قانون الجذب

مفتاح قانون الجذب

April 22, 2012 — by فيصل عبد الواحد83

main

قانون الجذب

مفتاح قانون الجذب

April 22, 2012 — by فيصل عبد الواحد83

اتكلمنا كتير عن قانون الجذب، ما بين أخطاء

تقنيات

مفاهيم

طرق..أصول و طرق تدريب

اتكلمنا كتير عشان نوضح كل حاجة عن قانون الجذب

زي ما كنت بقول دايماً لو كنت متابع الموقع من أوله، هدفي في كتاباتي او تدريبي أني أعرفك وأعرف كل الناس

ان قانون الجذب سهل

ومش بالصعوبة أبداً اللي ممكن تكون قرأتها عنه

مش بالصعوبة أبداً انك لازم تعمل جلسات استرخاء مكثفة ولازم تعمل تمرين معين لو نسيت تعمله قبل ما يخلص في اليوم يبقى تعيده من الأول

قانون الجذب مش كدة

قانون الجذب مش قانون بشري

قانون الجذب طاقة، قانون الجذب استقرار وسعادة واتزان نفسي

قانون الجذب، أو الجذب زي ما بحب أقوله، سهل جداً، أسهل مما تتخيل

والدليل على انه سهل جداً،

!! انه كان دايماً شغال ضدك، برغبتك، من غير ما تعرف

زي ما انت قرأت قبل كده، مفيش حاجة اسمها قانون جذب ما اشتغلش، يا إما اشتغل لصالحك، يا إما اشتغل ضدك

وفي الحالتين، بيكون عليك جانب من المسئولية

عشان ما أطولش عليك، في ناس كتير انتظرت المقالة دي

المقالة الي هربط فيها بين اللي قلناه في معاك ورقة و قلم، واللي شرحناه ووضحناه في معاك ورقة وقلم 2

اتكلمنا فيهم عن الكتابة وأهميتها و علاقتها بالنصف الأيمن والأيسر للمخ

اتكلمت معاك فيها عن حاجات كتير

والنهاردة، الجزء قبل الأخير في السلسلة دي

الجزء الأخير ان شاء الله هيكون بعنوان الخلاصة، اللي هقولك بعد ما تكون قرأت وفهمت كل اللي قلتهولك ان شاء الله

الطريقة المثالية، اللي في صورة خطوات اللي تقدر تستخدمها في أي حاجة بعد كدة ان شاء الله

وممكن ما تدخلش الموقع تاني بعد كده - بس اوعى تعمل كدة

النهاردة هكلمك عن مفتاح قانون الجذب

ندخل في الموضوع على طول، مفتاح قانون الجذب

3 حاجات

أول حاجة 

الفكرة

ان يكون عندك اختيار لهدف أو لشيء، وتركز عليه، هي دي الفكرة، قوة الفكرة قوة جبارة ما أقدرش أقولها في مقالة او اتنين او عشرة، لكن صدقني أول خطوة في طريق نجاح قانون الجذب بإذن الله، هي الفكرة، قوة فكرتك قوة رهيبة، مجرد انك تختار شيء وتركز عليه تفكيرك يبقى تمكنت من أول جزء من مفتاح قانون الجذب

اللي بيدعم الفكرة هو الرغبة فيها، اللي بيدعم التفكير في أمنية معينة، هو الرغبة الجامحة فيها، واللي بتخليك دايماً فاكرها، اللي بتخليك كل ما تكون عايز ترتاح من التعب، تفتكر الرغبة الحارقة جداً اللي جواك، وتديك القدرة والنشاط تاني على انك تشتغل، زي ما بيقولوا الحلم مش اللي بتشوفه و أنت نايم، الحلم هو اللي بيخليك ما تعرفش تنام

يبقى أول حاجة يكون عندك فكرة قوية جداً على هدف أو أمنية ما، وتركز عليها جداً وتدعمها برغبتك فيها، خليك عايزها أوي، ومن الحاجات اللي لقيتها بتساعد جداً في تقوية الرغبة، هي الحب، لو الهدف اللي اختارته عايزه أوي، وفي نفس الوقت بتحبه، هيساعدك كتير جداً على التركيز على الفكرة

كل ما تركيزك زاد على الفكرة دي كل ما هتلاقي تطورات أكتر وأحداث وحتى أشخاص انجذبت ليك تساعدك في تحقيق فكرتك دي، عن تجارب شخصية، والمرة دي انا اللي بقولك

على اد ما تقدر، خليك فاكر الفكرة دي ومركز عليها، ما تنساهاش، ممكن هتلاقي مقاومة الاول خصوصاً ان العقل الدافع شائع أكتر من الجاذب، لكن بعد كده النتائج اللي في الآخر تستحق، كفاية انك هتمتلك عقل، كل ما تركزه على حاجة بإذن الله وفضله، هتقربلك

ركز، ارغب، حب، اجمع التلاتة دول في حاجة واحدة، ويبقى ده أول جزء من مفتاح قانون الجذب

تاني حاجة في مفتاح قانون الجذب، او تاني تركيب، أو تاني جزء، المهم انه التاني وخلاص، الإيمان

الإيمان ؟

الإيمان ان الحاجة اللي انت عايزها هتحصل فعلاً بإذن الله، وفي الوقت اللي انت حددته في الورقة، وأن المرحلة اللي انت فيها دي - ودي حقيقة - مرحلة انتظار و اعداد، انت مؤمن جداً ان الهدف هيتحقق بإذن الله في التاريخ ده بالظبط، ان ماكنش قبل كده

وهنا عايز أكلمك عن نقطتين، أول حاجة نقطة قانون الجذب نفسه، قانون الجذب قانون كوني، يعني ايه؟

يعني ما ينفعش تبصله من زاويتك انت وانت بتفكر في مدى سهولة أو صعوبة تحقيق الهدف، زي مثال دايماً بحب أقوله

أب وعد ابنه الصغير - 7 سنين - انه هيشتريله لابتوب في عيد ميلاده، بالنسبة للطفل الصغير لابتوب ده هدف كبير جداً ، وصعب يعمله لواحده ان ماكنش مستحيل، لا يمتلك المقومات لا المادية ولا المعرفية، ولا يعرف هيشتريه منين ولا ازاي ولا هيجيبه البيت في ايه ولا يعرف أي حاجة، بالنسبة ليه، للطفل، اللاب هدف مستحيل

