قانون الجذب

! خمسة

November 12, 2012 — by فيصل عبد الواحد56

main

قانون الجذب

! خمسة

November 12, 2012 — by فيصل عبد الواحد56

قانون الجذب - خمسة

من فترة مش صغيرة، كتبت مقالة

بعنوان

"خمسة..خمسة بس"

كانت عن اني عايز خمس أشخاص فقط يحضروا كورس تدريب قانون الجذب المكثف مجاناً

النهاردة المقالة بعنوان مشابهه

لكن مضمون مختلف جداً

النهاردة، في المقالة دي هتعرف حاجة يمكن كانت مستخبية عنك

ولما تفكر فيها وتقارنها بالواقع بتاعك

هتلاقيها حقيقية

كمان المقالة دي..بقولهالك النهاردة

عشان امهد للمقالة الجاية

اللي هتغير "وعيك" 180 درجة بإذن الله

لأن الناس طلبت مقالات أكتر عن الوعي

النهاردة ممكن ما اتكلمش معاك كتير

وهقولك جملة بسيطة

أنت دخلك الشهري كام ؟

حتى لو ما بتشتغلش

كمية الفلوس اللي بتحصلها في الشهر أد ايه ؟

...

...

جميل

الوقتي عايزك تشوف أقرب خمس أشخاص ليك

أصحاب

اخ

اخت

أب

أم

أصدقاء عمل

مش لازم أقرب خمس أشخاص يكونوا من نفس التصنيف

شوف أقرب خمس أشخاص ليك مين

جميل

دخل كل واحد فيهم الشهري ايه

حتى لو ما بيشتغلش

بيحصل في الشهر..كام ؟

..جميل

اجمعهم على بعض

واقسمهم على خمسة

لقيت ايه..؟

عارف الاحساس ده..جربته قبل كدة

لقيت ان الناتج، قريب جداً من دخلك الشهري..أنت

صح ؟

هو ده اللي عايز أقولك عليه

في احصائية من حوالي سنتين على ما أذكر

لقوا ان دخل أي شخص، يساوي متوسط دخل أقرب خمس أشخاص ليه

غريب جداً لما بقول لحد بيستشيرني في حاجة

انه لازم يقطع صلته بأصدقاء معينين عشان حياته تتغير بإذن الله

ويصمم أنه لا

! مالهمش دعوة

أضطر أثبتله الحقيقة دي

وأضطر أثبتله ان البيئة كمان متشابهه، لكن نسيب دي لمقالة تانية

انتوا عشان معتقداتكوا..تفكيركوا

أحاسيسكوا متشابهة

انجذبتوا لبعض

هقولك على حاجة تانية

ما حصلش ان كان ليك صاحب قريب منك أوي

أوي

أو صاحبة زي اختك

ومع الأيام..بعدت عنك ؟

وظروفكوا اختلفت، حد فيكوا نجح جداً

والتاني يادوب..عايش؟

وكلنا عايشين بفضل الله وحده

أكيد في..مش كدة؟

لما بدأ يغير في تفكيره

وانت لسه شخص سلبي

على فرض انك انت السلبي

ابتدت بفضل الله تنجذب الظروف

اللي تخليكوا تبعدوا عن بعض

عشان كدة واحد من أهم الحاجات الي لازم تعملها عشان تغير حياتك بفضل الله

انك "تكون" صداقات جديدة

تشوف الناس اللي انت عايز تبقى زيهم

سواء أغنياء

ناجحين

متزوجين

مديري شركات

وتبدأ بس..تشوف هما بيعملوا ايه

وتفكر زيهم

وما تفكرش هصاحبهم ازاي

فكر بس انك عايز كدة

وهتلاقي الظروف اتغيرت لصالحك بإذن الله

غريب اما تلاقي اصدقاء ليك، أو حتى أفراد من العائلة الكريمة

كنت قبل كده في محيطهم، مفيش أي مشاكل

لكن مجرد ما بتشوفهم رغم انك بتحبهم

لازم تحصل مشاكل وخناقات وخلافات

ليه ؟

لأن ببساطة

دي مش طاقتك

الوقتي..دي مش بيئتك

في تنافر بين طاقتك الايجابية الجميلة

وبين طاقتهم السلبية

مع العلم ان مفيش حاجة في علم الطاقة اسمها طاقة سلبية وايجابية

اللي بيدي الوصف ده للطاقة، هو حكمك عليها

لكن خلي دي لمقالة تانية برده

أستاذ ليا، اسمه ستيف جي جونز، قال لي مرة

الحياة، في انتقالك بين مراحلها

عاملة زي السفر من قرية لقرية

بتقعد في قرية فترة

وترتاح فيها

وتتعود على ناسها

ولما تحب تطور نفسك

لما تحب تروح لقرية تانية

القرية المجاورة ليها حتى

