قانون الجذب

!! قانون الجذب ده كلام فارغ

March 5, 2012 — by فيصل عبد الواحد21

main

قانون الجذب

!! قانون الجذب ده كلام فارغ

March 5, 2012 — by فيصل عبد الواحد21

قانون الجذب لا يعمل

هذه المقالة إهداء لأحد قراءي وزوار موقعي، ارجو أن تفيدك وتفيد كل القراء ان شاء الله

"بص، ما تحاولش، انا قريت كتير وحاولت كتير بقانون الجذب بتاعك ده، انا يمكن قريت فيه اكتر ما انت قريت

وكل الي حصل ان ديوني كترت وصحاب الديون طلبوها قبل معادها، ومشاكلي بقت اكتر من الأول، وحاسس ان كل حاجة خلاص اتقفلت في وشي

"ياريتني ما عرفت قانون الجذب ده يا أخي

سمعت الجملة دي كتير جداً، سواء بنفس الأسلوب ده او بأسلوب تاني، المهم، ان ده الي ناس كتير بتفكر فيه،

قانون الجذب دايماً يجيب نتايج عكسية

قانون الجذب ما بيشتغلش

قانون الجذب لا يعمل

قانون الجذب دائماً ضدي..

بص، هقولك حاجة، الوقتي لو شخص ما تعبان بتعب معين، وعشان يتعالج بإذن الله، لازم ياخد كورس علاجي لمدة 6 شهور

! لو جينا قولنا في طريقة مختصرة للعلاج والشفاء بإذن الله، انه ياخد كل الأدوية والحقن والعقاقير الطبية الخاصة بالـ6 شهور، في أسبوع

وبالفعل، بدأنا نعمل كدة، الشخص التعبان ده، هيحس بإيه ؟

بالظبط، ممكن يحس انه هيموت من كتر ضغط الأدوية والحقن، وييجي في مرحلة يقول لأ خلاص، مش عايز

مش عايز اخف خالص

مش عايز الكورس العلاجي، ولا أسبوع ولا 6 شهور انا خلاص تعبت

نفس الحكاية، مع بداية استخدام قانون الجذب، خصوصاً لو مع حد بيفهم كويس وفيه وبيقولك على الحاجات الي بتجيب تأثير قوي

لازم هتجيب نتائج عكسية في الأول، عشان حاجتين

أول حاجة انت بالخطوات الفعالة جداً دي بتختصر الوقت بشكل هائل، وتاني حاجة، انك بتصطدم بـ"مطبات" جواك وجوا عقلك الباطن، وهي طريقة التغيير وحل المشاكل نفسها

يعني عقلك الباطن متبرمج ان التغيير لازم ياخد وقت

وان حل المشاكل لازم ياخد وقت، وان المشكلة لازم تقعد مدة معينة قبل ما الحل يجيلك..لما تيجي انت، بناء على مساعدة مدرب أو شخص فاهم في قانون الجذب، تحاول تغير كل ده

هتقابل..البارادايم، الي اتكلمنا عنه كتير جداً قبل كده

عشان كده لازم يحصل مشاكل، ولازم تحصل نتائج عكسية، ولازم تحصل مقاومة

المهم..انت هتستحمل؟ ولا هتستسلم؟

يا إما تفتكر الهدف ولما هتحققه بإذن الله هتبقى ايه، وده هيديك ال"بنزين" اللي يحركك قدام وتبقى بفضل الله وحمده والصبر على العوائق، قادر انك تحقق الي انت عايزه ان شاء الله

يا إما تستسلم، وتقف، وترجع أصعب من الأول

.عشان كدة اتكلمنا قبل كدة..ان قانون الجذب سلاح ذو حدين، زي ما هو سلاح ذو حدين للمتمرس فيه، برده هو سلاح ذو حدين اللي لسه بيجربه لأول مرة

21 comments

  • Amany Rashed

    March 5, 2012 at 7:27 pm

    مااااااااشي….لما نشوف اخرته ايه معانا…اكيد خير ان شاء الله

  • صحراء 55

    March 5, 2012 at 7:49 pm

    شكرا على المقاله الرائعه

  • abdullah

    March 5, 2012 at 10:33 pm

    طب ممكن يكون لازم بالاول نتخلص من الحاجات السلبية جوانا ونحررها مثلا بالربت !

