main

قانون الجذب

الصندوق الأحمر 2

October 27, 2012 — by فيصل عبد الواحد67

3806590-light-bulb-money-sign-energy-costs-988x1024.jpg

طيب لما انا قوة جذبي قوية جداً للدرجة دي

اللي خلتني أقدر بفضل الله اجذب الصندوق الأحمر بسرعة

ليه الحاجة اللي عايز اعملها ما بجذبهاش ؟

السؤال ده اتسألته كتير جداً

وده الغرض الحقيقي من تمرين الصندوق الأحمر

الصندوق الأحمر اتعمل عشان تتأكد فعلاً ان قانون الجذب بيشتغل

وان في حاجة اسمها جذب

وعشان ترد على أي شكوك جواك ناحية قانون الجذب

وكمان عشان اقولك انك تقدر بإذن الله تجذب اللي انت عايزه

لكن الأهم..عشان أوضحلك دور حاجة مهمة جداً

المعتقدات والبرمجة الداخلية

حاجة زي الصندوق الأحمر ده، انت 99% مفيش جواك أي حاجة ضدها

أو أي ذكرى سلبية او معتقد سلبي ضده

عشان كده لقيت ان الجذب كان سهل جداً، مش كدة ؟

وهي دي الاجابة

هو ده السبب اللي بيخليك مش قادر تجذب الحاجة اللي انت "عايزها"..عشان جواك معتقدات كتير

مش عايزاها

عايزك الوقتي تبدأ تشوف المعتقدات والعوائق اللي جواك ايه

وتبدأ تتحرر منها

سواء بسيدونا أو الإي إف تي - النقر - أو حرق المعتقدات

أو أي تقنية تحرر انت ممكن تكون عارفها

أهم حاجة..تبعد عن التوكيدات

وأي تمرين فيه توكيدات بتكررها لنفسك

السبب، موضوع طويل ومعقد جداً،قعدت اشرح فيه يومين تقريباً

في كورس طاقة الجذب

لكن المهم انك أخدت الإفادة

ابعد عن التوكيدات، خصوصاً وانت في مرحلة تطهير المعتقدات

وتغيير البرمجة الداخلية

الوقتي عايزك تشوف هدف صغير

1000 جنيه

مثلاً..واعمل نفس الخطوات الخاصة بالصندوق الأحمر عليه - على الهدف ده

وهتلاقي جواك حاجات سلبية بدأت تظهر

صعب

هجيبهم منين

انا فقير

يعني هو حد هيظهرلي من الهوا ويديلي 1000 جنيه ويمشي

استحالة

هتلاقي حاجات كتير اوي زي دي ظهرت جواك

اكتبها في ورقة

وابدأ اتحرر من كل واحد فيهم

لغاية ما تحس فعلاً بارتياح كبير جواك

وبعد كده اعمل المعايشة تاني على هدفك

ومبروك عليك ال1000 جنيه ان شاء الله

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

التنمية البشرية العامة

المسلّمات..والبارادايم

October 24, 2012 — by فيصل عبد الواحد36

brain-design-by-cogs-and-gears.jpg

اتكلمنا كتير جداً عن البارادايم

وإزاي البارادايم ده بيخلي حياتك جحيم

خصوصاً اذا اختارت الطريقة الثانية لتحقيق الأهداف بقانون الجذب

"مقاومة البارااديم"

لأنك ببساطة بتقاوم جزء قوي جداً منك

هو المسئول عن كل حاجة بتعملها كل يوم في حياتك بإذن الله

لكن النهاردة هنتكلم عن حاجة تانية

من فترة كتبت على الفيس

عندما تعلم قدرات عقلك الباطن..فلا حاجة لما يسمى بالذاكرة

والكلمة دي أثارت دهشة ناس كتير جداً، وناس أكتر طلبوا استفسارات وإذا ماكانت الجملة دي

مجرد حالة فيس بوك

ولا فعلاً كلام صحيح

انا هقولك ان شاء الله يعني ايه

لما تيجي تحفظ حاجة

وليكن بتذاكر مثلاً

المعلومة اللي هتحفظها مكونة من 10 عناصر

بتحاول تحفظهم وتكررهم كتير ورا بعض

وساعات بتكتبهم، في ناس شايفة

انها ما تقدرش تحفظ الا بالكتابة

ومع ذلك..بعد كل ده

ممكن تنساهم مع مرور الزمن

لكن انت ممكن تنسى اسمك مع مرور الزمن ؟

ممكن تنسى أسماء أفراد العائلة المقربة مع مرور الزمن ؟

بالطبع لأ

لأنهم متخزنين في مكان عميق جداً من العقل الباطن

اسمه البارادايم

لما انت بتحاول تحفظ الحاجة، بتدخلها الأول في عقلك الواعي..مع التكرار

بتتنقل لعقلك الباطن

لكن ما بتدخلش لأعماقه، عشان كده بتتنسى مع مرور الوقت

لكن يحصل ايه اذا قدرت تدخلها للبارادايم ؟

هسيبك انت تكتشف

وهقولك الطريقة

الحاجات اللي انت بتعاملها كمسلمات

زي 1+1 = 2

المبتدأ مرفوع والمفعول به منصوب - في حالة اذا كنت بتذاكر وانت طالب

شحنة الكهرباء الزائدة ممكن تموت - عشان عرفت كده وانت صغير وأخدتها كمسلم من المسلمات