على عكس الأب، لابتوب هدف سهل جداً، ممكن يجيبه بتليفون صغير هيعمله وفي نفس اليوم

مع اختلاف الفارق طبعاً، بس عايزك تعرف دايماً انك لما بتستعصب الهدف يبقى بتبص ليه من زاويتك انت بس، ونسيت انك بتطلب من اللي أقوى مني و منك ومن أي حد، ومن الكون نفسه

رب الكون، خلي يقينك فيه كبير، كون انك تشك في ان الهدف ده يتحقق في الوقت ده يبقى سلبيتك، من غير ما تعرف، بتخليك تشك في قدرة ربنا والعياذ بالله، ربنا بيحبك، واليقين بالله أقوى من أي حاجة تانية، وكلنا عارفين قصص الصحابة ويقينهم بالله

تاني نقطة، الشك لما يبدأ يجيلك، خصوصاً عن طريق الصوت الداخلي، اللي ممكن يكون بيضايقك في حاجات كتير، المشكلة ان دايماً الناس شايفه ان الصوت ده هو الآمر الناهي

اللي يقوله لازم يبقى صح، ولازم يحصل، لو جربت مرة تبصله، مش تسمعله، لو جربت مرة تشوف الصوت ده على انه مثلاً، رأي زي أي رأي ممكن تسمعه من أي حد من صحابك أو عيلتك، وانت حر تصدقه أو ما تصدقوش، وان كلامه مش وحي منزل لازم يتحقق، هترتاح كتير، اتحكم انت في الصوت ده مش هو اللي يتحكم فيك، بصله على انه مجرد رأي زي أي رأي ممكن تسمعه،

وفي حاجة جميلة أوي هتساعدك في الحكاية دي، كل ما الصوت ده يقولك حاجة سلبية، مثلاً زي : عمرك ما هتعمل كده، الموضوع هيبوظ، هتفشل..الكلام ده كله

كل ما الصوت ده يقولك حاجة كدة، اضحك ضحكة استهزاء بسيطة، ضحكة حقيقية مش داخلية، ضحكة استهزاء بسيطة كدة تحمل كل معاني الاستهزاء

خلي عندك إيمان دايماً انك ان شاء الله عشان انت عايز كدة، في الوقت ده، يبقى بإذن الله تعالى، هيحصل كدة، في الوقت ده

تالت وآخر جزء في المفتاح الطويل أوي ده، هو الطبيعة

يعني ايه الطبيعة ؟

في شعورك في التعامل مع الهدف، في 3 أنواع

التأكيد..أنا متأكد ان الهدف ده هيحصل ان شاء الله

الثقة..أنا واثق ان الهدف ده هيحصل ان شاء الله

الطبيعة..

أنا عارف ان الهدف ده هيحصل ان شاء الله، عشان ده الطبيعي

يعني ايه ؟

!!يعني طبيعي انه يحصل

أيوة يعني ايه برده؟ يعني كدة كدة بإذن الله، العادي والطبيعي ان اللي انا عايزه هيحصل

!!عشان دي الطبيعة اصلاً

لو قدرت توصل للاحساس ده

يبقى تبدأ من دلوقتي تحجز مكان في قسم قصص النجاح هنا عالسايت

بس عشان تتمكن من الاحساس ده جداً، لازم الأول تكون قدرت تتعامل مع الجزئين اللي فاتوا، الفكرة والإيمان

!!وقتها هتلاقي الطبيعة بقت حاجة طبيعية

طبيعي، مش كدة ؟

كده انت عرفت قانون الجذب، بس في حاجة عايز انصحك بيها، اعتبرها حاجة تحط فيها المفتاح تحافظ عليه

هي انك ما تقولش لحد على أهدافك، خصوصاً خصوصاً، لو كنت لسه في بداية معرفتك بقانون الجذب، اتكلمنا عن الحكاية دي قبل كده بالتفصيل، لكن المهم

ما تقولش لأي حد، حتى أقرب الناس ليك عن أهدافك

كدة خلصنا المفتاح، وان شاء الله اشوفك المقالة الجاية - الخلاصة

بالتوفيق ان شاء الله

83 comments

  • اروى

    April 22, 2012 at 2:15 pm

    رائع شكرا لك

    كلامك مثل البلسم وسهل وواضح ويدخل القلب والعقل

    اشكرك انت وضحت لي اشياء كثيرة كثيرة

  • فيصل عبد ال

    April 22, 2012 at 2:41 pm

    بالتوفيق دائماً ان شاء الله

  • the happiest woman

    April 22, 2012 at 3:54 pm

    ما شاء الله عليك اسلوب بسيط و مقنع ومعلومات مفيدة جدا دائما اقرا عندك اشياء جديدة لم اقراها في اي مكان اخر ، استاذ فيصل هل تتوفر عندك مقالاتك المكتوبة هنا  مجتمعة بصيغة وورد ؟ اذا نعم ممكن احصل عليها؟ احب اطبعها واقراها على الورق

     

  • فيصل عبد ال

    April 22, 2012 at 4:23 pm

    شكراً على ردك الجميل
    تحت كل مقالة في اختيار للطبع
    Print
    ممكن تطبعي أي مقالة انتي عايزاها
    بالتوفيق ان شاء الله

  • the happiest woman

    April 22, 2012 at 5:00 pm

    شكرا لك

  • nidaa

    April 22, 2012 at 5:31 pm

    مقالة جميلة وكلام جميل وكله من الواقع فعلا قانون الجذب شغال على طول اما ضدك او لصالحك من غير من نكون عارفين. بس سؤالي عن قوة التفكير بالشئ بشدة وطول الوقت ماراح يبعد الهدف اكثر؟؟، انا راي هو تحديد الهدف واالتركيز عليه في البداية ثم تركه يتحقق بشكل طبيعي. انا عن تجربة لي لما حبيت اغير شغلي واشتغل مع وكالة الدولية لامم المتحدة، ماكان شئ سهل، كان صعب كثير وفاتتني كثير فرص، وفي اخر فرصة ماهتمت كثير بالموضوع حتى مليت استمارة التقديم بدون اي حماسة مثل ماملي اي ورقة عادية ، تقدمت للوظيفة ورحت للبيت ونسيت الموضوع تماما. كنت من بين 300 متقدم للوظيفة ، واسم طلع الاول بينهم، واذكر اني كنت نايمة في البيت ، واتصلو حىتى يبلغوني عن قبولي بالوظيفة والتلفون كان عاطل، المهم تعيبوا كثير لحد ماعرفوا عنوان البيت وارسلوا شخص حتى يبلغتي بالنتيجة. ثاني شئ فعلا اليقين والثقة هو اهم شئ في تحقيق الهدف، مثل الدعاء ( اذا دعى شخص في قلبه شك وعدم ثقة) لايتقبل دعائه!
    مرة ثانية اهنيك على موضوع الرائع

