قانون الجذب

! الوعي..تاني

November 30, 2012 — by فيصل عبد الواحد55

main

قانون الجذب

! الوعي..تاني

November 30, 2012 — by فيصل عبد الواحد55

! قانون الجذب - الوعي..تاني

مقالة "انت واعي" عملت ضجة كبيرة جداً

انا شخصياً ما توقعتهاش

وناس كتير طلبت مني توضيح أكتر عن يعني ايه وعي

حاسس اني زي ما بنقول عندنا في مصر

"جيت عالجرح"

أو لمست منطقة "حرجة" في حياة كل واحد فينا

يعني ايه انا مش واعي ؟

يعني لما تسمع كلمة زي

"الثراء يأتي من الداخل"

ايه اللي بيجي في تفكيرك الوقتي ؟

أكيد هتقول ان لازم نشتغل من جوا..عشان التغيير الداخلي أهم، والكلام ده كله

مش كدة ؟

طيب جميل..خلينا نفترض ان ده اللي انت شايفه فعلاً

انت ليه ما بتعملش كدة ؟

بمعنى تاني..لما انت شايف كدة

ومقتنع بيه

ليه حياتك - غالباً - مش زي ما انت عايز ؟

طب ليه دايماً بتحاول تتغير من بره..مش من جوه ؟

الوعي ان ممكن جملة تتعرض عليك

ما تفهمهاش خالص

بل انك تعارض صاحبها

وتيجي بعد شهر، شهرين، سنة، سنتين، تلاتة

وحتى 20 سنة

تسمع الكلمة دي تاني

تحس بحاجة جواك..عاصفة ذهنية

بتاخدك بالزمن للخلف..وتفكرك بالجملة دي

وتقول ازاي..ازاي ما فهمتش ده

لسه المعنى مش واضح..مش كدة ؟

كل أما بتسمع تسجيل مهم

او كورس لحاجة حتى انت ما بتحبهاش

او مش مهتم بيها

مستوى فكرك وثقافتك..ووعيك بيزيد

كل ما بتقرأ أكتر - ومش عارف ليه بصراحة الناس ما بتحبش تقرأ - وعيك بيزيد

بكل حرف تقرأه

بمعنى كل حرف، بدون أي مبالغة

في القراءة متعة ما لقيتهاش في أي حاجة تانية

وانا حاسس وانا بقرأ كل كلمة ومعلومة

ان وراها سنين خبرة وعلم وعمل من صاحبها

وانا باخدها..عالجاهز، في دقيقة او دقيقتين

أنانية..مش كدة ؟

عشان ما تبقاش انانية، انا برده بكلمك الوقتي، بنفس المبدأ

الوعي هو امكانية تقبلك لمعلومات معينة

اذا عندك الوعي، والرغبة، هتلاقي حصلت أي حاجة تخليك تاخد المعلومات دي

سواء ظروف تخليك تمتلك المقابل المادي لها، أو ظروف تخليك تعرف المعلومات دي بالصدفة

أي حاجة هتحصل، طالما بالفعل تمتلك الجاهزية لاستقبالها، والرغبة

ويمكن حتى الجاهزية أهم من الرغبة، عشان كده بنلاقي نفسنا في مواقف كتير

نعرف فيها معلومات، ما تهمناش في حاجة

الوعي هو اللي بيخليك تقبل او تعترض

تحب او تكره

تمارس..أو تمتنع، ممكن تسمع بتقنية قوية جداً

لكن عشان ما عندكش الوعي الجاهز ليها

هتلاقي نفسك غير مهتم بيها

ده بارادايم؟ لأ

حتى البارادايم ممكن نجنبه، ونخليه معانا بالتحرر زي ما قولنا قبل كدة كتير

تقدر تعتبر الوعي..وعاء

وعاء، كل ما الوعاء اتسع..كل ما أخذ كمية اكبر من المعلومات

اذا كان عندك وعاء بمساحة 2 لتر

استحالة تستوعب جواه، 20 لتر..مش كدة ؟

أي حاجة هتحاول تدخلها جواه، بعد الـ2 لتر

هتقع عالأرض..مش هتستفيد بيها بحاجة..مش كدة ؟

هو ده الوعي بالظبط

طيب الوعي ده بكتسبه ازاي

من خلال الاطلاع، انك تسمع كورسات، دورات، تسجيلات، أمسيات، تقرأ حتى لو في حاجات مش مهتم بيها

