قانون الجذب

لسه نايم ؟

May 24, 2012 — by فيصل عبد الواحد41

main

قانون الجذب

لسه نايم ؟

May 24, 2012 — by فيصل عبد الواحد41

قانون الجذب
قانون الجذب

المقالة دي كان المفروض أكتبها من زمان جداً

عشان بدأت الجزء الاول بتاعها من فترة،،اتكلمت فيه عن الناس

اللي بتمشي..وهي نايمة

مش قصدي اللي عندها مرض المشي أثناء النوم

لأ أصدي الناس اللي عايشة

نايمة

النهاردة زي بكره

بكره زي امبارح

امبارح زي النهاردة

النهاردة زي سنتين فاتوا

مقالة النهاردة يمكن مش متعلقة أوي بقانون الجذب، أنا بقالي فترة مركز على قانون الجذب

فشوفت ان الوقت ده مناسب اني أركز عليك انت

ما تخافش، مش هحاول ألومك في المقالة دي

زي ما ناس كتير بتعمل

مش هقولك انت هتفوق امتى بقى

مش هقولك انت عاجبك حالك اللي انت فيه ده

ولا هقولك شوف اللي زيك بقوا ايه

لا لا..مش هقولك كل الكلام السلبي ده

ما تقلقش

أنا متأكد انك سمعته قبل كده كتير

ومتأكد أكتر انك بقى عندك مناعة فولاذية ضده

وحتى لو ما سمعتوش قبل كده

انا مش هقولك كدة

لأن الضرب على الجرح، على ما أعرف في عالم الطب

هيخلي الجرح أعمق، وهيسبب ألم أكبر، وممكن الحالة تتفاقم

لكن أنا عايز اسألك - لو انت كنت من الناس الي عايشة في حياتها نايمة

قبل ما أقولك هسألك ايه

ممكن تكون بتسأل انت نفسك الوقتي وتقول

طب أعرف ازاي انا كده

لو حد سألك انت بتقضي يومك في ايه، قولت مش عارف

أو حسيت ان، رغم انك بتفضل صاحي فترة كبيرة من اليوم

مش أقل من 10 أو 15 ساعة

بس لو حد سألك السؤال ده

انت بتقضي يومك إزاي

قولت..مفيش

يبقى انت فعلاً كده

الوقتي خليني أسألك السؤال اللي كنت عايز اسأله ليك من شوية

أنت عايز ايه من الحياة دي ؟

بس من غير كلام عام، او بمعنى أصح

كلام عايم

مش فاهم

يعني هدفك ايه..؟

أكيد هدفي اني ابقى كويس واعيش حياة حلوة وكدة

لأ انا قلتلك من غير كلام عايم

عادي يعني نفسي يبقى معايا فلوس واشتغل واتجوز زي كل الناس

زي كل الناس..؟

وعادي يعني..؟

راجل جميل جداً قال مرة..المشكلة مش في الناس تحقق أهدافها ازاي

المشكلة..في أن الناس تعرف اهدافها من البداية

ما ينفعش تدخل سباق من غير ما تكون عارف خط النهاية فين

ولا خط النهاية ايه

ولا خط النهاية فيه ايه

ولا انت اصلاً دخلت السباق ده ليه

لازم تعرف انت عايز ايه من حياتك

اهدافك بالتحديد ايه

هدفي من الناحية المادية اني خلال سنة أبقى كذا

وخلال سنتين أبقى كذا

وبعد 5 سنين ان شاء الله أكون بقيت كذا

ومن الناحية الاجتماعية كذا

وأشتغل كذا

وأعمل كذا

اعرف انت عايز ايه..اعرف انت فعلاً عايز تعمل ايه

مالكش دعوة هتعمله ازاي

الأول اعرف عايز ايه

وبعدين نتكلم في هتعمله ازاي

هات ورقة و قلم وابدأ اكتب انت عايز ايه، حدد أهدافك في الحياة

فوق

اصحى، وما تقولش الكلام ده سمعته كتير