  • scarlett

    April 22, 2012 at 5:50 pm

    وأخييييييييييرا …..انتظرت هالمقالة كتير وعلى أحر من الجمر الله يعطيك الف عافية دكتورنا المعجزة
    عن جد ابدعت بهالمقالة …اصلا انت مبدع باي شي بتكتبه حتى ولو كان سطر …..
    أول نقطة الحمد لله موجودة عندي وقوية كتير
    تاني نقطة وهي الايمان …..ما بنكر انو بالاول كان ايماني ضعيف وكل ما قويته كان يضعف اكتر
    وكنت خاف وشك واتردد كتير
    بس باذن الله على ايدك دكتور فيصل رااااااااااح كل الخوف والشك والتردد وحل مكانه الايمان المطلق والحمد لله
    وصار الموضوع بسيط جدا بالنسبة الي وصرت اعرف كيف اتعامل مع الصوت الداخلي واللي بسميه انا (المفترس)
    اما النقطة التالتة رح اشتغل عليها اعتبارا من هاللحظة ,حلوة كتير وعجبتني كتير
    شكرا كتييير الك دكتور معلومات رائعة جدا وتقنيات سهلة مهمة وفعالة ..
    واكيد نحنا بانتظار المقالة القادمة (الخلاصة)

  • mona

    April 22, 2012 at 5:58 pm

    مقالة رائعة كالعادة استاذ فيصل
    حضرتك قلت قبل كده ان الشعور بالحاجة للشيء بيأخر تحقيقة ولكن الرغبة مهمة لتحقيقة
    ازاي ممكن نفرق بين الشعور بالحاجة والشعور بالرغبة؟؟
    وشكرا جزيلا

  • صحراء 55

    April 22, 2012 at 7:16 pm

    السلام عليكم

     الف الف الف شكرا على هذه المقاله الرائعه

    وجزاك الله خيرعلى هذا المجهود الرائع مشكورررررررررررررررر

  • Abdullah

    April 22, 2012 at 10:57 pm

    كنت متلهف جدًا لنزول مقالتك الجديدة هذا اليوم 

    نفس سؤال Mona

    متئ يكون سعينا للهدف رغبة وحاجة وأمنية وطريقة فصلنا عنه 

  • فيصل عبد ال

    April 22, 2012 at 11:01 pm

    سواء تنسي الشيء او تركزي عليه، حسب نوع العقل
    لكن عندما تتمتعي بالعقل الجاذب
    وتمتلكي تلك القوة الرهيبة،
    قوة التفكير والتركيز
    هتعرفي الفرق الكبير جداً بين نوعين العقل
    وهتعرفي ان عملية التحويل بينهم تستحق كل المقاومة اللي كنتي قابلتيها قبل كدة
    قوة التفكير ان شاء الله هعمل عليها كتاب مخصص، عشان هظلمها لو اتكلمت عنها في مقال او اتنين او حتى تلاتة
    بالتوفيق دائماً ان شاء الله

  • فيصل عبد ال

    April 22, 2012 at 11:01 pm

    شكراً على ردك الجميل، وان شاء الله المقالة المقبلة تعجبك وتعجب كل الزوار
    بالتوفيق دائماً ان شاء الله

  • فيصل عبد ال

    April 22, 2012 at 11:04 pm

    كل ده خاص بالعقل الدافع يا منى
    العقل الدافع، معاه الشعور بالحاجة للهدف يبعده
    لكن بالعكس، لو امتلكتي العقل الجاذب، واللي اتكلمنا عنه قبل كده
    كل ما حاجتك زادت اكتر كل ما هتقدري تحققي هدفك اسرع ان شاء الله
    معتقد انك لازم تعاملي الهدف كرغبة مش حاجة منتشر، وانا نفسي اتكلمت عنه اكتر من مرة، عشان بس نسبة كبيرة من الناس، اكتر من 95% منهم عقلهم دافع
    عقل متعود ومتبرمج من الصغر نتيجة لمعتقدات خطأ كتير، انه يبعد عنه أهدافه،
    عشان كده كل الناس دي لما بتبدأ تعمل المعايشة لأي حاجة، بتبعد عنها ويبدأوا يشكوا في قانون الجذب
    وفي ناس بتفضل تتعامل مع الوضع الحالي ليها، ان عقلها من النوع الدافع، وده عن طريق خداعه زي ما قولنا، او انك تنسي الحاجة وتفقدي فيها الأمل تماماً
    حسب نوع العقل، بتعرفي نوع التقنية
    بالتوفيق دائماً ان شاء الله

  • فيصل عبد ال

    April 22, 2012 at 11:05 pm

    وعليكم السلام ورحمة الله وبركاته، شكراً على ردك الجميل يا شذى
    بالتوفيق دائماً ان شاء الله

  • فيصل عبد ال

    April 22, 2012 at 11:07 pm

    كما اكرر دائماً ، تفصل نفسك عن الهدف لو كنت من النوع الدافع
    اللي كل ما يحاول يجذب حاجة تبعد عنه
    وقتها أفضل حل انك تخدع عقلك
    تعمل معايشة لعكس الهدف
    لو هدفك شغل اعمل معايشة لانك تفضل عاطل
    لو هدفك زواج اعمل معايشة انك تظل اعزب
    لو هدفك فلوس..اه بالظبط، تعمل معايشة انك تكون فقير ويبقى عليك ديون
    لكن انا ما ارجحش الحل ده، الحل التاني، اللي هو مقاومة البارادايم أفضل بكتير
    غير انك مش ضامن ان ممكن عقلك فعلاً يجذبلك الشيء السلبي عشان هو اصلاً متعود على السلبية
    اسلم حل، هو المقاومة، وفي الآخر هتعرف انها تستحق
    بالتوفيق ان شاء الله

  • nidaa

    April 23, 2012 at 6:23 am

    انا مع رايك مقامة البارادايام هو اضمن ،في نفس الوقت تعويد العقل على جذب الاشياء الايجابية في حياتنا، انتظار المزيد عن قوة التفكير والعقل الجاذب
    مع اجمل تحياتي