حتى اذا انت "ملأت" الوعاء ده بحاجة انت مش عايزها

تقدر تفرغها بعد كدة، وتملأ الوعاء ده بأي حاجة انت عايزها بعد كده

المهم ان الوعاء..يكون "اتسع" بالفعل

جملة سمعتها قبل كده وحبيتها كتير جداً

When the student is ready..the teacher will appear

وانا حصلت معايا مرات كتير جداً

كمان الناس اللي حواليك في بيئتك

العائلة

المدرسة

الكلية

العمل

الأصدقاء

كل ده بيساهم بشكل كبير جداً في تشكيل وعيك

عشان كده ممكن تلاحظ ان اهل دولة معينة يتميزوا بشيء معين

زي ما حبيبنا النبي عليه الصلاة والسلام

خص مناطق معينة بصفات معينة

زي حديثه الجميل "الحكمة يمانية" عن حبايبنا أهل اليمن

انت الوقتي تعمل ايه ؟

تسمع تسجيلات وندوات وأمسيات على أد ما تقدر للحاجة اللي انت بتحبها

او حتى ما بتحبهاش

المهم انك تسمع

المهم انك تقرا

نسيت اقولك ان خلايا المخ..أُثبت في بحث علمي انها بتتمدد كل ما تطلع وتقرأ أكثر

عشان تستوعب كمية المعلومات دي

رغم اعتراضي على جزء في البحث ده، لأن في رأيي مركز الذاكرة أو تخزين المعلومات مش في المخ

رأيي ان المخ فقط "آداة توصيل" بين الجسد، وبين كيان تاني، الروح، ومش بس رأيي ده رأي علماء كتير في العالم كله

لكن بدون ما ندخل في الكلام ده ممكن نخليه في وقت تاني

الوقتي عايزك تطلع وتقرأ ولو حتى صفحة كل كام يوم

لو بعد ما خلصت قراءة المقالة دي

حسيت انك غير مهتم

!! يبقى لسه محتاج..شوية وعي

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

55 comments

  • آية ماهر

    November 30, 2012 at 4:17 pm

    ياااااااه
    طول ما أنا بقرأ
    في كل سطر في المقالة واانا بردد جوايا : فعلاً فعلاً

    كلامك فعلاً صح وأنا مجربته شخصياً
    ممتنة جداً أستاذ فيصل

  • هند مرشد

    November 30, 2012 at 4:20 pm

    كلام منطقي 100/100 وشخصيا جربته … وكنت قريت معلومة حلوة كثير … أن أي حاجة بتحصل معاك في حياتك … هي مش صدفة زي ما بنفهمها بقلة وعينا …. لأ دي سرنديب زي ما بيقول د.صلاح الراشد … أو ناتج عن حاجات كثير كنت أنت السبب فيها … يعني لما تحب تعلي من وعيك ومن فكرك … أكيد حتتحط في طريقك مقالات وكورسات وأشخاص يساعدوك أنك توصل للي أنت بتطمح فيه …. وفعلا وأنا ماشية في طريق معرفتي لنفسي ولذاتي لقيت حضرتك

    ممتنة ليك على كل كلمة بتكتبها وبتعلي بيها وعينا

  • نسرين

    November 30, 2012 at 4:28 pm

    شكرا على هذا التوضيح الي اكثر من رائع

  • shaima

    November 30, 2012 at 6:48 pm

    عن جد مقالة راااااااااااااااائعة يا استاذ فيصل
    اصبحت الان لدي عالم جديد هو عالم حضرتك والناس الي بتابعك على الفيس بوك
    وهو عالم جميل جدا
    من فضل الله علي اتعرفت على حضراتكم
    شكرا لك زرنا يوفقك يارب

