main

قانون الجذب

تخفيض 60% على كورس تدريب قانون الجذب المكثف – كل سنة وانت طيب

August 19, 2012 — by فيصل عبد الواحد82

كل سنة وانت طيب - بمناسبة عيد الفطر المبارك

تخفيض 60% لفترة محدودة جداً

 

تدريب قانون الجذب المكثف


ناس كتير جداً، وممكن انت واحد منهم، سمعوا عن قانون الجذب

ناس كتير برده، لكن أقل شوية..اهتموا بالموضوع

ناس كتير، أقل برده، بدأوا يبحثوا فيه، ويحضروا ندوات وأمسيات لمدربين

عن قانون الجذب

ناس أقل..بدأوا فعلاً ينفذوا اللي اتعلموه

! لكن كلهم..ما شافوش نتايج

ليه..؟

اللي اتدربوا عليه غلط ؟

مش غلط..لكن المشكلة، ان كل، أو معظم مدربين قانون الجذب

ركزوا على نقطة واحدة فيه، وهي ازاي تستخدمه عشان "تجذب" أهدافك

! ورغم ان دي نقطة كويسة جداً، لكن لا تمثل الا

حوالي 2 أو 3 % من قانون الجذب

قانون الجذب مش مجرد وسيلة أو طريقة هقولك عليها عشان تبدأ تستخدمها وتحقق أهدافك

أنا آسف لو الخبر ده هيضايقك، بس عشان فعلاً تتمكن من قانون الجذب

يبقى لازم تدرسه كله، لازم تعرف على الأقل 70% منه بشكل إجمالي

أو 30% من كل عنصر من عناصر سيستم، او النظام اللي قانون الجذب شغال بيه

لازم تفهم في الميتا فيزيكس، أو الميتا فيزيقا بالعربي، ولاحظ اني قولت

تفهم في..مش تفهم بس

يعني على الأقل تعرف منها الي تقدر بيه تستخدمه وتستفيد بيه ان شاء الله

لازم تفهم يعني ايه ترددات - مش مجرد مقدمة عنها

غير نقط كتير جداً زي التوكيدات والموجات الدماغية والبارادايم والعقل الدافع والعقل الجاذب و

سيستم قانون الجذب و حاجات تانية كتير، 21 نقطة كل نقطة لازم تفهمها كويس جداً

وكل ده..في أول يوم تدريبي بس..من تدريب قانون الجذب المكثف

هو مش اسمه المكثف لمجرد اني عجبتني الكلمة

هو اسمه مكثف عشان هو تدريب مكثف، ومركز على كل واحد من المتدربين

التدريب العادي لأي كورس ممكن يكون لحد 50 فرد، وفي فرق بين التدريب و الأمسية، الأمسية مالهاش

عدد اقصى للحضور، لكن التدريب بيبقى ليه حد أقصى

عشان المدرب يقدر يركز معاهم ويفيدهم فعلاً لأنه بيشتغل بشكل فردي عليهم كلهم

لكن في الكورس ده أنا مش هقدر أشتغل على العدد ده كله، الكورس ده انا مش هقدر أدرب أكتر من 10 أشخاص فيه

عشان حاجتين، أول حاجة ان ده أفضل عدد أقدر أشتغل معاه في نفس الوقت ويجيب نتائج مع

مواد الكورس المكثفة اللي بيتم تدريبها

وتاني حاجة اني بدرس نفس الكورس بالانجليزي مع شركة كندية اسمها أتراكيتود، للأجانب فقط

فمش هقدر أوازن في شغلي التدريبي بين أني ادرب ضعف الكمية اللي المفروض بدربها مع أتراكيتود

وبين التدريب العربي لقانون الجذب المكثف

الأيام التدريبية مكثفة، وبنحدد احنا عايزين ايه، عشان هنحتاجه بعد كده

وبنبدأ من تاني يوم نتعامل مع حاجة مهمة جداً

وهي الحواجز اللي جواك، اللي دايماً بنسميها المعتقدات السلبية، وبنقدر اننا نعرف هي موجودة فين بفضل الله

ونتخلص من جزء كبير منها

في تالت يوم بندخل مرحلة متقدمة جداً من التطهير، او التخلص من المعتقدات دي، الحقيقة تالت و رابع يوم

كانوا أكتر أيام عجبت المتدربين

بالمناسبة تقدر تعرف رأي ناس من المتدربين من هنا

روني - بلجيكا


جميلة- المغرب

أميرة - العراق

عشان اتعرفوا فيها لوعي جديد، بالنسبة للمعتقدات السلبية، وبفضل الله حسوا أن فعلاً حمل كبير اترفع من عليهم

خصوصاً في رابع يوم

الي عرفوا فيه حقيقة المعتقدات دي

عرفوا ان في حاجة كبيرة جداً في حياتنا احنا ماشيين عليها من غير ما نعرف

وهي غلط

واذا صححناها، وده اللي بنعمله في اليوم الرابع

كل حاجة بتتغير حوالينا

طبيعي ان بعد اليوم الرابع المتدرب يشوف نتائج وعلامات واضحة على أهدافه بإذن الله

لكن برده ده مش كفاية، عشان كده في آخر يوم ، بنوجه طاقتنا الي ركزناها في الأربع أيام اللي فاتوا

للحاجة اللي احنا عايزينها، للهدف اللي احنا عايزينه

كل اللي كتبته كان مقدمة بسيطة لمحتويات الكورس التدريبي المكثف لقانون الجذب

اللي لازم تتدرب عليه عشان تبدأ فعلاً تشوف نتايج حقيقة وفعلية في وقت قصير جداً بإذن الله

تكلفة التدريب هي 297$ للفرد الواحد، وبالمناسبة التكلفة دي هي نص التكلفة اللي بدربه بيها مع أتراكتيتود

بالمناسبة ده موقع أتراكتيتود وتكاليف وتفاصيل الكورس بشكل مبسط

لكن و مع كل الكلام ده..انا مين ؟

أنا مين عشان اتكلم عن قانون الجذب أو أي حاجة عامة خاصة بتطوير القدرات الذاتية أو قوانين الكون و الطاقة ؟

: أنا اسمي فيصل عبد الواحد، ودي اعتماداتي الرسمية كمدرب

: American University Of NLP الاعتمادات الدولية - الجامعة الأمريكية للبرمجة اللغوية العصبية بأمريكا

ممارس برمجة لغوية عصبية

ممارس برمجة لغوية عصبية متقدم

مدرب برمجة لغوية عصبية

Life Coach - مدرب حياة

Master Life Coach - مدرب حياة متقدم

: American Alliance Of Hypnotists الاتحاد الأمريكي للمعالجين بالتنويم الايحائي

معالج بالتنويم الإيحائي

عضو الاتحاد الأمريكي للمعالجين بالتنويم الايحائي

: Global Science Foundation - المؤسسة الدولية للعلوم

مدرب قانون الجذب - معتمد من جو فيتالي و ستيف جي جونز

بخلاف الشهادات المصرية التانية، ومدرب لغة جسد وتواصل مجتمعي من بول ديونبريسكي،

لكن اللي فاتوا هما أكتر حاجة بعتز بيهم عشان بفضل الله وحده فادوني في حياتي كتير

دربت ناس كتير جداً سواء هنا أو في حياتي كمدرب، الموقع بيدخله كل يوم على الأقل 1300 زائر بفيدهم وبدربهم

كلهم بفضل الله بكل اللي أعرفه

أنا مش بقول كل ده عشان أتكلم عن نفسي، لكن عشان أطمنك من نحية الشخص اللي هيدربك على قانون الجذب ان شاء الله

تجاربي مع قانون الجذب كتير جداً، نجحت في حاجات كتير وفشلت برده في حاجات كتير، لكن العجيب، اني قبل ما أعرف

قانون الجذب كنت أي حاجة عايزها بتجيلي بفضل الله

فلوس، موبايلات، لاب توب، أي حاجة كنت عايزها بتجيلي بفضل الله

لدرجة اني بفضل الله وحده بقى معايا وانا طالب 250 ألف جنيه

ما كنتش اعرف اني هكون في يوم محتاج أوريها لحد عشان يصدقني، لكن كشوف الحساب اعتقد موجودة عندي

بوريها للي يطلبها من المتدربين، وعشان أجاوبك، لو الكلام ده حقيقة فعلاً ليه ما حطتش صور أو برينتات لكشوف الحساب

دي هنا عشان اللي يقرأ يتأكد، عشان أكتر من سبب، اولهم ان ممنوع أحط أي مستندات شخصية خاصة بحسابات بنوك

على الموقع، وتاني سبب عشان حتى لو كان متاح احطهم، ناس كتير هتفهمها غلط، ممكن انت تفهمها تفاخر مني

بالفلوس دي

لكن لو هتساعدك في أنك تشيل الشكوك اللي جواك من نحيتي ممكن أبعتلك برينت من كشف حساب اذا طلبت

ان شاء الله، سواء قبل الكورس التدريبي أو بعده

لكن نصيحة مني، ما تسلمش للشكوك الي جواك، عشان البارادايم بتاعك دايماً هيدور على حاجة يقنعك بيها

تصرف نظر عن أي تغيير، لان دي وظيفته، انه يحميك من التغيير

وممكن جداً حتى بعد ما تشوف الصور دي تقول زي أحد الفنانين المصريين ما قال على الثورة

فوتوشوب

فلو هنمسك طريق الشكوك مش هننتهي، لكن ده ما يمنعش انهم زي ما قلتلك، متوافرين ليك اذا حبيت تطلع عليهم

ان شاء الله.