أي حاجة أخدتها بدون نقاش نوعاً ما و "هضمتها" بقت جواك مسلمات

انت ما بتفتكرهاش، انت بس عارف انها كدة

دايماً بتتخزن يا إما في البارادايم

يا إما في جزء قريب جداً جداً منه

نفس الحكاية

اذا خدت المعلومات، والحاجة اللي عايز تحفظها

كإنها مسلمات

بعد كده هتلاقي نفسك مش بتفتكرها

هتلاقي نفسك..عارفها

مجرد انك عارفها، بدون أدنى محاولة للتذكر

تقدر تجرب الحكاية دي ؟

آه تقدر ان شاء الله

لما تيجي مثلاً تحفظ رقم موبايل شخص ما

بالنسبة ليك الجزء المسلم بيه هو أول رقمين او 3 أرقام

010

011

012

وما بتحاولش تحفظهم، لأنك من غير ما تشعر

أخدتهم كمسلمات

طيب يحصل ايه

لو أخدت 5 أرقام ، بدل أول رقمين دول او تلاتة

كمسلمات ؟

يعني اذا كان الرقم كله مثلاً

01234567890

انت دايماً بتحفظ، اذا حاولت تحفظ، من بعد 012، على الأقل هنا في مصر كدة

لكن اذا اقنعت نفسك ان أول خمس أرقام مسلمات

01234

هتلاقي نفسك بعد كده عارفهم

مش فاكرهم

مع التدريج..إذا خدت أول 7 أرقام مسلمات ؟

بالظبط

طيب وأنت بتذاكر مادة معينة، وأنت بتقرأ فيها

اذا أخذت القراءة دي..

كمسلمات ؟

عرفت قوة البارادايم ؟

الطريقة دي لما تتقنها هتلاقي الحياة بقت أسهل كتير جداً

وهتلاقي نفسك بتستخدمها في حاجات أكتر

ابدأ الوقتي جربها على حاجة بسيطة

رقم تليفون

دعاء ديني

معلومة علمية

وشوف النتيجة بإذن الله

وواحدة واحدة

تبدأ ما تفتكرش

تبدأ..تعرف

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

!!..ازاي

October 19, 2012 — by فيصل عبد الواحد32

Official-Seekerville-Treasure-Map.jpg

المقالة دي تقدر تعتبرها فهرس

وتقدر برده تعتبرها مقدمة لقانون الجذب اذا لسه جديد

انا مش هكلمك قانون الجذب بيشتغل ازاي، احنا اتكلمنا عن الحاجات دي كتير قبل كدة

ويمكن اكتر، وضحناها في مقالة "قانون الجذب..أنا لسه جديد"، لكن النهاردة ان شاء الله

عايز اقولك، خصوصاً ان اذا كنت جديد في أمير نفسك

المقالات هتلاقيها بوجه عام حاجة من التلاتة

مقالات بتتكلم عن الورق والكتابة ومقاومة البارادايم

مقالات بتتكلم عن النسيان وفك الارتباط

مقالات بتتكلم عن التحرر وتغيير البرمجة الداخلية

المقالات الأولى، اللي هتلاقيني دايماً فيها بتكلم عن انك تكتب أحلامك، وتقرأها مرة أو مرتين في اليوم

وانك تقاوم الظروف مهما حصلك

وتفضل متمسك بهدفك

دي تتبع الطريقة الأولى لتحقيق الأهداف بقانون الجذب بإذن الله

وهي مقاومة البارادايم

طريقة عايزة صبر..وعزيمة اعجازية، لأن نسبة نجاحها 3% فقط

إذا لقيتني بتكلم عن المعايشة ل3 أيام، أو فك ارتباط

او تقنيات لنسيان الهدف

فده معناه ان المقالة دي تتبع طريقة فك الارتباط، اللي هي بتتبعها مع العقل الدافع عشان تجذب اهدافك بإذن الله

سواء بأنك تنسى الهدف

او تعمل معايشة ايجابية لضد الهدف،

يعني لو كان هدفك مثلاً 1000 جنيه، تعمل معايشة ايجابية، انك هتكون فرحان ومبسوط

اذا كان عليك دين ب1000 جنيه

ودي، أو النسيان، الاتنين تحت بند فك الارتباط

وفك الارتباط طريقة معقدة جداً وأظن انك حتى عشان تفهمها كويس هتحتاج تقرأ السطور دي مرة تانية