تلاقي نفسك مش عايز تمشي

وتقول لنفسك انا خلاص استقريت هنا

وعرفت الناس والناس عرفتني

وحبيت المكان

وتبدأ تلاقي المكان، وطاقته بتشدك

زي ما المرحلة اللي انت فيها..بتشدك

ولو كملت..هتلاقي الناس نفسهم بيقولولك ما تمشيش

زي ما لو كملت في الانتقال من مرحلة في حياتك لمرحلة تانية..هتلاقي حد بيقولك

مش وقته..لسه بدري عليك..أنت لسه صغير..

! أنت بتحلم

كمان وأنت في نص الطريق

ممكن تحس بالحنين للقرية القديمة

والناس القديمة

وتفكر تلف..وترجع

لكن تعرف..؟

القرية الجديدة، كمان فيها ناس طيبين

وفيها أماكن جميلة

وهترتاح فيها أكتر

المهم..أنك فعلاً، عايز تكمل الطريق ؟

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

56 comments

  • هند مرشد

    November 12, 2012 at 11:46 am

    دائما مبدع يا أخ فيصل … والله يبارك ليك زواجك

  • ماجد

    November 12, 2012 at 2:39 pm

    بالفعل كلام صحيح
    انا كان عندي صديق مقرب جدا جدا في الجامعة
    وبعد كذا افترقنا بسبب الظروف
    وحاليا هو صار انسان ناجح جدا
    اما انا فشلت في دراستي

    الحين فهمت السبب

    وشكرا على المقال

  • manarmano

    November 12, 2012 at 2:56 pm

    راااااااااااااااااااااااااااااااااااااااااااااااااااااااااااااااااااااااااااااااااااااااااااااائع وفعلا صح جدااااااااااااااااااااااااا

  • نسرين

    November 12, 2012 at 8:34 pm

    الله يبارك فيك كلام سليم ومنطقي جدا

  • rana

    November 12, 2012 at 9:02 pm

    فعلا هااااااد اللي بصير استاز فيصل بشكرك كتير … بس بتعرف ماشي انا معك انو نبدا نكون صداقات جديدة بس كمان الواحد بقدرش يبعد عن صداقات قديمه ممكن اني اتجنبهم ما اخد برايهم او اني ما اتعمق كتير فيهم هاد بنفع ولا ؟

  • rony

    November 13, 2012 at 6:29 am

    صحيح مليون بالمية
    حصلت معي ولناس من حولي
    حاليا في هذه اللحظة يقوم عقلي بعملية جرد لكل من اعرف وهالكلام ينطبق عالجميع
    اشتقت لحكياتك
    واحلااااا صباح

  • داليا

    November 13, 2012 at 1:21 pm

    الف الف الف مبررررررروووووك الزواج والله فرحتلك من كل قلبي وانشاء الله بالرفاه والبنين

    المقالة اكثر من رائعة وصحيحة مية بالمية

    ومن تجاربي الشخصية انه انا عندما سكنت فترة في القسم الداخلي(بيت الطالبات) في ايام الجامعة كنت الاحظ انه بنات الغرفة الواحده اللواتي يستمرن بالسكن سويه سنة بعد سنه يكونن غالبا ذوات حظوظ متشابهه جدا في مختلف ميادين الحياة

    في الزواج والدراسة والعمل والدخل

    وقد اصبح هذا الموضوع معروف في القسم الداخلي كبديهه من البديهيات واصبحت البنات يحذرن بعضهن البعض من ذوات الحظ القليل ومن السكن معهن وكانوا يعللون ذلك بان (الحظ عدوى)

    وانا رغم اني كنت ارى ذلك واقع بام عيني الا اني لم اكن اريد ان اصدقه لان شئ في داخلي يقول لي ان تلك خرافات وليس لها اثبات علمي

    ومرت السنين وعرفت قانون الجذب وعرفت ان ذلك الكلام ليس خرافات ولو عرفت هذا الكلام من ذلك الوقت لبدلت اغلب صداقاتي التي ضرتني ولم تفدني في شئ

  • صحراء55

    November 13, 2012 at 10:14 pm

    السلام عليكم

    اشكرا شكرا شكرا على هذا المقاله
    الرائعه
    الله يعطيك الف عافيه
    ^_________________^