وقتها ماكنتش أعرف اني بعمل كدة، الي عايزه بيحصللي بفضل الله، يمكن دي هي أساس

معادلة قانون الجذب بتاعتي اللي بتعرفها في آخر يوم

المهم اني وقتها ماكنتش أعرف اصلاً ان في حاجة اسمها قانون جذب موجودة

لكن كنت أعرف ان اللي عايزه بفضل الله وحده بعمله

ولما سمعت مبدأ قانون الجذب وشوفت أول 30 دقيقة من فيلم السر ما قدرتش أكمله

The Secret لأني حسيت ان الفيلم مش اسمه

The FAISAL ! حسيت انه اسمه

رغم الحاجات الكتير اللي عرفتها بعد كده، وعرفت ان فيه حاجات كتير كانت غلط عن قانون الجذب

لكن كانت كل حاجة بسمعها في أول 30 دقيقة دول، عارف صوت الكليك، لما تحط حاجة على حاجة وتبقى مناسبة ليها

بالظبط، مش قطع البازل لأ

زي أي حاجة ميكانيكية بتدخلها مكانها، تسمع كليك وتحس انها فعلاً دخلت في المكان المظبوط بتاعها

كإني كنت فعلاً بحس الاحساس ده

حكايتي مع دراسة قانون الجذب وعلوم تطوير الذات بوجه عام بعدها كتيرة، مش هوجع دماغك بيها

لكن المهم اني عرفت ان 99% من اللي بيتم تدريبه في قانون الجذب، مش كافي

مش هقول غلط، آه في حاجات غلط..لكن بالتأكيد لو هشوف كلمة مناسبة جداً للي عايز أقوله

مش كافي

مش كافي على الاطلاق

ما ينفعش عشان أعلمك السواقة اني كل اللي اقولهولك الدركسيون شكله مدور، وفي عربيات مانوال و أوتوماتك

! والعربية بتمشي بالبنزين

المهم اني اتعلمت كتير جداً، معظم اللي اتعلمته كان بأصعب الطرق عشان كان كلام معظم الكتب والكورسات واحد

فاحتاجت اني أجرب اللي بتعلمه واشوف ايه الصح وايه الغلط، والغلط ما أحكمش عليه انه غلط من أول مرة

أجربه مرة واتنين وتلاتة عشان أعرف العيب مني كممارس ولا العيب من التجربة ولا من الطريقة

و عملت كده مع كل حاجة اتعلمتها فيه، وكل حاجة انا اكتشفتها بنفسي واللي اكتشفته بنفسي كان أكتر بكتير جداً

من اللي اتعلمته، وأفضل في التأثير 100 مرة

جربت كل ده وعملت كل ده

لغاية ما قدرت بفضل الله أكون الكورس اللي بين ايديك ده، واتعاقدت معايا شركة كندية اسمها أتراكتيتود

زي ما قلتلك قبل كده، برئاسة واحدة بعتز جداً بمعرفتها اسمها سلافيكا، وكانت شروط التدريب انه يبقى حصري

لأتراكتيتود، وطبعاً التدريب بالانجليزي للأجانب فقط، كنت المدرب العربي الوحيد بالمناسبة اللي في الشركة لغاية ما انضمت

للشركة من فترة مدربة متميزة اسمها ياسمين خاطر، أصلها مصري، انسانة محترمة ومتميزة جداً بالمناسبة

المهم..حبيت أني أدرس الكورس ده للعرب وبنفس السعر اللي بدربه مع أتراكتيتود

وده اللي هيتم بالفعل، لكن في شهر 6 - يونيو - هيكون التدريب كعرض خاص بنصف السعر بس ان شاء الله

: دي تفاصيل كل يوم من الأيام التدريبية بإذن الله

تفاصيل التدريب المكثف

خمس أيام تدريبية

: أول يوم تدريبي

: تدريب مكثف على كل نقاط قانون الجذب - تدريب يتضمن

مقدمة عن قانون الجذب

Frequencies - الترددات

Energy - الطاقة

Brain Waves -الموجات الدماغية

Emotions - المشاعر

Power of Thoughts - قوة الأفكار

Power of Focus - قوة التركيز

Gratitude - الامتنان

Affirmations - التوكيدات

Action and Inspired Action - الفعل والفعل المُحرك

Paradigm - البارادايم

Give To Receive - العطاء

Karma - كارما - قانون بقاء الطاقة

Visualization - المعايشة

Power Of Love - الحب

Pushing Mind and Attracting Mind - العقل الدافع والعقل الجاذب

Manifesting - التجلي

Abundance - مفهوم الوفرة

Limiting Negative Beliefs - المعتقدات السلبية

Law Of Attraction System - نظام عمل قانون الجذب

Mistakes of Applying LoA - أخطاء التطبيق

كل ذلك - اليوم الأول بأكمله مقدمة لما بعده من أيام ويتضمن شرح تفصيلي لكل نقطة من تلك النقاط

-

ثاني الأيام التدريبية

ثاني الأيام يختص بالمعتقدات والأسألة

تحديد أسألتك الصحيحة

استخدام الطاقة المحيطة لمعرفة الجواب المناسب لأي قرار نتخذه

كيفية تحديد المعتقدات

استرجاع معتقدات الطفولة

معرفة أي المعتقدات التي سيتم التعامل معها

حرق المعتقدات

-

ثالث الأيام التدريبية

ثالث الأيام التدريبية هو لطريقة متقدمة للتخلص من المعتقدات لا تتضمن أي حرق ولا أي كتابة

طريقة سرية كشفتها لمن حضر التدريب من قبل - وطلبت منهم أن تظل كذلك

طريقة ستظل معك كلما أحسست بشعور سيء أو طاقة سلبية يمكنك بها التخلص منها في دقائق بإذن الله

-

رابع الأيام التدريبية

رابع الأيام التدريبية يختص ب"الحكم" على الطاقة وصحة أو خطأ الحكم

ستعرف أن 99% مما علمته عن الطاقة قبل ذلك كان خاطئاً

وستعلم كيفية التعامل مع الطاقة وتطويعها وتوجيهها

الاحساس بالطاقة

كرة الطاقة

تنظيف طاقة المكان

مضاعفة الطاقة

تبادل الطاقة بين المتدربين

تغيير نظرتك لكل ما حولك بالنظر لحقيقة كل منهم

معادلة سحر قانون الجذب - معادلتي الخاصة التي لا يعلمها الا أنا ومن دربتهم من قبل

-

خامس الأيام التدريبية

بعد معرفة ما هو قانون الجذب ومحو الكثير من المعلومات الخاطئة عنه

والتخلص من كل السلبيات والمشاعر المخزنة بدءاً من مرحلة الطفولة وحتى يوم التدريب

يتم تركيز كل الطاقة التي حصلنا عليها و مضاعفتها وتوجيهها لأهدافنا

بالإضافة إلى استخدام كل من المتدربين لمعادلة سحر قانون الجذب على نفس الهدف

ومعرفة السر المطلق لقانون الجذب - الذي ستفهمه فقط بعد الخمس أيام التدريبية

العدد محدود

لحجز مكانك الآن في التدريب القادم ان شاء الله

 

