قانون الجذب

سيدونا 2

July 15, 2012 — by فيصل عبد الواحد41

main

قانون الجذب

سيدونا 2

July 15, 2012 — by فيصل عبد الواحد41

ملحوظة : يجب قراءة الجزء الأول من المقالة من هنا

عايزك تجيب قلم..قلم كتابة عادي

وتمسكه في ايدك

بجد..اعمل كده الوقتي

أيوة امسكه في إيدك، مش بس كدة

عايزك الوقتي

تضغط عليه جداً

اضغط عليه أوي

أوي

اضغط على القلم وانت ماسكه بإيدك جداً

حاسس بإيه ؟

؟

إيدك بتوجعك..مش كدة ؟

ما تفتحش ايدك، خليك ماسك القلم

جميل، عايزك تفتكر هدف

كنت متمسك بيه أوي

جداً

بالظبط

فهمت قصدي ؟

التمسك بهدف أوي - رغم ان ده هو الطريق التاني لتحقيق الأهداف - بيسبب نفس الألم ان ماكانش ألم أكبر

زي اللي حسيته من شوية

الألم النفسي والضغط العصبي اللي بتحط نفسك فيه، وده السبب مع البارادايم..ان 3% بس من الناس

اللي بتستخدم الطريقة دي

طريقة انهم يحطوا هدف ويعملوا أي شيء عشان يحققوه

بينجحوا

3% بس

هما اللي بيقدروا يستحملوا شعور الألم ده

اللي بيزيد كل ما تمسكوا بالحلم وقاوموا أكتر

الوقتي..افتح ايدك

حرك القلم بحرية في ايدك

وسيبه من ايدك خالص

انت اتولدت بقدرة جواك، وظيفتها كلها..زي الأمر بفتح الإيد

وإنها تخرج الحاجات اللي انت متمسك بيها من غير ما تعرف

ودي اللي اكتشفها ليستر، وبدأ يستخدمها وعاش حواي 42 سنة بفضل الله أولاً طبعا وأخيراً

وكون ثروة كبيرة جداً تبرع بيها لأنه قال انا أقدر اعملها تاني لو عايز

القدرة دي موجودة عشان تخلي مسارات الطاقة مفتوحة دايماً

! لكن احنا اتعودنا اننا..نخزن

هقولك حاجة..ليه لما انت بتضحك

بتدي "شعور" الفرحة حقه، وبتحسه بكل حاجة فيه

ليه أي شعور تاني - انت سميته سلبي - ما بتديلوش حقه

وتحسه ؟

تعرف ايه اللي بيحصل لما ما تحسوش وتحاول تقاومه ؟

هيتخزن جواك، وهيفضل يقاومك عشان يتحس زي غيره من الأحاسيس

اللي أصلها طاقة..وعايزه تخرج منك

لكن كون انك ما بتحسهاش

بتقولها خليكي جوايا

وعشان بتقولها خليكي جوايا

بتجذب طاقة شبيه، عشان مماثلة ليها في التردد

! وعشان تقولك..أنا هنا

الحكاية..أن المحاولات التانية أو التقنيات التانية

اللي بتهتم "بالتغلب" على السلبيات

بتتغلب عليها بأنها تعيد الكتابة على النمط السلبي او الشريط السلبي المتخزن جواك

التسجيل السلبي ده ما بيختفيش، اه ممكن تحس بتحسن في منطقة ما من حياتك

لكن لازم الطاقة دي تظهرلك في مكان تاني

لو حاولت تستخدم أي تقنية تانية غير سيدونا - وبعض التقنيات المعدودة - مثلاً على معتقد سلبي أو ذكرى سلبية خاصة بالزواج او الارتباط

ممكن تتغلب عليها فعلاً

لكن هتلاقي مشكلة ظهرت في مكان تاني من حياتك..وليكن، مكان عملك

زي بالظبط البالونة اللي مليانة هواء، ممكن لو ضغطت على مكان فيها أوي

المكان هينكمش

والهواء اللي فيه هيقل، ويكاد ينعدم

لكن هيروح لمكان تاني

سيدونا بتستغل قدرتك..على انك تتعرف على الهواء اللي في البالونة دي - الطاقة في حالتنا

