main

البرمجة اللغوية العصبيةلغة الجسد

انا شوفتك قبل كده؟

September 27, 2011 — by فيصل عبد الواحد20

كالعادة، بعتذر عن الغياب !

وكالعادة، بوعدك بمقالة ان شاء الله تكون تعويض عن الغياب ده

لكن الي مش كالعادة، ان مقالة، تجمع بين تصنيفين

البرمجة اللغوية العصبية

و لغة الجسد

في مقالة واحدة، في المقالة دي

مش هكلمك عن موضوعين منفصلين، كل موضوع يتبع تصنيف منهم

لأ، الموضوع نفسه، ينتمي للتصنيفين

ممكن اللي هكلمك عنه النهاردة، ما تكونش قرأته في أي مكان قبل كده

وممكن اللي هكلمك عنه النهاردة، يكون بيحصل معاك، وقدامك

الحقيقة اللي هكلمك عنه النهاردة كان متأجل، وماكنتش عايز أتكلم عنه غير في كتابي الجديد ان شاء الله

لكن كتعويض زي ما قلتلك في أول المقالة عن غيابي، هتكلم عنه النهاردة في المقالة دي، واللي اتمنى تعجبك ان شاء الله

هقولك على حاجة، في لغة الجسد

وفي نفس الوقت، البرمجة اللغوية العصبية

تخليك تكلم أي حد، وتتعرف على أي حد، انت ما تعرفوش، لكن تخليه يقولك:

أنا شوفتك قبل كدة؟

لأ الكلام مش للإثارة فقط، ومش مجرد ادعاءات، تقنية جميلة جداً هعلمهالك - مش هكتفي بالكلام عنها - في المقالة دي ان شاء الله

مش ساعات كتير جداً، بتشوف حد، وتحس انك شوفته قبل كده؟

ولو عرفته، يتضح ليك انك ما شوفتوش في حياتك خالص قبل كده

بل ممكن يكون هو من مكان انت عمرك ما روحته

ليه؟

غالباً عشان حاجتين، أول حاجة، شيء متعلق بعلوم الطاقة

وتوازي ترددات الشخص الأول والشخص الثاني،

لكن السبب ده حتى بيبقى في 50% من الحالات نتيجة للسبب التاني

الي هو..التقنية دي

إزاي؟

لازم الأول تفهم، لما بتشوف حد تعرفه، بقالك فتره ما شوفتهوش، ايه الي بيحصل؟

بعد اشارات معينة في الوجه، العقل الباطن بيراجع الصورة الي شافها للشخص ده بصورة مسجلها داخله، عشان كده ممكن بعد الكلام الأولي، تقول: ياه، شكلك اتغير من زمان

عشان كده كتير من علماء العقل الباطن وخفاياه بيقولوا ان الذاكرة لا توجد بالمخ، ولكن توجد بالعقل اللاواعي، المهم عشان ما ندخل في تفاصيل كتير

ايه الي بيحصل في وجه الشخص، لما يشوف حد يعرفه، خصوصاً لو بقاله فتره ما شافوش من زمان ؟

جفنين العين بيضيقوا بشكل غير ملحوظ، شكل بسيط جداً

وحاجب يترفع، غالباً الحاجب اليمين، ويحصل

eye contact

مع الشخص الثاني، و بدون ما تشعر، بتبص على "الأذن" اليسرى أو اليمنى، غالباً المضادة للحاجب الي حركته انت، يعني لو انت حركت الحاجب اليمين لفوق، بتبص على "الأذن" الشمال، الي على شمالك انت، الي هي "أذن" الشخص اليمين.

يعني ايه كل الكلام الي مش مفهوم ده !

دي تقريباً الـ

Gesture

الي بتعملها من غير ما تعرف، عشان تقول للعقل الباطن يدور جواه على صورة الشخص ده

لكن مش ده المهم

المهم، ان حتى الشخص الثاني لما بيشوف الإشارة دي، عقله الباطن بشكل لحظي، بيلتقط الإشارة دي

ويبدأ هو كمان يدور جواه على صورة ليك !

اه فعلاً !

