قانون الجذب

حرق المعتقدات

April 28, 2012 — by فيصل عبد الواحد74

main

قانون الجذب

حرق المعتقدات

April 28, 2012 — by فيصل عبد الواحد74

قانون الجذب - حرق المعتقدات
قانون الجذب - حرق المعتقدات

اتكلمت عن حرق المعتقدات كتير جداً

في أكتر من مناسبة، وأكتر من مقالة، ومع أكتر من شخص

لكن مع ذلك لسه في ناس بتسأل عنها أو مش فاهمة يعني ايه حرق المعتقدات

وعشان احنا هنحتاجها ان شاء الله المقالة الجاية - مقالة الخلاصة

شوفت انه مهم اعملها مقالة خاصة بيها، تقدر ترجع ليها في أي وقت

حرق المعتقدات ببساطة انك بتجيب ورقة - أو كمية أوراق

وتجيب قلم - مش كمية أقلام - قلم واحد كفاية وتبدأ تكتب كل حاجة بتضايقك

بالظبط، كل حاجة بتضايقك

كل حاجة بتزعلك

عشان ما تتوهش، حدد مثلاً حاجة واحدة مضايقاك واكتب عنها كل شيء متعلق بيها، بس مش مجرد كتابة

عيش الكلام اللي بتكتبه، لو الكلام ذكريات، عيش كل ذكرى كإنها بتحصل تاني

شوف كل كلمة بتكتبها، بص على كل حاجة حصلت

اسمع كل صوت فاكر انه حصل

حس بكل احساس حسيته وقت الحاجة اللي زعلتك أوي وأثرت فيك، حصلت

خيانة ؟

زعل..؟

حزن..؟

فقر؟ فشل ؟ استغلال؟

..

موت ؟

اكتب كل حاجة وعيشها كإنها بتحصل تاني

انا عارف انك مستغرب من اللي بتقراه، لكن خليك معايا للآخر، اكتب كل حاجة فاكرها متعلقة بالشيء ده واكتب كل تفاصيلها الي فاكرها

وعيش كل حاجة كإنها بتحصل قدامك فعلاً الوقتي

عيشها بكل حاجة فيك

واكتب تفاصيل على أد ما تقدر

!! ناس كتير وهي بتعمل الحكاية دي عيطت..وده ممتاز

هتعرف ليه بس مش الوقتي

الوقتي..عايزك تمسك الورقة دي - أو كمية الورق - بإيدك

بصلها كويس

ركز فيها

قطعها

ولما تخلص تقطيع

احرقها

وبصلها كويس أوي وهي بتتحرق

ياريت..ياريت تقوم تعمل كده الوقتي وتيجي، انا مستنيك ما تقلقش

مش هروح في أي حتة

يلا، قوم خد وقتك، احرق سلبياتك، وتعالى

حتى عشان اقولك عملنا كده ليه، والخطوة اللي جاية ايه

...

الوقتي بعد ما انت المفروض انك عملت الخطوة دي

حاجة من الاتنين، يا حسيت بارتياح كبير أوي الحمد لله

وان في حاجة اتشالت من جواك

أو حسيت باكتئاب وحزن

وفي الحالتين، أنصحك تعمل الخطوة دي

اللي هي عكس الخطوة اللي فاتت تماماً، الوقتي هات ورقة جديدة

وابدأ اكتب مشهد من حياتك متحقق فيه اهدافك كلها

اكتب مشهد بكل تفاصيله

وعيش كل حاجة حلوة فيه

كل حاجة حلوة بس

اضحك وانت بتكتب حاجة تفرح

حس بالراحة وانت بتوصف ازاي الحياة جميلة ومريحة وهدفك "...ده موجود

اوصف كل حاجة، واسمع كل صوت، وشوف كل مشهد

وحس كل احساس

كإن أهدافك دي موجودة فعلاً، وانت بتوصف حياتك بيها

اعمل كده بكل التفاصيل اللي تقدر عليها

ياريت برده تقوم تعمل كده، وتيجي

انا برده هستناك ما تقلقش

..

