى سعيد، وكل الناس تحقق ذاتها، وعلى أد اعترافك وتصديقك..إنك تستحق كل الخير ده..

اوعد نفسك بكل ده..خد على نفسك اقرار ذاتي،

وافرح..

واضحك..

وحب..

وعيش..

وساعد..

و توقع المعجزات..

يلا..أشوفك في مقالة تانية ان شاء الله..

11 comments

  • اميره جوهر

    July 30, 2011 at 11:06 pm

    اممممممممممممممممممممممممممممممم

    مش بعرف انا اعمل الموضوع دا الا فى حالات بسييييييييييييييييطه جدااااااااااااااااااااااااااااااا

    لييييييييه مش عارفه بصراحه ودا عيب رهيب عندى

    بس مش عارفه اغير الموضوع دا

    بالعكس فى اى موقف بحس ان كل الابواب اتقفلت فى وشى وببدا اشوف اسوء حاجه

    دبرنى يا فيصل

  • amir nafsy

    July 31, 2011 at 1:51 am

    مش بتعرفي تعملي ايه..توعدي نفسك بكل الي فات ؟

    مش عارفة عشان بتقولي لنفسك مش عارفة..

    الطفل أول ما بيمشي بيقع 100 مرة..ومع ذلك بيقوم ويحاول

    لغاية ما يمشي..

    مش عشان مش عارفة تعملي حاجة – أي حاجة – وما جتش معاكي من أول أو تاني او حتى عاشر مرة..

    انك تحطي اعتقاد جواكي..

    انك ما تعرفيش.

  • صحراء 55

    March 16, 2012 at 6:24 pm

    السلام عليكم ورحمة الله وبركاته.

    مقاله رووووووووووووووووووووعه مشكوووووووور

  • nidaa

    April 7, 2012 at 12:53 pm

    كلامك جميل جدا جدا ومهم في نفس الوقت

    فكرتني بقصة حقيقة وانا بقرا مقالتك. في وحدة صديقة اختى كانت في منتهى الغباء والبس المخربط ماكانت جميلة ابدا، كل شئ كان يدل على الغباء بس، بس البنت كانت عندها ميزة غريبة كانت تقول لنفسها انها جميلة جدا وانها تحب نفسها جدا جدا

    وانها راح تتزوج من طبيبب يحبها واهله يحبونها موت. الكل كان يضحك على كلامها بس هي ماكانت تهتم وكانت مصممة على انها جميلة بس ماحد يشوف جمالها!!

    المهم بعد فترة قصيرة فعلا خطبها طبيب بكل مواصفات الي كانت تطلبه وتقوله لنفسها وتزوجها وهي تعيش سعيدة جدا معه.

    القصة هذه هدية لكل من يعتقد ان قانون الجذب كلام فارغ!!!!!!!!!!

  • فيصل عبد ال

    April 10, 2012 at 8:37 pm

    خلال أيام قسم خاصص لقصص النجاح، مستني مشاركتك الفعالة فيه،
    بالتوفيق ان شاء الله

  • nidaa

    April 11, 2012 at 3:01 pm

    يسرني ذلك

  • Anonymous

    April 21, 2012 at 7:40 pm

    حاضر استاذنا ..والله انا عم اعمل زي المقالة دي والحمد لله مش مصدقة حالي ان الدنيا بقت احلى بكتير وانا انتبه كيف اصيغ الجمل وانا احكي مع حالي..يا رب حقق كل الي نتمناه انا وحضرتك وكل الناس يا رب..

  • فيصل عبد ال

    April 21, 2012 at 10:15 pm

    بإذن الله، ربنا يوفق الجميع

  • norjan

    June 7, 2012 at 6:52 pm

    انك تكون صاحب وجه بشوش..مبهج..،وتضحك لأي مخلوق تشوفه في حياتك
    اقتباس
    استاذي فيصل والله كانك تصفني في هذه العبارة والحمدلله انني انسانة بشوشة واضحك لكل انسان مهما كبر او قل مقامه وهذا اكيد بفضلي الله وحده
    ولاني اعرف ان لكل انسان(روح) معزة عن الله وبهذه الشخصية كسبت حب الناس ان لم اقل كلهم بل معظم من اتعرف عليهم
    واحمدالله على هذه النعمة ولو عاش جميع الناس بهذا المبدا لعاش الكل سعيدا كما انا الان
    احمدك يا ربي واشكرك على كل نعمة ما ظهر منها وما بطن

    جزاك الله خير جزاء يا استاذ فيصل

  • فيصل عبد ال

    June 7, 2012 at 8:46 pm

    شكراً على كلامك الجميل يا Norjan
    ربنا يرزقك البشاشة والسعادة دايماً ان شاء الله
    بالتوفيق دائماً بإذن الله

  • norjan

    June 7, 2012 at 9:15 pm

    انشالله وللجميع
    اشكرك استاذ فيصل

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close