قانون الجذب

معاك ورقة و قلم ؟

April 11, 2012 — by فيصل عبد الواحد38

main

قانون الجذب

معاك ورقة و قلم ؟

April 11, 2012 — by فيصل عبد الواحد38

لسه ما جبتش ؟

الورقة والقلم، لسه ما جبتهمش ؟

عنواني كان واضح، مش كدة؟

معاك ورقة و قلم؟

ما تخافش، مش هقولك تكتب حاجة، أنا بس هكلمك، ليه لازم يبقى معاك ورقة وقلم

أو بمعنى أصح، علاقة ده، بقانون الجذب

والمقالة الجاية ان شاء الله، هقولك على طريقة، انا ما قولتهاش لحد - لحد الوقتي - عن استخدام الكتابة

تعتبر تاني أهم الأسرار الي ما بحبش أقولها، ليه، عشان حاجات كتير، أولهم أنها فعالة جداً لدرجة اني خايف عليك منها، ممكن تشتغل ضدك من غير ما تعرف

عن تجارب شخصية، وكمان عشان عايزه خطوات مسبقة، المهم، خلينا في مقالة النهاردة

الورقة والقلم

خليني الأول، أعرف انت ايه، هل انت شخص بتحب تفكر بطريقة منطقية، أو بتحب القوانين واللوائح والالتزام - الشديد المستفز - بيهم، اما بتشوف حاجة مايلة تحب تعدلها، اما تشوف ورقة قدامك عالمكتب مش في وضعها الطبيعي، القائم بزاوية 90 درجة، بتبقى هتتجنن لو ما عدلتهاش

!! أو لما بتحب تفكر بتحب تفكر بالورقة والقلم، أو يمكن بتفكر كتير جداً قبل ما تعمل حاجة، يمكن أكتر، بتحب نسب نجاح أي حاجة تعملها تكون 100%..على الأقل

لو أنت شايف نفسك فيك حاجة من دي، أو حاجات زيها، يبقى مبروك، انت شخص يغلب عليك، تحكم الجانب الأيسر من المخ، هنعرف الكلام ده مهم ليه حالاً

بالنسبة للبنات، والبنات بس، انتي أوضتك مترتبة ولا الحاجات فيها بتضيع كتير؟ يعني المنظر العام لو حد دخل أوضتك - أو شقتك - ممكن يقول عليها مترتبة كويس جداً، ومنظمة، ولا عادية ؟

لو كنتي من النوع الأول، اللي أوضتها أو شقتها مترتبة وسهل تلاقي فيها الحاجة الي بتدور عليها، يبقى برده مبروك، انتي من اللي يغلب عليهم تحكم الجانب الأيسر من المخ، وبرده هنعرف الكلام ده مهم ليه، وبرده، حالاً

أما لو أنت ما بتحبش تتقيد بقواعد، ساعات كتير بتاخد القرارات بناء على احساسك او بناء على خيالك، أو يمكن بتحب الرسم، مواعيدك مش مظبوطة، دايماً ما بتحبش الحلول التقليدية، عايز تكون مبدع، أو شايف نفسك انك مبدع، يبقى مبروك، انت من الأشخاص الي يغلب عليهم تحكم الجانب الأيمن من المخ، ونفس الحكاية بالنسبة للبنات

المشكلة، اللي عارف انك أكيد بتفكر فيها الوقتي

!! انك شايف نفسك من النوعين

يعني ايه، يعني انا أيمن وأيسر

الحقيقة اللي ماحدش من المدربين عايز يقولها..آه، كل الناس بيحكمهم الجانبين من المخ

ما أظنش ان في حد عنده جانب من المخ مش موجود، او ما اتولدش بيه، او بينساه لما يخرج من البيت

الجانبين شغالين، وشغالين كويس جداً

في حد ممكن يكون بيقرأ الوقتي، يقول اه، المسألة مسألة نسب، نسبة وتناسب يعني

يعني ممكن يكون الجانب الأيمن متحكم بنسبة 60%، والأيسر بنسبة 40%، مش كدة؟

لأ معلش، برده مش كدة

هو آه ده صح نوعاً ما لكن مش بنسبة 100%، لكن الصح، ان الحياة ما ينفعش تحطها في خانة واحدة