 التحويل البنكي أو التحويل بويسترن يونيون

1- تحويل عن طريق ويسترن يونيون

Western Union

الاسم : فيصل أحمد ابراهيم أحمد عبد الواحد

المبلغ : 497 دولار

فقط 197 دولار لمدة 10 أيام فقط

الدولة : مصر

وإرفاق رقم التحويلة واسم المحول ودولته في إيميل إلى

Coaching@amirnafsak.com

ا

2- أو قم بعمل تحويل بنكي من أي بنك بتلك البيانات

اسم البنك: NSGB - "National Societe General Bank"

السويفت كود الخاص بالبنك : NSGBEGCXXXX

اسم العميل : Faisal Ahmed Ebraheim Ahmed

فيصل أحمد ابراهيم أحمد

الفرع : المنصورة ميدان المحافظة - غير مطلوب في أغلب الأحوال

رقم الحساب : 10021542140

المبلغ : 497 دولار

فقط 197 دولار لمدة 10 أيام فقط


قانون الجذب

سيدونا 6 – الجسد

August 17, 2012 — by فيصل عبد الواحد132

sedona_method_9.jpg

المقالة اللي فاتت شككت ناس كتير في نفسها

وشككت ناس كتير في حاجات كتير

وشككت اللي بيقرأ في قدراته الاستيعابية

شيء محير فعلاً لما تعرف طول عمرك انك بتبص على نفسك من زاوية واحدة

وتعرف ان في زوايا كتير جداً انت ما اكتشفتهاش الا الوقتي بس

المهم..أنا قلتلك كدة ليه؟

أنا فرقت بينك، وبين اسمك، وبين نفسك، وبين روحك، وبين جسدك

أو عرفتك الفرق

ليه ؟

عشان أقولك النهاردة ان شاء الله

إزاي تغير حاجة في جسمك للأحسن بإذن الله

وعايز أقول أن أي حاجة هنا انا حاططها عشان تغير بس الأشياء المكتسبة

الحلال تغييرها، وأي شيء آخر انت حر فيه وحسابك على نفسك

انت..غير جسمك

و أنت مش مجموعة الوظائف البيولوجية اللي بتحدث جواك، بدليل انها بتحصل وأنت نايم

المهم..أنك مش ده

كل ده ليه يا فيصل ؟

عشان أول سؤال، في اول مرحلة، في استخدام سيدونا..لتغيير شيء ما في الجسد بيكون

تقدر تدي لجسمك الإذن..في أنه يكون بالصورة اللي هو عايزها ؟

طب ازاي، مهو اذا فعلاً اقتنعت ان انا شيء و جسمي شيء، إزاي أديله الإذن ده، مهو هيفضل كدة

فاكر لما اتكلمنا عن اطلاق الرغبة، وانت سألت نفسك ازاي، انا عايز الهدف ده جداً

ازاي اتحرر منه واسيبه

نفس الحكاية هنا

تقدر تدي لجسمك الإذن، أنه يكون بالصورة والشكل اللي هو عايزه ؟

وبعد ما توصل لنعم بإذن الله جواك..تدخل على تاني سؤال

هتدي لجسمك الإذن فعلاً انه يكون بالصورة اللي هو عايزها ؟

ولما توصل لنعم بإذن الله جواك،

توصل لتالت سؤال، امتى..و اجابته اللي انت عارفها، الوقتي

تاني مرحلة بتكون..تقدر تدي لنفسك الإذن، انك تتحرر من سيطرة جسمك عليك ؟

آه جسمك بيحاول يسيطر عليك، زي ما انت بتحاول تسيطر عليه

انت بتحاول تسطير عليه بأنك تعمل ريجيم، وهو بيحاول يسيطر عليك بأنه يخليك تاكلهم غصب عنك، ويفرز الهرمونات و الانزيمات

اللي تخليك تعمل كدة، بمساعدة، وأمر العقل الباطن، او تحديداً البارادايم

المهم..تقدر، تدي لنفسك الإذن انك تتحرر من سيطرة جسمك عليك ؟

لما توصل لنعم بإذن الله، برده جواك، وعلى فكرة مفيش مشكلة لو عايز تقولها بصوت عالي في أي مرحلة

نوصل للسؤال التاني..هتتحرر فعلاً من رغبة جسمك في السيطرة عليك أو التحكم فيك ؟

لما توصل لنعم بإذن الله ندخل لآخر سؤال

امتى..الوقتي

المرحلة التالتة، تقدر تحرر جسمك من سيطرتك عليه ؟

ولما توصل لنعم بإذن الله، السؤال اللي بعد كده

هتحرر جسمك فعلاً من سيطرتك عليه؟

وآخر سؤال، بعد نعم ان شاء الله بيكون

امتى..الوقتي

آخر مرحلة بتكون، أول سؤال فيها

تقدر ترحب برغبتك في أنك تبقى كذا (أنحف - أتخن - شعرك أتقل) وهكذا

ترحب بيها جداً، وتعرف انها حاجة حلوة انك تعوز حاجة زي كدة

وبإذن الله لما ترحب بيها

السؤال التاني، تقدر تتحرر من الرغبة دي ؟

ولما توصل لنعم جواك بإذن الله، السؤال التالت، هتتحرر من الرغبة دي ؟

وبإذن الله بعد نعم، امتى..الوقتي

في حاجة اضافية، وللمتقدمين او اللي عايز يوصل لمرحلة متقدمة، وبيتم تدريبها في كورس سيدونا المكثف

ان كل الرغبات وراها حاجة من التلاتة

الرغبة في التحكم

الرغبة في حيازة اعجاب الآخرين

الرغبة في النجاح/الحياة

ان شاء الله هشرحهم ليك المقالة المقبلة، وهتساعدك جداً سواء في التغيير الجسدي المادي، أو أي حاجة تانية بسيدونا

وان شاء الله هتكون المقالة دي قريب جداً

وان شاء الله اشوفك المقالة الجاية في المؤثرات المشتركة

قانون الجذب

أنت مين ؟

August 14, 2012 — by فيصل عبد الواحد52

body-soul-spirit.gif

أنت مين؟

الوقتي لو أنا سألتك، أنت مين

هتقولي أنا كريم

أنت فعلاً كريم ؟

آه يا عم أنا كريم..أوريك البطاقة

لأ..مش ده قصدي

..بس انت مش كريم!

إزاي ياعم، والله انا كريم

لأ أنت مش كريم

ليه؟

أنت اتولدت..اسمك كريم؟ مكتوب عليك اسمك يعني ؟

لأ..انت اسمك ده اطلق عليك

الاسم اللي تنادى بيه

ولذلك العبارة تكون صحيحة لما تقول

 انا أُدعى كريم

انا اسمي كريم

انت مش كريم..أنت اسمك اللي شايله والناس بينادولك بيه ومعروف بيه..كريم

!! يعني أنا مش فيصل

معلش الموضوع هيحتاج منك تركيز شوية عشان المقالة الجاية محتاجة انك تعرف الحقيقة دي

تمام..اتفقنا انك مش كريم..انت مين ؟

خلاص..أنا الشخص اللي واقف قدامك ده

لأ أنت مش الشخص اللي واقف قدامك ده

يا سيدي والله أنا هو ده

يا سيدي والله أنت مش هو ده

أنت مش جسمك ده..أنت مش مجموع اتحاد ايدك ورجلك وعينيك وشعرك وباقي أعضاءك

ده جسمك

جسمك اللي بياكل مش أنت، في فرق بين انت، وبين جسمك

بدليل..أن الإنسان بيتغلب على رغبة جسمه في الحياة، لما يختار يضحي بنفسه للشهادة في سبيل الله مثلاً

أو يختار أنه يمنع الاكل و الشرب في الصيام

هناك من يختار، وهناك من يقع عليه الاختيار

اذاً..أنت مش الشخص اللي قدامي ده

أنت حاجة أعلى من كدة بكتير، أنت مش من العالم ده، وإلا ما كنتش تدرك اصلاً الوقت ولا المسافة ولا أي متغيرات كونية

إزاي..

