التنمية البشرية العامة

كاريزماتك 3

October 12, 2012 — by فيصل عبد الواحد32

main

التنمية البشرية العامة

كاريزماتك 3

October 12, 2012 — by فيصل عبد الواحد32

المرة اللي فاتت اتكلمنا، أو وقفنا عند اننا نمدح الآخرين

ونمدحهم بصدق، مش نفاق

لأن حتى لو انت شايف الحاجة دي قليلة

هو مش شايفها قليلة، وإلا ماكانش عملها

وإلا ماكانش قالك عليها

يبقى يستحق المدح

اعط الناس ما يحبون سماعه - بحق - يعطوك ما يحبون أخذه

حكمه افهمها واذا طبقت الجزء الأول منها هتلاقي الجزء التاني

تلقائي

النهاردة هنتكلم ان شاء الله عن حاجة مهمة

لغة الجسد

وهنا لازم ناخد بالنا من حاجتين، اكيد انت مش محتاج اني اقولك

ان تواصلك من الناس، حوالي 93% منه لغة جسد، سواء نبرة الصوت أو حركات الجسد

أكيد انت عارف ان الكلمات بتمثل 7% بس

لكن في حاجتين لازم ناخد بالنا منهم - زي ما لسه قايلك الوقتي

أول حاجة..انك ما تقيدش جسمك وانت بتتكلم

ما تحاولش تقيد إيدك، ما تحاولش تفكر انك لازم تتكلم وانت مربع إيدك

أو مكتفها جمبك

ممكن تكون الحاجة دي مفهومة

لكن الجزء اللي ماحدش يعرفه كتير، اللي هو الحاجة التانية

ان ما "تبالغش" في لغة الجسد

اللي بيفهم..وغالباً نسبة كبيرة من الناس

هيعرف ان المبالغة في حركات الإيدين

والجسم

والإيماءات الجسدية، المبالغة في كدة كتير

يعني انك..مش واثق من نفسك

أو مش قادر تعبر على اللي جواك كويس

وصدقني، انت مش عايز تكون في أي حالة من الحالتين دول

المفروض، ان لغة جسدك "تتماشى" مع الكلام اللي بتقوله

واتفقنا اننا نتكلم ببطئ

فتكون لغة جسدنا بطيئة نوعاً ما

ومتماشية مع الكلام اللي بنقوله

آخر حاجة، كل شخص، شايف نفسه - أو على الأقل المفروض يشوف نفسه - انه مهم جداً

فعامله بنفس الطريقة دي

البنات لما بتسأل بعضها، انتي ايه اللي بيعجبك في خطيبك ده

: ساعات كتير أوي تسمع

بيحسسني أن أنا أهم واحدة عنده

بيحسسني أني ملكة الدنيا دي

تخيل..بس تخيل

اذا كل الناس اللي كلمتهم

حسوا كدة ؟

مش معنى كدة انك تجامل، أو تنافق، لكن معنى كده انك تبقى "مهتم" بكل كلمة بيقولوها

ومش تمثل انك مهتم..لأ تبقى مهتم فعلاً

لأنك عارف انهم مهتمين، وعشان كده بيحكوها ليك

الوقتي هقولك حاجات بسيطة تساعدك في انك تكون شخص جذاب

* ما تخافش من أنك تعارض، قول رأيك وحتى اذا كان هيعارض كل اللي في المكان

* ما تقلدش الناس !

* ما تهاجمش أي حد سواء بكلام أو تريقة - سخرية بالمصري

* دايماً شوف نفسك، وانت بتتخيل نفسك او بتشوف أي حاجة في عقلك، بالصورة اللي انت عايز تكونها..اللي هي، شخص جذاب لكل اللي يعرفه، وبرده اللي ما يعرفوش

بعد كل ده عايز اقولك اهم حاجة

ما تعملش أي حاجة من اللي فات، في أي مقالة من التلاتة

عشان "تسعد" الناس

!!

آه بالظبط، اللي قلتهولك، عشانك انت، عشان انت تعيش الجو والفرحة والسعادة دي

ولما انت تعيشها

هتنتشر حواليك..والنتيجة هتحصل بشكل تلقائي

زي ما بالظبط بنقول في سيدونا، ما تتحرش عشان تجذب..