دي صورة من صور التواصل مع العقل الباطن، بعيد عن العقل الواعي ودفاعاته

لما الـ

Gesture

أو الحركة أو الاشارة دي بتحصل، وشخص حد تاني عينيه تلقطها، بتوصل للعقل الباطن وبيترجمها، بعيد عن العقل الواعي، لأنها اصلاً بتحصل في وقت أقل من جزء من الثانية

وحتى لو العقل الباطن ما لقاش صورة تماثل الشخص ده، هيفضل جواه احساس، ان الشخص ده شافه قبل كده

لأن عملية البحث حصلت أصلاً

عايزك انت تجرب وتروح، واعمل الكلام ده مع حد ما تعرفوش، لكن أنصحك تعمل فاصل ثانية واحدة، بين حركة العين ورفع الحاجب، وبين النظر للأذن

اقفل جفنيك حاجة بسيطة جداً، وارفع حاجبك اليمين، وبص في عين الشخص ده أوي لمدة ثانية، وبعدين بص على "الأذن" المواجهه لشمالك انت، واستنى كام ثانية، وروح كلمه،

ووقتها، انت تروح تتكلم

وأنصحك، أنك انت الي تبدأ وتقول:

أنا شوفتك قبل كده ؟

هتلاقيه هو كمان بيقولك: أنا حاسس اني اعرفك !

التقنية دي سهلة جداً، وفعالة جداً، ومجرد ما تعملها أربع أو خمس مرات، هتبقى أستاذ فيها

ولكل الناس الي كلموني، وحسوا انهم شافوني قبل كدة، أنا آسف، بس كنتوا من أفضل الناس الي عرفتهم في حياتي

🙂

بالتوفيق، واتمنى تكون المقالة عجبتك

فيصل عبد الواحد

20 comments

  • Noha

    September 27, 2011 at 10:14 pm

    حلووووووووووووووووه جدا المقال…واحلى حاجه فى مقالاتك انى بلاقى فيها تريكات مش اى حد بيقولها….هاجرب الموضوع دا واقولك جاب نتيجه معايا ولا لاء 😀

    هاستنى مقالات جديده كتييييييييييير من النوع دا …بالتوفيق ان شاء الله

  • khaled

    September 27, 2011 at 11:35 pm

    أيوة بقى يا فيصل

    فين تقنياتك دى من زمان

    هجربها وارد عليك 😀

  • sara shams

    October 2, 2011 at 11:22 pm

    مقالة جميلة جداااااااااااااااااااااااااااااااااااا فعلا انا كتير ناس بتشوفني تقولي انا شوفتك قبل كدا مع اني عمري ماشوفتها

    تسلم ايدك

    وربنا يوفقك للخير وفي تميز دايما بمقالاتك الرائعة

  • Adel Khamis

    October 6, 2011 at 9:44 pm

    جميل الكلام ده بس انت كده ربطت بين الشاكرات وتحديدا العين الثالثة ولغة الجسد بس يا اخي الحبيب انا عاوز اقولك برضه حاجة (ما هو لازم اعمل فيها مدرب هههههههه) اكيد ولا اشك انك تعرف حديث الرسول صل الله عليه وسلم (الارواح جنودا مجنده من تعارف منها أئتلف ومن تنافر منها اختلف) يمكن يا فيصل انا باحاول مع الشاكرات بقالي فترة اني اربطها بالدين الاسلامي ولقيت فيها حاجات كتير ينفع نعملها كاصحاب دين وعقيدة على عكس اصحاب هذه التقنيات اللي هي في الاساس بقايا ديانات معلش ازعجتك ورغيت كتير بس ده لاني حاسس اني شفتك قبل كده هههههههههه

  • Faisal Abdelwahed

    October 6, 2011 at 10:47 pm

    الله يخليك على كلامك الجميل، ويشرفني ردك واتمنى تعجبك كل المقالات ان شاء الله
    لكن في مقالة "انا شوفتك قبل كدة"، مش متذكر اني اتكلمت عن التشاكرات أو العين التالتة
    بالنسبة لربط علم التشاكرات وربطه بشريعتنا الحنيفة، انا معاك قلباً وقالباً ان شاء الله، كمان لو تحب ممكن نتكلم في التشاكرات والطاقة، انا أفهم على أدي فيهم كدة، وأستفيد منك كتير ان شاء الله
    انا كمان حاسس كدة، بس بص، أنا هقولك حاجة مش المفروض أقولك عليها، عشان ده سر 🙂

