قانون الجذب

حدد أهدافك

July 27, 2011 — by فيصل عبد الواحد33

main

قانون الجذب

حدد أهدافك

July 27, 2011 — by فيصل عبد الواحد33

قانون الجذب
قانون الجذب

قانون الجذب

قانون الجذب - حدد أهدافك

المقالة دي مش تكملة للمقالة الي فاتت "أخطاء تطبيق قانون الجذب"..دي مقالة زيادة عشان اساعد الي قرأ المقالة الي فاتت..يحدد هو عايز ايه..

لكن المقالة الجاية ان شاء الله هتبقى التكملة بتاعة المقالة السابقة "أخطاء تطبيق قانون الجذب".

المهم..

فاكر لما قلتلك ان ساعات كتير كان بيتفرض علينا اهداف، ومع السنين، كانت بتتبرمج جوانا على انها اهدافنا احنا..

يمكن عشان كده ناس كتير لما بتحقق حاجة كانت عايزاها من زمان..ما بتحسش بالإشباع أو بالفرحة الي كانوا متوقعينها..

آه انا بقيت دكتور..وبعدين !

مش حاسس اني فرحان أوي زي ما كنت متخيل..

انا كنت في ثانوي بذاكر وأموت نفسي واقول يارب ادخل كلية طب يارب نفسي أبقى دكتور..

وهكذا..

في راجل عظيم جدا..بس للأسف مش فاكر اسمه، بيقول

I can give people anything they want, but the problem is, they don’t know what they want..!

 

طب إزاي..نعرف احنا عايزين ايه.

الطرق كتير، لكن في طريقة جميلة جدا..لأستاذي الدكتور

Robert Anthony

بتتلخص في الآتي :

انك تقعد مع نفسك..وتجيب اهداف عشوائية انت عايز تحققها

وتشوف نفسك محقق كل هدف من الاهداف دي..وتشوف هيحققلك فرحة بنسبة كام في ال100

يعني مثلا تجيب خمس أو ست اهداف، وتشوف نفسك محقق كل واحد فيهم، وتحاول تعيشه بكل تفاصيله..وتشوف هيحققلك فرحة معاه كام في ال100

نصيحة..ما تكملش قراءة الجزء الي جاي الا اما تعمل الطريقة دي..عشان ما تبوظش على نفسك متعتها..

اعملها، وتعالى كمل قراءة..

...

الوقتي، المفروض تكون عملت الطريقة فعلا..وخلاص اختارت كذا هدف وعملت الطريقة دي عليهم..

النتيجة إيه ؟

لو الهدف، أي هدف، كانت الفرحة الي شايف انها هتحس بيها معاه، أقل من90%..يبقى ده مش هدفك انت..

يبقى ده مش هدف مرتبط بإحساس، يبقى ده فكرة، مش رغبة..

والهدف الي بيحققلك فرحة بنسبة 90% أو أعلى، هيتحقق أسرع من غيره..

بس ما تفهمش غلط، الأهداف التانية مش صعب تحقيقها عشان أقل من 90%،

لأ.. دي بس لو اتحققت مش هتحققلك الرضا والفرحة الي انت كنت متوقعهم..

كمان الهدف الي بيحققلك فرحة اكتر من 90% هيتحقق اسرع، لأنه مرتبط بإحساس..وده اتكلمنا عنه في المقالة الي فاتت..

بس..

واعمل الطريقة دي حتى لما تكون محتار بين حاجتين..ودايما، امشي مع الي يفرحك أكتر..

 

تحياتي، وأتمنى ان المقالة تكون عجبتك..وأشوفك في مقالة تانية ان شاء الله عن قانون الجذب

33 comments

  • Alaa

    March 8, 2012 at 11:19 am

    مقالة رائعة جدا … فقد حلت لي الكثير من الاستفهامات واصبحت اعرف بالضبط ايه هي اهدافي الاولوية .. لأني كنت في حالة تشتت ذهني غريب بسبب تراكم الاهداف وتداخلها …

    مع خالص شكري وتقديري

  • فيصل عبد ال

    March 8, 2012 at 1:08 pm

    تحديد الأهداف أول خطوات النجاح، أتمنى أن تكون المقالة أفادتك بإذن الله
    بالتوفيق

  • nidaa

    April 7, 2012 at 4:36 pm

    فعلا مقالة رائعة وانت فعلا جاوبت على كثير تساؤلات كانت عندي باسلوب مبسط ومختصر بهنيك على اسلوبك البسيط والمفهوم بالكتابة

    فعلا تحديد الاهداف شئ مهم جدا وتكون عارف انت الشئ الي تريده. انا قبل مادخل الجامعة ولما خلصت ماكنت عارفة الشئ الي اريده بالضبط لهذا ماحقتت نجاجات كثيرة بالرغم من اني كنت من المتفوقين

    الان فقط ادركت السبب

  • فيصل عبد ال

    April 10, 2012 at 8:27 pm

    بالتوفيق ان شاء الله، اؤمن بمقولة احبها جداً
    NOW, is the best time
    ابدأي مهما كان الوقت، المهم ان تبدأي
    بالتوفيق ان شاء الله