  • Noorjan

    November 30, 2012 at 9:33 pm

    سبحااااااان الله صايرلي يومين اقول راح اطلب من استاذ فيصل يكتب كم مقالة عن الوعي لان احسه اساس كل شي
    بس كمان استاذ عيزين مقالات عن التأمل وأمثلة تفصيلية
    وهل في فرق بين الثقافة والوعي؟
    وآخر حاجة شكرًا استاذ ربنا ينور دربك ويزيدك علم
    مقالة مليانة وعي

  • Ghada

    December 1, 2012 at 9:16 am

    شكرا استاذ فيصل علي المقال الرائع
    وبستاذن حضرتك لو ممكن تكملما عن الطاقه الموجوده في اسماء الله الحسني
    لان الموضوع شاددني من فتره وبلاقي كلام كتير عليه فيه الصح وفيه الغلط
    وشكرا مره تانيه

  • tota

    December 1, 2012 at 1:09 pm

    شكرررا عالمقالة جميييييييييييلة جدا ..
    وفعلا حصلت لي قبل كدا قرات عن تقنية تاباس ومااهتميت لها وبعد فترة زاد وعيي وانتبهت لها واستفدت منها
    بالنسبة لموضوع مكان تخزين المعلومات سمعت الاستاذ احمد عمارة بيقول نفس كلامك عن الابحاث واضاف ان اخر دراسة اكتشفوا ان المعلومات تتخزن وتنطبع في كل خلية من خلايا الجسم ثم اكتشفوا ان اصلا المعلومات محفوظة في هالة الانسان مهما كان عدد المعلومات فالهالة تستوعب عدد لانهائي من المعلومات ..
    والمقالة جداا مفيدة ومتحممسة كتير للمقالة الجاية باذن الله

  • صحراء55

    December 1, 2012 at 6:49 pm

    السلام عليكم

    يسلمووو ع الطرح
    سلمت يمينك
    على المقاله الرائعه
    ف انتظار جديدك

  • amirnafsak

    December 2, 2012 at 1:17 am

    أهلاً يا آية
    اشكرك على ردك الجميل
    ان شاء الله تفيدك كل المقالات
    تحياتي لك، وبالتوفيق ان شاء الله

  • amirnafsak

    December 2, 2012 at 1:18 am

    اهلاً يا هند
    بالفعل كلامك مظبوط
    اشكرك على كلامك الجميل
    تحياتي ليكي وبالتوفيق بإذن الله

  • amirnafsak

    December 2, 2012 at 1:18 am

    اهلاً يا نسرين
    اشكرك على ردك الجميل، تحياتي ليكي وبالتوفيق بإذن الله

  • amirnafsak

    December 2, 2012 at 1:19 am

    اشكرك على كلماتك الرقيقة يا شيماء
    ان شاء الله تجدي ما يسرك ويفيدك دائماً

  • amirnafsak

    December 2, 2012 at 1:20 am

    بالفعل هناك فارق بين الثقافة والوعي
    الوعي هو مدى استيعابك، وتقبلك لما تجديه امامك من افكار ومعلومات
    تحياتي ليكي واشكرك على كلامك الجميل

  • amirnafsak

    December 2, 2012 at 1:22 am

    اهلاً يا غادة، اشكرك على كلامك الجميل
    هل قرأتي البوست الخاص بتجربتي مع
    Dakara kies
    في صفحة امير نفسك على الفيس بوك ؟

  • amirnafsak

    December 2, 2012 at 1:23 am

    اهلاً يا توتة
    اشكرك على كلماتك الجميلة،
    ان شاء الله تستفيدي دائماً
    تحياتي لك

  • amirnafsak

    December 2, 2012 at 1:26 am

    وعليكم السلام ورحمة الله
    اشكرك على ردك الجميل، ان شاء الله تستفيدي دائماً
    تحياتي وبالتوفيق ان شاء الله

  • rony

    December 2, 2012 at 8:32 am

    صباح النور
    شكرا استاذ فيصل على كلماتك الرائعة

  • amirnafsak

    December 2, 2012 at 4:32 pm

    السلام عليكم
    صباح الخير يا روني
    اشكرك على كلامك الجميل
    تحياتي لك وبالتوفيق بإذن الله

