قانون الجذب

انسى السر

May 26, 2012 — by فيصل عبد الواحد31

main

قانون الجذب

انسى السر

May 26, 2012 — by فيصل عبد الواحد31

قانون الجذب - انسى السر
قانون الجذب - انسى السر

وأنا صغير

كان عندنا قصة في المدرسة اسمها واسلاماه

أظن انت تعرفها وتعرف قصتها كويس أوي

أول ما بدأنا ندرسها

أستاذي - ربنا يخليه ويجزيه خير عني - قالنا

بصوا..عايزكوا تنسوا تماماً

! فيلم واسلاماه

عشان الفيلم، غير القصة الحقيقة تماماً

! ونفس الحكاية، مع فيلم السر..و قانون الجذب

فيلم السر غير قانون الجذب تماماً

هعيد الكلام عليك بالعكس

قانون الجذب غير فيلم السر تماماً

دي الحقيقة اللي لازم تعرفها

آه أكيد في بينهم تشابه نوعاً ما، زي ما في تشابه بين قصة واسلاماه وفيلم واسلاماه، على الأقل في أسماء الشخصيات

لكن فعلاً قانون الجذب غير اللي جه في فيلم السر

الحكاية ايه..؟

الحكاية ان فيلم السر اتعمل على أكتر حاجة في قانون الجذب الطبيعي

اللي ممكن تبيع وتجذب الناس عشان تشوفه

ومش كده بس، اتكلم عليها بنسبة كبيرة جداً غلط

ممكن يكون سؤال في دماغك الوقتي..مين العربي ده اللي بيقول على فيلم السر العالمي غلط

مش كلامي لواحدي، كلام ناس شاركت فيه شخصياً زي بوب بروكتور، وكلام ناس رفضت المشاركة فيه

لما قرأت السكريبت بتاعه زي دكتور روبرت أنتوني

والأهم..انك لو شايف ان اللي في الفيلم مكفيك، وحققت بيه نتايج فعلاً كبيرة

تقدر تقفل الموقع وتعتبرني فعلاً ما قلتش حاجة

لكن دي الحقيقة..ايه هي النقطة اللي ركز عليها فيلم السر

هي..ازاي تجذب أهدافك بقانون الجذب

طب وايه المشكلة؟

! تخيل لو في طيارة كبيرة أوي، وانا عملت فيلم، عشان أعلمك إزاي تقعد في مكان الطيار

تفتكر هتبقى كفاية ؟

قانون الجذب أكبر بكتير من أنك تستخدمه عشان تجذب أهدافك

عارف انك بتقول طب ليه اسمه قانون الجذب بقى

عشان الجذب مش بس بينك وبين أهدافك، الجذب موجود بين كل جسمين ليهم كتلة، وحتى مالهمش كتلة

وده قانون خدناه في الفيزياء، ان أي "جسمين" في بينهم قوة جاذبية، تتناسب طردياً مع حجم "كتلة" كل منهما

اللي قانون الجذب بيقوله، ان مش بس ليهم كتلة، ولا يكونوا جسمين

يكفي انهم يكونوا طاقة

بدون الدخول في تفاصيل الميتافيزيكس، خلينا حتى نفترض ان قانون الجذب بس، جذب وتحقيق الأهداف

فيلم السر، كل اللي قاله انه مطلوب منك

انك تقعد على الكنبة - او الكرسي مش مشكلة - وتجيب مجلة مثلاً

وتبدأ تختار اللي انت عايزه

و تشوف نفسك و انت معاك الهدف ده، لو عربية شوف نفسك سايقها

وجابوا مشهد الشخص اللي بيمثل أنه سايقها

آه طبعاً المعايشة، والتمثيل بأنك معاك الهدف حاجة مفيدة وفعالة جداً لتحقيق أهدافك

جداً..لكن مش هي كل حاجة

لو كانت الحكاية معايشة بس كان كل الناس بقى معاها كل حاجة

أكتر حاجة بنعملها هي الخيال

لكن العملية مش كدة

العملية ان قانون الجذب قانون طبيعي

يعمل وفقاً لنظام، سيستم

أي حاجة في الكون ماشية على نظام

قانون الجذب مش استثناء لكدة، فلازم تعرف السيستم اللي بيتم بيه جذب الأشياء

وليه بتنجذب، وازاي، وانت دورك ايه، عشان فعلاً تجذب اهدافك وتحققها

خلاصة القول، ان المعلومات اللي في فيلم السر غلط بنسبة كبيرة جداً، يكاد يكون الصحيح اللي فيه ما يتعداش ال5 في المائة