  • lola

    November 14, 2012 at 3:17 pm

    ازايك يا استاذ فيصل
    انا بشكرك جدا جدا علي المقاله دي
    واقسم بالله العظيم
    اقسم بالله العظيم
    اني قبل ماافتح النت دلوقتي
    كنت بفكر اني لازم اعيش زي الناس اللي نفسي اكون زيهم
    واني احاول اقرب منهم واكون علاقات جديده معاهم
    عشان طاقتي تتغير
    وشكرا مره تانيه

  • amirnafsak

    November 14, 2012 at 4:00 pm

    اهلاً يا ماجد
    ان شاء الله تحقق كل ما تريد وتكون أنجح مما تتوقع بإذن الله
    تحياتي لك وبالتوفيق بإذن الله

  • amirnafsak

    November 14, 2012 at 4:00 pm

    اهلاً يا منار
    اشكرك على ردك الجميل
    تحياتي لك، وبالتوفيق بإذن الله

  • amirnafsak

    November 14, 2012 at 4:01 pm

    لا يا رانا، للأسف نحن نقول لأنفسنا ذلك كسبب \”مقنع\” كي نظل فيما نحن فيه
    وهذه مقاومة من البارادايم للتغيير
    آجلاً أم عاجلاً، إما تتطور طاقة كل منكم، أو سيهجر احدكما الآخر
    تحياتي لك وأمنياتي بالتوفيق بإذن الله

  • amirnafsak

    November 14, 2012 at 4:02 pm

    اهلاً يا روني
    اشكرك على كلامك الجميل ومتابعتك الدائمة
    ان شاء الله في سعادة دائماً
    تحياتي لك، وبالتوفيق بإذن الله

  • amirnafsak

    November 14, 2012 at 4:04 pm

    اهلاً يا داليا
    اشكرك على كلامك الأكثر من رائع وتهنئتك القلبية الجميلة
    بالفعل كلامك مظبوط..لذلك قال سيدنا محمد عليه أفضل الصلاة والسلام
    \”المرأ على دين خليله\”
    المهم الآن ألا تنظري للماضي، وتهتمي بحاضرك
    تحياتي الخاصة لك، وبالتوفيق بإذن الله

  • amirnafsak

    November 14, 2012 at 4:12 pm

    وعليكم السلام ورحمة الله
    اشكرك على متابعتك الجميلة يا شذى
    تحياتي لك، وبالتوفيق بإذن الله

  • amirnafsak

    November 14, 2012 at 4:16 pm

    جميل يا ليلى، ما يعني انك جذبتي قراءتك لتلك المقالة
    ان شاء الله تعيشي الحياة التي تريدينها
    تحياتي لك، وبالتوفيق بإذن الله

  • Lolo

    November 14, 2012 at 10:15 pm

    اول حاجا جزاك الله خير استاز فيصل ع المقالات والمجهود اللي بتبذلو عشان توصل معلومات نافعة تغير حياة الناس للأحسن وألف مبرووك على زواجك ربنا يوفقك ويسعدك يارب .. انا عندي مشكلة .. انا بصرااحا ضايعا مع قانون الجذب من كتر ماقريت وسمعت عنو ماسرت عارفا كيف استخدمو ومع تجاربي الفاشلة معاه سرت اشك فيه معا اني مقتنعة من جواتي انو القانون شغال وصحيح والا ماكان انتشر في العاللم كلو بس في حاجا غلط فيا انا مني قادرا افهمها ولا اعالجها انا محتاجا مساعدة من احد فاهم لدا القانون كويس يمشي معايا وحدا وحدا لأنو حاسا انو حياتي بتتغير للأسوأ ومررا خايفا من دا الشي ابغا اعيش زي ماابغا واكون مبسوطة ومحققة كول اهدافي واحلامي بس مني عارفا كييف مرررا ضايعا

  • الجاذبية

    November 15, 2012 at 3:26 am

    الف مبروك الزوا ج وربنا يتمم علي خير
    وهي المقاله الهايله دي انت بكدا غيرت المقايس تماما مين كان يفكر ان بيئه والناس الي حوليه هيغيرواو حياته عن طريقه الطاقه في الواقع انا عمري ما فكرت انو لاحظ الموضع دا يعني لو حد عاوز يجذب حاجة او يغير من حياته يبدا يغير الي حوليه عشان ياخد منهم الطاقه الاجابيه ويجذبها ليه يعني بدل ما يتخيل الي عاوزة يعيش نفس المستوى من الطاقه
    انا ححاول اطبق الحكايه دي انو اقرب من ناس ناجحه في حياتهم
    بس لاحظة انك قلت حتى في موضوع الجواز؟ طيب ما انا بعرف وحده كل صحباتها متجوزات وهي الي فاضله دا معناه ايه؟ بوجهة نظرك؟