حرق المعتقدات بالظبط زي الجرح الملوث

اللي لازم "يتنضف" كويس جداً

قبل ما يبدأ يلتئم

وإلا، لو التئم - أو بالمصري لم - وهو فيه الملوثات دي، ممكن يعمل مشاكل جامدة بعد كده

ورغم ان عملية التنضيف أو التطهير بتوجع وبتسبب ألم كبير

لكن مهمة، وما ينفعش ما نعملهاش

عشان الجرح يلتئم كويس، وما يحصلش مشاكل بعد كده ان شاء الله

نفس المفهوم، ونفس المنطق

أي حاجة سلبية جواك لو سيبتها من غير ما تعالجها

ممكن يتهيألك انها راحت أو نسيتها

لكن وقت ما تحصل أي مشكلة، هتفتكر كل السلبي اللي جواك

وفجأة ممكن تلاقي الدنيا قفلت في وشك

او اتخنقت فجأة

او اتعصبت على حاجة تافهه جداً

سمعت مثل "القشة التي قسمت ظهر البعير" ؟

أيوة بالظبط..هو عشان كدة

أنصحك تكرر حرق المعتقدات عند الحاجة، لو حسيت ان في حاجة خانقاك او مضايقاك

وصدقني ان شاء الله، هتفرق معاك جداً جداً، حتى لو مش عايز تزرع بعدها حاجة ايجابية

بالتوفيق ان شاء الله، وأشوفك المقالة الجاية - الخلاصة

74 comments

  • the happiest woman

    April 28, 2012 at 7:58 pm

    استاذ فيصل حاليا افكر في نشهد مزعج او حاجة مضايقاني ما اتذكر اي مشهد !! غريبة سابقا كان في لكن حاليا اعتبره عادي هل علي القيام بالتجربة؟

  • Anonymous

    April 28, 2012 at 8:35 pm

    شكرا كتيرررررر الك استاذنا..مقالة رائعة..طريقة كلامك كتير بتقنع ما شاءالله عليك..ربنا  يحفظك يا رب..ومستنين مقالتك الجاية

  • فيصل عبد ال

    April 28, 2012 at 10:59 pm

    لا بالنسبة ليكي انتي يا أميرة الوضع مختلف، انتي عملتلك جلسة و وحرقت كل السلبيات اللي جواكي
    مفيش لزوم لخطوة حرق المعتقدات
    بالتوفيق ان شاء الله

  • فيصل عبد ال

    April 28, 2012 at 11:00 pm

    شكراً على ردك الجميل يا نانسي، بالتوفيق دائماً ان شاء الله

  • the happiest woman

    April 29, 2012 at 5:26 am

    فهمت السبب  الان ،شكرا لك من القلب

    موفق ان شاء الله

  • Pingback: Anonymous

  • nidaa

    April 29, 2012 at 6:10 pm

    تسلم ايدك مقالة رائعة بكل معنى الكلمة
    جميل جدا كل ماتقدمه فعالا خطوة مهمة جدا لازم ينعمل قبل كل شئ، انا بالرغم كنت اتصور نفسي مافي شئ ممكن يؤثر علي بس الافكار الي كانت تهاجم تفكيري  بين فترة واخرى حسيت اني فعلا متاثرة وان العقل الباطن يخزن كل شئ، ولاسف مرات مانعرف الشئ الي يؤثر فينا او يكون عقبة في طريق تحقيق الهدف، او الافكار المخزونة جوانا، انا من كم يوم بس اكتشفت اني كنت بؤمن بفكرة وهي الي خلاني ماحقق هدفي بالوقت المناسب، لما قعدت مع نفسي وشفت اني فعلا كنت بقول لنفسي هذا العبارة واكررها وهذا معتقد سلبي ولازم اتخلص منه بالحال. وفعلا كتبت كل شئ على ورقة كل شئ ضايقتي في عملي حتى لناس لنا بعرفهم وضايقتي حالهم، كتبتها كلها وقطعتها وحرقتها حسيت بالم شديد وقتها بس ثاني يوم حسيت براحة كبيرة.
    فعلا طريقة رائعة جدا بهنيك على المقالة الرائعة

