التنمية البشرية العامة

كاريزماتك 2

October 11, 2012 — by فيصل عبد الواحد16

main

التنمية البشرية العامة

كاريزماتك 2

October 11, 2012 — by فيصل عبد الواحد16

اتكلمنا المقالة اللي فاتت عن ازاي تبقى شخص..كاريزماتك

الناس بتحب تكون حواليك

رأيك بيأثر عليهم

حتى لو لسه سامعينه الوقتي من حد غيرك

ومعارضينه

ما حصلش قبل كده حاولت تقنع شخص بحاجة

وما قدرتش، وقعدت تقول هو مش عايز يقتنع

وفجأة لقيته بيقولك انا خلاص هعمل كذا

وتلاقيها نفس الحاجة اللي انت قايله عليها

لما تسأله، طب ما انا لسه كنت بحاول اقنعك ايه اللي غير رأيك

يقولك أصل قعدت مع "..." وكلمني شوية عن الموضوع ولقيت ان "رأيه" صح

عارف احساسك وقتها بتبقى عايز تعمل ايه لما تسمع كلمة "رأيه" دي

النهاردة مع الجزء التاني

ولسه بنتكلم عن الكلام

وقفنا عند رابع حاجة

وهي أن الشخص اللي عنده كاريزما

بيختار كلماته كويس جداً

لأنه قبل ما يقولها بصوت، بيقولها في دماغه

لأنه زي ما قولنا قبل كده بيتكلم ببطئ

فبياخد وقته في مراجعة الكلام

بيصيغ الكلام في طريقة ودية أكثر منها عملية

يعني بدل ما يقول للموظفين عنده، بكره عندنا اجتماع مهم

يقولهم بكره هنقعد مع بعض

حتى الفكرة اللي في دماغه بتبقى كدة، قبل ما يبدأ ندوة أو أمسية مثلاً تتضمن باور بوينت"داتا شو" ما بيفكرش في أنه

هيعمل بريزنتيشن

لأ بيفكر انه هيقدم حاجات ممتعة جداً وهيشاركها مع الناس بإذن الله

تفكيره كده..طريقة كلامه كدة..بيقول الكلام بالطريقة

اللي الطرف التاني يحب يسمعها

خامس حاجة في الكلام

لا يناقش فشل الآخرين، وده مهم جداً

وما بيتريقش على اللي حواليه

ممكن اذا اتريقت "قولت كلام يضحك على أحد الأشخاص" تضحك الناس فعلاً

ويحبوا يكونوا معاك

لكن وقتها هيحبوا يكونوا معاك..عشان يضحكوا

هتبقى انت البهلوان بتاعهم

مناقشة فشل الآخرين لا يدل الا على التكبر، وحب الانتقاد

وحتى اذا حد سألهم عن رأيهم في فشل شخص ما

ما "بيحكمش" بيقول عادي كلنا بنغلط

ويتكلم عن الجانب الايجابي اللي عمله في قصته

وبكده، يكون هو الوحيد في المجموعة، اللي جاب حاجة جديدة

لأن كلهم بيتكلموا عن الجزء الفاشل في تجربة شخص ما

وهو الوحيد..اللي بيتكلم عن الجزء الناجح

سادس نقطة..أنهم مع ذلك، بيعترفوا بفشلهم

ما بيخافوش من حكم الناس - فاكر ؟- عشان ما بيحكموش على حد

ولما بيشاركوا تجاربهم وأخطائهم

بيزيدوا في نظر الناس أكثر

رغم ان ده ما بيبقاش قصدهم..لكن ده اللي بيحصل

آخر حاجة، النقطة السابعة

هي أن الشخص ده، بيبص في عين اللي بيتكلم معاه

وبيركز عليها جداً وهو بيتكلم

ما بيبصش في أي مكان تاني، سواء كمحاولة للهروب من نظرات العين

او لأنك غير مهتم بالكلام

طبعاً في نقط كتير تانية، زي عدم المقاطعة في الكلام، السماح لغيرك بالنقاش، عرض المساعدة في النقاش

لكن كلها نقط معروفة، واغلبها تتبع مهارات الاتصال الفعال، أكتر منها في الكاريزما والتأثير

