main

قانون الجذب

قانون الجذب – أيوة عايز فلوس

February 4, 2012 — by فيصل عبد الواحد14

مش عيب صدقني..!

آه مش عيب انك تكون عاوز فلوس..

العيب، انك تكون عاوز فلوس وتحاول تقنع نفسك، انك مش عاوز فلوس

أو تقنع نفسك انك غلطان، انك عاوز فلوس

أو تلوم نفسك انك ازاي، في يوم من الأيام تجرأت وفكرت، انك تعوز فلوس..

صدقني..مش عيب !

مجتمعنا هو الي ربانا على معتقدات غلط

الفقراء يدخلون الجنة

الأغنياء كلهم نصابين وحرامية

الفلوس الكتير بتقل راحة البال

المال لا يشتري السعادة

آخر واحد ده انا عارف ان ناس كتير أوي، هتعارضني فيه، لكن خليني معاك واحدة واحدة

أنا شخصياً، واحد من الناس، بفرح جداً لما أكون سبب في فرحة حد، أو قدرت إني أساعده

دي حاجة بتفرحني أوي

اختي مثلاً عايزة موبايل جديد، انا اشتريته ليها، وشوفت الفرحة في عينيها وهي بتفتح العلبة الجديدة بتاعته، دي عندي لحظة بالدنيا كلها

الفلوس الي خلتني قادر أشتري لأختي الموبايل..

نفس النظرة الي بشوفها في عين "شحاتة" محتاجة، لما بديلها حاجة بسيطة، قد تكون اعلى من الي هي متعودة انها تاخده من الناس، عشان أساعدها، وعشان اشوف الفرحة والرضا في عينيها..دي بتحققلي فرحة كبيرة جداً بحمد ربنا عليها اني كنت سبب فيها

الفلوس خلتني أقدر أسعد الست دي

الفلوس تقدر تخليني أساعد حد محتاج، وده الي بيفرحني جداً لما أعمله

يعني فعلاً الفلوس تقدر تشتري السعادة

الفلوس في حد ذاتها مالهاش لون..وسيط مالوش قيمة خيرية أو شريرة في حد ذاته

انت بمعتقداتك وأفكارك واستخداماتك الي تقدر تخلي الفلوس جميلة، وتفرحك وتفرح كل الناس الي حواليك، و"تشتريلك" السعادة، وانت برده الي بمعتقداتك وأفكارك، تقدر تشتري بيها البؤس ليك والي حواليك

يقول خاتم المرسلين وزينتهم - صلي على الحبيب المصطفى - عليه الصلاة والسلام ما معناه :

إذا غضب الله على أحد رزقه من حرام، وإذا اشتد غضبه بارك له فيه

المال، زي ما ممكن يكون وسيلة

ممكن ومش عيب يكون غاية

بالعكس، المهم تشيل من جواك الصوت الوحش ده

الي دايماً يأنبك ويلومك لما تفكر انك عايز فلوس كتير

لدرجة ان في ناس اقتنعت خلاص ان عشان تعمل فلوس كتير وبسرعة..

لازم ولابد..

تكون من حرام !

سبحان الله، من يرزق من يغضب عليه من حرام ويزيد له فيه، حتى يحاسبه عليه فيما بعد، ما بالك، ما يقدرش يرزقك بحلال، تحبه ويفرحك، وكمان يبارك ليك فيه بركته الربانية ؟

دينك كامل مكتمل، مفيش حاجة في ديني ودينك الحنيف تقول ان الأغنياء نصابين او حرامية او هيدخلوا النار

حب انك تكون غني معاك فلوس كتير، تعمل بيها كل الي انت عايزه، وتفرح وتفرح الناس، وتعمل بيها اعمال خير كتير كمان تكسبك ثواب

