قانون الجذب

Generalization – التعميم في قانون الجذب

March 26, 2012 — by فيصل عبد الواحد10

main

قانون الجذب

Generalization – التعميم في قانون الجذب

March 26, 2012 — by فيصل عبد الواحد10

قانون الجذب والتعميم
قانون الجذب والتعميم

إزيك عامل ايه، كلمتك عن البارادايم، والكلام لسه ما خلصش ولا عمره هيخلص، انا لسه عايز كمان اعمل مقالتين او تلاتة عن البارادايم ان شاء الله عشان ألملك كل الي أعرفه عنه بإذن الله

لكن النهاردة حبيت اكلمك عن حاجة تانية، انا شخصياً بتسأل عنها كتير

وأنا بدرس البرمجة اللغوية العصبية، اتعلمت ان في دايماً "أبروتش"

Approach

الإنسان بيستخدمه في كل حياته،،وهو التعميم، يعني ايه التعميم

يعني ايه التعميم، وعلاقته ايه بقانون الجذب؟

التعميم ببساطة لما انت تقوم من النوم متأخر عشان تروح مشوار مهم، عشان راحت عليك نومة، تقول يووه، هو أنا كدة، كل ما أروح أقابل الشخص ده يحصلي كدة

انا كل ما أعمل كذا يحصل كذا

انا دايماً الناس تعاملني وحش

انت دايماً ظالمني

انت دايماً تفهمني غلط

نظرية التعميم نظرية خطيرة جداً جداً، واتعلمنا كمية أسألة بالذات عشان نكسر الحتة دي عند المريض في جلسة البرمجة اللغوية العصبية، واتعلمنا ازاي نقولها، وايه الكلام الي نضغط عليه وايه الكلام الي تعلي صوتك فيه..وحاجات كتير هتتعلمها لو درست البرمجة اللغوية العصبية

لكن النظرية دي خطيرة ليه..عشان أصلاً..هي مرتبطة بقانون الجذب

لو الشخص ده، مركز ان الناس دايماً وحشة معاه، الناس فعلاً دايماً هتبقى وحشة معاه

في رأيك..الزوجين اللي بيتخانقوا دايماً عشان نفس السبب

هي : ما بقاش حنين زي الأول بقى بيتعصب على أقل حاجة، كل ما اكلمه يتعصب عليا

!! هو: بقت دايماً تشوف الي يعصبني وتعمله، قلتلها 100 مرة ما تعمليش "..." وبتعمله برده، كل مرة كدة يعني

! تعميم

التعميم بيجذبلك أكتر من الي انت بتعممه، حتى لو الي انت شايفه ده حقيقه، عشان كده من الاتجاهات السائدة جداً في قانون الجذب، انك تقول لعقلك الباطن على حاجة بتحصل، وهي ما بتحصلش، اللي ببساطة انك تقول انا غني انا معايا فلوس كتير..أنا أنا انا

التعميم بيعمل عندك معتقدات، قانون الجذب بياخدها يشتغل بيها

لأن زي ما قولنا قبل كدة، المعتقدات هي اللي بتأثر على قانون الجذب، مش العكس

هقولك حاجة جميلة جداً ممكن ما تصدقهاش، لكن صدقها عشان انا شخصياً شوفتها

جو فيتالي، أحد عمالقة قانون الجذب في العالم، مؤمن انك لازم تنسى الحاجة عشان تنجذبلك، وشايف انك لو فضلت تفكر فيها عمرها ما هتجيلك

وناجح جداً بالاتجاه ده، ومن أغنى الناس في العالم، الحقيقة جو واحد من الناس الي عنده أغلى تجميعه لأغلى السيارات وأندرها في العالم

بوب بروكتور، أحد عمالقة قانون الجذب في العالم، أستاذ جو فيتالي، شايف انك لازم تفضل فاكر الحاجة الي انت عايزها عشان تنجذب ليك، وشايف انك لو ما عملتش كدة مش هتجذبها ليك، وناجح جداً بالاتجاه ده، ومن أغنى الناس في العالم، بوب من القلة في العالم الي عامل سيستم لجذب الأموال بقانون الجذب - لمدة شهر تقريباً - ونتايج نجاحه 100% يعني كل الي اتدربوا عليه جذبواً فعلاً النتيجة الي كانوا عايزنها

!! طب إزاي

الاتنين ماشيين بمبدأين عكس بعض

والاتنين ناجحين جداً جداً جداً بقانون الجذب، سواء مع نفسهم، او في تدريسه للناس

والاتنين أصدقاء جداً، بالمناسبة مفيش حد فيهم عيب على التاني ولا قال ده ما بيفهمش ولا بيقول ولا بيقول، أتخيل الموقف ده لو كان عندنا في مصر أو أي دولة عربية، كان ممكن نشوف الاتنين في قضايا سب وقذف..المهم

كل واحد في الاتنين دول عنده معتقد، عايش بيه، وشغال بيه

وناجح معاه جداً، وناجح مع كل واحد بيدربه عليه كمان

ده عشان ايه

عشان قانون الجذب مش اختراع عشان يحكمه قوانين

قانون الجذب، أو الجذب عشان نكون صح، طاقة، لا تحكمها قوانين البشر

كل الي بتعمله انك بتوجه الطاقة دي بترسانة المعتقدات الي بتتراكم عندك

فشوف انت ترسانة المعتقدات بتاعك بتتكون من معتقدات ايه، شيل المعتقدات السلبية، وسيب المعتقدات الإيجابية، أو المحايدة، أهم حاجة ما تكونش معتقدات تضرك

انا مكتوبلي اعيش كدة

احنا هنفضل في الفقر ده طول عمرنا

الأغنياء يدخلون النار

عشان اعمل مليون جنيه محتاج 10 سنين

عيش عيشة أهلك

احنا عايزين نعيش ونمشي جمب الحيط

راحة البال في الفقر

...