الكلام ده لو كنت سمعته كتير وما عملتوش يبقى المشكلة فيك انت

مش في الكلام

اعرف فعلاً انت عايز ايه واكتبه

ولما تكتبه وتركز عليه

لازم..صدقني لازم

عن تجاربي الشخصية وتجارب كل الناس اللي دخلت أمير نفسك

وتجارب كل الناس الي دربتها شخصياً

وتجارب كل الناس الي ساعدتهم بشكل أو بآخر في قانون الجذب بفضل الله وحده

وحتى تجارب الناس اللي اتعلمت منهم

لازم..هتظهر فكرة، هتظهر حاجة قدامك تجيبلك فكرة

امسكها..امسك الفكرة دي واكتبها

وهتلاقي بيتفرع منها أفكار تانية

وكل فكرة بيتفرع منها طرق

وهتلاقي في الآخر انك بقى معاك خطة أولية

ولما تبدأ تنفذ أول خطوة في الخطة دي لازم هتجذب المرحلة اللي بعدها ان شاء الله

اقعد مع نفسك وشوف بتقضي يومك ازاي..خصوصاً لو كنت شاب متخرج ما بتشتغلش

صدقني..والله، وأنا عمري ما حلفت في مقالة ليا قبل كده

انت تملك، أنت تقدر تعمل كل الي انت عايزه، لو بقى معاك 3 حاجات

اليقين التام بالله

هدف

الرغبة الحارقة للوصول ليه

الرغبة اللي تقويك اذا وقعت، اللي تقولك لأ دي مش نهاية الدنيا

اسأل نفسك سؤال عشان تعرف فعلاً الهدف ده انت عايزه أوي ولا لأ

مستعد تفضل 3 أيام ورا بعض صاحي ما بتنامش عشان تحققه

مستعد تركز عليه لدرجة انك تنسى تاكل في يوم من الأيام

تقدر تخلي الهدف ده يتملك من كل ذرة من كيانك

لو فعلاً كدة..وعندك يقين تام بالله

يبقى هشوفك قريب ان شاء الله

في قصص النجاح

41 comments

  • صحراء 55

    May 24, 2012 at 10:01 pm

    السلام عليكم

    روعه ماشاء الله

    سلمت يمناك على المقاله

    بجد الله يعطيك  الف عافيه

    مشكورررررررررررررر ^_^

  • رهف

    May 24, 2012 at 10:32 pm

    روعه بارك الله فيك

    ^_^

  • Ghada

    May 24, 2012 at 11:17 pm

    مقال ممتاز كلعاده

    انا ليا سئال تاني يا دكتور
    خايفه قانون الجذب  ياثر علي الانتخابات
    كل الناس بتقولي عاوزين اي حد الاااااااااااااا شفيق
    يقوم بقي قانون الجذب يروح شايل كلمه الا ويبقي الرئيس هو شفيق
    ؟؟؟؟؟؟؟؟؟؟؟؟؟؟؟؟
    تفتكر مكن يحصل
    ربنا يستر

  • فوفو

    May 25, 2012 at 3:42 am

    تدري يا استاذ المشكلة وين ؟ مو في اننا ما نعرف وش اهدافنا .. المشكلة في ان

    فينا كسل مو طبيعي .. ما ادري من وين جاي .. بالرغم من اننا متعلقين بالهدف بشكل غير طبيعي فكريا

    لكن لمن يجي وقت التطبيق يجي خمول و كسل غير طبيعي ..

     

    انا عن نفسي عارفة وش ابي لكن لمن اجي ابي ابدا اطبق

    يجيني كسل وخمول غير طبيعي لدرجة طفشت خلاااص وش هالكسل

    و المرات إلي ابدا فيها .. استمر شهر وبعدين اوقف فترة … وبعدين ارجع اقوم

    وهكذا … وش الحل مع هالخمول ؟؟

    لا تقول لي لازم تشجعين نفسك .. انا شجعت نفسي لكن لسى في حلقة مفقودة مني عارفة وينها