المهم، انك تعرف انك انت..الي بتدي للفلوس قيمة

مش العكس

14 comments

  • Ahmad Al-Akhras

    February 17, 2012 at 12:37 pm

    بسم الله الرحمن الرحيم

    كالعادة أستاذ فيصل كتبت فأبدعت .. سلمت أناملكــ على هذا الطرح المميز .. وحقيقة موضوع المال قد يكون عسيرا جذبه على الكثير من الناس ,, ليس لأن قانون الجذب ليس فعالا فيما يتعلق بالمال ,, وانما لان الناس -وخصوصا في مجتمعاتنا الشرقية – لم يتلقوا التربية المادية السليمة .. بل على العكس تماما منذ صغرنا ونحن نتبرمج بشكل سلبي تجاه المال ,, يعني كما تفضلت في مقالتكـ : بأن المال هو مصدر الشرور ,, وبأن الاغنياء محتالون .. الخ ,, وطبعا كما تفضلت يا أستاذ فيصل ,, بأن أول خطوة لجذب المال والبقاء على تردد يوازي المال ويسمح للطاقة الكونية ولقانون الجذب وللعقل الباطن أن يجذب المال والوفرة والثراء هي تنقية العقل من المعتقدات السلبية التي تمنع تدفق الخير والوفرة والثراء والسعة .. لأن المعتقدات والافكار والقناعات والتوجهات العقلية هي الأساس الذي يبني عليه قانون الجذب عمله وسحره ,, أنا شخصيا أنصح – بالتأكيد تتفق معي أستاذ فيصل – أنصح بممارسة النقر والمداومة عليه .. مع ترديد العبارات المتعلقة بالخبرة المالية الذاتية – ولا بد من اعادة برمجة العقل الباطن بثقافة وخبرة مالية جديدة تعين على خلق قناعات اخرى أكثر ايجايبية فيما يتعلق بالمال – ولنتذكر دائما كما علمتنا أستاذ فيصل بأن الافكار هي المهد الذي يولد فيه مستقبل حياتنا ,, اذن فلنركز على الافكار والقناعات لانها ستكون الواقع الذي نعيشه .. اسف على الاطالة ,, وباركــ الله فيكــ على هذا الموقع الرائع وعلى هذا الشرح المميز ,, والسلام مسكـ الختام .. :))

  • صحراء 55

    February 21, 2012 at 10:51 pm

    السلام عليكم

    اشكرك على المقاله القيمة

    بانتظارك في كل ما هو جديد ومميز

    لك الإحترام والتقدير^_^

  • فيصل عبد ال

    March 5, 2012 at 5:04 pm

    ردك من أفضل ما قرأت من ردود، أشكرك على ردك الجميل والنقاشي في نفس الوقت، ان شاء الله أحداث سعيدة وجذب موفق في جميع مناحي حياتك
    فيصل عبد الواحد

  • فيصل عبد ال

    March 5, 2012 at 5:07 pm

    شكراً لمتابعتك الدائمة يا شذى

  • لولا

    May 25, 2012 at 10:51 pm

    مقاله جميله جدا

    فعلا انا امي وابويا كانو علي طول بيقولو كلام عجيب ان احنا امه وسطيه وان الحاله الماديه المتوسطه هي الافضل وان الفلوس الكتير مسئوليه خطيره وكلام يخللي الواحد يكره يكون غني

    ولما بقوللهم اني عاوزه اكون غنيه كانو يتهموني باني جشعه وطماعه ويقعدو يحبطوني

    مع اني مش مقتنعه بكده ابدا

    وفيها ايه لما يكون معايا فلوس كتير تخلليني اعمل بيها 100 حاجه

    وانا شخصيا ناويه اني لما اقدر اعمل فلوس كتير لازم ابني جامع واعمل اعمال خير كتير

  • فيصل عبد ال

    May 26, 2012 at 10:47 am

    بالظبط، المعتقدات دي الي نسبة كبيرة منها بتكون من الأهل
    بتسبب مشاكل للشخص في حياته حتى بعد ما يستقل ويكون أسرة
    ان شاء الله تقدري تحققي اللي انتي عايزاه وأكتر بإذن الله
    بالتوفيق بإذن الله

  • Anonymous

    June 13, 2012 at 2:07 pm

    السلام عليكم 

    الله بجد من اروع المقالات الي قرأتها لحضرتك

    بجد ربنا يفتح عليك ويوفقك في كل حاجة وتقدر تسعد اهلك وكل الي حواليك 

    وده اثبات لقول النبي العدنان صلَ الله عليه وسلم  خيركم خيركم لأهله وأنا خيركم لأهلي