  • صحراء 55

    April 29, 2012 at 6:10 pm

    السلام عليكم

    بصراحه مقاله جداااااااااااااااااااااااااااا رائعه

    تعطي للانسان فرصه انه يكون مرتاح من كل سلبياته بجد شكرا على كل شيئ تسويه لينا

  • فيصل عبد ال

    April 29, 2012 at 6:57 pm

    ان شاء الله تستفيدي دائماً من الموقع
    بالتوفيق دائماً ان شاء الله

  • فيصل عبد ال

    April 29, 2012 at 6:58 pm

    وعليكم السلام ورحمة الله
    شكراً على ردك الجميل يا شذى، بالتوفيق دائماً ان شاء الله

  • فوفو

    April 29, 2012 at 7:59 pm

    شكرا دكتور مقالة ممتازة

    وننتظر المزيد

    ياليت تخبرنا بطريقة حرق الدهون

  • the happiest woman

    April 30, 2012 at 4:55 am

    ههههههه فوفو

     يا ريت والله الدكتور يفيدنا بطريقة حرق الدهون

  • the happiest woman

    April 30, 2012 at 4:59 am

    بانتظار الخلاصة، بالتوفيق ان شاء الله

  • فيصل عبد ال

    April 30, 2012 at 6:17 pm

    طريقة حرق الدهون ستكون في المنتج بالتفصيل ان شاء الله، طريقة طويلة وتحتاج لشرح ممل
    ولكن نبذة بسيطة، تستطيعي أن تقنعي نفسك بمختلف التقنيات، ان كل ما تأكليه يخرج بدون فائدة الجسم
    فكري في تلك الجملة جيداً وصدقيها واقتنعي بها

  • فيصل عبد ال

    April 30, 2012 at 6:18 pm

    زي ما قولت لفوفو الموضوع طويل جداً ويحتاج تحضير مسبق، سنتحدث عن أشياء وعلوم كثيرة، ثم بعد ذلك طرق تطويعهم لحرق الدهون
    بالتوفيق ان شاء الله

  • scarlett

    April 30, 2012 at 7:41 pm

    شكر كتيييير الك دكتورنا مقالة رائعة ومميزة وضروووورية
    انا عملت حرق معتقدات معك المرة الماضية والنتائج كتير حلوة والله يكملها معي يا رب
    بس بعد اذنك دكتور عندي سؤال : اذا كنت بخاف من شي …يعني مثلا صارت حادثة بشعة مع شخص بعرفو وخايفة يصير معي متل هالشخص بيصير اعمل حرق معتقدات على هالخوف ؟؟؟ واذا عملت هالطريقة بيروح خوفي ؟؟
    اما بالنسبة لموضوع حرق المعتقدات فالطريقة فعلا حللللوة كتير ولازمني حفلة تنظيفات مكثفة ….
    بس كمان منئدر نزيل المعتقدات السلبية بطريقة الحرية النفسية مو هيك ؟؟
    وشكرا كتيييييير الك دكتورنا العزيز

  • فيصل عبد ال

    May 1, 2012 at 1:20 am

    شكراً على ردك الجميل يا لمى، اه بالظبط تقدري تعملي الطريقة دي عشان تحرقي الخوف وكمان تتجنبي ان شاء الله أي حوادث مشابهه بإذن الله
    بالنسبة للنقر او الحرية النفسية بوجه عام اه ينفع، كمان الحرية النفسية من أروع وأسرع الحاجات في التأثير
    لدرجة ان العلماء اللي عملوا أبحاث عليها، اندهشوا من تأثيرها
    ان شاء الله انا عندي دعوة لحضور مؤتمر عالمي عن الراحة النفسية و النقر، لو عرفت أجيب دعوة للزوار كمان هعمل موضوع بيها ان شاء الله
    بالتوفيق بإذن الله

  • rony

    May 1, 2012 at 4:50 am

    *صباح الخير كيف بعرف انو خلص ماعندي سلبيات

    يعني مثلا كلما راودتني زكرى سيئة ومزعجة  امحوها وشكرا كتيير

  • scarlett

    May 1, 2012 at 11:19 am

    شكرا كتييييير لردك دكتور كلامك حلو كتير وريحني  

    ونحنا بانتظار مقالة الخلاصة بفارغ الصبر

  • فيصل عبد ال

    May 1, 2012 at 1:31 pm

    بعد حرق المعتقدات، خصوصاً لأكثر من معتقد، حتى لو افتكرتي حاجة أو ذكرى سلبية، هتلاحظي ان طريقة تفكيرك فيها اختلفت، وطريقة احساسك بيها اختلفت، ممكن حتى تضحكي عليها لو افتكرتيها بعد كده

