main

قانون الجذب

س & ج

October 21, 2011 — by فيصل عبد الواحد7

المقالة دي، بعكس المقالة اللي فاتت -النقر 2
ممكن تقرأها وتستفيد منها جدا حتى لو كنت جديد في قانون الجذب
في ناس، بتكسل تقرأ كل المقالات اللي فاتت..
وفي ناس قرأتها بدون تطبيق..
وفي ناس لسه اول مرة تدخل السايت..
و في ناس عارفه وفاهمة قانون الجذب، لكن مش عارفه تجاوب عنه اسأله كتير
في المقالة دي، هجيب أكتر اسألة اتسألتها بخصوص قانون الجذب
واجاوبها ان شاء الله

اول سؤال

ايه هو قانون الجذب؟
- قانون الجذب هو ببساطة،استخدام قوانين الكون، عشان تخلي تحقيق اهدافك اسهل

كمان قانون الجذب، يعني الأفكار والمشاعر المسيطرة عليك، عندها القدرة على جذب الأشياء الي تشبهها في الترددات والطبيعة

بمعنى ادق، تقريب الفرص اكتر ليك

ازاي؟
- باختصار غير وافي، باستخدام العقل الباطن

ازاي وليه واشمعنى ؟
- عشان عقلك الباطن هو نقطة صلتك بكل قوانين الطبيعة والكون
واللي قانون الجذب واحد منهم
ازاي..عن طريق حاجات كتير، زي
المعايشة visualization
استرخاء التجلي manifestation meditation
مدارس ومعادلات، ودي اقوى في التأثير

ليه برده؟
- عشان بتجمع كل وسائل استخدام قانون الجذب بنسب معينة محددة بالوقت

طب لما الموضوع سهل كده ليه الناس كلها مابتعملوش؟
- بالعكس، الناس كلها بتستخدمه، لكن في غير صالحها

ازاي يعني؟
- زي بالظبط الناس اللي بتتوقع ان اي مشروع هيدخلوه هيبوظ
ويزعلوا لما الي توقعوه يحصل
قانون الجذب مش بس بياخد كلمة انا عايزبس ، لا، بياخد اكتر ويتأثر اكتر باللي بتفكر بيه
واللي بتتوقعه
واللي بتستناه
وكمان اللي بتتخيله قبل ما تنام

يعني عايزني دايما اتوقع النجاح والخير ؟
- لا تعليق!

ليه بس ؟!
- لو انت شخص شايف ان توقع وانتظار النجاح والخير، بأمر الله، غلط
او حتى صعب
يبقى لا قانون الجذب ولا غيره هيفيدك
عشان قانون الجذب، لو هتختصره في كلمتين
هيبقى:
انتظر الأفضل

في ناس كتير جربت قانون الجذب وفشل وزهقت منه، ايه رأيك ؟

أنا عايز أعمل عصير مانجة وبدل السكر أحط ملح، وبدل الميه أحط خل، ايه رأيك ! -

يعني ايه مش فاهم وده علاقته ايه باللي سألته ؟

يعني لو شخص متعود على السلبية طول عمره، وبيعيش بيها وبيمر كمان بظروف صعبه، لدرجة انها تراكمت جواه وبقى دايماً يتوقع السلبي..

والحاجات الي تخرجه عن شعوره، والحاجات الي هو مش عايزها

وييجي فوق كل ده ويحاول يستخدم قانون الجذب لصالحه بدل ما هو ضده، ويعمل ده في يوم أو يومين أو تلاتة ويستنى نتائج اسطورية، برده في يوم أو يومين أو تلاتة،

يبقى بالظبط زي الي مش معاه غير خل وملح، ومعتقد أنه لو حط عليهم مانجة، هتبقى عصير مانجة !