اتحرر..بإذن الله

أتمنى تكون السلسلة عجبتك، وكانت بمثابة استراحة قصيرة من قانون الجذب والطاقة

..تحياتي ليك، أتمنالك حياة مليئة بالجذب

.والجاذبية

اعمل كل اللي فات عشانك انت، وهتلاقي النتيجة

 

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

32 comments

  • mohamed

    October 12, 2012 at 7:38 am

    فعلا نعمل كل ده عشان انفسنا مش عشان نسعد الناس 

    والصراحة انا كثير عانيت من محاولاتي اسعاد الناس بطرق عديدة وكله كان على حسابي وحساب حياتي

    وده كلام عن تجربة لحد ماصار تلقائي 

    والان الحمدلله  ابتديت افهم واعرف ليه انا كنت بتصرف كده والحل صار معايا 

    سيدونا الرائعة للتحرر من كل هذه المشاكل

    باذن الله

    مقالة موفقة استاذ فيصل

  • dede

    October 12, 2012 at 12:54 pm

    نايز استاد فيصل !!!!!

     

  • صحراء55

    October 12, 2012 at 7:08 pm

    السلام عليكم

    بجد المقاله روووووعه

    وطرح اكثر من رائع

    وتستحق الف شكرا على هذا المقاله ^_^

  • lola

    October 12, 2012 at 7:14 pm

    الف شكر يا استاذ فيصل ع النصايح القيمه دي

    وعقبال بقيه المقالات

    منتظراها بفارغ الصبر

  • jilo

    October 12, 2012 at 7:39 pm

    السلام عليكم  دخلت اليوم للموقع قرات المواضيع الثلاث الخاصة بالكاريزما كلمة كاريزما مقترنة عندي بالمغناطيس 

    اشكرك على هده السلسلة  عن موضوع الكاريزما الدي تطرقت اليه بطريقة سلسة و مميزة

    متمنياتي لك بالتوفيق و من نجاح الى نجاح اكبر ان شاء الله

    ملاحظة : ان قمت ان شاء الله بزيارة لمصر لن اجد صعوبة في التحدث باللهجة المصرية مع الاشخاص هناك و الفضل يعود لمقالاتك

  • دعاء ح

    October 12, 2012 at 7:44 pm

    *شكرا استااذ فيصل

    استاذي..طيب لما احنا بنهتم ممكن حدا يستغل هاد الشي وياخدنا وحهته لشكاويه وكدا مضرة ليا مش منفعة..فكيف احافظ على شخصية كارزمية في هيك حالة؟

  • سوووما

    October 12, 2012 at 8:57 pm

    مش عارفة اشكرك اد ايه دكتوور على سلسلة المقالات المفيدة جدا وعلى تلبية طلب العديد منا الي كانو فعلا محتاجينه انا ان شاء الله حأركز على كل صفة على حدة 

    شكرا جزيييلا لك

  • فيصل عبد ال

    October 12, 2012 at 9:12 pm

    اشكرك على كلامك الرائع يا محمد
    ان شاء الله تستفيد دائماً وتعيش حياة سعيدة
    وان شاء الله قريباً كورس على الكاريزما الشخصية

  • فيصل عبد ال

    October 12, 2012 at 9:12 pm

    اهلاً يا ديدي
    تحياتي لك، وأشكرك على ردك
    بالتوفيق ان شاء الله

  • فيصل عبد ال

    October 12, 2012 at 9:14 pm

    وعليكم السلام ورحمة الله وبركاته
    اشكرك يا شذى، تحياتي الخاصة لك على متابعتك الدائمة
    وبالتوفيق لك بإذن الله

  • فيصل عبد ال

    October 12, 2012 at 9:14 pm

    كدة سلسلة الكاريزما انتهت يا لولا،
    ان شاء الله هنتكلم عن قانون الجذب والطاقة مرة تانية
    تحياتي ليكي وبالتوفيق بإذن الله

  • فيصل عبد ال

    October 12, 2012 at 9:15 pm

    وعليكم السلام ورحمة الله
    اهلاً يا جميلة
    اشكرك على كلامك الجميل، وان شاء الله تشرفي مصر
    تحياتي لك وبالتوفيق ان شاء الله

  • فيصل عبد ال

    October 12, 2012 at 9:16 pm

    اهلاً يا دعاء، مش قادر افهم السؤال للأسف، ياريت توضيح أكثر

  • فيصل عبد ال

    October 12, 2012 at 9:17 pm

    بالتوفيق بإذن الله يا سوما
    اشكرك على الرد

  • rony

    October 13, 2012 at 5:03 pm

    حلوين كتير

    في ناس بالفطرة بتصرفو متل هيك وفي ناس بدن تدريب

    اكتشفت عندي خطأين لازم بعد عنهم

    التكلم بسرعة

    وعدم الاهتمام اذا الموضوع مايهمني

    فعلا انت اكتر من رائع

     

  • دعاء ح

    October 13, 2012 at 5:06 pm

    *بقصد استاذي.. لما انا اهتم لامور الاخرين كتير من الاحيان بصير الشخص ياخد عليا ويشتكيلي همومو(بالرغم اني اركز له عالحل دائما)ولكن يستمر يالشكوى بحجة الفضفضة.. فهل مطلوب مني لابقى شخصية كارزمية استمر للاهتمام لامره؟