انت مش كمبيوتر، ومواقفك الي بتتعرضلها في الحياة ما ينفعش تمشي بالنمطية دي، يعني ايه برده ؟

يعني في مواقف بتحصلك، بتكون فيها منطقي جداً، وما بيجيش في دماغك وانت بتفكر فيها، أو بتتعامل معاها أي محاولة للابداع

وفي مواقف تانية، بتنسى ان موجودلها أسس وخطوات لازم تمشي عليها

!!وأنت نفس الشخص

يعني ممكن تلاقي واحد عشان مثلاً، يتكلم مع خطيبته، بيفكر، ويرتب، ويحفظ، ويعمل خطوات، وفي باقي حياته، ما بيحبش يتقيد بأي قوانين، ودايماً أفكاره وكلامه مع الناس غير تقليدي، وبيقدم حلول ابداعية لكل حاجة تقابله، وممكن ده يكون أصلاً سر اعجاب خطيبته بيه

! الأمثلة كتير لكن ده مش موضوعنا، وعايز أدخل في الموضوع على طول عشان المقالة بدأت تكبر مني

لو سلمنا بمبدأ ان لأ، لازم يكون في جانب غالب على الشخص، الأيمن مثلاً - والمبدأ ده صحيح في حاجات وغلط في حاجات - يبقى أكيد طريقة تفكيره، وتعامله مع الحاجات حواليه، وحتى تعامل الحاجات الي حواليه معاه، تختلف مع شخص يغلب عليه الجانب المخالف، الأيسر

ومن ضمنهم، قانون الجذب

يعني لو شخص منطقي، أكيد هيفضل الورقة والقلم في التعامل، وسلسلة الأهداف، والتخطيط الكتابي، والمواعيد، وكل الحاجات دي

لكن لو شخص ابداعي، أكيد هيفضل المعايشة، الخيال، تكوين صور عن الأهداف

طب لما الحكاية سهلة كدة، الناس عندها مشاكل مع قانون الجذب ليه ؟

عشان المشكلة الي قولناها من شوية، مفيش شخص عايش بجانب واحد

أهمية الكتابة، مش عشان انت شخص أيمن أو أيسر، ودي مفاجأة للناس الي قرأت كتابي عن المعادلة، عشان أهمية الكتابة

هي طريقة تواصلك مع عقلك الباطن، لكن في صورة واحدة بس، انك بتأكد، انك عايز الشيء الي بتكتبه

العقل الباطن بيوصله منك يومياً آلاف الرسايل والأهداف والأماني - بدون أدنى مبالغة

قانون الجذب في تعامله مع عقلك الباطن بيلاقي أنصاف أهداف، أرباع أماني، أتمان أحلام، وبيجذلك كل ده

ولو حصل ولقى حاجتين متعارضين، بيجذب الأقوى، يعني لو في ربع أمنية دخلت لعقلك الباطن، انك عايز تبقى غني عشان شوفت واحد غني وشوفت اسلوب حياته مثلاً، هيجذبلك العكس تماماً لو في معتقد راسخ جواك، بتقوله لنفسك كل يوم، استحالة، عمري ما هبقى كدة لو بعد 100 سنة

وبرده، الامثلة كتير، المهم، الورقة الي بتطلع فيها أمنياتك، بتقول فيها لعقلك الباطن، هي دي، هي دي الحاجات الي انا عايزها

آه هيا دي، باقي الحاجات ماكنتش أقصد أوصلهالك

انا عايز اللي انا شايفه بعينيا، وأنا بكتبه بإيدي الوقتي

سيبك من أي حاجة تانية

!! انا بصراحة كنت ناوي أخلي المقالة على آخر 3 جمل، عشان تبقى قصيرة، لكن مش عارف طولت مني كدة إزاي