مش هدخل معاك في تفاصيل معقدة الوقتي، اللي عايز يستزيد على الموضوع ده ممكن اكلمه بشكل شخصي

لكن انت عشان تدرك الوقت، لازم تكون على "عتبة" خارجة عنه عشان تدركه

وأنت في الأسانسير بعد ما يتحرك ما بتعرفش اذا كان واقف ولا ثابت الا اذا

الا اذا بصيت على رقم الدور، أو شباك الأسانسير

وأنت في العربية بعد ما تتحرك ما بتعرفش انها بتتحرك الا من التوقف والسير، أو النظر في الشارع

المهم انك أثناء انك داخل شيء، ما تعرفش ترصد حركته

ومعنى انك بترصد الوقت

انك مش مجرد ذلك الكيان الجسدي البالي اللي قدامي ده

فيك كيان تاني..

فيك روح

وفيك نفس

وفي فرق شاسع بين الاتنين، وبرده مش هتكلم عن الموضوع ده الوقتي

بس عايز أقول ان ده بالظبط هو اللي ربنا بيقولنا عليه في دينا

احنا وضعنا في الأجساد دي كاختبار، والموت ما هو الا برزخ

أو كوبري بين المكان..الي روحنا في الجسد ده

إلى المكان الآخر..الآخرة

حيث طبيعتك الحقيقة

المهم..عايز أقولك انك مش مجرد الجسم، ومش مجرد الاسم

ان في فرق بينك وبين جسمك، وليك كيان غير جسمك

الإنسان من أكبر الألغاز الذي حتى الآن لم يتم التوصل لحلها المطلق

كالعادة هقولك مش موضوعنا

لكن انا عايزك تعرف..أن نظرتك لنفسك كانت غلط للأسف كل حياتك

مش انت اللي بتجوع، ومش أنت اللي بتعطش، ومش أنت اللي بتميز العدل من الظلم

والحق من الباطل

في فرق بينك، وبين جسمك

انا بقولك كدة ليه..عشان المقالة الجاية ان شاء الله

!! هخليك تتعرف على جسمك

اتعرف على جسمي ليه..؟

عشان تبدأ بإذن الله..

تبقى في الصورة "الجسدية" اللي أنت عايزها

من دون تغيير خلق الله، يعني حكاية تغيير لون العين، أنا أعرف ناس بيقولوا انها ممكن

لكن ما جربتهاش شخصياً..لكن بغض النظر..فهي حرام، فمش هتكلم عنها سواء نظرياً او عملياً

هنتكلم عن لون البشرة..والتخسيس والسمنة، والشعر، والقوة، الطول والقصر أظن انه حرام، وكنت بدأت اشتغل فيه

لكن وقفته لشبهة حرمته

لأنه تغيير في خلق الله

طيب مهو التخسيس تغيير..

لأ هناك فرق، في فرق انك تغير في حاجة انت مولود بيها

وانك تغير في حاجة انت اكتسبتها بمرور الأيام

ممكن تحتاج تقرأ المقالة مرة أو اتنين

عاذرك..الحكاية ممكن تكون معقدة شوية

وممكن تكون صدمة..انك كل السنين اللي فاتت دي

كنت أول واحد

!! فاهم نفسك غلط

قانون الجذب

سيدونا4 – الأهداف

August 5, 2012 — by فيصل عبد الواحد131

scalar-energy-healing.jpg

المقالة دي ممكن ما تكونش طويلة زي المقالات اللي فاتت

المهم..أكيد عارف انك لو دي لسه أول مرة تدخل أمير نفسك

احتمال كبير..ما تفهمش حاجة

ودي شكوى جاتلي من ناس كتير لسه جديدة عن قانون الجذب

وأول ما دخلت قرأت سيدونا

سيدونا بالنسبة للي لسه عارف قانون الجذب

زي الكيمياء النووية لطالب 3 ابتدائي

المشكلة مش منك ما تحاولش تقنع نفسك ان الموضوع اكبر من عقلك

الحكاية بس مراحل..ومحتاج تاخدها واحدة واحدة..وأنصحك تبدأ

من الاول خالص

من مقالة مقدمة عن قانون الجذب، وان شاء الله هعمل هنا صفحة دائمة للأعضاء الجدد

أما اذا كنت عارف قانون الجذب بوجه عام، وبرده دي اول مرة تدخل أمير نفسك..فأنصحك برده ما تبدأش بسيدونا

لو مصمم، يبقى ابدأ من أول سيدونا من مقالة طريقك ايه

اذا كنت وصلت للسطر ده فمعنى كده انك متابع أمير نفسك من زمان، أو تابعت سلسلة سيدونا من أولها

ولازم تكون عملت حاجة من الاتنين دول - ان ماكانش الاتنين مع بعض - عشان تفهم اللي هنقوله النهاردة ان شاء الله

مصمم لسه..؟

تمام، عايز أقولك حاجة جميلة جداً

ان سيدونا..مش بس للتحرر والإطلاق

وإن سيدونا..مش بس للسلبيات

آسف..هما حاجتين، نقول من الأول

سيدونا مش بس للتحرر والإطلاق..سيدونا كمان لتحقيق الأهداف، ومش قصدي بكده فك الارتباط

لأ قصدي فعلاً تحقيق الأهداف، تقدر جداً تستعملها عشان تحقق هدفك بفضل الله تعالى وحده ، باستخدام قانون الجذب

لكن بالبداية الصح..اللي اتكلمنا عنها قبل كده في مقالة خط النهاية

وده اللي هنشرحه النهاردة ان شاء الله

وتاني حاجة..ان سيدونا مش بس للسلبيات، وان لما بتطلق، او تتحرر من شيء ايجابي..المفاجأة بتبقى أكبر مما تتوقع

لكن خلي دي لمقالة تانية ان شاء الله

المشكلة..أو سبب كتابة المقالة دي حاجة مهمة أوي

آسف..حاجتين - بكرر أسفي مرة تانية

أول حاجة ان لما بنتمسك بهدف أوي ونقرر نتبع الطريق التاني اللي هو مقاومة البارادايم

بنحط على نفسنا ضغط هائل جداً - فاكر القلم ؟، وبنقاوم البارادايم، ونسبة نجاحنا 3%، وكمان لما نوصل

ممكن نلاقي نفسنا غيرنا رأينا وعايزين هدف..أكبر

عن تجارب شخصية

تاني حاجة..أن العقل الباطن لما بيسمع جملة..أنا "عايز" أو أنا "محتاج" 100 ألف جنيه

بيقارن الأمر ده بوضعك الحالي، ويلاقي ان اللي انت بتقول - حتى اذا كنت بتقول انا امتلك 100 ألف جنيه - مش موجود

فيعرف ان في نقص في ال100 الف جنيه

وعشان عقلنا الباطن شديد الذكاء، وفي نفس الوقت شديد الغباء، بينفذ بس اللي اتطلب منه

بينفذ أمر..نقص في 100 ألف جنيه

تبدأ تلاقي المقاومة بتاعة البارادايم صحيت تاني..والامور بدأت تسوء..وده سبب ان 99% من التوكيدات بصيغتها المعروفة

! ما بتنجحش

هنتكلم ان شاء الله في مقالة عن صيغة التوكيدات المناسبة

استنى..يا فيصل انت قولت قبل كده ان الصيغة الصح للكلام او الكتابة هي أنا عايز كذا..صح ؟

مظبوط..ده كان للي عايز يقاوم البارادايم..الوقتي احنا بنبدأ من جوا..بنبدأ البداية الصحيحة

ومع ذلك..كل الطرق بكل شرحها موجودة..مش شرط عشان أنا بحب أكله معينة..انت تكون بتحبها

بدون دخول في تفاصيل الأكل - وخصوصاً اننا في رمضان - عايز ما أتفرعش خارج الموضوع

أقدر فعلاً أستخدم سيدونا لتحقيق الأهداف إزاي ؟

على مرحلتين، أول مرحلة هي التحرر من الرغبة في الهدف

! تاني مرحلة..هي التحرر من الرغبة في "عدم تحقيق" الهدف

ازاي عدم تحقيق ؟

بص..لما انت بتبقى عايز حاجة أوي..وخصوصاً لو كنت عايزها في معاد معين

و"خايف" انك تفشل في تحقيقها في المعاد ده

كده ابتدأت تتكلم لغة العقل الباطن، عشان حطيت على رغبتك..شعور، اللي هو الخوف

والعقل الباطن..مرة تانية عشان هو شديد الذكاء والغباء في نفس الوقت

عشان في شعور هنا

بينفذ أمر انه يجذب "عدم تحقق" الهدف ده

يمكن اللي بيخليك مكمل في مشوار الهدف ان على أد ما في خوف من الفشل..على أد ما في رغبة في تحقيقه

اقرأ القطعة دي تاني عشان ممكن تكون صعبة في الاستيعاب نوعاً ما، لكن ملخصها هو

ان لما بتخاف انك تفشل في تحقيق حاجة في معادها

او تخاف ان حاجة تحصلك

في أمر خفي بيوصل لعقلك الباطن بتنفيذها

عشان كدة هنتعامل النهاردة مع المرحلتين

أول مرحلة..التحرر من الرغبة في الهدف

أول خطوة..استحضر رغبتك في تحقيق الهدف ده..استحضر الشعور ده

رحب بالشعور ده..ما تقاوموش لو كنت بتقاومه قبل كدة..ما تحاولش تهرب من رغبتك دي

اعترف بيها لنفسك، ورحب بيها..قولها جواك..أهلاً

تاني خطوة..تقدر تتحرر من الرغبة دي ؟

هتلاقي حرب جواك..إزاي، لأ أنا عايز الهدف ده..

