قانون الجذب

معاك ورقة وقلم 2

April 15, 2012 — by فيصل عبد الواحد150

main

قانون الجذب

معاك ورقة وقلم 2

April 15, 2012 — by فيصل عبد الواحد150

كلمتك المرة اللي فاتت - او اللي قبل اللي فاتت، عشان اضطررنا نقطع سلسلة ورقة وقلم

بمقالة اقتراحاتك ومشاكلك الشخصية، اللي عايزها تكون في الكورس التدريبي الجديد لقانون الجذب، هكلمك عنه أكتر في مناسبة تانية ان شاء الله

اتكلمنا في مقالة "معاك ورقة وقلم" عن الكتابة، وأهميتها، وعشان نقدر نحدد أهميتها اكتر

اتكلمنا عن النصف الأيمن، والنصف الأيسر، من المخ

ومدى تأثير كل منهم

النهاردة ان شاء الله، هكلمك عن الكتابة، وأفضل طريقة تستخدمها بيها

الكتابة، عشان تدرك مدى أهميتها، هي أول خطوة في نقل الفكرة من الوسط الروحي، للوسط العقلي وأخيراً، للوسط المادي

لو تفتكر، اتكلمنا قبل كده عن الأبعاد للفكرة وقولنا ان هم 3 أبعاد،

الروحي

العقلي

المادي

لو ناسي، أو ما قرأتش المقالة دي تقدر تقراها من هنا

الكتابة زي ما قولنا، هي أول خطوة في نقل الفكرة دي بعد التركيز عليها، من الوسط العقلي للوسط المادي، أول حاجة تبدأ بيها تاخد الخطوة في

Materializing

الهدف بتاعك، أو انك تدي وجود مادي بدائي للهدف بتاعك، في صورة وجودها على الورق

وتبدأ الفكرة فعلاً واحدة واحدة تتنقل للوسط المادي، وتقرب منك، وتتحقق بإذن الله، وكده تبقى اتنقلت بكامل تفاصيلها للوسط المادي

مرة تانية أنصحك بقراءة مقالة ال3 أبعاد عشان تفهم الحكاية دي أكتر

طب لما الكتابة مهمة أوي كدة، نعملها ازاي؟

نجيب ورقة ونكتب مثلاً

أنا عايز شغل ؟

مش بالظبط، انت اه هتجيب ورقة وقلم - زي ما اتفقنا المقالة اللي فاتت - وآه هتكتب انت عايز تشتغل - لو ده هدفك، لكن في حاجات مهمة كمان لازم تعملها

قبل ما تبدأ تكتب أي حاجة، حدد تاريخ معين، باليوم والشهر والسنة، عايز هدفك ده

يتحقق فيه بإذن الله

آه، حدد انت الوقت، شوفت الحكاية سهلة ازاي ؟

طب لو ما اتحققش؟

جميل، لسه بتفكر تفكير سلبي، هايل

عموماً ما تخافش، هيتحقق ان شاء الله، بس المهم تفضل على الخطوات الي انا هقولك عليها بالظبط، بالظبط جداً، بالظبط جداً جداً

لكن هكون صريح معاك، لو الهدف ما اتحققش عشان نسيت تعمل خطوة من الخطوات، أو شايف مثلاً

انك عملت كل حاجة صح بس برده ما اتحققش في معاده، على الأقل، هتبقى قربت منه جداً

وهتبقى فرحان جداً انك خدت الخطوة دي، عشان آه هو ممكن يكون ما اتحققش في نفس اليوم

بس ظهرلك حاجات، وخطط، تقولك هدفك هتحققه امتى بإذن الله، وهنعرف الوقتي بالتفصيل

زي ما قلتلك، هتحدد التاريخ اللي انت عايز الهدف ده يتحقق فيه ان شاء الله

يعني مثلاً، كمان 3 شهور

حدد يوم ايه

مثلاً يوم 15/8

هيبقى يوم ايه؟ وليكن هيبقى يوم سبت، جميل

يبقى ان شاء الله الهدف ده هيتحقق يوم السبت 15/8/2012

تاني حاجة، تحدد المقابل

المقابل ؟؟

آه، تحدد المقابل، مفيش حاجة ببلاش

لو كان هدفك كمية معينة من الفلوس مثلاً

ماحدش هييجي في اليوم اللي حددته

ويقولك بص، انت عملت المعادلة صح، وكتبت كل حاجة صح

خد الفلوس أهيه

مش هيحصل

لازم تحدد المقابل للفلوس دي ايه

هتدي ايه في مقابلها، خدمة معينة هتوفرها للناس، شغل معين هتعمله

طيب بالنسبة لو حد ما بيشتغلش، ومبيفهمش في أي حاجة

يبدأ يرجع خطوة لورا، بدل ما يطلب فلوس، يطلب شغل، ويحدد مرتب الشغل،

والمقابل هنا، يكون نوعية الشغل

هناخد مثال عشان نوضح العملية أكتر، لو هدفك كان وظيفة مثلاً، هتكتب كده في الورقة:

يوم السبت 15-8-2012 ان شاء الله هكون بشتغل كذا..وبقبض كذا

انا في الشغلانة دي هعمل "كذا و كذا و كذا".. وهقدم أفضل ما عندي ان شاء الله للناس 

---

ونيجي عند اهم فقرة، الفقرة الأخيرة

هتكتب فيها : انا عارف ان ان شاء الله، هكون بشتغل في اليوم ده، يوم "..." الوظيفة دي "..." وفرحان أوي، عشان متأكد انها هتيجي ان شاء الله

وكمان عشان هتحللي مشاكل كتير، وشايف نفسي بشتغل الشغلانة دي

وبروح كل يوم الشغل الساعة كذا، وبفتكر اليوم اللي كتبت فيه الورقة دي وبضحك

وفرحان جداً الحمد لله، ومستني أفكار وخطط وعروض، أقدر بيها احقق اللي أنا عايزه ده

وأشتغل الشغلانة دي وأقبض المرتب ده بإذن الله

-----

وتعمل نفس الحكاية لكل هدف

تحديد الهدف

تحديد المعاد

تحديد المقابل

تحديد المشهد الأخير ومعايشته

!! المهم، انك ما تكتبش

ايه.. ما أكتبش

أصدي انك ما تكتفيش بأنك تكتب، لازم وانت بتكتب كل كلمة وكل حرف، تعيشه، تشوف المنظر، تشوف المشهد

تشوف نفسك جواه

افرح بأنك فعلاً اشتغلت

افرح بأنك فعلاً معاك فلوس

افرحي بأنك فعلاً خلفتي وبقى عندك طفل جميل

افرح بأنك اتجوزت

افرح وانت بكتب، المهم تعيش اللي انت بتكتبه

وبعد ما تخلص كتابة الورقة المهمة دي، تقراها كل يوم مرتين

مرة قبل ما تنام مباشرة، ومرة قبل ما تصحى

وما تنساش برده، مش مجرد قراءة، لازم تعيش الاحساس في اللي بتقرأه

خد وقتك في الكتابة، وخد وقتك في القراءة

دقيقة او دقيقتين أو حتى خمس دقايق

مش خسارة في مستقبلك، مش كدة ؟

أتمنى ان شاء الله تكون المقالة عجبتك

انا عارف ان الأسألة هتكون كتير جداً على المقالة دي

في انتظار تعليقك او سؤالك ان شاء الله

بالتوفيق

150 comments

  • صحراء 55

    April 15, 2012 at 11:28 pm

    السلام عليكم مقالهحلو وجميل ورائعه وتستحق الشكرا على هذا المقالهبس عند سوال ممكن تفهمني اكثرماذا تقصد بمقابل الهدف بعد ما نحدد التاريخوالمعايد عشان افهم اكثروشكرا

    <!– google_ad_section_end –>

  • فيصل عبد ال

    April 15, 2012 at 11:38 pm

    المقابل، هو ما ستقدميه نظير حصولك على هذا الهدف
    يعني لو فلوس مثلاً
    هتكون مقابل شغل معين او خدمة معينة تقدميها للناس

  • Abdullah

    April 16, 2012 at 1:32 am

    مرحباً أستاذي فيصل. انا اقرأ المقالة ذي قبل إرسال تقريري الشخصي ليك كذا تمام الان جمعت ماعندي وجاري إرسالها بالنسبة للمقالة دي. هو ممكن الطريقة دي تكون شاملة جميع الاهداف.، لان حضرتك قلت بالسابق عن كتابة المشكلات بورقة  ثم حرقها وكتابة أهدافك اللي بتتمناه . ممكن الحين  نصيغها من جديد بعد تعديلها وتكتب ، لأني صرت مااقرأ الورقة القديمة خاصة بعد اتجاهي لعمل تطبيقات اخرى حضرتك ذكرتها 

  • the happiest woman

    April 16, 2012 at 4:03 am

    استاذ فيصل السلام عليكممعليش انا غيرت اسمي ، انا اللي عملتلي المعادلة يوم امس و طبقت طريقتك هذه و الله و الله شي فوق الخيال احس اني انسانة غيييييييير  ( سعيدة و متفائلة و نشيطة و بحب اساعد الناس و  واثقة من نفسي وحاجات ايجابية كثيييييرة ما اقدر اعددها في كومنت قصير…استاذي العزيز ممكن الواحدة تتمنى انه يزيد طولها 4 سم بهذه الطريقة ؟و لا الاصح انهاتقتنع بطولها و تكون الثقة بالنفس هي الاهم؟ انا واثقة من نفسي هكذا لكن بحب الافضل طولي الحالي  157 سم