    وكمان لي سؤال تاني دلوقتي موجات الفا وبيتا وجاما موجودين علي يوتيوب بكثره وخصوصا موجات الفا انا بسمعها لما ببدا ازاكر السؤال هنا هل كتر سماع الموجات دي بتعمل لخبطة في دماغ وتاثر فباعراض سليبه في مستقبل ؟ ولا هي امانه ؟

  • amirnafsak

    November 15, 2012 at 12:19 pm

    اهلاً يا لولو
    أشكرك على كلامك الجميل وتهنئتك الرائعة
    تستطيعي الذهاب لصفحة دليل الزائر الجديد
    ستجدي فيها كل ما يفيدك بإذن الله
    تحياتي لك، وبالتوفيق بإذن الله

  • amirnafsak

    November 15, 2012 at 12:21 pm

    اهلاً يا فراشة
    الصح، انك تشوفي نفسك كدة داخلك أولاً
    هتجذبي الظروف بإذن الله اللي تخليكي تحققي ده، وقتها يا إما تاخدي القرار الصح
    بإنك تنهي البيئة السلبية المحيطة بيكي
    أو انك تستمري فيها
    وبالنسبة لصديقتك، قد يكون اختيارها، انها تكون في بيئة متزوجة، بدون ما تتجوز
    بالنسبة للسؤال التاني
    ريحي نفسك من تلك الموجات حالياً
    ولا تحاولي ان تستمعي لها
    تحياتي لك وبالتوفيق بإذن الله

  • Abdullah

    November 15, 2012 at 4:16 pm

    *مساء الخير

    هل نقصد هنا اقوى ٥علاقات صداقه وعمل  او علاقات ناس بتحبها وتحب مصاحبتها في الرحلات والحياة الخاصة والاسرار.  طب ممكن انه حد بيجذب مال ! هل لو اصحابه ذو دخل محدود معناه  يصعب عليه جذب المال

    والامر الاخر هل ذلك يتصر على المال بس.ولا يشمل الصحه مثلاً والمشاركة بالميول الاخرى لحياة من يصاحب 

    لانه معني كذا لابد من هجر الناس الباقين. 

  • الجاذبية

    November 15, 2012 at 11:59 pm

    اهلا بيك فهمت حضرتك ابدا تغير من جوايا واقنع نفسي اني ناجحه في حياتي وجذب هيجذب ليه الضروف الي تساعد علي نجاح والاشخاص المرتبطين فيها
    بالنسبة لموجات مافهمتش ليه اريح نفسي منها؟ دا انا ما صدقت ببقيت اعرف ازاكر كويس علي موجات الفا بس خفت ليكون فيها اعاراض جانبيه قلت اسال قبل ما اندمج واتورط
    بعتقد ان صحبتي من جواها فاكره انها مش هترتبط يمكن كدا فعلا
    طيب عاوزة اسالك حاجة تخصني وقبل كدا سالتك بس هسالك تاني بالنسبه لجذب شخص يملك صفات محدده (شبيه بصفات شخص تاني) لتكن الملامح حضرتك قلت انها ممكن تحصل وانا في الاوانه الاخيره لقيت ظهروا قدامي ناس يملكو صفة معينه من صفات الشكليه دي بس باقي الملامح غير موجوده هنا اعتبرته ان جذب مشي صح بس في حاجة ناقصة ليه الملامح الكامله مش موجوده وتاني حاجة دولت بلايهم في حياتي عامه في شارع في شغل يعني ماحدش قرب مني بس لاحظة ان صفات اليانا عاوزاها شكلا بقيت متوفره حوليه بس طبعا زي ماقلتك مش كلها فمش فاهمه اكمل واصبر ولاانا جذبي في حاجة ناقصة خلت الي بشوفهم او يظهرو فيحياتي ماعندهمش الصفات كامله
    وتاني حاجة انا بقيت في فترة الاخيره متقينه ان دا هيحصل اوبمعنى تاني تعلقت قوي وعاوزة الي في بالي يحصل بجد وارتبط بشخص يملك الصفات الشكليه الي في بالي بجد وديما كنت بتخيل اخر هدف واحنا متجوزين بس بيني وبينك انا محتاره لانو مش عارفه لغاية امتىاستمر كدا خايفه لايام بتمر والوقت يمر ومايحصلش حاجة ايه نصحتك ليه بعد كل الي قلته