التصرفات

الشخص الكاريزماتك، بيسيب كل حاجة في ايده وهو بيتكلم مع أي حد

ما بيبصش في الساعة

ما بيلعبش في الموبايل

ما بيخلصش الشغل وهو بيتكلم بحجة "معاك معاك..أنا سامعك

لأنه عارف ان الحكاية دي تضايق، لأنها اتعملت معاه قبل كده

ولأن هدفه انه ما يسببش ألم للناس، بغض النظر عن "استحقاقهم" له، لكنه بيكلم كل الناس كأنه معاهم هما بس

الحاجة التانية هنا

ان الشخص الكاريزماتك..اللي الناس بتحب دايماً تكون حواليه

بيوزع نظراته على الأشخاص في المجموعات

ما بيركزش على شخص واحد بس

ممكن اكون بتكلم مع شخص ما في نقطة

وعند الجزء في الحوار اللي بقول فيه رأيي

أو بقول حجة أقوى من حجته

أبص للناس التانية في المجموعة، واعمل ايماءه بالقبول

يعني احرك دماغي كإني بوافق على حاجة

وبعدين أحول نظري بسرعة على الشخص اللي بتكلم معاه

وده بيخليهم بشكل تلقائي يكونوا معايا في أي نقطة بتكلم فيها

ثالث شيء هنا، ان الشخص الجذاب، ما بيعملش نفسه مهم

ما بيقولش المواعيد اللي وراه ولا الأشغال اللي لازم يخلصها

ما بيعملش أي حاجة عشان "يظهر" أنه مهم

لأنه واثق في نفسه

وما يهموش..الناس تشوفه ازاي

الوقتي في نقطة مهمة جداً، وما حبيتش أقولها في الكلام، حبيت اقولها في التصرفات

عشان تكون تصرف في طبيعتك

هي ان الشخص ده، دايماً بيتكلم عن نجاحات الناس

ويديهم حقهم جداً

ويقدمهم للناس ويشكر فيهم

أقولك على حاجة..ماحدش بيزهق من المدح

المهم ما يكونش نفاق

امدح الحاجات الجميلة اللي غيرك عملها، وامدحها من قلبك واتكلم عنها وعن الشخص اللي عملها

سواء قدامهم نفسهم أو من غير ما يكونوا موجودين

المقالة طولت مني جداً..أنا عارف

عشان كدة..هنكمل المقالة الجاية ان شاء الله

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

16 comments

  • tooootaa

    October 11, 2012 at 1:16 pm

    *ماشاء الله تبارك الله عليه . مقالاتك جدااا رااائعه

    لاحظت ان الاشخاص اللي يتمتعو بكاريزما وتاثير كبير على الاخرين .. يكونو واثقين من نفسهم ثقة عااااااالية مع تقبل تام للذات وهدوء داخلي وبنفس الوقت يكونو جداا متواضعين مع جميع فئات المجتمع

    وفعلا طريقة التحدث لها اثر كبير في نفوس الاخرين
    من فتره كنت اتناقش مع صديقتي حول موضوع معين وكانت جدا متحيزه لرايها وكنت اسمع لها باهتمام واحرك راسي بمعنى الايجاب
    رغم اني كنت اتحرق عشان اعبر عن رايي لكن انتظرت وبعدها قلت  انا معاكي بهذه النقطة لكن …. وقلت رايي
    وفعلا غيرت رايها بسرعة وصارت معاي على نفس الرأي
    وطريقة الدكتور طارق الحبيب في التحدث مرييحه جدا يعطي كل كلمة حقها وبنمط معين ووعي واحساس بكل كلمة ينطقها
    وفعلا كثير من الناس تاثرت فيه
    من بعد اذنك
    وتوجد تقنية تساعد على ضبط طريقة التحدث اسمها 
    slow talk
    هي تقنية من تقنيات العلاج المعرفي السلوكي للقلق الاجتماعي
    طريقتها : ان الشخص يوميا لمدة نصف ساعة يقرا  اي شي من كتاب مثلا وببطء ويعطي كل كلمة حقها وطريقة القراءة تكون ببطء وبصوت مسموع وواضح
    وهذا التدريب يكون لمدة اسبوعين والافضل ان زادت المده
    ونستخدمها في المواقف اللي ممكن نحتاجها فيه وخاصة عند التحدث امام مجموعة كبيره من الناس

