قانون الجذب

انا اتخنقت – كل ما أحاول أجذب حاجة تختفي !

April 2, 2012 — by فيصل عبد الواحد92

main

قانون الجذب

انا اتخنقت – كل ما أحاول أجذب حاجة تختفي !

April 2, 2012 — by فيصل عبد الواحد92

SubconsiousMind
SubconsiousMind

! يبقى انت أكيد في مصر

مش بغني..بس فعلاً، لو بتعاني من المشكلة دي

ان كل ما تحاول تجذب حاجة، تبعد عنك، او تظهر، وتقرب أوي، وفجأة تختفي

!! يبقى أنت أكيد في مصر

!! ايه علاقة مصر بقانون الجذب

مش مصر بس..الوطن العربي كله

كمان ؟

!!!!

هقولك ليه، بس في آخر المقالة، عشان لو قلتلك ليه الوقتي ممكن ما تفهمش كلامي، وتحس انك قدام معادلة هندسية شديدة التعقيد، بعد دراسة 4 سنين في كلية حقوق

المهم

العقل البشري، في طريقة تعاملة مع الأهداف، من منظور قانون الجذب - معلش استحمل انا عارف ان الكلام يتوه - بيكون حاجة من الاتنين

عقل جاذب

عقل دافع

يعني ايه الكلام ده

يعني في نوعية من الناس، لما يفكروا في الحاجة، ويكونوا عايزينها، تبعد عنهم، ولما ينسوها تماماً، أو حتى يفقدوا الأمل فيها، تبدأ في الظهور، ده النوع التاني، العقل الدافع

أما النوع الأول، وده نادر شوية - أصدي جداً - هو الناس الي لما بتفكر في حاجة عايزاها، بتحصل، أو على الأقل بتظهر قدامهم

كلام جميل..كلام نظري، بس ليه

المشكلة، واللي فعلاً مشكلة عشان في وقتها مالهاش حل وهتعرف ليه الوقتي، ان الشخص من سن 0 لحد سن 6 سنين، وفي علماء بتقول حتى قبل الولادة في بطن الأم، بيستقبل كل حاجة تتقاله أو تحصل قدامه استقبال كامل

ليه..؟

لأن وقتها ما بيكونش العقل "الواعي" اتكون..اللي بيكون موجود وقتها هو العقل اللاواعي، أو العقل الباطن، ومش بس كدة، لكن في مرحلة التكوين والبناء

أي حاجة بيشوفها قدامه، بيخزنها جواه

وده بيفسر ليه الطفل في المرحلة دي بيتعلم أي حاجة بسرعة جداً،وكمان بيفسر الحديث النبوي الشريف، اللي مفاده، أن أول ما يولد الطفل، يؤذن في أذنه اليمنى،

وفي نفس الوقت

لو شاف البيئة الي حواليه بيئة همجية عنيفة، بيتخزن جواه ان دي طريقة التعامل مع الحياة

شافت مامتها بتقف قدام المراية كتير بتحط ميك آب، هيتخزن جواها وهتبدأ تعمل زيها

سمع مامته بتقول لباباه : ونبي ياخويا الفقير هو الي معاه راحة البال هيتخزن جواه ان راحة البال ما تجيش الا بالفقر

سمع باباه بيقول لمامته : لازم الواحد يضحي عشان التاني، هيتخزن جواه انه لازم دايماً يضحي ويكون الطرف الخسران في أي حاجة

انا عايز امشي جمب الحيط

الفقراء يدخلون الجنة

الفلوس الكتير لعنة

أو لما الطفل يمسك في لعبة يسمع كلمة : خدوها منه ما تدلعهوش من صغره لازم يكون راجل

ناهيك عن الضرب والشتيمة والإهانة اللي ممكن الطفل يتعرض ليها في السن ده

كل ده بيتخزن جواه، ومش بيتخزن بس، بيتخزن، ويتحصن، ويبدأ العقل والجسم يشتغلوا عليه

فلو هو اتعود ان كل حاجة يحبها تتاخد منه - اللي متمثله وقتها في اللعب أو الخروجات أو المصروف أو أو أو..ده بينبنى جواه، ويبدأ يتخزن في البارادايم الخاص بي

ده بقى عقل دافع، لما بيكبر، كل حاجة بيتعلق بيها بتروح منه، حلم معين انه مثلاً يكون لعيب كورة أو ممثل مشهور، بيبعد عنه ويبدأ يلعن الحظ ، مجموع معين في الثانوية العامة عشان يدخل كلية معينة، بيبعد عنه، ويبدأ يلعن صعوبة الامتحانات والمصححين، شغل أو وظيفة معينة قدملها وما اتعينش، يبدأ يلعن الواسطة والكوسة..حبيب أو حبيبة ارتبط بيه وخانه أو خانها، يبدأ يلعن الخيانة والحب والناس..وهكذا بتدور الدايرة وتفضل شغالة، إلى أن..

إلى أن تحصل صدمة كبيرة،

Break Down

يبدأ الشخص ده في مراجعة نفسه، ومراجعة كل حساباته، يبدأ يسأل نفسه ليه..انا بعمل ايه غلط، انا خلاص قررت ما أتعلقش بحاجة بعد كدة، ماعنتش عايز حاجة، كل حاجة كنت عايز اعملها في حياتي ما عملتهاش، خدت ايه أنا من الأحلام والأهداف وكل ده غير الحزن والذل..من هنا ورايح، أنا مش هتعلق بأي حاجة أنا عايزها

فجأة..يلاقي كل حاجة بدأت تقرب منه

بدأ يتعرض عليه شغل

اشتغل فعلاً، بدأ يعمل فلوس..بدأ يرتبط..حب، اتجوز !

ويقول سبحان الله يا أخي، فعلاً يدي الحلق للي بلا ودان - مع كرهي للمثل الشعبي ده - ما عملتش كل الي انا عايزه الا أما فقدت الأمل فيه

شخص تاني، وده نادر شوية، ذو العقل الجاذب، اللي متدلع من صغره وكل حاجة عايزها بتجيله /بتجيلها، لو مراحل نموه كملت على الشكل ده فغالباً برده الجذب بيشتغل معاه بنفس الطريقة

طب الحل ايه، طبعاً بالنسبة للشخص ذو العقل الدافع عشان هو الي عنده مشكلة

بص، لو انت فعلاً شايف نفسك كده - وما تفتكرش انك لواحدك، في دراسة لجامعة هارفارد لقت ان 80% من الناس بيفكروا تفكير سلبي - فمتخافش

قدامك حل من الاتنين

أول حل انك تضحك على نفسك !

ودي طريقة أعرف شخص جربها ونفعت معاه جداً، هي انك تشوف انت عايز ايه، وتتمنى عكسه !

!! عايز تشتغل ؟ اعمل المعايشة والاحلام وكل حاجة خاصة بقانون الجذب، لأنك تكون عاطل

ما تضحكش، ما تستغربش، صدقني ده حل

شوف أي حاجة انت عايزها، أو بعدت عنك، واعمل كل خطوات قانون الجذب، للحاجة الي ضدها بالظبط

في حل تاني، لكن بياخد وقت كبير، لكن في نفس الوقت يستحق، هي انك تنسف البارادايم اللي جواك

بإنك تقاومه، لو حددت هدف، وكالعادة بدأ يبعد عنك، تفضل وراه مهما الأمر كلفك لغاية ما تحققه بفضل الله

الحكاية دي صعبة، ولازم تعمل كذا هدف لحد ما يتكسر البارادايم الي جواك ويبدأ يتقبل برمجة جديدة

لكن صدقني أفضل من الطريقة الأولى، 100 مرة

ما تخافش، ما نسيتش أقولك علاقة ده كله بمصر ، أو الوطن العربي عموماً ايه

فاكر الدراسة بتاعة جامعة هارفارد؟

أيوة هي اللي فوق دي، دي كانت على الأمريكان، 80% منهم بيفكروا تفكير  سلبي

ما بالك بالعرب ؟

ما بالك اننا عندنا أعلى نسب ضرب الأطفال في العالم

!! ده غير طرق التربية المتقدمة جداً الي بنربي بيها أطفالنا، بأننا لازم كل صيف مثلاً نخليهم يشتغلوا عند حد يشتمهم بأهلهم - ولازم يشتمهم عشان يطلعوا رجالة

ما بالك بأننا عندنا طرق وأساليب التعليم متقدمة جداً، ومتطورة بالشكل الي بيقتل أي خيال أو ابداع في الطفل، سواء في المنطقة العربية، أو في مصر خصوصاً؟

92 comments

  • abdullah

    April 3, 2012 at 12:37 am

    والله ياستاذ فيصل انا شايف الحين ان المقالة دي بكفه والمقالات السابقة بكفة اخرى !