  • amirnafsak

    November 17, 2012 at 4:00 pm

    بالطبع يا عبد الله
    اذا الخمس أشخاص الأقرب ليك يعانون من مشاكل
    هناك فرصة كبيرة جداً ان تعاني من مشاكل مشابهه في نفس مجال الحياة
    ولا يقتصر على المال فقط، ولكن أقوى ما يمكن ان تلاحظه هو المال
    لأنه يتم قياسه بدخل شهري معين

  • amirnafsak

    November 17, 2012 at 4:02 pm

    ريحي نفسك من الموجات لأنها ليست الحل الطويل الأمد، حل مؤقت فقط
    نصيحتي لك ان تتحرري من \”لغاية امتى\”، يمكنها ان تفسد عليك كل شيء
    استخدمي سيدونا عليها أو حرق المعتقدات
    تحياتي لك وبالتوفيق بإذن الله

  • Abdullah

    November 17, 2012 at 5:20 pm

    *سبحان الله 

    طب ماعليش بس، هوا مافيش اصلآ حد كامل فهل ممكن انه يكون الاختيار حسب الميول 

    يعني يختار الشخص اقرب الناس له يكونوا ذو صفات هوا بيميل لها  مثلآ شخص يتميز بصفقاته الناجحه  والاخر بصفاته المميزه والاخر لامانته ووفائه  وأكيد بيكون هناك صفات تتفاوت 

    وماذا لو كان بالعايله قريبين بس مش ولابد ببعض الصفات ايه الحل هنا 

    وماذا عن موعد الكورسات.  هل حٌدِدت لها موعد. 

  • الجاذبية

    November 17, 2012 at 6:59 pm

    صح معاك حق انا حسيت عقلي فجأة وقف من بعدها معناتها عندك حق راح اوقفه
    وبالنسبه لغاية امتلى برضو معاك حق انا بناقض نفسي هتحرر منها وهبدأ من جديد بيقين بإذن الله ان االي عوزاه بيتحقق
    شكرا استاذ فيصل

  • Queen86

    November 18, 2012 at 1:22 pm

    بمجرد قرائتي للمقالة مر علي شريط ذكريات لانسان كانوا مقربين لي ولكن ما ان بدئت اغير طريقة تفكيري للحياة حتى اختفوا وابتعدوا وحل مكانهم اناس جدد والان عرفت السبب

    الله يفتح عليك استاذي العزيز وسلمت ايدك ع هالمقالات المفيدة دائما

  • amirnafsak

    November 18, 2012 at 6:23 pm

    صدقني لا تفكر في الحل بوجهة نظرك الآن
    لأنك تنظر من زاويتك فقط..واذا كان في العائلة أشخاص سلبيين
    وتغيرت طاقة أي فرد فيهم وقرر التغيير، ستحدث أي ظروف بإذن الله تجعلهم يبتعدوا عن بعض
    من سفر او زواج او أو..إلى آخر تلك الظروف
    ولا تحاول ان تفكر في ذلك الأمر كثيراً، فقط فكر في أن تغير من نفسك، وقرر انك مستعد ان تبذل كل ما يتطلبه ذلك
    ووقت التغيير، خذ القرار المناسب
    تحياتي لك، وبالتوفيق بإذن الله

  • amirnafsak

    November 18, 2012 at 6:23 pm

    بإذن الله
    تحياتي لك وبالتوفيق دائماً بإذن الله

  • amirnafsak

    November 18, 2012 at 6:24 pm

    اهلاً يا كوين
    بالفعل، كلنا يحدث معه ذلك ويجد أنه بالفعل، هذه القوانين موجودة حولنا
    ان شاء الله تكوني صداقات تنفعك وتفيدك
    تحياتي لك وبالتوفيق بإذن الله دائماً

  • Amirah

    November 18, 2012 at 7:20 pm

    طيب ودور الافكار والتفكير السلبي للشخص! مش هوه ده اكثر حاجه اثرت فيه؟
    اكيد طبعاً هوه ده اللي انت وضحتو في المقاله
    بس حتى لو غيرنا من علاقاتنا وصداقاتنا لازم كمان نشيل الافكار السلبيه

    استاذ فيصل!!!! خلاص علمنا آخر تقنيه وصلت لها للتخلص من التفكير السلبي،، اللي قلت لنا من فتره انك هتطلعها وتعرفنا بيها..
    والاصدقاء الجدد اكيد هيظهرو في حياتنا بمجرد التفكير بيهم..
    وشكراً على المقاله الثمينه.

