main

قانون الجذب

خد بالك

July 27, 2011 — by فيصل عبد الواحد16

خد بالك من نفسك..

فاكر لما قلتلك reflect from inner to outer ؟

في مقالة القطعة المفقودة..

مبدأ شبيه شوية..وهتشوف أثره ان شاء الله، رغم انه سهل جداً..

هل تتوقع ان الناس تحبك..لو كنت انت ما بتحبش نفسك..

إزاي هتتوقع ان ناس كتير هتحبك، وانت بتقول لنفسك، وأهم حاجة انك بتقول لنفسك..انك دماغك ناشفة..انك عنيد، انك قلبك اسود..أنك أنك انك..

وإزاي تتوقع فلوس كتير..وانت شايف نفسك، انك فقير؟

عايز تجذب فلوس..اجذبها على انك عندك فلوس، بس عايز اكتر..

وفي نفس الوقت، ما تستخسرش حاجة في نفسك، ما تستخرش اكله غالية أوي، شايف انها هتبوظ ميزانيتك لو كلتها، انت مش هتاكلها كل يوم..جربها مرة حتى في السنة..

عايز تجذب حب الناس؟ حب نفسك..

افرح بنفسك..

امشي فرحان انك انت الشخص ده..احمد ربنا على انك انت الشخص ده..

افرح بكل الصفات الي فيك، حب نفسك بنفسك..

كل حاجة بتشوفها في حياتك هي انعكاس لكل الي بيحصل جواك، وهتكلم معاك اكثر ان شاء الله عن الجملة دي في سلسلة مقالات تانية، بالاثبات والتجربة..

لكن المقدمة الي فاتت دي كلها عشان أقربلك المبدأ الي عايز اكلمك عنه..

هو انك تاخد بالك من نفسك..

ما تسيبيش نفسك شعرك مش متسرح وتقولي أصلي كده كده محجبة..

ما تسيبش نفسك دقنك طويلة – على غير عادتك – وتقول أصلي مش فاضي..

ما تلبسش أي لون على أي لون وتقول ياعم انا ما بهتمش بالمظاهر..

ما تناميش في اليوم 4 ساعات بس وتقولي أصلي ورايا حاجات كتير..

ما تقعدش في البيت وتقول اصلي مش فاضي أخرج..مجرد خروجك وانك تبص في عيون ناس غريبة..ده في حد ذاته احسن 100 مرة من قعدتك في البيت..

حب نفسك..البس كويس..اعرف ستايلات اللبس المختلفة وشوف انت بتحب ايه فيهم..

كدب الي قالك المظهر مش مهم..

لو شجرة أساسها قوي..جذورها ثابتة..

لكن شكلها من بره وحش..

مفيش ورد..

مفيش ثمار..

مفيش حاجة !

ماحدش هيقربلها، ماحدش هيبصلها، ولو حصل وحد بصلها هيتقرف منها..

الجوهر اكيد مهم..لكن برده المظهر مهم..

وأي حاجة تحصلك، لو شايفها وحشة، وممكن تكون واقعيا وحشة..حاول تحولها لشيء جميل..شيء يخليك تبتسم..

حتى لو مش لاقي الحاجة الجميلة الي في الحاجة السلبية دي الوقتي..ثق من جواك انه ربنا ما وضعكش في الموقف ده الا لصالحك ولخيرك..حتى لو ماكنتش انت شايفه الوقتي..واستنى الخير ان شاء الله وثق في الي خلقك، انه بيحبك، ومش عايز الا الخير والحب ليك..

لما بقرأ لعمالقة قانون الجذب، الي ناس منهم اصدقاء شخصيين ليا، بيكلموني عن حاجات، بكون نفسي أقولهم نفس المبادئ دي في شريعتنا..

لكن سبحان الله رغم ان عقلهم متفتح جدا عشان يتكلموا في قانون الجذب، لكن بييجوا عند الدين، وتُسكر آذانهم..!

