main

قانون الجذب

قانون الجذب والأشخاص والبيئة

July 27, 2011 — by فيصل عبد الواحد16

متوسط دخلك هو متوسط دخل أقرب 5 أشخاص اليك..!

دي معلومة، وحقيقة، واحصائية..

لكن ليه؟ ايه وجه العلاقة، الـ

Cause and effect

زي مالقائمين على الدراسة بيقولوا..غير واضح..

غير واضح السبب، ليه متوسط دخل الشخص يساوي متوسط دخل أقرب 5 أشخاص ليه..

تفتكر ليه ؟

بما أنك راجل قاري وفاهم قانون جذب..

تفتكر ليه ؟

بالظبط..

قانون الجذب..

ناخد مثال، لو واحد دخله قليل..

واحد من صحابك، بيتكلم دايماً كالآتي:

اللي جاي على أد الي رايح..

يادوب عايشين بالعافية..

انا مصروفي على أدي (لو كان طالب)..

المرتب يادوب بيكفي (لو ماكانش طالب)..

من النحية التانية..مديرك المباشر في الشغل:

الشغل كتير..

مفيش موظفين كفاية..مفيش ميزانية نشغل موظفين..

انت شغلك مش عاجبني..

لازم كلنا نشتغل أكتر عشان نواجه ضغط الشغل..

من النحية التالتة، خطيبتك أو حبيبتك:

بص احنا ما نجيبش عفش غالي عشان بص، يعني نعيش على أدنا برده..

ولو عملت العكس..ممكن تحسسك بالعجز، انها تقولك العفش لازم يكون بأد كده..والشبكة بابا وماما مش هيرضوا بأقل من كده..وانت ظروفك كدة..لازم تشوفلك حل..

من النحية الرابعة..أنتيمك يقولك :

انا اضطريت اشتغل أي شغلانة كده عشان أقضي مصاريفي، يلا أهو أي حاجة والسلام احسن من مفيش..

ووالدك أو والدتك من النحية الأخيرة :

البلد حالها واقف..

مفيش شغل..

البلد بتخرب..

انا يادوب بصرف على اخواتك..

تتوقع كده، يكون دخلك انت وظروف معيشتك ايه ؟ حتى لو كنت مستقل بنفسك، وبتشتغل في شركة او مكان عمل مالوش أي علاقة بيهم..

كل الناس دي من غير ما يعرفوا، بيعملوا رد، او قوة جذب سلبية، أو قانون جذب عكسي، كل المصطلحات دي مساوية لبعضها وده الي هنعرفه بعد كده ان شاء الله في مقالة تفصيلية عن القوانين الفرعية لقوانين الجذب..

كل واحد فيهم، لا شعورياً، ساهم في الوضع الي انت فيه الوقتي..

وانت كان ليك الدور الاكبر، انك سمحت لنفسك انك تستوعب وتمتص كل المعلومات الي بتتقالك، وكل الكلام الي بتسمعه، سمحت لنفسك انك تتخيله..

في ميزه ، وعيب في نفس الوقت للعقل الباطن، انك دايماً اما تشوف أي مشهد، تتخيل نفسك مكان البطل..عشان كده دايماً في أفلام السينما، انت بتنفعل جدا مع الأحداث وتطور الخط الدرامي..عشان لاشعوريا، بتبقى شايف نفسك انك انت البطل.. انت ممكن كمان بعد كده تتخيل نفسك في دور البطل ده بعد كده..

نفس الحكاية بتحصل – لا شعوريا – لما تسمع كل الكلام السلبي ده، ولما تتحكالك كل الظروف والمشاهد الكئيبة دي..

ما تسمحش لحد انه يحددلك ظروفك..

ما تسمحش لحد انه يقولك كلام سلبي..

المرة الجاية لما حد يقولك أي كلمة سلبية..

وقفه..

قوله لو سمحت..