    اقولك خمول مو طبيعي زي كأني ابغى انام

  • فوفو

    May 25, 2012 at 3:43 am

    و على فكرة مقالة مرة جميلة شكرا لك

  • nidaa

    May 25, 2012 at 9:05 am

    مقالة حلوة فيها معاني كثيرة يباريت الي يقراها يحاول يطبقها لان فعلا مثل ماقلت نسبة كبيرة من الناس عايشين مايعرفوا ماذا يرديون ان يحققوه، لما حاولت ان اغير شغلي وبدات رحلة معاناة كبيرة لانه الشغل الي كنت اريده كان في مدينة اخرى وكان لازم اسافر كثير واتعب كثير مع ذلك ماستلمت لحد فعلا قبلت في الوظيفة الي كنت بسعى اليها وتعجب ناس كثيرين من موقفي ولي تركت وظيفة حكومية ،لما سالتهم لان طموحاتي كثيرة ولان امكانياتي كثيرة واستطيع ان اعمل اشياء اخرى ولاننني اريد ان اعمل في شئ احبه واحقق ذاتي فيه لم يفهمني احد، مايزال يكرر نفس السؤال كلما قابلني احد، لماذا تركت وظيفة مضمونة وعملت في مجال اخر، وانك خسرت كثير وماينحسب لك خدمة، بس المفاجاة ان البرنامج الي كنت بعمل به، كان ناجح جدا لدرجة تبتنه الحكومة، وطلبوا منا نستمر في العمل في تدريبهم. يعني اجت نتائج حلوة ومثمرة، مع ذلك لايزال نفس السؤال يتكرر، معناه ان اكثرية ااناس تعيش وتكتفي بالقليل وكلمة طموحات غير موجودة في قواميسهم.

  • فيصل عبد ال

    May 25, 2012 at 9:14 am

    وعليكم السام ورحمة الله وبركاته
    شكراً على ردك الجميل يا شذى، جميل ان المقالة عجبتك واستفدتي منها
    بالتوفيق ان شاء الله دائماً

  • فيصل عبد ال

    May 25, 2012 at 9:14 am

    شكراً على ردك الجميل يا رهف
    بالتوفيق ان شاء الله

  • فيصل عبد ال

    May 25, 2012 at 9:14 am

    شكراً على ردك الجميل يا غادة،
    وبالنسبة للانتخابات، شفيق في المركز التاني بالفعل !

  • فيصل عبد ال

    May 25, 2012 at 9:18 am

    اهلاً يافوفو ازيك
    لأ مش هشجعك وأقولك لازم واستمري
    بس لو عرفتي مصدر المقاومة ونوعها
    المفروض انك تقدري تتعاملي معاها اكتر
    الكسل او الخمول، أبسط صورة من صور مقاومة البارادايم، المفروض تكوني فرحانة ان ما بتحصلش مشاكل تانية
    والأمثلة هنا كتير، في ناس اتعرضت لحاجات كتير جداً أثناء تحقيق أهدافها
    الخمول، هو نفس نوع المقاومة زي الشعور الرهيب بالجوع لما حد يحاول يتبع حمية غذائية
    أو الشعور بالصداع الفتاك لما يحاول يبطل تدخين
    كلها مقاومة وشعور زائف مسئول عنه البارادايم
    بس اسألي نفسك سؤال
    لو كنتي من أول مرة حاولتي تحققي هدفك فيها
    ما كسلتيش
    كنتي هتبقي ايه الوقتي بإذن الله؟
    بالتوفيق دائماً ان شاء الله

  • فيصل عبد ال

    May 25, 2012 at 9:20 am

    اهلاً يا نداء ازيك
    بالظبط، ناس كتير بتحب الرد السهل للأمور
    وممكن جداً لما يبدأوا يحققوا اهدافهم
    ويلاقوا مقاومة من أي نوع ويستسلموا
    عشان ما يشعروش بالندم بعد كده يقولوا لنفسهم
    كده كده كنت هفشل
    لو أيقنتي بحسبي الله ونعم الوكيل
    وتحركتي نحو هدفك
    مفيش اختيار بين النجاح والفشل
    هي نتيجة واحدة بس
    النجاح بإذن الله

  • Anonymous

    May 25, 2012 at 9:22 am

    ان شاء الله بتكون المقالة صحتنا من نومنا..انا عندي تفاؤل بس المشكلة ما يستمر ع طول وانا بحقق هدفي مش عارفة ليه..وعم احاول اتغلب ع المشكلة دي..يا ريت تكتبلنا مقالة يعني كيف بدنا نعطي لانفسنا قوة في الاستمرار واحنا بنحقق هدفنا..وسلمت يمناك ع المقالة روعه استاذنا يعطيك العافية