Joe Vitale .. أستاذي، عنده حاجة جميلة أوي..

بيسميها

TIISG

اختصار لـ Turn it into something good

يعني أي حاجة تحصلك، استنى، ما تزعلش، حولها لحاجة تفرحك..

زوجته ناريسا، اللي برده متخصصة في برامج التنمية الذاتية، بعد ما صرفت آلاف الدولارات على السايت بتاعها، طلع في غلط خطير في السايت بعد الانتهاء منه، وماكانش في وقت انه يتصلح..

الراجل ده بكل بساطة، بعت رسالة لكل المشتركين على السايت..

قالهم في غلط في موقع ناريسا، الي هيلاقيه له هدية خاصة..!

الدخول على السايت بعد الرسالة دي تضاعف..والمبيعات الخاصة بكورساتها تضاعفت..!

والأمثلة كتير..شوف أي حاجة تحصلك، شايفها وحشة..واول حاجة تعملها

اهدى خالص..ابتسم، قول:

ممم..ايه الشيء الإيجابي اللي هنا..؟

صدقني، مهما كان، حتى لو كان مفرق الملذات – الموت – لازم هتلاقي حاجة..

حتى لو هتلاقي انك ان شاء الله، هتشوفه في الجنة..

حتى لو هتلاقي انه بطريقة او بأخرى..الحادثة دي وضعت في حياتك عشان تتحمل المسئولية..

عميل، يعتبر صديق شخصي ليا، تعرض لحادثة من أسوأ ما يمكن أن يتعرض له رجل من حوادث..

فضل مكتئب بعدها بفترة..بس حس بعدها انه بقى واحد تاني..

حس انه كان في أوضة صغيرة، والوقتي طلع فوق، وبقى قادر يبص على البيت كله..

عرف ان في ناس أذكياء زيه..وجايز أذكى، وعرف ان في ناس مش زي ماحنا فاكرينهم..

بيحكيلي ويقولي، بعد مالحكاية دي حصلتلي انا كرهت نفسي وكرهت كل الي حواليا..لكن الوقتي

والله العظيم..بحمد ربنا ألف مرة، انها حصلتلي..

وإلا كنت فضلت زي مانا، وضيعت من ايدي حاجات كتير، معايا الوقتي.

ما تنساش..

خد بالك من نفسك..

حب نفسك..

اهتم بنفسك..

ودايماً دور على الجانب الإيجابي..

وأشوفك في المقالة الجاية ان شاء الله.

16 comments

  • اميره جوهر

    July 30, 2011 at 11:03 pm

    رووووووووووووووووووووووووووووووووووووووووووووووووووووووووعه

    وبجد انا من دلوقتى هحب نفسى وهاخد بالى منها وهعاملها ببشكل مختلف تمامااااااااا عن اللى كنت بعمله معاها قبل كدااااا

    اجمل حاجهفى مقالاتك انى حاسه ان فيصل هو اللى بيتكلم

    فيصل بكل مافيه

    بتاثر فيا جداااااااااااا نفس

    زيك

    ربنا يخليك يااااااااااارب

  • amir nafsy

    July 31, 2011 at 1:53 am

    يارب يكرمك ويوفقك يا أميرة ان شاء الله

    أشكرك على كلامك الجميل، وابدأي تقعدي مع نفسك وتنسي كل حاجة بتفكري فيها..

    خدي 10 دقايق كل يوم تهدي خالص و ما تعمليش حاجة غير انك تغمضي عينك وتتنفسي بكل هدوء..

    وتفكري في اهدافك واحلامك

    وتبتسمي وانتي بتفكري فيها..

    بداية الثروة بتجهيز نفسك إليها..

    وبداية وجود السعادة..بتجهيز مكانها كي تستقر فيه.