أشوفك المقالة الجاية ان شاء الله، والمعادلة الكتابية، وخطواتها ان شاء الله

38 comments

  • nidaa

    April 11, 2012 at 5:00 pm

    مقالة جملية فعلا الكتابة مهمة جدا لان يرسخ الفكرة اكثر، مع العلم اني من النوع الي ماكنت بكتب اي محاضرة ولا كان عندي اي محاضرات مكتوبة كلن كله يتخزن في عقلي، بس يعجبني طريقة الكتابة جدا وهي مؤثرة فعلا تخليك تحس انك فعلا حققت هدفك وانك عايشه كل ماتكتب الجلمة يترسخ اكثر في العقل البااطن ويتعبر توكيد للهدف الي تحب تجذبه

    هذا استنتجته من تجاربي الشخصية

    انتظار مقالتك الجاية

    وشكرا

  • Fahad

    April 11, 2012 at 5:36 pm

    الله يعطيك العافيه استاذي المبدع والمنطقي ههههه

    استاذي اسمح لي ان اقحم علم الرياضيات في ثنائي لك واقولك لك

    مقالتك رائعه * رائعه * رائعه

    اشكر الله اولا انه دلني الى موقعك ثم اشكر السرنديب الذي اوصلني لك

    احب منك توضيح استاذيلعدة امور:

    1- ذكرت ان الكتابه ثاني اهم الاسرار .. اذا فماهو السر الاول

    2- ذكرت ان لديك كتاب .. ماهو اسم الكتاب وكيف احصل عليه

    3- متى موعد مقالتك التي ستذكر فيها المعادله لاني متحمس جدا

  • فيصل عبد ال

    April 11, 2012 at 10:04 pm

    الله يخليك يا فهد، شكراً لردك الجميل
    بالنسبة للسر الأول، فهو المعادلة الأصلية المسجلة بوزارة الثقافة المصرية
    لي أكثر من كتاب، في قانون الجذب والعلاقات الاجتماعية والتسويق الالكتروني، وكورس مخصص عن علاقة التسويق الالكتروني بقانون الجذب
    المقالة ان شاء الله خلال أيام بالكتير
    بالتوفيق ان شاء الله

  • صحراء 55

    April 11, 2012 at 10:11 pm

    السلام عليكماعجبتني المقاله واتمناان تكتمل هذه المقاله وشكرا

  • فيصل عبد ال

    April 11, 2012 at 10:12 pm

    الكتابة، هي طريقة نقل الفكرة من وسط التفكير، لوسط الواقع، المقالة الجاية تفسير اكتر ان شاء الله

  • rony

    April 11, 2012 at 10:36 pm

    Input your comments here…كلامك جميل ومقنع والحقيقة تماما مثلما قلت الناس تستخدم الجانبين  شكرا لك الله يجزيك الخير

  • فيصل عبد ال

    April 12, 2012 at 2:32 am

    بالتوفيق ان شاء الله، اتمنى ان شاء الله باقي المقالات تعجبك

  • aanaa

    April 12, 2012 at 6:19 am

    منور أستاذي فيصل بإشراقتك الجميلة وطلتك ' وإثرائك لنا بهذه الكلمات الغنية بمحتواها لكن إيه رأيك بتحديد الاهداف وكتابة التطبيقات بالموبايلات بدلا من الورقة والقلم   

  • فوفو

    April 12, 2012 at 7:20 am

    ابداع بمعنى الكلمةاستاذي حابة استفسر اكثر"بالنسبة للسر الأول، فهو المعادلة الأصلية المسجلة بوزارة الثقافة المصرية" وماهي هذه المعادلة يا ترى ؟ وكذلك انتظر تكملة المقآلى على احر من الجمممممررررررراتمنى ان لا تتأخر علينا علما لو تصدق يا استاذي اني قبل لا ادخل مدونتك بثلاث دقائققررت اخيرااا ان اسجل رغباتي في دفتر صغير وقد بدأت اسجلوفي الأثناء و انا ابحث طرأ على بالي ان ادخل مدونتك , و أرى اخر التحديثات لأجد" معاك ورقة وقلم؟" هل هذا يعتبر جذب ؟