  • خلدون عبد العزيز

    December 4, 2012 at 4:44 am

    يا أستاذ فيصل السلام عليكم ورحمة الله وبركاته/ أقدم لك نصيحتان ,ارجو تقبلهما 1- أرجو الكتابة باللغة العربية الفصحى لأن الكتابة بالعامية مشكبة كبيرة جدا ، وأنت بذلك بطريقة غير مباشرة وغير مقصودة تحقق هدفا بعيدا لأعداء الأمة في نشر العامية عن طريق كتابتها بهذه الطريقة 2- ملاحظة مهمة تتعلق بقانون الجذب ينبغي التأكيد على كل من تقوم بتدريبه وتعليمه أن كل ذلك بأمر , وأن ذلك لا يحصل إلا بأمر الله ، والقلب ينبغي أن يتعلق عند القيام بهذه التمرين بالله ، ولا يصح أن يتوجه إلى الأسباب فيظن أنها تؤثر بنفسها ، وإلا وقع العبد في شرك الأسباب

  • Ghada

    December 6, 2012 at 4:54 pm

    ايوه استاذ فيصل وهو ده اللي خلاني اطلب من حضرتك مقال بيشرح اكتر
    HPT وازاي نقدر نستخدمها

  • amirnafsak

    December 6, 2012 at 6:22 pm

    وعليكم السلام ورحمة الله وبركاته
    اهلاً يا خلدون، بالنسبة للعامية فأشعر، وكذلك العديد من المتابعين بأنها أقرب إلى القلب نوعاً ما
    وبالنسبة للطلب الثاني، فربما لم تقرأ العديد من مقالاتي بعد
    اذا فعلت، سترى أنني أكتب وأؤكد على كل ما تقول
    تحياتي لك، وبالتوفيق بإذن الله

  • amirnafsak

    December 6, 2012 at 7:07 pm

    لا أظن في الوقت الحالي يا غادة نظراً لكثرة المواضيع والكورسات المطلوبة
    ممكن فيما بعد ان شاء الله
    تحياتي لك وبالتوفيق بإذن الله

  • ghada

    December 12, 2012 at 5:37 pm

    راااااااااااائع وشكرا على الافادة

  • amirnafsak

    December 14, 2012 at 2:18 am

    اشكرك على ردك الجميل يا غادة
    ان شاء الله تستفيدي دائماً

  • jbalghwan

    December 18, 2012 at 10:13 am

    بالفعل جبتها صح ،،، والوعي يتكرر عندي في عدة مقالات اقراها هذه الايام ، منها التفكير بوعي ، القراءة بوعي ، الاستماع بوعي ..

    اسعدك المولى وحفظك. تقبل احترامي

  • amirnafsak

    December 26, 2012 at 10:23 am

    اشكرك على كلماتك الجميلة
    ان شاء الله يزداد وعيك دائماً وتحقق ما تريد
    تحياتي لك وبالتوفيق بإذن الله

  • باسم

    January 14, 2013 at 6:27 pm

    كلاااااااااااااام جميل ياريت يكون الشرح بالغة العربيه علشان كل العرب بيستفيدو من مواضيعك الجميله

  • sonia

    January 16, 2013 at 8:07 pm

    *أستاذ فيصل أنا أشكرك على ما تقدم من معلومات قيمة .. و فعلا كلامك صح أنا قبل ما اعرف إن في حاجة اسمها قانون الجذب ما كنتش ألاحظ التسلسل في الأحداث لكن بعد ما اكتشفت وجود هذا القانون الرائع في الكون أصبحت اكثر وعيا لما يحدث حولي مش عارفة إذا كنت توافقني و لا لا لكن أنا أصبحت اعتقد أن قانون الجذب يتجلى في كل أمور الحياة بدون استثناء و لما ارجع لما قرات عن هذا القانون استطيع أن افهم أن تعاليم ديننا الحنيف كلها تساعدنا على حسن الاستفادة من قانون الجذب و أول حاجة فكرت فيها هي اذكار الصباح و المساء فهي تجعلني  اشعر بالسعادة فالمواظبة عليها بمثابة البرمجة اللغوية العصبية             

  • amirnafsak

    January 18, 2013 at 6:28 pm

    اهلاً يا باسم
    اشكرك على كلامك الجميل، لكن قبل كده سألت الناس على موضوع اللغة
    ونسبة كبيرة – غير مصريين – فضلوا اللغة المصرية