معلش

لدقيقة واحدة..تقدر تتحرر من رغبتك في الهدف ده..؟

تقدر تشيل الضغط المهول ده..من على نفسك لدقيقة واحدة على الأقل؟

اهدى..

الأحسن انك تتمسك برغبتك "الحارقة" دي وتقاوم الدنيا و البارادايم والظروف ونسبة نجاحك تبقى 3% بس

ولا تتحرر منها، وتحققه بإذن الله ؟

..جميل

تالت خطوة..انت هتتحرر فعلاً من الرغبة دي ؟

حس جواك..أيوة

آه هتحرر منها ان شاء الله

هشيلها من جوايا..هتحرر من الحمل ده

مش هطردها..لكن هتحرر منها، هسيبها بدل ما كنت ماسكها كل الوقت اللي فات ده

آخر خطوة..امتى ؟

الوقتي

جميل..كرر العملية اذا حسيت انك محتاجها، ويستحسن تعملها 3 مرات

بعد كدة المرحلة التانية..

أول خطوة..تقدر تتقبل ان جواك في رغبة، بعدم تحقيق الهدف ده

دور جواك..هتلاقي فعلاً حاجة زي دي، ممكن تكون تخيلت نفسك بتفشل في تحقيقه

أو صوت جواك قالك صعب، او مستحيل

وضيفت عليه شعورك بالخوف من الفشل في تحقيقه

تقدر تتقبل ان جواك فعلاً رغبة بعدم تحقيق الهدف ده

تقدر تتقبل ده ؟

تقدر تعترف بده ؟

..جميل

تاني خطوة..تقدر تتحرر من الرغبة دي؟ الرغبة في "عدم تحقيق" الهدف؟

بعد ما تقبلت وجودها واعترفت بيه..تقدر فعلاً تتحرر منها؟

سهلة..مش كدة ؟

بكل هدوء..تقدر تتحرر من الرغبة دي؟ الرغبة في عدم تحقيق الهدف؟

تالت خطوة..انت هتتحرر فعلاً من الرغبة دي؟ الرغبة في عدم تحقيق الهدف ؟

جميل جداً

آخر خطوة..امتى؟

الوقتي ان شاء الله

اعملها 3 مرات

وان شاء الله هتشوف الأثر داخلي..وخارجي بإذن الله

بعتذر عن اخلاف وعدي معاك، ان المقالة هتبقى قصيرة

لكن ما رضيتش أجزأ المقالة على جزئين، أشوفك المقالة الجاية بإذن الله

قانون الجذب

! أعجبني

July 29, 2012 — by فيصل عبد الواحد13

blog-facebook_like_button.jpg

بالظبط زي ما فكرت..هي حاجة ليها علاقة بالفيس بوك

الصفحة بتاعتنا بفضل الله تخطت حاجز ال1000 في أيام قليلة

فحبيت ناخد راحة شوية من سيدونا، اللي بفكر اعملها

قسم خاص وفيديوهات خاصة يتم تسجيلها ان شاء الله

وأحط لينك لصفحتنا على الفيس

أمير نفسك - قانون الجذب

اذا كنت بتستفيد من هنا، اعمل لايك لصفحتنا على الفيس

ان شاء الله هنشر هناك الجديد دايماً

وبالمناسبة، أحد المفاجآت التلاتة اللي أعلنت عنهم قبل كدة في أحد التعليقات

خاص بالصفحة دي

يلا..مستني أشوفك هناك

أمير نفسك - قانون الجذب

قانون الجذب

استخدامات سيدونا – فك الارتباط

July 28, 2012 — by فيصل عبد الواحد75

Letting-go.jpg

فاكر سيدونا..مش كدة ؟

فاكر ان قولنا ان ليها تطبيقات فعالة جداً..

بعد ما فهمنا الغرض من سيدونا من خلال سلسلة المقالات

من أول "انسى السر"ي

ومروراً ب "طريقك ايه" و "خط النهاية" ل

وباقي المقالات التانية

وعرفنا ايه أهمية اننا نبدأ صح..نبدأ من الداخل

مش من الخارج

وقبل ما أبدأ في أول تطبيق من تطبيقات سيدونا، عايز أحذرك من حاجة

..ما تفرحش

ما تفرحش لو كان الناس دايماً تقول عليك شخص صلب

ما بيتأثرش

بيكتم جواه

بالعكس..أحب أقولك انك اذا استمريت، او استمريتي كده

لازم هتحصلك مشكلة - في أغلب الأحوال صحية - قريب

الأمراض العضوية كلها..آه كلها، ليها منبع داخلي

لازم الجسم ينفذ الأمر اللي جايله من العقل الباطن، اللي انت خزنته جواك

بدعوى..أنا بعرف اكتم مشاعري كويس

حتى افتكر وانا صغير، قبل حتى ما أعرف أقرأ..أخويا قرأ ليا دراسة كانت في مجلة مش متذكر اسمها

ان النساء أطول عمراً من الرجال..عشان بيبكوا

بيعيطوا يعني بالمصري

بيطلعوا جزء كبير من المشاعر اللي اترسبت جواهم بسبب المشكلة اللي كانت سبب البكاء

عايزك تعرف انك مش معنى انك شايل جواك حاجات كتير يعني انك تفرح بكده

بالعكس..لازم تعرف انك عندك مشاكل كبيرة ولازم هتبان على السطح

وتتعامل معاها الوقتي قبل كمان 10 دقايق

ندخل..في أول تطبيق

فك الارتباط.. ودي أول مفاجأة من ال3 مفاجآت اللي كنت كتبت عنهم قبل كده في أحد الردود

سيدونا زي ما هي قوية جداً في التحرر من السلبيات

فسيدونا قوية جداً بفضل الله برده، في فك الارتباط

بمعنى..انك ممكن لو عايز تنسى الهدف - ودي احدى الطرق في جذب الأهداف

زي ما اتفقنا عشان تجذب أي حاجة قدامك طريق من 3

فك الارتباط

مقاومة البارادايم

تغيير البرمجة الداخلية

وآخر طريقة هي أقواهم وأسرعهم

لكن ساعات فك الارتباط ممكن تستخدمه في الأهداف البسيطة أو اللي عايزها تتحقق بسرعة

وهقولك لعبة جميلة أوي انا شخصياً بحب اعملها وانا في المترو

وهي طريقة من طرق التحكم في طاقة الأشخاص اللي بندربها في كورس سيدونا او تدريب قانون الجذب المكثف

الأول خليني أقولك ازاي تفك الارتباط بسيدونا

بعد ما تحدد انت عايز ايه..اعمل المعايشة له كإنه بيحصل، ويستحسن

انك تعمل المعايشة "للإحساس" الداخلي اللي هتكسبه من تحقق الهدف ده

وبعد كده..تعمل سيدونا بس تبدأ من أول تاني سؤال

تقدر تتحرر

هتتحرر

امتى..الوقتي

بس..وكده انت هتبقى فكيت الارتباط فعلاً

عايز كمان أقولك تاخد بالك من حاجة..في ناس لما بيعملوا العايشة للاحساس الداخلي اللي هيكسبوه من حاجة

الحاجة بتترسخ جواهم وبتاخد وقت - حوالي دقيقتين أو تلاتة - عشان يفكوا الارتباط

فلو انت حصل معاك كده وفك الارتباط طول معاك بسبب حاجة زي دي

اعمل معايشة عادية، شوف الهدف وهو بيتعمل ليك بإذن الله بدون ما تدخل في المعايشة الداخلية

