قانون الجذب

قانون الجذب !

December 24, 2012 — by فيصل عبد الواحد24

main

قانون الجذب

قانون الجذب !

December 24, 2012 — by فيصل عبد الواحد24

قانون الجذب

غريب العنوان..مش كدة؟

عشان عنوان عام شوية

أو يمكن مش غريب خالص

في الأول والآخر أمير نفسك..موقع عن قانون الجذب بوجه خاص

اتكلمت كتير جداً عن بدايتك في قانون الجذب

وعملت صفحة خاصة ليها

لكن مازالت الأسألة كتير بتجيلي

أبدأ إزاي

فقررت اعمل سلسلة بسيطة مختصرة على قد ما أقدر

تاخدك واحدة واحدة من أول الطريق لغاية ما تقدر تعمل اللي انت عايزه ان شاء الله

في البداية

عايز أطمنك

من مميزات قانون الجذب، سواء انت صدقته

أو ما صدقتوش

اعتقدت فيه

أو لم تعتقد فيه

لازم هيأثر عليك بإذن الله

سواء بالسلب أو الايجاب

ايه ده..أمال ليه دايماً المدربين يقولوا انك لازم تكون مصدقه عشان تشوف نتيجة

ودايماً أما كنت اشتكي اني مش شايف نتيجة

يقولولي جواك شك ناحية قانون الجذب وأقول اه فعلاً

بعتذر ليك لكن ده غير صحيح

ممكن يكون بعض المدربين بيقولوا كده عشان يبرأوا نفسهم من سوء أو انعدام نتائج تدريباتهم