طب يعمل ايه ؟

3 حاجات سهلة جداً -

أول حاجة، أنه يعرف ان كل المعتقدات السلبية - سواء عالم بوجودها أو غير عالم - غلط، واتبنت بس بسبب التكرار في كل السنين اللي فاتت، وزي ما هو اللي كونها جواه من غير ما يعرف، يقدر يغيرها بسهولة جداً بعد ما عرف

تاني حاجة، يعرف انه مسئول بصورة أو بأخرى عن كل الي بيحصل حواليه، حتى لو فاهم ومقتنع انه مالوش أي دخل، لأن كل حاجة بتحصلك، ليها جذور جواك، و انت بتتفرج على التليفزيون، بتتراكم جواك حاجات من اللي بتشوفها، سواء اللي شوفته نشرة أخبار، نشرة حوادث، فيلم أكشن فيه مناظر قتل وضرب ودم كتير..كل ده بيتراكم جواك..حتى يمكن عشان كدة في أمريكا وأوروبا منعوا الأطفال من مشاهدة أفلام العنف، والكلام ده من زمان جداً، من السبعينات أعتقد، المهم، انك تعرف ان أي حاجة بتحصلك ليها سبب جواك و أنك ليك دخل فيها، شئت أم أبيت.

تالت حاجة، انك تعترف بقدرتك على تغيير كل اللي حواليك، حتى لو كان بالنسبة ليك مستحيل

لو قدرت تحس وتفهم ال3 خطوات دول، كل الكلام الباقي مش هيحتاج لشرح كتير، وهتبدأ كل حاجة حواليك بإذن الله تترسم زي ما انت عاوز، من غير حتى ما تقول أنا عايز

وبعد كده ؟

كل اللي بعد كده سهل جداً، سواء المعايشة أو الاسترخاء أو دراسة الطاقة للي يحب يتعمق، أو تطبيق المعادلات الشخصية، أهم حاجة يكون الأساس موجود، اللي تعرف تركب عليه أي-

نموذج لشخص تاني عنده خبره في قانون الجذب، والأساس ده، هو الـ3 حاجات الي كلمتك عنهم السؤال اللي فات.

 

طب الوقتي حالاً أعمل ايه، ايه أول حاجة اعملها ؟

تعرف بالظبط، وبالتفصيل، انت فعلاً فعلاً، عايز ايه، ودي خطوة مش سهلة زي ما ممكن تكون متخيل، عشان ممكن بعد كده تغير اللي -

انت عايزه، وترجع تعيد العملية من الأول، فأنصحك تاخد مع نفسك وقت، تقعد لواحدك، وتسأل نفسك انت عايز ايه من حياتك، وبعد ما تحدد ده، تبدأ تشتغل بقانون الجذب لصالحك.

أتمنى تكون المقالة دي فادتك، و انتظر ان شاء الله المقالة الجاية، اللي - على ضمانتي الشخصية - هتغير حاجات كتير

فيصل عبد الواحد

 

7 comments

  • فدوى

    October 23, 2011 at 2:57 pm

    مقالة رائعة أستاذ فيصل اتمنى المزيد والمزيد

  • صحراء 55

    February 21, 2012 at 11:02 pm

    السلام عليكم انا اقرت هذا المقاله مرتين

    لان فيه معلمومات قيمه مشكورررررررررررر^_^

  • فيصل عبد ال

    March 5, 2012 at 5:08 pm

    فرحت انها عجبتك وفادتك يا شذى، انشريها بين الناس ان شاء الله عشان الفايدة تعم، مش لازم تنشري رابط الموقع، انشري الي اتعلمتيه

  • nidaa

    March 31, 2012 at 5:48 pm

    معلومات قيمة تشكر عليها

  • nidaa

    March 31, 2012 at 5:51 pm

    انا سؤالي ممكن واحد يعمل طريقة وحدة بس ولا اكثر من طرق يعني مثلا تجربة 21*14 او عمل كتاب عن life srcip مع الصور

    او عمل بوستر

    يعني مثل الدعاء الي بيردد ورد معين لازم يعمله لوحده بس مايقرا شئ غيره ولمدة 21 يوم

    ياترى قانون الجذب له نفس المعادلة؟؟

  • walaa

    November 1, 2012 at 11:55 am

    *لازم اكتب كل شي او بالتفكير
    لانوا انا اللي فهمتوا اي شي بنكتب بوصل بسرعة ؟؟؟؟؟

  • amirnafsak

    November 3, 2012 at 11:47 am

    اهلاً يا ولاء
    على حسب الطريقة التي تستخدمي قانون الجذب بها

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close