وفك الارتباط

عايزك تجربها على حاجات بسيطة وتشوف قوتها بإذن الله

آه..عارف انك عايز اللعبة اللي قلتلك عليها

بص يا سيدي..ساعات مثلاً وأنا في المترو.. وعايز حد يقوم من مكانه

أو حد مثلاً يقوم من جمبي

أو حد ما يقفش جمبي لسبب معين

بعمل كده

عايزك تجرب تعمل كده  وشوف النتيجة معاك ايه

لازم هتلاقي تغير على الشخص اللي عملتها عليه، حتى لو ماكانش نفس التغيير اللي انت عملت المعايشة عليه

بس المهم انك هتلاقي حاجة تشبه جداً الحاجة اللي عملت عليها المعايشة

وتعرف كده ان الطريقة صح وانت طبقتها "نوعاً ما" صح..عشان كده ما اتعملش اللي انت كنت بتعايشه بنسبة 100%م

وهتلاقي ناس ممكن ما يظهرش عليهم اثر كبير من اللي بتعمله، غير انهم بيتوتروا..أو يتعصبوا

دول بيقاوموا من غير ما يشعروا.. الله أعلم اتدربوا بالفطرة ازاي على مقاومة الطاقة الخارجية

بس هتلاقي حاجات جميلة أوي

على فكرة..انا ما حذرتكش انك تستخدمها في حاجة مش كويسة، عشان دي طاقة

هتترد ليك غصب عنك، لأن كل اللي بنتعامل معاه طاقة..ولازم هتترد ليك تبعاً للكارما..أو زي ما بيحبوا يسموها

قانون بقاء الطاقة

فخاف على نفسك وانت بتعملها

! وأشوفك المقالة الجاية ان شاء الله تكون لعبت شوية

قانون الجذب

سيدونا 3

July 21, 2012 — by فيصل عبد الواحد143

let-go.jpg

أول ما بدأت أدرب سيدونا للعرب

واجهتني مشكلة كبيرة جداً..

Let Go

الكلمة دي

Let Go كلمة

بالنسبة للأجانب كلمة مفهومة، بكل المشاعر والمعاني المرتبطة بيها

كان جزء من تطبيق سيدونا هو ان الشخص يـ

Let Go

أقرب معنى عربي ليها هو التحرر، أو الإطلاق

فكانت بتقابلني مشكلة..أني أقول، في مرحلة معينة من سيدونا

تقدر الوقتي تتحرر من ال...

يعني ايه اتحرر ؟

هنعرف الوقتي ازاي، وهنعرف ازاي بفضل الله قدرت احل المشكلة دي

لأنها مش مشكلة ليا أد ما هيا مشكلة للي بيطبق طريقة سيدونا

سيدونا بتعتمد على قدرة خاصة فيك وفيا وفي كل الناس

الإطلاق

Releasing

مسارات الطاقة بتاعتك فطرتها هي "عدم التخزين"، لكن لما بيحصلك حادث ما

سلبي

بتختار انك تحسه أوي

المشاعر زي ما قولنا..طاقة

الطاقة دي بتفضل موجودة في مسارات الطاقة الخاصة بيك

ممكن تكون ساعات حسيت انك تقدر ما تزعلش الوقتي، أو تقدر تطلع من الحالة اللي انت فيها

بس فضلت تكتئب..أو لقيت انه - من العدل - انك تفضل زعلان

ازاي ما تفضلش زعلان، وما تعيش الاكتئاب بعد اللي حصلك

ده حتى يبقى ما عندكش دم

وممكن بعد فترة برده اما حاولت تنسى

حاجة قالتلك لأ، اللي حصل من الشخص ده عمره ما يتنسي

وتفضل "ماسك" الشعور ده والطاقة دي جواك

مع تراكم المواقف، وتراكم المشاعر

وتراكم ال.."مسك

تبدأ تبعد عنك كل حاجة حلوة انت عايزها

وتبدأ "المصفاة" تملاها الشوائب زي ما وضحنا قبل كدة

سيدونا بترجع بيك لأصلك، وتخليك قادر تستخدم القدرة دي

سيدونا طريقة بسيطة جداً، وسهلة جداً جداً

وبفكرك، ما تخليش بساطتها تخدعك

عشان تطلق المشاعر، او تتحرر منها

تقدر تعمل ال3 حاجات دول، أو حاجة واحدة، او حاجتين

انت حر

انا شخصياً بستخدم حاجتين مع بعض وهنعرف الوقتي

عايز افكرك مرة تانية ان الحكاية بالبساطة اللي هتشوفها

المسألة مسألة اختيار..وحرية

عشان كده اسمها..تتحرر

ال3 طرق دول هما

Welcoming

Letting Go

Analyzing

وهنعرف برده يعني ايه كل واحدة فيهم الوقتي

الأول خلينا نبدأ بحاجة بسيطة

عايزك تشوف حاجة انت متضايق عشانها

أو هدف خايف ما تحققوش - وخليه هدف صغير..عشان زي ما قولنا عايزين حاجة خفيفة

أو حدث حصل من شخص ما مضايقك

او مأثر فيك

وليكن مثلاً..فاتورة الموبايل الشهر الجاي هتدفعها ازاي وانت عارف انها هتبقى كبيرة أوي

يعني الشعور السلبي هنا..هو القلق من الفاتورة دي

أول خطوة..أو أول سؤال

تقدر ترحب بالقلق ده ؟

تقدر ترحب بيه فعلاً، تقدر ما تقاوموش ؟

المشكلة قبل كده كانت انك لما بتحس بالقلق ده بتحاول تقاومه، او بتحاول تنساه

وزي ما انت أكيد عارف، القلق ما اختفاش، خدها قاعدة أساسية في أي حاجة جواك في حياتك

أي حاجة تقاومها، قوتها بتزيد

لأنك بتقاوم جزء منك، وطبيعي، انه يستمد من قوتك

ما تقاومش

تقدر ترحب بالقلق ده ؟

تقدر تقوله أهلاً جواك ؟

لما تقدر ان شاء الله، وتقول جواك أيوة، هتلاحظ ان الشعور بدأ يخف نوعاً ما

السؤال التاني

تقدر "تتحرر" منه ؟

جينا عند المشكلة، يعني ايه اتحرر

يعني تبقى حر منه، يعني تطلق الشعور ده من داخلك، يعني بالظبط

زي ما كنت ماسك القلم المقالة اللي فاتت وفتحت ايدك

لما تقلب القلم في ايدك هتلاحظ ان القلم مش "مرتبط" في ايدك، بالعكس

انت اللي كنت ماسكه

الشعور نفس الحكاية بالظبط

تقدر تتحرر من الشعور ده

تقدر تسيبه يخرج؟

تقدر تطلق سراحه..؟

أنت بدون علم، بمقاومتك للشعور أو بهروبك منه، حابسه جواك

وزي ما انت عايز تتحرر منه هو كمان عايز يتحرر منك

لكن بمقاومتك له وتخزينك له جواك، ما بيطلعش

بيفضل محبوس

لغاية ما يحصل حاجة من الاتنين، يا إما تيجي مرة واحدة وتنفجر وتطلع كل المخزون السلبي ده، والشخص اللي هتنفجر فيه حظه أكيد مش حلو

يا إما تقرر انك ترحب بيه، وتتحرر منه

تسيبه يخرج منك

لو حاجة جواك قالتلك لأ..ما أقدرش، وهتقابل الحكاية دي مع الأهداف لما تسأل نفسك..أقدر أتحرر من رغبتي في الهدف ده

قول لنفسك على الأقل أقدر اتحرر من الرغبة دي..لدقيقة واحدة ؟

مرة تانية..تقدر تتحرر منه ؟

لما تشعر بارتياح، وانك قادر تقول جواك أيوة

هتلاقي شعور ارتياح غريب جداً بدأ يبقى جواك

السؤال التالت

هتتحرر منه ؟

السؤال التاني كان "تقدر"، أما السؤال التالت

هتتحرر منه ؟

الترجمة لـ

Would You Let go ?