  • the happiest woman

    April 16, 2012 at 4:07 am

    والحمد لله على كل حال ( وان تعدوا نعمة الله لا تحصوها)

  • Anonymous

    April 16, 2012 at 7:18 am

    مرحبا استاذي …شكرا جزيلا لك على المقالة المفيدة …سؤالي الك في الكتابة نكتب الشي بيصيغة المستقبل ام بالحاضر…يعني انا الان والحمدلله عندي  بيت (مثال)  طريقة كتابة الجملة صح ؟؟ لانك ذكرت في مقالة  حدد هدفك في 3 ايام ان لانستخدم هاء  المستقبل شو رايك ؟؟لازم نكتب المقابل؟؟يسلموا

  • فيصل عبد ال

    April 16, 2012 at 9:52 am

    في طريقة الكتابة، تكون الصيغة كالتالي:
    في يوم كذا ان شاء الله سأمتلك منزل
    يعني ليس حاضر، وليس مستقبل مفتوح، ولكن حل وسط
    مستقبل مربوط بزمن، مستقبل قريب كما يقولون
    في المعايشة ال3 أيام لا نستخدم أي جمل يا حورية، مجرد المعايشة فقط

  • فيصل عبد ال

    April 16, 2012 at 9:53 am

    اهلاً يا أميرة، ان شاء الله سعيدة على طول بإذن الله
    بالتوفيق

  • فيصل عبد ال

    April 16, 2012 at 10:26 am

    اهلاً يا أميرة، جزاك الله خيراً على ردك الجميل
    بالنسبة للطول، أنصحك بأن تحبي نفسك أكثر، وقتها ستجدي العجائب ان شاء الله
    بالتوفيق

  • فيصل عبد ال

    April 16, 2012 at 10:27 am

    حرق المشكلات أولاً مفضل بالطبع، ابدأ من جديد الآن

  • scarlett

    April 16, 2012 at 1:04 pm

    يا سلااااااام مقال رااااااااااااائع وبيجنن حسيت حالي حققت حلمي ومشي الحال انا بعتلك اليوم ايميل وان شاء الله بتقرأه وبتلاقيلي حل لمشكلتي …..بخصوص هاد المقال عندي 3 اسئلة بعد اذنك : كم يوم لازم نقرأ الورقة 3 ايام او 21 يوم ولا ما في وقت محدد ؟؟ بالنسبة لتحديد المقابل بيصير قول مثلا :في يوم كذا رح كون بالمكان الفلاني مقابل اني ساعد ماما بشغل البيت كل يوم هههههه؟؟ عن جد بيصير هيك مقابل ولا لأ ؟؟ والمعايشة اثناء قراءة الورقة نعملها دائما ولا بس 3 ايام ؟؟والف الف الف شكر الك دكتورنا المعجزة

  • فوفو

    April 16, 2012 at 1:21 pm

    صحيح بنسبة للمقابل هذي جديدة عليعلى كذه اغلب الأشياء يا استاذي بحتاج فيها فلوسلأن لو مثلا ابي بيت و انا ماعندي فلوس بحتاج اول شي ادور وظيفة ,, اشياء كثير حنى نرغبها لأن ماعندنا الوسط الذي يوصلنا بها ..  

  • فوفو

    April 16, 2012 at 1:36 pm

    طيب لو ابي وظيفة ما المقابل الذي سأدفعه ؟ ولو أريد ان يزداد طولي مالمقابل الذي ادفعه ؟ أن احب نفسي مثلا ؟ او أم احافظ على نومي لمدة 8 ساعات لا أقل ؟ لو أريد ان اسافر لبعثة ما المقابل الذي ادفعه ؟ وكيف اعرف ان هذا المقابل مناسب ؟ولو واحده تريد الزواج ما المقابل الذي تدفعه ؟ نحتاج لمزيد من الأمثلة لتوضح لنا نوعية المقابل الذي يمكن ان يدفع

  • mona

    April 16, 2012 at 2:58 pm

    شكرا جزيلا استاذ فيصل على الموضوع الرااااااااااائعدائما مبدع في مواضيعك وانا مع الاخت فوفو نحن نريد توضيح أكثر لهذه النقطة (المقابل) وشكرا جزيلا مرة اخرى

  • فيصل عبد ال

    April 16, 2012 at 4:06 pm

    إزيك يا لمى، ان شاء الله تكوني بخير
    بالنسبة للأسألة، الطريقة دي لا علاقه لها بالمعايشة 3 أيام ولا 21، هذه طريقة منفصلة، وتعتبر أفضلهم
    القراءة تكون حتى تحقيق الهدف بإذن الله في الموعد المكتوب
    أما المقابل، فهو المقابل المناسب، يعني مثلاً لو المقابل 100 ألف جنيه، والشخص اللي بيستخدم المعادلة محامي
    يكون المقابل: و ان شاء الله هقدم افضل خدمات المحاماه والاستشارات القانونية للناس، وهدافع عن كل اللي يستحق ان شاء الله، و بإذن الله هعمل كل اللي أقدر عليه عشان أساعدهم
    المعايشة تتعمل كل مرة تقرأي فيها الورقة
    بالتوفيق ان شاء الله

  • فيصل عبد ال

    April 16, 2012 at 4:10 pm

    بالعكس، الفلوس وسيلة للقياس فقط، وفي الأهداف المادية
    في اهداف معنوية ليس لها علاقة بالفلوس ، زي مثلاً العثور على شريك الحياة
    العمل
    الشفاء بإذن الله من مرض معين
    منصب معين في أحد الشركات
    الانجاب
    في حاجات كتير أوي مالهاش علاقة بالفلوس يا فوفو، احنا بس الي اتعودنا نقيس كل حاجة بالفلوس

  • فيصل عبد ال

    April 16, 2012 at 4:13 pm

    بالنسبة للوظيفة، المقابل هو انك ستؤديها على أفضل ما يكون وستؤدي الخدمات المتعلقة بها على قدر ما تستطيع لخدمة أكبر قدر ممكن من الناس
    زيادة الطول لا أحبذ الخوض في هذا المجال، لأنه ينم عن ضعف حب للنفس
    البعثة لو كانت دراسية على سبيل المثال يكون المقابل انك هتذاكري كل المواد المشمولة، وتتفوقي فيها على قدر ما تستطيعي ان شاء الله، ولما تخلصي البعثة هتشتغلي كذا، وهتنفعي الناس بكذا
    المقابل فكرة بسيطة جداً، فقط فكر فيما ستقدمه للناس والبيئة مقابل حصولك على الهدف بإذن الله
    بالتوفيق

  • فيصل عبد ال

    April 16, 2012 at 4:21 pm

    اهلاً يا منى، انا رديت على فوفو، اتمنى يكون الشرح وافي ان شاء الله
    بالتوفيق

  • nidaa

    April 16, 2012 at 5:05 pm

    تسلم ايدك على هل المقالة الرائعة فيها احوبة لكل التساولات والاستفسارات الي كانت عندي، ممكن عمل هذه الطريقة مع الصور الاشياء الي واحد يبحها؟؟جزيل الشكر

  • فيصل عبد ال

    April 16, 2012 at 5:24 pm

    ممكن، لكن ما تنسيش ركن الكتابة
    بالتوفيق ان شاء الله

  • nidaa

    April 16, 2012 at 7:35 pm

    طيب بالنسبة للزواج ممكن كتابة انك راح تكون زوج او زوجة مثالية وراح تحب بيتك والزوج او الزوجة وتحترم الحياة الزوجية او مثل تعمل احلى الطبخات وتبني بيت سعيد او العائلة وتقدم لهم احسن الخدمات وتخليهم دايما سعداء ……. مثال يعني

  • the happiest woman

    April 16, 2012 at 8:29 pm

    Input your comments here…

  • mona

    April 16, 2012 at 9:01 pm

    الان فهمت الموضوع يا استاذ يعني المقابل ممكن يكون شيء سأفعله لما أحصل على هدفي  لأن هذا هو الاشكال اللي كان عنديانه في اشياء بنتمناها ولكن ليس بيدنا طريقة للحصول عليها وكان عندي بعض اللخبطه انك في مقال سابق قلت

    اننا نفكر في الهدف واننا حققناه من غير ما نسأل// ازاي؟؟

  • فوفو

    April 17, 2012 at 2:49 am

    انا نفس الأخت منى بالتمامكنت احسب المقابل قبل الحصول على الهدفو الحين فهمت انه يكون بعد الحصول على الهدف … شكرااا لك ريحتني مرررررررةالله يجزاك الجنة يارب

  • Abdullah

    April 17, 2012 at 3:01 am

    بعد إذنك بس استاذ فيصل هو كم اكبر عدد من الاهداف اللي ممكن اطبق فيها التطبيق ده  وكتابة الاهداف بنفس الوقت. وهل يفضل انها بتكون بصفحة وحده او لكل هدف بصفحة. وايه الطريقة المثلى لو فيه اهداف متشابهة. مثلا لو بتمنى شقتين بمكانين مختلفين. او سيارة مرسيدس  وبي ام دبليو ، وعايز محمد واحمد وخالد شركاي بالأعمال آلحره. زي كذا يكون تقريبا عدة اهداف في مجال واحد. 