  • amirnafsak

    January 18, 2013 at 6:36 pm

    اهلاً يا سونيا
    أكيد اتفق معك، والعديد من الأخوة أيضاً في ذلك
    كل حياتنا هي مردود لما فكرنا فيه من قبل ولو من سنوات عديدة
    تنجذب لنا في مواعيد محددة بأمر الله
    تحياتي لك
    وبالتوفيق ان شاء الله

  • عبيرالورد

    January 23, 2013 at 2:03 am

    *والله بديت لا افهمك يا استاذ فيصل ..رغم اني لست بجديده على امير نفسك ولا علم الطاقه ،،من ٤ سنوات وانا اقراء فيه والتحقت معك بكورس الجذب وامتلكت من قبل اصدار للجذب لاحد اعلام العرب في هذا العلم واتابع هذا العلم مع بعض الرموز العرب والخليج ..ولكن اشعر انني معك يضيع فهمي للامور رغم انني احب جدا ماتكتبه.والله اتمنى لو اجلس معك واتباحث لان اشعر عندما اقرأ مقالاتك اتوه. 

  • amirnafsak

    January 25, 2013 at 1:09 pm

    لا مشكلة يا عبير
    لكن ما استغربه هو انك حضرتي لكورس..
    دعيني اسألك
    بكل صراحة..ماكان شعورك قبل البداية في الكورس تماماً
    هل كان بداخلك صوت مثل : السعر مبالغ فيه
    لا أدري
    ليس كما توقعت..هل كان فيك أي شيء كذلك ؟

  • إيمان

    February 28, 2013 at 12:36 pm

    كنت اقرأ كثيرا وانا صغيره ، ربما بسبب الوحده او الفراغ او لسبب آخر ، حتى اصبح الكتاب اعز صديق لدي ولدرجة اني كنت ابكي عندما انتهي من قراءة كتاب ما لأني سأتركه و كأني اودع شخص عزيز علي ، ومع الأيام بدأت تتضح لدي موهبه رائعه وهي موهبة الكتابة واصبح لدي بسبب قرائتي في الصغر ملكة الكلمه والقدره على التعبير بسلاسه ، وهذا خدمني اكثر عندما اصبحت أم اساعد ابنتي في كتابة مواضيع التعبير في المدرسه ، وذلك ساعد على ارتفاع درجات ابنتي في المدرسه ، واصبح المدرسين يثنون على اسلوبها في التعبير معترفين بتفوقها عليهم في الماده ، مع  العلم انها اخبرتهم بأن هناك من يساعدها . المقصود اننا نمر في حياتنا بأشياء قد لا نهتم لها او نقلل من اهميتها وهي في الحقيقه ادوات لا تعلم متى ستحتاج لها .

  • فيصل عبد الواحد

    February 28, 2013 at 6:34 pm

    بالفعل يا إيمان
    لكن المشكلة انه قد يمر العمر ولا تعلمي بوجود تلك القدرات
    والسبيل الوحيد لاكتشافها
    هو إزالة الغبار المتراكم عليها
    فيما يعرف بالــ
    تحرر

  • faten sh

    March 8, 2013 at 8:14 pm

    *مشكور استاذ فيصل على كل ماتساعدنا فيه … بصراحه انا سمعت مثل كلامك كثير وقرأت كثير  بس كلامك اسلسل بوصلوه الى العقل والفكر .. لكم مشكلتي انسى كل شئ اقرأه اول مره افتح بالقرأة ومن اسمع شئ .. لكن سرعان ماانسى …

  • فيصل عبد الواحد

    March 13, 2013 at 3:27 pm

    تحتاجي فقط للاكثار من القراءة
    انت لا تنسي شيئاً
    عقلك الباطن لا ينسى
    ستجدي المعلومة تظهر فجأة عند الحاجة لها بإذن الله

  • Abdulmueain

    April 10, 2013 at 8:45 am

    *أسلوبك سلس وشيق أستاذ فيصل وأن شاء الله نستفيد من الكورسات اللي تقدمها

  • فيصل عبد الواحد

    April 13, 2013 at 2:54 pm

    اهلاً يا عبد المعين
    اشكرك على كلماتك الرقيقة
    ان شاء الله تستفيد دائماً
    بالتوفيق بإذن الله