اما اذا لقيتني بتكلم عن تحرر

سيدونا

DNA Clearing

سيستم عمل قانون الجذب

نقر..أو أي حاجة من شانها انها تغير، أو تصفي، أو تطهر، أو تنظف السلبيات اللي جواك

أو اني بتكلم عن معايشة - بدون كتابة - كل يوم، فاعرف اني بتكلم عن الطريقة التالتة لتحقيق الأهداف بفضل الله، بقانون الجذب

الطريقة دي أفضل، وأقوى طريقة لاستخدام قانون الجذب، لأنك ببساطة بتستخدم السيستم

اللي المفروض قانون الجذب يشتغل بيه

واتكلمت عنها كتير جداً جداً

ولسه ما خلصتش 1% من التقنيات الموجودة للتحرر

التحرر ببساطة انك بتسيب الفكرة، الحدث، الموقف، الذكرى، أو الشعور اللي جواك

ناحية الحاجة اللي عايز تجذبها او تتخلص منها

وبعد كده قانون الجذب - ببعض المحفزات - بيشتغل معاك بشكل تلقائي بفضل الله

والطريقة دي نسبة نجاحها مع المتدربين ومع اللي جربوها 98%، وال2% الباقيين

ممكن ما عرفوش يطبقوها صح، ودي الميزة

ان اذا حتى فشلت في تطبيقها، مفيش نتايج عكسية

بعكس أي طريقة أو تقنية تانية

لكن اذا ربنا قدر ليك ونجحت

يبقى أكيد هتفهم الردود والتجارب "الغير معقولة" اللي المتدربين والزوار كتبوها سواء في مقالة "أنا محتاجك" أو قسم

قصص النجاح

أو اللي بيتبعتولي على الميل يومياً بفضل الله

أو اللي على صفحة أمير نفسك على الفيس

فعشان اكون وفرت لكل شخص، ولكل طبيعة، الطريقة المناسبة

بتكلم عن كل الطرق دي، زي ما في تدريب طاقة الجذب - كورس تدريب قانون الجذب، بنتكلم عن تقنيات تحرر

غير سيدونا، وتقنيات تجلي - جذب مادي - كتير جداً

عشان المتدرب أياً كانت شخصيته يختار الأنسب ليه بفضل الله

لأن ما ينفعش..تدخل مطعم

وتلاقي كل اللي عنده

صنف واحد..مش كدة؟

اتمنى ان شاء الله اني أكون أزلت اللبس ده من عندك

وأكون قدرت ان شاء الله أوصل ليك المقالات في أمير نفسك ماشية ازاي

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

!! شخصي

October 16, 2012 — by فيصل عبد الواحد20

coaching-ii.jpg

كنوع من المساواة

كنت من فترة مش كبيرة حطيت البوست ده على صفحة أمير نفسك على الفيس بوك

"كبروفة - تحضير - للكورس الجديد الذي لم يتم الاعلان عنه بعد..
ما هدفك..وسأجيبك كيف تجذبه بالتفصيل بإذن الله،
بشكل خاص..!"

والنتائج والردود كانت كتير جداً

وبعد ما وقفت الحكاية، طبقاً للاتفاق انها هتبقى ليومين فقط

قررت افتحها تاني عشان الناس اللي هنا تكون فعلاً

استفادت

وحصل نوع من أنواع المساواة

طريقة الرد برده هتكون نفس طريقة الرد اللي على الصفحة

ابعتلي ردك في رسالة على الحساب بتاعي على الفيس

ولازم تضيف الحساب، بعتذر لكن مش هقدر التفت للرسائل اللي بتيجي من أشخاص في الحساب عندي

