main

قانون الجذب

يومك جميل

October 11, 2011 — by فيصل عبد الواحد19

جربت قبل كدة ؟

أنا آسف..

يمكن ما شرحتش قصدي ايه

أقصد، جربت تبدأ يومك الصبح

لما تصحى من النوم

وانت لسه على السرير

بأنك تقول

النهاردة ان شاء الله هيبقى يوم جميل

وتبتسم

وتحس انه فعلاً هيبقى يوم جميل

وتقول:

انا فرحان

جربت قبل كدة ؟

أنا آسف، برده تقريباً لسه ما وصلتلكش قصدي

جربت تخرج من البيت، وجواك احساس ان كل حاجة هتمشي زي مانت تحب

احساس، بدون أي شك، ولو سمعت صوتك الداخلي كعادته بيحاول يشكك في كدة

تتجاهله بابتسامة بسيطة..

وتسيبه يتكلم زي ماهو عايز..

عارف انك هتلاقي المواصلة الي عايز تركبها،

ممكن المترو نفسه يستنى ويفضل فاتح بابه لحد ما انت تركب، على غير العادة - بتحصل فعلاً  وحصلت قدامي كذا مرة- ، لما وقتها الناس تقول هو بايظ ولا ايه

لو خارج عشان امتحان، عارف ان يومك جميل، إزاي، ما تعرفش

بس تعرف ان كل حاجة، وكل الناس هتقف معاك، بدون سبب صريح

واحد اعرفه، كان لسه ما لحقش يخلص المادة الي بيذاكرها

راح قدام الكلية بدري يوم الامتحان

لقى واحد ما يعرفوش، لما شافه بيذاكر اوي في الكتاب

قاله بص يا كابتن

وفتحله كتاب اسمه "المرشد"، وجاب امتحان سنة سابقة، وقاله الامتحان النهاردة

هو ده بالظبط

بترتيب الأسأله

وسابه ومشي

الحكاية دي على فكرة حقيقة

حصلت بجد والله

وفعلاً دخل الامتحان لقى الامتحان بالظبط زي ما الشخص ده قاله

يمكن عشان كان عارف ان يومه جميل بإذن الله

الجميل، واللي مش غريب

ان حالاً وانا بكتب نفس الموضوع ده

جه اعلان سيراميكا فينيسيا، اللي بيبدأ بـ:

امتى هتبتدي كل يوم وكأنه احلى يوم

لما تخرج من البيت

وانت حاسس وعارف ان الكون كله هيقف معاك

ولو حصل وافتكرت انك نسيت حاجة مهمة في البيت ومش هتعرف ترجع

عارف ان هتحصل أي حاجة ان شاء الله

تخليك مش محتاجها

حتى لو فلوس، انت واثق في ان يومك بإذن الله، يومك جميل

هتلاقي أي حد يعرفك يوصلك

أو حتى ما يعرفكش !

وبرده الحكاية دي حصلت فعلاً وأكتر من مرة

شخص أعرفه، لما الناس بتمشي معاه

وتحصل معاه أحداث جميلة

الناس بتقول : ماشية معاك

محظوظ

بركة دعاء الوالدين !

الغريبة انه ما بيعترفش بالحظ

وما يعرفش مين دي اللي ماشيه معاه !

وأكيد بركة دعاء الوالدين ليها دور

لكن هو معتقد أكتر،

ان كل حاجة حواليه بتحبه

عشان هو بيحب كل حاجة حواليه

ان يومه جميل

عشان هو ابتداه بـ" ان شاء الله النهاردة هيبقى يوم جميل"، حتى وهو مروح البيت

بيفتح البوابة

ممكن المفاتيح ما تقعش

وتتعلق بشكل غريب في الشنطة عشان ما تقعش

ممكن وقتها تبتسم

وتضحك

وتقول، الحمد لله

النهاردة، كان يوم جميل

مش عايز منك، لأ

أنت ما تعوزش من نفسك

غير انك تعلق ورقة قدام سريرك

تفكرك أول ما تصحى

انك تقول الجملة دي

وتحسها بكل معانيها

"النهاردة ان شاء الله هيبقى يوم جميل"

"أنا فرحان"

وياريت، ياريت بعد ما تعمل كدة

تفكر انت هتعمل ايه النهاردة في يومك، وحتى لو هتحط الخطوط العريضة بس

لكن عشان تشوف يومك ان شاء الله، في الأحداث دي

هيبقى بإذن الله

جميل ازاي

تحياتي، وأتمنى ان كل يوم من أيامك الجاية ان شاء الله

يوم جميل،

فيصل عبد الواحد

19 comments

  • لحن الخلود

    October 12, 2011 at 6:46 pm

    نفسي لو اعيش روح التفاؤل دي

    وكل يوم اقول “النهاردة ان شاء الله هيبقى يوم جميل”

    شكرا على الكلام الجميل يا استاذ فيصل وربنا يجعل ايامك وايامنا جميلة

  • m

    October 16, 2011 at 3:30 am

    فعلا الكلام حلو اوى ونجربها باذن الله جزاك الله خير

  • asmaa

    October 28, 2011 at 7:22 am

    السلام عليكم ورحمة الله وبركاتة

    على فكرة انا جربت الموضوع دة قبل ما اقرأ المقال دة باسبوع وسبحان الله فعلا كان يوم رائع وجميل

    اتمنى كل الناس تعمل كدة وبأ ذن الله حيبقى ايامها كلها جميلة

  • صحراء 55

    March 16, 2012 at 6:04 pm

    السلام عليكم ورحمة الله وبركاته.