  • فيصل عبد ال

    May 1, 2012 at 1:33 pm

    ان شاء الله خلال أيام، بالتوفيق ان شاء الله

  • rony

    May 1, 2012 at 7:50 pm

    شكرا  لك جزاك الله خير الجزاء

  • فوفو

    May 1, 2012 at 9:16 pm

    عندي سؤال لو جذبت شيء معين ووصل لمن عندي مثلا

    اردت بعثة للدراسة و اخيراا لقيت معهد يوفر ما احتاج له و احببتة كثيرا

    و لكن ما حصل ان الوالد رافض الفكرة بتاتا و انا عندما اجذب كنت اتخيل نفسي هناك في نفس المعهد في البلد الفلانية

    فهل تعتبر مهمة الجذب انتهت عند توفير لي المعهد المناسب ؟؟ حيث ان موضوع اقناع والدي اصبح يشغل بالي

    ولا اعرف علي التركيز اكثر على رغبتي في الدراسة هناك ومشكلتي مع والدي سوف تحل ؟؟ ام ماذا بالضبط

     

    الخلاصة هل قانون الجذب تنتهي مهمتة عند توفيير المهعد و الباقي علي ؟؟ ولا هو بيتكفل بتوصيلي إلى هناك ؟؟

  • scarlett

    May 1, 2012 at 10:13 pm

    فوفو سؤالك حلو كتير رح انتظر معك جواب الدكتور ..

  • فيصل عبد ال

    May 2, 2012 at 2:18 pm

    الفرصة بتقرب قدامك بفضل الله قبل كل شيء، وبعد كده قانون الجذب، ووقتها لازم تاخد أكشن
    لازم تعمل فعل يقربك من الهدف أكتر
    رفض والدك ده صورة من صور مقاومة البارادايم
    تقدري تتعاملي معاها بانك تركزي على جذب موافقة والدك ان شاء الله
    وقانون الجذب لا ينتهي، قانون الجذب ببساطة بيقربك بإذن الله للصورة اللي انتي شوفتيها في عقلك، وبيفضل شغال حتى لما تحققي هدفك بإذن الله

  • فوفو

    May 3, 2012 at 1:11 am

    اتمنى تتكلم بأحد مواضيعك عن ال vision board

  • فيصل عبد ال

    May 3, 2012 at 2:59 pm

    لما أنتهي ان شاء الله من سلسلة المقالات المطلوبة، ممكن يكون في موضوع عن ال
    Vision board
    وكنت بفكر من فترة اعمل خدمة على الموقع زيه بالظبط،
    بالتوفيق ان شاء الله

  • Ghada

    May 7, 2012 at 8:01 pm

    انا بعمل كده مع اي شعور زعل او ديق بفرغ كل شحنه الديق في الكتابه واكتب كل التفاصيل وفعلا بعيك وانا بكتبها
    وبعد ما اخلصها بحس برااااحه كبير حتي لو مقطعتهاش
    ياتري ده يبقي حرق للمعتقدات

  • فيصل عبد ال

    May 7, 2012 at 11:19 pm

    بالظبط يا غادة، هو ده حرق المعتقدات
    استمري على الطريقة دي عند الحاجة
    والطريقة دي كمان مفيدة للـ(تطهير) قبل كتابة الأهداف
    بالتوفيق ان شاء الله

  • Pingback: خلاصة قانون الجذب | قانون الجذب

  • اسيل

    May 23, 2012 at 11:16 am

    *لقد قمت بعملية حرق المعتقدات  ومنذ ان قمت بها ونفسيتي مش كويسه..واعصابي مشدوده

    قمت بطريقة النقر  وزاد عندي الضغط النفسي

    قمت مره اخرى بحرق المعتقدات ..قلت ربمى مازال بداخلي سلبيات..وزاد الشعور بالضيق

    هوا فيه ايه؟؟؟؟؟

  • فيصل عبد ال

    May 23, 2012 at 7:07 pm

    اهلاً يا أسيل ازيك
    ياريت تتابعي ردودي عشان بلاحظ ان في اسألة بتتكرر منك كتير
    بالنسبة لحرق المعتقدات، انا كتبت ان ممكن يكون في احساس وظروف سلبية لمدة محدودة بعدها
    النقر نفس الحكاية عشان بتتعاملي مع الطاقة السلبية المخزنة جواكي
    بالتوفيق ان شاء الله