  • Amany Rashed

    January 21, 2012 at 3:49 pm

    جزاك الله خيرا..وزادك علما وزادني انا ايضا علما وابقي احسن واحده في الدنيا..انا فعلا من ساعه ما اشتغلت وانا سعيده جدا الحمد لله..وبحاول اسعد نفسي واشتري كل الي نفسي فيه حتي لو كانت الحاجه دي سعرها فوق المعقول اهم حاجه انها بتسببلي الساعده…يارب سهلي كل سبل تحقيق السعاده وكل الناس

  • فيصل عبد ال

    March 5, 2012 at 5:05 pm

    شكراً لمرورك الكريم يا أماني، بالتوفيق ان شاء الله

  • صحراء 55

    March 12, 2012 at 7:31 pm

    السلام عليكم
    مقاله رووووووووعه جعلتني اشعر با الفرح مشكورررررر

  • فيصل عبد ال

    March 14, 2012 at 3:24 pm

    وعليكم السلام ورحمة الله، شكراً لمرورك الجميل وردك الأجمل يا شذى
    ان شاء الله تعجبك باقي المقالات

  • nidaa

    April 1, 2012 at 5:48 pm

    كلامك صحيح انا في اي ازمة اكون فيها البس احلى لبس واتشيك واتخيل نفسي اني في وضعية كثير جيدة واتسوق واشتري اشياء جديدة ثم يحل الازمة ويتحول كل شئ الى مايرام

  • the happiest woman

    April 19, 2012 at 11:19 am

    من اجمل ما قرأت بجد ما قريت لاحد من مدربي التنمية الذاتية و اثر في هيك تاثير اسلوبك بسيط و ممتع و من القلب للقلب الله يحفظك و يزيدك علم

  • فيصل عبد ال

    April 19, 2012 at 1:12 pm

    جزاك الله خيراً على كلامك الجميل، بالتوفيق ان شاء الله

  • Anonymous

    May 13, 2012 at 8:52 pm

    *كتيرررررررررر عجبتني المقالة دي..والاكتر عجبني اسلوبك المقنع بس بصراحة في كتير شغلات بمقالاتك كنت بستخدمها زي ما انت قولت انو احب نفسي وبكون دائما بهتم فيها وفرحانة..كتير شغلات انا كنت بستخدمها ومش عارفة انها دي بتخص قانون الجذب..انا قريب كتير بدأت اتعرف ع العلم الجميل ده..شكرا  كتير استاذنا ومقالاتك رووووعه بصراحة ومقنعه

  • فيصل عبد ال

    May 13, 2012 at 10:04 pm

    شكراً لردك ومتابعتك الدائمة يا نانسي
    بالتوفيق ان شاء الله

  • Amal

    February 12, 2013 at 7:38 pm

    *……ما شاء الله روعة بجد ….. شكرا لحضرتك …… الموقع كله مفيد جدا وكل لما بقرأ حاجة بتفدنى كتير . شكرا وجزاك الله كل خير يا رب

  • فيصل عبد الواحد

    February 15, 2013 at 3:40 pm

    اشكرك على كلامك الجميل يا أمل
    ان شاء الله تستفيدي دائماً
    تحياتي لك، وقراءة ممتعة دائماً بإذن الله
    بالتوفيق لك ان شاء الله

  • Fiona Apple

    July 25, 2013 at 5:35 pm

    Hey there, You’ve done an incredible job. I will definitely digg it and personally recommend to my friends. I’m sure they’ll be benefited from this site.

  • ورود المزيونه

    August 24, 2013 at 5:40 pm

    رووووعه استاذي كلام جميل ومتسلسل اي واحد يقدر يفهمه ماشاءالله عليك كلامك دائما يريحني الله يزيدك علم ونور على فكره عاجبني الانسان المصري اووي اووي..

  • فيصل عبد الواحد

    August 26, 2013 at 4:11 pm

    أشكرك يا ورود
    تحياتي لك ولكل العرب بإذن الله
    وبالتوفيق دائماً ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close