    أتمنى المقالات تعجبك ان شاء الله، وبالتوفيق،
    فيصل عبد الواحد

  • hesham 7asan

    October 15, 2011 at 12:47 am

    كلام جميل جدا وانا حولت اجربها بس بمجرد اني رفعت الحاجب حسيت ان شكلي اهبل … ممكن اكون عملتها غلط؟

  • فيصل عبد ال

    October 15, 2011 at 10:21 am

    يادوب حركة بسيطة يا هشام، مش شرط تتفهم أو تتلاحظ، لكن كدة كدة
    العقل الباطن للطرف التاني هيلاحظها ويترجمها
    انما مش ترفع حاجبك كله بشكل ملحوظ !!

  • صحراء 55

    March 16, 2012 at 8:02 pm

    السلام عليكم ورحمة الله وبركاته.

    شكرا شكراشكراعلى المقاله الروووووووعه

  • فيصل عبد ال

    March 16, 2012 at 11:59 pm

    وعليكم السلام ورحمة الله وبركاته
    بالتوفيق ان شاء الله دائماً يا شذى

  • norjan

    June 15, 2012 at 3:35 pm

    مقالة جميلة جدا بكل معنى الكلمة
    بس انا عندي سؤال طيب ليش كل ما اشوف انسان جديد يقلي  اني شوفتك  فين قبل كده ؟؟؟؟؟؟
    وانا متاكدة انه ما شافنيش  ابد
    فمن كتر ما الحالة دي تكررت كنت اقول للناس لان شكلي او ملامحي ماالوفة يعني اقصد شائعة وخلاص انا اقتنعت بهذا الشي بس بعد ما قريت هذا المقال لاء اكيد في حاجة وانا مش عرفاها؟؟؟؟؟ 

  • فيصل عبد ال

    June 16, 2012 at 11:21 am

    مستحيل يكون كل الناس بتعمل معاكي التقنية دي يا
    Norjan
    رغم اني اعرف شخص بيعملها مع كل اللي يقابلهم
    ولاد او بنات، مش التقنية، بس بيقول كلمة
    انا شوفتك قبل كده
    ممكن يكون وشك فعلاً مألوف، فعادي الحكاية مش محتاجة انك تقولي ان في سر او حاجة
    شكراً على ردك وبالتوفيق ان شاء الله

  • Anonymous

    June 17, 2012 at 11:52 am

    السلام عليكم 

    شكرا ع المقالة الرائعة 

    صحيح انا في ناس كتير بيقولولي الكلمة دي انا شوفتك ابل كده

    واوقات بيتالي انا لما شفتك ارتحتلك كتير بسمع الكلمة دي

    طبعا مش معقول يكونو كل الناس بيعملو معايا التقنيه دي ولا معقول انو انا اكون بعملها لاني لسه عارفاها الوقتي

    وساعات مكونش شفتهم ولا شافوني يعني ع النت بردو بيقولو احنا ارتحنا ف الكلام معاكي 

    بس ساعات لما بلاقي واحده بتصرف غلط وببقى عوزة انصحها واكسر الحاجز الي بينا بستعبط واقلها انا شفتك قبل كده مع ابتسامة استفسار وبتدخل عليها التمسيليه واهزر واضحك معاها وبعدها اقولها الي عوزة اقولو بطريقة هزار وحب والحمد لله بتتقبل النصيحة وساعات كتيييييير بنبقى اصحاب لدرجة ان معظم الي عرفتهم بالطريقة دي قالولي تعرفي احنا اي حد كان بيجي ينصحنا ع حاجة كنا بنهزأو علطول وعمرنا ف حياتنا مكنا نتخيل ان ممكن نتقبل النصيحة من حد بس انتي اسلوبك رائع مش بفتخر بنفسي والله بحمد ربنا على فضلو عليا انو علمني كل حاجة وبعتلي الي يعلمهاني ويمكن قلت الطريقه دي عشان اي حد يستفاد منها لو شاف حاجة غلط يصلحها لاننا هنسأل ان احنا كنا عارفين الغلط ومصلحنهوش ودي كانت مهمة النبي عليه الصلاة والسلام انو يصلح اي غلط يشوفه ومن العلم الي بنتعلمو هنقدر نطور طريقتنا  سواء ف التعامل او النصيحة او التعارف على ناس جديدة