ضيف الأكونت، وهتلاقي لينك ليه تحت ان شاء الله، "لمتابعتي على الفيس بوك" وبعد كده

وابعت هدفك او أمنيتك

وهقولك تعمل ايه بالتفصيل ان شاء الله

وان شاء الله تاني مرة أقابلك فيها

تكون في قصص النجاح

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

التنمية البشرية العامة

كاريزماتك 3

October 12, 2012 — by فيصل عبد الواحد32

Charisma2.jpg

المرة اللي فاتت اتكلمنا، أو وقفنا عند اننا نمدح الآخرين

ونمدحهم بصدق، مش نفاق

لأن حتى لو انت شايف الحاجة دي قليلة

هو مش شايفها قليلة، وإلا ماكانش عملها

وإلا ماكانش قالك عليها

يبقى يستحق المدح

اعط الناس ما يحبون سماعه - بحق - يعطوك ما يحبون أخذه

حكمه افهمها واذا طبقت الجزء الأول منها هتلاقي الجزء التاني

تلقائي

النهاردة هنتكلم ان شاء الله عن حاجة مهمة

لغة الجسد

وهنا لازم ناخد بالنا من حاجتين، اكيد انت مش محتاج اني اقولك

ان تواصلك من الناس، حوالي 93% منه لغة جسد، سواء نبرة الصوت أو حركات الجسد

أكيد انت عارف ان الكلمات بتمثل 7% بس

لكن في حاجتين لازم ناخد بالنا منهم - زي ما لسه قايلك الوقتي

أول حاجة..انك ما تقيدش جسمك وانت بتتكلم

ما تحاولش تقيد إيدك، ما تحاولش تفكر انك لازم تتكلم وانت مربع إيدك

أو مكتفها جمبك

ممكن تكون الحاجة دي مفهومة

لكن الجزء اللي ماحدش يعرفه كتير، اللي هو الحاجة التانية

ان ما "تبالغش" في لغة الجسد

اللي بيفهم..وغالباً نسبة كبيرة من الناس

هيعرف ان المبالغة في حركات الإيدين

والجسم

والإيماءات الجسدية، المبالغة في كدة كتير

يعني انك..مش واثق من نفسك

أو مش قادر تعبر على اللي جواك كويس

وصدقني، انت مش عايز تكون في أي حالة من الحالتين دول

المفروض، ان لغة جسدك "تتماشى" مع الكلام اللي بتقوله

واتفقنا اننا نتكلم ببطئ

فتكون لغة جسدنا بطيئة نوعاً ما

ومتماشية مع الكلام اللي بنقوله

آخر حاجة، كل شخص، شايف نفسه - أو على الأقل المفروض يشوف نفسه - انه مهم جداً

فعامله بنفس الطريقة دي

البنات لما بتسأل بعضها، انتي ايه اللي بيعجبك في خطيبك ده

: ساعات كتير أوي تسمع

بيحسسني أن أنا أهم واحدة عنده

بيحسسني أني ملكة الدنيا دي

تخيل..بس تخيل

اذا كل الناس اللي كلمتهم

حسوا كدة ؟

مش معنى كدة انك تجامل، أو تنافق، لكن معنى كده انك تبقى "مهتم" بكل كلمة بيقولوها

ومش تمثل انك مهتم..لأ تبقى مهتم فعلاً

لأنك عارف انهم مهتمين، وعشان كده بيحكوها ليك

الوقتي هقولك حاجات بسيطة تساعدك في انك تكون شخص جذاب

* ما تخافش من أنك تعارض، قول رأيك وحتى اذا كان هيعارض كل اللي في المكان

* ما تقلدش الناس !

* ما تهاجمش أي حد سواء بكلام أو تريقة - سخرية بالمصري

* دايماً شوف نفسك، وانت بتتخيل نفسك او بتشوف أي حاجة في عقلك، بالصورة اللي انت عايز تكونها..اللي هي، شخص جذاب لكل اللي يعرفه، وبرده اللي ما يعرفوش

بعد كل ده عايز اقولك اهم حاجة

ما تعملش أي حاجة من اللي فات، في أي مقالة من التلاتة

عشان "تسعد" الناس

!!

آه بالظبط، اللي قلتهولك، عشانك انت، عشان انت تعيش الجو والفرحة والسعادة دي

ولما انت تعيشها

هتنتشر حواليك..والنتيجة هتحصل بشكل تلقائي

زي ما بالظبط بنقول في سيدونا، ما تتحرش عشان تجذب..

اتحرر..بإذن الله

أتمنى تكون السلسلة عجبتك، وكانت بمثابة استراحة قصيرة من قانون الجذب والطاقة

..تحياتي ليك، أتمنالك حياة مليئة بالجذب

.والجاذبية

اعمل كل اللي فات عشانك انت، وهتلاقي النتيجة

 