وتخرجه بشكل نهائي

هتزعل مني..وممكن تتصدم

لما تعرف ان كل حاجة جواك اتخزنت

او لسه بتفكر فيها

او ذكرى أليمة أو مشكلة معاصرة

انت كنت تقدر تشيلها من جواك

وبالتالي..تشيلها من واقعك المحيط بيك

صدقني، مش مجرد كلام تنمية بشرية

ده كلام علمي، مبني على أسس علمية

وكل حاجة ليها سيستم، كل حاجة ليها نظام

حتى الفوضى والعشوائية ليها نظام و نمط معين تقدر تستنج منه الفوضى المقبلة هيكون شكلها ازاي

سيدونا بتعرفك اكتر انت مين، وبتدخلك جواك وبتعرفك حقيقة كتير جداً ما بيحبش يقولها

لكن هي دي الحقيقة

وهي..ان مفيش حاجة اسمها طاقة سلبية

او طاقة ايجابية

في بس..طاقة

انت..اللي "بتصبغها" بالصبغة السلبية أو الايجابية

الجملة دي مش لمجرد العلم..الجملة دي هنبني عليها حاجات كتير جداً بعد كدة

المقالة الجاية ان شاء الله هنبدأ نشتغل بجد بسيدونا، فعايزك تفضي نفسك خالص بإذن الله

وبالمناسبة، الصورة الي  في المقالة اللي فاتت

كانت رمز للطاقة الداخلية اللي جواك، لو لاحظت ان الشكل واحد، لكن اللون أو "الصبغة" مختلفة

..أشوفك المقالة الجاية ان شاء الله، بس أهم حاجة

! تكون فعلاً..مسكت القلم

41 comments

  • orqedia

    July 15, 2012 at 8:23 pm

    السلام عليكم

    استاذ فيصل اهنئك على المقال وبانتظار جديدك

    انا عندي سؤال حول ال3 بلمية الي يستحملو الالم وينجحوا بانطريقة انهم يحطوا هدف ويعملوا أي شيء عشان يحققوه

    هل هذا يشمل متلا اني اريد الاتصال بشخص ما واريد الوصول اليه فاجد الاسباب دون ان انتظر ان تاتيني واخلقها وابدا بلعمل لوصول لهدفي  وهو الا تصال بلشخص الذي اريده  فاذا نجحت  فهل انا اعتبر  انا من ال3 بلمية وهل هذه ميزة لي

  • Rama

    July 15, 2012 at 11:50 pm

    مرحبا دكتور فيصل و جزاك الله كل خير على المعلومات اللي طرحتها

    طيب انا بحس انه انا السبب في تاخر الزواج لي و لا خواتي

    ازاي ممكن بالطريقة ديه اخلي الامور تمشي بسلاسة و بحرية

    و يتم الزواج لانه بحس الامور تتعرقل و خاصة وقت ما يجو  و يطلبو ايدي او ايد اختي للزواج

    دايما بحس انه انا بحط عقبة في الموضوع و بقول انه ممكن ما يتمش بسبب مثلا امي او

    والدي او الظروف ممكن مش مناسبة ليهم و بعدين بكتشف انه فعلا السبب بيطلع هو نفسه اللي انا توقعته

    فكيف ممكن اتخلص من هالمشكلة  لانه العمر بيعدي و قربنا ندخل في الثلاثينات من العمر

    و اكون شاكرة لك بالرد علي و الافادة بالموضوع ده

  • norjan

    July 16, 2012 at 1:26 am

    السلام عليكم
    استاذ فيصل مشكور على هاي المقالات الجميلة والعلم الوفير
    ربنا يزيدك كمان وكمان
    وحبيت السيدونا انشالله تضبط معانا
    بس عندي استفسار
    في  في الموقع جزء الpopular searches
    مواضيع احاول افتحها بس يطلعلي موضوع تاني؟؟؟؟
    شنو قصة  هاي العناوين؟ هي مقالات او ؟ مثلا اقصد
    استخدام موجات ثيتا قبل النوم
    قوة رسائل السبليمنال

  • nidaa

    July 16, 2012 at 6:02 am

    انا اول مرة اعرف عن موضوع (سيدونا) وااقرا عنه، عندي فضول كبير ان اتعرف اكثر ويكون عندي معلومات اكثر عنه، الي كتبته صحيح 100%، كل شئ في الدنيا طاقة، الحزن طاقة والفرح طاقة، وله ترددات معينة، هذا السبب الي يخلي واحد يكون ناجح جدا بالرغم من انه لايملك مقومات النجاح، ويخلي واحد يفشل بالرغم من كل مقومات النجاح. انتظار المزيد عن هذا الموضوع
    شكرا على كل ماتقدمه