  • scarlett

    May 25, 2012 at 11:58 am

    لأ انا ماني نايمة …, أنا فئت من لما اتعرفت على هالموقع
    بس عم بنعس من فترة لفترة ومن لما فئت والحرب شغالة عندي
    شكرا كتيييير الك دكتورنا فيصل مقال رااااااائع جدا وحماسي فعلا
    نحنا بحاجة لهيك مقالات كل فترة حتى ما نرجع ننام من جديد …..
    متل ما قالت فوفو مشكلتنا الكسل والخمول الفظييييع
    وهو اللي عم يقضي على اي أثر للرغبة ,يعني انا مثلا احيانا بحس
    وكأن في حدا ماسكلي ايديي وكأني مقيدة ما بئدر اعمل اي شي …!!!
    شعور غرييييب كتير ومززززعج !!!! بعرف انو هي مقاومة
    ومع ذلك بجبر حالي كرمال اني اكسر البارادايم و أد ما كنت كسلانة
    بقوم بعمل خطوة حتى لو كانت صغيرة كتير
    وشعاري دائما (واحد افضل من الصفر) بس المشكلة الحقيقية مو هون ,
    المشكلة انو هلأ نحنا اوكي منعرف شو هي اهدافنا تماما
    وكتبناها وعم نشتغل عليها بس ما عم نشوف نتائج …
    هالشي بيخلينا نتكاسل اكتر ونسأل حالنا
    (يا ترى المشكلة فينا او نحنا طلبنا ما ليس يطلب ….؟؟)
    دائما بحس انو في حلقة مفقودة…
    وكل يوم جديد عم قرب من الموعد اللي حددتو لتحقيق هدفي ولسّا
    ما في اي اثر لهدفي !!!
    والوقت عم يمر واليوم اللي عم يروح ما عاد يرجع
    مسألة الوقت بالذات عم توترني كتييييييير
    بس اكيد ما بستسلم ابداااااا ورح ضل ورا اهدافي حتى حققها
    ان شاء الله (على فكرة الصورة اللي بالموضوع كتير حلوة
    ومهضومة وعم تعبر عن الحالة)

  • فوفو

    May 25, 2012 at 7:16 pm

    فعلاً صحيح كلامك استاذ فيصل شكرا لك

    انا حآليا بديت اعمل اشياء علشان اقدر اواجة فيها الخمول وما يمنعني

    من اني احقق إلي ابية شكرا لك

  • فيصل عبد ال

    May 25, 2012 at 7:39 pm

    لاحظت ان جملة "مقاومة البارادايم بكل ما تملكه" مش مفهومة فعلاً لناس كتير
    ولازم أوضح المعنى ده أكتر للناس
    ان شاء الله قريب مقالة عن المفهوم ده، لأن الناس بتخلط بين المقاومة الداخلية والمقاومة الخارجية

  • فيصل عبد ال

    May 25, 2012 at 7:41 pm

    شكراً على ردك الجميل يا لمى
    بفضل الله كل اللي حضر الكورس التدريبي عرف ازاي
    يقدر يخلي مقاومة البارادايم صفر
    ان شاء الله هرفع أرائهم في الكورس قريب بإذن الله
    شكراً مرة تانية على كلامك الجميل
    ومبسوط ان المقالة – والصورة – عجبوكي، وبالتوفيق دائماً ان شاء الله

  • فيصل عبد ال

    May 25, 2012 at 7:43 pm

    شكراً على ردك الجميل يا فوفو، بالتوفيق بإذن الله دائماً

  • Abdullah

    May 25, 2012 at 7:57 pm

    مساء الخير مساء التميز 

    انا برضه ردي ده غير وبدماغي حاجه غير اللي كنت عليه بالأول 

    فاللي بقوله هو غير العاده كيف اجذب 

    لكن اللي حصل  ٣ حاجات اليوم ده وهي : حاجه مهمه جداً وعامله علي حمل من سنوات 

    وكأن علامات الانفراج بدت تظهر. 