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

التنمية البشرية العامة

كاريزماتك 2

October 11, 2012 — by فيصل عبد الواحد16

090319_charisma.jpg

اتكلمنا المقالة اللي فاتت عن ازاي تبقى شخص..كاريزماتك

الناس بتحب تكون حواليك

رأيك بيأثر عليهم

حتى لو لسه سامعينه الوقتي من حد غيرك

ومعارضينه

ما حصلش قبل كده حاولت تقنع شخص بحاجة

وما قدرتش، وقعدت تقول هو مش عايز يقتنع

وفجأة لقيته بيقولك انا خلاص هعمل كذا

وتلاقيها نفس الحاجة اللي انت قايله عليها

لما تسأله، طب ما انا لسه كنت بحاول اقنعك ايه اللي غير رأيك

يقولك أصل قعدت مع "..." وكلمني شوية عن الموضوع ولقيت ان "رأيه" صح

عارف احساسك وقتها بتبقى عايز تعمل ايه لما تسمع كلمة "رأيه" دي

النهاردة مع الجزء التاني

ولسه بنتكلم عن الكلام

وقفنا عند رابع حاجة

وهي أن الشخص اللي عنده كاريزما

بيختار كلماته كويس جداً

لأنه قبل ما يقولها بصوت، بيقولها في دماغه

لأنه زي ما قولنا قبل كده بيتكلم ببطئ

فبياخد وقته في مراجعة الكلام

بيصيغ الكلام في طريقة ودية أكثر منها عملية

يعني بدل ما يقول للموظفين عنده، بكره عندنا اجتماع مهم

يقولهم بكره هنقعد مع بعض

حتى الفكرة اللي في دماغه بتبقى كدة، قبل ما يبدأ ندوة أو أمسية مثلاً تتضمن باور بوينت"داتا شو" ما بيفكرش في أنه

هيعمل بريزنتيشن

لأ بيفكر انه هيقدم حاجات ممتعة جداً وهيشاركها مع الناس بإذن الله

تفكيره كده..طريقة كلامه كدة..بيقول الكلام بالطريقة

اللي الطرف التاني يحب يسمعها

خامس حاجة في الكلام

لا يناقش فشل الآخرين، وده مهم جداً

وما بيتريقش على اللي حواليه

ممكن اذا اتريقت "قولت كلام يضحك على أحد الأشخاص" تضحك الناس فعلاً

ويحبوا يكونوا معاك

لكن وقتها هيحبوا يكونوا معاك..عشان يضحكوا

هتبقى انت البهلوان بتاعهم

مناقشة فشل الآخرين لا يدل الا على التكبر، وحب الانتقاد

وحتى اذا حد سألهم عن رأيهم في فشل شخص ما

ما "بيحكمش" بيقول عادي كلنا بنغلط

ويتكلم عن الجانب الايجابي اللي عمله في قصته

وبكده، يكون هو الوحيد في المجموعة، اللي جاب حاجة جديدة

لأن كلهم بيتكلموا عن الجزء الفاشل في تجربة شخص ما

وهو الوحيد..اللي بيتكلم عن الجزء الناجح

سادس نقطة..أنهم مع ذلك، بيعترفوا بفشلهم

ما بيخافوش من حكم الناس - فاكر ؟- عشان ما بيحكموش على حد

ولما بيشاركوا تجاربهم وأخطائهم

بيزيدوا في نظر الناس أكثر

رغم ان ده ما بيبقاش قصدهم..لكن ده اللي بيحصل

آخر حاجة، النقطة السابعة

هي أن الشخص ده، بيبص في عين اللي بيتكلم معاه

وبيركز عليها جداً وهو بيتكلم

ما بيبصش في أي مكان تاني، سواء كمحاولة للهروب من نظرات العين

او لأنك غير مهتم بالكلام

طبعاً في نقط كتير تانية، زي عدم المقاطعة في الكلام، السماح لغيرك بالنقاش، عرض المساعدة في النقاش

لكن كلها نقط معروفة، واغلبها تتبع مهارات الاتصال الفعال، أكتر منها في الكاريزما والتأثير

التصرفات

الشخص الكاريزماتك، بيسيب كل حاجة في ايده وهو بيتكلم مع أي حد

ما بيبصش في الساعة

ما بيلعبش في الموبايل

ما بيخلصش الشغل وهو بيتكلم بحجة "معاك معاك..أنا سامعك

لأنه عارف ان الحكاية دي تضايق، لأنها اتعملت معاه قبل كده

ولأن هدفه انه ما يسببش ألم للناس، بغض النظر عن "استحقاقهم" له، لكنه بيكلم كل الناس كأنه معاهم هما بس

الحاجة التانية هنا

ان الشخص الكاريزماتك..اللي الناس بتحب دايماً تكون حواليه

بيوزع نظراته على الأشخاص في المجموعات

ما بيركزش على شخص واحد بس

ممكن اكون بتكلم مع شخص ما في نقطة

وعند الجزء في الحوار اللي بقول فيه رأيي

أو بقول حجة أقوى من حجته

أبص للناس التانية في المجموعة، واعمل ايماءه بالقبول

يعني احرك دماغي كإني بوافق على حاجة

وبعدين أحول نظري بسرعة على الشخص اللي بتكلم معاه

وده بيخليهم بشكل تلقائي يكونوا معايا في أي نقطة بتكلم فيها

ثالث شيء هنا، ان الشخص الجذاب، ما بيعملش نفسه مهم

ما بيقولش المواعيد اللي وراه ولا الأشغال اللي لازم يخلصها

ما بيعملش أي حاجة عشان "يظهر" أنه مهم

لأنه واثق في نفسه

وما يهموش..الناس تشوفه ازاي

الوقتي في نقطة مهمة جداً، وما حبيتش أقولها في الكلام، حبيت اقولها في التصرفات

عشان تكون تصرف في طبيعتك

هي ان الشخص ده، دايماً بيتكلم عن نجاحات الناس

ويديهم حقهم جداً

ويقدمهم للناس ويشكر فيهم

أقولك على حاجة..ماحدش بيزهق من المدح

المهم ما يكونش نفاق

امدح الحاجات الجميلة اللي غيرك عملها، وامدحها من قلبك واتكلم عنها وعن الشخص اللي عملها