  • nidaa

    April 11, 2012 at 3:03 pm

    صحيح الانسان لازم يبدا في اي وقت كان

  • Anonymous

    April 12, 2012 at 12:15 pm

    سلام دكتور..اذا كان عندي امنية وبدي تتحقق كم ياخذ وقت لان انا عم اعمل جذب وحتى صورة وضعتلها وكتبت جملة بالمضارع فيها تحقيق للامنية..وعم اعمل تمرين ل17 ثانية..بدي تتحقق هذا الشهر وعم اشتغل كتير وبدي تتحقق هذا الشهر…

  • فيصل عبد ال

    April 12, 2012 at 5:40 pm

    سؤال الوقت انتي الي بتحدديه في الهدف، تقولي عايزاه يتحقق امتى، ما تسيبيش الهدف مفتوح بدون تحديد أي وقت زمني

  • Anonymous

    April 12, 2012 at 7:46 pm

    بتشكرك كتير دكتور..انا وضعت المدة انو خلال شهر نيسان بهذا الشهر بدي تتحقق وانشاءاللة بتتحقق انا و اكتب بقصص النجاح..لان دي امنية كبيرة بس مش صعبة بقدر احققها

  • فيصل عبد ال

    April 12, 2012 at 11:43 pm

    بإذن الله مستني قصة نجاحك
    بالتوفيق ان شاء الله

  • nidaa

    April 13, 2012 at 9:28 am

    مرحبا اساتاذ فيصلسؤال عن تحديد الوقت او الفترة الزمنية نكتب في الجملة انا في شهر معين وعندي الان………….او انا الان في شهر معين واملك………….ياريت تكتب لنا عن صيغة الكتابة لانها مهمة جدا في تحديد الهدف

  • فيصل عبد ال

    April 13, 2012 at 11:24 am

    ان شاء الله في المقالة الجاية هكتب عن كل حاجة تتعلق بالكتابة
    بالتوفيق ان شاء الله

  • nidaa

    April 13, 2012 at 1:26 pm

    موضوع عن visualization انا قريت كثير عن visulalization وتاثيرها الكبير في انطباع الصورة في العقل الباطن ويعتر عامل مساعد جدا في عملية الجذب، يعني الي عنده طوحات انه يصير غني كل يوم يتفرج على صور ومناظر المال ويحسس نفسه انه فعلا يمتلكها والي عنده طوحات يصير عنده بيت كبير وفخم يتفرج على صور بيوت كبيرة وراقية وهكذا، ياريت تكتب لنا اكثر عن هل الموضوع بما انه مهم وفي كثير ناس مايعرفوا عن اهميته مع جزيل الشكر

  • فيصل عبد ال

    April 13, 2012 at 2:14 pm

    بالفعل في مواضيع مكتوبة عن المعايشة، هتلاقي مقالة مخصوصة مكتوبة في أوائل المقالات عن المعايشة يا نداء
    او تقدري تدخليها من هنا
    المعايشة

  • nidaa

    April 13, 2012 at 3:56 pm

    يعني افهم من هذا ان المعايشة اما تكونها صورة في خيالك او تكون مرئية وفي الحالتين تكون النتيجة وحدة او كل طريقة نتائجها تكون مختلفة؟؟

  • فيصل عبد ال

    April 13, 2012 at 4:43 pm

    مش فاهم، يعني ايه تكون مرئية ؟

  • Ghada

    April 19, 2012 at 10:53 am

    انا عن نفسي كنت كتير بتلخبط  بين الهدف والوسيلهوبعدين لاقيت الحل اني اقسم الموضوع لمراحلواول  ما احقق هدف المرحله الاولي ده بيبقي هو نفسه الوسيله للمرحله التانيهوهكذا بيبقي في اهداف كتير صغيره لما تحقق بتبقي وسائل علشان اول الهدف الرئيسي في حياتي اللي عمره ما حيبقي وسيلهيارب اكون  كلامي مفهوم

  • فيصل عبد ال

    April 19, 2012 at 1:12 pm

    طالما مرتاحة على الطريقة دي وبتجيب أثر معاكي اوك، بالتوفيق ان شاء الله
    راجعي الموقع لمواضيع ومقالات وطرق أكثر ان شاء الله
    بالتوفيق

  • Ghada

    April 20, 2012 at 4:04 pm

    اكيد طبعا براجع المقالات اللي مليانه كنوز انا كل يوم بحاول اركز في موضوع علشان استفيد اكتر

    بس ليا استفسار يا دكتور علي حاجه غرييييييبه حصلت معايا امبارح

    وانا بقراء المقال حضرتك قلت في النص اننا نوقف ونكتب 5 اهداف  ونشوف سعادتنا بتحققهم كام من 100