  • ameera

    April 12, 2012 at 10:48 am

    معلومات كثير مفيدة  و اسلوبك رائع و ممتع ما شاء الله فعلا الكتابة انا جربتها مرة بقانون 21*14 و فعلا تم تحقيق الهدف ( كان صعب الهدف )لكن الله على كل شيء قدير و لا يعجزه شيء و حققت الهدف بحمد الله و  الالتزام بالقانون و حاولت اكثر من مرة ان اكرر القانون لاهداف اخرى لكن لا يمكنني المواصلة فلدي طفلة رضيعة تقاطعني او انشغل يوما ما فيجب البدء من جديد  فهل يوجد برنامج او طريقة اخرى مناسبة لي لا تتطلب هذا القدر من الالتزام ؟  اشكرك من كل قلبي

  • فيصل عبد ال

    April 12, 2012 at 6:11 pm

    الالتزام أيام معدودة، وحتى دقائق فقط في تلك الالتزام، هو ثمن مناسب جداً لتحقيق الأهداف
    ممكن تحاولي تظبطي وقتك، رغم وجود الأطفال، الحكاية ما بتاخدش دقايق، بغض النظر عن تمرين 21×14، الطرق في الموقع كثير وكلها طرق لا تأخذ أي وقت
    بالتوفيق ان شاء الله

  • فيصل عبد ال

    April 12, 2012 at 6:12 pm

    بشكرك على ردك الجميل يا aanaa
    لكن كتابة الأهداف لازم تكون كتابة يدوية، استخدام التطبيقات سواء موبايل أو كومبيوتر ليست فعالة مثل الكتابة باليد

  • فيصل عبد ال

    April 12, 2012 at 6:14 pm

    جزاك الله خير على كلماتك الرقيقة يا فوفو
    بالنسبة للسر الأول الخاص بالمعادلة المسجلة في وزارة الثقافة، لا أظن أنني سأتحدث عنه قريباً
    الموضوع ليس بتلك السهولة
    واكيد هذا الموقف جذب بعينه، ان شاء الله المقالة الجاية تحديد أكثر، وشرح أكثر، تمهيداً للمقالة الأخيرة في تلك السلسلة المعتمدة على المقالتين السابقتين لها
    بالتوفيق ان شاء الله

  • ameera

    April 12, 2012 at 7:03 pm

    شكرا لك  من يومين فقط رايت مدونتك لذا لا زالت اكمل قراءة المقالات و فعلا قرات اشياءا عن الجذب لم اقراها في اي موقع او كتاب اخر

  • ameera

    April 12, 2012 at 7:06 pm

    بانتظار المعادلة الكتابية ، تمنياتي لك بالتوفيق الدائم

  • فوفو

    April 12, 2012 at 8:28 pm

    عندي سؤال ايضا … هل يكفي ان اعيش رغبتي يوم واحد  لعدة دقائق بدل ثلاث ايام ؟ ام يفضل ثلاث ايام ؟؟؟  لأني اجد معايشتي لرغبتي ليوم واحد مريحة و كافيةو اجد الخوض لثلاث ايام او اكثر ليس له داع بنسبة لي ؟ لأن فكرتي وضحت في عدة دقائق وعايشت ما ارغب

  • فيصل عبد ال

    April 12, 2012 at 11:33 pm

    لا مش لازم 3 أيام ولا حاجة
    المهم ما تكرريهاش تاني بعد المدة المحددة
    سواء 3 أيام
    أو يوم واحد
    بالتوفيق ان شاء الله

  • فيصل عبد ال

    April 12, 2012 at 11:45 pm

    ان شاء الله تفيدك كل المواضيع، كل اللي بكتبه ممكن تحسي انه مختلف عشان ما بنقلش كلام من كتب أو مراجع، انا اتعلمت من ناس متميزة لكن اللي بكتبه بنقله عن تجارب عملية شخصية، عشان كده هي أقرب للناس من مجرد الكلام النظري بس
    بالتوفيق ان شاء الله