    اليست سلبته تؤثر علي ويفهم اهتمامي غلط يعني يفهمها اني للفضفة فهو يرتاح وانا اللي اتضايق من سلبيته.. فكيف احافظ عشخصية كارزمية بهيك موقف؟

  • Anonymous

    October 13, 2012 at 9:34 pm

    *مقاله جميله جداً  بارك الله فيك بالنسبه لسيدونا محتاجه شرح اوضح يعني كيف اتحرر هل اتخيل انها هواء يخرج من الجسم او ايش يعني

  • فيصل عبد ال

    October 13, 2012 at 10:57 pm

    اهلاً يا روني
    اشكرك على كلامك الجميل، ان شاء الله تكوني كما تحبي دائماً
    تحياتي لك وبالتوفيق بإذن الله

  • فيصل عبد ال

    October 13, 2012 at 10:58 pm

    يمكن أن تدعيه يحكي، ولكن لا تتأثري بما يقول
    ودائماً عندما يركز على المشكلة "أنا حدث لي كذا وكذا..وصرت كذا و كذا" فكري أنتي في :
    "يمكن أن يفعل كذا و كذا"
    "بإمكانه أن يكون كذا.."
    عندما تفكري في الحلول ولا تنغمسي في السلبيات التي يحكيها لك
    لن تتأثري ولكن هناك نقطة
    اذا انغمس الشخص السلبي في سلبياته اكثر
    ورغم محاولتك ان ترفعي من طاقته، وأصر على ذلك
    فنصيحتي لك ان تبتعدي عنه فوراً
    على قدر ما يمكن ان يكون هذا صعباً
    لكن سيكون مريحاً للطرفين
    تحياتي لك، وبالتوفيق بإذن الله

  • فيصل عبد ال

    October 13, 2012 at 11:01 pm

    أياً كان، المهم ان تشعري بالفعل – وتلك الحقيقة – ان ذلك الاحساس موجود بداخلك
    لأنك "تمسكتي" به لفترة كبيرة جداً
    وحان الآن الوقت…
    أن "تفلتيه"

  • Queen86

    October 14, 2012 at 12:35 pm

    بجد استمتع وانا اقرا هالمقالات الثلاث وارد اقراهم م جديد وبديت احطهم فنقاط وامشي على هالكلام المفيد فحياتي وكل ما اشوف الفرحة فعيون غيري واتذكر ان هالشي تفضل الله ثم بفضلك

    ربي يسعدك استاذ وتحياتي لك دائما

  • فيصل عبد ال

    October 14, 2012 at 5:19 pm

    اهلاً يا كوين
    اشكرك على كلامك الجميل
    ان شاء الله تسعدي دائماً بإذن الله وتسعدي كل من حولك
    تحياتي لك مع اطيب امنياتي بالتوفيق

  • اسيل

    October 14, 2012 at 10:35 pm

    *كلام روعه..والحمدلله ان في حاجات من اللي كتبتها في شخصيتي بالتعامل مع الغير..لكن للاسف  من كتر صدماتي بالناس بدات اعاملهم بنفس طريقتهم حتي لو هيا غلط.. 

  • اسيل

    October 14, 2012 at 10:37 pm

    *استاذ فيصل ازاي اتخلص من شعور الحقد ..اتمنا اشيل كل غل وحقد من قلبي..هل فيرطريقه وتطريب نفسي لها

  • فيصل عبد ال

    October 15, 2012 at 2:15 am

    اهلاً يا أسيل
    اشكرك على كلامك الجميل
    لكن، اذاً أنت تغيري طريقة حياتك..من اجل شخص لا يستحق ؟

  • فيصل عبد ال

    October 15, 2012 at 2:15 am

    سيدونا يا أسيل

  • اسيل

    October 15, 2012 at 8:11 pm

    *اااااخ من سيدونا ههههههه (انا اساسا مش عايزه افهم سيدونا زي ما انت بتوصي)بس شكلي بعملها غلط

  • فيصل عبد ال

    October 16, 2012 at 8:24 pm

    بتعمليها ازاي وبتحسي بإيه يا أسيل ؟

  • baro

    February 14, 2013 at 1:06 am

    *جزاك الله خير

  • فيصل عبد الواحد

    February 15, 2013 at 3:49 pm

    اشكرك
    بالتوفيق ان شاء الله

  • baro

    February 16, 2013 at 12:11 am

    **جزاك الله خير

  • فيصل عبد الواحد

    February 24, 2013 at 10:54 pm

    لا مشكلة، بالتوفيق ان شاء الله..

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close