    انا كتبت 5 اهداف تقريبا وكانت النسبه فرحي بيهم اعلي من 90

    الغريب بقي يا دكتور اني بليل وانا بقراء الورقه تاني

    اكتشفت اني مكتبتش اهم نقطه ملخبطه خياتي ليها فتره وهي جذب الشفاء نستها تمامااااا

    وانا ماسكه الورقه قعت اضحك معرفش هو الموضوع ده مديقني فعلا ولا انا بوهم نفسي ولا ده ايه تفسيره

  • فيصل عبد ال

    April 21, 2012 at 11:24 am

    ممكن يكون في معتقد جواكي، عايزك تفضلي في الحالة اللي انتي فيها وما تتعالجيش
    زي ناس كتير خصوصاً من اللي عايزين يبطلوا حاجة معينة، زي الأكل الزيادة أو التدخين
    جواهم معتقد وهم مش عارفين انهم عايزين يفشلوا
    بيجربوا كل الطرق عشان بس يقولوا احنا جربنا كل حاجة
    دوري جواكي شوفي هل في معتقد زي انك بتحبي يكون كل انتباه الناس مركز عليكي، لدرجة انك ممكن تتعبي عشان تلفتي النظر – بدون قصد – لأن ممكن يكون ده معتقد جواكي وهو اللي بيجذبلك اللي انتي فيه
    او ان في معتقد انك دايماً بتضحي من أجل الآخرين، ده برده ممكن يأدي لنفس النتيجة
    شوفي أي معتقد سلبي ممكن يكون مرتبط بالحالة اللي انتي فيها، واستخدمي طريقة حرق المعتقدات معاه
    بالتوفيق ان شاء الله

  • Saida El Aamili

    May 1, 2012 at 11:46 am

    *

  • Saida El Aamili

    May 1, 2012 at 11:49 am

    *أستاذ فيصل هل يمكن أعمل قانون الجذب حتي بالنسبة للخلفة ؟

  • فيصل عبد ال

    May 1, 2012 at 1:33 pm

    أقترح انك تحب نفسك أكتر

  • Saida El Aamili

    May 1, 2012 at 2:20 pm

    *الزاي و ايه علاقة انه احب نفسي و الذرية فضلا انا عوزاك توضح لي اكثر مشكور

  • فيصل عبد ال

    May 1, 2012 at 7:32 pm

    السؤال كان بخصوص الشكل، مش كدة ؟

  • Saida El Aamili

    May 1, 2012 at 9:25 pm

    *لأ يا دكتور السؤال بخصوص الخلفة أو الذرية

  • فيصل عبد ال

    May 2, 2012 at 2:19 pm

    اه، انا قرأتها الخلقة
    اه طبعاً ينفع جداً، بالعكس، ده من أقوى الحاجات اللي ممكن تستخدم فيها قانون الجذب بإذن الله

  • Saida El Aamili

    May 2, 2012 at 3:52 pm

    *مشكور جدا يا دكتور فيصل ممكن تقول لي على طريقة او صيغة فعالة و لك الاجر انشاء الله

  • فيصل عبد ال

    May 2, 2012 at 4:32 pm

    استخدام الطريقة والشرح اللي في مقالات
    معاك ورقة و قلم
    معاك ورقة وقلم 2
    حرق المعتقدات
    كافي ان شاء الله
    وان شاء الله هلخص كل ده في مقالة واحدة المقالة الجاية، الخلاصة
    بالتوفيق دائماً ان شاء الله

  • Saida El Aamili

    May 2, 2012 at 7:25 pm

    أشكرك جزيل الشكر يا رب تكون في ميزان حسناتك

  • نانا

    September 12, 2012 at 11:05 am

    عجبتني وبس آآدي تجنن دانت اسلوبك روعه وطريقة شرحك للمواضيع مبسطه ومفهومه واول مره ارتاح للدرجه دي لأسلوب شرح رغم انني اقرأ في الموضوع كثيرا الا انني اول مره  تشدني الاسلوب  لدرجة انني اريد ان اقرأ كل مقالاتك دفعه واحده وأقرأ كل التعليقت ايضا انا امس دخلت لموقعك وقرات اكثر من مقاله  وتمنيت لو في فهرس يرتب المواضيع حسب الأولويه في القراءه للمبتدئين والي عاوزين يعرفوا كل حاجه من اول السلم ويكون الفهرس فيه الرابط لمكان الموضوع على الموقع  لان كل المواضيع جميله ورائعه واحترت من اين ابدأ

  • فيصل عبد ال

    September 12, 2012 at 11:49 am

    اشكرك على كلامك الجميل يا نانا، اتمنى ان شاء الله كل المقالات تعجبك وتفيدك
    وربنا يقدرني ان شاء الله واقدر ابسط واسهل كل حاجة ليكوا بإذن الله
    ان شاء الله هعمل حاجة زي كدة عشان اللي لسه داخلين الموقع جديد
    تحياتي ليكي مرة تانية وبالتوفيق ان شاء الله

  • baro

    February 16, 2013 at 3:41 am

    جزاك الله خير

  • فيصل عبد الواحد

    February 24, 2013 at 10:57 pm

    .لا مشكلة، بالتوفيق ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close