  • رويدا

    May 25, 2012 at 11:34 pm

    انا بكيت وتعبت وانا اكتب الاشياء السلبية بتفاصيلها خطي كان وحش وكنت متوترة وكارهه نفسي

    لكن بعد الخطوة الثانية كتابة المشهد لا حلوو كتيررررر ماكان بدى اوقف ابدا بدددي اكمل حسيت بهيك نشوة فرحة وشي (؛ مفرحني لدرجة انو صدقت المشهد

    كثير بتشكرررك استااذ..

    كل نهاية اسبوع راح اكتب مشهد جديد لانو حبيتها

    هل اقدر اكتب المشهد ولالازم احررق وبعدها اكتب 

  • فيصل عبد ال

    May 26, 2012 at 10:48 am

    اهلاً يا رويدا، لا مش لازم تحرقي كل مرة
    تقدري تكتبي زي ما انتي عايزه بدون حرق قبلها
    بالتوفيق ان شاء الله

  • lola

    May 29, 2012 at 3:57 pm

    يا دكتور فيصل عندي سؤال غريب

    انا سمعت حضرتك ف اخر الندوه قلت  حاجه عن ايه اللي بيحصل للعقل الباطن عند حرق المعتقدات

    ومن ساعتها كل مااجي اعمله بخاف ان العقل الواعي يكون خلاص فهم الطريقه بتاعته ويمنع دخلوها للعقل الباطن

    وبحس ان خلاص  الطريقه ماعادتش فعاله

    انصحني اعمل ايه؟

  • lola

    May 29, 2012 at 4:00 pm

    سؤال اخر

    هو حرق الطاقه السلبيه اللي في الجسم هي نفسها بتحرق المعتقدات والافكار السلبيه معاها

    ولا الاتنين مختلفين؟

    يعني انا سمعت ان الرياضه بتحرق الطاقه السلبيه المتراكمه ف الجسد هل ده معناه

    ان المعتقدات والافكار السلبيه بتخرج وتتحرق بالرياضه برضو؟

  • فيصل عبد ال

    May 29, 2012 at 6:13 pm

    لا ما تقلقيش، انا شرحت اللي بيحصل يمكن، لكن ما شرحتش الكيفية
    بالتوفيق ان شاء الله

  • فيصل عبد ال

    May 29, 2012 at 6:14 pm

    لا، اطلاقاً
    بالتوفيق ان شاء الله

  • nidaa

    May 29, 2012 at 7:14 pm

    انا بعمل حرق المعتدات بالنقر كل ماحسيت بفكرة تهاجمني او حسيت بذكرى مؤلمة بعمل النقر تختفى مل مشاعر السلبية خلال دقائق بعدها بستغرب لي فكرت بهذا الشئ او اجي على بالي، طريقة رائعة للتخلص الجسم من السلبيات

  • lola

    May 30, 2012 at 5:32 am

    يعني لما بخرج الطاقه السلبيه من جسمي بالرياضه مثلا

    المعتقدات السلبيه منفصله عنها وهتفضل موجوده برضو ولازم تخرج بحرق المعتقدات؟؟؟

  • فيصل عبد ال

    May 30, 2012 at 8:12 am

    مالهاش اي علاقة بالرياضة يا لولا
    بالتوفيق ان شاء الله

  • nidaa

    May 30, 2012 at 11:33 am

    من الجدير بالذكر ان الرياضة الروحية لها دور كبير في تخليص الجسم من الطاقة السلبية والذي يتمثل بالوضوء، الصلاة، الذكر، وقراءة القرأن، وذكر اسماء الله الحسنى بخشوع وتدبر له مفعول كبير في تزويد الجسم بالطاقة الايجابية

  • rana

    August 11, 2012 at 11:05 pm

    … بس عملت حرق للورقه بصراحه حسيت بقوة كبيرة شعور مش عار فه اوصفهو بالزبط هيك مقهورة وكاني انتصرت على شغله وكنت اكرر وانا بشوف الورق بنحرق قدامي اني انا بتخلص من هالمعتقدات رح امحيها من حياتي  … شو رايك دكتور ؟ي عندي سؤال  انا عملت حرق للمعتقدات بس ما جبتش ورقه وكتبت هدف تحقق هل هاد الشي باثر ولا عادي …..