    وانتظر مقالتك القادمه على احر من الجمر .. ويعطيك العافية

  • دعاء ح

    October 11, 2012 at 2:36 pm

    *راااائع كالعادة

     تسلم

    جزاك الله خير

  • mohamed

    October 11, 2012 at 4:56 pm

    شكرا جزيلا استاذ فيصل للمجموعة الرائعة والمختلفة للافكار والمواضيع اللي بتقدمها واكيد الحاجة  االمختلفة بتدي باذن الله حاجة مختلفة 

    وعند ي استفسار

    الشخص الكاريزمي هو جذاب ولكن هل هو جاذب بامر الله كمان ؟

    انا اتوقع نعم وايه رأي حضرتك

    وجزاك الله كل الخير

  • lola

    October 11, 2012 at 5:56 pm

    الف شكر يا استاذ فيصل

    ومنتظره  بقيه مقالاتك بفارغ  الصبر

  • shaima

    October 11, 2012 at 6:48 pm

    *حلو كثير كلامك استاذ فيصل عن جد استمتعت وانا بقرا كل كلمة

    وماكنتش واخذه بالي من نقاط كثيييييييير

    الاهتمام بالناس اهملته اخر فترة لدرجة لم يعد شخص مهم في الحياة

    مركز كتير على اهدافي ودراستي وشغلي

    ربنا يقدرني اخلي حالي كارزما

    ولكن الجملة التي استوقفتني في المقالة

    ازاي اخلي الشخص يقتنع براي في حين هو معارض لراي

    ازاي

    ممكن توضحلي اكثر حضرتك

    ومشكور جدا يا استاذ فيصل وتحياتي لك

     

  • فيصل عبد ال

    October 11, 2012 at 9:20 pm

    اهلاً يا توتة
    اشكرك على كلامك الجميل
    ورأيك الأجمل
    يسعدني بالطبع أن تشاركي بما تحبينه
    تحياتي لك وان شاء الله تستفيدي دائماً
    بالتوفيق لك دائماً بإذن الله

  • فيصل عبد ال

    October 11, 2012 at 9:21 pm

    اشكرك على كلامك الجميل يا دعاء
    تحياتي لك، وأمنياتي بالتوفيق ان شاء الله

  • فيصل عبد ال

    October 11, 2012 at 9:24 pm

    اهلاً يا محمد
    اشكرك على كلامك الجميل
    لا بالعكس يا محمد
    مش لازم اطلاقاً
    عشان كده ممكن تلاقي ناس ناجحة جداً في حياتها
    رجال أعمال، مليونيرات، مليارديرات
    لكن يفتقروا لأي قدرة على الكاريزما، ودايماً يهاجموا آراء الناس الآخرين
    ويسخروا منهم، ويحاربوهم كمان
    تحياتي لك وبالتوفيق ان شاء الله

  • فيصل عبد ال

    October 11, 2012 at 9:26 pm

    ان شاء الله تفيدك دائماً يا ليلى
    تحياتي لك وبالتوفيق ان شاء الله

  • فيصل عبد الواحد

    October 11, 2012 at 9:27 pm

    اهلاً يا شيماء
    اشكرك على كلامك الجميل
    عشان تقنعي حد “دائما” ما يعارض
    يبقى تبدأي كلامك معاه ب:
    نعم..ولكن
    صحيح..ولكن
    جميل جداً..كلامك جميل، ولكن أيضاً
    هذه الجمل ترخي كل دفاعاته في المعارضة
    وعندما يسمع “التقدير” تلقائياً يبدأ في التفكير في رأيك
    تحياتي لك، وبالتوفيق ان شاء الله

  • صحراء55

    October 12, 2012 at 7:01 pm

      مقاله اكثر من رائعه

    ومشكورررررعلى هذا المقاله

    ^_^

  • فيصل عبد ال

    October 12, 2012 at 9:13 pm

    اهلاً يا شذى، اشكرك على كلامك الجميل
    ان شاء الله تعجبك كل المقالات
    بالتوفيق لك ان شاء الله

  • baro

    February 14, 2013 at 12:33 am

    جزاك الله خير


    سبحان الله والحمدلله ولا اله الا الله والله اكبر

  • فيصل عبد الواحد

    February 15, 2013 at 3:49 pm

    بإذن الله، اشكرك على كلامك الجميل
    بالتوفيق بإذن الله

  • baro

    February 16, 2013 at 12:10 am

    **جزاك الله خير

  • فيصل عبد الواحد

    February 24, 2013 at 10:54 pm

    لا مشكلة، بالتوفيق ان شاء الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close