  • فيصل عبد ال

    July 16, 2012 at 7:47 pm

    وعليكم السلام ورحمة الله وبركاته
    اهلاً يا أوركيدا، شكراً على كلماتك الجميلة
    بالنسبة لسؤالك، لا، ال3% المقصود بهم، هم الأشخاص اللي بيقاوموا مقاومة البارادايم
    وبيقاوموا كل الظروف السلبية اللي بتنجذب ليهم نتيجة للبارادايم والبرمجة السلبية بداخلهم
    مهما شافوا من متاعب، وحطي تحت كلمة مهما دي خطوط كتير
    مهما شافوا من مقاومات سواء داخلية او خارجية، ما بيستسلموش، بمعنى كلمة ما بيستسلموش
    هما دول ال3%، المقاومات تقدري تتوقعي يكون منها الحوادث، الألم الداخلي، الكره من بعض الأشخاص المحيطة
    الفصل من العمل
    الديون
    إلى آخر الأحداث السلبية
    الشخص اللي يقدر يستحمل ده و يكمل للنهاية بإذن الله، من ال3% بس
    شكراً على سؤالك وتعقيبك، وبالتوفيق ان شاء الله

  • فيصل عبد ال

    July 16, 2012 at 7:48 pm

    اهلاً يا رما إزيك، ان شاء الله تستفيدي من المعلومات
    ان شاء الله انا هخلص سيدونا في مقالة أو مقالتين، وأوعدك ان شاء الله اني هجاوب على كل تساؤلاتك في المقالة دي
    بالتوفيق ان شاء الله

  • فيصل عبد ال

    July 16, 2012 at 7:50 pm

    وعليكم السلام ورحمة الله وبركاته
    شكراً على كلامك الجميل يا نورجان، سيدونا ان شاء الله هخلصها خلال مقالة أو مقالتين بالكتير، ان شاء الله هتفيدك اكتر مما تتخيلي
    بالنسبة للجزء اللي بتتكلمي عليه، ده جزء خاص بالكلمات اللي بيكتبها زوار الموقع في محركات البحث، عشان ييجوا امير نفسك
    ممكن حد يكون كتب استخدام موجات ثيتا قبل النوم في جوجل مثلاً، فجه هنا عن طريق محركات البحث
    شكراً على تعقيبك، وبالتوفيق ليكي ان شاء الله

  • فيصل عبد ال

    July 16, 2012 at 7:50 pm

    ان شاء الله هنتهي من سيدونا خلال مقالة أو مقالتين
    وكلمة مني، ان شاء الله لما تتعرفي على قوتها هتسيبي كل التقنيات التانية
    باستثناء تقنيتين سيتم اطلاقهم في شهر 8 ان شاء الله
    بالتوفيق لك بإذن الله يا ندا

  • Rama

    July 16, 2012 at 9:06 pm

    *شكرا يا استاذ فيصل و في انتظار اجابتك

    و يارب يقويك

  • Ghada

    July 16, 2012 at 9:26 pm

    *مقال ممتاز كلعاده استاذ  فيصل

    لياسؤالين لو سمحت

    1.
    يعني ايه لما بتزعل مبديش الزعل حقه ومبحسش بكل حاجه فيه زي الفرحه
    السؤال التاني بخصوص مقال قديم تقريبا انت نجمك خفيف وحضرتك قلت انك تتخيل الطاقه المحيطه بالجسم
    وده حصل معايا فعلا وشفت شكل الهاله او البرواز اللي حوالين الجسم
    بس لقيت حاجه غريبه
    بشوفه بيبقي قوي وواضح  من حوالين الراس والاكتاف وبقيت الجسم لغايت الركبه وبعد كده بيبدق يخف شدته ولونه بيفتح بالتدريج لغايت ما يختفي  اسفل القدمين
    ياتري ده ليه تفسير

  • صحراء 55

    July 17, 2012 at 12:43 pm

    السلام عليكم

    سلمت على روعه طرحك
    نترقب المزيد من جديدك الرائع
    دمت ودام لنا روعه مقالاتك
    عندي سوال عندم يحدد الانسان هدف معين
    ويتحمل كل الصعوبات التي تحصل له هل
    تعتبرهذا الطريقه من طرق تحقيق الاهداف
    وهل
    وهل صحيح ان الاهداف اذا لم تحقق لك هل يعني ذلك ان الترادات الموجود عند الشخص  لا تتشابه مع الهدف هل هذا صحيح وشكرا 