والخمسة في المائة دي، الخاصة بان في حاجة اسمها قانون الجذب

آسف لو كنت كسرت ليك أحلام كتير، أو صدمتك في المقالة دي

بس انا غلطتي اني كانت لازم دي تبقى أول مقالة ليا هنا في الموقع

اشوفك في مقالة تانية ان شاء الله

31 comments

  • eme

    May 26, 2012 at 7:57 am

    Oh my god , is that realy Mr. Faisal …….. actually i didn't follow what they said , but i just watch the film ,,,,,,
    we can't trust every things that we watch , and read it , as u said it is a special system wa have to be aware about it and aware how it is working and under stand it then apply it , because i am one of the people who have a huge amount og imagination , but not all of my imagination become in real because i think some times it will become in my life if i apply the  system in the right way , but because i am not that much aware about how it is working  till i start to read and to know about it now  ……

    Thank you ,,,,,Mr.Faisal for every thing you give it to us , god bless you . 

  • nidaa

    May 26, 2012 at 9:02 am

    مقالة رائعة وانا اتفق معاك مع العلم لاني ماشفت فلم السر كله بس حسيت وانا بشوف مقاطع منه ان في شئ ناقص ودورت في النت على الشئ الي حسيت انه ناقص وماعرفت ماهو هذا الشئ، وعرفت قانون الجذب لناس ومختصين وقريته كله وتابعت كل المقالات الي كتتب عن قانون الجذب واتفقت مع بعضها ولم اتفق مع البعض الاخر ومثل ماكتبت لو عملية مجرد تخيل كان اسهل شئ واي حد يريد اي شئ ممكن يحصل عليه بسهولة. جسيت ان الموضوع محتاج دراسة وبحث اكثر وهي قوانين كلها مرتبطة ببعض وكل خطوة تؤدي الى الاخرى، يعني مثلا اكثر حالات فشل قانون الجذب مع كثير ناس بسبب معتقدات المخزونة ولاسف ماممكن نعرفها كلها لانها تركمات الماضي، والعلمية لازم اولا تتنظف الفكر من هذه المعتقدات قبل البدء باي عملية جذب. وهذا الشئ لايدركه كثير من اناس الي يتهمون ان القانون غلط. مافي قانون في الطبيعية غلط، كل شئ يسير وفق قانون معين، الورقة لاتسقط الى اللارض اللا بسبب، والصخرة لاتكون في مكانها الا بسبب، كل شئ يتحرك في الكون وفق سبب معين. وهذا الشئ بالنسبة لانسان، كل شئ يحصل سواء من خير او شر يكون سببه اولا واخيرا الانسان نفسه. ولكي ينجح القانون يجب معرفة كل الخطوات التي تؤدي الي الخطوة النهائية وهي النجاح وتحقيق الهدف. انا اتفق معاك في الي كنتبته لاني حسيت انه في اشياء ناقصة حتى من غير ماتابعها لاخر. شكرا على توضيح الحقيقة للناس لانه مهم جدا معرفة الصح من الغلط

  • فيصل عبد ال

    May 26, 2012 at 10:50 am

    شكراً على ردك الجميل يا إيمي
    اه بالفعل مش كل حاجة بنشوفها صح ولازم نراقب اللي بنشوفه ونسمعه كويس
    فيلم السر ألقى الضوء على حاجة موجودة وعرف الناس بيها
    وعلى فكرة في ناس بتتكلم عن قانون الجذب من حوالي 100 سنة فاتت
    لكن برده ما يمنعش انه فيلم كلنا استفدنا منه
    بالتوفيق بإذن الله

  • فيصل عبد ال

    May 26, 2012 at 10:55 am

    بالظبط يا نداء، كلامك مظبوط
    لكن أحييكي على البحث والمعرفة، في ناس كتير ما بيهماش انها تعرف
    شكراً على ردك الجميل وبالتوفيق ليكي ان شاء الله

  • scarlett

    May 26, 2012 at 12:23 pm

    اكيد دكتور فيصل كلامك صحيح 100%
    انا من لما شفت فيلم السر للمرة الاولى حسيت انو ناقص كتير
    مع اني كنت مبتدئة بس كنت مقتنعة انو هاد علم قائم بحد ذاته
    ومو معئول يتلخص بفيلم طوله ساعة ونص او ساعتين او حتى بجزئين او تلاتة
    بس هو حلو كتير كونه عرفنا على شي اسمو قانون الجذب
    وبعد هيك اللي حاب يكمل بيبحث وبيدور على مصادر صحيحة ومعلومات اعمق
    وهيك نحنا تعرفنا عليك وعلى موقعك الرائع
    ومن لما دخلت هاد الموقع كبيت كل شي بعرفو سابقا عن قانون الجذب
    وكل المعلومات السابقة اللي ما جابتلي غير الفشل ووجع الراس
    شكرا كتير كتير الك دكتور فيصل على كل شي عم تقدملنا ياه وبدون مقابل
    تعلمت منك شغلات كتييييييير مهمة وفعالة وغيرت فيي كتير
    وان شاء الله بيعملوا فيلم اهم وادق من فيلم السر ومنشوفك فيه قريبا جدا