    الثاني هو شبيه لقصتك مع التذاكر بالمترو. وهي أني كنت زمان أخذ محلول دواء وكان بيجي معه 

    قطعه.انا كنت ارميها ماحتاجها.الان بعد ٨سنوات رجعت للدواء أخذت اول علبة

    فتحتها بس ماحصلت القطعة بعد ماشتريت علية ثانية موجودة القطعة فيها. بعدين فجأة 

    حصلت القطعة الاولى بالسيارة. 

    الحاجة الثالثة  أني بديت كذا افكر واسترجع حاجات قديمة  وهي أفكار سلبية 

      وتفكير بحاجات سلبية كنت شفتها من خلال صحف وتلفاز وعارف أنتا الشخص لما يعرف 

    القانون والجذب يسترجع أشياء ويفكر بيجذب إيه ويطرد فكرة إيه 

    وساعات بقول لا دي أفكار عابرة ونادر يحصل كل شي 

    مع العلم أني اختار الإيجاب 

    فياليت اعرف  بالضبطالماضي السلبي لما يحضر ببالنا نتعامل معه أزاي 

    وأخيرا اتمنى أخذ دروس معاك أون لاين او مسجلة عالايميل بس يكون 

    صوتي معاك لحاجتي للأسئلة احيانآ 

    لانه وصلني إيميل منك بس للأسف انا لسه ببداية تعلم الانجليزية 

    ماعرفت الاشتراك والتسجيل بكامل خطواته

    مع خالص التحية 

  • لولا

    May 25, 2012 at 8:31 pm

    كلامك جميل جدا يا دكتور فيصل

    انا كنت هتجيلي نوبه بكاء من المقال ده ومسكت نفسي بالعافيه عشان اهلي مايخدوش بالهم مني

    انا نفسي اكون حاجه كبيره أوي

    من الاخر كده من زمان  من حوالي 5 سنين وانا نفسي اكون مليارديره 

    اه بجد نفسي ولما كنت بقول كده لحد حتي اهلي كانو يفضلو يتريقو ويضحكو علييا

  • لولا

    May 25, 2012 at 8:34 pm

    الا هو يا دكتور فيصل في تصورك الشخصي  او طبقا لقانون الجذب 

    لو انا مفلسه حاليا محتاجه كام سنه عشان ابقي مليارديره؟

    طاب انا مش بشتغل ومش عارفه احدد ايه الحاجه  او المجال اللي ممكن اشتغل واكون منه الثروه

    أرجوك قوللي يا دكتور هل في طريقه اقدر اكتشف بيها نفسي انا احب اشتغل ايه ؟؟؟؟؟؟

  • rony

    May 25, 2012 at 10:51 pm

    استاذ فيصل  اكيد المقالة رائعة متل كل مقالاتك

    بس اول مرة بقرا ولا افهم والسبب الاخبار السيئة اللي عم تجي من اهلي بسوريا

    الوضع سئ جدا

    ادعولنا الله يفرجها علينا

    موفق ان شالله ايها الكريم

  • the happiest woman

    May 26, 2012 at 8:19 am

    مقالة مهمة جدا تستحق القراءة عدة مرات شكرا لك على كل جهودك و على وقتك الثمين

    وعندي سؤال كيف ممكن اصنع الرغبة الحارقة بنفسي؟

    مثلا عندي رغبة انه انحف لكن مش رغبة حارقة

    كيف ممكن اخليها بالشكل اللي حضرتك قلت عليه انه اكون مستعدة  اصحى3 ايام عشان احقق الهدف؟