  • norjan

    July 17, 2012 at 2:05 pm

    شكرا ليك استاذ فيصل وشكرا على التوضيح بارك الله في علمك

  • فيصل عبد ال

    July 17, 2012 at 2:16 pm

    اهلاً يا غادة إزيك، شكراً على كلامك الجميل
    بصي يا غادة، لما انتي بتبقي مبسوطة أو فرحانة
    بتحاولي تكتمي الفرح؟
    او تخزنيه جواكي ؟
    أكيد لأ، بتضحكي بكل طاقتك وكل قوتك، وتبقي مبسوطة
    وبالتالي الطاقة دي ما بتتخزنش جواكي
    نفس الحكاية مع الشعور اللي بنسميه سلبي
    زي الغضب، الحزن، أو الخوف، وتفريعاتهم
    كلنا بنحاول نقاومهم، أو نكتمهم جوانا تحت مسمى التحكم في النفس
    لكن لو ادانلهم حقهم، ومش قصدي اننا نتعصب عالناس، لكن ادينالهم حقهم مع نفسنا، جيبنا المخزون اللي جوانا واديناله حقه
    وحسيناه بالفعل
    وعملنا الطرق اللي هتكلم عنها في المقالة أو المقالتين القادمتين ان شاء الله
    هتفتح مجالات الطاقة المقفولة وهتلاقي نتائج للجذب سريعة جداً بإذن الله
    الشعور لما بتخزنيه جواكي، ما بيختفيش
    بالعكس، أولاً بيسببلك تعب، ثانياً بيجذبلك حاجات شبيهه له عشان يقولك انا هنا
    انتي ما حسيتينش
    هو عايز يطلع منك زي ما انتي عايزاه يسيبك
    لكن احنا اللي بدون علم بنخزنه جوانا

    بالنسبة للسؤال التاني
    طبيعي انك تلاقي حاجة زي دي، وده المكان اللي ممكن يكون بيدخلك منه طاقة الحسد الخاصة بالغير
    أو حتى الخاصة بيكي واللي بتأثر على الغير بدون قصد
    جربي كمان مرة وحاولي انتي تقوي المكان الضعيف ده
    بالتوفيق ان شاء الله

  • فيصل عبد ال

    July 17, 2012 at 2:18 pm

    وعليكم السلام ورحمة الله وبركاته
    شكراً على كلامك الجميل يا شذى، ان شاء الله تستفيدي دائماً
    اه بالظبط، دي الطريقة التانية من تحقيق الأهداف
    اسمها مقاومة البارادايم
    اذا الهدف ما اتحققش حاجة من الاتنين
    يا إما الشخص شايف علامات له، وده معناها ان التردد الداخلي في طور التغيير
    أو اذا ما اتحققش نهائي، يبقى ممكن بالفعل قدر يوصل للتردد الداخلي المماثل له
    لكن ما قدرش التردد ده يطلع من مسارات الطاقة للطاقة المحيطة بيكي، بسبب انسدادها بكل المشاعر اللي احنا بنسميها سلبية
    شكراً على متابعتك وبالتوفيق ليكي ان شاء الله

  • فيصل عبد ال

    July 17, 2012 at 2:18 pm

    بالتوفيق لك دائماً يا نورجان، شكراً لك

  • Ghada

    July 17, 2012 at 7:29 pm

    *شكرا جدا لارد حضرتك  استاذ فيصل

    انا كده فهمت اكتر بس انا ليا فتره بستخدم طريقه حرق المعتقدات ودي بتريحني كتير وحصوصا لو موقف وبيعدي

    والفضل في الموضوع ده طبعا لله ثم لحضرتك اللي  شرحتها قبل كده

    انا بقي بخصوص الهاله اللي حوالين الجسم ان شاء الله ححاول اقوييها واسد اي فراغات  فيها