بعد ما عرفت انك تقدر فعلاً بفضل الله تتحرر منه

انت هتتحرر منه ؟

ممكن تلاقي حاجة جواك رافضة، خصوصاً لو كان متعلق بحزن أو احباط من شخص

غدر او خيانة أو ألم..إلى آخر تلك المشاعر

لو لقيت حاجة جواك بتقولك لا..اسأل نفسك

الأحسن اني اتمسك بالشعور ده أو المشكلة دي ، ولا أني أبقى أحر وأحقق هدفي ان شاء الله؟

اسأل نفسك السؤال التالت..هتحرر منه، وتابع بالسؤال الفرعي اذا سمعت حاجة او حسيت حاجة جواك بتقول لأ

لما توصل لأيوة ان شاء الله

أيوة هتحرر

اسأل نفسك آخر سؤال

امتى..؟

جاوب نفسك جواك وقول

الوقتي

Now

اعمل سيدونا 3 مرات ورا بعض

ادي لنفسك الوقت اذا محتاجه، مفيش أي مشكلة اذا كنت عايز تعملها لساعات

بس اذا كنت محتاج

عشان اوضح، انت مش لازم تفضل تعملها ساعة، العكس على الاطلاق

لكن اذا حسيت انك محتاج وقت عشان تشوف وتتعامل مع المشاعر جواك لحد ما تقول أيوة

مفيش مشاكل

زي ما قلتلك ما تخليش سيدونا تخدعك ببساطتها، سيدونا من أقوى طرق التحرر اللي عرفتها في حياتي

وبتنافس على المركز الأول في أقواهم على الاطلاق

عشان أوضح يعني ايه

Analyzing

هي انك لو بسيطت في أثقل وأقوى الحاجات حواليك، الخشب مثلاً بتاع الكرسي

وحللته

هتلاقي ان الخشب مركبات كيميائية

والمركبات دي اذا حللتها، وكبرتها اكتر بميكروسكوب أو ما إلى ذلك

هتلاقيها ذرات، والذرات كذلك اذا حللتها وكبرتها أكتر

هتلاقيها نواه، والنواه كذلك لما تكبرها

هتلاقي انها كتلات من الطاقة

الطاقة نفسها اذا تخيلت انك بتدخل فيها وتشوف هي ايه

هتلاقي انها..مع تكبيرها ده

لا شيء

الشعور السلبي قوي ده..أصله لا شيء

لما تروح لأصل الشعور، لـ "لب" القلق أو الخوف أو الحزن

هتلاقيه ولا حاجة

تقدر تدمج الحقيقة دي مع الترحيب والتحرر لو تحب

كده سيدونا خلصت، وان شاء الله المقالات الجاية، ممكن نتكلم عن تطبيقات ليها مع أشياء مختلفة

أشوفك المقالة الجاية ان شاء الله، و

رمضان كريم

قانون الجذب

سيدونا 2

July 15, 2012 — by فيصل عبد الواحد41

Sedona-method-logo.gif

ملحوظة : يجب قراءة الجزء الأول من المقالة من هنا

عايزك تجيب قلم..قلم كتابة عادي

وتمسكه في ايدك

بجد..اعمل كده الوقتي

أيوة امسكه في إيدك، مش بس كدة

عايزك الوقتي

تضغط عليه جداً

اضغط عليه أوي

أوي

اضغط على القلم وانت ماسكه بإيدك جداً

حاسس بإيه ؟

؟

إيدك بتوجعك..مش كدة ؟

ما تفتحش ايدك، خليك ماسك القلم

جميل، عايزك تفتكر هدف

كنت متمسك بيه أوي

جداً

بالظبط

فهمت قصدي ؟

التمسك بهدف أوي - رغم ان ده هو الطريق التاني لتحقيق الأهداف - بيسبب نفس الألم ان ماكانش ألم أكبر

زي اللي حسيته من شوية

الألم النفسي والضغط العصبي اللي بتحط نفسك فيه، وده السبب مع البارادايم..ان 3% بس من الناس

اللي بتستخدم الطريقة دي

طريقة انهم يحطوا هدف ويعملوا أي شيء عشان يحققوه

بينجحوا

3% بس

هما اللي بيقدروا يستحملوا شعور الألم ده

اللي بيزيد كل ما تمسكوا بالحلم وقاوموا أكتر

الوقتي..افتح ايدك

حرك القلم بحرية في ايدك

وسيبه من ايدك خالص

انت اتولدت بقدرة جواك، وظيفتها كلها..زي الأمر بفتح الإيد

وإنها تخرج الحاجات اللي انت متمسك بيها من غير ما تعرف

ودي اللي اكتشفها ليستر، وبدأ يستخدمها وعاش حواي 42 سنة بفضل الله أولاً طبعا وأخيراً

وكون ثروة كبيرة جداً تبرع بيها لأنه قال انا أقدر اعملها تاني لو عايز

القدرة دي موجودة عشان تخلي مسارات الطاقة مفتوحة دايماً

! لكن احنا اتعودنا اننا..نخزن

هقولك حاجة..ليه لما انت بتضحك

بتدي "شعور" الفرحة حقه، وبتحسه بكل حاجة فيه

ليه أي شعور تاني - انت سميته سلبي - ما بتديلوش حقه

وتحسه ؟

تعرف ايه اللي بيحصل لما ما تحسوش وتحاول تقاومه ؟

هيتخزن جواك، وهيفضل يقاومك عشان يتحس زي غيره من الأحاسيس

اللي أصلها طاقة..وعايزه تخرج منك

لكن كون انك ما بتحسهاش

بتقولها خليكي جوايا

وعشان بتقولها خليكي جوايا

بتجذب طاقة شبيه، عشان مماثلة ليها في التردد

! وعشان تقولك..أنا هنا

الحكاية..أن المحاولات التانية أو التقنيات التانية

اللي بتهتم "بالتغلب" على السلبيات

بتتغلب عليها بأنها تعيد الكتابة على النمط السلبي او الشريط السلبي المتخزن جواك

التسجيل السلبي ده ما بيختفيش، اه ممكن تحس بتحسن في منطقة ما من حياتك

لكن لازم الطاقة دي تظهرلك في مكان تاني

لو حاولت تستخدم أي تقنية تانية غير سيدونا - وبعض التقنيات المعدودة - مثلاً على معتقد سلبي أو ذكرى سلبية خاصة بالزواج او الارتباط

ممكن تتغلب عليها فعلاً

لكن هتلاقي مشكلة ظهرت في مكان تاني من حياتك..وليكن، مكان عملك

زي بالظبط البالونة اللي مليانة هواء، ممكن لو ضغطت على مكان فيها أوي

المكان هينكمش

والهواء اللي فيه هيقل، ويكاد ينعدم

لكن هيروح لمكان تاني

سيدونا بتستغل قدرتك..على انك تتعرف على الهواء اللي في البالونة دي - الطاقة في حالتنا

وتخرجه بشكل نهائي

هتزعل مني..وممكن تتصدم

لما تعرف ان كل حاجة جواك اتخزنت

او لسه بتفكر فيها

او ذكرى أليمة أو مشكلة معاصرة

انت كنت تقدر تشيلها من جواك

وبالتالي..تشيلها من واقعك المحيط بيك

صدقني، مش مجرد كلام تنمية بشرية

ده كلام علمي، مبني على أسس علمية

وكل حاجة ليها سيستم، كل حاجة ليها نظام

حتى الفوضى والعشوائية ليها نظام و نمط معين تقدر تستنج منه الفوضى المقبلة هيكون شكلها ازاي

سيدونا بتعرفك اكتر انت مين، وبتدخلك جواك وبتعرفك حقيقة كتير جداً ما بيحبش يقولها

لكن هي دي الحقيقة

وهي..ان مفيش حاجة اسمها طاقة سلبية

او طاقة ايجابية

في بس..طاقة

انت..اللي "بتصبغها" بالصبغة السلبية أو الايجابية

الجملة دي مش لمجرد العلم..الجملة دي هنبني عليها حاجات كتير جداً بعد كدة

المقالة الجاية ان شاء الله هنبدأ نشتغل بجد بسيدونا، فعايزك تفضي نفسك خالص بإذن الله

وبالمناسبة، الصورة الي  في المقالة اللي فاتت

كانت رمز للطاقة الداخلية اللي جواك، لو لاحظت ان الشكل واحد، لكن اللون أو "الصبغة" مختلفة

..أشوفك المقالة الجاية ان شاء الله، بس أهم حاجة

! تكون فعلاً..مسكت القلم

قانون الجذب

سيدونا !