    يعني ازاي نربط كلامنا انه لما القانون مايمشي مع حد وهو بيشتكي من نتايجه انه لازم يعرف بالاول تعلم كيف يتحررمن السلبيات اللي عنده عشان يمشي معاه كل شي !

    وبين انه ممكن كذامايعرفش بالضبط هو من دافع ولاجاذب لانه يعتقد انه واجب عليه التحرر من السلبيات عشان تمشي معاه ..وبيني وبينك لو قلنا استمر لحد ماتحصل الهدف اللي انت عايزه ..بيكون كذا بطلنا شغل قانون الجذب من الحكاية لان الطبيعة الحياتية تجبرك وغصب عني وعنك انك تبحث وتبحث تكل ولاتمل من اجل البقاء والعيش وتحصيل النتيجة المطلوبة من السعي وراء الهدف !

    وعن نفسي من خلال بحثي هنا وهناك عن تعدد اراء واختلاف اوتعدد تطبيقاتكو كممارسين ومدربين صرت أؤمن

    بتطبيقات:

    ا* اختراق عقلك الباطن من خلال تعايش حاجة سعيدة ثم بلحظة تعايش بثانيةالهدف والرجوع…الخ اللي انت قلت عنه

    ا*وتوافق الذبذبات اوالتخاطر قبل النوم من خلال العين الثالثة

    ا* والكتابة بورقة عن احداثك السابقة السلبية واللي مش عاوزتشوفها وحرقها ومن ثم كتابة الاهداف اللي انت عايزها

    والحين جاري تطبيق 21×14

    برضه استاذ فيصل وانا اقرأ المقالة انتظرت حضرتك باالاخير تطرح التنويم كـ حل لاعادة برمجة العقل اللاواعي

    لاني بحس انه يختصر وقتك

    والان بجرب تطبيق 21×14

  • فيصل عبد ال

    April 3, 2012 at 8:24 am

    اهلاً يا عبد الله ، إزيك
    تحياتي ليك لردودك التي تثري الموقع دائماً
    بالنسبة للموضوع، انا فعلاً قولت الي بقوله قبل كده، وأكدت عليه
    لو عايز حل مؤقت، ممكن تخدع عقلك الباطن وتتمنى عكس ما تريده
    لو عايز الحل الأفضل والدائم، تعمل بقى الخطوات التانية الخاصة بحرق المعتقدات
    ومقاومة البارادايم..وهكذا
    التنويم انا اتكلمت عنه لكن لسه ان شاء الله موضوع عن ربطه بقانون الجذب، وعن تقنية جديدة
    باستخدام البرمجة اللغوية العصبية أيضاً في قانون الجذب
    انتظرها ان شاء الله
    بالتوفيق

  • nidaa

    April 3, 2012 at 8:45 am

    اتصور صعبة شوية ويحتاج تمرين

  • nidaa

    April 3, 2012 at 8:49 am

    شكرا على مقالاتك انتظار المزيد

  • Fahad

    April 3, 2012 at 10:13 am

    يا اخي لا اعلم هل كلمة انت رائع تفيك حقك او تبخسه

    اشكرك على بحر الابداع الذي ننهل منه قطرات فقط

    ولدي استفسار لو تكرمت

    طريقة خداع العقل الباطن ماهو تفسيرك لها ؟ لماذا هذه الطريقه تجدي؟

  • mona

    April 3, 2012 at 11:47 am

    استاذ فيصل انت فعلا مبدع من خلال أسلوبك وتقريبك دايما الأمور بأمثلة سهلة التخيل

    في ناس بتقول ان قانون الجذب هو دعوة لترك العمل والاعتماد على الاماني والاحلام واللي بالتالي هتكون مجرد أوهام بدون العمل على تحقيقها أو حتى اننا نفكر ازاي ممكن نحققها

    بصراحه انا فهمي لقانون الجذب من خلال تجربتي الشخصية اني كنت دايما بعتبر نفسي محظوظه جدا وناجحة في كل أمور حياتي لأني فعلا كنت دايما متفاءلة وعندي ثقة في نفسي وطبعا حسن ظن بالله

    وكانت أموري بتمشي بأسهل مما أتخيل..

    وكانت نقطة التحول اني وصلت لمرحلة قلت لنفسي مش معقول اللي بيحصل لي انا للدرجه دي محظوظه وكل حاجة في حياتي سعيدة بشكل غير طبيبعي أنا أكيد هيحصل لي حاجه مش كويسه وبعدها علطول كل أموري اتدهورت وكل الحاجات اللي كنت فرحانه بيها راحت مني وبقالي سنين عايشه في نكد غير طبيعي حتى ان بقى عندي اعتقاد دائم ان لما يبدأ يتجمع عندي حاجات حلوة بتروح كلها مره واحده_ يعني مثلا شغل كويس وفلوس وخطوبة ناجحه ومكان حلو أكون عايشه فيه- وده حصل معايا اكتر من مره

    ..

    وأكيد كل اللي حصل ده مش صدفه

    ده اللي خلاني اقتنع فعلا ان قانون الجذب ده مش وهم

    بس المشكله اني كل ما أحاول اقنع نفسي اني زي زمان -صاحبة حظ سعيد- ألاقي المشاكل في كل مكان وكأني مستنية معجزة تخرجني من اللي أنا فيه والمعجزة دي بالطبع مش هتحصل الا لما أنا أغير تفكيري 0(ان الله لا يغير ما بقوم حتى يغيروا ما بأنفسهم)0

  • فيصل عبد ال

    April 3, 2012 at 4:38 pm

    الحل الطويل هو الي محتاج صبر، الحل السهل بالعكس تماماً، مش محتاج أي شغل غير انك تحددي الهدف، وتشوفي ايه الهدف المضاد بالظبط، وتعمليله المعايشة

  • فيصل عبد ال

    April 3, 2012 at 4:43 pm

    شكراً عزيزي فهد على الرد الجميل، وان شاء الله أقدم أفضل ما عندي ليك وللقراء
    العقل الباطن يعمل وفقاً لشيئين
    معطيات، و ثوابت
    الثوابت تتم برمجته عليها كما علمنا، والمعطيات، هي التي تعطيها له أنت سواء بعلمك أو بدون علمك
    على اساس الوازنة بين ما يتلقاه من معطيات، وما لديه من ثوابت يجذب لك الأحداث الملائمة
    فشخص عقله من النوع الدافع، الذي يدفع الأهداف بعيداً عنه، اذا تلقى معطى من المعطيات، بأن الشخص يريد هدف ما، فإنه سيدفعه ويجذب له المضاد بالظبط
    وهو المراد من طريقة الخداع التي تكلمنا عنها
    بالتوفيق ان شاء الله

  • فيصل عبد ال

    April 3, 2012 at 4:45 pm

    شكراً يا منى على الرد الجميل، ببساطة هتعملي طريقة حرق المعتقدات
    واضح انه تراكم عندك معتقد سلبي، هتجيبي ورقة أو كمية أوراق وتكتبي فيها كل حاجة مضايقاكي من حياتك
    أو مضايقاكي من نفسك
    أو من أي حد
    وتعيشيها وانتي بتكتبيها كإنها بتحصل قدامك بالظبط
    لما تخلصي ان شاء الله، امسكي الورقة وبصيلها كويس، قطعيها
    واحرقيها
    وبإذن الله بعد كده الأمور هتبقى أسهل
    كرري العملية كل ما تحسي ان في حاجة مضايقاكي

    بالتوفيق ان شاء الله

  • mona

    April 3, 2012 at 5:09 pm

    لساني عاجز عن الشكر

    ان شاء الله هنفذ كل الخطوات وان شاء الله تكون النتيجة تمام

    جزاك الله كل خير استاذ فيصل

  • abdullah

    April 3, 2012 at 8:53 pm

    ماعليش بس

    فيه نقطة مهمه وأنا أنقل كلامك من اللي بتقوله للناس اللي بعرفهم حواليا واوصل ليهم بعض التطبيقات ويطبقوه

    بس بعضهم مابنعرف نصنفهم من اي نوع:دافع للشي ولا جاذب

    لان بعضهم بيقولك ساعات بتمنى شي ويتكلم فيه والحمدلله يحصل اللي عاوزه..وساعات يقولك يتمنى بفكره سريعه تمر بدماغه ويتمناها ومن ثم تحصل ليه الامنية..وساعات يتمنى حاجة هو عايزها بس ماوصلش للنتيجة اللي هوا عاوزها

    ده يصنف مع مين ياترى ؟؟

  • صحراء 55

    April 3, 2012 at 9:13 pm

    السلام عليكم ورحمة الله وبركاته.