سواء قدامهم نفسهم أو من غير ما يكونوا موجودين

المقالة طولت مني جداً..أنا عارف

عشان كدة..هنكمل المقالة الجاية ان شاء الله

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

التنمية البشرية العامة

جورج قرداحي – كاريزما؟

October 10, 2012 — by فيصل عبد الواحد19

charisma.jpg

كلمة كاريزما

أول مرة اسمعها في حياتي كانت دائماً مقترنة بمقدم البرنامج المعروف

من سيربح المليون

جورج قرداحي

كنت دايماً أسمع المقدمين التانيين لما يستضيفوه

وهما بيقدموه، يقولوا :

الشخصية التي تتمتع بكاريزما عالية جداً

لدرجة اني بقيت احفظ وقتها

ان أي مذيع يقول كلمة كاريزما

يبقى الضيف اللي معاه في البرنامج هو جورج قرداحي

لكن ماحدش كان بيقول وقتها يعني ايه كاريزما

أظن حتى مقدمي البرامج المصرية ماكانوش يعرفوها يعني ايه

واحدة واحدة ابتدينا نعرف ان الشخص اللي عنده الكاريزما ده

شخص محبوب، الناس بتحب دايماً تكون معاه

تحب صحبته

تحب تاخد رأيه في كل حاجة

بدأنا نقرأ ونشوف ونسمع عن أسرار الشخصية الساحرة

وازاي يكون عندك كاريزما

هقولك سر..ورغم ان ده يتعارض مع النقاط اللي هنقولها سوا

لكن النجوم والممثلين، كل الكاريزما عندهم تعتمد على شيء واحد فقط

..الندرة

انه ما يبانش كتير، وسط الناس

ما يبقاش متاح للجمهور

لذلك يفضل النجم انه يكون في فيلم ساعتين

على انه يكون في مسلسل 30 حلقة

وأنه يطلع في برنامج واحد كل 6 أو 7 شهور

وأنه يظهر في مكان عام مرة كل سنتين أو تلاتة

هل ده صح ؟

جداً جداً

غلط

ممكن يكون صح بالنسبة ليهم

لكن الحقيقة غير كدة

..الحقيقة انك عشان تكون شخص

كاريزماتك

يبقى يكون عندك عدد من الصفات - مش مواهب - وأي حد يقدر يكتسبها

انك تكون

مركز الانتباه

ان أي حد يجيلك عشان مجرد

انه عايز يقعد معاك

في حاجات لازم تكون فيك، وحاجات لازم تعملها

ان شاء الله في السلسلة القصيرة دي

هنتكلم عن أهمهم

بداية..الكلام

: أولهم

الشخص الجذاب، الكاريزماتك، بيسمع أكتر ما يتكلم

أذنه..رغم ثباتها، لكن أهم بكتير من لسانه، رغم حركته

مش بس كدة..لكن بيسمعوا بشكل فعال، يعني الشخص ده وهو بيسمع حد

بيبص في عينيه..بيحرك رأسه بالايجاب حتى لو معترض

ودي نقطة مهمة جداً، حتى لو معترض، تحريك رأسك بالإيجاب، بيمحي المعارضة في الشخص اللي قدامك

وواحدة واحدة هتلاقيه هو، معاك في موضوعك

الشخص ده، ما بيقدمش نصايح، ما بينصحش

الا اذا اتطلب منه

خذ القاعدة الذهبية دي عيش بيها

لا تنصح..لا تنقد..لا تحكم

الا اذا طُلب منك

طبقها بكل حذافيرها في حياتك هتشوف سحر بإذن الله

كمان عايز أقولك..اللي يخاف من نقد الناس..يبقى أكيد

بينقدهم

اذا كنت مرة خايف من رأي الناس فيك او كلامهم عنك لما تعمل حاجة، لما تقول حاجة معينة

يبقى انت عندك مشكلة، جزء منها

انك انت نفسك..بتنقد الناس

عشان تكون كاريزماتك فعلاً..لا تنصح، لا تنقد، لا تحكم..الا اذا طُلب منك

وعايزك تتعود على كدة، على ان ناس كتير أوي هتطلب نصيحتك

لما تلاقيك انت..ما بتتطوعش بالنصيحة

زي 99% من الناس التانيين

: ثانيهم

ما تقدمش نفسك في أول الكلام

"أنا فيصل مدرب قانون الجذب والتنمية البشرية"