  • داليا

    November 19, 2012 at 2:08 pm

    هل يمكن يا استاذ فيصل استخدام سيدونا على اي شعور سلبي في وقت حدوثه بصوره تلقائية ؟

    يعني في الوقت الذي اشعر فيه بالضيق لاي سبب من الاسباب اقول لنفسي مرحبا بهذا الشعور وفي الوقت الذي اشعر فيه بالتعاسة اقول لنفسي (في وقتها) مرحبا بهذا الشعور….وهكذا

    وهل هذه الطريقة ممكن ان تاتي بنتيجة في التحرر من الافكار السلببة بصورة عامة ؟

    ام من الضرورة استدعاء الشعور السلبي بالمعايشة او بالتوكيدات ومن ثم التحرر منه بالترحيب؟

  • nivin

    November 19, 2012 at 7:52 pm

    هالمقالة لخبطتني شوية من ناحية الاصحاب وصرت عم فكر بالموضوع مع انو لازم افكر بنفسي انا بس مو فكر مين لازم اصاحب ولا مين ما لازم لازم ابدا من نفسي والامور بتجي لوحدها وساعتها بقرر انا مو صح استاذ فيصل؟؟؟يعني ما اشغل نفسي بهالحكي يغني الغرض من هالمقالة انو يكون عنا فكرة عن هالناحية وكيف ممكن نتصرف بس التغيير الاصلي يكون من الداخل
    بس وئفت عند فكرة اجتني ..انا بقدر اجذب شخص عمل تغيير من جواتو انو بدو ياخد منحى تاني بحياتو ما بيشبه حياتي مثلا؟؟؟ولا لازم صير متلو …هالنقطة لخبطتني شوي

  • amirnafsak

    November 20, 2012 at 7:23 pm

    اهلاً يا أميرة
    التقنية لن تكون متاحة للجميع، وسيكون هناك شروط خاصة لتعلمها، هذا اذا تم تدريبها بالفعل ان شاء الله

  • amirnafsak

    November 20, 2012 at 7:25 pm

    نعم ممكن طبعاً بإذن الله يا داليا
    ونعم تأتي بنتيجة من أفضل النتائج في التحرر من الأفكار والمعتقدات السلبية
    وهذه هي وظيفتها اصلاً

  • amirnafsak

    November 20, 2012 at 7:26 pm

    نعم بالفعل يا نيفين
    اهتمي بما داخلك، واتخذي القرار الأصح عند وقته ان شاء الله
    ولكن لم افهم السؤال الأخير

  • nivin

    November 20, 2012 at 8:34 pm

    يعني بقدر اجذب اشخاص حتى لو ماكانوا من نفس بيئتي او بالاحرى اهدافي وحياتي ما بتشبه اهدافهم وحياتهن.. بغض النظر عن الطاقة السلبية او الايجابية الي جوات كل واحد

  • amirnafsak

    November 22, 2012 at 12:34 am

    اهلاً يا نيفين
    تقدري تجذبيهم اذا تشابهت طاقتكم ان شاء الله

  • شروق إيماني

    December 25, 2012 at 7:15 pm

    طيب لما يكون الأشخاص دول هم الأهل نفسهم!
    نعمل إيه بقي؟!
    طبعا مش هينفع قطع العلاقة
    حلهم إيه؟
    صحيح يا دكتور حضرتك كنت عامل موضوع بخصوص كورس جذب إللي هو "أنا عايزك تساعدني" و كنت قلت لو هنبعت لحضرتك مشكلة من الأفضل نبعتها لحضرتك عليpersonal@amirnafsak.com
    ممكن حضرتك تكتب لي اللينك للفتح مباشرة ؛لأني لما ببحث عنه نت ، نتيجة البحث بتكون مواضيع هنا!

  • amirnafsak

    December 26, 2012 at 10:36 am

    اهلاً يا شروق
    الحل وقتها ان نتحرر من تحكمهم علينا
    طالما تحدث بيننا وبين الأهل مشاكل
    فهذا يعني أمرين
    اولهم هو اختلاف طاقتنا عنهم
    ثانيهم هو أن أحدهم له صورة من صور التحكم علينا
    لذلك يحدث الغضب وتحدث المشاكل
    تحرري من ذلك وستجدي الحياة أسهل بإذن الله
    بالنسبة للأسألة، فهذا إيميل وليس رابط
    تحياتي لك وبالتوفيق بإذن الله