    مثلا اذا انا اريد كاميرا اقوال انا ما اريد هذا الكاميرا واعيش على اساس اني ماراح احصل عليها

    تسلم على المقاله الرائعه وشكرا استاذي الفاضل

  • فيصل عبد ال

    April 4, 2012 at 3:51 pm

    نسبة وتناسب يا عبد الله
    زي النصف الأيمن والأيسر من المخ، بشكل أساسي الانسان اما مسيطر عليه النصف الأيمن – انسان مبدع لا يحب التقيد بقوانين – أو يسيطر عليه النصف الأيسر – انسان منطقي محب للحقائق – لكن نادر جداً لو لقيت حد 100% يتحكم به نصف واحد فقط
    لازم يكون في نسبة وتناسب بينهم
    لو لقيت شخص أقواله متضاربه، يبقى نبدأ نشوف ايه اكتر حاجة بتحصله، لكن غالباً، 98% هيبقى عقليته دافعه، لأن ده الغالب بين الناس
    وهو مش هيخسر حاجة، خليه يجرب المعايشة لشيء ضد اللي هو عايزه، وشوف الي هيحصل ايه

  • abdullah

    April 5, 2012 at 12:28 am

    طب ممكن اتعايش على عكس حاجه صغيره نجرب

    لانه صعب نقول لحد اطلب عكس اللي انتا عاوزه ؟غير منطقي

    وممكن تكون الحجه انه غلط . ليش لانه عكس ماامر به الشرع وهو الجد والسعي والتفؤل والصبر

    بس يكون حاجه صغيره عشان لو جت عكسية ماتضر

    وانا بصراحة اميل جدا لكسر البارادايم بسبب النقطة اللي ذكرتها (مخالف للمنطق والشرع)ولانه من زمان واحنا نلح ونصر على حاجات عاوزينها من صغرنا حتى كبرنا

    ونقاوم رغم عدم علمنا بالقانون ..مرات نصيب ومرات نفشل ..

    لكن الغريب انه ليه لحد ذي الوقتي مانكسر البارادايم منذ تلك السنين من المقاومات والاصرار

  • فيصل عبد ال

    April 5, 2012 at 4:57 pm

    يا عبد الله، الطريقة دي غير مخالفة للشرع ولا للدين في أي شيء
    الهدف النهائي انه هيحصلك اللي انت عايزه
    وكون انك تعمل معايشة لعكس اللي بتتمناه
    فده صورة من صور السعي
    لأن النتيجة النهائية، هي تحقق هدفك الأصلي بإذن الله

    ومع ذلك انا افضل الحل الآخر، مقاومة البارادايم، نتائجه أفضل بكتير جداً وهتعوض تعب فترة المقاومة بإذن الله
    لكن ده حل، وده حل
    بالتوفيق ان شاء الله

  • abdullah

    April 6, 2012 at 1:10 am

    تشكر كثير استاذ فيصل على الاضافة ..

    فعلآ تبين لي ونتج لي ان المبتغى والهدف ان اصل للنتيجة المطلوبة والوسائل متعددة وذلك الذي ذكرته يعتبر وسيلة ..

    لوصول لهدف .

    وواجب علي انقل لك ردود فعل من انقل لهم التطبيقات دي.. وهي تركيزهم على جملة (نحب نطبق ونستخدم التطبيقات اللي حضرتكم بينت نتيجة واضحة معاكو) ولوبتسألني شخصيأ ماعنديش جواب جازم لاني استخدم جل التطبيقات والنصائح اللي تعلمتها من حضرتك حتى الوصول للهدف ,بغض النظر عن اي تطبيق وصلني للنتيجة لاني ماعرفش بالضبط ايه هو الفعال رغم تركيزي على تطبيق برمجة ومخاطبة عقلي الباطن بالتنويم, واختراق العقل الباطن والصور, والمعايشة لما تيجي لاشعوريا بدماغي ..مع خالص الامتنان وعميق الشكر لك استاذي )

  • Yasmen

    April 6, 2012 at 8:03 pm

    شكرا جزيلا على المقالاتك الجميلة كالعادة 🙂 انا بعانى من الموضوع دة بقالى كتير بس عمرى ماحاولت افسرة كدة خالص و دايما لما كنت اعوز حاجة اوى و تروح منى كنت بحاول اقنع نفسى انها طالما بعدت عنى يبقى ربنا سبحانة و تعالى شايف انها مش الخير ليا …ياترى دة بيتعارض مع كلامك ولا لأ ؟؟؟؟؟؟

  • Fahad

    April 7, 2012 at 2:54 am

    استاذي العزيز فيصل هناك سؤال اريد اجابتك عليه بحكم تجاربك وتخصصك

    عزيزي لنفرض ان شخص ذبذباته منخفضه ويريد الثراء وكما تعلم ذبذبات الثراء عاليه

    لو قلنا انه قام بكل ماهو مطلوب من تخيل وثقه والامتنان وجميع مايؤهله لذبذبات الغنى

    وبالطبع لن يحصل على الغنى الا عندما ترتفع ذبذباته لتوافق ذبذبات الغنى

    عزيزي بحكم تخصصك وبحكم انك تتلمذت على جو فيتال

    هل ارتفاع الذبذبات من المنخفضه الى العاليه هل يتطلب وقت طويل حتى يتكيف الجسم مع كل ارتفاع للذبذبه

    ام ان هناك اشخاص ترتفع ذبذباتهم بشكل سريع وتتكيف اجسامهم على الارتفاع المفاجئ للذبذبات

    سبب سؤالي لاني مكثت وقتا طويل على الذبذبه المتوسطه مع اني افعل كل ماهو متطلب مني من ناحية التخلص من التعلق والشكوك والانا ومن ناحية كتابة براهين الجذب والامتنان والخيال علاوة على ذلك كنت قد اخذت 33 جلسة ريكي وانا الحمدلله نظيفه شاكراتي ولدي صديق سايكك وعندما اسأله عن ذبذباتي يقول انه يراني في الذبذبه المتوسطه ويقول سبب مكوثي على هذه الذبذبه لفتره طويله ان جسمي يحتاج الى وقت حتى يتكيف مع كل ارتفاع .. عزيزي هل كلامه صديقي صحيح حسب تخصصك ان الجسم يحتاج لوقت ليتكيف على ارتفاع درجه واحده من الذبذبات ام ان هناك قابليه للانسان ان ترتفع ذبذباته بسرعه حتى تصل الى العاليه ؟ وماهي الطرق ان كان هناك طرق

  • Fahad

    April 8, 2012 at 8:29 am

    سؤال اخر لو تكرمت استاذي عن كتاب مايكل لوسير بعنوان قانون الجذب

    تكلم عن نقطه اريد رايك فيها يقول فيما معناه

    انك عندما تقول انا لدي مليون دولار الان يقول هناك صوت في داخلك

    يقول لك لا انت لاتملك المليون .. يقول فبذلك انت ترسل ذبذبة سلبيه بدل ان ترسل ذبذبه ايجابيه

    يقول الصحيح انك تقول هذا التوكيد:

    انا في طريقي الى جذب كل ما احتاج الى فعله او معرفته او امتلاكه لجذب المليون دولار

    ثم بعدها تقول

    احب ان ارى نفسي املك مليون دولار واتمتع به .. اشعر بالسعاده عندما ارى نفسي معي مليون دولار

    ثم نختم بقول:

    قانون الجذب يهيأ ويرتب لي كل الاشياء لتحقيق رغبتي بالحصول على المليون دولار

    يقول بهذه الطريقه لاتوجد هناك اي معارضه اما من العقل الواعي او الباطن وبهذا تكون اقنعت عقلك لتحقيق رغبتك .. ما رايك استاذ فيصل؟

  • ameera

    April 10, 2012 at 7:17 pm

    شكرا لك استاذ فيصل معلومات حلوة و مفيدة

    ممكن تغيير البارادايم و الافكار المتعلقة بالهيئة و المظهر؟ و الى اي مدى ممكن تغيير بعض الصفات الجسدية ولو بسيط؟

  • فيصل عبد ال

    April 10, 2012 at 8:05 pm

    ممكن تغير كل شيء يا أميرة، لكن المشكلة مش في كدة، المشكلة انك مش راضية بنفسك، ودي في حد ذاتها، مشكلة كبيرة
    وعايزة كلام كتير، حبي نفسك زي مانتي، حبي نفسك بصفاتك، بستايل شعرك، بلون عينيكي، بلون بشرتك، حبي نفسك واحترميها، وقتها كل حاجة هتتغير عشان تكوني فرحانة أكتر
    انا ما بقولش كلام نظريات، انا بقول كلام انا طبقته على نفسي، طول ما انتي "بتكرهي" حاجة في شكلك، عمرها ما هتتغير
    بالتوفيق ان شاء الله

