main

قانون الجذب

80 / 20

June 7, 2012 — by فيصل عبد الواحد20

قانون الجذب - 20/80
قانون الجذب - 20/80

لسه مع سلسلة انسى السر، والنهاردة ان شاء الله هنتكلم أكتر عن الأرقام

اتكلمنا ان 3% بس في العالم هم اللي فعلاً بيوصلوا لآخر الطريق وهما فعلاً اللي بيقدروا يحققوا اللي هما عايزينه

ومش عجيب أن نسبة الناس الرأس ماليين اللي فعلاً يقال عليهم مديري العالم مالياً، 3% بس

بالمناسبة التقسيم ده قائم على تقسيم الأغنياء والمليارديرات والناس بوجه عام من ناحية الفلوس والماديات والثروات إلى 3 طوائف

اول طائفة اللي بيستخدموا وقتهم ومجهودهم عشان يعملوا فلوس ويكونوا ثروة

تاني طائفة اللي بيستخدموا فلوس عشان يعملوا فلوس

تالت طائفة اللي بتستخدم وقت، ومجهود ناس تانية عشان يعملوا فلوس وثروة

آخر اتنين دول على بعض نسبتهم 3% من اجمالي الناس

بدون الدخول في التفاصيل دي

لكن النهاردة مع رقم تاني اغرب وأعجب

عالم..مش فاكر اسمه بصراحة، كان بيعمل تجارب على حبوب البسلة

فبالصدفة، وبعد طبعاً ما اشترى محصول كبير من البسلة، اكتشف حاجة غريبة جداً

هي ان 20% بس من "أوعية" البسلة، وعاء البسلة اللي يحتوي على الحبات نفسها، 20 من الأوعية دي

تحتوي على 80% من اجمالي حبات البسلة في المحصول كله

وال80% الباقيين من الأوعية

بيحتووا على 20% بس، الباقيين من حبات البسلة

اقرأ الكلام ده تاني عشان تقدر تركز فيه، الحكاية ممكن تكون بتلخبط

20% بس

من أوعية البسلة، كانوا بيحتووا على 80% من حبات البسلة كلها

مش بس كدة، لما لقى الحكاية دي اتكررت في كل المحاصيل اللي اشتراها بعد كده، اختبر النظرية دي على كل حاجة تانية

لقى ان حتى في الواقع

20% من الناس

بتاخد 80% من النتائج الإجمالية

يعني..20% من اجمالي التعداد السكاني في دولته

بيتمتع ب80% من اجمالي الناتج القومي المحلي - الثروة المحلية يعني

ولقى ان الحكاية دي كمان مش بس في دولته لكن في كل دول العالم

التفسير الله اعلم، لا هو ولا أنا ولا أي شخص عنده تفسير علمي "ليه" ده بيحصل

لكن قانون كوني

كمان لقى ليها مظهر تاني، وهي ان 20% من المجهود المبذول من اي شخص، بيؤدي ل80% من النتائج

يعني تقريباً، 80% من المجهود اللي بتبذله، بيحقق نتايج أقل حوالي أربع مرات من النتايج المترتبة على 20% من اجمالي المجهود

بالمناسبة، ممكن تكون لما قرأت عنوان المقالة دي اتهيألك اني هتكلم عن نظرية ان 20% من الاحداث المحيطة بيك انت مالكش سيطرة عليه

وال80% الباقيين هو اللي انت بتعمله في حياتك

لكن دي نظرية تانية خالص انا مش بتكلم عنها النهاردة

انا بتكلم عن القانون الكوني الي كلمتك عنه من شوية

20% بس من الناس

بيتمتعوا ب80% من اجمالي النتائج والثروات العامة

يمكن عشان ال20% دول بيكون ليهم رؤية أوضح

أو ما بيرضوش بالواقع المفروض عليهم

ما بيرضوش بالأفكار المفروضة

يمكن عشان بيتحدوا الظروف

يمكن عشان هما ناس مؤثرين، والناس بتبقى تحب..انها تشتغل لصالحهم

يمكن ناس..حبوا نفسهم ؟

بس..هو ده قصدي من المقالة دي

اذا اشتغلت بجد، وحبيت نفسك فعلاً، واتحديت الظروف، هتحقق بإذن الله نتايج أكتر بكتير من اللي انت كنت مخططلها

وزي ما قولنا قبل كده في طريقين لتحقيق اهدافك

أول طريق هو تحديد الهدف، استقطاب خطوات وأفكار، وتفضل عليها لحد ما تحققه وده نسبة نجاحك فيه 3%، عشان ممكن تستسلم في النص

من مقاومة البارادايم، بالعكس ممكن تستسلم حتى من البداية

وفي طريق تاني..وهو اللي بعمله في الكورس المكثف لتدريب قانون الجذب

واللي ان شاء الله هحاول أكلمك عليه على أد ما أقدر المقالات الجاية

لأ..بالعكس المقالة دي مش دعاية للكورس، انت تقدر تتعرف على راي الناس فيه لو تعرف حد حضر الكورس التحضيري له، وطلب بفضل الله انه يحضره مره تانية

انا عايزك تعرف..ان دايماً ليك اختيار

اشوفك المقالة الجاية ان شاء الله

20 comments

  • Ghada

    June 7, 2012 at 9:27 pm

    مقال ممتاز ورائع كلعاده
    يارب اقدر اكون من 20% اللي بيحصلو علي 80%%

  • صحراء 55

    June 7, 2012 at 9:58 pm

    السلام عليكم

    مفاله رائع جدا
    الف الف شكرا
    دمت بتميزك ويارب أكون من % 20
    ويارب يوفق الجميع للخير^_^

