التنمية البشرية العامة

جورج قرداحي – كاريزما؟

October 10, 2012 — by فيصل عبد الواحد19

main

التنمية البشرية العامة

جورج قرداحي – كاريزما؟

October 10, 2012 — by فيصل عبد الواحد19

كلمة كاريزما

أول مرة اسمعها في حياتي كانت دائماً مقترنة بمقدم البرنامج المعروف

من سيربح المليون

جورج قرداحي

كنت دايماً أسمع المقدمين التانيين لما يستضيفوه

وهما بيقدموه، يقولوا :

الشخصية التي تتمتع بكاريزما عالية جداً

لدرجة اني بقيت احفظ وقتها

ان أي مذيع يقول كلمة كاريزما

يبقى الضيف اللي معاه في البرنامج هو جورج قرداحي

لكن ماحدش كان بيقول وقتها يعني ايه كاريزما

أظن حتى مقدمي البرامج المصرية ماكانوش يعرفوها يعني ايه

واحدة واحدة ابتدينا نعرف ان الشخص اللي عنده الكاريزما ده

شخص محبوب، الناس بتحب دايماً تكون معاه

تحب صحبته

تحب تاخد رأيه في كل حاجة

بدأنا نقرأ ونشوف ونسمع عن أسرار الشخصية الساحرة

وازاي يكون عندك كاريزما

هقولك سر..ورغم ان ده يتعارض مع النقاط اللي هنقولها سوا

لكن النجوم والممثلين، كل الكاريزما عندهم تعتمد على شيء واحد فقط

..الندرة

انه ما يبانش كتير، وسط الناس

ما يبقاش متاح للجمهور

لذلك يفضل النجم انه يكون في فيلم ساعتين

على انه يكون في مسلسل 30 حلقة

وأنه يطلع في برنامج واحد كل 6 أو 7 شهور

وأنه يظهر في مكان عام مرة كل سنتين أو تلاتة

هل ده صح ؟

جداً جداً

غلط

ممكن يكون صح بالنسبة ليهم

لكن الحقيقة غير كدة

..الحقيقة انك عشان تكون شخص

كاريزماتك

يبقى يكون عندك عدد من الصفات - مش مواهب - وأي حد يقدر يكتسبها

انك تكون

مركز الانتباه

ان أي حد يجيلك عشان مجرد

انه عايز يقعد معاك

في حاجات لازم تكون فيك، وحاجات لازم تعملها

ان شاء الله في السلسلة القصيرة دي

هنتكلم عن أهمهم

بداية..الكلام

: أولهم

الشخص الجذاب، الكاريزماتك، بيسمع أكتر ما يتكلم

أذنه..رغم ثباتها، لكن أهم بكتير من لسانه، رغم حركته

مش بس كدة..لكن بيسمعوا بشكل فعال، يعني الشخص ده وهو بيسمع حد

بيبص في عينيه..بيحرك رأسه بالايجاب حتى لو معترض

ودي نقطة مهمة جداً، حتى لو معترض، تحريك رأسك بالإيجاب، بيمحي المعارضة في الشخص اللي قدامك

وواحدة واحدة هتلاقيه هو، معاك في موضوعك

الشخص ده، ما بيقدمش نصايح، ما بينصحش

الا اذا اتطلب منه

خذ القاعدة الذهبية دي عيش بيها

لا تنصح..لا تنقد..لا تحكم

الا اذا طُلب منك

طبقها بكل حذافيرها في حياتك هتشوف سحر بإذن الله

كمان عايز أقولك..اللي يخاف من نقد الناس..يبقى أكيد

بينقدهم

اذا كنت مرة خايف من رأي الناس فيك او كلامهم عنك لما تعمل حاجة، لما تقول حاجة معينة

يبقى انت عندك مشكلة، جزء منها

انك انت نفسك..بتنقد الناس

عشان تكون كاريزماتك فعلاً..لا تنصح، لا تنقد، لا تحكم..الا اذا طُلب منك

وعايزك تتعود على كدة، على ان ناس كتير أوي هتطلب نصيحتك

لما تلاقيك انت..ما بتتطوعش بالنصيحة

زي 99% من الناس التانيين

: ثانيهم

ما تقدمش نفسك في أول الكلام

"أنا فيصل مدرب قانون الجذب والتنمية البشرية"

أو..أصل بص، انا مدرب قانون الجذب، فاللي بقوله أكيد صح

سيب الناس، من طريقة كلامك ومعلوماتك عن الموضوع..تكتشف ده

تسألك ايه ده، أنت عارف الكلام ده ازاي؟

أنت بتشتغل ايه..أصل شكلك دارس..شكلك عارف..شكلك قارئ

وقتها ممكن تقول كدة

..انا

على العكس، أما أنت بتعرف نفسك وتقول أنا كذا كذا

الناس اهتمامها بيزيد، والغلطة ليك هنا هتبقى ب1000 غلطة

وشئت أم أبيت..هيطلع الغرور في صوتك

أنا فاكر مرة من كام سنة، كنت بتناقش مع شخص في حاجة قانونية وقلتله انا خريج حقوق انجليزي عشان كده بتكلم عن ثقة