    بشكر حضرتك مره تانيه علي ردك ووقتك

  • فيصل عبد ال

    July 17, 2012 at 7:37 pm

    سيدونا لما انتهي من شرحها ان شاء الله هتلاقي انها اقوى بكتير جداً من حرق المعتقدات
    جداً جداً بشكل مش هتصدقيه
    الفضل لله وحده في كل شيء، بشكرك على كلامك الجميل، وان شاء الله تعملي الهالة وتعرفيني لو محتاجة اي استفسار
    بالتوفيق ليكي ان شاء الله

  • rashed

    July 17, 2012 at 11:45 pm

    السلام عليكم استاذ عبد الواحد اشكرك جزيلا على المعلومات و الشروحات التي قدمتها  كل هذا من كرمك يا استاذ وكل هذا لا يمكن ان تجده الا في ((امير نفسك)) بصراحة مقالة "سيدونا" اكثر من رائعة وكل المقالات السابقة لكن سيدونا خلقت لنا بها تشويق كبير…نحن في الانتظار .مشكور استاذنا الكريم ……..اخوكم رشيد من المغرب 

  • Abdullah

    July 18, 2012 at 10:26 am

    اول مره اسمع عن سيدونا 

    ان شاءالله أتمعن بشرحك حبة حبة بالكورس واستوعب بعمق  

  • Anonymous

    July 18, 2012 at 11:18 am

    السلام عليكم ..استاذنا..مقالة حلوة وبصراحة انا كنت في مواقف احتاج مثلا ابكي فيها بس اضغط ع نفسي وما ببكي او اقول ان ده صار من مصلحتي يمكن ربنا رح يعطيني الافضل..

    يعني في المقالة بتقصد حتى لما الشخص يحزن ع شي لازم يعطي للحزن وقته..يعني احزن بس بوقتها واهم شي اني حزنت مش خبيتها.؟؟؟وعادي يعني بعدها استمر طبيعي بحياتي..هيك كان قصدك استاذنا..

    وربنا يخليك مقالتك كتيرررر حلوة ومستنين المقالة الجاية…شكرا كتير

  • rose

    July 18, 2012 at 6:50 pm

    ‎كثير تحمست لسيدونا ودورت في النت مالقيت  شرح عربي
    ‎بانتظارك وياليت تكون في مقاله واحده لاني محتاجة كثير امسح ذكرياتي
    ‎والله يصبرنا لشهر ٨ عشان نعرف التقنيات الاقوي
    ‎نفسي اتعلم كثير في هالجانب 
    ‎انا اعرف امير نفسك من فتره وقرأت كم مقاله بس الان قراتها كلهاعن جد روووعه
    ‎طبقت طريقه   (اخترق داخل عقلك ) علي اني اقوم علي المنبه لاني بالعاده مااسمع المنبه الا اذا شبعت نوم
    ‎وقمت علي المنبه وكنت نايمه تقريبا ٣ ساعات بس ‫…‬لقيت شوي صعوبه اني ادور موقف حلو بس قعدت اتخيل حاجات احبها ‫…‬الخيال عندي من الطفوله وجذبت اشياء وانا صغيره بس طبعا ماكنت اعرف ايش يعني جذب المشكله اني في جذب الاشياء السلبيه شاطره جدا وسريعة (يمكن لان طاقتي سلبيه واتاثر كثير لمن كنت طفله كنت اقرا جرايد ههههههههه غاويه نكد من جد اثرت فيا القصص اللي فيا وكمان كنت اتابع اخبار واهلي سلبيين لك ان تتخيل طاقتي السلبيه بس الان حانظف كل طاقتي سنه ٢٠١٢ سنه التغيير باذن الله ) وجذبت كمان اشياء حلوه بس اقل

    ‎وقرأت في مقاله القوانين الفرعيه لقانون الجذب انه مانقول اهدافنا لاحد انا تقريبا كل اهدافي  قلتها لاهلي واهلي تقريبا يقولو تحلمي بس انا احس اني استحق حياه حلوة .. بس من بعد ماقرات المقاله التوبه معد اقول لاحد اصلا لاحظت انه اهلي يشكون اني حاحصل علي اهدافي بس ان شاء الله ماياثرو علي لان الطاقه الايجابيه اقوي من السلبيه
    ‎واصبحت انتبه من البارادايم ساعات نفسي اقوم اعمل شي واقول لنفسي بعدين ارجع افتكر واقول بارادايم قومي يلا بس احيانا هو يتفوق علي 