  • فوفو

    April 23, 2012 at 8:12 am

    روعة بكل معنى الكلمة يا استاذ ,, والله اني ادعيلك دائما من كل قلبي

  • فوفو

    April 23, 2012 at 8:22 am

    تقصد بالطبيعي :من الطبيعي ان يحصل لأن هذا ما يجب ان اكون علية ؟؟

  • فوفو

    April 23, 2012 at 8:36 am

    وعندي سؤال , لو ابي يصير عقلي جاذب , يصير افكر بالرغبة طول الوقت وطول اليوم

    و أشعر فيها قد ما اقدر و يفضل كم من رغبة علشان اكسر البارادايم السلبي و اكتسب هذا النوع من العقل ؟؟؟؟

  • Anonymous

    April 23, 2012 at 12:35 pm

    ما شاء الله عليك سلمت يمناك استاذنا الفاضل..مقالة اكتر من رائعة وبالحقيقة كنا بأنتظارها وانا كنت بحاجة لها..وبانتظار مقالة الخلاصة..شكرا كتير الك ربنا يكرمك استاذنا

  • فيصل عبد ال

    April 23, 2012 at 1:24 pm

    جزاك الله كل خير، بالتوفيق دائماً ان شاء الله

  • فيصل عبد ال

    April 23, 2012 at 1:25 pm

    لأن هذه هو المجرى الطبيعي للامور، ان يتحقق الهدف بإذن الله

  • فيصل عبد ال

    April 23, 2012 at 1:26 pm

    الاحساس اللي لو انك فشلت هتموت
    انك مستعد تراهن كل حياتك عشان تنجح
    إما النجاح و إما النجاح
    بكل ما تحمله الكلمات من معنى، بهذه الطريقة تستطيع التغلب على أي مقاومة ان شاء الله، سواء داخلية او خارجية
    بالتوفيق ان شاء الله

  • فيصل عبد ال

    April 23, 2012 at 1:27 pm

    ان شاء الله كل المقالات تفيدك وتفيد القراء، بالتوفيق دائماً ان شاء الله

  • the happiest woman

    April 23, 2012 at 3:16 pm

    ممكن شخص مرة يكون عقله دافع و مرة جاذب؟ طبقت الجذب في موضوع مهم قبل 3 سنوات  و كانت عندي حاجة و رغبة قوية مع ذلك تحقق الهدف بسرعة ماشاء الله و بعدها كلما اطبق و تكون عندي حاجة اشوف الهدف يبتعد و وقت اللي انسى يتحقق المهم كيف اقدر انسى ؟ ممكن تفسير لحالتي، اشكرك جدا

  • فيصل عبد ال

    April 23, 2012 at 11:25 pm

    لو الشيء يتفق مع البرمجة الداخلية للمخ، اه ممكن
    وده طبيعي، الشخص اللي عقله دافع، في نفس الوقت هو جاذب للسلبية
    بعض الناس بتقول ان معايشة عكس الهدف، مع العقل الدافع، ممكن ما تكونش وسيلة لخداع العقل الباطن لتحقيق الهدف الأصلي
    لأ ممكن كمان تزيد الوضع سوء عشان هو اصلاً عقل مبرمج على السلبية، فاكيد هيجذب الشيء السلبي
    الحل للناس الي مصممة تستخدم طريقة الخداع
    انها تعمل معايشة لعكس الهدف، لكن بمشاعر سعيدة
    بالتوفيق ان شاء الله

  • the happiest woman

    April 24, 2012 at 9:16 am

    لا استاذ فيصل الشي ما كان متفق مع البرمجة الداخلية للمخ انما كان هدف جميل و صعب المنال طبقت الجذب ومع شعوري الكبير بالحاجة  و تذكري الدائم للهدف لكنه تحقق بسرعة و الحمد لله

    لكن بعدها كلما اطبق و اتذكر  الهدف اشوفه يبتعد يعني ضروري انسى كي يتحقق ،الصعوبة كيف اقدر اانسى؟ بالمناسبة طبقت الكتابة عشان اخس و حددت المقابل كما نصحتني و الحمدلله النتائج جيدة جدا ، شكرا لك

     

  • Abdullah

    April 24, 2012 at 1:59 pm

      استاذ فيصل حضرتك عندي اهم سؤالين بدماغي عاملين لي حكاية وياليت حضرتك تقطع شكي باليقين 

    وهما.: ١/ هل كسر إصرار البارادايم يكون بحاجه وحده وهدف واحد نكسره بعدين يمشي معانا على طول. ولا لازم بكل هدف نكسر إصراره   

    ٢/. بالنسبة لقضاء أهدافنا بالكتمان دي اتفقنا عليها. صح ، طيب لما نحقق الهدف ونوصل  ليه حيكون معلوم لمن  حولك. بس هوا كذا ممكن يكون فيه عوائق للاستمرار فيه هذا الهدف اللي تحصلنا عليه. لانه ممكن بيكون هناك عوائق داخلة معنا. مثل لما يكون تحقق الهدف وهو مشروع وبان ظهوره فيمكن تدخل رغبات اطرف اخرى تعيق 

    تقدمك  او خطبة زواج من س من الناس فيكون ظهر للآخرين حتى لو بعد الزواج. لو دخلنا مسألة الذبذبات 

    فكيف  الطريقة الصحيحة للتعامل مع  دي الإشكاليات لانه مافيش حاجه فيها رضا مني وقبول داخلي 

  • فيصل عبد ال

    April 25, 2012 at 12:44 pm

    ما أنصحكيش تحاولي تنسي يا أميرة، كده بتبعدي عن الحل الأفضل، اللي هو مقاومة البارادايم
    لو قلتلك ايه الأحسن
    عشان تحققي هدف تحاولي تنسيه دايماً وانتي عارفه ان الحكاية دي ممكن تكون صعبة
    ولا عشان تحققي هدف تفضلي مركزة عليه على أد ما تقدري؟

    شوفي انتي بتحبي ايه وعلى أساس كده اختاري الطريقة اللي تحبيها
    بالنسبة للهدف، كان في هدفين على ما أذكر، احب اعرف نتائج الأول كمان
    بالتوفيق دائماً ان شاء الله

  • فيصل عبد ال

    April 25, 2012 at 12:50 pm

    اهلاً يا عبد الله
    بالنسبة لأول سؤال، كسر البارادايم بيتطلب كسر في أكثر من هدف أولاً، مفيش عدد محدد أقدر أديهولك لكن اللي لاحظته مني ومن اللي حواليا،
    عملية كسر المقاومة ما بتزيدش عن 3 أو 4 مرات
    بعدها الحكاية بتتعكس والبارادايم بيبقى في صفك دائماً بإذن الله
    في طريقة جميلة جداً لكن تحتاج شوية شرح، عشان تتغلب على مسألة تأثير الناس عليك، وخاصة الحسد
    ان شاء الله اعمل بيها موضوع قريب

    بالتوفيق ان شاء الله

  • scarlett

    April 25, 2012 at 2:16 pm

    والله عن جد في طريقة نئدر نتغلب فيها على تأثير الناس علينا!!!