! ولحظي، كان الشخص ده "لئيم" فقال قدام الناس، دي مصيبة سودة انك تكون خريج حقوق وتقول كدة

! رغم ان في الآخر اعترف اني صح، بس بيني وبينه طبعاً

: ثالثهم

الشخص الكاريزماتك بيتكلم ببطئ

آه ببطئ

وبهدوء جداً

وبيدي كل حرف زمنه من الوقت

مهما كان عدد اللي بيكلمهم، وهنتكلم الوقتي على الكلام مع المجموعات، لكن المهم وأنت بتتكلم

مش عشان تقول رأيك بسرعة، وانك اكتشفت خطأ في كلام اللي قدامك تبقى هتتجنن عشان تقولها

فاكر مرة كنت في قطر..واتناقشت مع واحد في القطر نقاش ديني

والنقاش امتد لدرجة ان الناس في باقي عربة القطر اللي كنا فيها اتلموا

وحوالي 5 أشخاص تانيين دخلوا في الحوار ضدي

والشخص ده كان متمرس في النقاش الديني، وقال جملة خلت كل اللي في القطر ينتبهوا ليا

"أنت بتقول ان في تعارض في القرآن"

وانا ماكنتش قولت كدة خالص لا صراحة ولا ضمناً

لكن كان مجرد تعصب من الشيخ السلفي ده

وبفضل الله، وبعد نقاش من ال6 أفراد

ومئات النظرات من الناس المتابعة من بعيد

انتهي النقاش إلى انقلاب ال5 أفراد على الشيخ السلفي

!! وأخيراً الشيخ السلفي طلب يتعرف عليا..وياخد رقمي عشان يسألني في الدين لما يحب

الشيء اللي خلاني أقوله العفو..أنا اللي اسألك يا شيخنا

! بس خد الرقم برده

عشان ما أطولش عليك..ان شاء الله المقالة الجاية، نتكلم عن باقي النقاط

في ازاي تكون، أو تكوني

كاريزماتك

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

19 comments

  • mohamed

    October 10, 2012 at 7:58 am

    *مقالة قمة في الروعة وجايىة في وقتها والغريبة او مش غريبة انه كنت لسه بفكر بالموضوع ده  قبل ربع ساعة

    وعاوز اقول انه طريقتك في الكلام في الكورس الثقة والهدوء والاستيعاب  وكمان طرق شرحك في الموقع كلها تدل انك لك كاريزما 

    ومنكم نتعلم ونستفيد وفي انتظار البقية وجزاك الله كل الخير

  • صحراء 55

    October 10, 2012 at 12:14 pm

     السلام عليكم


    مقاله رووووووووووعه وجميله

    وتسلم على هذا المقاله وهذا السطور

    موضوع رووعه

    ^_^

  • فيصل عبد ال

    October 10, 2012 at 1:34 pm

    اشكرك على كلامك الجميل يا محمد
    شيء مش غريب طبعاً انك تلاقي نفسك بفضل الله قوة جذبك بقت بالشكل ده خصوصاً بعد كورس سيدونا
    تحياتي ليك وبشكرك مرة تانية على كلامك الجميل
    وامنياتي ليك بالتوفيق ان شاء الله

  • فيصل عبد ال

    October 10, 2012 at 1:37 pm

    وعليكم السلام ورحمة الله
    اشكرك على كلامك الجميل، وان شاء الله تستفيدي دائماً
    تحياتي لك وبالتوفيق بإذن الله

  • rony

    October 10, 2012 at 9:05 pm

    السلام عليكم

    طيب استاذ فيصل في ناس دمهم تقيل

    بيكونو طيبين ويحبو الناس ولكن لا يقبلون من الناس

    عندي صاحبة طيبة جدا وصافية وتحاول ان تكون اجتماعية

    ولكن دائما اسمع يفولون دمها تقيل ويبتعدون عنها

    شو العلاج كيف فيني ساعدها

  • Queen86

    October 11, 2012 at 6:18 am

    مقالة في قمة الرووووووووووووووووعة
    سلمت اناملك على كتابتها وضحتلي امور فالشخصية الي تتمتع بالكاريزما والي يريد يتمتع يبدا من هالسطور
    شكرا استاذ وموفق باذن الله في كل خطوة تخطوها يااااارب