  • شروق إيماني

    December 26, 2012 at 12:41 pm

    جزاك الله كل خير يا دكتور
    حضرتك بجد و الله العظيم تكاد تكون الأفضل ممن تابعتهم بفضل الله
    و الله يا دكتور أنا تعبت من البيت
    يعني علشان أقول لحضرتك علي إللي بيحصل محتاجة كثيييييييير
    و بصراحة نفسيتي تعبت ؛لأن كل حاجة بقت بتحصل لي فيها عدم تحقيق لحاجة و أقعد مع نفسي أفكر ، أكيد بيكون لي أخطاء ، لكن أشوف السبب الكبير بلاحظه تقصير منهم
    و الله العظيم دا مش شهادة علشان أحمي نفسي أو أبرر لها
    او أعلق شماعات علي غيري
    لكن دا إللي بلاقيه
    و تعبت جدا جدا جدا ، بدعي ربنا كثير و الله
    بقيت بلاحظ إن تعب نفسيتي بدا يقلب علي صحتي
    أنا بدراسة ، النوم بقي مسيطر علي بشكل رهيب يا دكتور و بحس بالتعب
    حتي لو أنا استكفيت نوم بنام بردو،لدرجة إن الفجر بقي يفوتني
    قلت لحضرتك قبل كدا إني بيجيلي وقت و بقول هتحدي كل حاجة و بإذن الله ربنا يكرمني و يغير لي كل حاجة ، و كل الأمور تكون جميلة
    و مش عارفة إيه بيحصل
    حتي الظلم إللي اتعرضت له بعد الثقة الرهيبة إللي كانت عندي بتحقيقمجموع100%فجأة اختلت
    و بردو دا ؛لأني متعالجتش من أصعب مرحلة ظلم مرت علي بحياتي
    دا جزء يا دكتور
    عاوزني أكون إزاي و إلا أعمل إيه لما أهلي يكونوا بالمنظر دا؟
    أنا لسا لي فرصة وحيدة و هي السنة دي
    علشان مجموعي يعلي المفروض أجيب المجموع كامل كله السنة دي
    ؛لأني السنة إللي فاتت جبت تقريبا %
    93
    لما مجموعي بإذن الله يكمل السنة دي هتكون المحصلة تقريبا 97.5%أو أعلي كم من عشرة
    و كل دا بردو وأنا متكلمتش مع حد متخصص!
    ؛لأني بجد بحاجة لكدا ،حاولت مع نفسي كثير و إذا اليوم عدي علي
    و كننت كويسة وعدي غيره، لازم أقع تان
    التكملة تحت يا دكتور

  • شروق إيماني

    December 26, 2012 at 12:41 pm

    و اعمل خطط متتنفذش
    و إللي بيحصل حولي من أهلي بيزود الموضوع
    و الله يا دكتور إللي أنا فيه دا مش جزع
    بس ثقتي بنفسي انعدمت
    محطوطة تحت ضغط إني لازم أجيب المجموع السنة دي كامل
    و مبقتش عارفة هييجي إزاي
    ؛لأني لاحظت إن ثقتي بقيت خلاااااااااااااص
    هدفي يا دكتور كان إني السنة إللي فاتت أجيب100%
    و السنة دي 101.25%دا أعلي حاجة
    علشان أكون أولي الجمهورية
    و أدخل كلية الطب البشري
    و أتخصص في المجال إللي بحبه بإذن الله
    حضرتك عرفت مني إني اتظلمت في التصحيح ،دي نقطة
    تان نقطة،التنسيق بيكون غالبا عال
    لكن رغم كل دا أنا مش شايفة غير أن هدفي ليس علي الله بعزيز
    عاوزة بردو رغم كل دا هدفي يكون مثل ما هو
    يعني أكون أولي الجمهورية ، و أدخل كلية الطب البشري بإذن الله
    و اتخصص في مجالي إللي حباه و بإذن الله أبدع فيه و أحقق رسالتي
    و أكون عالمة طب بإذن الرحمن
    حاجات كثير يا دكتور
    لكن عاوزة أعلي ثقتي بنفسي ،الأول أجيب ثقة
    و يقيني و إيماني أن ربنا هينصرني بإذن الله يكون بلا حدود
    و احقق دا فعلا ،يااااااااااااااااااااااه
    يا دكتور إذا دا تحقق
    أنا هكون طايرة من الفرحة أوووووووووووووي
    الحمد لله يا دكتور اتظلمت كثير جداااااااااااااا
    و عاوزة ربنا يعوضني و أحقق كلامي دا بإذن الله
    فهل ممكن يا دكتور تساعدني أوصل؟
    ممكن حضرتك تعتبرني أخت حضرتك الصغيرة و تتابع معي بعد إذن حضرتك؟
    ممكن أعتبر حضرتك بجد أخويا ؟ و إنك بإذن الله هتكون معي متابع طريقي للوصول لهدفي بإذن الله؟
    منتظرة رد حضرتك يا دكتور ، و ارجو الا أكون أزعجتك أو طلبي يزعج حضرتك
    جزاك الله كل خير