أو..أصل بص، انا مدرب قانون الجذب، فاللي بقوله أكيد صح

سيب الناس، من طريقة كلامك ومعلوماتك عن الموضوع..تكتشف ده

تسألك ايه ده، أنت عارف الكلام ده ازاي؟

أنت بتشتغل ايه..أصل شكلك دارس..شكلك عارف..شكلك قارئ

وقتها ممكن تقول كدة

..انا

على العكس، أما أنت بتعرف نفسك وتقول أنا كذا كذا

الناس اهتمامها بيزيد، والغلطة ليك هنا هتبقى ب1000 غلطة

وشئت أم أبيت..هيطلع الغرور في صوتك

أنا فاكر مرة من كام سنة، كنت بتناقش مع شخص في حاجة قانونية وقلتله انا خريج حقوق انجليزي عشان كده بتكلم عن ثقة

! ولحظي، كان الشخص ده "لئيم" فقال قدام الناس، دي مصيبة سودة انك تكون خريج حقوق وتقول كدة

! رغم ان في الآخر اعترف اني صح، بس بيني وبينه طبعاً

: ثالثهم

الشخص الكاريزماتك بيتكلم ببطئ

آه ببطئ

وبهدوء جداً

وبيدي كل حرف زمنه من الوقت

مهما كان عدد اللي بيكلمهم، وهنتكلم الوقتي على الكلام مع المجموعات، لكن المهم وأنت بتتكلم

مش عشان تقول رأيك بسرعة، وانك اكتشفت خطأ في كلام اللي قدامك تبقى هتتجنن عشان تقولها

فاكر مرة كنت في قطر..واتناقشت مع واحد في القطر نقاش ديني

والنقاش امتد لدرجة ان الناس في باقي عربة القطر اللي كنا فيها اتلموا

وحوالي 5 أشخاص تانيين دخلوا في الحوار ضدي

والشخص ده كان متمرس في النقاش الديني، وقال جملة خلت كل اللي في القطر ينتبهوا ليا

"أنت بتقول ان في تعارض في القرآن"

وانا ماكنتش قولت كدة خالص لا صراحة ولا ضمناً

لكن كان مجرد تعصب من الشيخ السلفي ده

وبفضل الله، وبعد نقاش من ال6 أفراد

ومئات النظرات من الناس المتابعة من بعيد

انتهي النقاش إلى انقلاب ال5 أفراد على الشيخ السلفي

!! وأخيراً الشيخ السلفي طلب يتعرف عليا..وياخد رقمي عشان يسألني في الدين لما يحب

الشيء اللي خلاني أقوله العفو..أنا اللي اسألك يا شيخنا

! بس خد الرقم برده

عشان ما أطولش عليك..ان شاء الله المقالة الجاية، نتكلم عن باقي النقاط

في ازاي تكون، أو تكوني

كاريزماتك

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

!..أنا آسف

October 6, 2012 — by فيصل عبد الواحد12

مش عشان بس أشد انتباهك

قلتلك انا آسف

لأ بجد..أنا آسف على اللي هتقرأه في المقالة دي النهاردة بإذن الله

المرحلة المقبلة بإذن الله

هيتم ايقاف كل التدريبات

كل التدريبات اللايف، اللي بتتعمل بشكل مباشر مع متدربين هيتم ايقافها بعد أقل من 30 يوم بإذن الله

وهيتم التركيز على كورس واحد فقط - لم يتم الاعلان عنه بعد - وهيكون مفاجأة بكل المقاييس ان شاء الله وكمان هيتم

ايقافه بعد فتره من بدأه

الهيكل التدريبي لأمير نفسك بإذن الله هيتغير 100%، وكل الكورسات السابقة

سواء كورس طاقة الجذب-تدريب قانون الجذب المكثف

أو كورس سيدونا التطهير الداخلي

وكمان الكورسات الجديدة اللي لسه ما أعلنتش عنها

هتكون كورسات تقدر تشتريها في أي وقت

مع ان ده خبر ممكن يكون جميل جداً لناس كتير

في ناس كانت بتشترك في الكورس لكن ما بتفضلش الحضور

وتنتظر التسجيل

فحاجة زي دي..ان الكورس يبقى على بعد 5 دقايق - مدة التحميل أو الداونلود - هتعجب ناس كتير جداً

لكن بدون شك، التدريب المباشر، تسألني وأجاوب عليك

والكورس يكون فيه اسألتك الخاصة، وشرحي المبسط على كل قضية وحالة خاصة بكل متدرب بشكل منفرد