القايمة كبيرة، وما تستحقش مني اني أكتب عنها اكتر من كدة

أتمنى ان الموضوع يكون عجبك ان شاء الله

وأشوفك الموضوع الجاي

10 comments

  • صحراء 55

    March 27, 2012 at 7:56 pm

    السلام عليكم

    شكرا شكرا شكرا

    الله يعطيك العافيه استاذى فيصل على المقاله الرائع……فلك كل الشكر على جهودك القيمة .

  • abdullah

    March 29, 2012 at 4:08 am

    استنى بس ! هوا فيه ايه؟

    ايه الكلام الخطير ده؟ يااااااااه !سبحان الله, طب كذا استاذي معناته اننا بنزرع المعتقدات ونحركها باعتقاداتنا وتمشي . طبعآ تكون ايجابية_ وكذا ممكن يكون هناك طرق وقوانين متعددة .

    بيستحضرني سؤالين الوقتي بعد التمعن بالمقالة دي

    من العمالقة اللي انت ذكرتهم انت بتميل لمين ؟واي مدرسة

    والسؤال الثاني هوا يعني انا وايماني بالنظرية يعني كذا تنزرع وتمشي معاي ؟

    لان ممكن اكون حيادي بين الاثنين _اخذ من ده طريقته ومن الثاني طريقة اخرى أؤمن فيها ؟؟

    ازاي كذا تمشي؟ ..

  • فيصل عبد ال

    March 30, 2012 at 6:13 am

    لو انا قولت انا أميل لأي مدرسة تحديداً ممكن الناس تتأثر بيا
    لكن هناك اتجاه وسط
    هو الي بيفرق بين التفكير، والمعايشة
    انك تفكر في الهدف بس ما تعملش المعايشة
    تاني سؤال، اه بالظبط، ايمانك بالنظرية يجعلها معتقد داخلك، عند تطبيق قانون الجذب يسير على هذا المعتقد بعد ذلك
    حاول تلاحظ الأمور في حياتك كانت بتحصل لما تنساها وتفقد الأمل فيها، أو لما تفضل فاكرها
    وعلى أساسها اعرف المعتقد الداخلي الي جواك
    وامشي عليه
    قريب ان شاء الله موضوع عن الحكاية دي

  • فيصل عبد ال

    March 30, 2012 at 6:13 am

    شكراً لردك الجميل يا شذى، بالتوفيق ان شاء الله

  • mona

    March 31, 2012 at 10:03 am

    السلام عليكم أستاذنا الكريم فيصل

    مقالاتك كلها رائعة وفي انتظار المزيد من حضرتك

    عندي سؤال بعيد شوية عن الموضوع

    ممكن حضرتك تكلمنا عن طريقة تنشيط العين الثالثة وهل ده ممكن لأي انسان عادي؟؟

    وشكرا جزيلا لحضرتك..

  • mona

    March 31, 2012 at 10:04 am

    السلام عليكم أستاذنا الكريم فيصل

    مقالاتك كلها رائعة وفي انتظار المزيد من حضرتك

    عندي سؤال بعيد شوية عن الموضوع

    ممكن حضرتك تكلمنا عن طريقة تنشيط العين الثالثة وهل ده ممكن لأي انسان عادي؟؟

    وشكرا جزيلا لحضرتك..

  • mona

    March 31, 2012 at 10:28 am

    السلام عليكم أستاذنا الكريم فيصل

    مقالاتك كلها رائعة وفي انتظار المزيد من حضرتك

    عندي سؤال بعيد شوية عن الموضوع

    ممكن حضرتك تكلمنا عن طريقة تنشيط العين الثالثة وهل ده ممكن لأي انسان عادي؟؟

    وشكرا جزيلا لحضرتك..

  • nidaa

    March 31, 2012 at 3:02 pm

    انا لاحظت من تجاربي الشخصية اني لما افكر بشئ طوال والوقت وابذل كل جهدي في التفكير به لايتحقق واذا مافكرت بشئ وانطيته الاهمية الكبرى انما فكرت به بشكل عابر يتحقق . كانت جدتي رحمها اله داميا تقول لاتقولوا ماعدنا شئ ناكله دايما قولوا لدينا الكثير من الطعام وانتوا تشوفوا كيف سلة الطعام تنملى، تذكرت كلامها وانا اقرأ هذا الموضوع، الناس زمان كانوا يعروفان عن هذا القانون ويطبقونه وانا اتذكر كلام جدي وجدتي وطريقة تفكيرهم في الحياة وهي نفسها النظريات التي بنيت على قانون الجذب

  • BARO

    April 23, 2013 at 2:42 am

    *جزااك الله خير

  • فيصل عبد الواحد

    April 25, 2013 at 2:45 am

    اشكرك على دعاءك الجميل
    بالتوفيق بإذن الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close