    بانتظار سيدونا بالتفصيل
    وجزاك الله خير
    وكل عام وانت بخير ومصر كلها بخيروالامة العربيه والاسلاميه يارب كلها بخير
    سوال جاء علي بالي احس نفسي مهتمه باحوال الشعوب العربيه والاسلاميه وصراحة الانسانيه كلها مايفرق معاي ديانات الشعوب  وازعل كثييرعلي الكوارث والاشياء السلبيه اللي تسير في العالم  كيف اتعامل مع مشاعري مثلا لمن اسمع عن اشياء سلبيه تحصل في مجمتعي او في المجتمعات الاخرى مع العلم بطلت اشوف اخبار واقراء جرايد بس الاخبار تجيني من الناس وساعات وانا اقلب القنوات عيني تيجي علي خبر كيف اتعامل مع هالاخبار
    واسفه جددددا اني طولت  

  • فيصل عبد ال

    July 18, 2012 at 7:52 pm

    وعليكم السلام ورحمة الله
    أشكرك يا رشيد على كلامك الجميل
    ان شاء الله اكمل سيدونا خلال مقالة أو مقالتين وتستفيد منها أكتر
    بالتوفيق لك ان شاء الله

  • فيصل عبد ال

    July 18, 2012 at 7:54 pm

    بإذن الله، لكن انا أظن انك حجزت كورس تدريب قانون الجذب المكثف اللي هيبدأ خلال أيام، وليس سيدونا، مش كدة ؟

  • فيصل عبد ال

    July 18, 2012 at 7:55 pm

    وعليكي السلام ورحمة الله
    شكراً على كلامك الجميل يا نانسي، بالنسبة للسؤال
    قصدي انك توصلي لدرجة ان حتى لو هتخزني الشعور، تطلقيه بعدها في وقتها وهتعرفي ازاي ان شاء الله
    الصورة ممكن تكون مش واضحة في الوقت الحالي لكن بانتهاء المقالات هتكون واضحة تماماً ان شاء الله
    في طريقة تانية للتخلص من كبت وتخزين الطاقة
    بالتوفيق ليكي يا نانسي ان شاء الله

  • فيصل عبد ال

    July 18, 2012 at 7:59 pm

    اهلاً بيكي
    شكراً على كلامك الجميل، ان شاء الله هنتهي من شرح سيدونا خلال مقالة أو مقالتين بإذن الله
    سعيد انك بتطبقي اللي بتقرأيه فعلاً، ان شاء الله هتستفيدي اكتر بكتير من مجرد القراءة
    وانصحك فعلاً تحتفظي باهدافك لنفسك على الأقل في الوقت الحالي، اللي هو بداية التطهير الداخلي والتغيير ان شاء الله
    بالنسبة للسؤال، أنا افضل انك تعرفي الخبر بدون تفاصيل
    لان لما بتسمعي اي خبر سلبي، وتحسي احساس الزعل أو الحزن
    الخبر بيتخزن جواكي
    ولازم ينجذب ليكي ولو بعد حين، حادث مماثل
    فحاولي ما تسمعيش كل التفاصيل عن الأخبار الحزينة
    ولو حصل، حاولي ما تتأثريش بيه
    بالتوفيق ان شاء الله

  • rony

    July 19, 2012 at 5:28 am

    السلام عليكم استاذ فيصل السيدونا رائعة  طبقتها كثيرا منذ ان  علمتنا اياها في الكورس المكثف

    واطبق يوميا الطريقة الثانية ايضا

    ولكن احيانا ينتابني تلبد احساس وامضي ايام دون فعل شئ او حتى الكلام

    فهل القلق الذي اعيشه له علاقة مع اني كل يوم اطبق الطريقة الثانية

    ولكن قلقي على اهلي كبير فاوضاعهم سيئة جدا

    وهذا السبب اني انقطعت فترة عن الصفحة

    وشكرا كتير لكل شئ علمتنا اياه فلقد ساعدني كثيرا

  • Abdullah

    July 19, 2012 at 6:52 am

    *اه صحيح استاذ فيصل 

    والدروس خطوة خطوة نتعلمها. بس كنت محتاج بالبداية كورس مكثف 

    حتى ازيل بعض الإشكاليات من دماغي  ومن ثم البدء بالتوسع 

    ببقية العلوم والتقنيات والدروس. 

