main

البرمجة اللغوية العصبية

مقدمة للبرمجة اللغوية العصبية

July 27, 2011 — by فيصل عبد الواحد11

البرمجة اللغوية العصبية..

كلمة سمعناها كتير جدا، من أكتر من 10 سنين، من بداية التنمية البشرية في مصر..

البرمجة اللغوية العصبية، هي ترجمة لـ Neuru-Linguistic Programming .. واللي بتتلخص في تقنيات وطرق تعامل وجلسات خاصة، بيمارسها المصرح ليهم بممارستها، لعلاج والتعامل مع حالات خاصة.

أسسها العظيمين، ريتشارد باندلر و جون جريندر، من أكتر من 35 سنة.. يعني العلم يعتبر لسه جديد مقارنة بالعلوم الأخرى.. ولسه حتى لحظة كتابة هذه المقالة، بيتطور وبتتطور تقنياته، لكن يعني ايه البرمجة اللغوية العصبية، وليه اسمها برمجة ؟

تعرف ان ممكن أكلمك عن البرمجة العصبية أكتر من 5 أيام..ويبقى ما كلمتكش الا عن أول مستوى فيها، اللي هو الممارس، أو الـ Practitioner ..!

بس باختصار..

البرمجة اللغوية العصبية، هي انك تخللي الناس تعمل الي انت عايزه، وهما مفكرين، ان ده الي هما عايزينه..

آه بالظبط..ودي فكرة البرمجة اللغوية العصبية..حتى عشان كده، 95% من علم التنويم الكلامي او الـ Conversational Hypnosis  ما هو الا تقنيات برمجة لغوية عصبية.

كمان انك تعالج بعض الحالات مثلاً زي التدخين أو الأكل بإفراط..بإن التغيير ييجي من داخل الشخص، لإنه لو كان بيسمع الكلام كان بطل تدخين وماكانش احتاجلك..أو كان التزم بالتمارين او بتقليل الأكل الغير صحي وماكانش احتاج انه يروح لممارس برمجة لغوية عصبية..

يعني التغيير ورغبة التغيير، بتيجي من جواه..

في حاجة احنا دايماً كنا بنعتمد عليها، في المسائل دي..الوزن الزائد كمثال مثلاً.. الي هيا "الإرادة"..ونقول لنفسنا خلاص، بجد دي آخر مرة هاكل فيها كتير..

بجد انا كده خلاص، وخدت قرار مع نفسي ومش هاكل كتير تاني..وهبعد عن الدهون والحاجات الي بتخلي وزني يزيد..

ومع أول شعور بالجوع..تبدأ تقاوم..

وتقاوم..

وفي الآخر "عقلك الباطن" الي بينتصر، وبتروح جري على المطبخ..!

ليه؟

انا ماعنديش ارادة ؟

لأ عندك..

بس هقولك حاجة، انت زي الجبل الجليدي، 10% منك الي باينين قدامك..و90% انت ما تعرفش عنهم حاجة..

قوة الإرادة بتأثر على الـ10% دول بس..وده وقت ما بتبقى انت مش جعان..بتحس انك خلاص مش محتاج ريجيم ولا محتاج تمرين ولا محتاج نصيحة حد..

وقت ما بتجوع..العقل الباطن يحس بالخطر..

تبدأ ال90% في تولي مسئولية ادارة جسمك، وتتغلب بكل سهولة، على ال10% الخاصة بالعقل الواعي..

ما تستغربش، مش مرتبطة بالإرادة..

مرتبطة بإنك ربطت فكرة انك وزنك ينزل بفكرة ذهنية..فكرة منطقية، ما ربطتهاش بعقلك الباطن، وهنعرف ازاي تدخل لعقلك الباطن وتزرع جواه أي فكرة انت عايزها، لدرجة ممكن تخليك تكره الأكل خالص لو حبيت..

هنا، سبب تسميتها برمجة لغوية عصبية،برمجة لأنك بيها، بتبرمج عقلك الباطن على معتقدات جديدة، او مقترحات جديدة..أو حتى أحاسيس جديدة..

وتسيبه هو يتصرف من خلالها،

يعني تخيل انت كانت مشكلتك الشوكلاتة..

تقدر تزرع داخل عقلك الباطن ان الشوكلاتة دي، بتخليك "تتقيء" لما تاكلها..

وفعلا مجرد ما تشم ريحتها قريبة منك..ال90% الخاصة بالعقل الباطن، الي هي جزء منك، تبدأ تاخد المسئولية..

وتؤمر جسمك..

انه يتقيء..

عشان كده غير قانوني بره ان واحد يمارس البرمجة اللغوية العصبية غير برخصة من جهة مرخصة بإصدار مثل تلك الرخص..لخطورة النتائج الخاصة بيها، ولإمكانية استخدامها في حاجات..منافية للآداب العامة..أو زي ما بيقولوا Unethical.