    يا ريت دكتور بعد اذنك تنزللنا هيك مقالة بسرعة لانو كتير محتاجين هيك نوع من المقالات 

  • فيصل عبد ال

    April 25, 2012 at 5:48 pm

    ان شاء الله انتهي من ما قبلها وأحطها بإذن الله
    بالتوفيق ان شاء الله

  • nidaa

    April 25, 2012 at 5:57 pm

    بانتظار المقالة بفارغ الصبر

  • Ghada

    April 25, 2012 at 9:17 pm

    مقاله رائعه كلعاده
    بس ابقي كذابه لو قلت اني فهمتها كلها
    مع ان ماشائ الله شايفه كل التعليقات ان الناس فاهمه )
    اول حاجه
    يعني ايه يا دكتور قوه الفكره؟ هو في فكره ضعيفه وفكره قويه
    يعني انا دلوقتي عاوزه اجذب وظيفه ايه الفكره اللي في الهدف ده  

  • فيصل عبد ال

    April 25, 2012 at 11:13 pm

    انك عايزة وظيفة
    تركيزك عليها بقى ورغبتك فيها هي اللي بتحدد قوة الفكرة أو ضعفها
    زي لو واحدة صاحبتك قالتلك تعالي نخرج النهاردة، وانتي متحمسة وفاضية وفعلاً عايزة تنزلي
    ردك وحماستك هيختلفوا كتير لو قالتلك كده وانتي تعبانة أو عايزة تنامي او مشغولة
    ركزي على الفكرة على أد ما تقدري، ان شاء الله هعمل مقالة عن التركيز قريب
    بالتوفيق ان شاء الله

  • نورا راشد

    April 26, 2012 at 9:57 am

    استا ذ فيصل لوسمحت  توضح لي مره تقول المعايشه للهدف والنسيان و مره تقول  التركيز على الهدف احسن انا محتاااره  ايش افضل طريقه   وشكرا لك 

  • scarlett

    April 26, 2012 at 12:54 pm

    ما شاء الله عليك دكتور لسّا عندك اسراااااااار كتيرة
    يلا شوقتنا كتير شوي بتقلنا في مقالة نئدر نتغلب فيها على تأثير الناس علينا وهلأ عم تقول مقالة عن الفكرة وقوتها
    شوقتنا دكتور وتحمسنا كتير نحنا بانتظاااااااااارك

  • فيصل عبد ال

    April 26, 2012 at 10:11 pm

    السؤال ده بتسأله كتير جداً، انا اتكلمت عن الموضوع ده في مقالة

    انا اتخنقت – كل ما أحاول اجذب حاجة تختفي

    باختصار، الناس نوعين من ناحية العقل وعلاقته بقانون الجذب، عقل دافع، وعقل جاذب

    العقل الدافع، الناس اللي كل ما تستخدم قانون الجذب أو تعمل المعايشة لحاجة بتبعد عنها او تحصل نتائج عكسية

    العقل الجاذب العكس

    التعامل مع العقل الدافع بطريقتين، طريقة سريعة وهي طريقة الخداع، تشوفي عكس الهدف اللي انتي عايزاه وتعمليله معايشة ايجابية، كإنك عايزاه وتقنعي نفسك انك هتفرحي لو اتحقق

    الطريقة الأفضل بمراحل، هي انك تقاومي البارادايم وتصممي على هدفك حتى لو بعد عنك، لإنك كده كده هتحققيه ان شاء الله

    بعد هدفين أو تلاتة، العقل بيبدأ يتبرمج مرة تانية ويبقى عقل جاذب

    ودايماً بقول ان بوب بروكتور بيقتنع جداً بمبدأ انك لازم تركز على الحاجة لحد ما تحققها بإذن الله، وناجح جداً بالمبدأ ده لأكتر من 50 سنة تدريب وخبرات شخصية، وجو فيتالي مقتنع بعكس المبدأ ده تماماً، هو انك لازم تنسى الحاجة، وبرده شغال بيه كويس جداً وبيجيب نتايج معاه

    المسألة مسألة قناعات ومعتقدات، اللي بينتج عنها في الآخر أنواع عقول

    بالتوفيق ان شاء الله

  • Ghada

    April 26, 2012 at 10:31 pm

    شكرا دكتور علي التوضيح

    وانا بحجز مكان من دلوقتي في قصص الناااجحين ان شاء الله

     

    ومنتظرين وبفارغ الصبر مقاله لحضرتك عن تاثير الناس علينا وخاصه الحسد

  • rony

    April 27, 2012 at 8:21 pm

    كلامك رائع فعلا وسهل التطبيق جدا على فكرة انا من سنتين كانت مقولتي دائما يحصلي عكس ما اتمنى ولكن الان وبعد سنة تغيير المعتقدات اصبحت مقولتي كا شئ اريده يحصل وهو الطبيعي وفعلا نتائج رائعة اراها كل يوم

  • فيصل عبد ال

    April 28, 2012 at 1:22 pm

    بالتوفيق دائماً ان شاء الله، شكراً على ردك الجميل

  • اسيل

    May 21, 2012 at 7:33 am

    *تسمح لي اسالك انت نعاك شهاده ايه؟؟اقصد الدراسه الاكادميه وهل حصلت علي الدكتوراه

    الاستفسار الثاني

    انت قلت ان اذا البارادايم ضد هدفك فكر بالنقيض وخلي مشاعرك ايجابيه

    ارجووووووك يعني كيف 

    لنفترض اني اريد ان اتزوج

    افكر انني ساعيش بدون زواج وحياتي ستكون تمام واشعر بالراحه والايجابيه

    مستحيل ان استحضر وقتها المشاعر الايجابيه ستكون تمثيل 

    ياريتك ما قلتش الفمره دي وعلمتنا زياده عن كسر البرادايم 

  • nidaa

    May 21, 2012 at 7:43 am

    انا قريت في كتاب ان العقل الدافع هم ناس السلبين على طول ويفكروا تفكير سلبي بكل شئ طوال الوقت وهذا سهل معرفته من طريقة كلامهم وتعبيرهم عن مشاعرهم بسلبية كبيرة. افضل وانجح طريقة للتخلص من العقل الدافع هو اولا التخلص من السلبية والافكار السلبية وهذا يتم بمراحل عديدة من حرق المعتقدات او عن طريق تقنية الحرية النفسية لكي تتخلص من كل السلبية والتي هي مخزون هائل من سنين والتمتع بشخصية ايجابية عندها فقط سوف تتمتع بعقل جاذب،
    رايك استاذ فيصل في الشئ الي قريتع وحبيت اشارك الاخرين لاستفادة القصوى