  • فيصل عبد ال

    August 12, 2012 at 4:09 am

    لا يا روان ما بيأثرش ان شاء الله
    سعيد لشعورك الإيجابي، وان شاء الله تحسيه على طول
    تحياتي لك يا روان وبالتوفيق ان شاء الله
    فيصل عبد الواحد

  • نانا

    September 12, 2012 at 11:52 am

    الله يعطيك العافيه دكتور
    كل ما اقرأ لك مقال اعجب بعلمك واسلوبك اكثر واكثر
    استاذي اريد ان اسألك هل تقصد بالمعتقدات الأفكار السلبيه التي تراودنا عند التفكير بالهدف الذي اريده انا للآن لا اعرف ما هي معتقداتي ..كيف لي ان اعرفها لأستطيع ان احدد السلبي من الأيجابي  ام كل ما علي ان اقوم به هو كتابة كل مايضايقني تجاه موضوع معين
    كثيرا ما كانت تراودني فكره مشابهه لهذه وهي ان اكتب كل مذكراتي السيئه في الماضي كل ما يخطر ببالي من مواقف مؤلمه مازالت اتذكرها
     واقوم بعد ذلك بحرقها وحرق الماضي الذي يتعلق بها معها
    اتمنى لو انني اولد من جديد  فهل هذه الطريقه ممكن تفيدني
    شكرا جزيلا لك من اعماق قلبي والله يسعدك ويجزيك الخير ويزيدك علما  انت انسان رائع واقول بصدق انني اشعر  بأن بدايه جديده تنتظرني منذ ان بدات القراءه لك

  • فيصل عبد ال

    September 12, 2012 at 10:53 pm

    اهلاً يا نانا
    يسعدني ويشرفني جداً الكلام الجميل الذي كتبتيه
    وان شاء الله تجدي ما يعينك وينفعك دائماً بفضل الله وحده، في امير نفسك
    اجابتي لسؤالك هي لا
    ليست المعتقدات هي تلك الأفكار السلبية فقط
    لكن المعتقدات، هي سبب تلك الأفكار السلبية
    هو ما يجعلك تفكري بتلك الفكرة السلبية التي راودتك
    يمكنك بالفعل حرقها وستشعري براحة كبيرة بعدها بإذن الله
    وأنصحك بقراءة مقالة سيدونا..ببساطة
    ستفيدك جداً لأن سيدونا اقوى بكثير من حرق المعتقدات، لكن كل الطرق موجودة لمن يحب بإذن الله

  • fedaa alzo3bi

    September 19, 2012 at 1:33 pm

    حقا مقاله رائعه . لقد ابدعت

    وسأقوم با حالا .. لاني بمجرد ان قرات شعرت بالراحه فكيف اذا فعلتها

    جزاااك الله كل الخير 

  • فيصل عبد ال

    September 19, 2012 at 9:29 pm

    اشكرك يا فداء على ردك الجميل
    ان شاء الله تسوي معاكي أثر كبير جداً
    تحياتي وبالتوفيق ان شاء الله

  • rony

    September 20, 2012 at 6:24 am

    السلام عليكم

    استاذ فيصل عندي سؤال اذا سمحت

    بالامس فقط انتبهت على جملة اكررها من سنين دون انتباه وهي المال غير مهم يذهب وياتي

    وفعلا هذا مايحصل معي دائما شهر اكون غنية جدا وبعدها تاتي ظروف تأخذ معها كل شئ حتى المدخرات

    وهكذا وتذكرت اني اخذت هذه المقولة من امي وهي نفس الشئ يوم غنية ويوم لا

    وسؤالي كيف اتخلص من هذا المعتقد خصوصا انه مكرر من زمن طويل من اكتر من 20 سنة

    اي طريقة استخدم لاضمن انه تغير تماما

    اسفة عالاطالة وياريت الجميع يقرأها ليتعلم اهمية الكلام في حياتنا

    شكرا كتير استاذ فيصل

  • فيصل عبد ال

    September 20, 2012 at 2:13 pm

    وعليكم السلام ورحمة الله وبركاته
    اهلاً يا روني
    استخدمي سيدونا على تلك الكلمة
    على احساسك ناحيتها
    على رغبتك في تغييرها
    تحياتي لك وبالتوفيق ان شاء الله