وسبب تسميتها لغوية، عشان بتعتمد فيها على لغة معينة، سواء من التقنيات، أو المستويات المنطقية، أو حتى الأنماط اللغوية الي في الأساس هي برمجة لغوية العصبية، وعصبية عشان بتقترن بالأعصاب ومشاهدة رد فعل التقنيات المختلفة، زي الـ Anchoring  أو الرابط الذهني، وفكرة الـ Peak state  الي بتعتمد على ملاحظة أعصاب وأوردة العميل عشان تعرف التأثير كان إد ايه بالظبط..

هنتكلم كتير عن البرمجة اللغوية العصبية، وهنتكلم أكتر عن استخدامتها العامة في حياتنا..

في مقالات أكتر ان شاء الله..

بالتوفيق، وأتمنى المقال يكون عجبك.

11 comments

  • Anonymous

    April 21, 2012 at 10:37 am

    بيجنن كتيررررر عجبني المقال قبل كنت بسمع عنها هلأ فهمت ع الاقل مقدمة عنها..وطريقة شرحك بالمقالات بسيطة وحلوة وبيدخل العقل بسرعه وبينفهم بطريقة كتير حلوة..ما شاء الله عليك ربنا يزيدك من علمو يا استاذنا الفاضل

  • فيصل عبد ال

    April 21, 2012 at 11:30 am

    جزاك الله خيراً على كلامك الجميل يا نانسي، ان شاء الله كل المقالات تعجبكم وتفيدكم جميعاً
    بالتوفيق ان شاء الله

  • اسيل

    May 16, 2012 at 9:07 am

    ممكن ترشدني علي كتاب يشرح الnlp بشكل ميسر 

  • فيصل عبد ال

    May 17, 2012 at 12:24 am

    كتب دكتور ابراهيم الفقي اعتقد موجودة وكتير جداً، ممكن أي كتاب فيهم يفيدك ان شاء الله
    بالتوفيق ان شاء الله

  • اسيل

    May 17, 2012 at 7:14 am

    *الله يرحمه ويسكنه فسيح جناته 

    في سؤال دائما يتوارد لذهني منذ ان توفى الدكتور ابراهيم هل هو جذب لنفسه النهايه التعيسه

    اعلم ان الموت بيد الله سبحانه ولكن اقصد الحريقه والطريقه البشعه بالموت..!!!؟؟

  • baro

    February 13, 2013 at 10:09 pm

    *السلام عليكم ورحمة الله وبركاته


    ماشاء الله  الموقع راائع ..

    انا جديدة على الموقع فقط من يومين دخلته وبديت اقرا واقرا ومرة اتخبط في الجذب لاني بحب اقرا واطبق الجذب اكثر من اي شي

    الا انني صدمت في قانون سيدونا !!! مااعرف عنه اي شي  بس صدمت لانه يسهل عملية الجذب بشكل كبير حسب كلامك

    بس الان بديت اقرا بترتيب وهالمقال اول مقال اقراه 

    بدايتي صح؟؟

  • فيصل عبد الواحد

    February 15, 2013 at 3:45 pm

    وعليكم السلام ورحمة الله وبركاته
    اهلاً بك يا
    Baro
    اشكرك على كلامك الجميل، ان شاء الله تستفيدي دائماً
    بالنسبة لسيدونا فلن تصدقي ما يمكنك تحقيقه عندما تتقنيها بإذن الله
    وفي ردود الناس خير جواب عن ذلك
    بالفعل لن تصدقي الا عندما تري بنفسك بإذن الله
    ولا تقلقي من قراءة المقالات بدون ترتيب
    فكل مقالة مكتوبة بأن تفيدك بحد ذاتها، إلا اذا كان هناك أجزاء يتم الاشارة إليها في المقالة نفسها بإذن الله
    تحياتي لك
    وقراءة ممتعة في أمير نفسك بإذن الله

  • baro

    February 16, 2013 at 12:08 am

    **جزاك الله خير

    للان قريت كل الموااضيع  باستثنااء  مواضيع البرمجه اللي عددهم 105


    اليوم ببدا فيهم ان شالله 


  • فيصل عبد الواحد

    February 24, 2013 at 10:53 pm

    قراءة ممتعة ان شاء الله
    تحياتي لك

  • منة الله

    March 9, 2013 at 2:36 pm

    بجد ربنا يباركلك علي مجهودك ده ويجعله في ميزانحسانتك يارب

  • فيصل عبد الواحد

    March 13, 2013 at 3:31 pm

    أشكرك على دعاءك الجميل يا منة
    تحياتي لك، وبالتوفيق دائماً بإذن الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close