  • the happiest woman

    May 26, 2012 at 8:21 am

    و التسجيل سيصلك باذن الله بعد ساعة و نصف ان شاء الله

  • rony

    May 26, 2012 at 8:48 am

    الحمدلله رب العالمين

    اليوم الصبح طبقت بالتفصيل كل ما علمتنا اياه والحمدلله خرجت من حالة الكابة

    عن جد انا محظوظة اني تدربت معك استاذ فيصل

  • the happiest woman

    May 26, 2012 at 10:36 am

    وانا ايضا طبقت تدريب اليوم الثالث اكثر من مرة و الحمد لله النتيجة روووووعة

    شكرا استاذ فيصل جزاك الله خيرا

  • فيصل عبد ال

    May 26, 2012 at 10:36 am

    السلام عليكم ورحمة الله وبركاته
    للأسف اللي بيظهر في بالنا هو مقدمة المعتقد
    زي الجبل الجليدي اللي بيظهر منه للناس نسبة بسيطة فوق الماء
    لكن له أساس وجذر قوي
    زي الفكرة السلبية بيكون ليها معتقد وجذور سلبية قديمة
    أفضل طريقة انك تنضف كل المعتقدات دي
    أسهل طريقة لكدة هي حرق المعتقدات
    بالنسبة للتدريب، هنبدأ قريب ان شاء الله، أنا حطيت لينك بمعلومات مختصرة لكورس تدريب قانون الجذب المكثف
    اللي هتكلم فيه عن كل حاجة في قانون الجذب ان شاء الله
    تقدر تشوف معلومات أكتر من هنا http://www.amirnafsak.com/%d8%aa%d8%af%d8%b1%d9%8
    بالتوفيق بإذن الله

  • فيصل عبد ال

    May 26, 2012 at 10:40 am

    شكراً على كلامك الجميل يا لولا
    كلنا نفسنا يبقى معانا فلوس كتير، ومش حاجة تدعو لأن غيرنا يتريق عليها
    او تخلينا مكسوفين نقولها للناس
    المشكلة اننا اما بنيجي نتكلم على الفلوس دايماً نحس بذنب
    في جوانا معتقد مترسب من زمان جداً واحنا صغيرين
    ان عيب نطلب فلوس
    الفلوس الكتير حرام
    المال لا يشتري السعادة
    راحل البال مش في المال
    حاجات كتير أوي..غير عقدة الامتياز، اللي بتخلينا نخاف على شكلنا أو منظرنا لما نيجي نتكلم عن اهدافنا قدام الناس
    حاجات كتير أوي مرتبطة خصوصاً بالفلوس
    ولازم نفهم قانون الجذب شغال ازاي، ولازم نشيل كل الحاجات اللي جوانا دي، وقتها هنحس فعلاً ان الحياة بقت سهلة، وان اللي احنا عايزينه بإذن الله وفضل الله بيحصل
    انا عملت من قريب كورس تدريبي مكثف عن قانون الجذب، كان لخمس أشخاص بس، وبفضل الله كانوا خمس أيام متميزين جداً
    الحدث ده كان بروفة للكورس الرسمي اللي هيبتدي شهر 6 ان شاء الله، اتكلمت فيه عن عينات وأمثلة من اللي هتكلم عنه في الكورس الرسمي
    هرفع ان شاء الله التسجيل الكامل للخمس أيام لكل الناس عشان تقدر تستفيد منه بإذن الله
    بالتوفيق بإذن الله

  • فيصل عبد ال

    May 26, 2012 at 10:40 am

    أنصحك تراجعي مقالة الخلاصة
    هتفيدك كتير ان شاء الله
    بالتوفيق بإذن الله

  • فيصل عبد ال

    May 26, 2012 at 10:47 am

    ربنا يفرجها على سوريا وعلى كل الامة العربية ان شاء الله

  • فيصل عبد ال

    May 26, 2012 at 10:52 am

    طالما ماعندكيش رغبة حارقة يبقى حاجة من الاتنين
    اما الهدف ده هدف مفروض
    أو هدف يتعلق برأي الناس
    يعني ممكن تكوني عايزة تنزلي في الوزن عشان رأي الناس فيكي، او رأي حد معين فيكي، او ان الهدف ده مفروض عليكي من حد من الأهل وانتي مش عارفة
    لو انتي عايزه الهدف فعلاً هتلاقي الرغبة الحارقة موجودة بدون سؤال
    شوفي انتي ممكن تروحي لحد فين، تعملي ايه، مستعدة تعملي أي حاجة ولا لأ في سبيل الهدف ده
    وأنصحك انه لو ماكانش كدة
    مش هقولك تخلي عنه، لكن أجليه، لحين تحقيق أهداف أهم
    بالتوفيق ان شاء الله