لكن انا بقولك وبإذن الله وفضله

سواء انت معتقد او غير معتقد فيه وفي صحته وجدواه

لكن اللي ممكن يأثر في "نوع" النتائج سواء سلبية او ايجابية

هو معتقداتك تجاه نفسك

لكن خلينا ما ندخلش في باب المعتقدات

عشان انا وعدتك انها تكون سلسلة مختصرة بإذن الله

جميل..ايه هو قانون الجذب بقى ؟

قانون الجذب - باختصار برده - هو كل اللي فكرت فيه مرة قبل كدة

او فكرت فيه كتير

وكل اللي انت حسيته مرة قبل كده

أو حسيته كتير

وكل اللي اعتقدته زمان

او اعتقدته الوقتي

هتشوفه في حياتك، ان ما كنتش بتشوفه بالفعل بإذن الله

طب ليه ؟

استنى قبل ما تقولي ليه..يعني ايه مرة أو كتير ؟

يعني اي فكرة فكرت فيها حتى وانا صغير هجذبها بإذن الله

آه بالفعل..وده اللي كنت عايز اكلمك فيه في مقالة تانية

عن أضرار النقد والسخرية

اللي مبدأها ان أي نقد هتنقده

وأي سخرية هتسخرها

والأخطر من كدة ان أي -رأي- هتقوله

لازم هتجذبه في حياتك مرة تانية ان شاء الله

برده عشان ما اتوهكش معايا في السلسلة المختصرة

خلي الكلام ده لموضوع تاني

كنت بتقول ليه؟

أو بمعنى أصح..إزاي؟

إزاي..لأن مش بس أي جسمين "ذوي كتلة" بينهم قوة جاذبية زي ما قال نيوتن

لكن برده أي طاقة بدون كتلة مادية تتمتع بنفس قوة الجاذبية بالفعل بإذن الله

ده ليه..طب إزاي؟

ازاي، بواسطة طاقة الجذب المتبادلة بين الفكرة او الهدف، ومرادفها في العالم المادي

عن طريق مسارات الطاقة

اللي بتكون مقفولة بالطاقة "السلبية" وعايزك تفتكر اني وضعت كلمة سلبية دي

بين علامتين تنصيص

لما ييجي وقتها هقولك ليه ان شاء الله

هو ده قانون الجذب

وهو ده تفسيره

طيب لما الحكاية بسيطة كدة

ليه الوقتي لما افكر في

ألف جنيه

ما بلاقيش ألف جنيه تجيلي ولا بجذبها ؟

مش بقول أي فكرة بفكر فيها مرة او كتير

هجذبها برده ان شاء الله؟

انت فعلاً هتجذبها..لكن انت ناسي حاجة مهمة جداً

انت فكرت فيها ألف جنيه

لكن وصلت للعقل الباطن إيه؟

ده اللي هنتكلم عليه أكثر المقالة الجاية ان شاء الله

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

24 comments

  • samasemo

    December 24, 2012 at 10:18 pm

    مستنين البوست الجديد على احر من الجمرررررررر

  • دانية

    December 25, 2012 at 11:42 am

    السلام عليكم دكتور أتمنى أن ترد على تساؤلاتي إذا تكرمت
    و جزاك الله خيرا

  • شروق إيماني

    December 25, 2012 at 5:44 pm

    جزاك الله كل خير
    منتظراك يا دكتور بظغذن الله
    و الله بجد اللهم لا اعتراض أنا تعبت جدا من إللي بيحصل
    شوية الأمور تبدأ تتحسن
    و فجأة ترجع تان تسوء و بمرور الوقت بتسوء أكثر مش عارفة ليه!

  • lola

    December 25, 2012 at 6:19 pm

    حمد الله علي سلامتك يا استاذ فيصل

    شكرا جزيلا علي المقاله
    ومنتظره اجابه السؤال اللي في آخرها

    بس هو ممكن تكون الاجابه
    "ان انا فكرت في الالف جنيه لكن وصلت للعقل الباطن العوائق اللي انا معتقده انها هتخلليني مش هقدر احققها مثلا "

  • ابتسام س

    December 25, 2012 at 6:54 pm

    شكرا جزيلا مدربنا الفاضل
    اشتقنا لمقالاتك الرائعة والمفيدة
    وأكيد الكل يستنا في المقالة القادمة
    تقبل تحياتي وشكري الجزيلين

  • amirnafsak

    December 26, 2012 at 10:32 am

    تم وضعه بالفعل
    اعتذر على التأخير
    ان شاء الله يفيدك
    تحياتي لك وبالتوفيق بإذن الله

  • amirnafsak

    December 26, 2012 at 10:33 am

    وعليكم السلام ورحمة الله
    بالفعل تم الرد يا دانية،
    اعتذر على التأخير
    تحياتي لك وبالتوفيق بإذن الل

  • amirnafsak

    December 26, 2012 at 10:34 am

    تم الرد يا شروق
    تحياتي لك وامنياتي بتحسن الأمور بإذن الله

  • amirnafsak

    December 26, 2012 at 10:34 am

    اهلاً يا ليلى
    اشكرك على كلماتك الجميلة
    افضل ان تكون الاجابة في المقالة القادمة كي تكون اشمل بإذن الله
    تحياتي لك وامنياتي الشخصية بالتوفيق بإذن الله

  • amirnafsak

    December 26, 2012 at 10:35 am

    اهلاً يا ابتسام
    اشكرك على كلماتك الجميلة
    ان شاء الله تستفيدي دائماً من المقالات
    تحياتي لك، وبالتوفيق بإذن الله

  • نسرين

    December 26, 2012 at 10:41 am

    شكرا على المقالة استفدت منها
    لازم اي شي اريده عقلي الباطن يقتنع به انا
    راح احصل عليه

  • دانية

    December 26, 2012 at 5:41 pm

    شكرا جزيلا دكتور والحمد لله على سلامتك
    فقط لدي سؤال أخير هل تنصحني بالتنازل حاليا عن الالتحاق بالجامعة بسرعة أي في أقرب وقت
    لأن علي أن أسافر بعد عشرين يوما
    أنا الآن تخلصت من الضغوط و أشعر بهدوء و اطمئنان وثقة أكثر فهل احدد وقت ام لا