  • hala

    September 22, 2012 at 11:55 pm

    *السلام عليكم

    انا اشتغلت متاخر بعد التخرج بسنوات وعملت مع زميل دراسة قديم بالصدفة لى ولكنه لايريد تعليمى بالشغل و يستغل حاجتى للمعرفة ويطلب مقابل مادى لكل معلومة

    كيف اتغلب على حاجتى له 

  • فيصل عبد ال

    September 23, 2012 at 10:56 am

    وعليكم السلام ورحمة الله وبركاته
    تحرري من شعورك بالحاجة للمعلومات
    وتحرري من أي شعور تشعريه نحوه، أياً كان، ضيق او كره أو غضب أو..
    أياً كان، تحرري منه بسيدونا
    وستجدي كل الأمور سُهلت لك بعد ذلك بفضل الله تعالى ان شاء الله
    تحياتي لك وبالتوفيق ان شاء الله

  • amal

    September 27, 2012 at 9:34 pm

    *بارك الله فيك وفرج عنك كل كرب
    هل يجب ان تكون الحاجة الايجابية التى نزرعها مرتبطة بالسلبيات التى حرقناها ام لا يشترط ذلك

  • فيصل عبد ال

    September 28, 2012 at 12:22 am

    لا يا أمال، ليس ضروري
    بالتوفيق ان شاء الله

  • اسيل

    October 4, 2012 at 6:22 am

    *استاذ فيصل اريد ان استفسر عن شئ..بالنسبه لحرق المعتقدات ان اكتب عن الشئ المدايئني بكل مشاعر وثم الحرق..طيب انا احيانا اكتب الشئ الذي اريده بكل مشاعر حب وفرح وعشان مش عايزه حد يقرا الورقه بقطعها وارميها فهل ده يدخل من ضمن حرق المعتقدات ويبعد الهدف عني

  • فيصل عبد ال

    October 5, 2012 at 5:10 pm

    اه طبعاً يا أسيل
    ابتعدي عن حرق الايجابيات تماماً

  • دعاء ح

    October 15, 2012 at 9:32 pm

    *شكرا استاذي الفاضل

    استاذ فيصل

    لما اكتب مشهد من حياتي هل اكتب مشهد وانا محققة الهدف  المحدد اللي حرقت كل ماهو سلبي يخصو ام اكتب مشهد وفيه كل شي اريده في حياتي وكل اهدافي متحققة.؟

    انا برتاح اكتر انو اكتب مشهد يخص الهدف فقط وافصل بين الاهداف كل على حدا ..انظف مايخص الهدف بالحرق ثم اكتب مشهد يخصو.. ماراي حضرتك؟ 

  • فيصل عبد ال

    October 16, 2012 at 8:25 pm

    تمام يا دعاء
    لكن احرقي السلبي فقط
    تحياتي لك وبالتوفيق ان شاء الله

  • دعاء ح

    October 20, 2012 at 10:09 pm

    شكرا جزيلا عرد حضرتك..
    بدي اسلمدك لو سمحت..
    ما هي طرق التحرر (من الجروح الملوثة والسلبيات والمواقف المؤلمة.؟
    غير:
    سيدونا
    وغير حرق المعتقدات..
    وغير تقنية:انا اسف سامحني احبك شكرا اعتقد اسمها هوبونو….اسم غريب شوي
    وغير النقر..
    ؟ بس من باب المعرفة؟
    وجزااك الله كل خييير

  • amirnafsak

    October 22, 2012 at 3:12 am

    ضحكتيني يا دعاء
    تقصدي تقنية الهوبونوبو
    Hoponopo\’
    أليس كذلك ؟
    هناك آلاف التقنيات، ولا أدعي معرفتها كلها
    مثلاً بخلاف ما قلتي ال
    DNA Clearing
    HPT
    تنظيف التشاكرات بتنقياته المختلفة
    Money alignment
    Saint Angel Peter وهذه خاصة بكريستي ماري شيلدون، ولم اجربها ولن اجربها لأنها خاصة بدينهم فقط
    Earth Energy Clearing
    والعديد العديد من التقنيات، لا أذكر منها الا هؤلاء الآن
    ان شاء الله اعدد ما أستطيع منهم في مقالة مخصصة لهم قريباً