  • فيصل عبد ال

    April 10, 2012 at 8:18 pm

    في رأيي أن 80% من الناس يفكرون تفكير سلبي، والعقلين نوعين، عقل دافع وعقل جاذب زي ما قرأت في المقالة دي
    الملخص، ان حتى لو قولت انا في طريقي لجذب مليون دولار، ممكن نفس الصوت السلبي يقولك لا
    انت بتضحك على نفسك
    هتعمل مليون دولار ازاي
    دول محتاجين 100 سنة
    ويبدأ يضرب ليك الأمثلة، يقولك يعني هتبقى أحسن من فلان
    هتبقى أذكى من فلان
    وهكذا
    اللي انا شايفه، واللي مصدقه جداً وبفضل الله ناجح معايا لحد الوقتي الحمد لله، في كل حاجة
    هو الاحساس وانت بتقولها، بس لازم تحدد وقت زمني
    انا ان شاء الله هيكون معايا كذا، يوم كذا، وتقولها بثقة، وبيقين، وقريب جداً جداً، هديك معادلة، هتعملك أي حاجة انت عايزها ان شاء الله
    بالتوفيق

  • Fahad

    April 11, 2012 at 7:03 am

    اشكرك استاذي العزيز على اجابتك

    واحب ان اذكرك بانك نسيت الاجابه على تساؤلي الاول عن الذبذبات

    والسوال الاخر اين هي المعادله التي قلت في اجاباتك انك ستعطيني اياه ؟

    والف شكر لك

  • فيصل عبد ال

    April 11, 2012 at 4:43 pm

    معلش يا نداء، السؤال كان ايه مرة تانية؟
    بالنسبة للمعادلة وعدتك بيها في مقالة ان شاء الله، هتكون موجودة المقالة الجاية أو اللي بعدها على أقصى تقدير
    بالتوفيق ان شاء الله

  • Fahad

    April 11, 2012 at 5:01 pm

    انا فهد 🙂

    استاذي العزيز فيصل هناك سؤال اريد اجابتك عليه بحكم تجاربك وتخصصك

    عزيزي لنفرض ان شخص ذبذباته منخفضه ويريد الثراء وكما تعلم ذبذبات الثراء عاليه

    لو قلنا انه قام بكل ماهو مطلوب من تخيل وثقه والامتنان وجميع مايؤهله لذبذبات الغنى

    وبالطبع لن يحصل على الغنى الا عندما ترتفع ذبذباته لتوافق ذبذبات الغنى

    عزيزي بحكم تخصصك وبحكم انك تتلمذت على جو فيتال

    هل ارتفاع الذبذبات من المنخفضه الى العاليه هل يتطلب وقت طويل حتى يتكيف الجسم مع كل ارتفاع للذبذبه

    ام ان هناك اشخاص ترتفع ذبذباتهم بشكل سريع وتتكيف اجسامهم على الارتفاع المفاجئ للذبذبات

    سبب سؤالي لاني مكثت وقتا طويل على الذبذبه المتوسطه مع اني افعل كل ماهو متطلب مني من ناحية التخلص من التعلق والشكوك والانا ومن ناحية كتابة براهين الجذب والامتنان والخيال علاوة على ذلك كنت قد اخذت 33 جلسة ريكي وانا الحمدلله نظيفه شاكراتي ولدي صديق سايكك وعندما اسأله عن ذبذباتي يقول انه يراني في الذبذبه المتوسطه ويقول سبب مكوثي على هذه الذبذبه لفتره طويله ان جسمي يحتاج الى وقت حتى يتكيف مع كل ارتفاع .. عزيزي هل كلامه صديقي صحيح حسب تخصصك ان الجسم يحتاج لوقت ليتكيف على ارتفاع درجه واحده من الذبذبات ام ان هناك قابليه للانسان ان ترتفع ذبذباته بسرعه حتى تصل الى العاليه ؟ وماهي الطرق ان كان هناك طرق

  • nidaa

    April 11, 2012 at 7:15 pm

    كلامك صحيح استاذ فيصل شوفت ناس كثيرين حبوا نفسهم وكل شئ فيهم وحصلتهم اشياء جميلة في حياتهم بالرغم من انهم لم يمتلكوا اي مقومات الجمال..

  • فيصل عبد ال

    April 11, 2012 at 10:03 pm

    اتعلمنا من صغرنا ان حب النفس وحش، وانانية، وحرام، وعيب، عشان كده كبرنا نكره نفسنا، لكن حب النفس حاجة، والانانية حاجة تانية خالص
    لازم نحب نفسنا،
    بس ما نكرهش غيرنا
    بالتوفيق ان شاء الله

  • فيصل عبد ال

    April 11, 2012 at 10:09 pm

    ما تحاولش تتعمق في الذبذبات لأنك هتضيع فيها وقت كتير
    وأنا ممكن اختصرلك الحكاية كلها
    ومفتاح الوصول للترددات – او الذبذبات – العالية
    لأي هدف
    مهما كان
    واللي هيخليك تعمل أي حاجة انت عايزها ان شاء الله
    هو 3 أشياء
    هكشفهم ليك في مقالة ان شاء الله بعد المقالة المقبلة، عشان لازم تفهم المقالة بتاعة النهاردة، الخاصة بالورقة والقلم، وكمان اللي بعدها، عشان اقدر اكلمك عن المفتاح ده، وكمان، حتى تعم الفائدة على الجميع
    بالتوفيق ان شاء الله

  • scarlett

    April 14, 2012 at 12:16 am

    فعلا فعلا كلامك صحيح دكتور انا كنت من النوع الدافع مع اني مدللة كتير عند اهلي من لما كنت صغيرة ولحد هلأ بس صارت معي قصة خلتني صير من النوع الدافع وهي انو انا من زمان قبل ما اتعرف على قانون الجذب قرأت عبارة بمجلة (تهيأ لخيبة الامل قبل الامل نفسه هذه نصيحة للنجاة) وفعلا عجبتني هالعبارة وصرت مشيها بحياتي واللي صار اني اتبرمجت عليها بدون ما حس وصار اي موضوع بمر فيه مهما كان سخيف او كبير ومهم اذا اتشائمت وزعلت وتوقعت نتائج سيئة بيصير العكس تماما وبتكون الامور جميلة واذا فرحت واتفائلت بيصير العكس وبتكون النتائج سيئة جدا اتبرمجت على هالمعتقد وكنت ملاحظة هالشي بس ما كنت عم بعرف شو السبب وبعد ما اتعرفت على قانون الجذب فهمت القصة وصححت معتقداتي بانو لما بتفائل وبفرح بيصير خير وانو اذا بدي شي الله اكيد رح يحققلي ياه واذا ما كان الي فيه خير الله رح يبعدو عني ويرزقني باحسن منو وانا مبسوطة كتيييييييييييييير لاني وصلت لهالمعتقد لانو عن جد ريحني بس كمان في شغلة مدايئتني وهي انو لما بدي هدف معين وبتعرض لمقاومة من البارادايم وبصاب باحباط بتصير بتلاحقني المشاكل والمصايب من كللللللللل صوب وما عم بعرف كيف بدي اتخلص من هالشي ما عم بعرف كيف بدي اتخلص من الآثار الجانبية لمقاومة البارادايم

  • rony

    April 14, 2012 at 8:55 am

    شكرا كتيير لمساعتك انا من سنة احاول تغيير المعتقدات والحمدلله نجحت بتغيير الكثير وطولت لاني من 20 سنة وانا خيبات امل متكررة بس  اليوم بدات شوف النتائج اشياء صغيرة ولكن مفرحة وتبشر بخير وشكر خاص الك لاني وجدت اسلوبك كتيير مريح وفيه دفئ يدل على حب الخير 

  • فيصل عبد ال

    April 14, 2012 at 11:07 am

    الآثار الجانبية هي مقاومة يا لمى، ولازم تعرفي انك لو اتخذتي طريق المقاومة هتلاقي حاجات من دي كتير
    لكن الأهم
    انك ما تزهقيش
    وما تتعبيش، وتفضلي مكملة، المهم ان يتزرع جواكي حاجة مهمة جداً
    هي ان سواء جه مقاومة أو ماجتش
    انك هتكملي لحد ما توصلي ان شاء الله
    وخلي بالك، في أصعب صور المقاومة اللي ممكن تشوفيها، لو بصيتي كويس، هتلاقي طريقة للحل
    حتى لو مستخبية في أي ركن من أركان المشكلة
    لكن لا يمكن بأي شكل من الأشكال، يكون في مقاومة شرسة، بدون وجود حل مختفي فيها
    لكن احنا الي متعودين نبص على المشكلة
    وما نبصش على الحل
    بالتوفيق ان شاء الله، وأتمنالك حياة سعيدة

  • فيصل عبد ال

    April 14, 2012 at 11:19 am

    شكراً على ردك الجميل، ان شاء الله اكون سبب في مساعدة كل الناس
    بالتوفيق ان شاء الله