  • Anonymous

    June 8, 2012 at 8:30 am

    سلاااااااام استاذنا..
    مقالتك كتير حلوة بصراحة قرأتها كم مرة..انا مش رح اقول انا بتمنى اكون من ال80 % ..انا بجد بدي اشوف نفسي من ال80 % ..شكرا كتير ع مقالتك..
    بس بدي مقالة ازاي اقاوم البارادايم وانا بحقق اهدافي..بصراحة استاذ من ناحية تغيرت انا كتير تغيرت وعم اجذب الفرص وان شاء الله استغلها..واحقق الافضل ليه..
    شكرا كتيرررررر الك

  • Anonymous

    June 8, 2012 at 8:31 am

    اقصد بدي شوف نفسي من ال20% بالكتابة غلطت…ههههههههههه

  • ameera

    June 8, 2012 at 12:03 pm

    مفارقات غريبة تصدق من كم سنة وانا اراقب لاحظت هاتين النسبتين في اكثر من موضوع؟

    طيب استاذ فيصل في ناس اشوف ما شاء الله في يوم  واحد

    ينجزون اعمال اسبوع ايه السبب ؟ هم يعملوا ايه؟

     

  • فيصل عبد ال

    June 9, 2012 at 10:42 am

    ان شاء الله تحققي كل اللي عايزاه، شكراً على كلامك الجميل
    بالتوفيق ان شاء الله

  • فيصل عبد ال

    June 9, 2012 at 10:43 am

    وعليكم السلام ورحمة الله وبركاته
    شكراً على كلامك الجميل يا شذى، ان شاء الله تحققي كل اللي عايزاه
    بالتوفيق دائماً ان شاء الله

  • فيصل عبد ال

    June 9, 2012 at 10:45 am

    اهلاً يا نانسي إزيك، شكراً على كلامك الجميل
    بس انتي عايزه تكوني من ال80% اللي بيحققوا 20% بس من النتايج؟
    ان شاء الله بالتوفيق ليكي وللتغيير للأفضل بإذن الله

  • فيصل عبد ال

    June 9, 2012 at 10:46 am

    اه كده تمام
    بالتوفيق ان شاء الله

  • فيصل عبد ال

    June 9, 2012 at 10:48 am

    الناس دي بتعرف هي عايزه ايه
    وبتقدر تقاوم نفسها ورغباتها اللي بتشغلها
    يعني مثلاً لو هدفي اني اكتب مقالة
    ممكن تكون المقاومة ان يجيلي فكرة أقوم أعمل اي حاجة تانية
    أو اتكلم في التليفون مع حد
    أو أكتبها بعد ما أخلص العشاء..إلخ
    وكل حاجة بتعمليها بيتفرع منها حاجات تانية
    انا لقيت ان أفضل شيء للانجاز، هو انك تمسكي شيء، وتفضلي عليه لغاية اما تنتهي منه تماماً
    ده باختصار طبعاً
    بالتوفيق ان شاء الله

  • ameera

    June 11, 2012 at 7:11 am

    ملاحظات مهمة جدا شكرا لك

  • فيصل عبد ال

    June 11, 2012 at 12:32 pm

    شكراً على تعقيبك
    بالتوفيق ان شاء الله

  • saida

    June 11, 2012 at 2:11 pm

    *شكرا على هذه المقالة جد رائعة والله العظيم بدأت حياتي تتحسن مباشرة مع عثوري على موقعك

  • saida

    June 11, 2012 at 2:25 pm

    *استاذ فيصل احنا لسسه بنستنه الحل الثاني اللي تكلمت عليه حضرتك في مقالة 97 فضلا منك يا ريت متتأخرش علينا وكمان كيف نقاوم البردايم ,,,, الله يجزيك عنا خير ,,,بالتوفيق ان شاء الله

  • فيصل عبد ال

    June 11, 2012 at 5:54 pm

    شكراً على كلماتك الجميلة يا
    Saida
    بالتوفيق دائماً ان شاء الله

  • فيصل عبد ال

    June 11, 2012 at 5:54 pm

    الحل الثالث تقصدي، وان شاء الله هتكلم عنه لكن لازم أحضر الناس ليه الأول
    بالتوفيق ان شاء الله

  • saida

    June 11, 2012 at 8:40 pm

    * شكرا ليك موفق باذن الله………… من لا يشكر الناس لا يشكر الله

  • هوا شامي

    April 26, 2013 at 3:16 am

    دائما رائعة مقالاتك وتحتوي على الكثير من المعلومات يلي بنسمعها لاول مرة، دمت بتميزك وان شاء الله اكون من 20% يلي اتكلمت عنهم

  • فيصل عبد الواحد

    April 29, 2013 at 12:51 pm

    بإذن الله
    اشكرك على كلامك الجميل
    تحياتي لك

  • نرم افزار اورجینال,رایت کلیک,rightclick,خرید ویندوز,کسپرسکی اورجینال,ویندوز سرور,لایسنس اورجینال Woah this website is wonderful i really like understanding the articles you write. Sustain the good artwork! You’re sure, many people feel the need round in this info, you can encourage them to significantly.

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close