    ويارب نطلع بفائدة كبيرة وفهم عميق لاستوعابه اكثر 

    وترسيخه في أذهاننا حتى يسهل علينا التوسع لبقية علومه 

  • scarlett

    July 20, 2012 at 11:17 am

    اول شي كل سنة وانت سالم ورمضان كريم عليك وعلى كل حدا معنا هون
    شكرا كتير الك عالمقال المميز والشرح كتير حلو وواضح،المثال تبع القلم
    كتير كتير صحيح وفعلا اسألوني انا عن مقاومة البارادايم صارلي عم قاوم كرمال
    هدف سنتين وفعلا متل ما قلت دكتور تعرضت لمشاكل كتيييرومشاحنات وضغوطات
    نفسية وعصبية رهييييبةوكل ما اتمسكت بهدفي اكتر كل ما تزيد المشاكل اكتر واكتر
    ومع ذلك ما في نتيجة !!
    تقنية سيدونا تقنية فاخرة(انا هيك بحب سميها)وكتير انيقة وشيك ونتائجها فعالة وفورية
    رغم اني اتعلمت سيدونا منك بس مع هيك كلامك عنها شوقني كتير وحاسة اني رح
    اعرف معلومات اهم عن هالتقنية ورح استفيد منها اكتر
    بس يا ريت بالمقال الجاية تشرحلنا كيف منئدر نتخلص من ذكريات ورواسب الماضي
    عن طريق سيدونا(المواقف السلبية اللي صارت بالماضي وانتهت)
    انا بستعملها للمشاكل الحالية والنتائج رائعة بس لما بدي استعملها للتخلص من شي موقف
    سلبي بالماضي مو دائما بنجح يعني ما كتيرعم بعرف اتعامل مع الماضي
    ان شاء الله منلاقي عندك شرح وافي للتخلص من الذكريات الماضية عن طريق سيدونا
    نحنا بانتظارك لا تطول علينا …
    الله يعطيك العافية وشكرا كتير الك عالمقال (الفاخر)

  • فيصل عبد ال

    July 20, 2012 at 11:19 am

    وعليكم السلام ورحمة الله وبركاته
    اهلاً يا روني إزيك، رمضان كريم عليكي ان شاء الله
    بالنسبة لسؤالك،اعملي سيدونا على القلق يا روني
    وعلى الاوضاع السيئة نفسها
    هتلاقي نتيجة كبيرة ان شاء الله
    وياريت تداومي على الصفحة عشان هتلاقي حاجات كتير تفيدك بإذن الله
    تحياتي، وبالتوفيق بإذن الله

  • فيصل عبد ال

    July 20, 2012 at 11:20 am

    تم ارسال رسالة لك بالفعل يا عبد الله
    بالتوفيق ان شاء الله

  • فيصل عبد ال

    July 20, 2012 at 11:27 am

    شكراً على تعقيبك الجميل يا لمى
    ان شاء الله هتكلم عن كل اسرار سيدونا
    وفي مفاجأة قريبة جداً جداً هتعجبكم ان شاء الله
    تحياتي وكل عام وانتي بخير بمناسبة شهر رمضان المبارك
    بالتوفيق لك ان شاء الله

  • rawan

    August 9, 2012 at 2:06 am

    *السلام عليكم ,,اشكرك كثيرا كثيرا استاذ نا  بصراحه انا طبقت هالتقنيه وفعلا استفدت كتير كنت عامله قانون الجب للزواج بس مو قادرة افك الارتباط ومع هالتقنيه الحمدلله حسيت انو موضوع الزواج وجذب الشريك ما عدت متمسكه فيي او تروادني الافكار السلبيه متل اول بالعكس هلا صار ما يفرق معي هههه زي ما بحكوها .

    في عندي سؤال هو انا كنت بعمل قانون الجذب وما حكيت لحد ابدا بالصدفه اختي مسكت الدفتر وقرات الاهداف اللي انا دوتها وبالمختصر فضحتني ههههه راحت حكت لماما وقعدت تتمسخر علي بس انا اختصرت, وما سمحتلها وسكرت على الموضوع  هل هاد الشي باثر  على الجذب؟؟

  • فيصل عبد ال

    August 9, 2012 at 12:12 pm

    وعليكم السلام ورحمة الله وبركاته
    اهلاً يا روان، ان شاء الله الطريقة دي هتريحك كتير وتشوفي نتائجها قريب بإذن الله
    بالنسبة لموضوع أختك لأ ما بيحصلش حاجة ان شاء الله ، لكن عشان تتمرسي اكتر
    ابحثي عن مقالة انت نجمك خفيف
    هتفيدك ان شاء الله
    تحياتي لك وبالتوفيق دائماً ان شاء الله

  • rawan

    August 9, 2012 at 4:04 pm

    *كل الشكر لك استاذ فيصل ربي يجزيك الخير يا رب جاري قراءة المقالات ..