  • اسيل

    May 12, 2012 at 6:06 pm

    *مقال ومعلومات شوية عليه كلمة رائع

  • اسيل

    May 23, 2012 at 1:30 pm

    *الخوف ان افكر بعكس ما اريده فاجذب فعلا الذي لا اريده

    استاذ فيصل ساعدنا لكسر البارادايم بتمارين  عقليه 

  • اسيل

    May 23, 2012 at 1:35 pm

    *بالنسبه لاني اعاند البارادايم واركز علي الهدف..حاولت منذ  اكثر من ٣ سنوات علي هذه الكريقه ان اتفائل وافكر فقط بهدفي واتعايش معه ولكن لا ياتي ولا ارى بصيص نوره وبين الحينه والاخرى كنت احبط جدا 

    لقد تعلمت قانون الجذب من صلاح الراشد ولكنك تقدم لنا مقالات رائعه  لم تذكر من قبل

  • فيصل عبد ال

    May 23, 2012 at 7:10 pm

    أبسط طريقة لكسر البارادايم هي مقاومته يا أسيل
    لكن في طرق متقدمة أكتر وفعالة أكتر بتكلم عنها في كورسي التدريبي، ان شاء الله تحضريه المرة الجاية
    بالتوفيق ان شاء الله

  • فيصل عبد ال

    May 23, 2012 at 7:10 pm

    كنت أتمنى تحضري التدريب المجاني اللي كان لمدة خمس أيام، التدريب المكثف لقانون الجذب
    كان هيفرق معاكي كتير جداً بإذن الله
    ان شاء الله أما أبدأ التدريب بشكل رسمي في الأيام الجاية تقدري تحضري ان شاء الله
    بالتوفيق بإذن الله

  • nidaa

    May 24, 2012 at 6:12 am

    انا في انتظار تدريبك الجديدة ومشتوقة اشارك فيه

  • فيصل عبد ال

    May 24, 2012 at 7:56 am

    التدريب الرسمي ان شاء الله هيكون في اول شهر 6، في عيد ميلادي، عشان كده في شهر 6 هيكون بنص التمن اللي بدربه بيه مع أتراكتيتود
    الحدث اللي فات اللي كان مجاني ولخمس أشخاص، الناس الحمد لله استفادوا منه وهيحطوا رأيهم قريب
    بالتوفيق ليكي ان شاء الله

  • rana

    May 25, 2012 at 10:11 pm

    مرحبا أ. فيصل

    اول شئ حابة اتشكرك على مجهودك الرائع في الموقع وعلى تفاعلك مع الزائرين وتعليقاتهم ،، 

    انا حديثة المعرفة بقانون الجذب، والاشي كان بالنسبة الي واضح لحد ما قرات مقالاتك .. وبصراحة انــا تشتت  !!!

     بداية قرات عن المعايشة واللي بتحكي انو نتخيل الهدف المرغوب تحقيقه ومعايشته كانه اصبح واقع بكل مشاعرنا على اعتبار انو المشاعر هي حجر الاساس، وهادا الاشي بيوافق تمرين الكثافة الحسية وقررت أبدأ بتطبيقه فعلا …………

     ، بعدين انتقلت لمقال  -انا اتخنقت- واكتشفت انو عقلي دافع فتراجعت o.O .. 

    لانو بناء ع هـ "الاكتشاف" صار لازم اتخيل العكس .. يعني اتخيل نفسي باعيش المناقض تماما لهدفي ،، طيب لو فرضنا اني عملت هيك وتخيلت العكس، مش انا كدة رح اقع سجينة مشاعر سلبية محبِطة ؟! … وحصير اشوف الدنيا اسود .. وهادا اللي احنا بنحاول نتفاداه  لان الشبيه يجذب الشبيه ؟؟؟

    باختصار .. كـ عقل دافع شو المطلوب مني اعيشه لاجذب اللي انا عايزاه ؟!

    سلمت

  • nidaa

    May 26, 2012 at 9:08 am

    رايي ان الاستاذ فيصا يقصد بهذه المقالة (ااذ كنت من النوع الدافع) اي اذا اردت شيئا وتحقق العكس عندها تقوم بهذه العملية. وافضل شئ هو التمتع بعقل جاذب وهذا الشئ يمكن تحقيقه عن طريق التخلص من المعتقدات السليية اوالافكار السليية لانه السبب الرئيسي في العقل الدافع لاكثيرية الناس، اذا كنت من النوع دائم الشكوى وتشتكي من كل شئ صغييرا كان او كبيرا، وافكارك كلها سلبية يعني هذا انت من النوع الدافع. وافضل طريقة هو معرفة هذه الافكار السلبية والتخلص منها عن طريق حرق المعتقدات.
    بالتوفيق

  • فيصل عبد ال

    May 26, 2012 at 10:45 am

    للتعامل مع العقل الدافع انتي بين أمرين
    أول أمر انك تخدعيه، والحكاية دي معقدة شوية
    وهي انك تشوفي ضد، أو عكس الهدف بتاعك وتعمليله معايشة "ايجابية" وهنا مربط الفرس، انك تشوفي الحاجة اللي انتي مش عايزاها بس تخدعي نفسك وتعملي معايشة على انك هتفرحي لو حصلت
    يعني لو الهدف 5000 جنيه
    يبقى تعملي معايشة ايجابية لدين عليكي ب5000 جنيه، وتخدعي نفسك وتقولي وتحسي بالفرحة لو فعلاً بقيتي مديونة ب5000 جنيه
    طريقة معقدة لكن في ناس بتفضلها خصوصاً لما تجرب الطريقة التانية
    اللي هيا مقاومة البارادايم
    لما تحددي هدف، وتبدأي تعمليله معايشة ايجابية وتلاقي حصل مقاومة خارجية
    بدأ يظهر ظروف مضادة
    بدأت الحالة تسوء أكتر
    يبقى دي مقاومة من البارادايم الخاص بيكي، وتتأكدي انك ماشية صح، ولازم تقاومي أكتر وتفضلي على المعايشة لحد ما تظهر فرص – مش علامات – تستغليها ان شاء الله
    الحل ده رغم انه الأفضل واللي أنا بستخدمه شخصياً، لكن الناس ما بتحبوش عشان بتخاف من مقاومة البارادايم، خصوصاً انها ساعات كتير جداً بتبقى مقاومة شرسة وممكن الواحد يكون شايف انه مش قادر يستحملها
    لكن على المدى الطويل ده الحل الأفضل لأنه مرحلة مرحلة بيحول العقل الدافع لعقل جاذب
    اتمنى اكون قدرت اوصل المعلومة ليكي
    بالتوفيق ان شاء الله

  • اسيل

    May 28, 2012 at 5:23 am

    *النجده يا استاذ فيصل

    فعلا انا اتخنقت جدا

    انا  اكتشفت انني من الجزء الذين لايجذبون ما يريدونه بشده

    واريد كسر البارادايم لا اريد ان افكر بعكس الشئ خوفا من ان اجذب النقيض بسبب افكاري السلبيه لاني اشعر باحباط بسبب عدم جذبي لهدفي رغم انني احاول قدر المستطاع ان اقوم بكل تعليماتك

    فشعور الاحباط والخنقه مع التفكير التضادي سيجذب لي المأسي حتما

    ساعدنا اكثر لنكسر البرادايم

  • اسيل

    May 28, 2012 at 5:24 am

    *علي فكره المقاله دي بالذات قراتها اكثر من مره وقرت الردود قلت عل وعسى الاقي ضالتي من بين السطور بس شعور الاحباط متملكني

  • اسيل

    May 28, 2012 at 7:17 am

    *معلش انا النهارده مكثفه الاستفسار حبتين:)

    بالنسبه للعقل الدافع الذي لم يستطع كسر البارادايم ونصحته بالتفكير بعكس ما يريد مع الاخساس بالفرحه

    هذا مستحيل ان يتقبله العقل  ..يعني مثال ولكن لا ينطبق علي فقط مثال

    وحده سمينه تريد تخفيف الوزن تبدأ تفكر انها سمينه وجميله .. مستحيل تستحضر فعلا شعور الافرحه والامتنان لجسمها