  • Fahad

    April 17, 2012 at 7:12 am

    اشكرك جزيل الشكر على هذه المقاله الرائعهولدي تساؤل لو تكرمت استاذي العزيزهل كتابة هذه المعادله يوميا هل سيزيد من قوة الجذب ام اكتفي بكتابتها مره واحده وقرائتها؟

  • فيصل عبد ال

    April 17, 2012 at 2:33 pm

    اشركهم كلهم في نفس الورقة أفضل، وياريت وانت بتعمل المعايشة تشوف مشهد يجمعهم كلهم ببعض
    بالتوفيق ان شاء الله

  • فيصل عبد ال

    April 17, 2012 at 2:34 pm

    الكتابة يومياً بالطبع سيزيد من قوة جذبك للهدف، لكن انا تكلمت على أقل خطوات بأقل مجهود، وبنتيجة مضمونة ان شاء الله
    انا شخصياً وجدت ان الكتابة بشكل متجدد، تؤثر على المعايشة بشكل ايجابي جداً

  • Anonymous

    April 17, 2012 at 5:41 pm

    سلام دكتور..مقالة اكتر من رائعه..بس عندي سؤالين..الاول بدنا نكتب الهدف والمعايشة مرتين كل يوم صباحا ومساءا الى يوم الي حددنا؟؟؟والسؤال التاني طب اذا اجى اليوم الي حددناه وما تحقق بس صرنا بنقرب للهدف كتير يعني صار قريب كتير لينا بنكمل الكتابة صباحا ومساءا والمعايشة كمان ولا بنتركها لان وصلنا الى اليوم الي حددناه؟؟؟؟او نحدد يوم تاني قريب بنحسو انو رح يتحقق فيه ؟؟

  • nidaa

    April 17, 2012 at 5:56 pm

    نفس الاسئلة عندي؟؟

  • sama

    April 17, 2012 at 6:06 pm

    السلام عليكم ورحمه الله وبركاته احب اشكرك في الاول علي مقالاتك الرائعه و عندي سؤال طيب اللي بيخاف يبدا في حلجه او تطبيق و مايكملش لان عنده فكره قبل كده انه ممكن يبدا كذا حاجه و ما يكملش الحاجه دي و ده بيخليه مش عايزي يبدا في حاجه ياريت ياريت لو في حل للموضوع ده 

  • nidaa

    April 17, 2012 at 6:22 pm

    يسعد مساك استاذ فيصلانا خطر لي سؤال وانا بكرر قرائتي للمقالة، في حالة وجود اكثر من هدف، ينكتب كله في  صفحة وحدة بس المعايشة تعملها كلها في وقت واحد ولا تقسمه على اليوم؟؟ ممكن عمل اهداف لناس يهموك بنفس الطريقة؟؟جزيل الشكر

  • mona

    April 17, 2012 at 8:07 pm

    استاذ فيصل هو انا لازم احس بالفرحة والمعايشة وانا بكتب الكلامولا ممكن بعد ما اكتب واخلص اعيش اللي كتبته على كيفي؟؟؟بصراحه انا مش بقدر احس وانا بكتب غير بألم فظيع في مفصل دراعي وده السبب اللي بيخليني مقدرش اتعايش مع اللي بكتبهاعتقد كده الموضوع هينجح برضه ان شاء الله ولا ايه؟؟؟

  • Anonymous

    April 17, 2012 at 10:08 pm

    سلام دكتور..مقالة اكتر من رائعه..بس عندي سؤالين..الاول بدنا نكتب الهدف والمعايشة مرتين كل يوم صباحا ومساءا الى يوم الي حددنا؟؟؟والسؤال التاني طب اذا اجى اليوم الي حددناه وما تحقق بس صرنا بنقرب للهدف كتير يعني صار قريب كتير لينا بنكمل الكتابة صباحا ومساءا والمعايشة كمان ولا بنتركها لان وصلنا الى اليوم الي حددناه؟؟؟؟او نحدد يوم تاني قريب بنحسو انو رح يتحقق فيه ؟؟طب دكتور انت فين ؟ بدي ابدأها الخطوات صح بس  حابة تجاوبني ع الاسئلة دي ربنا يكرمك

  • فوفو

    April 18, 2012 at 4:43 am

    استمر في المعايشة يوميا إلا ان يصل اليوم المحدد ؟ غريب ليش طيب ؟ مو العادة نفك الأرتباط و ننسى ؟ ما الحكمة من الأختلاف في هذه المرة ؟؟ اليس التكرار قد يغير في مقادير الرغبة ؟وهل اعيش يوميا نفس اللحظة ام اغيرها ؟ و كم مرة اكتب الرغبة صباحا ومسائا ؟ هل هناك عدد محدد ولا كما اريد ؟ وهل بعدها يجب ان انسى الموضوع كليا خلال اليوم ؟ وماذا لو تذكرتة صدفة ؟؟

  • Fahad

    April 18, 2012 at 9:31 am

    استاذ فيصل لقد عرفنا الحكمه من تحديد الهدف والحكمه من المعايشه ولكن ماهي الحكمه من تقديم المقابل؟ وماهو اثرها على العقل الباطن وعلى الهدف؟

  • scarlett

    April 18, 2012 at 11:14 am

    فهد وفوفو نفس اسئلتي بالضبط ……بتمنى يجاوبنا الدكتور فيصل وخصوصا شو الحكمة من ذكر المقابل …..وكمان نحنا منعرف انو لازم نركز على هدفنا 3 ايام كحد اقصى وبعدين ننساه وهون بهالتقنية لازم نقرا الورقة اللي بتضمن تاريخ تحقيق هدفنا يوميا حتى نحقق الهدف باذن الله يا ريت دكتور توضحلنا الالتباس اللي صار عنا

  • فيصل عبد ال

    April 18, 2012 at 1:14 pm

    و عليكم السلام ورحمة الله، إزيك يا نانسي، لعلك بخير ان شاء الله
    انتي بتكتبي الورقة مرة واحدة بس، المعايشة الصوتية – قراءة بإحساس يعني – هي اللي بتعمليها مرتين يومياً، مرة قبل النوم ومرة بعد ما تصحي، لكن لو قمتي بالكتابة يومياً، فده هيعظم النتيجة والاثر بشكل كبير جداً جداً عن تجارب شخصية ان شاء الله
    أما بالنسبة للسؤال التاني، حتى لو الهدف ما اتحققش، هتبقي بقيتي على طريق تحقيقه، اكتبي ورقة تانية بتاريخ تاني، واعملي نفس الحكاية
    لكن صدقيني، عن تجاربي وتجارب اللي اعرفهم، الهدف بيتحقق، حتى لو ما اتحققش كله، بيتحقق منه نسبة كبيرة جداً بفضل الله
    اهم حاجة تشيلي من دماغك ان في امكانية، ان الهدف ما يتحققش
    بالتوفيق بإذن الله

  • فيصل عبد ال

    April 18, 2012 at 1:18 pm

    طريقة حرق المعتقدات، ابحثي عنها هتلاقيها في الموقع ان شاء الله، وقريب هحطها في مقالة منفصلة للتسهيل
    بالتوفيق ان شاء الله

  • فيصل عبد ال

    April 18, 2012 at 1:21 pm

    اجمعي كل الأهداف في نفس الورقة، و ممكن تعملي الطريقة لجذب هدف لشخص آخر، نعم
    بالتوفيق ان شاء الله

  • فيصل عبد ال

    April 18, 2012 at 1:22 pm

    لو في مشكلة صحية بتسببلك كدة، يبقى يفضل المعايشة تعمليها قبل الكتابة، عيشي كل المشاهد بكل أحاسيسها، وبعدين اكتبيها واحدة واحدة على مهلك
    بالتوفيق ان شاء الله

  • فيصل عبد ال

    April 18, 2012 at 1:26 pm

    مين قال ان العادة هي فك الارتباط والنسيان ؟
    ده خاص فقط بمعادلة ال3 أيام، وبالعقل الدافع فقط
    تعيشي يومياً الاحساس المصاحب لما كتبتيه، وتكتبي الكلام مرة واحدة فقط، لكن المعايشة هي اللي تتكرر
    أما تعملي ايه لما تفتكري الهدف، على حسب نوع العقل، دافع أم جاذب، راجعي مقالة انا اتخنقت كل ما أحاول أجذب حاجة تختفي لمزيد من الشرح
    لكن حتى لو كان عقل دافع، يفضل المقاومة بالتركيز وتذكر الهدف دائماً، لأن هذا هو الحل الأفضل على المدى الطويل
    بالتوفيق ان شاء الله

  • فيصل عبد ال

    April 18, 2012 at 1:29 pm

    لأن الكون كله يقوم على مبدأ المنفعة، وليس على مبدأ التوحد والانفراد، ولا يوجد شيء في الدنيا ولا الآخرة بدون مقابل، حتى الجنة و النار، الرحمة والعذاب، النعيم والجحيم، كل شيء له مقابل يجب ان تقدمه، ولكن في نفس الوقت، لا يشترط التساوي بين المقابل وبين الهدف، بالعكس، في 99% من الأوقات يكون الهدف أكبر بكثير جداً من المقابل، المهم أن تقدم ما تستطيع
    تقديم شيء في المقابل أولاً يضمن تحقيق ذلك المبدأ، ثانياً وهو الأهم
    يقضي على الـ "أنا" بداخلك
    بالتوفيق ان شاء الله

  • فيصل عبد ال

    April 18, 2012 at 2:18 pm

    تمت الاجابة على فهد و فوفو، ان شاء الله تكون كافية للجميع
    بالتوفيق

  • mona

    April 18, 2012 at 4:40 pm

    استاذ فيصلاتمنى تكون في اتم الصحة والعافيةهل طريقة حرق المعتقدات والمشاعر السلبية اللي ممكن تتخلل كتابه أي شيء مضايقنا وبعدين حرقهاممكن تأثر على المعايشه واننا لازم نكون طول الوقتمحتفظين بالمشاعر الايجابية

