main

قانون الجذب

Prosperity wheel

July 27, 2011 — by فيصل عبد الواحد54

الأول..قبل ما ابتدي اتكلم عن أي حاجة..

الفكرة دي..اسمها Prosperity wheel

أو ساقية الرخاء..أو عجلة الرخاء.

ومش فكرتي ، يعني مش من ابتكاري..

الي ابتكرتها الرائعة Maggy Whitehouse

الفكرة تتلخص في ايه ؟

انك تجيب ورقة كبيرة – بوستر – وهقولك تجيبه ازاي في آخر المقالة، وممكن ما تحتاجش تجيبه خالص..

المهم..بتجيب البوستر ده..وتجيب صورة ليك تكون بتبص فيها للمصور – والأفضل تكون صورة فوتوغرافيا من استوديو – وتحطها في نص البوستر ده.

وتجيب صورة لهدف معين انت عايزه، والأفضل تكون صورة فائقة الجودة على أد ما تقدر..

وتحطها على البوستر ده، وتطلع سهم، زي السهم الي في الساقية الي كلنا عارفينها، تطلعه من المكان الي فيه صورتك، للمكان الي حطيت فيه صورة الهدف ده..وبتكتب على السهم ده كلام هنقوله الوقتي..

الأول لو كنت حضرت ندوة ليا هتعرف يعني ايه لغة مؤثرة، لو ما حضرتش، فهيا اللغة الي عقلك الباطن بيتأثر بيها أكتر..اللغة الي بتكلم نفسك بيها وانت بتفكر..في ناس بترتاح اكتر وهي بتفكر بالانجليزي، وناس بالفرنساوي..وناس بالعربي..

خلينا في العربي..

الكلام الي هتكتبه على السهم هيكون كالآتي :

لو مثلا الهدف مدير تنفيذي في شركة مايكروسوفت، وحطيت صورة مبنى مايكروسوفت من بره، تكتب على السهم :

"انا بشتغل مدير تنفيذي في شركة مايكروسوفت، وبحب شغلي ده جداً"

خلي بالك انك لازم تكتب الكلام بصيغة المضارع..

وهكذا مع كل الأهداف، انا عندي عربية شيفروليه كروز سودا ميتالك وبحبها جداً..

أنا قابلت البنت الي كنت بتمنى اقابلها من زمان والوقتي اتجوزنا..

صحيح..لو هتستخدم الهدف الاخير ده..تقدر تحط صورة فنان أو حد معين بس عشان انت عايز شريك حياتك يكون فيه صفات شكليه تشبهه..وتكتب ده على السهم..انها تشبه جدا الفنانة دي..انه شبه "..." اوي..لو ما حددتش كدة..صدقني، هتلاقي نفسك في وضع انت ما تحبوش.

ولو مش مصدقني..جرب تخلي هدفك انك "تقابل" أي حد مشهور..وشوف النتيجة .

الوقتي في قواعد بالنسبة للون البوستر الي هتعمل كل ده عليه..وهي كالآتي :

-         الاخضر أو الدهبي للمال او العمل أو النجاح.

-         الأبيض أو الأصفر للتطوير الذاتي والروحي.

-         الأزرق للتعليم، الذكاء، او دراسة درجة علمية معينة.

-         الأصفر أو البرتقالي للصحة او الطاقة.

-         البمبي (بينك) أو الأحمر الدافئ(القاني) وهحطلك صورة ليه الوقتي عشان تعرفه، للحب والزواج والسعادة في العلاقات المختلفة.

وتكتب فوق البوستر خالص :

كل الحاجات دي في حياتي الوقتي، بتحصل بطريقة جميلة وسهلة.

ماجي بتقول ان الجزء الأخير بتاع جميلة وسهلة ده لازم..عشان لو كان هدفك فلوس مثلاً..ما تجيلكش الفلوس عن طريق حادثة تحصلك تكسر رجليك، وتاخد تعويض !!

تقدر تروح لأي مكتبة محترمة، وتسأل على ورق اسمه ورق "كونسل" ، ده ينفع جدا كبوستر..بحوالي 3- 5 جنيه.

وتاخد صور الأهداف الي انت تكون دورت عليها على النت وتحطها على فلاشة، وتروح لأي مكتبة أو مركز بيطبع رسومات هندسية، عندهم برينترات ليزر ألوان، هيطبعلك الصورة بحوالي من 2- 5 جنيه.