    طيب مئ انت قولت ان لازم اي حاجه عيزينها اننا نحس فعلا بشعورها

    مهي البنت السمينه مستحيل تشعر بشعور الفرح انها سمينه وكلها شحوم

    انا فعلا اتخنأت 

    مرات بقول يارتني ماعرفت الجذب 

  • nidaa

    May 28, 2012 at 7:40 am

    اسيل
    انت بتسالي نفس السؤال كل مرة، الموضوع بسيط، الانسان الي يتمتع بعقل دافع وهو ممكن تعرفيه اذا كان الشخص (تفكيره سلبي على طول، يفسر كل شئ على اساس سلبي، كلامه فيه كله سلبية، غير راضي عن نفسه او الاخرين، هذا الانسان يتمتع بعقل دافع)، وعليه اذا اراد جذب هدف معين يعمل عكس الشئ الي يريده، يعني البنت الي تريد تخفيف الوزن تعمل معايشة انها سمينة وانها سعيدة بهذا الشئ، وهذا الشئ يسمى ا(لانعكاس النفسي)، نفس الشئ بالنسبة للنقر، الاشخاص الي يتمتعون بعقل دافع يتسعمل المدرب معهم ( االانعكاس االسلبي) اي بترديد كلمات الي هي عكس الحالة وتنطي نتائج رائعة مثلا في تخقفيف الوزن بدل من قول (نني مستعدة لتخفيف الوزن) تقول (انني مستعدة لزيادة الوزن 10 كيلو اضافي) وقد لاحظ المدربين ان للاشخاص الي يكون لديهم الانعكاس النفسي، يكون النتجية ممتازة في حالة ترديد جمل عكس الشئ الي يريدون، نفس الشئ بالنسبىة لعملية الجذب. اما الشخص الي يتمتع بعقل جاذب عليه ان يعمل معايشة بالشئ الي يريده بالضبط، هو ماهو مقصود في المقالة
    بالتوفيق

  • فيصل عبد ال

    May 28, 2012 at 11:38 am

    انا من زمان يا أسيل بقولك تقرأي المقالة دي
    عموماً الوقتي اللي شايفه فعال جداً ليكي حاجة من الاتنين
    تقومي بحرق المعتقدات زي ما انتي عارفه وتحرقي كل السلبيات الي تقدري عليها
    أو اقوم بعمل جلسة صوتية خاصة ليكي ان شاء الله
    الجلسات ان شاء الله متاحة ليوم 31-5
    بالتوفيق بإذن الله

  • فيصل عبد ال

    May 28, 2012 at 11:40 am

    زي ما رديت عليكي يا أسيل
    جربي حرق المعتقدات اكتر من مرة وتخلصي من الاحباط ده، خلي الحاجات الي تكتبيها و تحسيها عشان تحرقيها هو شعور الاحباط ده واتكلمي عن كل المواقف اللي حصلت وأحبطتك، اللي مرتبطة بقانون الجذب
    أو جلسة معادلة خاصة، بتكون جلسة صوتية ان شاء الله، لو مهتمة ابعتيلي على
    Personal@amirnafsak.com
    ان شاء الله ونرتب المعاد المناسب، بس المهم يكون قبل يوم الخميس الجاي 31-5
    بالتوفيق ان شاء الله

  • فيصل عبد ال

    May 28, 2012 at 11:41 am

    بيتهيألك انه مستحيل يا أسيل
    انتي يمكن شايفه مستحيل عشان عندك تجارب أو معتقدات سلبية فيما يتعلق بقانون الجذب
    لكن لما تتمكني من المعايشة
    هتلاقيها سهلة جداً
    بالعكس، هتلاقي الحل ده بالذات ما بيلاقيش أدنى مقاومة من ال
    Gatekeeper
    اللي بين العقل الواعي واللاواعي
    بالتوفيق ان شاء الله

  • lola

    May 28, 2012 at 4:29 pm

      تسمحيلي يا اسيل اتدخل واقوللك نصيحتي

    تعب ساعه ولا كل ساعه 

    الافضل لوكان عقلك دافع  انك تعملي الخطوات والمعايشه للحاجات اللي انتي عايزاها

    حتي لو اخدت منك وقت طويل ومقاومه بارادايم ولو حتي  سنه كامله مش مهم استحملي

    عشان تستمتعي بعقل جاذب العمر كله

    تعب ساعه ولا كل ساعه

  • اسيل

    May 28, 2012 at 11:08 pm

    *استاذ فيصل 

    انا عملت حرق المعتقدات لدرجة كنت ببكي وانا بكتب 

    وبعدين بعد كم يوم عملت النقر زي ماتعلمتهلكن شعرت بضيق كبير 

    رغم اني كنت قبلها اشعر بتفاول وامل 

    (لقد قمت بارسال ايميل)

    شكرا جزيلا

  • اسيل

    May 28, 2012 at 11:17 pm

    *nidaa

    شكرا لاهتمامك بالرد

    انا فاهمه المقصد من المقال

    وزي ماذكرت اني قبل ما استفسر قريت المقال دي بالذات اكثر من مره

    هرد علي نقاط معينه ذكرتيها

    -انا انسانه ولله الحمد جدا متفائله يعني كلمة انسانه سلبيه ابدا لاتنطبق علي وبالعكس دائما بنصح غيري يكونو متفائلين .يعني ازاي اكون دفاعيه وبنفس الوقت متفائله دا اللي حيرني

    -انا فاهمه مقصد من اني اطلب عكس ما اريد.بس الخوف اني يكون شعوري احباط بسبب عدم وصولي للهدف ومع طلب نقيض الشي  فاجذب فعلا مالا اريده لان توافق شعوري بالاحباط مع الفكره العكسيه

  • اسيل

    May 28, 2012 at 11:21 pm

    *lola

    فعلا كلامك صح ودا اللي انا عيزاه اني اقاوم البارادايم 

    لان معتقدي ان لما اكون مطمإنه ومتفائله ساجذب

    المشكله اني الان مش سنه  دي اكتر من ٣سنوات يمكن عشان كده احبطت

  • nidaa

    May 29, 2012 at 7:04 am

    ااسيل
    لانعكاس النفسي هو شئ من الصغب معرفته، هي تراكمات ومخزونات الماضي، والعقل الباطن يخزن كل شئ، صغيرا كان او كبيرا، حتى من كلمة ببسطة، او موقف، او مشهد شاهدته، له قدرة عجيبة على خزن كل شئ نسمعه، نراه، او نعيشه. في بعض الاحيان يكون من الصعب معرفة ذلك، والمدرب المحترف ممكن يعرف ذلك بسهولة، بس حتى يسهل الموضوع، انتي راقبي نفسك وشوفي، هل اذا فكرت بالشئ تشوفيه امامك؟ او هل اذا لم تفكري بالشئ على الاطلاق ولم يكون في باللك، ولم تبذلي اي جهد في التفكير به حتى يعني انتي من النوع الدافع، لتغير هذا الشئ ممكن ولكن يحتاج صبر ومقاومة، انك تركزي على الشئ الي تريدين وتقاومية ممها كانت الصعوبات التي تواجهك، ومهما كانت التحديات، ممكن تكون صعبة ولكن ليست مستحيلة، لان النالئج تكون جيدة وهم التعتع بعقل جداب بعد المرور بهذه التجربة الصعبة. بالنسبة للنقر طبيعي تحسي بالضيق لانك تفتحي مسارات الطاقة وتخلي السلبيات تخرج، مهما شعرت بالضيق راقيبي مشاعرك، اي الي تحسين به بالضبط، واعملي النقر عليه، ممكن تختفي مشاعر وتبقى اخرى، تعملي النقر على اي شئ يبقى ، راح تحسي بارتياح كبير مثل مايكون ثقل وانزاح من الصدر. العملية مفيدة، بسيطة ونتائج سريعة، كل ماهاجمك فكرة او مجموعة افكار بشان اي موضوع اعملي النقر عليه، راح تشوفي نتائج رائعة وسريعة.
    بالتوفيق

  • فيصل عبد ال

    May 29, 2012 at 11:15 am

    اهلاً يا أسيل ازيك
    طبيعي تحسي بضيق عشان المشاعر والطاقة السلبية المتراكمة دي بتبتدي تطلع، أو يحصلها
    Releasing
    ياريت تتابعي ردودي على استفساراتك عشان افتكر اني رديت على النقطة دي اكتر من مرة
    بالتوفيق ان شاء الله

  • فيصل عبد ال

    May 29, 2012 at 11:16 am

    اسمحيلي يا أسيل..هل انتي الوقتي بتجذبي فعلاً اللي انتي عايزاه ؟
    يعني بكل الطرق اللي بتجربيها شايفة نجاحات ضخمة بالفعل؟
    لو لأ..يبقى ايه المانع حتى، بنفس المنطق ده
    تجربي الطريقة دي ؟
    جربي وان شاء الله هتشوفي نتايج ترضيكي
    بالتوفيق ان شاء الله

  • اسيل

    May 29, 2012 at 1:13 pm

    *nidaa

    شكرا لاهتمامك

    نعم انا اذا لم (اقتل نفسي)زي ما بيقولي يتحقق الشي الذي اريده

    يعني الشئ الذي اتمناه ولكن ليس بقوه يتحقق لي

    عكس الشئ الذي فعلا اتمناه و بقوه واقوم بتمارين الجذب له

    ولكني اريد كسر البارادايم هذا واغير هذا المعتقد الداخلي  واجعل ما اريده بشده يتحقق

  • اسيل

    May 29, 2012 at 1:21 pm

    *استاذ فيصل

    ماعرفش هي دي الاجابه اللي انت عايزه لسؤالك لاني مافهمتش سؤالك اوي!!!