  • فيصل عبد ال

    May 21, 2012 at 2:02 pm

    شهاداتي الدولية :
    1- الجامعة الامريكية للبرمجة الغوية الععصبية بامريكا
    ممارس برمجة لغوية عصبية
    ممارس متقدم للبرمجة اللغوية العصبية
    مدرب برمجة لغوية عصبية
    مدرب حياة
    مدرب حياة متقدم

    2- الاتحاد الأمريكي للمعالجين بالتنويم بالإيحاء بأمريكا :
    معالج معتمد بالتنويم الإيحائي

    3- المؤسسة الدولية للعلوم:
    ممارس قانون الجذب معتمد شخصياً من جو فيتالي و ستيف جي جونز

    وكنت أول مصري – إن لم يكن عربي – يحصل على كل تلك الاعتمادات بفضل الله

    4- البرنامج التدريبي الخاص ببول دينوبريسكي عن الثقة بالنفس ولغة الجسد

    الشهادات والاعتمادات المصرية :
    التنويم الضمني – من صديقي المدرب نهاد رجب
    مهارات الاتصال الفعال
    التسويق

    تقدري تطلعي أكثر في صفحة من هو فيصل عبد الواحد

    للاجابة على استفسارك يمكنك الرجوع لمقالة انا زهقت كل ما أحاول أجذب حاجة تختفي
    أجبت عليك أكثر من مرة لكن لا أعلم، ربما لا تقرأي تعليقاتي أو لا تلقي لها بالا
    وبالمناسبة، التمثيل مرحلة من مراحل المعايشة، بل يعد أقوى منه
    ولا لم أحصل على شهادة الدكتوراه بعد
    تقبلي تحياتي

    بالتوفيق ان شاء الله

  • فيصل عبد ال

    May 21, 2012 at 2:04 pm

    في تقنيتين أقوى من الـ
    EFT
    سأكشف عنهم في الكورس التدريبي المكثف ان شاء الله
    لكن هذا لا يمنع ان تقنيات الحرية النفسية من أفضل تقنيات الكليرنج على الاطلاق
    تحياتي لكي ولمشاركاتك الفعالة
    بالتوفيق ان شاء الله

  • Nadia

    July 19, 2012 at 10:39 am

    استاذ فيصل
    انا احبك جدا و انت فعلا شخص كريم جدا جدا
    اكرمتنا بمعلوماتك المثرية للعقل
    لذلك احب اقول لك الله يوفقك و يسعدك طول عمرك
    انت  بكتاباتك جلبت السعاده الى قلبي
    ممتنة لك

  • shaima

    July 19, 2012 at 7:09 pm

    *ما شالله عليك كفيت ووفيت مقال في قمة الروعة يا استاذ فيصل

    تحياتي الك

  • فيصل عبد ال

    July 20, 2012 at 11:20 am

    اهلاً بيكي يا نادية
    شكراً على كلامك الجميل الطيب
    ان شاء الله أقدر أفيدك وأفيد كل الزوار والقراء بشكل مستمر
    كل سنة وانتي طيبة وبالتوفيق لك ان شاء الله

  • فيصل عبد ال

    July 20, 2012 at 11:22 am

    شكراً على كلماتك الرقيقة يا شيماء
    ان شاء الله يوفقني ربي حبيبي إلى افادتكم جميعاً
    بالتوفيق لك ان شاء الله

  • جذابة

    August 6, 2012 at 8:43 pm

    *شكرا لكرا شكرا لك من القلب د.فيصل

    ممتنة لك كثيييييرعلى المقال الرائع

    ماتعرف كم بث في مقالك من حماس وتفاؤل وطاقة ايجابية عالية

    انا احاول اجذب كل اللي اتمناه من يوم ان عرفت قانون الجذب من كم سنه وقرات كتب كثير عنه وعن القعل الباطن ومن احب الكتب الي كتاب د.جوزيف ميرفي

    وكم فرحت عندما وجدت موقعك الرائع عن الجذب

    فشكرا لك دكتورنا الفاضل على كل ماتقدمه لنا

    بارك الله فيك

    كل الشكر والتقدير

  • فيصل عبد ال

    August 7, 2012 at 9:37 am

    اهلاً يا جذابة
    أشكرك على كلامك الجميل، وان شاء الله تلاقي كل اللي يفيدك في أمير نفسك
    بالتوفيق لك دائماً ان شاء الله

  • megoclever

    August 15, 2012 at 12:51 pm

    هوة انا اعرف منين اذا كان عقلى دافع او جاب

  • فيصل عبد ال

    August 17, 2012 at 2:28 am

    مع تجاربك مع قانون الجذب
    الأهداف بتبعد ولا تقرب
    مع كلامك الداخلي
    لما تفكري في حاجة او تبدأي مشروع الصوت اللي جواكي بيقولك كلام سلبي ولا ايجابي
    من حاجات كتير دول منها
    لكن أقدر أقولك ان اكتر من..99.9% من الناس
    عقلهم دافع، عند الحديث عن قانون الجذب
    تحياتي لك وبالتوفيق ان شاء الله

  • دعاء ح

    September 2, 2012 at 9:40 pm

    *عيني دمعت يا دكتور لما حكيت عن الايمان وان المرحلة الحالية الا استعداد

    ودموعي سالت من جهلي واسرافي في امري للي بعملو في نفسي خاصة انو كتير مواقف حياتية طبقت الجذب من غير ماعرف والمفروض انا الان متيقنةمسلمة لله  وبشخصية ممتازة واثقة مطمئنة بالشخصية اللي انا بدي ياها لنفسي

    الظاهر صرت ماسكة عالاهداف اكتر (متل القلم في تقنية سيدونا لحد بدل ما اكون اكثر قوة واطمئنانا بالله صرت متمسكة بشكل متعب .)

    مااااابعرف كييييف اشكرك دكتووووور  فيصل

    ربنا يسعد قلبك بالدارين

  • دعاء ح

    September 2, 2012 at 9:47 pm

    *مقالة عنجد راائعة واستفدت كتير ..