  • Anonymous

    April 18, 2012 at 4:51 pm

    شكرا كتير دكتور انا هلأ الحمد لله والطريقة الي قلتها عملتها وعملت حرق المعتقدات ما شاء الله وربنا انا بلحظتها تغيرت حسيت نفسي انسانة تانية ربنا يكرمك ويزيدك من علمو يا رب العالمين..وهذه الطريقة من اليوم ابتديت فيها وعملت كل الخطوات ورح استمر فيها ان شاء الله

  • mona

    April 18, 2012 at 6:05 pm

    هل ممكن يتحقق الهدف قبل الموعد اللي حددتهولا طالما اني حددت موعد معين فالهدف مش هيتحقق قبله؟

  • فيصل عبد ال

    April 18, 2012 at 9:30 pm

    ممكن جداً

  • فيصل عبد ال

    April 18, 2012 at 9:31 pm

    بالتوفيق ان شاء الله

  • فيصل عبد ال

    April 18, 2012 at 9:35 pm

    حرق المعتقدات يفضل بعدها مباشرة استخدام نفس الطريقة، لكن لمعايشة الهدف
    يعني تكتبي في ورقة أو مجموعة ورق، مشهد لحياتك وكل أهدافك متحققة، وتعيشيها بالتفصيل وبكل احساس ممكن
    حرق المعتقدات تماماً مثل تطهير الجرح كي يلتئم، اذا التئم الجرح دون تطهيره فقد ينفجر بعد ذلك في أي وقت مسبباً مشاكل أكثر مما كان عليه في بادئ الأمر، وهو السبب الذي يجعل أشخاص معينة يتعصبون على أتفه الأسباب، ذلك لأنهم استمروا بالتخزين والتخزين حتى انفجروا
    مثل ما يقولوا، القشة التي قسمت ظهرالبعير

  • Abdullah

    April 19, 2012 at 7:48 am

    إيه رأيك استاذ فيصل ،فيه ناس تكتب اهداف ال١٠ سنين. وناس تكتب اهداف سنه وحده بس مركزة بتعدد وتنوع الاهداف. اي طريقة من دول تنصح الناس فيها حضرتك؟

  • the happiest woman

    April 19, 2012 at 11:26 am

    استاذي تعلمت منك احب نفسي  كما لم احبها من قبل و  تعلمت احب و اسامح الجميع و انسى اساءاتهم الي وتعلمت منك حب الحياة وحب مساعدة الاخرين و تمني الخير لهم  وترك الغيرة و الحساسية المفرطة  و تعلمت افكر بشكل ايجابي و ارى الجانب المشرق في كل شيء  و غيرها كثيييييير من الصفات الايجابية انت  غيرت شخصيتي 180 درجة، الله يعطيك حتى يرضيك و رفع اسم و شأنك و جعلها في ميزان حسناتك و رزقك الفردوس الاعلى  اللهم امييييييين

  • فيصل عبد ال

    April 19, 2012 at 1:06 pm

    التخطيط يختلف عما تحدثت عنه في مقالتي ورقة و قلم
    التخطيط شيء فعال بالطبع، لكن هو شيء وما نتحدث عليه شيء آخر تماماً
    بالتوفيق ان شاء الله

  • فيصل عبد ال

    April 19, 2012 at 1:13 pm

    جزاك الله كل الخير يا أميرة على كلامك الجميل، ربنا يغفر لنا ويرحمنا ويرزقنا الجنة جميعاً ان شاء الله
    بالتوفيق دائماً ان شاء الله

  • فوفو

    April 19, 2012 at 2:20 pm

    هل عند المعايشة يجب كل يوم ان اغير المشهد اي يكون تكملة لما قبلة؟ ولا نفس المشهد يجب تكرارة كل يوم  ؟

  • فوفو

    April 19, 2012 at 3:32 pm

    طيب تذكر الهدف طوال اليوم ولا فقط قبل النوم وبعده ومن ثم تجاهله خلال اليوم  ؟

  • the happiest woman

    April 19, 2012 at 7:54 pm

    استاذي اذا كان الهدف  اني اخس ما هو المقابل المناسب لذلك؟

  • mona

    April 20, 2012 at 7:24 pm

    أسئلة مهمة جدا في انتظار اجابة حضرتك عليها

  • فيصل عبد ال

    April 21, 2012 at 11:15 am

    نفس المشهد

  • فيصل عبد الواحد

    April 21, 2012 at 11:16 am

    كل ما تفتكر الهدف خلال اليوم هتلاحظ ان شاء الله أفكار وخطوات بتجيلك
    فكر فيها ورتبها واشتغل عليها ان شاء الله

  • فيصل عبد ال

    April 21, 2012 at 11:22 am

    الاستعداد لعمل المطلوب، لو كان المطلوب انك هتبتعدي عن أكلات معينه، او تعملي تمارين معينة – عقلية أو جسدية – أو انك تغييري معتقدات معينة، فيكفي ان تكوني على استعداد لفعلها ان شاء الله
    اكتبي في المقال : وان شاء الله هعمل كل المطلوب عشان أخس وأكون في الوزن المثالي اللي أنا عايزاه
    ممكن تكوني أكثر تحديداً وتحددي وسيلة محددة، التمارين الرياضية، تخفيف أكل الوجبات الجاهزة، تنظيم الوجبات، وفي نفس بتخس بمجرد انها عايزه تخس
    في تمارين عقلية لتحويل الدهون الزيادة اللي في الجسم لمواد يتم اخراجها من الجسم، ان شاء الله هتكلم اكتر عن الموضوع ده في الكورس التدريبي لقانون الجذب ان شاء الله
    بالتوفيق بإذن الله

  • فيصل عبد ال

    April 21, 2012 at 11:25 am

    أي أسألة تحديداً يا منى ؟

  • Abdullah

    April 21, 2012 at 12:50 pm

     ماشاءالله انت جذبت حاجه بالمقاله ذي استاذ فيصل. وبرضه كنت اسمع الراديو يتكلم عن التخطيط وتحديد الاهداف  فسبحان الله ذكر ان من يكتب أهدافه يوصل للهدف ١٠٠٠٪ فحسيت من الرقم ده بأهمية كتابة الاهداف  وفعاليتها 

  • Pingback: Anonymous

  • mona

    April 21, 2012 at 5:31 pm

    نفس أسئلة الاخوة اللي كانت مكتوبه وحضرتك مشكور رديت عليهاشكرا شكرا أستاذ فيصل

  • mona

    April 21, 2012 at 5:39 pm

    أستاذ فيصل ايه الطريقة اللي ممكن نعملها لزيادة اليقين والثقة بالله ان الهدف هيتحققواذا كنت دايما بفكر في الاسباب الدنيوية وصعوبة وصولي للهدف او حتى استحالته رغم علمي ويقيني ان الله قادر على كل شيء ولكن دايما عقلي الباطن بيتساءل ازاي ممكن الموضوع يتحقق؟؟  

  • فيصل عبد ال

    April 21, 2012 at 10:06 pm

    بفضل الله وحده الحمد لله

  • فيصل عبد ال

    April 21, 2012 at 10:15 pm

    حرق المعتقدات

  • اروى

    April 22, 2012 at 6:09 am

    رائع أنا صار لي سنوات احاول اافهم قانون الجذب من اسلوبك الرائع وشرحك الوافي شكراً لك

  • the happiest woman

    April 22, 2012 at 8:59 am

    شكرا لك سابدا التطبيق في اقرب وقت ان شاء الله و اتمنى ان تكتب لنا التمارين الذهنية الخاصة بحرق الدهون و في انتظار الكورس التدريبي وفقك الله 

  • فوفو

    April 22, 2012 at 12:22 pm

    ^^^^^^^^^من جد انا كمان مرة متحمسة لمعرفة طريقة حرق الدهون بقانون الجذب

  • فيصل عبد ال

    April 22, 2012 at 12:35 pm

    بالتوفيق ان شاء الله، انصحك بمراجعة باقي المقالات ان شاء الله
    بالتوفيق

  • فيصل عبد ال

    April 22, 2012 at 12:35 pm

    ان شاء الله ستكون ضمن الكورس الجديد، بالتوفيق ان شاء الله

  • nidaa

    April 22, 2012 at 6:18 pm

    مساء الخير استاذ فيصل
    وان بقرا عن حرق الدهون قريت عن طريقة فعالة جدا في كثير خف وزنهم من اتباع هذه الطريقة الي تسمى (TTAPPING) حاولت اعرف كل تفاصيل بس لاسف مافي غير شهادات لناس استخدموها وحصول على نتائج مذهلة خلال اسبوع بكثير، واعتقد هي مجموهة حركات بسيطة تحفز الجسم على حرق الدهون
     ياريت لو تعرف عن هل موضوع او اي موقع عن ثقة تدلنا عليه
    جزيل الشكر

  • فيصل عبد ال

    April 22, 2012 at 11:05 pm

    والله يا نداء جدول الأعمال فيه حاجات كتير قبل تقنيات النقر وال
    EFT
    ما أقدرش أقولك اني هتكلم عليها قريب، لكن ان شاء الله هتكلم عليها وممكن يكون ليها منتج خاص كمان بإذن الله
    بالتوفيق دائماً ان شاء الله