    كذا صح ولالا ؟

  • Alaa

    March 6, 2012 at 9:58 am

    شكرا على هذه المقالة المفيدة جددددداااا … ولسة نحن في حالة مقاومة الافكار السلبية .. وبرمجة الباراديم للافضل

  • فيصل عبد ال

    March 6, 2012 at 11:33 am

    اصدك الـ
    Rituals?
    في طقوس مخصصة للتحرر من المعتقدات وفي ناس بتعمل كورسات متخصصة في كدة، بل أن أحد المدربات عملت كورس للتخلص من المعتقدات السلبية في ال
    DNA !
    في حاجات كتير جداً، لكن أسلم وأفضل طريقة هي مقاومة البارادايم

  • فيصل عبد ال

    March 6, 2012 at 11:34 am

    شكراً لمرورك الجميل يا علاء، بالتوفيق ان شاء الله

  • asmaa

    March 6, 2012 at 7:53 pm

    السلام عليكم ورحمة الله وبركاتة

    شكرا على هذة المقالة

    عايزة اسال سؤال انت بتقول فى المقالة ان قانون الجذب ممكن يكون سلاح ذو حدين بالنسبة للمتمرس علية ممكن اعرف ازاى

  • abdullah

    March 7, 2012 at 2:46 pm

    اممممم .. اقدر اقول كذا انه تبين لي اشياء جديدة للتحرر من العادات والاعتقادات السلبية يادكتور .. بس فيه حاجة من عرفت هذا القانون وهو بدماغي :وهو بما ان هذا القانون سلاح ذو حدين وبيقوى مع المتمرس ويزيد.. فـ هو بنفس الوقت ممكن يكون نتيجته عكسية للمتمرسين عليه ..

    عشان كذا لاحظت من خلال الدكاترة اللي همّا اشخاص ايجابيين يحبون الخير والسلام للناس وماشاءالله قوة الجذب عندهم قوية !!بس بكذا هم حذرين جدا من اي مواقف يتعرضوا لها بحياتهم مع الناس؟.وبكذا يقل احتكاكهم غصب عنهم مع العامه ..وبكذا ممكن يكون صعل عليهم التعايش مع المجتمع لانهم ولا مؤاخذه فيهم الناس السلبيين والناس المتشائمين واصحاب المشاكل..الخ ؟؟ ايه رايك دكتور فيصل هوا صح كلامي كذا ؟

  • فيصل عبد ال

    March 8, 2012 at 1:10 pm

    بالفعل دي حاجة ممكن تكون مشكلة للمتمرس بقانون الجذب، لكن الحل ليها ان الشخص يختار يتأثر أو ما يتأثرش
    وصدقيني انتي عندك الاختيار، اذا حصل شيء يضايقك، انتي عندك اختيار من ثلاثة
    اما انك تغضبي
    اما انك تخزني غضبك بداخلك
    ..اما انك تقولي لنفسك : عادي
    مع الاستمرار سيتعجب الناس من هدوء رد فعلك مع صعوبة المواقف وكثرتها، وستكونين أنتي الأصح بينهم جميعاً عند اتخاذ القرار حتى في زمرة غضبهم من أحد المواقف
    وأيضاً..لن تغضبي ولن تخسري هدوءك، وهنا..الكل يستفيد

  • Anonymous

    March 12, 2012 at 9:18 pm

    بسم الله الرحمن الرحيم ..