  • فيصل عبد ال

    May 26, 2012 at 10:53 am

    بإذن الله
    بالتوفيق ان شاء الله

  • فيصل عبد ال

    May 26, 2012 at 10:53 am

    الله يخليكي يا روني، شكراً على كلامك الجميل
    بالتوفيق دائماً ان شاء الله

  • scarlett

    May 26, 2012 at 12:22 pm

    يا الله لا تحرئصوني بزيادة ,كلكن طبقتوا التدريبات وانا لهلأ ما قدرت طبق شي لاني ما قدرت 
    احضر الكورس مع زميلاتي 🙁 اوووووووف شي بيعصب

  • سوووما

    May 27, 2012 at 12:38 am

    *دكتور انا عن

    ي هدف انجح هذي الدورة بامتياز بس المشكل ان في شيء داخلي يقولي مو ممكن 

    انا واثقة ان قدراتي ممكن توصلي اني نجح بامتياز مو مشكل بس الاختبارات الاولية الي عليها اربعين في المية ما اتشغلت

    فيها كووويس يعني ممكن تكون نقطي قي تحت المعدل هذا الي يحبطني اكثر شيء بس عندي رغبة اذاكر بحرررقة عشان الاختبارات النهائية واتمنىى من صميم قلبي انجح بتميز بس السبب الي قلت لك عليه يحبطني

    ساستخدم تمرين من 3 ايام و الكتابةفي اني حصلت على الامتياز

    بريك دكتوور لو اني استخدمت الجذب ممكن مع السبب الي قلت لك عليه

  • فيصل عبد ال

    May 27, 2012 at 4:35 pm

    مش فاهم، يعني الامتحان من مرحلتين، انتي خلصتي مرحلة وحصلتي على أقل من 40% فيه ؟

  • سوووما

    May 27, 2012 at 8:58 pm

    ايوة الامتحان فيه مرحلتين الأولى فيها 40 في المية من النقطة الإجمالية للمعدا العام هي الي  ما اشتغلت فيها كويس

    المرحلة الجاية هي الي فيها 60 في المية و ان شاء الله بشتغل فيها كووووووويس

  • فيصل عبد ال

    May 28, 2012 at 11:12 am

    مش شايف أي داعي بصراحة للخوف أو القلق أو اليأس
    توكلي على الله واعملي اللي عليكي وأكتر
    بالتوفيق بإذن الله

  • نانا

    September 17, 2012 at 10:17 am

    ياه يا دكتور انت بتتكلم كأنك عايش معنا
    فعلا الأيام زي بعضها ما فيش شيء جوهري بيتغير فيها
    كل يوم شبه  الي قبله والي بعده
    وكل الي حواليه بيشكو من نفس الموضوع
    وان الأيام بتعدي من غير ما يتغير شيء ومن غير ما نحس بيها
    ومن غير مانعمل حاجه جديده
    وكأن مافيهاش بركه
    ربنا ينورلك طريقك يادكتور ويسعدك على مقالاتك المفيده  الي بتوضحلنا الأمور
    استازي انا لما  افكر احدد موعد محدد لتحقيق الهدف بخاف احطه
    ما بحبش احدد وغالبا ازا حدته لو كان قريب يكون  عندي شك في وانا طبعا رغبتي يكون موعد قريب
    وازا  كان متوسط اوبعيد بكون مش متشجعه عشان احققه اشعر بالأحباط انه بعيد
    ايه اسباب دا
     

  • فيصل عبد ال

    September 17, 2012 at 11:19 am

    الخوف..
    تحرري من الخوف يا نانا
    ولازم تحددي وقت
    ما تسيبسش الحكاية مفتوحة
    وفي نفس الوقت ما تحدديش وقت صغير عشان ما تضغطيش على نفسك

  • هوا شامي

    April 3, 2013 at 3:32 am

    رائعة المقالة بدأت بقراءة بعض المواضيع بهذه الصفحة الرائعة، أتمنى لو كان في ترقيم حتى نبدا بداية صحيحة

  • فيصل عبد الواحد

    April 5, 2013 at 4:41 pm

    اهلاً بك
    اشكرك على كلامك الجميل
    لا مشكلة من عدم القراءة بالترتيب بإذن الله
    تحياتي لك

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close