    انا عندي اهداف ثانويه ولا اعطيها اهتمام كبير بالتفكير واحيانا انساها وارى مع الوقت انها تتحقق لي وتتهيئ لي السبل لتحقيقها

    ولكن هدفي الاساسي  الذي اقوم بعمل المعايشه له وغيره من التمارين لا ارى له لي بصيص امل..

  • فيصل عبد ال

    May 29, 2012 at 6:12 pm

    ده طبيعي مع العقل الدافع يا أسيل، وعشان كده نصحتك بالحل الخاص بالخداع
    جربي الطريقة الي قلتلك عليها ومش هتخسري حاجة، طالما زي ما بتقولي مفيش اي بصيص أمل، مش كدة ؟
    وبالتوفيق على أي حال ان شاء الله

  • Essam Hanafy

    July 18, 2012 at 4:49 am

    السلام عليك أستاذ فبصل 

    في الحقيقة هذه هي أول مرة ازور موقع حضرتك لكن اسعدني جدا ما قرأته في الموقع وخصوصا عن قانون الجذب وشدني كلامك عن هذا القانون وعن فيلم السر لذا بحثت عن الفيلم على شبكة الإنترنت وشاهدت النسخة الفرنسية منه وكان الفيلم رائعا فعلا وأحسس أن في الدين الإسلامي ما يشبه المعنى الموجود في الفيلم ومعنى قانون الجذب ثم تذكرت الحديث النبوي الشريف الذي يقول فيه رسول الله :" أنا عند ظن عبدي بي " إلى آخر الحديث وهذا رابط للحديث وشرحه 

    http://www.islamweb.net/media/index.php?page=arti… 

    أشكرك أستاذ على كل ما تكتبه وأعانك الله

    عصام حنفي

  • فيصل عبد ال

    July 18, 2012 at 7:54 pm

    وعليك السلام ورحمة الله وبركاته يا عصام
    يشرفني زيارتك ووجودك الدائم على أمير نفسك يا عصام، وان شاء الله أقدر أفيدك بصفة دائمة ومستمرة
    ان شاء الله هتلاقي مواضيع كتير عن قانون الجذب، بإذن الله تفيدك
    شكرا على كلامك الجميل وبالتوفيق ليك ان شاء اللهً

  • nano

    August 12, 2012 at 8:04 pm

    السلام عليكم

    اشكرك أستاذ فيصل على هالمعلومات الي تقدمها للزوار , اكتشفت الموقع بالصدفة وعجبتني الكثير من المقالات والمادة العلمية المقدمة

    لما قرأت هذه المقالة اكتشفت فعلا اني عقل دافع خصوصا فيما يخص الزواج ، كثير من الشباب تقدموا لي بيكونوا مرتاحين خلال المقابلة الأولية بعد يوم او يومين بيقولوا لا يوجد نصيب ودائما تتكرر معاي

    انا الآن بعد أن قرأت مجموعة من تطبيقاتك اصبحت في حيرة من امري بماذا تنصحني أي تطبيق هو الاحسن لحالتي ؟ تمرين الورقة والقلم ؟ أو تمرين 3 أيام المعايشة بعدها نسيان الأمر ؟ أم سيدونا ؟

    انا الآن تركت التطبيقات الي كنت بعملها يوميا وهي التوكيدات بالاضافة لسماع موجات الفا والتخيل قبل النوم ، لأن بعد ما قريت هالمقالة حسيت فعلا ان حتى لو جذبت الزوج الي اتمناه بيتفركش الموضوع مثل كل مرة بسبب عقلي

    انا اتمنى منك نصيحة وجزاك الله عني خير الجزاء ، يمكن المقالة قديمة بس مثل ما قلت سابقا من فترة بسيطة عرفت الموقع

    وشكرا لك

  • فيصل عبد ال

    August 14, 2012 at 1:46 am

    وعليكم السلام ورحمة الله وبركاته
    اهلاً بيكي يا نجيبة
    تشرفيني ان شاء الله في امير نفسك
    سيدونا مفيش غنى عنها كخطوة التطهير، ده سيستم قانون الجذب
    تبتدي من الداخل
    تطهير..تحديد..معايشة
    وليس العكس
    ابدأي بسيدونا ان شاء الله على ضوء الخطوات اللي حددناها
    بالتوفيق ليكي ان شاء الله وشكراً على كلامك الجميل
    فيصل عبد الواحد

  • no name

    September 1, 2012 at 6:31 pm

    *السلام عليكم استاذ فيصل انا جربت قانون الجذب في حاجات كتير قبل كدا وفعلا بحس انها كلها بتختفي مني فعايزة اجذب العكس طيب لنفرض اني عايزة اجذب شخص معين ليا بس هاعمله بطريقة جذب العكس اعملها ازاي ّ

  • no name

    September 1, 2012 at 7:48 pm

    *ولو عايزة استخدم الطريقة التانية واقاوم الباراديم بردو اعمل ايه !!

  • فيصل عبد ال

    September 2, 2012 at 2:55 pm

    انصحك بالابتعاد عن جذب العكس
    في طرق افضل بكثير من كدة
    وبالتوفيق ان شاء الله

  • فيصل عبد ال

    September 2, 2012 at 2:57 pm

    في طريقة تالتة افضل
    وهي تغيير البرمجة الداخلية
    ودي أحسن بكتير من مقاومة البارادايم

  • no name

    September 3, 2012 at 2:21 am

    *اولا بشكر حضرتك جدا على الرد
    ثانيا لو ممكن حضرتك تقولي على لينك تغيير البرمجة الداخلية دي او ازاي يعني !! لاني مقرتش كتر عن الموضوع دا !

  • فيصل عبد ال

    September 4, 2012 at 6:42 pm

    الموضوع كله موجود هنا
    تابع/تابعي من أول
    مقالة طريقك ايه
    من أول هنا واحنا بنغير البرمجة الداخلية لكل الزوار بفضل الله
    عشان كده تقدري تشوفي كل الردود ايجابية بفضل الله وكل الناس بتكتب نتائج جميلة جداً
    بالتوفيق بإذن الله

  • no name

    September 5, 2012 at 1:11 am

    باذن الله ، أشكرك استاذي الفاضل على الرد جزاك الله خيرا

  • نانا

    September 13, 2012 at 11:46 am

    استاذي وانا بقرأ في المقاله وانت تصف مرحلة الطفوله كنت حا ابكي لا اعرف لماذا
    وانا الآن في هذه الفتره تعرضت لصدمه
    زي الصدمه الي وصفتها بالمقال وبدات اراجع نفسي لكن مش عارفه اتصرف ازاي
    الصدمه دي عاطفيه والموضوع بقاله اسبوع الانسان الي انا بحبه وبعتبره اجمل حاجه في حياتي واكتر
    حاجه كنت بتمناها في حياتي خطب واحده تانيه من اسبوع
    انا الآن لا اعرف ماهية مشاعري احسها متجمده
    ومش عارفه اتعامل مع الوضع ازاي ارجوك ساعدني
    ماذا افعل  

  • فيصل عبد ال

    September 13, 2012 at 3:17 pm

    ما قصدته يا نانا أشياء حدثت لك في مرحلة الطفولة، سببت تراكم معتقدات معينة في عقلك الباطن في البارادايم
    وبالنسبة لتلك الصدمة يمكنك التحرر منها بسيدونا، أو يمكنك التسجيل في أحد الكورسات، فكلهم يتضمنوا تحرر بإذن الله
    تحياتي لك وبالتوفيق ان شاء الله

  • دعاء ح

    September 20, 2012 at 8:20 pm

    *شكرا اخي واستاذي عالمقالة الحلوة والمفيدة كالعادة

    بالنسبة لي ..انا لما اريد شيئ بقووووة وما اشووووف الا هو مع شعوور بالسعادة والطمانينة ..بيتحقق..

    (مابعرف اصنف نفسي اي نوع من العلق بناءا عالمقالة؟)

    مثلا اخي  مرض سابقا مرض نفسي  ولمدة 5 سنوات مرضا قالو الاطباء انو خلاص ميئوس منو وانا كنت متيقنة انو خلاص ربنا شفااه واكنت اشوف ماما وبابا بيعيطو عليه وانا ولا عبالي وبقولهم انو والله ربنا شفاه وفعلا لما كلنا نسينا الموضووع نهائيا طاب..