  • nidaa

    April 23, 2012 at 6:17 am

      جزيل الشكر بانتظار         جزيل الشكر على مقالاتك الي ننتظرها باحر من الجمر كل مقالة احلى من الثانية

  • فيصل عبد ال

    April 23, 2012 at 1:22 pm

    شكراً على ردك الجميل، بالتوفيق دائماً ان شاء الله

  • nidaa

    April 25, 2012 at 6:14 pm

    يسعد مساك استاذ فيصل
    ممكن سؤال لو في شخص مريض نفسي وانا عملته جذب حتى يشفى ويرجع لحاتله الطبيعية ماهو المقابل؟؟
    انا فكر كثر بالمقابل ماتوصلت لشئ معين  ياريت لو تساعدني في هذا الموضوع
    مع الشكر

  • فيصل عبد ال

    April 25, 2012 at 11:11 pm

    تستطيعي ان تجذبي له الشفاء بالطبع، والمقابل هو أنك ستفعلي كل يتطلبه الشفاء بإذن الله، من رعاية طبية أو نفسية أو حتى مجرد الوجود بجانبه
    بالتوفيق ان شاء الله

  • abeer

    April 25, 2012 at 11:41 pm

    *ازيك يا مستر فيصل
    هو الاحسن اكتب كذا هدف والا هدف واحد بس واركز عليه
    ايه هو الاحسن فيهم ؟

  • فيصل عبد ال

    April 26, 2012 at 10:08 pm

    لو كذا هدف يفضل يكونوا كلهم في ورقة واحدة، صيغيهم كلهم في صيغة تجمعهم كلهم أفضل
    ومفيش مشكلة في اختلاف التواريخ، بعد كل هدف في الصيغة دي اكتبي التاريخ المحدد بتاعه
    بالتوفيق ان شاء الله

  • nidaa

    April 27, 2012 at 11:26 am

    نهارك سعيد استاذ فيصل
    اسئلة في بالي ياريت تجاوبني عليه مع الشكر
    نسمع من ناس كثيرين كلام عن الحظ السئ، وتاخير في تحقيق الهدف، وانه يتعب كثير لحد مايحصل على هدفه. وان كل شئ يتاخر، والفرص قليلة سواء في العمل او غيره وانا شفت انه فعلا هذا هو حالهم. هل هذا يدل على اعتقاد سلبي لديهم؟ هل الحل هو حرق المعتقدات القديمة والسلبية؟؟ وكتابة الايجابيات بالمقابل؟؟ هل سيغير هذا في حياتهم او سيزيد من الفرص؟؟
    مع جزيل الشكر

  • فيصل عبد ال

    April 28, 2012 at 1:10 pm

    أكيد هيغير، لكن المشكلة، ان الناس دايماً هي اللي بتشوف الحاجات السلبية وتعممها
    الفرص موجودة، ممكن تحتاج تعب، لكن موجودة، واللي عايز فعلاً يحقق هدفه لازم يكون مستعد انه يتحمل أي شيء في سبيله
    بالتوفيق ان شاء الله

  • Anonymous

    April 28, 2012 at 4:29 pm

    سلام استاذنا..معلش تعبناك معنا بس عندي سؤال كمان احنا كتبنا الورقة الي فيها الكلام عن الهدف..الي بنقرا او  بنكتبو مرتين بيصير نضيف عليه جملة تذكرتها جديدة وحابة اضيفه بتخص الهدف وهلأ تذكرتها..شو رأيك ؟؟؟ او ما بغير بالورقة ابد؟؟؟وشكرا الك مقدما استاذنا

  • فيصل عبد ال

    April 28, 2012 at 10:55 pm

    بالعكس، من الأفضل ان تعدلي الورقة وتضيفي وتحذفي منها
    يسرع جداً من تحقيق الهدف بشكل لن تصدقيه
    ولكنني لم أكتب ذلك في الموضوع حتى لا يشعر القارئ بالكسل وكبر المهمة اذا طلبت منه تعديل الورقة كل يوم أو يومين أو ثلاثة
    أردت أن أكتب أقل المطلوب، خصوصاً وأنا أعرف أنه ستوجد مقاومة من البارادايم للقارئ
    بالتوفيق ان شاء الله

  • nidaa

    May 2, 2012 at 5:12 pm

    كلامك صحيح استاذ فيصل
    الكتابة طريقة ممتازة وانا لاحظت ان كل يوم بضبف شئ جدبد حتى من غبر مافكر فيه، مثل ماتكون تعيش كل مراحل تحقيق اهدافك حاليا وكل يوم تشوف نفسك حققت شئ منه ثم تنتقل للمرحلة الي بعدها
    صحيح مثل ماقلت في مقاومة للباردايوم، اذا استمر الامر اتصور ان طريقة حرق معتقدات انسب حل، او طريقة النقر، انا بستعمله كل ماحسيت بالضيق او التوتر، طريقة ممتازة بحس على طول بعدها بالنشاط والحيوية  

  • nidaa

    May 3, 2012 at 12:44 pm

    مرحبا استاذ فيصل
    سؤال ممكن استخدام هذه الطريقة للمتزوجة  بان يزيد من حب واهتمام الزوج له خصوصا الي يكون زوجها اهملها او مامهتم فيها كثير او قل حبه لها؟؟  انا بعمل في مركز استشاري للمراة ممكن نعالج كثير حالات بهذه الطريقة وينفع بها ناس كثيرين وعوائل

    جزيل الشكر

  • فيصل عبد ال

    May 3, 2012 at 3:09 pm

    طبعاً ممكن جداً يا نداء
    وبشكل عام، أي حاجة تتضمن شيء عاطفي، نسبة نجاحها بتبقى أسرع من الأهداف المادية زي الفلوس او الوظيفة أو البيت أو..إلخ
    بالتوفيق ان شاء الله

  • nidaa

    May 3, 2012 at 5:57 pm

    جزيل الشكر انشاءالله اطبقه على كثير حالات عندي ونعالج حالات كثيرة من تفكك الاسري

  • Anonymous

    May 3, 2012 at 6:56 pm

    بصراحة استاذنا انا بس غيرت الجمل الي كتبتهن اجتلي مقاومة قوية من البارادايم مع العلم انا عملت حرق المعتقدات بس اجالي يأس قوي..وعم اقاوم مش عارفة اعمل ايه بس رح مابغير كل 4 او 3 ايام لان كل يومين كنت عم اغير مرات كل يوم بغير شوي من الجمل ..بدك تنصحني شي استاذنا ؟؟؟؟

  • فيصل عبد ال

    May 3, 2012 at 10:35 pm

    بالتوفيق ان شاء الله.

  • فيصل عبد ال

    May 3, 2012 at 10:36 pm

    تغيري ايه بالظبط؟ عموماً وارد جداً ان تشعري باليأس، أو حتى ان الوضع تدهور
    لأن السلبيات المتخزنة بتطلع
    وزي ما قلنا دي عملية تطهير للجرح، اللي أكيد بيصاحبها ألم
    استمري، وبالتوفيق ان شاء الله

  • Anonymous

    May 4, 2012 at 11:22 am

    شكرا استاذنا ..انا قولتلك انو تذكرت جمل جديدة بتخص الهدف الي حددتو باليوم والشهر والسنة بس كلما بغير بيجيلي يأس قوي..هلأ انت فهمتني اكتر شكرا كتير الك

  • فيصل عبد ال

    May 4, 2012 at 3:08 pm

    جميل، بالتوفيق ان شاء الله

  • Pingback: خلاصة قانون الجذب | قانون الجذب

  • صحراء 55

    May 16, 2012 at 7:08 pm

    السلام عليكم

    عندي سوال بعدما نحدد الهدف وكل المطلوب في المقاله

    هل يمكن ان يكون الهدف ان تجذب يوم للمناسبه معينه  لشخص اخر

    وهل عندما تقرا الورقه من اول ما تستيقظ من النوم

    يعني بعد صلاة الفجر

    وهل اذا حصل وشعرت بامشاعر سلبيه  بعد تحديد الهدف هل يمكن ان

    نعالج هذا الامر بحرق المعتقدات وشكرا


  • فيصل عبد ال

    May 17, 2012 at 3:17 am

    وعليكم السلام ورحمة الله وبركاته
    مش فاهم أول سؤال بصراحة
    تاني سؤال اه بالظبط اول ما تصحي من النوم ويفضل بعد أذكار الصباح اذا بتقوليها مباشرة ان شاء الله
    واه بالظبط تقدري تتخلصي من الشكوك بحرق المعتقدات
    بالتوفيق ان شاء الله

  • صحراء 55

    May 17, 2012 at 12:27 pm

    السلام عليكم

    السوال الاول اقصد فيها هو انني

    اجذب يوم وتاريخ محدد لعقد زواج صديقاتي هل هذا ممكن

    وشكرا

  • فيصل عبد ال

    May 17, 2012 at 3:13 pm

    وعليكم السلام ورحمة الله وبركاته
    اه ممكن ان شاء الله
    بالتوفيق دائماً بإذن الله

  • lola

    May 17, 2012 at 7:25 pm

    اشكرك جزيلا يا دكتور فيصل روبنا يكرمك

    بس عندي استفسار لاني اتلخبطت

    1- يعني الكتابه (او قراءه اللي كتبته يعني)افضل اعملها يوميا حتي يوم تحقيق الهدف؟

    2-المعايشه اعملها لمده 3 ايام فقط  كل يوم مرتين مره بعد كل كتابه؟

    3-في الكتابه هي اني اقرا اللي كتبته مع الاحساس بيه ويفضل اني اكتب كل يوم المشهد _  طيب بيكون نفس المشهد ولا اكتب مشهد من جديد مع تطور احساسي بيه ولا لازم نفس المشهد ومااغيرش التفاصيل؟