    من احب الله رأى كل شىء جميل مشكوووووووووور على المقاله الجميله

  • mona

    March 31, 2012 at 10:24 am

    شكرا جزيلا استاذ فيصل

  • nidaa

    March 31, 2012 at 3:08 pm

    كل يوم اقول الدعاء ( اللهم اني اسالك خير هذا اليوم وفتحه ونصره) وامضي في طريقى ويكون كل شئ طبيعي، وانا عندي طبيعية انه في اصعب الظروف والازمات اهتم بنفسي وبمظهري واظهر باشيك لبس وكانني داعية الى مناسبة سعيدة جدا، واحاول ان اساعد الاخرين حتى ولو بشئ بسيط جدا، ثم بعد ينتهي كل مشاعر الحزن وينحل المشكلة بشكل لم اتصوره.

  • Anonymous

    April 11, 2012 at 8:05 pm

    السلام عليكم .. والله انا مش مصدقة ده مش كلام دي درر بتتقال ع لسان شخص واعي وفاهم الدنيا وعندو تفائل.. والخير والتفائل ده بيطلع للناس وتخلي حياتهم حلوة .. انا بشكرك من كل قلبي اصلا انا دلوقتي مش بستخدم قانون الجذب بس ده انا حبيتو بجد..و ع فكرة دكتور انا كتير بيتقالي محظوظة لان كل شي بتمناه بيحصلي ..انا بحس نفسي كنت بستخدم القانون ده وانا معرفوش..ورح نبقى دايما فرحانين..شكرا كتير ع مقالاتك

  • فيصل عبد ال

    April 11, 2012 at 10:01 pm

    الشكر لله يا نانسي، بالتوفيق ان شاء الله وكل أيامك تبقى تفاؤل وفرحة
    وتنشري الفرحة بين الناس
    بالتوفيق

  • اسيل

    May 16, 2012 at 2:46 pm

    *كثيرا ما افعل هكذا خاصتنا عندما يكون الجو صبحا جميل وعليل..لكن مشكلة الاغلبيه لنهم لو حدث موقف بسيط بالشارع بسبب الزحام ينسى مبدأ التفاؤل الذي ابتدى به يومه..جاري التخلص من العصبيه

  • فيصل عبد ال

    May 17, 2012 at 3:16 am

    بالتوفيق ان شاء الله

  • shaima

    June 14, 2012 at 9:30 pm

    يا كم الله جميل والحياة التي وهبها ايانا هي نعمة حقيقة ولكن الكثير غير مدرك ذلك

    اشكرك يارب انك ربي

    واني عبدك

    وان الاسلام ديني

    اشكرك انك انت الله ربي

    احبك يارب

  • hanene

    December 2, 2012 at 1:50 pm

    شكرا لك على الموضوع الجميل دكتور
    انا عن نفسي جربته وكانت النتيجة رائعة
    رب يجعل أيامك كلها جميلة في الدنيا و الاخرة

  • amirnafsak

    December 2, 2012 at 4:35 pm

    ان شاء الله يا حنين تكون كل أيامك كذلك
    تحياتي لك، وبالتوفيق بإذن الله

  • عبيرالورد

    January 24, 2013 at 7:06 am

    موضوع خفيف وجميل وواضح..وانشاءالله اليوم هيكون كل يوم بحياتي يوم جميل

  • amirnafsak

    January 25, 2013 at 1:19 pm

    بإذن الله دائماً
    تحياتي لك

  • BARO

    April 4, 2013 at 11:52 pm

    *جزااك الله خير 

  • فيصل عبد الواحد

    April 5, 2013 at 4:46 pm

    اشكرك
    بالتوفيق ان شاء الله

  • sarah

    April 21, 2013 at 9:18 pm

    *رائع ..كما عودتنا ..

    ابتسم ..

    واضحك ..

    الحياة تتفاعل معك ..

    كشر وبوز رايح الحياة تتفاعل معك ..

    اختار يومك ..اما ضحكة او تكشيرة ..

    ويمكن تضحك وتملىء البيت والشارع معك فتضحك قلوب تعتبرك مصدر لالهامها فن الحياة الطيبة ..

    هدية صغيرة..

    لاستاذي فيصل ..

     

  • فيصل عبد الواحد

    April 25, 2013 at 1:44 am

    أشكرك على كلامك الجميل يا سارة
    ان شاء الله يستفيد به من يريد
    تحياتي لك

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close