في رأيي الشخصي أفضل  من التدريب المسجل

..مش قصدي ان التدريب المسجل مش بنفس الكفاءة

انا شخصياً 98% من الكورسات اللي حضرتها كانت مسجلة

وبفضل الله أفادتني بعلم كبير جداً

لكن مثلاً

كورس البرمجة اللغوية العصبية مسجل أفضل

ولا اني أقعد مع ستيف جي جونز ، بشكل شخصي، أو على النت

واسأله كل اللي أنا عايزه؟

وأقوله الحتة دي مش فاهمها

النقطة دي مش واضحة

طب ازاي استخدم التقنية دي مع الحالة دي

طيب أنا تجربتي الشخصية كذا وما لقيتش النتيجة أعمل ايه

وصلتك الفكرة مش كدة ؟

التدريبات هتكون متاحة ليك مجرد ما تشتريها بإذن الله

فبدون ما أطول عليك

آخر فترة للاشتراك بالكورس التدريبي اللايف، سواء لكورس طاقة الجذب، أو كورس سيدونا

هي ال30 يوم الحاليين ان شاء الله

وسيدونا - اذا ماكنتش تعرف - حصل تغيير كبير عليها وبقت 3 مستويات، تقدر تطلع عليها من صفحة التفاصيل الخاصة بيها

وفي نسبة كبيرة جداً انها ترجع زي الأول، كل المستويات مع بعض

لأن ببساطة، أنا قسمت الكورس 3 مستويات عشان المتدربين ماكانوش قادرين يستوعبوا كل الكم ده من المعلومات

في 5 أيام فقط

لكن الوقتي، عشان الكورس هيكون مسجل، يقدر المتدرب يسمعه على قدر ما يشاء بإذن الله

..ان شاء الله مستنيك

في آخر تدريب لايف..لكل كورسات أمير نفسك

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

الصندوق الأحمر

October 6, 2012 — by فيصل عبد الواحد62

red_box_popup.png

المقالة دي من صفحة أمير نفسك على الفيس بوك

هنا عشان اللي ما قرأهاش هناك

حسناً إذاً..
تريد أن تعرف مقدار قوة جذبك..
أليس كذلك ؟
سأخبرك بتمرين قوي جداً لذلك..
شريطة أن تتبعه كما هو..
تمرين..الصندوق الأحمر.
بعد أن تنتهي من قراءة تلك السطور
اغمض عينيك..
استرخِ تماماً
خذ 3 أنفاس..بواقع 4 ثواني للشهيق

اكتم النفس ثانيتين
واخرجه في الزفير في 8 ثوان
افعلها 3 مرات..
الآن..
ضع ايديك أمامك..
وتخيل..أنك ممسك بذلك الصندوق..
صندوق أحمر بين يديك..
حس ملمسه..هل هو من الريش الناعم..
هل هو من الصوف..القطن
ربما الكتان..؟
شم رائحته..
هل له رائحة مميزة؟
رائحة عطر معين..
المسه فعلاً بأناملك الآن
ليس كأنه معك..
هو معك بالفعل..
وأنت ممسك به الآن بفضل الله
وتتحسسه
تبتسم تلك الابتسامة الخفيفة التي تظهر على شفتيك بتلقائية..
نعم..
أنا ممسك بذلك الصنودق الاحمر الآن..
جميل
جميل..
خذ نفس الآن وافتح عينيك..شيئاً فشيئاً استعد وعيك لطبيعتك..
الآن، بإذن الله، احسب الوقت الذي ترى ذلك الصندوف في حياتك..
سواء كان في صورة..
في فيلم
في خبر هنا على الفيس بوك..
في التليفزيون..
ربما يأتي لك شخصياً..
كي تعرف..
مقدار قوة جذبك للأشياء..
واذا تأخر عنك..لا مشكلة، اعلم أنه آت لا محالة بفضل الله.
الآن..أتركك مع صندوقك الأحمر.

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

! انا محتاجك..أنت

October 3, 2012 — by فيصل عبد الواحد68

feedback.jpg

النهاردة برده - بعتذر ليك - مش هتبقى مقالة

وان شاء الله مش هتطول في الفترة اللي هتشوفها على الصفحة الرئيسية لأمير نفسك

لكن باختصار

أنا عايزك تكتب رأيك في أي حاجة استفدتها من أمير نفسك

سواء كورسات او مقالات او استشارات شخصية او جلسات

رأيك يشرفني كتير

وهيتم وضعه باسمك اذا تحب ان شاء الله

تقدر تكتب رأيك في تعليق هنا

او تبعته على

Personal@amirnafsak.com

مستنيك..وكلامك حتى لو كان صغير

هيفرحني جداً اني اعرف انك بفضل الله وحده

بقيت فرحان

تحياتي ليك، وبالتوفيق دائماً ان شاء الله

فيصل عبد الواحد

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close