ما تحكيليش عن ظروفك، حتى لو لنفسك..الكلام عن المشكلة بيكبر المشكلة..لكن الكلام عن الحل بيخليك تعرف الحل فين..

ما تحكيليش عن ظروفك..

ولو ضروري هيحكيلك..الكلام الي يتقالك، خده واضحك جواك وهو بيتقالك..

ودايماً اسأل نفسك السؤال الي كلمتك عنه المقالة الي فاتت..

ازاي احول الحكاية دي لشيء ايجابي..

تعامل مع المشكلة وهي بتتحكالك، كإنها بتتحكالك عشان تحلها.. مش عشان تعيش فيها..

الشخص ده بيحكيلك مشكلته عشان تحلها..مش عشان تشاركه في انك تعيشها معاه..

المرة الجاية..حاول تبعد بقدر الإمكان عن الناس الي كل شغلها الشاغل انها تحكي المشاكل وتعيشها..

ولو ضروري..

حد يحكيلك مشكلة..

عشانك..قبل ما يكون عشانه..

ركز على الحل، ما تركزش على المشكلة..

إزاي بقى تغير الحقيقة الي قلتلك عليها في اول المقالة..

انك تبدأ تجذب ليك بإذن الله..ناس فرحانة..ناس أغنياء..ناس ظروفهم أحسن من الناس الي حواليك..

مابقولش ليك ما تكلمش الناس الي حواليك تاني..

بس زي ما هما جذبوا ليك الوضع الي انت فيه – لو كانت ظروفك مش عاجباك – انت تقدر تجذب ليهم وليك، الوضع والظروف الي انت عايزهم..

بإنك تعيش دايماً فرحان..بإنك تشوف نفسك حواليك ناس كتير فرحانة، وناس كتير أغنياء..وناس كتير عايشة الحياة الي بيحلموا بيها..

وشوف الناس الي حواليك دول..في ظروف أحسن..

في حال أحسن..

يعني الوقتي الي عليك..3 حاجات..

انك تجذب ليك ناس جديدة..معارف جديدة..أغنياء وظروفهم أكتر راحة من الناس الي حواليك..

انك تجذب للناس الي حواليك، ظروف احسن وحال احسن..وتشوفهم وتعملهم المعايشة ان ظروفهم أحسن..

انك تبعد بقدر الإمكان عن الكلام عن المشاكل، ولو ضروري، اسمعها بغرض حلها، اسمعها كإنك بتتحكالك المشكلة عشان تحلها، مش عشان تشاركهم في حمل الهم..

ودايماً خليك مصدر الفرحة لكل الي حواليك..

ومصدر السعادة، ومصدر كل الإيجابية..

شوف نفسك بتشع فرحة وسعادة وحب وايجابية لكل الناس..

شوف الناس بتجيلك عشان تفرح..

وصدقني..هتجذب ليك ولحواليك..

كل الفرحة..

وكل الحب..

أتمنى المقالة تكون عجبتك، وأشوفك المقالة الجاية ان شاء الله.

16 comments

  • اميره جوهر

    July 30, 2011 at 10:58 pm

    الموضوع دا انا مؤمنه جداااااااااااااااااااااااا به

    من جاور السعيد يسعد

    وفعلااااااا دايما كل مجموعه بتكون متقاربه جداااااااااااااااا لبعضها فى الطباع او المستوى او التفكير