  • scarlett

    April 14, 2012 at 12:54 am

    برااااااااااااااااااااااااااااااااااااافو ما بعرف شو هي الكلمة اللي بتوفيك حقك بس عن جد عم بدعيلك من جوااااااااااااااااااااااااات قلبي لانك عن جد غيرتلي حياتي كلها ومفاهيمي ومعتقداتي عن قانون الجذب بشكل جذرررررررررري للافضل طبعا انا صرلي متعرفه عالموقع هاد كم يوم بس لهيك لسا ما خلصت قراءة كل المقالات بس حاسة اني وصلت اخيرا على بر الامان ورح حقق حلمي هون وعلى ايدك كل المقالات الموجودة هون مختلفة جذريا عن كل شي قرأته قبل هلأ مقالات وتقنيات ومعلومات رااااااااااااااائعة بكل معنى الكلمة الف شكر الك دكتور من كل قلبي بشكرك كنت متخيلة عملية الجذب عملية صعبة وبتتطلب وقت ومجهود كبير بس انت نورتلي الطريق بفضلك من بعد الله كنت عم اتخيل لو في حدا مختص وشاااااطر يئدر يجاوبني على اسئلتي ويعطيني الحل الشافي وفجأة تعرفت على موقعك الراااااااااااااااااااائع وكل يوم بيكون عندي تسائل معين فجأة بفتح موقعك لتابع قراءة واذ بلاقي اللي بدي ياه وعم دور عليه ادااااااااااامي والله شي خيال ان شاء الله صير سريعة بالجذب هيك دائما ههههههه

  • scarlett

    April 14, 2012 at 12:57 am

    على فكرة انا جربت من شي اسبوعين اني اكتب هدفي بالفعل شعور مختلف تماما وكتير مميز

  • فيصل عبد ال

    April 14, 2012 at 11:08 am

    بإذن الله، بالتوفيق دايماً ان شاء الله في حياتك يا لمى

  • فيصل عبد ال

    April 14, 2012 at 11:08 am

    ان شاء الله مع تكملة المقالة الجاية واللي بعدها الصورة هتكون أوضح
    بالتوفيق ان شاء الله

  • ameera

    April 15, 2012 at 8:19 pm

    واااااااااااااااو ماشاءالله عليك  تغيرت طريقة تفكيري  باذن الله و بمساعدة معادلتك الرائعة   احس بفرحة عارمة تغمرني و كاني اريد ان اضحك و اضحك  و اضحك كطفلة صغيرة اشعر بسلام و انسجام غريبين لم اعرفهما قط !!! والله العظيم لساني عاجز عن شكرك يا اروع مدرب فعلا معاك احس بقانون الجذب  بشكل عملي بعيد عن كل اللي قريته  انت مبدع محب للخير ربي يزيدك علم و قدرة

  • فيصل عبد ال

    April 15, 2012 at 9:01 pm

    جزاك الله كل خير ان شاء الله
    سعيد أنه امكنني المساعدة، بالتوفيق دائماً ان شاء الله

  • Pingback: مفتاح قانون الجذب | قانون الجذب

  • Pingback: خلاصة قانون الجذب | قانون الجذب

  • دعاء ح

    September 1, 2012 at 3:47 am

    *والله ما بعرف كيف اشكرك دكتورنا الفاضل جزاك الله خير

    الموقع جدا ممتاز

    عنجد الله يجزيك كل خير وسعادة بالدارين

    سؤال لو سمحت..

    بجد صعوبة في ايجاد تكملة المقالة المرتبطة بالموضوع..طمثلا اريد الان ارى تكملة موضوع الجذب بطريقة 14 *21 ولا اعرف كيف اجد تتمة الموضوع

    وجزاك الله خير

  • نانا

    September 12, 2012 at 12:12 pm

    اشعر وانني عدت طفله صغيره تريد ان تتعلم المشي وتبدا الآن باول خطواتها
    انا احب الكتابه ..حتى انني عندما اقرا اي كتاب عندي عاده اكون ماسكه قلم واضع الخطوط على الجمل التي تعجبني واكتب ملاحظات واحيانا اعيد كتابتها لترسخ بعقلي جيدا ولا انساها
    رائعه المقاله جدا والأطاله فيها خفيفه على القلب  ولا تسبب الملل بالعكس تماما اشعر بمتعه كبيره وانا اقرا كلماتك
    شكرا جزيلا لك والله ينورلك  بصيرتك ويوفقك داائما لعمل الخير