  • lola

    October 11, 2012 at 5:47 pm

    مقاله جميله جدا 

    الف شكر الف شكر

    ومنتظره الباقي

    وعندي سؤال بعد اذنك

    انا في مقوله سمعتها كذا مره وعايزه حضرتك توضحلي هي فيها مبالغه ولا حقيقيه  تماما

    وهي "ان كل انسان بيكون جواه حاجه تميزه عن اي انسان اخر في العالم"  " 

    لاني لما بقعد ابحث جوايا مش بلاقي ان في حاجه عندي اقدر اتميز بيها عن الاخرين

  • فيصل عبد ال

    October 11, 2012 at 8:04 pm

    وعليكم السلام ورحمة الله
    هل تقصدي كيف تتعاملي معها، ام كيف تغيريها ؟

  • فيصل عبد ال

    October 11, 2012 at 8:09 pm

    اشكرك يا كوين على كلامك الجميل
    ان شاء الله تكوني شخصية جذابة أكثر ما انتي
    تحياتي لك وبالتوفيق دائماً ان شاء الله

  • rony

    October 11, 2012 at 8:13 pm

    السلام عليكم اقصد ان اساعدها حتى تغير من نفسها لتصبح مقبولة اجتماعيا

    كما انها ليست من متابعات قانون الجذب

    انا جربت اعلمها سيدونا لكن احسست انها لا تسمع باقتناع فتوقفت

    على العموم في مثل هذه الحالة كيف نطبق سيونا مثلا 

    او اي تقنية ثانية

    وشكرا كتير عن جد نحنا دائما شاغلينك باسألتنا

  • فيصل عبد ال

    October 11, 2012 at 9:26 pm

    اهلاً يا ليلى
    اشكرك على كلامك الجميل
    اه بالفعل، زي ما كل شخص له بصمة مميزة
    وله
    DNA
    مميز حتى عن أخيه
    بيكون فيه على الأقل شيء مميز
    لكن انتي مش لاقياه عشان مصممة تدوري عليه
    ومصممة يكون شيء خارق للطبيعة زي ما بنشوف في الأفلام والمسلسلات
    اتحرري من كدة
    وهتلاقيها ظهرت في الواقع بإذن الله
    تحياتي ليكي، وبالتوفيق ان شاء الله

  • فيصل عبد الواحد

    October 11, 2012 at 9:28 pm

    اجعليها تقرأ مقالات الكاريزما يا روني
    وتطبقي سيدونا على رغبتك في تغييرها، وعلى ما تشعريه ناحيتها بإذن الله
    تحياتي لك، وبالتوفيق ان شاء الله

  • سوووما

    October 12, 2012 at 8:18 pm

    الله موضوع في ميعاده وسأطبق نصائحك كلها بعض الصفات اتصف بها الحمد لله 

    عندي سؤال في نطاق التعامل استاذ في اطار التعامل و المعاملات

    احنا في جامعتنا انا ما اسلم طبعا لكن ساعات انحذ في مواقف محرجبة ممكن شخص ذكر يمد ايده

    هل اعتذر و اخليه ماددها و اقول ما اسلم ام اسلم عليه بس انا الي ماامد ايدي

    مشكوور

  • فيصل عبد ال

    October 12, 2012 at 9:17 pm

    اهلاً يا سوما
    لا تسلمي طبعاً..
    عندما يجد ان شخصيتك، أقوى من الموقف، ومن نظرات الناس
    سيحترمك أكثر
    وسيحترموك أكثر
    ليس انك تفعلي ذلك كي يحترموكي او يحترمك
    ولكنك تفعلي ذلك لأنه..مبدأ
    تحياتي لك، وبالتوفيق ان شاء الله

  • baro

    February 14, 2013 at 12:10 am

    جزااك الله خير

    التمست تواضعك في المقاله

    مقاله رقم 6

  • فيصل عبد الواحد

    February 15, 2013 at 3:48 pm

    اشكرك على كلامك الجميل
    ودعاءك الرائع
    ان شاء الله تستفيدي دائماً
    تحياتي لك

  • baro

    February 16, 2013 at 12:10 am

    *جزاك الله خير

  • فيصل عبد الواحد

    February 24, 2013 at 10:53 pm

    لا مشكلة، بالتوفيق ان شاء الله.

  • anti aging skin care products

    December 21, 2013 at 11:17 am

    For all of us aging is a natural phenomenon and there
    is much hype surrounding it, and the crows feet overall thickness of the skin
    to reverse or prevent damage allows one to choose more
    wisely. 400 mg a day, Resveratrol, Green Tea,
    Rooibos tea, all these are factors in what affects the appearance of fine lines and creases on your face.

    There are things you could do to minimize free radical damage such as quitting
    smoking, exercising and eating a healthy, balanced diet are all ways to minimize
    the appearance of wrinkles on the face.

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close