    والحلو بالموضوع كنتت بحكي لنفسي انو اقدر نفسي مزبوط..

    خاصة لما عرفت ان الاميرة كيت كانت من زمان منشنة علامير وليام متل ماقرات كتير مقالات وانها لم تقل انها من طبقة متوسطة كيف تصبح اميرو او او او…

    يعني شافت من زمان انو هاد هو الطبيعي بالنسبة لها وعاشته وحققته..

  • فيصل عبد ال

    September 4, 2012 at 7:22 pm

    اشكرك على ردك الجميل المبهج يا دعاء
    فرحتيني بردك جداً
    جعلني الله سبباً دائماً في فرحة الناس
    ان شاء الله اقدر افيدك دايماً
    بالتوفيق ان شاء الله

  • فيصل عبد ال

    September 4, 2012 at 7:23 pm

    اشكرك على كلامك الجميل يا دعاء
    تقدير النفس مهم جداً بالفعل
    شكراً لك مرة ثانية وبالتوفيق لك ان شاء الله

  • نانا

    September 13, 2012 at 8:26 am

    المقال رائع استاذ فيصل كروعة من كتبه ..شكرا جزيلا لك انت تنير لنا الطريقك امام خطواتنا المتواضعه انا لا اريد ان اتعلم القانون لكي احقق اهادفي فقط انا اريد ان افهمه وافهم كل مايدور حولي ..
    ان افهم الحياه وقوانينها وعندما افهم كل ذلك سيتحقق لي كل ماارغب 
    وكل مقال اقراه لك يجعل الرؤيا اوضح بالنسبه لي  شكرا شكرا شكرا من اعماق قلبي صدقني يا دكتور ان كلمات الشكر كلها تعجز عن شكرك 

  • فيصل عبد ال

    September 13, 2012 at 3:09 pm

    اشكرك على كلامك الجميل يا نانا
    ان شاء الله اكون قادر دائماً بإذن الله أفيدك وأفيد كل المتابعين دائماً
    تحياتي لك وامنياتي بالتوفيق ان شاء الله

  • hala

    September 23, 2012 at 11:42 pm

    *جزاك الله خيرا ورزقك الفردوس الاعلى من الجنة

    هل يمكن التركيز على اكثر من فكرة  فى نفس الوقت

  • فيصل عبد ال

    September 24, 2012 at 12:08 am

    اشكرك على كلامك الجميل يا هالة
    نعم بالفعل، ممكن جداً ان شاء الله
    تحياتي الخاصة لك وبالتوفيق دائماً ان شاء الله

  • nivo

    September 25, 2012 at 8:09 pm

    *انا صرلي سنتين عم اشتغل على حالي لغير من تفكيري ومعتقداتي الي جابتلي كتير مشاكل بعد ما قريت كتاب السر وقوة العقل الباطن وبعض المقالات بتحكي عن اهمية تغير التفكير السلبي لايجابي وبتحكي عن قوة الجذب ووصلت لمرحلة انو كتير شغلات اتغيرت بحياتي ..بس بعد ما شفت شو كاتب عن العقل الجاذب والعقل الدافع وكيف طرق التعامل معهن  ..فكرت بحالي وبنوع عقلي وطلع انو وصل لمرحلة انو خليط لا فيني اخدعو لاحصل عاللي بدي ياه لانو ممكن يحصل لانو احيانا بيجذبلي الي بدي ياه ولا فيني فكر بشي بدي وعندي رغبة قوية فيه لانو ممكن يبعدو عني لانو حياتي القديمة كان فيها عقلي دافع مية بالمية …ما بعرف شو بدي ساوي وكيف بدي اتعامل مع عقلي على انو دافع او جاذب لانو عم صاير مدمج بين الاثنين..وشكرا على ردك سلفا"

  • فيصل عبد ال

    September 25, 2012 at 11:04 pm

    معظم الناس عقلهم في الصورة الاجمالية دافع يا نيفو
    أنصحك بالبداية بفهم قانون الجذب على حقيقته أولاً من خلال قراءة المقالات هنا ان شاء الله
    تحياتي لك وبالتوفيق ان شاء الله

  • nivo

    September 26, 2012 at 10:40 am

    *اموري ملخبطة كتير بعد مامرت فترة منيحة كنت عايشة باستقرار وكنت قوية لحد ما اتعرفت على شب بقي يتقرب مني كتير ويخليني حبو مع انو ماكان بدي ياه ولما حبيتو عنجد وصرت بدي ياه بعد عني وماعم اعرف كيف خليه يرجع ..كانت صدمة كبيرة الي كتير وماعم اعرف اتوازن متل ابل  وعم حاول طبق سيدونا بس ماعم اعرف اتوازن بخطوات صحيحة  من كتر ماجربت وبالنهاية بالامور الي عنديي رغبة قوية فيها تصير العكس ..ياريت تساعدني ارجع على الطريق الصحيح واقدررجع الي بعد ماخلاني حبو تركني وبعد عني 

  • nivo

    September 26, 2012 at 10:45 am

    *يعني بتنصحني انو استعمل الخداع مع عقلي واتعامل معو على انو دافع ولا شو ساوي ؟؟؟ بدي شي يعطيني نتيجة سريعة لارجع حقق لنفسي التوازن  لانو عايشة بحالة صدمة ماعم اعرف اطلع منها بسهولة ..

  • فيصل عبد ال

    September 26, 2012 at 10:01 pm

    يعني ايه مش عارفه تتوازني يا نيفو ؟
    يعني في صعوبة في تطبيق سيدونا ؟

  • فيصل عبد ال

    September 26, 2012 at 10:02 pm

    المشكلة اننا نريد نتيجة سريعة
    كشخص مريض وينزف من كل جانب
    وأهله يريدوه أن يقوم يجري في دقائق !
    لا تستعجلي النتائج يا نيفو
    فقط افعلي الخطوات
    اول خطوة اريدك ان ترحبي بكل ما تشعري به لمدة يوم كامل
    ثم اعلميني عند الانتهاء ان شاء الله