  • صحراء 55

    May 26, 2012 at 1:17 pm

    السلام عليكم

    مقاله متميزه وطرح رائع بصراحه

    انا ماكنت اعراف انه يوجد في فلم السر  كل هذا الاخطاء

    مشكور على توضيح الاخطاء  جزاك الله كل خير

    دمت  با الف خير ^_^

     

  • فيصل عبد ال

    May 26, 2012 at 2:16 pm

    شكراً على كلامك الجميل يا لمى
    ان شاء الله ربنا يوفقنا ويوفقك ويوفق الناس كلها
    بالتوفيق ان شاء الله

  • فيصل عبد ال

    May 26, 2012 at 2:17 pm

    وعليكم السلام ورحمة الله وبركاته
    شكراً لردك الجميل يا شذى، سعيد اني افدتك بالمقالة
    بالتوفيق دائماً ان شاء الله

  • lola

    May 26, 2012 at 5:18 pm

     تسلم ايدك يا دكتور فيصل علي المقال

    ايوه انا اعرف فعلا ان الفيلم كان مركز ع الخيال والمعايشه فقط

    بس مثلا في الكتاب اكيد حضرتك قرأته 

    في الجزء بتاع جذب المال

    الشخص عمل معايشه وبرضو اجتهد يعني القانون جاب له الفرص وهو انتهزها كان مئلف كتاب 

    ونزل اعلان ليه في جريده وباع نسخ كتير منه وكسب الفلوس

    يعني الراجل اللي قصته  في الكتاب ده ماجذبش المال وهو حاطط رجل علي رجل وقاعد في مكانه

  • lola

    May 26, 2012 at 5:19 pm

     تسلم ايدك يا دكتور فيصل علي المقال ايوه انا اعرف فعلا ان الفيلم كان مركز ع الخيال والمعايشه فقط

    بس مثلا في الكتاب اكيد حضرتك قرأته  في الجزء بتاع جذب المال

    الشخص عمل معايشه وبرضو اجتهد يعني القانون جاب له الفرص وهو انتهزها كان مئلف كتاب 

    ونزل اعلان ليه في جريده وباع نسخ كتير منه وكسب الفلوس

    يعني الراجل اللي قصته  في الكتاب ده ماجذبش المال وهو حاطط رجل علي رجل وقاعد في مكانه

  • فيصل عبد ال

    May 27, 2012 at 4:33 pm

    التركيز الأكبر كان على جزء الخيال والمعايشة يا ليلى
    وعلى فكرة اه ده جزء مهم جداً جداً وهعمل عنه مقالة او يمكن سلسلة مقالات قريب ان شاء الله
    لكن مش كل حاجة
    بالتوفيق دائماً ان شاء الله

  • nidaa

    May 27, 2012 at 6:46 pm

    فعلا التركيز في الخيال والمعيشة مهم جدا في عملية الجذب بانتظار مقالتك عنه

  • اسيل

    May 28, 2012 at 5:00 am

    *بتفق وبختلف

    صحيح فلم السر كان بسيط جدا واعطانا مدخل لقانون الجذب دون اي تمارين  او تلميحات مثل التي موجوده  بموقعك او عند اي مختص بقانون الجذب بالتحكم بمشاعرنا وتفكيرنا الذي كنا نجهله

    انا شخصيا استفدت من الكتاب جدااا من ناحية المال 

    رغم اني كنت اقول به شئ ناقص فعلا

    لكن يجب ان لا نمحي دوره كمدخل بسيط للجذب

  • اسيل

    May 28, 2012 at 5:01 am

    *بليز استاذ فيصل وعدتنا ان يكون هناك مقاله عن العين الثالثه لاني لم استطع عمل التمرين ووجدت صعوبه بستحضاره 

  • فيصل عبد ال

    May 28, 2012 at 11:14 am

    مين اللي قال نمحي دوره يا أسيل؟ بالعكس انا قولت انه اه عرف الناس
    اللي ماكنتش عارفه ان في حاجة اسمها قانون الجذب
    لكنه ركز بس على نقطة واحدة وهي المعايشة
    اه هي مهمة جداً في قانون الجذب
    لكن قانون الجذب أكبر منها بكتير
    تحياتي، بالتوفيق ان شاء الله

  • فيصل عبد ال

    May 28, 2012 at 11:35 am

    قريب ان شاء الله، ممكن المقالة الجاية أو اللي بعدها
    لكن أي تمرين تقصدي بالظبط؟
    بالتوفيق بإذن الله