    الجميل اننا نعدل من نفسنا

    ونختار اللى يعدلنا

    تسلــــــــــــــــــــــــــــــم

  • amir nafsy

    July 31, 2011 at 1:54 am

    اتمنى تكون المقالة عجبتك ولمست حاجات جواكي اقنعتك بيها أكتر

    تحياتي، وبالتوفيق ان شاء الله

  • nidaa

    April 2, 2012 at 8:40 am

    هذا الشئ صحيح بالنسبة لالي دايما احس ان طاقتي تنفذ لما ناس يحكوا عن مشاكلهم باستمرار احس اني على كاتفي عبئ ثقيل وانا من ناحيتي احاول اتجنب الناس الي يحكوا بالسلبية بس واحاول اساعدهم قدر الامكان حتى ولو بنصيحة او استشارة بسيطة وادخل غرفتي واسمع موسيقى هادئة واعمل جلسة استرخاء او تامل او صلاة وتسابيح. لما حد يحكني ويشتكي وانا بسمع بكل هدوء بيقولي انك مش عايشة معانا خالص ولاتعرفي اي شئ ن واقع بقول لهم انا ماعندي وقت افكر او احلل واتعب تفكيري وقتي كله مقسم طوال الليل والنهار ماعندي وقت اتضايق او او افكر ان الدنيا ظلمة وان وجودنا شئ زايد.

  • فيصل عبد ال

    April 2, 2012 at 5:17 pm

    طريقتك مثالية يا نداء،
    أنصحك بعدم الالتفات لآراء الناس، من مشى على هوى الناس..مشى على هوا
    بالتوفيق ان شاء الله

  • حنان

    June 18, 2012 at 10:54 am

    اريد ارتاح  ………… وبس

  • فيصل عبد ال

    June 22, 2012 at 12:14 am

    ان شاء الله يا حنان تجدي الراحة وتحققي اهدافك بإذن الله
    بالتوفيق بإذن الله

  • صحراء 55

    June 26, 2012 at 5:11 pm

    السلام عليكم 

    مقاله رووووووووووووووووووووووووعه الله يعطيك العافيه

    الفرح الحقيقى ان تصدق ان الله
    سبحانه وتعالى يحبك فى كل وقت

  • فيصل عبد ال

    June 27, 2012 at 7:06 pm

    وعليكم السلام ورحمة الله وبركاته
    ازيك يا شذى
    شكراً على كلامك الجميل، اه بالفعل
    اذا أدركت ان الله معك في كل حين
    وانك انت اللي بتغفل عنه
    هتدرك معنى كلمة التوكل على الله
    شكراً لكلامك مرة تانية وبالتوفيق ان شاء الله

  • shaima

    July 19, 2012 at 6:41 pm

    *

    بس زي ما هما جذبوا ليك الوضع الي انت فيه – لو كانت ظروفك مش عاجباك – انت تقدر تجذب ليهم وليك، الوضع والظروف الي انت عايزهم..

    بإنك تعيش دايماً فرحان..بإنك تشوف نفسك حواليك ناس كتير فرحانة، وناس كتير أغنياء..وناس كتير عايشة الحياة الي بيحلموا بيها..

    وشوف الناس الي حواليك دول..في ظروف أحسن..

    في حال أحسن..

    يعني الوقتي الي عليك..3 حاجات..

    انك تجذب ليك ناس جديدة..معارف جديدة..أغنياء وظروفهم أكتر راحة من الناس الي حواليك..

    انك تجذب للناس الي حواليك، ظروف احسن وحال احسن..وتشوفهم وتعملهم المعايشة ان ظروفهم أحسن.. فيصل عبدالواحد

     

    جمييييييييييييييييييييييييل جدا استاذ فيصل رائعة هذه الكلمات اسال الله لك التوفيق

  • shaima

    July 19, 2012 at 6:42 pm

    *صراحة هاي المقالة فادتني هواية هواية لاعرف ماذا افعل مع الناس السلبيين الذين حولي

    شكرا جزيلا لك

  • nidaa

    July 20, 2012 at 10:10 am

    هذا الي انا بعمله طول الوقت الحمدلله بكوم مصدر حب وخير للكل الي حولي ولو غبت يوم الكل يسال عني وبكون دائما مصدر تفاؤل للكل الناس الي بعرفهم