  • دعاء ح

    October 22, 2012 at 6:06 am

    (: (:
    الله يسعد قلبك استاااااااااذ فيصل
    شكرا جزييييييلا

  • amirnafsak

    October 22, 2012 at 10:42 am

    اهلاً يا دعاء
    اشكرك على ردك الجميل
    وبالتوفيق ان شاء الله

  • منة الله

    March 17, 2013 at 10:38 pm

    كل لما اقرا مقاله من مقالاتك بحس ان خدت معلومة او اكتر من معلومة بيها اغير حياتي وحياه الي حواليا الابد .. وببقي عايزة اشكرك بس مش عارفه ازاي .. كل الي بيرددوه لساني ان بجد ربنا يباركلك

  • منة الله

    March 18, 2013 at 5:46 pm

    سؤال يا استاذ فيصل : انا عندي خوف .. خوف علي اخويا او امي .. اواقات بيجي علي بقاليمشاهد سيئه بتحصل سواء ليهم او لينا في البيت .. ازاي احرق الخوف ده واتحرر منه .. يعني مثلا لو فكرت احرق الخوف واكتبها اكتب كل حاجة خايفة منها وهي كتير اصلا .. اعمل ايه بالظبط

  • منة الله

    March 18, 2013 at 8:03 pm

    ينفع اطبق حرق المعتقدات علي صفة اة عادة .. يعني مثلا انا عصبيه وبضايق اوي لما بتعصب ..ممكن اكتب مشاعري في حاله الضيق بعد العصبية .. وبكده ممكن اتحرر من الصفة .. ولو مش دي الطريقة ايه الطريقة الي اقدر ابطل بيها صفه  او عادة مش كويسة ؟

  • فيصل عبد الواحد

    March 20, 2013 at 8:25 pm

    أشكرك على ردك الجميل يا منة
    ان شاء الله تستفيدي دائماً
    وتفيدي كل من حولك
    تحياتي لك
    وبالتوفيق دائماً بإذن الله

  • فيصل عبد الواحد

    March 20, 2013 at 8:28 pm

    اهلاً بك يا منة
    يمكنك التحرر بسيدونا بدلاً من حرق المعتقدات بإذن الله

  • فيصل عبد الواحد

    March 20, 2013 at 8:30 pm

    نعم بإذن الله
    تحياتي لك

  • دلال

    March 26, 2013 at 10:10 pm

    *استاذ بعد ما اكتب كل السلبيات وأحرقها وبعد كده اكتب الأشياء الإيجابية في ورقه واحتفظ بالورقة ولا أحرقها كمان

  • فيصل عبد الواحد

    March 28, 2013 at 8:50 pm

    اهلاً بك يا دلال
    احتفظي بورقة الايجابيات، ولا تحرقيها
    تحياتي لك
    بالتوفيق بإذن الله

  • شروق إيماااااااااني♥

    April 7, 2013 at 12:09 pm

    حضرتك تقصد بالموقف الإيجابي موقف إحنا عاوزينه يحصل ؟
    و إلا موقف يكون حصل بالفعل يا دكتور ؟؟؟؟؟

    أظن أول حاجة بس نعيشها كما لو كانت واقع ،،،صح؟

    طيب إزاي بقي نثبت دا في عقلنا الباطن علشان يحصل ؟؟؟؟؟؟؟؟؟؟؟؟؟
    منتظرة رد حضرتك جداااااااااااااااا دكتوري☺

  • فيصل عبد الواحد

    April 7, 2013 at 3:46 pm

    أهلاً بك يا شروق
    ان شاء الله تكوني دكتورة شروق قريباً
    بالنسبة لسؤالك
    ما أقصده هو موقف ايجابي تريديه ان يحدث بإذن الله
    ولم افهم ما تقصدي، هل تقصدي كيفية تثبيت موقف ايجابي بعد حرق المعتقدات السلبية ؟

  • فيصل عبد الواحد

    August 2, 2015 at 3:48 pm

    استمعي لكل أجزاء كورس العيدية
    تحياتي

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close