  • نورا راشد

    May 28, 2012 at 2:59 pm

    معاك حق استاذ فيصل انا قريت ان المؤلفه روندا بيرن اخفت جزء كبير من السر وهو الترددات بسبب خلافها مع شركه الا نتاج والله اعلم    سؤالي لوسمحت   هل السر في الترددات والاايش يعني لسه مشوارنا طويل مع الجذب وشكراا لك

  • فيصل عبد ال

    May 29, 2012 at 11:13 am

    السر مش في حاجة واحدة بس
    السر في حاجة غلط كلنا بنعملها
    احنا بنبدأ غلط، عشان فاهمين قانون الجذب غلط
    الموضوع طويل جداً، لكن باختصار، السر فيكي انتي
    عشان كده اسمه السر
    بالتوفيق ان شاء الله

  • Abdullah

    May 29, 2012 at 4:41 pm

    مساء الخير والإحساس والطيبة 

    اذا سمحت لي بالمداخلة ذي حبيبنا استاذ فيصل

    انت تقصد من كلامك انه لازم يعني يكون الشخص يعمل التمارين والتدريبات والتوجيهات 

    على الدوام،يعني مثل اللي يعمل تمارين اللياقة لازم يظل شغال دماغه وجسمه في التمارين .باستمرار  ولاخلاص لو عرفت الطريقة او الطرق بالجذب تعمله وقت حاجتك ليها

  • فيصل عبد ال

    May 29, 2012 at 6:14 pm

    سؤالك تعليق على أي شيء بالظبط يا عبد الله؟

  • Anonymous

    May 29, 2012 at 7:32 pm

    شكرا استاذنا ع المقالة ربنا يخليك..بس بصراحة انا جديدة بقانون الجذب يمكن صارلي شهرين بس فيه يعني ما بعرف عن فيلم السر عرفتو منك ^_^ ..شكرا كتير الك

  • فيصل عبد ال

    May 29, 2012 at 7:38 pm

    اهلاً يا نانسي، جميل مفيش أي مشاكل لكن برده أنصحك تشوفيه
    بالتوفيق ان شاء الله

  • Abdullah

    May 29, 2012 at 9:40 pm

    *اقصد ان الجذب لما نفهمه ونعرف تطبيقاته وتمارينه وقوانينه  هل هوا كذا كفاية أني اكون افهم الطريقة الصح وخلاص .  

    لما اكون عاوز حاجة اطبق تطبيقات الجذب وبس. 

    ولالا، لازم أضل  اعمل التمارين ذي بكل وقت 

    ونتحرر من اي موقف او حاجه سلبية تواجهنا ونُهيِئ انفسنا بالتمارين ونفتح الشاكرا وكل حاجة على طول حتى يكون متمرس  

    والعقل يتجاوب على طول كذا. 

  • ronyr

    May 30, 2012 at 5:12 am

    فيلم السر شفتو من سنتين بس مااستفدت حتى تعلمت حرق المعتقدات

    هو فيلم اسمه السر ولكن سحبت منه المعلومة السر

    شكرا استاذ فيصل للتوضيح

  • فيصل عبد ال

    May 30, 2012 at 8:11 am

    بالنسبة لهدف، تعمل التطبيقات اللي اختارتها لحد ما تحققه بإذن الله
    بالنسبة للإيجابية فهي مش محتاجة تمارين مستمرة
    بالتوفيق بإذن الله

  • فيصل عبد ال

    May 30, 2012 at 8:11 am

    شكراً على ردك يا روني
    بالتوفيق ان شاء الله

  • Pingback: سيدونا - فك الارتباط | قانون الجذب

  • vena

    October 24, 2012 at 9:16 am

    أنا مستغربة جدا كلامك متناقض …..لما أنت كل اللى قولته ووصفته أنت بنفسك لقانون الجذب هو اللى فى الفيلم بالظبط ليه بتقول دلوقتى أنه غلط ؟؟؟ وكمان أنت مواضحتش أيه الصح ؟؟؟

  • amirnafsak

    October 24, 2012 at 11:14 am

    ومن قال ان كل ما اقوله في قانون الجذب، هو من فيلم السر ؟
    وبالعكس، انا وضحت الصح في أكثر من مقالة، يمكنك تصفح المقالات بإذن الله وستستفيدي
    تحياتي لك، وبالتوفيق بإذن الله

  • Ahmed Goda

    August 22, 2013 at 1:04 am

    انا اصلا رميت الكتاب من زمااااااااااااااااااااان.

  • فيصل عبد الواحد

    August 22, 2013 at 8:56 pm

    اهلاً بك
    ان شاء الله تستفيد من الصحيح دائماً
    تحياتي لك

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close