  • فيصل عبد ال

    May 17, 2012 at 8:41 pm

    الشكر لله يا لولا
    الكتابة بتبقى مرة واحدة بس، لو عايزة تكتبي مرة كل أسبوع هتساهم أكتر في تحقيق الهدف ان شاء الله
    المعايشة كل يوم مش 3 أيام بس، ويفضل تعمليها قبل ما تنامي، 3 أيام دي خاصة بطريقة تانية مش دي
    لو هتعيدي الكتابة يفضل كتابة نفس المشهد لكن لو عايزه تضيفي أو تحذفي هدف مفيش مشاكل

    انا لاحظت ان الناس عندها صعوبة في قراءة المشهد كل يوم خصوصاً لما بيكون فيه تفاصيل كتير
    فممكن تجربي سطر أو سطرين فيهم الهدف والمقابل والزمن ان شاء الله
    بالتوفيق بإذن الله

  • lola

    May 18, 2012 at 6:41 pm

    الف شكر يا دكتور

    وربنا يكرمك ويحقق لك كل اللي عايز تجذبه ويديم عليك الصحه

  • فيصل عبد ال

    May 19, 2012 at 6:58 am

    الشكر لله، بالتوفيق دائماً ان شاء الله

  • اسيل

    May 20, 2012 at 10:30 pm

    *الي الان اشعر بلخبطه

    انت قلت مثال البيتزا وانك اطلب الهدف بدون لا تفصله ولا تفكر كيف ومتي سياتي والان تقول فصل الهدف وحدد متي سوف يحدث 

    يعني نعمل ايه بالزبط دلوءتي 

    بجد  انا الامور تلخبطت عندي 

    اشرح هدفي ولا اطلبه واتركه للكون يجيبو ليا

  • nidaa

    May 21, 2012 at 7:12 am

    ممكن اساهم بالجواب مثال البيتزا انك لما تحدد الهدف لاتسال كيف سيحدث ذلك او باي طريقة او تشرح تفاصيل تحقيقه او مراحل تحقيقه، وانما تتركه يحدث تلقائيا، هنا الهدف انك توصفه بادق التفاصيل وتحس انك تملكه وتحس بالفرحة كل ماقرات او كتبته كانك حصلت عليه فعلا. اتصور هذا الي يقصده بمثال البيتزا

  • scarlett

    May 21, 2012 at 10:16 am

    معلش انا كمان جاوب 🙂
    عزيزتي اسيل انا متابعة تعليقاتك بالموقع واسئلتك كلها عم
    دور حول محور واحد (العقل الدافع والجاذب)
    اي شي بتشوفيه فيه تكرار وتحديد والخ بيكون خاص بالعقل الجاذب
    اما اللي بيعتمد على النسيان وفك الارتبط وعدم التفصيل متل مثال البيتزا
    فهاد خاص بالعقل الدافع وانتي شوفي اي نوع عندك عقل دافع ولا جاذب
    وتصرفي على هالاساس
    بس الدكتور فيصل دائما بيئلنا نركز على الطريقة الخاصة بالعقل الجاذب
    لان نتائجها احسن بكتير على المدى البعيد
    وبالنهاية الله اللي بيحققلنا اهدافنا وليس الكون 🙂
    بتمنالك التوفيق عزيزتي اسيل
    على كل حال انتظري الدكتور فيصل هو بيعطيكي الجواب الشافي

  • فيصل عبد ال

    May 21, 2012 at 1:26 pm

    يا أسيل انا جاوبت أكثر من مرة على السؤال ده
    وجاوبتك انتي تحديداً أكتر من مرة
    العقل الدافع هو اللي بنستخدم معاه نسيان الهدف
    العقل الجاذب هو اللي نستخدم معاه الاصرار على الهدف
    ونصحتك انك تقرأي مقالة "انا زهقت – كل ما أجذب حاجة تختفي" لكن تقريباً انتي ما قريتيهاش
    بالتوفيق ليكي ان شاء الله

  • shaima

    June 14, 2012 at 6:50 pm

    *سلام عليكم استاذ فيصل شكرا جزيلا على كل الي تكتبه الناوصراحة استخدمت قانون الجذب في جذب موبايل معين

    والحمدلله لقد جذبتة بغضون اسبوع فقط

    سؤالي الان ما تثايير العبادات والطاعات على قوة الجذب في تحقيق الاهداف

    واتمنى ان اجد مقالة تربط بين قوة الارتباط بالله وبين تحقيق اهدافنا

    وانا متاكدة من اني ان شالله سانقل لك تجربتي عن قريب مع قانون الجذب

     

  • shaima

    June 14, 2012 at 9:04 pm

    استاذ فيصل بانتظار ردك انا من متابعيك

     

  • فيصل عبد ال

    June 16, 2012 at 11:16 am

    وعليكم السلام ورحمة الله وبركاته
    الخشوع في العبادات، وليس العبادات فقط
    الخشوع فيها والتقرب من الله، أقوى من أي شيء آخر
    عن تجارب شخصية
    وهو اللي بيرشدك بعد كده تستخدمي قانون الجذب ازاي
    ممكن بعد خشوعك في الصلاة والدعاء بخشوع لله، يضع قدامك طريقة لاستخدام قانون الجذب، أو شخص يقربلك هدفك، أو فرصة تقرب تحقيقك ليه بإذن الله
    بالتوفيق ليكي ان شاء الله

  • shaima

    June 16, 2012 at 5:20 pm

    *

    سلام عليكم

    اول شي بشكرك عن جد من كل قلبي انك رديت على

    سؤالي

    ولكن عندي ثلاث اسئلة يا استاذ فيصل

    سؤالي الاول:

    انا كتبت تفاصيل الهدف الذي اردته في ورقتين

    وكنت اقراها واتعايشها ثم بعد اقل من اسبوع بيضت الورقتين وطورت من الاهداف الي كتبيتها

    على الورقة الاولى يعني تقريبا عدت صياغة جميع الاهداف الي سويتها مرة ثانية باضافة

    تفاصيل واهداف اكثر وبتواريخ مضبوطة بعد ما اتعمقت اكثر بقراءة المقالات

    وبدات اقرا اهدافي واتعايشها ولكن سؤالي هل يجوز

    ما فعلته الان اني طورت من الاهداف وتفاصيلها اكثر واخذت مني وقت اكثر من ثلاث ايام

    فهل يعتبر هذا خطا من اخطاء في قانون الجذب كالذي

    يبقى مثل الذي يطلب البيتزا بتفاصيلها ولكني خلاص يستحيل اضيف اي شي يعني في اخر مرة

    قد ذكرت كل تفاصيل اريدها ولن اتجاوز اي شي بها

    سؤالي الثاني:

    هل شرطا ان نقراها يوميا مرتين

    ام اكتفي بقرائتها فقط قبل النوم واتعايشها بكل

    احساسي لاني صراحة عندما اصحو صباحا اجد صعوبة في القراءة بسبب اني ملتزمة بالدوام وهل يجوز قرائتها بوقت غير الصباح

    سؤالي الثالث:

    اريد ان اكون دائما سعيدة وفرحة ومتفائلة ولكني

    عندما قررت في الجمعة التي مضت ان اصبح سعيدة ولن يؤثر بي شي مهما حدث ولكني وبعد الفطور واذا باحد يسيء الي بالكلام فتضايقت من

    كلامه وقسوته معي ولكني في قرارة نفسي مسامحته فكيف اتخلص من الضيق الذي سببه لي ذالك

    الشخص لكي لا يؤثر على قوة جذبي لاهدافي فهل الجا الى الكتابة لاخراج الطاقة السلبية

    ام ماذا برايك علي ان افعله

    ولك مني فائق الشكر والتقدير

  • Nano

    August 21, 2012 at 4:42 am

    *ياريت يا دكتور فيصل تفيدنا وتجيب على اسئلة شيماء

    لانها فعلا تدور في اذهاننا 

    لو سمحت ممكن اللاد

    وجزاك الله خير

  • فيصل عبد ال

    August 22, 2012 at 12:37 am

    ان شاء الله اما اشوفها هرد عليها
    بالتوفيق ليكي ان شاء الله يانانو

  • Amirah

    September 6, 2012 at 12:34 pm

    عندي سؤال ما اعرفش اذا كان فيه حد سأل نفس السؤال قبلي..

    لأني ما قرأتش كل التعليقات

    انا شخصيا عملت نفس الخطوات دي تقريبا او تشبهها.. يعني حددت يوم لحصول هدفي وكتبت اللي انا عاوزاه بالهدف

    طبعا مش حقوللك ازاي التقنيه اللي عمتلها انا كيف دقيقه جداً جداً

    التقنيه عطاني اياها انسان وقال لي امانه ما تعطيهاش لحد لأنها سر لشركه معينه

    المهم انا عملت التقنيه بكامل خطوات التمرين

    بس المشكله واللي حصل/ انو هدفي تحقق بالضبط جداً زي ما انا بفكر تماما وبدقه ما تتصورهاش

    بس كله صار لأختي.. يعني كان هدفي الزواج.. بس الهدف والامنيه وكل حاجه فكرت فيها واتمنيتها صارت لأختي..