    أتمنى نصيحة منك من واقع تجربتك

  • دانية

    December 26, 2012 at 11:44 pm

    عفوا دكتور
    هل أستعد للجامعة مثلا أشتري أغراض السفر و أتصرف كما لو أني اعتمدت بالفعل
    و هل هناك مشكلة من تصفح موقع الجامعة من وقت لآخر
    أمر آخر أريد أن اخبرك عن ماذا فعلت بالضبط من باب التأكد
    تحررت من كل شيء تقريبا و أواظب على المعايشة
    و أعرف بالتحديد ماذا أريد
    هل هناك شيء آخر علي ان أفعله

  • صحراء55

    December 28, 2012 at 1:51 pm

    السلام عليكم

    ربي لا يحرمنا من هذا السطور
    الذهبي يعطيك الف عافيه
    على المقاله الرووووووووووعه مشكور
    ^_^

  • amirnafsak

    December 30, 2012 at 7:36 am

    اهلاً يا نسرين
    اشكرك على الرد
    بالتوفيق بإذن الله

  • amirnafsak

    December 30, 2012 at 11:32 am

    اهلاً يا دانية
    انصحك بالابتعاد عن تحديد الوقت حالياً
    كي تتخلصي من الضغوط تماماً
    تحياتي لك
    وبالتوفيق بإذن الله

  • فيصل عبد الواحد

    December 30, 2012 at 11:34 am

    اهلاً يا دانية
    على حسب شعورك، ماذا ستشعري عندما تفعلي كل ذلك ؟
    وبالنسبة للسؤال الآخر
    داومي على ذلك بإذن الله

  • دانية

    December 30, 2012 at 5:22 pm

    هل تقصد شعوري عندما أفكر في الجامعة و أستعد لها
    أشعر بالحماس و الخوف قل بشكل واضح وأهلي أيضا بدؤوا يتقبلون فكرة الدراسة بالذات أمي
    أشعر فعلا أنني أفضل بكثير من السابق
    متفائلة جدا
    فقط تبقى خطوة التقديم في الجامعة
    لكنني لا أريد أن أؤجل يا دكتور لان التأجيل يعني 8 أشهر أخرى
    هذا ولد لدي خوف لكنني تحررت منه أيضا
    أتمنى أن تشير علي
    لأنني لا أريد أن أضيع الفرصة
    متأكدة من أنك منشغل بأمور كثيرة و أأسف على الإزعاج و الأسئلة التي لاتنتهي
    لكنني و الله أشعر بأن الله دلني على هذه المدونة ليتحقق هدفي بإذن الله
    و إذا كان هناك طريقة أفضل بالنسبة لك من المدونة لمساعدتي أتمنى أن تدلني عليها

  • amirnafsak

    December 31, 2012 at 10:44 am

    فقط يا دانية تحرري سواء تأجيل أو عدمه
    تحرري من رغبتك في الأمر كلياً
    وقت او غير وقت
    وان شاء الله تتحسن الأمور

  • amirnafsak

    December 31, 2012 at 10:45 am

    لا انصح بالتنازل
    ولكن انصح بالتحرر من كل ضغط تضعيه على نفسك
    سواء ضغط الوقت او ضغط الرغبة او الخوف من الفشل..أو أي ضغط آخر

  • amirnafsak

    December 31, 2012 at 10:45 am

    ما الذي تشعري به عندما تفعلي ذلك يا دانية؟

  • amirnafsak

    December 31, 2012 at 10:49 am

    وعليكم السلام
    اهلاً يا شذى
    اشكرك على كلماتك الجميلة
    ان شاء الله تجدي ما تحبيه دائماً
    تحياتي لك

  • دانية

    December 31, 2012 at 11:56 am

    لا تنصحني بالتنازل
    ربما أنك لا تستطيع ان تحدد لي
    لكن هل هناك اناس حققوا أمورا صعبة في وقت وجيز
    على العموم الذي فهمته أنه علي أن أتحرر من كل شيء و أطبق الخطوات الثلاث و ما أحمل هم نهائيا و الباقي على رب العالمين و هذا ما سأفعله
    شكرا دكتور من الأعماق
    أسأل الله ان يجزيك عني خيرا
    و بإذن الله ابشرك قريبا بتحقق مرادي

  • amirnafsak

    January 5, 2013 at 7:38 am

    بالتوفيق ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close