  • فيصل عبد ال

    August 12, 2012 at 3:55 am

    اهلاً يا روان
    شكراً لك أنت على كلامك الجميل، ان شاء الله بالتوفيق
    فيصل عبد الواحد

  • اسيل

    August 15, 2012 at 8:44 am

    *عجبتني جداااا نقطة الضغط عالقلم ..فعلا انا افعل هكذا اضغط علي هدفي وامنيتي بالتفكير الشديد واشعر بالضيق كلما لما استطع تحقيقها

    نقطه احتاج توضيحها انا يمكن اكثر واحده تعبر عن زعلها وغضبها ولكن بيبقي جو الاكتئاب والسلبيه مسيطر رغم التنفيس بالبكاء وبمحاطثة النفس والكتابه وحرق المعتقدات

    نقطه اخيره انا لم استطع ابدا استحضار الهاله وعايزه اعرف ما اهمية استحضارها ورؤيتها وسد الفراغات..لوفي موضوع يخصها ياليت تدلني عليه لان مشالله المواضيع كثيره

  • اسيل

    August 15, 2012 at 8:46 am

    *كأن في حاجه تغيرت بقانون الجذب المقالات السابقه بنأقرء طاقه سلبيه وطاقه ايجابيه دلوقتي اصبح الطاقه هيا وحده واحنا بنشكلها للسلب او الايجاب….علم الطاقه غير النقطه دي ليه؟؟؟

  • فيصل عبد ال

    August 17, 2012 at 2:35 am

    بالظبط يا أسيل، نمسك بأمانينا ومشاعرنا أكثر من امساكنا بالأشياء المادية
    النقطة الثانية، هل تقصدي توضيح التناقض ؟
    بالعكس، يقال أن أكثر الناس ضحكا أكثرهم حزناً عندما يتواجدون بمفردهم
    لا تناقض على الاطلاق
    بالنسبة للهالة، استرخي وغمضي عينك وستريها ان شاء الله
    بالتوفيق لك ان شاء الله وتقبلي تحياتي

  • فيصل عبد ال

    August 17, 2012 at 2:35 am

    لأن بالفعل يا أسيل..مفيش حاجة اسمها طاقة ايجابية وطاقة سلبية
    او على الأقل، مفيش طاقة كدة
    احنا اللي بنحكم عليها كدة
    وهي دي الحقيقة اللي لازم نعرفها
    واذا عرفناها، هنعرف نرحب بأي شعور جوانا
    سواء شايفينه سلبي..أو ايجابي
    تقبلي تحياتي، وبالتوفيق لك ان شاء الله

  • اسيل

    September 6, 2012 at 8:27 am

    *انا كل مره ارجع اقرأ سيدونا عشا اذاكرها كويس اكتشف حاجه جديد

    بعد اذنك النقطه التي تتعلق بكبت مشاعر الحزن وتاثيرها السلبي

    هل تقصد التنفيس عن الحزن (بكاء-صراخ–ركظ-رقص-.

    نوع التنفيس.what ever

    مفيد ومجدي لوحده

    ام انه غير كافي لوحده ،، ان التنفيس بغالب الاحيان يفيد وقتيا ولكن تبقي اثار للمشكله او ذكريات مؤلمه

    فالمطلوب السلام الداخلي تجاه اي حزن

    حسنا السلام الداخلي او التسامح الداخلي تجاه اي ذكري مؤلمه او وضع حالي حزين بالنسبه لي صعب  ،،كيف اتغلب عليه

    اسفه اطلت ولكن اريد ان اكون علي خط صحيح بالفهم للسيدونا

  • فيصل عبد ال

    September 6, 2012 at 11:24 pm

    ممكن بكاء او دموع يا أسيل،
    لكن سيدونا هي التعامل مع اي شعور بسلام وتقبله
    وعدم مقاومته
    ان شاء الله سأشرح ببساطة في مقالة قريباً، وستتعلمي اكثر بالتفاصيل في الكورس ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close