  • nivo

    September 27, 2012 at 3:10 pm

    شكرا" كتير يادكتور لانو حسيتك مهتم لمشاعري كتير واتعاطفت معي ..لما قريت ردك الي واهتمامك انو ارجع منيحة  نزلت دموعي لان حسيتك اتعاملت معي كاني شخص بيهمك كتير وبدك تساعدو….
    انا بدأت من مبارح بعملية الترحيب بمشاعري واليوم كمان عم رحب فيها وماعم اهرب منها وحسيت حالي نفسيا احسن يعني راح مني الاحساس بالضغط  بس عم حس بشوية حزن وخيبة امل بس برضو عم رحب فيهن
    كل الخطوات الي رح تئلي عليها رح ساويها بالضبط وحاسمع كلامك ….وياريت لو ظروفي المادية  تسمحلي اشترك معك بكورس في الوئت الحالي…. بشكرك دكتور لاحساسك تجاهي بالمسؤولية انك تساعدني مع انك ما بتعرفني..انا كتير ممنونة الك 

  • فيصل عبد ال

    September 28, 2012 at 12:21 am

    اهلاً يا نيفو
    يشرفني ويسعدني ان اكون سبب بفضل الله وحده في سعادتك
    وان شاء الله معك حتى تحقيق كل ما تريدي بإذن الله
    أنصحك أن تكلميني على personal@amirnafsak.com
    تحياتي لك وبالتوفيق ان شاء الله

  • nivo

    September 28, 2012 at 9:17 am

    *بعتلك دكتور عالبيرسونال

  • فيصل عبد ال

    September 29, 2012 at 11:14 am

    تم الرد يا نيفو
    بالتوفيق ان شاء الله

  • hanene

    November 16, 2012 at 7:47 pm

    العادي والطبيعي ان اللي انا عايزه هيحصل
    عشان دي الطبيعة اصلاً
    أعجبتني كثيرا هاته الجملة
    شكرا لك على هذا الموضوع القيم و الكلمات الرائعة
    جزاك الله خيرا

  • amirnafsak

    November 17, 2012 at 4:02 pm

    أشكرك على ردك الجميل يا حنين
    تحياتي لك وبالتوفيق دائماً بإذن الله

  • عبيرالورد

    January 25, 2013 at 9:46 am

    حدد الهدف وركز-عزز رغبتك وحبك ليه-الطبيعه،،دا اسهل بكتير من التحرر وسيدونا وغيره كتير من اللي علمتوه لينا ،،عندي شعور انك بدأت تتوهنا بافكارك للجذبsorry

  • amirnafsak

    January 25, 2013 at 1:37 pm

    اقرأي دليل الزائر الجديد يا عبير
    تحياتي لك

  • ميمي

    April 24, 2013 at 7:48 pm

    اخ فيصل الف شكر ليك علي المقالات الجميله اللي بتفيد فيها الناس واكتر حاجه عجبتني فيها انها بلغه عاميه مصريه خفيفه وجميله علي فكره انا سعوديه وفهماها كويس اويعندي بس استفسار ياليت بس تتكرم كدا وترد عليا انا دلوقتي عندي فكره قويه جدا جدا مسيطره علي تفكيري بالكامل وهي عباره عن حاجه هعملها او حابه اعملها لنفسي بس في صعوبات حواليا بس انا مش ببصلها خالص ونوعا ما الفكره دي هقدر عليها لو كنت انا لوحدي اللي بتخذ قرار فيها اصل الموضوع دا محتاج اقناع لشخص قريب ليا ونوعا ما ليه سلطه علياالمهم الفكره موجوده وانا عايزاها وبشده لدرجه محتفظه بالصوره النهائيه للموضوع ومركزه عالفكره جدا وزي ما انتا قلت بالضبط بفرح جدا لما بفكر فيها بس غلطتي اني حكيتها لاختي واحبطتني وقالتلي ابقي قابليني لو حصل بس انا حاسه انو هيحصل بس اللي توهني ان انتا قلت ماتحكوش لحد وانا حكيت وسمعت احباط دي حاجه والحاجه التانيه ايه اللي لازم اعمله الوقتي؟؟ تنظيف مسار او ايه بالضبط عشان اسرع من حصول الفكره ديا  ونسيت اقولك اني محدده اليوم باذن الله بس عايزه حجات تساعدني والا بس بيكفي قوه الفكره واد ايه مسيطره عليا ؟؟

  • فيصل عبد الواحد

    April 25, 2013 at 2:56 am

    اهلاً بك يا ميمي
    اشكرك على كلامك الجميل
    تحياتي لك ولكل أهل السعودية
    هل سمعتي تسجيل حقق احلامك في 20 دقيقة ؟

  • maram

    July 2, 2013 at 11:02 pm

    ششششكرا ي دكتور ..
    بس مشكلتي اني طبقت كل شيء عن سيدونا وماتوقفت عن التحرر الا بعد ماشعرت بعدم رغبتي في الهدف وبعدها بدأت بالمعايشه الداخليه وحددت التاريخ والتاريخ ي دكتور قرب واصبحت اواجه مشكله في المعايشه والرغبه بالهدف اني ماعاد ارغب بهم واحس بملل وانا اسوي المعايشه وشعور بداخلي يقول اتركي هذا الهدف وبدأت اعيش بقلق من هذا الشعور انه يتسبب في عدم تحقيقه وماظهر اي علامات مثل ماتقول عن الهدف الا اشوف ان الامور تصعب اكثر واكثر ..
    بصراحه خايفه

  • Decor Decoration

    July 17, 2013 at 10:50 pm

    الشكر الجزيل دكتور لكن سؤال أحس دائماً بانو بيصير معي غير اللي أنا بفكر فيه يعني أحيانا بكون بدي روح لمكان وأنا عندي النية أني روح بس في صوت بداخلي بيقلي أني ما رح روح برأيك شو السبب وصراحة ما بروح

  • فيصل عبد الواحد

    July 21, 2013 at 5:48 pm

    اهلاً بك
    تحتاجي لاتقان التحرر فقط بإذن الله
    تحياتي لك

  • doaa

    October 31, 2013 at 6:46 pm

    الف شكر للمقالة الروعة كالعادة
    انا فعلا بدأت في التحرر أولا ثم المعايشه واكتشفت من خلال المقالة اني عقلي دافع هل ابتدي اغير المعايشه والهدف ام استمر؟ انا خايفه اتعامل مع المعايشه بعكس عقلي لان الهدف هام جداااا بالنسبة لي ومصيري و لو هستمر يكون أكثر من 3 ايام بما ان عقلي دافع ؟؟ أرجو الإفادة وال شكر

  • Christine

    March 30, 2015 at 5:53 pm

    ااستاذ فيصل هل تعتبر حرق المعتقدا ممن تقنيات التحرر؟ ت

  • فيصل عبد الواحد

    April 2, 2015 at 2:15 am

    نعم بالطبع

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close