    وبرضو لما اصمم على حاجة وبقوة  واخد بالاسباب باخد بالاسباب وانا مطمئنة ومتحمسة وفرحاانة والحمدلله بتحقق وبصير اضحك عحالي لما كنت شايلة هم ومتضايقة لانو كلو ضياع وقت وصحة وتفكير عالفاضي طالما البني ادم حدد العاوزه….عنجد الواحد بس ينوي ويستلم في نفس اللحظة (معنويا اقصد اشعر انو خلاص الحاجة تمت بفضل الل)

    اااسفة للاطاالة بس حبيييت اشارك حضرتك وياارب لما يتحقق لي النجاح والعمل وبقية الاهداف اجي ابشركو واكتب هنا بقسم قصص النجاح  

  • فيصل عبد ال

    September 21, 2012 at 11:47 pm

    جميل يا دعاء، مبسوط انك تتمتعي بذلك العقل
    كما قلت هناك بالفعل من ساعدته بيئته بعد فضل الله تعالى وكرمه
    ان يتمتع بذلك العقل
    نصيحتي لك أن تغيري من وعي كل من تعرفيه من الناس
    حدثيهم عن فضل الله ورحمته، وكيف خلق لنا قانون الجذب وقوانين الطاقة والطبيعة ودعانا لنتفكر في خلقه
    تحياتي لك، وبالتوفيق ان شاء الله

  • دعاء ح

    October 15, 2012 at 9:41 pm

    *الله يكرمك استااذ فيصل فرحت بردك علي

    بس ماعرفت عقلي يعتبر من اي نوع؟

    وانا فعلا استاذي الفاضل بكلم كتير نااس عن اللي حصل معاي منهم بستهزئ ومنهم بستفيد ومنهم صار يطلع اكتر على السنن الكونية والجذب..ونويت باذن الله تعالى مع تخصصي اتخصص بهذا العلم الرائع واوجه الناس لسعادة الدارين..

    شكرا جزييييلا

    وجزاك الله كل خير

  • فيصل عبد ال

    October 16, 2012 at 8:26 pm

    اهلاً يا دعاء
    عقلك مع الوقت ان شاء الله والتدريب سيصبح عقل جاذب بشكل تلقائي
    تحياتي لك وبإذن الله بالتوفيق

  • دعاء ح

    October 16, 2012 at 9:27 pm

    (:وااااااااااو انا محظوظة ولله الحمد

    شكرا جزييلا استاذ فيصل فرحتني برد حضرتك

    الله يكرمك ويزيدك من علمه وفضله

    *(:

  • فيصل عبد ال

    October 17, 2012 at 7:48 pm

    اشكرك على كلامك الجميل يا دعاء
    بالتوفيق دائماً ان شاء الله

  • شروق إيماني

    December 30, 2012 at 9:28 am

    بجد حسبنا الله و نعم الوكيل
    هو فوق كل مصحح ظالم

  • amirnafsak

    December 31, 2012 at 10:41 am

    اهلاً يا شروق
    معذرة لم أفهم التعليق

  • baro

    February 21, 2013 at 3:24 am

    *ان شاء الله  راح اجرب طريقة الخداع العقل الداافع


    احس اني من اصحاب اعقول الدافعه لاني لما انسى الشي اجذبه 

  • فيصل عبد الواحد

    February 24, 2013 at 11:07 pm

    اهلاً بك
    لا مشكلة، كما تحبي بإذن الله

  • منة الله

    March 17, 2013 at 2:25 am

    دكتور انا لما كنت في سن حوالي13 الي 16 سنه كنت لما بفكر في حاجة بلقها ادامي ويمكن اكتر حاجة القها ادامي ويمكن اكتر مثل فاكراه افلام الي في التلفزيون كنت لما افتكر فيلم بعدها بيومين القاه طبعا كنت بستغرب بس ماكنش عندي تفسير .. بس سن 16 تحديدا في الفترة من 17 لي 25 سنه مريت بصدمات كتير اوي كونت عندي فكرة ان اي حاجه احبها لازم اخسرها وكنت وقتها حاسه ان  ربنا ظالمني لكن في اواخر الفترة دي اقدرت اقرب من ربنا واغير الفكرة تماما واعتبر اي حاجة راحت مني ان خير بالعكس كنت بحس بفكر واحمد ربنا ان الي خسرته خسرته فعلا ..بس طبعا اكيد ده ساب معتقد سلبي جوايا .. انا من اسبوعين او اكتر قريت مقالات حضرتك  وعن قانون الجذب بشكل عام وعن الطاقه وعن الطاقه الايجابية وحاسيت ان من جوايا اتغير بنسبه 50% من القراءة فقط لان لحد دلوقت ماطبقتش فعليا قانون الجذب او علي الاقل ماطبقتش فعليا علي الاهداف الكبيرة الي عايزها .. لكن جربت في اهداف بسيطه 3 او 4 مرات ونجح فعلا .. انا كده حضرتك شيفاني عقل جاذب ولا دافع ..

    اسفة لو طولت علي حضرتك

  • فيصل عبد الواحد

    March 20, 2013 at 8:17 pm

    اهلاً يا منة
    انتي التي تحددي، هل عندما تفعلي معايشة لشيء، تري نتائج عكسية ؟
    بغض النظر عن ذلك
    انتي على الطريق الصحيح بفضل الله

  • منة الله

    March 20, 2013 at 9:19 pm

    لا نتايج سريعه وهي كانت اهداف بسيطه اوي يعني اخويا يجي بسرعه يساعدي وفعلا خلال دقايق القاه جه نفس الفكرة علي ماما مثلا كده وفعلا تحقق في وقتها .. كده اكون عقل جاذب .. او عالاقل اقدر اوصل للعقل الجاذب لو عملت لنفسي تطهير

  • فيصل عبد الواحد

    March 25, 2013 at 3:55 pm

    اهلاً يا منة
    أي شخص يمكنه الوصول للعقل الجاذب بإذن الله
    تحياتي لك

  • amany

    March 28, 2013 at 9:24 pm

    *شكرااااااااااااااااااااااااااااااااااااااااااااااااااااااااااااا على كل كلمة بتحكيها يارب الله يجعل قصتي نجاح هدفي على ايدك يااااااااارب ويحققلك بعدد كل من نجح بهدفه عن طريقك كلشي بتتمناه

  • فيصل عبد الواحد

    April 2, 2013 at 1:03 pm

    اهلاً بك يا أماني
    اشكرك على كلامك الجميل
    ان شاء الله تحققي كل ما تريدي
    تحياتي لك وبالتوفيق بإذن الله

  • الشريفه الحسنيه

    June 4, 2013 at 8:51 am

       دكتور انا في طفولتي بابا مش بيبخل عليا انا و اختي في حاجه اللي بنطلبه بفضل الله بيجيبول لينا 

    بس لما كبرت و بدأت احس بان عندي رغبه في امتلاك حاجات بحلم بيها و بتمناها بتبعد عني 

  • فيصل عبد الواحد

    June 5, 2013 at 7:27 pm

    لم افهم
    هل تتمني ان تبتعد الأشياء الجميلة في حياتك عنك ؟

  • Sawsan Nabulsi

    June 23, 2013 at 3:34 pm

    ستاذي الكريم
    1- اكتشفت مؤخرا و بالتجربة للأسف أنني عندما أنوي تحقيق عمل ما أرغب به بشدة أو التقرب من شخص ما يحصل العكس تماما و بالتالي ما أفعله غالبا هو أن أجبر نفسي على تجاهل ونسيان الشيئ أو الشخص الذي أرغب به ( وهذا صعب أحيانا) حتى فعلا يتحقق ما أريده ( العقل الدافع). كيف يمكن أن أنتقل من العقل الدافع إلى العقل الجاذب ؟ مع العلم أنني أقرأ منذ سنة تقريبا عن قانون الجذب و حاولت تطبيقه في تحقيق أمنيات صغيرة و بدون أي مجهود مني كان يتحقق ما أريد و بسرعة. إلا أنه في المواضيع ذات الأهمية الكبيرة في الحياة لا أراه يتحقق هل لأن تلك الأمور تأخذ حيزا كبيرا من الاهتمام و التفكير و طبعا الخوف من الفشل فيها لأهميتها ؟ ما هو السبب؟.

    2- إذا كانت اتباعي لطريقة الجذب خاطئة من البداية كما أن طريقة المعايشة خاطئة ( كانت الفكرة تستحوذ على تفكيري تماما) هل يمكن إعادة اتباع طريقة الجذب الصحيحة من البداية على نفس الهدف حيث أن هناك الكثير من الأمور السلبية التي حصلت باعدت بيني و بين هدفي و شوهت الصورة التي رسمتها في مخيلتي مما جعلني أفقد أحيانا الرغبة في تحقيق هذا الهدف. إلا أنني ما زلت متمسكة به و لكن ليس بنفس القوة.

  • sawsan

    July 6, 2013 at 7:56 am

    روعة استاذ ﻓﻴﺼﻞ

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close