  • فيصل عبد ال

    July 20, 2012 at 11:21 am

    شكراً على ردك الجميل يا شيماء
    ان شاء الله تعجبك وتفيدك باقي المقالات انتي وكل الزوار
    بالتوفيق والفرحة لك دائماً ان شاء الله

  • فيصل عبد ال

    July 20, 2012 at 11:22 am

    سعيد انك استفدتي يا شيماء
    ان شاء الله تستفيدي اكثر من تطبيقها بإذن الله
    بالتوفيق لك بإذن الله

  • فيصل عبد ال

    July 20, 2012 at 11:26 am

    جميل يا ندا
    ان شاء الله تكوني اكتر من كدة وحبك ينتشر بين الناس
    بالتوفيق لك دائماً ان شاء الله

  • نانا

    September 18, 2012 at 9:11 am

    استازي الممقال مفيد جدا وجميل وممتع
    وحسيت بأمل عندما قراته لأبدأ من جديد مع ناس جديدين
    ونفسيه جديده ورؤيا جديده فالبدايات دائما مشجعه لكن بعد انهيت المقال شعرت بالألم والوجع
    لما آلت اليه الأمور في حياتي وكانني كنت منومه ولسه نايمه زي ما قلت في مقاله ليك
    اتوجعت اوي واتخنقت وكنت حابكي استازي انا تبرمجت من 12 سنه على حاجه معينه ورؤيا ليست رؤيتي
    ولا رغبتي بدأت امي بالحكايه ديه بأفكارها وتوقعاتها الى ان وصل عندها الى اعتقاد راسخ ووصل لدرجة الأيمان وكانت لما بتزعل مني تدعي عليه بيه وانه هكذا  سيكون مستقبلي طبعا الظروف كانت دائما تخدم توقعاتها هذه وليس لي بها اي دخل سوى
    انني تبرمجت دون علم مني على  ان هذا ما سيحدث
     من كتر ما كنت بسمع كلامها وبتاثر فيه وبتالم منه وبقاومه وكان بيزداد جوايا لدرجة انني كنت السنين الي فاتت دي
    اتخيل انه لو حصل الي بتقول عليه هيحصل ايه (يعني بعمل معايشه من غير ما اعرف )
    وكده تبرمجت وجذبته لنفسي
    لمدة 12 سنه وانا بجذب فيه وعرفت ذلك بعد ان قرات بالبرمجه وقانون الجذب وكمان فوق
    كل دى اخواني واخواتي اتعدوا وعندهم الايمان دى
    وبيعاملوني على هذا الأساس بكل تصرفاتهم وكلامهم ونظراتهم
    وانا احيانا بعامل نفسي على هالأساس لكن غصب عني
    انا آسفه طولت عليك لكن الموضع ده اكتر حاجه مأثره على حياتي وللآن اعاني منه ازاي اقدر
    احل المشكله دي ولو حليتها من طرفي ازاي احلها عند عيلتي وانا اعيش بينهم ازاي اامنع جذبهم للحاجه ديه ليه
    انا اسفه جدا اني طولت بالشرح  ودي اول مره اتكلم بالموضوع دى لحد بس حسيت
    انك حتفهمني وتقولي اعمل ايه  وايه الطريقه المناسبه لحالتي شكرا جزيلا لك من  اعماق قلبي

  • فيصل عبد ال

    September 18, 2012 at 10:34 am

    اهلاً يا نانا
    عارف الاحساس انه صعب ويضايق
    لكن صدقيني الحل سهل جداً بإذن الله
    انتي نفسك قولتي ان كل ده جواكي
    ولازم تبدأي بنفسك الأول
    صدقيني أول ما اللي حواليكي يلاحظوا تغييرك
    هما كمان هيتغيروا ان شاء الله
    انصحك بالتركيز على مقالات التحرر، زي حرق المعتقدات وسيدونا
    تحياتي ليكي، وان شاء الله تعملي كل اللي انتي عايزاه قريب واشوفك في قصص النجاح
    بالتوفيق ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close