    والفلوس ممكن تخليني أبقى أخير حد ف أهلي ليهم زي محضرتك عملت مع أختك ربنا يخليكم لبعض ويحفظكم يارب

    كمان مين قال الفلوس كترتها حرام او ماشابه ابوبكر الصديق رضى الله عنه كان من أغنى أغنياء العرب هو عمر بن الخطاب رضى الله عنه بس هم زهدو ف الدنيا واتبرعوا بأموالهم للي محتاجينها من المسلمين اما احنا طول عمرنا زاهدين او أجبرنا _رغم ان الفلوس قدامنا بس ممنوعين منها_وآن الآوان نبقى أغنيا وزي مقال نبينا الكريم تفائلو بالخير تجدوه وهل المال مش خير بالعكس بالمال اقدر انقذ بيه حياة انسان عيَان مش قادر يجيب دوا وانا شخصيا اتحطيت ف الموقف ده واحده جت قالتلي ساعديني ابني بيموت الفلوس مش وحشة اذا استخدمناها صح زي النت تمام وقانون الجذب كمان كل شيء ف الدنيا سلاح ذو حدين والدليل ان الرسول صلَ الله عليه وسلم قال الدعاء سلاح المؤمن الشاهد م الحديث كلمة سلاح وهو سلاح المؤمن صح ف حالة انو استخدمة صح بس ممكن حد يدعي على حد تبقى مشكله اظن رؤيتي واضحة وأرجو اني اكون اضفت حاجة كويسه برأيي ده وبتفق مع الاخ الي نصح بالنقر ,الحرية النفسية شيئ رائع فعلا

    للمرة التانية بشكرك ع المقالة الي لو قلت عليها رائعة ابقى ظلمتها بل هي أكثر من رائعة

    الى الأمام دائما 

    مش بتاعت القذافي لالالا بتاعتي انا دعوة م القلب 

    تحياتي صانعة الأحلام

  • فيصل عبد ال

    June 13, 2012 at 6:12 pm

    شكراً على كلامك الجميل يا صانعة الأحلام
    اتفق معاكي تماماً، لكن حبيت بس أنوه ان "تفائلوا بالخير تجدوه" ليس حديث صحيح
    وانما هو موضوع
    بالتوفيق ان شاء الله

  • Anonymous

    June 14, 2012 at 3:06 pm

    شكرا لك ع التنويه 

    بعتذر كنت فكراه صحيح  لما دورت لقيت ان في للرسول كلام تاني وهو حبه للفأل وفيما معناه قال واحسنها الفأل

    بشكرك مرة تانيه ع النصيحه

    تحياتي صانعة الأحلام

  • فيصل عبد ال

    June 16, 2012 at 11:00 am

    الشكر لله، بالتوفيق دائماً ان شاء الله

  • نور

    December 11, 2012 at 8:46 pm

    طيب أوك يا دكتور ،أنا عاوزة فلوس و فلوس كثير ؛ لأني عاوزة أحضر كورس حضرتك الشهر دااااااااا بإذن الله إللي هو كورس الجذب للفرد الواحد
    و بدرس و محتاجاه جدا ؛لأن هدفي حصل له عرقلة خارجية ،عاوزة أنا إللي أسيطر و أبعد الخوف بالإضافة لحاجات تانية ، و أنا مش معايا فلوس الكورس
    حضرتك تنصني أعمل إيه ؛لأني بجد محتاجة الكورس دا و الله العظيم
    منتظرة رد حضرتك و جزاك الله كل خير

  • amirnafsak

    December 14, 2012 at 2:12 am

    عندما يكون الطالب جاهزاً..سيظهر الأستاذ
    أو
    When the student is ready..the teacher will appear
    هذا معناه انك لست جاهزة بعد – من ناحية الوعي – لمثل ذلك الكورس
    فقط اجعلي ذلك هدفك، وستجذبيه ان شاء الله

  • فيصل عبد الواحد

    August 26, 2013 at 4:09 pm

    أشكرك،
    بالتوفيق دائماً ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close