  • فيصل عبد ال

    September 12, 2012 at 10:53 pm

    اشكرك على كلماتك الرقيقة يا نانا
    ان شاء الله كل المقالات تعجبك وتفيدك
    الكتابة مفيدة جداً بالفعل خاصة في التخطيط
    تحياتي ليكي مرة تانية وبالتوفيق ان شاء الله

  • layal

    February 3, 2013 at 12:32 pm

    *

  • layal

    February 3, 2013 at 12:37 pm

    مرحبا استاد فيصل انا لسا جديدة  وعجبتني مقالتك كتييييييير وبعد بحت كتير فقانون الجدب  وصلت لامير نفسك ولي عجبتني كتير وكلامك اقنعني كتير لكن عندي سؤال ادا حبيت اجذب شي بعمل التطهير والتحديد والمعايشة واعزز جدب الهدف بالكتابة ول اكتفي بسيدونا والمعايشة 3 اياما 

  • فيصل عبد الواحد

    February 6, 2013 at 12:32 am

    اهلاً يا ليال
    سيدونا تنتمي لطريقة، والمعايشة 3 أيام لطريقة أخرى..ما أنصحك به هو سيدونا
    ولفهم المقالات أكثر انصحك بدليل الزائر الجديد
    أشكرك على كلامك الجميل، وان شاء الله تجدي ما يسرك دائماً
    تحياتي لك
    وبالتوفيق بإذن الله

  • شروق الشمس☺

    February 8, 2013 at 6:31 am

    *هو كتاب حضرتك إللي عن المعادلة دا يا دكتور اسمه إيه و بكم مصري ؟

  • فيصل عبد الواحد

    February 9, 2013 at 8:36 pm

    الكتاب يتم ارساله للمشتركين بالموقع يا شروق، يمكنك الاشتراك من اليمين بإذن الله
    وهو عن معادلة أخرى غير معادلة سحر قانون الجذب
    فهي خاصة بالمتدربين في الكورس فقط بإذن الله
    تحياتي لك

  • marwa

    April 15, 2013 at 12:28 pm

    *كتاباتك رائعة استاذ فيصل معنى ذلك ان انسى الموضوع بعد 3 ايام وهل توجد مشكلة فى ذلك

  • فيصل عبد الواحد

    April 15, 2013 at 9:43 pm

    أهلاً يا مروة
    اشكرك على كلامك الجميل
    بالنسبة لفك الارتباط، نعم بإذن الله
    أما الكتابة، فهي خاصة بمقاومة البارادايم، لا تدمجيها مع المعايشة 3 أيام
    تحياتي لك
    وبالتوفيق بإذن الله

  • براءه

    May 26, 2013 at 11:30 pm

    والله يادكتور انا عايزه اقولك حاجه …بسم الله ماشاء الله والله اكبر على اسلوبك وطريقة سردك للموضوع تعرف انا حاسه انك قاعد فى عقلى وبتحس بيا ازاى  افكر وايه هى ردة فعلى ,,,انا برتاح جدا وبستفيد لما بقرا مقالاتك مع ان اليوم بس اكتشفت هالموقع الرائع بس تقريبا قريت اغلب المقالات وانا فى قمة الشغف والاستمتاع وخليتنى  اسهر حتى ساعه متأخره مع انه حتى دراستى عمرى ماسهرت عليها كده  ومهتمه جدا اكتب ملاحظات مهمه قريتها وسمعتها فى فيديواتك عشان ديما افتكرها  ….انت فعلا مبدع وربنا يوفقك ويزيدك من علمه وفضله وبارك الله فيك

  • فيصل عبد الواحد

    May 29, 2013 at 4:47 pm

    أهلاً بك يا براءة
    أشكرك على كلامك الجميل
    واطراءاتك الرقيقة
    وان شاء الله أقدر أفيدك دائماً
    تحياتي لك
    ودائماً بالتوفيق، بإذن الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close