main

قانون الجذب

سر الأرقام

August 22, 2015 — by فيصل عبد الواحد0

 

ازيك عامل ايه مره تانيه معاك
فيصل عبد الواحد
وتسجيل جديد من تسجيلات amirnafsak.com
النهارده الموضوع ده مختلف شوية السؤال ده جالى قبل كده من حوالى تقريبا سنه واتكلمت عنه بشكل مختصر كان تكرار ارقام معينه اللى هو كان رقم واحد .
من فتره بردو من حوالى اسبوع جالى سؤال عن تكرار الارقام بوجه عام و فالحقيقه هى مش صدفه قريت بوست عالفيس بوك اتكلم عالحكايه دى مش عا ف بتاع مين بصراحه والله لكن اتكلم عن الموضوع بشكل خاطئ تماما ان يعنى بدون الدخول فى تفاصيل علشان ميتعرفش مين الشخص انا شخصيا معرفهوش والله بس يعنى قد يكون هو صح وانا مخطئ فالاخر بس يعنى الاغلب او اغلب الظن الاى انا هقوله النهارده
صحيح ان فعلا من 0 الى 9 كل رقم له تفسير وكل مكس مع بعض او لما الارقام بتكون بشكل معين بيكون لها تفسير مختلف لكن لده حديث مطول ممكن نتكلم عنه وقت تانى
لكن النهارده هنتكلم بس عن كل رقم و بيعنى ايه
رقم 1 -- اذا اتكرر معاك او بتشوفه بشكل كبير بدون قصد منك طبعا فده معناه ان فى تطور عندك فالوعى
معناه ان فى تحرر سواء انت قاصد او مش قاصد بس المهم ان انت بترتقى بوعيك بتتقدم لقدام اما
تشوف 11 او 1 و 1 و1 او ارقام 1 كتير جنب بعض فده معناه ان انت وعيك بيتطور وبتبتدى
او وعيك بيتدى يتشكل من جديد بشكل يخليك تعلى اكتر او تتطور اكتر بشكل عام روحانيا وماديا
وجسديا وكل شئ
رقم 2-- بيرمز عمتا للاتزان معنى ان انت تشوف رقم 2 كتير فمعنى كده ان انت بدأت تأسس الاتزان جواك
بداء الاتزان جواك يتأسس ويبداء بعد ما يتأسس جواك يبداء يشاع حواليك باذن الله كمان رقم 2 علشان
فيه اتزان اما انت بتشوفه كتير بعد كده بيبقى حكمك عالاشياء بيتضح اكتر
انا ممكن اتكلم عن كل رقم على فكره واقعد اتكلم عليه وقت كبير جدا ..انا مش قصدى انا اتكلم ان انا عندى معلومات او كده بس انا قصدى ان الموضوع ثري قوى وممكن ناخد حلقات على كل رقم ...
لكن انا بديك حاجات صغيره علشان تبداء بس تعرف الحاجات دى معناها ايه
رقم 3 __ بيدل اكتر على الحدث الداخلى او هنا هنتكلم عن حاجه تانيه شويه فى فرق بين الصوت الداخلى اللى
بيرشدك عالحاجه الكويسه وفى فرق بين صوت عقلك ،صوت عقلك ده اللى بيسبب الكوارث والبلاوى
لكن اما انت بتشوف رقم 3 كتير فمعنى كده ان احساسك الداخلى ناحية الاشياء والحدث الداخلى اللى
والصوت الداخلى اللى بيرشدك بداء يقوى اكتر قدرتك على التعبير عنه قدرتك انك تثق فيه بداءت تزيد
عن الاول ...فده باختصار اللى يدل عليه رقم 3
رقم 4__ احنا قولنا رقم 2 بيعنى او بيشير انك بداءت فالاتزان لذلك رقم 4 اللى هو ضعف رقم 2 بيبداء
المرحله اللى بعد كده من الاتزان اللى هى تعنى او تشير للاستقرار بداء يبقى فى جواك استقرار
والحاجات جواك بداءت تستقر اكتر طبعا بدةن الدخول فى تفاصيل ان رقم 4 جاى من اربع فصول
السنه والكلام ده والهدوء وتكامل الاربع فصول علشان يكملوا سنه بدون الدخول فالتغاصيل دى
ممكن يكون حد عارفها من اللى بيسمعنى دلوقتى بس المهم ان تكرار رقم 4 معناه ان الامور بداءت
تستقر داخليا وباذن الله هتلاقى الاستقرار ده بيبان حواليك
رقم 5__الرقم ده ناس كتير جدا بتحبه ليه ناس كتير بتحبه علشان دايما الحاجه الخاصه بيه انه بيشير للمغامره
طبعا لا يعلم الغيب الا الله طبعا دى كلها علوم و ربنا حتى العلوم اللى احنا بنتكلم عليها دى ممكن
فوقت او التانى ممكن ربنا يغيرها كلها بس رقم 5 يعنى فالاغلب ان فى رحلات كتير فالفتره دى
فى عندك رحلات او فى حركه كتير مش لازم سفر فى حركه وفى مغامره وهتتعرف على ناس جديده