    ابدعت كالعادة استاذ فيصل ,, سلمت أناملك على هذا الطرح المميز ,,, كما ذكرت لنا سابقا بأن قانون الجذب كان ولا زال وسيبقى في حالة عمل دائمة ,, هذا القانون لا يبدأ من لحظة معرفته ولا من اللحظة التي يختار فيها الشخص أن يقوم بتطبيق هذا القانون ,, وللأسف فان الناس تستعمل هذا القانون في غير صالحها رغم سهولة الاستفادة منه _ من وجهة نظري المتواضعة _ الا ان القناعات والبرامج التي اعتاد عليها الناس هي الاساس الذي يجعلهم يجذبون الاحداث والظروف السلبية في حياتهم ,, بارك الله فيك على هذا الطرح المميز وجزاك عنا كل خير ,, وجعله في موازين حسناتنا وحسناتك ..

  • فيصل عبد ال

    March 14, 2012 at 3:22 pm

    شكراً لمرورك الجميل يا أستاذ أحمده، اتفق معاك في كلامك جداً، بالتوفيق ان شاء الله

  • nidaa

    March 31, 2012 at 1:42 pm

    كلام جميل تسلم

    التخلص من السلبية هو التزود بالطاقة الايجابية الي هي عن طريق الوضوءالدائم، الصلاة ، قراءة القران والذكر والادعية الكثيرة التي يزيد من قوة الايجابية ويخلص الجسم من كل السلبية، لاحظت ان الاشخاص الذين يقرون القران كل يوم كون لديهم طاقة ايجابية ويحس به الشخص المقابل عند احساسه بالهدوء والسكينة والراحة هذا يدل على ماعنده من طاقة ايجابية وهذا يثبت صحىة الكلام من تزود بالطاقة الاايجابية من كثرة الطاعات وايضا لاننسى صلاة الليل ففيها فوائد نفسية وجسمانية كثيرة

  • nidaa

    April 6, 2012 at 7:46 pm

    انا من تجاربي الشخصية لما اتعرض لموقف من وجودي بين ناس سليبين ومااكثرهم، ابتسم في وجوهمم واعطي ايعاز للعقل الباطن ان تفكيرهم غلط، ماهي الا لحظات حتى يهدا الجو، ويحس الشخص انه على خطا او يبدا بالسكوت، وهذا محتاج تتدرب عليه وهي كله من مدى القوة الايجابية الي تمتلكه الي ينطيك القوة انك تنتصر على الطاقة السلبية الي موجود امامك وتحاول تغيره او تخمده

  • نانا

    September 17, 2012 at 6:41 am

    مقال مفيد استاذي اللع يعطيك العافيه
    وأنا بقرأ المقال خطرت ببالي فكرة ابما انه القانون مع بداية العمل فيه ه يجذبلي مشاكل
    في البدايه خفت من الفكره دي انها تصبح اعتقاد راسخ ويفضل القانون يجيبلي مشاكل..
    لكن ممكن  كمان العب مع عقلي فهو ها يجيبلي العكس تماما
    انته مش قلت في احدى مقالاتك ان  في طريقه اننا نحاول نجذب نقيض الهدف الي احنا عاوزينه
    طيب ممكن نستخدم الخوف في حالات زي بالطريقه دي
    يعني لو انا خايفه ان قانون  يشتغل في البدايه بطريقه عكسيه
    اقوم بتطبيق قانون الجذب على الفكره دي  فيحصل العكس
    ينفع الكلام دى يا استازي؟؟ 

  • فيصل عبد ال

    September 17, 2012 at 11:13 am

    ينفع يا نانا لكن ليه اللفة الطويلة دي؟
    تحرري واعملي الطريقة الثالثة اسهل بكتير

  • tamara

    March 12, 2013 at 10:33 am

    موقع جدا رائع

  • فيصل عبد الواحد

    March 13, 2013 at 3:48 pm

    اشكرك على كلامك الجميل
    ان شاء الله تستفيدي دائماً

  • هوا شامي

    April 26, 2013 at 3:26 am

    اخيرا وصلت لشي رائع على النت معلومات لا تقدر بثمن الله يبارك ليك يارب

  • فيصل عبد الواحد

    April 29, 2013 at 12:52 pm

    اهلاً بك
    اشكرك على كلماتك الجميلة
    ان شاء الله تستفيدي دائماً
    تحياتي لك

  • Judy Aly

    August 25, 2013 at 4:44 pm

    يارب

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close