    بس ايه السر فان ناس كتييييييييييير او كللللللللل الي اقابلهم او اتعرف عليهم ومنغير ما اكون قلت انا شوفتك قبل كده  يقولو انا حبيتك اول ما شفتك انا شفتك قبل كده ارتحتلك اول ما شفتك الجمل دي بتكرر عليا كتير

    وده برا الي نصحتهم يعني مع الناس التانيه 

    ممكن تفسير استاذي الفاضل؟

    بشكرك مرة تانية على مقالات الاكثر من رائعة زادك الله من علمه

    تحياتي صانعة الاحلام

  • norjan

    June 17, 2012 at 12:44 pm

    اوكي استاذ اجابة معقولة
    بس فعلا الي بيحصل مع الاخت صانعة الاحلام بيحصل معاية اوي اوي
    وتقريبا مع كل الناس
    سبحان الله

  • فيصل عبد ال

    June 22, 2012 at 12:17 am

    وعليكم السلام ورحمة الله
    السر ان في ناس زيك يا صانعة الأحلام، بتحب تستخدم الطريقة دي عشان تتعرف على الناس
    بس
    بالتوفيق ليكي ان شاء الله وشكراً على متابعتك الدائمة

  • baro

    February 13, 2013 at 10:52 pm

    هجرب الطريقة ان شاء الله في اقرب فرصة

    بس عندي سؤال  عادي لو سويت الطريقة مع  المحجبات؟؟ لانه بتكون لابسه حجاب واكيد اذنها مش باينة ولا مش لازم 

    اشووف او ابص على اذنها فعليا  ؟؟


    مقاله رقم 4

  • فيصل عبد الواحد

    February 15, 2013 at 3:48 pm

    اهلاً بك
    يمكنك فقط النظر لمكان أذنها
    تحياتي لك وبالتوفيق بإذن الله

  • baro

    February 16, 2013 at 1:49 am

    *جزاك الله خير

  • فيصل عبد الواحد

    February 24, 2013 at 10:55 pm

    لا مشكلة، بالتوفيق ان شاء الله

  • d-rh

    April 24, 2013 at 4:55 am

    *السلام عليكم د/فيصل
    كيفك ان شاء الله تكون بخير
    وانا باقراء في مقالات امير نفسك شدتني المقالة دي عشان انا فعلا باشوف اشخاص بحس اني شيفهم وانت فسرت  السبب .
    بس انا بيحصل معايه انه مو بس اشخاص ,احيان لحظات احس اني عشتها قبل كذا ومع ذات الاشخاص بل يمتد الموضوع الى المواقف احس انها مرت بي سابقا
    سألت قالو ان الموضوع متعلق بالروح وماشابه انت اش تفسيرك

    جزاك الله خير ولقّاك نضرة وسرورا

  • فيصل عبد الواحد

    April 25, 2013 at 2:54 am

    وعليكم السلام ورحمة الله
    اهلاً بك
    انا تمام بفضل الله، ان شاء الله تكوني بأفضل حال
    بالنسبة للمواقف، فناك عدة تفسيرات، منها العلمي ومنها الطاقي
    بالنسبة للطاقي، فالتفسير هو أنك رأيت تلك اللحظة في احلامك من قبل، لذا تتعرفي عليها الآن
    وهناك تفسير آخر، أن كل ما تريه الآن مخزن بروحك، وكل ما تتعلميه وتكتسبيه من خبرات أيضاً مخزن بروحك
    وما تعيشيه هو فقط مجرد تشغيل لتلك الذكريات المخزنة مسبقاً قبل أن تأتي لتلك الدنيا وتسكني ذلك الجسد
    أما التفسير العلمي، فهو أن ذلك المشهد بدلاً من أن يتخزن في ذاكرتك قصيرة المدة، ثم إلى ذاكرتك طويلة المدى، يحدث العكس، أي يتم تخزين الموقف في الذاكرة الطويلة المدى، ثم القصيرة المدى، وهو بالظبط ما يحدث عند التذكر
    لذا تشعري انك تتذكري، ولكن مع عدم وجود ذكرى فعليه
    تحياتي لك
    وبالتوفيق بإذن الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close