  • amal

    May 24, 2013 at 10:23 am

    *فعلا انا بيحصل معايا كده معلومه تكون عدت عليا ومحسش بيها ولا استفيد منها الا بعد موقف معين  يحصل افتكرها واقول ياااااااااه هى كانت معناها كدهمعقول!!! يارب زدنا وعى

  • فيصل عبد الواحد

    May 29, 2013 at 4:34 pm

    بالفعل يا أمل
    ذلك ما قصدته تماماً
    تحياتي لك
    وبالتوفيق بإذن الله

  • jbalghwan

    June 4, 2013 at 2:09 pm

    *دوما الى الامام

  • فيصل عبد الواحد

    June 5, 2013 at 7:27 pm

    اهلاً بك
    اشكرك على كلامك الجميل
    تحياتي لك

  • Faisal Abdelwahed

    June 16, 2013 at 11:20 am

    أشكرك، بالتوفيق بإذن الله

  • Dai AlGamar

    June 28, 2013 at 9:22 pm

    مش عارفك كيف اشكرك استاذ فيصل كل يوم نراجع فيه مقالاتك بلاقي جواب لاسئلتي شكرا من كل اعماق قلبي.

  • Claire D'amour

    July 7, 2013 at 9:18 am

    كل الشكر. جزاك الله كل خير.

  • Naser Huntouli

    July 16, 2013 at 8:18 am

    فى هذا المقام أقول: جاهد تشاهد. يا صباح الفل.

  • فيصل عبد الواحد

    August 19, 2013 at 6:59 pm

    أشكرك، بالتوفيق بإذن الله

  • ahmed elkady

    October 13, 2013 at 8:10 am

    على الرغم من انى احب القراءة ولكن يمر على اوقات مبقدرش اقرأ فأنطع ثم اعود بشراهة ثم يقل ويقل حتى ابتعد ثم اعود لا اعلم لمذا.

  • ahmed elkady

    October 13, 2013 at 8:18 am

    انا عندى مشكلة من كام سنة انى قدرتى على الابداع اختفت بطلت اكتب مش عارف ايه السبب ومش عارف ارجع تانى ياريت تفيدنى فىامشكلة دى يا دكتور فيصل

  • Weam

    May 15, 2014 at 10:47 pm

    كلام أكثر من رائع .. شكرا استاذ فيصل

  • اسراء

    May 22, 2014 at 2:18 am

    سبحان الله يا استاذ فيصل انت جتني بوقت طاقتي انخفضت او دافعي وحماسي قل انا ليا 6 شهور تقريبا واكثر بقرأ بهالعلم علوم الطاقة والجذب حتى احس نفسي صرت اقدر اعطي محاضرات فيها وطبقت تمارين كثيرة لكن بعدها حسيت نفسي انصدمت مالقيت الشيء الي خططت له وتمرنت عليه الا القليل والشغلات البسيطة
    الان لمن اقرأ مقالاتك اريد ان اطبق ولكن مالي نفس ابدا احس نفسي مو قادرة مالي نفس بالرغم احب اقرأ لك واتابعك على اليوتيوب والفيس حتى احلامي اطلقت سراحها قلت لنفسي ان تحققت اهلا وسهلا وان ما تحققت لن ينقص شيء مني احس نفسي مو قادره اطبق شيء من تمارينك ومعلوماتك لتحقيق احلامي ماني عارفه هالشيء صح ولا غلط وفي النفس الوقت مو حابة اعمل شيء وانامش مستمعة فيه او دافعي قليل فيه

  • ALIYA

    April 1, 2015 at 9:39 am

    شكرا جزيلا على هذه المعلومات الجميلة عن الوعي…وبصراحة اعطيني دفعة نحو القراءة وسوف اقراء اليوم لمدة ساعة بإذن الله
    استاذ فيصل ياريت لو ف مجال تتكلم عن الوعي الجمعي والوعي الكوني وما اثرهم في حياتنا

    شكرا

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close