فى حاجات غير متوقعه فالفتره دى دا معنى باختصار جدا لتكرار رقم 5
رقم 6__ يعنى علشان نتكلم عليه هياخد مننا وقت شويه لكن باختصار قوى تكرار رقم 6 فحياتك معناه ان فى
حب مش معناه ان شخص بتحبه معناه ان فى توازن عاطفى جواك نوعا ما معناه ان فى اخلاص
فالحاجه اللى انت فيها معناه ان انت فى شخص اذا ارتبط بيه هيبقى فى اخلاص وهيبقى فى تواصل
بينكم ..تكرار رقم 6 معناه ان فى نمو عاطفى جواك وحواليك و باذن الله هيكون فى استقرار فيه
رقم 7 __والرقم ده عليه اسرار كبيره جدا يعنى لوحده عايز حلقات وعايز مقالات وعايز تفصيلات فيه لذلك رقم7
ملوش حاجه ثابته تعبر هو بيدل على ايه بشكل ثابت يعنى بوجه عام تقدر تقول رقم 7 ده بيدل على
الغموض يعنى خاص بان فى حالات معينه بتشتغل فى الامور اللى انت عايزها تبداء تتكون بس ازاى
حاجه احنا منعرفهاش لسه بس المهم ان 7 بيدل ان تكرار رقم 7 معناه مش هقدر اقول الحكايه دى
الا لما ادخل بتفصيل شويه فى موضوع رقم 7 ..فى سبع عوالم وفى ناس بتقول 5 وناس بتقول 7
بس المهم يعنى حتى العوالم المتوازيه او الوازيه اى ان كان بتحب تقولها ازاى هى 7 عوالم .......
فرقم 7 معناه ان فى حاجه متصله بين العوالم دى حصلت يعنى انا اضطريت افسرالحكايه دى شويه
علشان اشرح الرقم ده فالمهم اللى انت هتستفيده من الجزئيه دى ان رقم 7 معناه ان فى تغير بيحصل
خاص بيك بأذن الله
معلش قربنا نخلص ومعادش الا رقم 8 و 9 ورقم 0 بالنسبه ل
رقم 8__خاص بالماديات وخاص بالنجاح وخاص بالثروه وخاص ان فى تغير مادى خاص بيك او هيحصل قريب
ده معنى تكرار رقم 8 بأختصار
رقم 9__اخر رقم او الرقم القبل الاخير معانا النهارده معناه ان انت وصلت نوعا ما لاشباع او نوع من الاشباع
فالحاجات اللى قولناها قبل كده لذلك انا سبته لقبل الاخير معناه ان فى انجاز للحاجات اللى فاتت دى كلها
او نوعا ما بالنسبه لك مرضيه سواء المال سوتء الحاجات اللى بتتغير سواء السفر سواء الحب او الزواج
الحاجات دى كلها بتبقى وصلت لمستوى مغاير للى قبل كده وبيبداء رقم 9 فالظهور او التكرار
رقم 0__ و اهم رقم فيهم كلهم معناه ان انت نصا وحرفيا تعاد ولادتك من جديد يعنى ايه مش قصدى اى حاجه
خاصه بالحيوات المتعدده وان احنا عايشين فعالم تانى واللى كان قطه واللى كان فرخه والكلام الغير
صحيح اطلاقا يعنى لكن معناه ان انت بفضل الله حاجات كتير جدا جدا جدا من جواك اتشالت والابجو
بالذات جزء كبير جدا منه راح الحمد لله انت دلوقتى فمرحلة الميلاد الداخلى الجديده معناه ان انت بتكون
وعى من اول وجديد مش انك رايح فى حياه تانيه و الكلام ال سورى فاللفظ الكلام الغير منضبط ان الواحد
كان عايش حياه تانيه واللى كان عايش حياه ان هو ست عجوزه واللى كان عايش حياه مش عارف ايه
كله كلام غير صحيح يعنى وما انزل الله به من سلطان ...لكن المهم معنى رقم 0 او تكرار رقم 0 ان انت
بتتكون داخليا من اول وجديد وعلى فكره شوف كده اذا رقم 0 اتكرر فحياتك او اتكرر فى وقت ما هتلاقى
الوبت ده فعلا انت بتمر بالتجربه دى بتراجع نفسك فى حاجات وحاجات جواك بتتاكد وحاجات جواك بتتشال
وحاجات ذى كده
فشوف انت الارقام اللى بتتكرر مع حياتك ايه والشكيل بتاعها ايه ... وايه اكتر رقم وايه الارقام الاكتر من بعض واللى جنب بعض وهكذا علشان تبداء تفسر اذا انت حابب الحكايه دى ان شاء الله
ارجو ان يكون الشخص اللى سألنى السؤال ده الاجابه وصلته انا حبيت اعمل الفيديو علشان يفيد اكتر ناس على قد ما اقدر وارجوا ان يكون التسجيل عجبك اشوفك فى تسجيل جديد ان شاء الله من تسجيلات amirnafsak.com
فيصل عبد الواحد

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close