    في تصورك ده معناه ايه يا استاذ؟؟

    وممكن تجاوبني على سؤالي ده على ايميلي؟؟ لأن ممكن ترجع للرسايل اللي رسلتها لك وتكلمت فيها عن نفسي وعن مشاكلي النفسيه والاجتماعيه..

    وممكن تعطي هنا جواب بشكل عام علشان اللي عاوز يستفيد من الاجابه..

    وبإنتظار ردك هنا وعلى الاخص على الخاص.. الاجابه دي بالنسبه لي مهمه كثير اعرف اجابتها منك انت شخصياً بالذات يا استاذ..

  • فيصل عبد ال

    September 6, 2012 at 11:25 pm

    مش هقدر اجاوب بدون ما اعرف التقنية يا أميرة عشان اعرف الخطأ كان في ايه
    بالتوفيق ان شاء الله

  • نانا

    September 12, 2012 at 12:41 pm

    *استاذ فيصل انت حقا رائع  ومعطاء ومحب للخير
    عندما اقرا ردودك  وصبرك واجابتك على مختلف التساؤلات   يقف لساني عاجز عن وصفك
    استاذي ان اكتب تاريخ محدد للهدف من الممكن ان يعني ان اقسم هدفي الى مجموعة اهداف اصغر او اجعله على مراحل
     مثلا انا اريد ان اتزوج من الشخص الذي ارغب به من اعماقي (بمواصفات معينه اذكرها) ونعييش معا نحن واطفالنا في المنزل الذي اريده بصحه وحب وسعاده
    هنا لااستطيع ان احدد موعد واحد للهدف فالأطفال لا ياتون بنفس موعد الزواج
    وما المقابل هنا الذي ساقدمه وهل التعبير يوحي بأنه هدف داخلي  ام علي ان اغير الصيغه انا صدقا هذا الذي ارغبه من اعماقي ..طريقة تقسيم الهدف الى مراحل تخفف من مشاعر الفرح التي اشعرها
    فعندما اذكر الاطفال والمنزل الذي ارغبه في هدفي تزداد الفرحه  فما الحل بهذه الحاله
    عذرا استاذي على الاطاله اعذرني رغم انني قرأت الكثير في القانون الاا انني اعتبر نفسي مبتدئه وبعد ان قرات لك فقط شعرت انني وضعت قدمي على بداية الطريق
    الله يزيدك من فضله ويقويك ويعطيك الصحه ويجزيك الخير على المجهود الذي تقوم به لمساعدتنا  

  • فيصل عبد ال

    September 12, 2012 at 10:57 pm

    اهلاً بك يا نانا أنت و كل الزوار والمتابعين في أي وقت
    حابب أوضح ليكي بس، ان طرق تحقيق الأهداف بقانون الجذب
    3
    فك الارتباط
    مقاومة البارادايم
    تغيير المقاومة الداخلية

    الكتابة تدخل ضمن الطريقة الثانية
    وهي طريقة صعبة نوعاً ما ونسبة نجاحها قليلة جداً، نظراً لما ستجديه من مقاومة شرسة من البارادايم
    والذي بدوره سيجذب لك مقاومة خارجية تتمثل في الظروف والأشخاص

    والطريقة الأولى هي معايشة ايجابية لضد الهدف
    طريقة صعبة ومعقدة نوعاً ما لكنها أقلهم وقتاً، ولكن تحتاج خبرة بقانون الجذب
    أما الطريقة الأخيرة فهي أفضلهم على الإطلاق
    تبتدأ بالتحرر، أنصحك بالإلمام بها عن طريق قراءة المقالات بداية من مقالة "طريقك ايه"، ستفيدك جداً بإذن الله
    مرة أخرى تقبلي تحياتي وتشرفيني في الموقع في أي وقت
    تحياتي لك وبالتوفيق ان شاء الله

  • lana

    September 20, 2012 at 8:01 pm

    *مرحبا استاذ فيصل 
    انا بنت عمري 20 سنه بدرس بالجامعه طبعا انا عندي اكتر من مشكله  اولهم طبعي سيء جدا وبزعج وبيزعل ناس كتير ومنهم ماما و بابا وكتير بحاول غيرو بس ما بقدر برجع  أخر شي

    وتانيا تحصيلي في الجامعه متدني كتير واحيان بحكي انا هاد الفصل رح انجح وارفع معدلي بس للأسف ما بيزبط وعم يسوء

    وتالتا في بحياتي شخص بحبو كتير وهو بحبني وكتير حابه ارتبط بهاد الشخص عن دون كل لزلام وحابه كمل حياتي معو وعنجد انا هاي الفتره عم عاني لأني ما عم اتخيل حالي بقدر اعيش بلا وبتخيل كتير اشياء سيئة ممكن اتصير بينا اتفرقنا بالمستقبل وانت حكيت انو ما لازم نحكي لحدا عن الشي الي بنتمناه طيب ازا كان الكل بيعرف انو بحبو وبدي ايا لهاد الشب بيأثر هالشي انا كتير بتمنى اتساعدني لصلح حياتي  لأنو عم حس شعور سيء وكل عم يأثر على دراستي

  • فيصل عبد ال

    September 21, 2012 at 11:45 pm

    اتشرف بمساعدتك يا لانا
    نصيحتي لك كنصيحتي لكل من قابلني بنفس التحدي من قبل
    انصحك بقراءة مقالة سيدونا ببساطة، ثم تتبعيها بمقالة كبسولات مؤقة
    اضغطي عليهم سيتم أخذك إليهم بإذن الله

  • amal

    September 27, 2012 at 11:03 pm

    *استاذ فيصل معذرة لكثرة الاسئلة لكنى قرات فى اخطاء تطبيق قانون الجذب تحديد وقت وان الافضل توقع حدوثه فى اقرب وقت
    لكن هنا حضرتك بتقول نحدد وقت طيب لو الوضوع انى الاقى شريك حياتى احددوقت للزواج ولا الافضل اقول فى اقرب وقت
    بارك الله فيك

  • فيصل عبد ال

    September 28, 2012 at 12:24 am

    هناك عدة تقنيات يا أمل لاستخدام قانون الجذب
    لكن انصحك ان تضعي الوقت مائل للبعد نوعاً ما
    خصوصاً في اول تجاربك مع قانون الجذب
    تحياتي لك وبالتوفيق ان شاء الله

  • deena

    December 16, 2012 at 5:21 pm

    أستاذ فيصل انا منذ فترة أطبق حرق المعتقدات ثم الورقة و القلم لمجموعة من الأهداف و المشكلة انه باقي على التاريخ الذي حددته من أجل تحديد الهدف هو فقط 15 يوما و ألاحظ مقاومة شديدة جدا ممن حولي …سؤالي هو هل تبصحني أن اكمل هذه الطريقة حتى التاريخ المحدد أم علي ان اغير الى الطريقة الثانية منذ الان و هي طريقة تغيير المقاومة الداخلية ؟ في هذه الطريقة عند عمل المعايشة هل يجب أن أحدد تاريخ تحقيق الهدف ؟؟ و الى متى يجب أن أستمر ؟؟

  • amirnafsak

    December 26, 2012 at 10:19 am

    اهلاً يا دينا
    دائماً وأبداً أنصح بتغيير المقاومة الداخلية
    وشخصياً لا أر أفضل منها
    ولا يجب ان تحددي الهدف خصوصاً وانت مازلت في اول الطريق
    وتستمري في المعايشة الداخلية حتى تحقيق الهدف بإذن الله
    تحياتي لك وبالتوفيق بإذن الله

  • rooody

    January 18, 2013 at 8:07 am

    انا كنت بستخدم الجذب احيانا فالماديات من غير تحديد مقابل وكان بيشتغل كتير والحمد لله
    بس انا عندي نقطتين
    الاولى انى ما عندي هدف اساسي فالحياة مش عارفة عايزة ايه بالظبط ممكن يكون ده هدفي
    والتانيه عاطفية حبيت حد اوى وكان يحبني والامور اتغيرت وصار الموضوع يتدمر ده شيء ممكن اصلاحه ولا اغير الهدف اني انسي واعيش ؟

  • amirnafsak

    January 18, 2013 at 6:46 pm

    هل تقصدي جذب شخص ما يا رودي ؟

  • rooody

    January 18, 2013 at 11:38 pm

    تقريبا اه هو المفروض الشعور كان متبادل بس حاليا صار بينا جفا فاه هل ده ممكن ولا انسي

  • Amal

    March 6, 2013 at 6:48 pm

    استاذي انامو عارفه كيف احب نفسي !؟ ممكن تساعدني

  • فيصل عبد الواحد

    March 7, 2013 at 10:29 pm

    متى كانت أول مرة شعرتي بها بعدم اللامبالاه تجاه نفسك يا آمال ؟

  • Amal

    March 8, 2013 at 9:41 pm

    احتمال يكون طول عمري بس ماانتبهت الا دلوقتي
    بصراحه انا انسانه احب زوجي واحب اهلي واخواتي لدرجة اذا معايه قرش واحد اشتري بيه لهم واسيب حالي،،، وعندي امثله كثيره يعني فيه حاجات باشتريها وبافرح اهديها لخواتي وانا ماقدرش اجيب لنفسي نفس الحاجه مره تانيه،، ودلوقتي اشتريت جوال غالي جداً وباهديه زوجي وبرضه مش حاقدر اجيب لنفسي يعني عندي ايثار للغير ،، ولما بقيت اقرأ عن الجذب ولازم الواحد يحب نفسه عشان يحب غيره حسيت اني مش باحب حالي ابداً لأني حتي لمااحب الناس وباعطي اعطي ومش باخذ حاجه من اي حد باحس اني حزينه ،،، وانا شايفه الناس الانانيه هم المبسوطين،، ازاي احب نفسي بطريقه صح!!! وعلي فكره غالباً باضغط علي نفسي عشان ارضي زوجي او اي حد علي حسابي ،،، والناس اللي اشوفهم مابيفكرو ولاهمهم مين يزعلي ومين يرضئ اشوف الكل يحبهم ولا يزعلوهم،،، وانا محدش يفكر بيه؟؟ المشكله التانيه
    زوجي نفس طريقتي بيحب اهله لدرجه بيشتري لهم ويخلص المعاش ولاهمه نفسه ولا انا ابداً لدرجه فاضل ثلاث سنين مااشترا لنفسه قطعه ملابس،،، ولو كنت انا اللي باطلبه حاجه مستحيل يجيبها عشان المعاش مش بيكفي لاخر الشهر ولو لحد من اخواته لا عادي مستعد يطلع عينيه ويديهم،، واخوته المتزوجين مستحيل يقصرو مع عيالهم عشانه ابداً…