July 10, 2012 — by فيصل عبد الواحد42

pre0272a.jpg

سنة 1942..عالم فيزياء، وفي نفس الوقت رجل أعمال

! عرف من الدكاترة انه هيموت

وخلال أسبوعين بس..لأنه عنده مرض غريب

رجع البيت، ولك أن تتخيل احساسه كان ايه وقتها

حاول تعيش - بس مش أوي - الاحساس ده

عملت فحوصات طبية، وروحت للدكتور قالك أنا آسف

انت بالكتير أوي اسبوعين وهتموت

قرر ليستر، كان اسمه ليستر ليفنسون، انه طالما كده كده ميت

يعمل "...."

هقولك اللي بين علامات التنصيص لكن مش الوقتي

وعدى أول يوم

وتاني يوم..

واليوم التالت

وأول أسبوع..وتاني أسبوع

..ومات ليستر

! مات بعد..42 سنة تانيين

ما ماتش بعد اسبوعين زي ما كان الأطباء قالوله

مات بإذن الله، بعد 42 سنة، يعني عاش 42 سنة تانيين غير اللي عاشهم قبل كده

لسه متوفي قريب، من حوالي14 سنة

ليستر اكتشف بالصدفة، البحتة..قدرة فيه، موجودة بالطبيعة

لكن ماكانتش معروفة

ممكن تكون كانت معروفة بمجرد الكلام

لكن مع تجربتها..اكتشف ليها قوة ما افتكرش ان اي كتاب يقدر يحتويها

تعرف حد لما بتبص في عينه..تحس بسلام كبير جداً

تحس براحة واطمئنان بياخدك ليه ؟

سيدونا طريقة، تقنية، استغلال لقدرة بسيطة جداً، وفعالة جداً، جربتها شخصياً أنا والمتدربين بتوعي اللي بفتخر واتشرف بتدريبي ليهم

من بساطتها هتشك في قوتها، ومش هتتأكد الا بعد ما تجربها

المهم..انك تبقى عندك الشجاعة انك تعملها، لأن في بعض الخطوات

هتسمع صوت واضح جداً

بيقولك لأ

! مقدرش

ليستر عشان اتأكد انه هيموت

قرر - اللي بين علامات التنصيص - انه أي حاجة كان بيلوم نفسه فيها

ينساها

يسامح نفسه على كل حاجة

واكتشف طريقة عشان، مش بس يعمل بيها كدة

لكن يستخدم القدرة اللي جواه عشان يشيل جذور كل حاجة هو سماها سلبية

فاكر لما قلتلك قبل كده ان البداية الصح..من جواك، مش العكس؟

ليستر بالمناسبة اتبرع بكل ثروته

وقال لأني عارف اجيبها تاني ازاي لو عايز

ليستر علم طريقته لشخص اسمه هيل دوسكن

احد نجوم فيلم السر

وهيل..أنا اتعلمت منه الطريقة دي بكل فرعياتها

ورغم اني بجهز لكورس مفصل عنها لكن ما تقلقش

انا مش هسيبك كدة..هقولك تستخدمها ازاي ان شاء الله

وازاي تشوف فعلاً، أثر لحظي

المقالة الجاية ان شاء الله، استعد لتغيير حياتك

! بالمناسبة، الصورة اللي فوق، مش مجرد صورة

 

قانون الجذب

الترددات

July 4, 2012 — by فيصل عبد الواحد49

vibration.jpg

المفاجأة اللي كنت عايز اعملهالك الموضوع ده كانت اني الكلام اللي هقولهولك النهارده..

كنت هعمله فيديو..

لكن للأسف ما قدرتش نظرا لضيق الوقت الشديد اللي عندي

فقررت اقولك النهارده ازاي تظبط الترددات الداخلية ليك عشان تجذب الهدف المشابه ليه خارجيا

فاكر اكيد اني قلتلك في الكورس اللي بجهزله حاليا - أو الكورسين بمعنى ادق - خاص بكده و خصوصا الخطوة الأولى..

اللي هيا زي ما بحب اقولها

Cleasing.. 

مزيج بين

Clearing

و

Releasing

   وقولت ان الخطوة دي اهم من خطوة الترددات، ليه..

اذا مسكت اي حاجة..الموبايل بتاعك مثلا ووجهت ناحيته ضوء..

المكان اللي وراء الموبايل هيبقى في ايه؟

معلش انا آسف..

عارف ان التخيل صعب شوية..

عشان كده كنت افضل اعملهالك في فيديو لكن تخيل معايا..

او اعملها فعلا الوقتي امسك موبايلك وحطه في مجال او اتجاه ضوء،

هيبقى في ايه وراء - خلف - الموبايل؟

بالظبط.. ظل..او صورة من صور الظلام..

ضلمه بالمصري يعني طب لو شيلت الموبايل..

مش هيبقى في ظل..مش هيبقى في ظلام، النور هيمشي عادي والظلام..

هيختفي لواحده..

بالظبط..

انا قصدت اللي جه في دماغك الوقتي لما تشيل العوائق النور هيمشي لواحده..

لما تشيل الشوائب اللي في المصفاه..المياه هتمشي لواحدها..

انما خطوة الترددات بتسرع العملية بشكل كبير طبعا

الكورس الجديد اللي هيخلص في شهر ْْْ8 ان شاء الله هيبقى لمدة شهر على الخطوتين دول بشكل عملي

وبحركات وتمارين واوضاع طاقة بتتخذها، المهم

متفقين اننا عندنا حطوة التنظيف او التطهير اهم وأسبق على الترددات..

وهبدأ معاك النهاردة من الخطوة التانية وكمان هقولك تتأكد ازاي الكلام ده صح ولا غلط ..

الوقتي، تجيب التردد المماثل ازاي..؟

امسك هدفك.. شوف انت عايزه ليه..

وظيفة مثلاً..؟

عايزها ليه..؟

هو ايه اللي عايزها ليه هو في حد مش عايز يشتغل؟

انت عايزها عشان الناس كلها عايزاها..؟

لأ

طيب عايزها ليه.. ؟

عايز اشتغل عشان يبقى معايا فلوس واعتمد على نفسي

وعايز تعتمد على نفسك وعايز فلوس ليه؟

! عشان ارتاح..ده سؤال يعني

  جميل..يعني الهدف النهائي منها هو انك ترتاح مظبوط..؟

يعني لو كان ينفع تحقق الراحة باذن الله من غير الفلوس والشغل..؟

لا انا عايز فلوس و شغل وهما اللي هيخلوني ارتاح

اه..هنا المشكلة..انت لسه بتبدأ من خط النهاية حاول تنسى الحكاية دي لدقيقة بس وابدأ من جوا..

لأن اللي جوا ده هو التردد اللي هيجيبلك اللي بره ان شاء الله..

سؤالي كان عشان اشاورلك بس عالمشكلة اللي جواك دي الوقتي..

عرفت انك عايز الراحة الوقتي عايزك تشوف وتحس انت وانت مرتاح هتحس بإيه..

بالظبط..

! عايزك تعمل معايشة..للراحة

على فكرة لو جربت الخطوة دي الأول هتلاقي تغييرات كتيرة بتحصل واهدافك هتلاقيها بتقرب منك..

لكن هتحس جواك بعد ما تشوف كده بالخوف،

او انك اتسرعت.. او مش مستعد..ممكن يكون الكلام ده مش منطقي ليك الوقتي

لكن صدقني قبل تحقيق هدفك مباشرة، في مرحلة صغيرة، أو بمعنى أصح

مرحلة بين المرحلتين، بتبدأ تسأل نفسك انت فعلاً عايز كده ولا لأ

كل اللي اتنقلوا من مراحل في حياتهم، مراحل معيشية، اعزب لخاطب لمتزوج، موظف لمدير

فقير لغني..أي حاجة

فيها المرحلة الصغيرة دي

وهتلاقي هدفك بعد عنك تاني عشان ما اتعاملتش مع الشوائب دي تقدر تشيل الشوائب دي بحرق المعتقدات..

وهتبقى فعالة معاك جدا وما تنساش تعملها الأول..

لكن المقالة الجاية ان شاء الله هقولك على تقنية اقوى - بدون مبالغة - 1000 مرة من حرق المعتقدات

أتمنى أكون أفدتك، واشوفك المقالة الجاية ان شاء الله

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close