  • شروق إيماني

    December 28, 2012 at 11:22 am

    فين حضرتك يا دكتور و رد حضرتك ؟
    يارب تكون بكل خيرو أتم صحة و عافية

  • amirnafsak

    December 30, 2012 at 10:52 am

    اهلاً يا شروق
    اريد فقط ان اذكرك ان في تلك المرحلة بالذات
    يظن الشخص ان مشاكله هي أعظم مشاكل يمكن ان تحدث لأي أحد
    وأنه أكثر شخص مظلوم في ذلك العالم
    أعلم..تقولي الآن أنني لا أعلم شيئاً عن حياتك
    ولو علمت لانضممت لك وصدقتك في حديثك عن مشاكلها
    ولكن كلنا مررنا بتلك الفترة
    ربما ستعي كلامي ذلك بعد سنوات بإذن الله
    المهم، أريدك ان تستخدمي سيدونا على ما تشعريه تجاه كل ذلك بإذن الله
    وتعلميني بالنتيجة، تحياتي لك
    وبالتوفيق بإذن الله

  • amirnafsak

    December 30, 2012 at 11:31 am

    اهلاً يا شروق
    تم الرد عليك
    ان شاء الله تحققي كل ماتريدين
    بالتوفيق بإذن الله

  • amirnafsak

    December 31, 2012 at 10:48 am

    فقط لكثرة الاستفسارات يمكن ان يتأخر الرد
    تحياتي لك
    بالتوفيق بإذن الله

  • عبيرالورد

    January 23, 2013 at 1:51 am

    *اوافقك الراي فالصاحب ساحب..انا اجبرتي ظروف حياتي ان يذهبوا عني اصدقاء سلبين او منافقين بعدها احسست بان حياتي اصبحت اجمل بانجازات افضل.

  • amirnafsak

    January 25, 2013 at 1:08 pm

    ممتاز
    بالتوفيق ان شاء الله

  • aya

    January 25, 2013 at 7:49 pm

    يا سبحاااااااااااااااااان الله !!!!!!!!!!!!!!!!!!!!!!
    فعلاااااااااااااااااااااااااااااا وواقعى جداااااااااااااااااااااااااااااااااتماماااااااااااا
    تسلم ايد حضرتك ….

  • فيصل عبد الواحد

    January 26, 2013 at 8:02 pm

    اهلاً يا آية
    بالفعل، ولذلك يجب ان ننتبه، لمن نقضي أغلب أوقاتنا معهم
    تحياتي لك، واشكرك على كلماتك الجميلة
    تحياتي لك

  • ورود المزيونه

    August 16, 2013 at 2:37 pm

    طيب انا اقرب خمسه اشخاص لي ثلاثه منهم يشتغلوا ودخلهم الشهري ممتاز.ولماجمعتهم مع الاثنين الباققين وقسمتهم طلع نصيبي اعلى بكثير من دخلي بالواقع يعني مثلا طلع نصيبي100 مع انه بالواقع دخلي الشهري 10او20لايزيد عن ذلك يعني الخلل فين …ياريت ترد علي يادكتور جزيت خيرا

  • ورود المزيونه

    August 16, 2013 at 2:40 pm

    استفسار انت تقصد خمسه الاشخاص الاقرب لقلبي ولا اللي ساكنه معاهم لاني متزوجه وبعيده عن اهلي وعملت الحسبه على اهل زوجي لانهم الاقرب لي

  • فيصل عبد الواحد

    August 19, 2013 at 6:57 pm

    تفصحي من هم أقرب إليك..داخلياً

  • فيصل عبد الواحد

    August 19, 2013 at 6:58 pm

    متوسط أولاء، و متوسط هؤلاء

  • ورود المزيونه

    August 20, 2013 at 10:25 pm

    مافهمت قصدك اسويها على عشره اشخاص خمسه الاقرب لي من الناحيتين وبعدين اجمع دخلهم واوزعه على العشره اشخاصلوقصدك كذا..فعلا طلع مقارب جدا لدخلي..يارب اكون فهمتك صح

  • فيصل عبد الواحد

    August 22, 2013 at 8:52 pm

    نعم بإذن الله
    تحياتي لك

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close