  • Amal

    March 8, 2013 at 10:22 pm

    آسقه جداً اذا كنت طولت ف الكلام،،، والف شكر ليك عل اهتمامك يااستاذي

  • فيصل عبد الواحد

    March 13, 2013 at 3:28 pm

    ببساطة
    انظري ما الذي قصرتي فيه مع نفسك
    وابدأي بتصحيحه
    ويمكنك ايضاً استخدام تقنية الهوبونوبونو
    بالتوفيق ان شاء الله

  • فيصل عبد الواحد

    March 13, 2013 at 3:29 pm

    لا مشكلة على الاطلاق
    تحياتي لك

  • منة الله

    March 17, 2013 at 3:35 am

    دكتور ممكن اخلي المقابل لاي هدف اعمله يكون لربنا سبحانه وتعالي .. اصلي مثلا ركعتين شكر او اعمل ختمه قران شكر او احمد ربنا واشكر 1000 شئ من هذا القبيل

  • فيصل عبد الواحد

    March 20, 2013 at 8:20 pm

    اهلاً بك
    الغرض من كلمة مقابل يا منة
    هي أن ندخل في أنفسنا ألا نتوقع أن نستفيد دون أن نفيد الآخرين
    مثلاً الهدف المادي، فمعتقد انك مثلما تأخذي الأموال، فعليك توفير الخدمة
    والعكس صحيح، بالنسبة للناس الأخرى، ألا تستكثري دفع مقابل مادي، لخدمة تريديها من الناس
    تحياتي لك
    وبالتوفيق بإذن الله

  • هوا شامي

    April 7, 2013 at 3:53 am

    المقالة رائعة أول مرة امسك ورقة وقلم واكتب يارب  يبارك فيك انا مش مصدقة انني ممكن ابدأ بتحقيق احلامي الى حيز الواقع، الف شكر

  • فيصل عبد الواحد

    April 7, 2013 at 3:45 pm

    اهلاً بك
    ان شاء الله تأتي هنا وتخبرينا جميعاً بتحقيق حلمك
    تحياتي لك
    وبالتوفيق بإذن الله

  • مني زايد

    April 10, 2013 at 8:42 pm

    دلوفتي انا متلغبطة  هوا بعد سيدونا حضرتك قلت المعايشة 3 ايام فقط ومنكتبش توكيدات وهنا بتقول نكتب الهدف وبتاريخ في المستقبل طيب ما العقل الباطن عارف انه تاريخ في المستقبل اتمني توضح ايه الخطوة اللي بعد سيدونا او التخلص من المعتقدات السلبية

  • فيصل عبد الواحد

    April 13, 2013 at 2:56 pm

    اهلاً بك، واضح انك لم تقرأي دليل الزائر الجديد يا منى
    المعايشة 3 أيام لا تنتمي لطريقة تغيير المقاومة الداخلية، التي من ضمنها سيدونا
    أما ال3 أيام فهي خاصة بفك الارتباط
    اذا كنتي اخترتي طريقة تغيير المقاومة الداخلية فلا تلتفتي للمعايشة 3 أيام
    ما بعد سيدونا هو تحديد الهدف، ثم المعايشة 90 ثانية كل يوم بإذن الله
    تحياتي لك، وبالتوفيق بإذن الله

  • Hboosh

    April 22, 2013 at 2:50 pm

    *يعطيك العافيه دكتور ازا ممكن بدي أسالك هل يجوز ان اعمل مجموعة أهداف في الورقة والقلم وذلك بكتابه الهدف والميعاد وكل شيء عنه وانتقل للهدف الثاني وهكذا لانه يوجد عندي ثلاثة اهداف ومن ثم اعمل معايشه لجميع الأهداف مع بعضها “في نفس المعايشه ” 

    وشكرا جزيلا لك على المجهود الرائع

  • فيصل عبد الواحد

    April 25, 2013 at 1:48 am

    نعم ممكن بإذن الله

  • مني زايد

    April 25, 2013 at 9:54 am

    السلام عليكم كنت عايزة ارجع لحضرتك في حاجة هو في علاقة بين تطبيق سيدونا قبل النوم ونومي متقطع اصلي الموضوع ده اتكرر معايا لما بطبق سيدونا بفضل طوا الليل اقلق كل 10 دقايق من عز نومي
    وانام تاني وتتكرر العملية لغاية الصبح بصراحة خوفت وقلت اسال حضرتك

  • فيصل عبد الواحد

    April 29, 2013 at 12:47 pm

    وعليكم السلام ورحمة الله
    لا، لا علاقة على الاطلاق
    لكن بوجه عام، أي شيء يجعلك تشعري بال”فوقان” او النشاط العقلي يجعل من نومك صعباً نوعاً ما
    اذا كانت لديك صعوبات في النوم بوجه عام اخبريني وسأرسل لك تقنية مجاناً ان شاء الله لحل ذلك التحدي
    تحياتي لك
    وبالتوفيق بإذن الله

  • Mayada Mohamed Seada

    August 16, 2013 at 1:07 am

    المقال بجد رائع جدا وجميل انا كنت عاوزه اسال يعنى انا مثلا مخطوبه وعاوزه اطبق الكلام دا يعنى نفسى ابقى سعيده معاه و نبقى بنفهم بعض مفيش مشاكل مبنا حياتنا كويسه وهاديه تبقى صيغه الكلام ازاى واحدد معاد لايه مش فاهمه اطبقو على حاجه زى دى ازاى ؟؟.

  • Mayada Mohamed Seada

    August 16, 2013 at 1:16 am

    المقال بجد رائع جدا وجميل انا كنت عاوزه اسال يعنى انا مثلا مخطوبه وعاوزه اطبق الكلام دا يعنى نفسى ابقى سعيده معاه و نبقى بنفهم بعض مفيش مشاكل مبنا حياتنا كويسه وهاديه تبقى صيغه الكلام ازاى واحدد معاد لايه مش فاهمه اطبقو على حاجه زى دى ازاى ؟؟.

  • Mayada Mohamed Seada

    August 16, 2013 at 1:19 am

    المقال بجد رائع جدا وجميل انا كنت عاوزه اسال يعنى انا مثلا مخطوبه وعاوزه اطبق الكلام دا يعنى نفسى ابقى سعيده معاه و نبقى بنفهم بعض مفيش مشاكل مبنا حياتنا كويسه وهاديه تبقى صيغه الكلام ازاى واحدد معاد لايه مش فاهمه اطبقو على حاجه زى دى ازاى ؟؟.

  • فيصل عبد الواحد

    August 19, 2013 at 6:57 pm

    اهلاً بك
    هل تفضلي طريقة الكتابةعن التحرر يا ميادة ؟

  • حنين

    December 31, 2013 at 9:52 am

    اشكر حضرتك الاول
    وكان عندى كذا سسؤال
    انا جربت الطريقه د امبارح. على هدف الزواج
    وحاسه بسعاده كتير حاسه انى حدت معاد فرحى فعالا
    بس مش قادرة احس بده كانه بيحصل دلوقت
    لو حسيت الاحساس بيروح منى
    وانا بتاثر كتير بالافلام وممكن اتفرج على حاجه اعيش دور البطله يكون كويس لو اتفرج على حاجات رومانس واعيش فيها ولا هيجيب تاثير عكسى ولا مالوش تاثير اصلا ؟!

    برضه هل انا ابدأ بشراء التجهييزات والحاجات اللى احتاجها وكده ولا ده مالوش اثر فى جذب الهدف مع العلم بعد
    ماعملت الطريقه دى حسيت انى نفسى اعمل كده جدا وهل بعد فتر ه اقدر اغير اللى مكتوب ف الورقه اضيف مشهد او او ازود حاجه
    مع العلم انا حددت مواصفانت الانسان اللى بتمناه ودى مش هغيرها لكنى بكلم على لى المشهد أل
    اخير
    ولالازم تكون نفس الورقه والتغيرات تبقى ف خيالى فقط
    اسفه خالص على الاطاله
    وربنا يجزيك خير

  • حواء

    May 27, 2015 at 8:48 am

    السلام عليكم هو انا اقدر اعمل طريقه الورقه والقلم الى جانب سيدونا لاني حبيتها وشكرا

  • فيصل عبد الواحد

    May 27, 2015 at 8:47 pm

    ليس على نفس الموضوع
    تحياتي

  • فيصل عبد الواحد

    December 11, 2015 at 4:08 am

    نعم

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close