 

لو مكسل تخرج، وعندك برينتر ألوان، اطبع أي صورة من الصورة الي تحت دول، هتأدي الغرض :

المال والعمل والنجاح :

(soon)

 

التطوير الذاتي والروحي :

(soon)

 

 

الدراسة :

(soon)

 

الصحة والطاقة :

(soon)

 

الحب والزواج :

 

(soon)

54 comments

  • Ahmad Al-Akhras

    February 17, 2012 at 1:24 pm

    بسم الله الرحمن الرحيم

    أستاذ فيصل لكـ جزيل الشكر والتقدير على هذه المقالة الرائعة والمدهشة .. وعجبتني فكرة ماغي وقد شاهدتها في فيلم السر وقد قام المدرب جون أساراف باستخدامها وهي ما يسمى بلوحة الرؤية ,, لكن نتمنى أن تكمل معروفك وتقوم برفع صور للمجالات المختلفة التي نسعى الى تحقيق النجاح فيها وشكرا جزيلا لكــ .. :))

  • صحراء 55

    March 3, 2012 at 6:15 pm

    جزاك الله خيرا

  • فيصل عبد ال

    March 5, 2012 at 5:00 pm

    شكراً لكلامك الجميل، المشكلة في الصور أنها يمكن الا تناسب كل الرغبات، فتركتها متاحة للجميع مع كتابة كيفية الحصول عليهم

    بالتوفيق ان شاء الله

  • فيصل عبد ال

    March 5, 2012 at 5:01 pm

    شكراً على ردك الجميل يا شذى

  • abdullah

    March 16, 2012 at 1:53 pm

    صحيح..لو هتستخدم الهدف الاخير ده..تقدر تحط صورة فنان أو حد معين بس عشان انت عايز شريك حياتك يكون فيه صفات شكليه تشبهه..وتكتب ده على السهم..انها تشبه جدا الفنانة دي..انه شبه “…” اوي..لو ما حددتش كدة..صدقني، هتلاقي نفسك في وضع انت ما تحبوش.

    ولو مش مصدقني..جرب تخلي هدفك انك “تقابل” أي حد مشهور..وشوف النتيجة

    ______________________________اقتباس__

    ماعليش استاذي فيصل .,بس بما ان اهتمام الكثير بالجذب هي جذب العلاقات والمال بحياتهم..فـ شفت انه فيه شوية حذر بطريقة جذب العلاقات.هو الحذر من ايه بالضبط !

    ياترى هوا فيه فرق بطريقة جذب علاقةشخصية ليك بحياتك كشخص تحب يكون صاحبك اوفرضآ لاعب مبتدئ للاعب كبير..اومثلآجذب طالب معين متخرج عشان يشتغل بشركتك..

    والفرق بين جذب زوجة معينة بتحبها؟

    لانك شددت على الجذب للزوجة يكون بالمواصفات فقط.. بس ماقلتش للعلاقات العامة!

    واذكر مقوله لاحد المدربين انه ذكر انه لما نجذب شخص بصورته وشخصيته عادي بالعكس ! بس لما تكون الشخصية بتحب حد ثاني انتا بكذا تعطي ذبذباتك العالية دي للشخصية وهو بياخذها ويعززها للي يحب وبتزيد(لما يكون يحب حد ثاني وانتا ماتعرفش ) ؟

    ايه رايك استاذ فيصل ؟ النقطة دي صار لي زمن بفكر فيها ..ازاي كذا يعني! مع العلم اني اسشهدت بأمثلة بالحياة شفتها ..بس ماتضح لي دليل واضح ؟

  • فيصل عبد ال

    March 17, 2012 at 12:04 am

    والله يا عبد الله، هي مدارس، أنا شخصياً مختلف مع الشخص صاحب المقولة دي اختلافات كتير في قانون الجذب رغم انه صديق شخصي ليا
    لكن خلينا نتكلم عن جذب أنواع العلاقات الي اتكلمت عنها، مفيش أي فرق بالعكس، بتطبق نفس الطريقة، يعني مثلاً بالنسبة للناس الي يشتغلوا في نفس شركتك، بتحدد المواصفات المطلوبة في الشخص ده، وده الي بيحصل في كل الشركات حتى الي عندها مواقع مفتوحة للناس بتطلب فيها شغل
    الحذر في جزئية استخدام صورة لفنان، انك لو ركزت على الفنانة دي بعينها، لازم هتحصل مشاكل بينها وبين الشخص الي هيا مرتبطة بيه
    مش بس عشان تركيزك وتركيز طاقتك عليها، عشان في غيرك آلاف الأشخاص بيركزوا على الفنانة دي، وانت بتزيد التركيز ده بطاقة أكبر، وأشد تركيز
    الشيء التاني ان الناس لما بتحاول تجذب شريك حياة معين، بعينه، 99% من الحالات بيبعد عنها، لأنهم بيجذبوه من موقع "الحاجة" وليس من موقع "الرغبة"
    عشان كده في مقالة اخطاء قانون الجذب نصحت انك تقول
    انا عايز اكون غني
    احسن كتير من لما تقول
    انا محتاج اكون غني
    بالتوفيق ان شاء الله

  • nidaa

    March 31, 2012 at 12:56 pm

    هل تستطيع عمل اكثر من هدف بنفس الوقت اي طريقة البوستر ممكن عمل اكثر من بوستر لاكثر من هدف او لازم نركز على هدف واحد بس؟؟

  • mona

    April 1, 2012 at 7:34 pm

    طيب يا استاذ فيصل لو في شخص معين انا فعلا حاولت اجذبه ولكن كان اسلوبي معاه غلط يعني فعلا من موقع الحاجة

    والنقطه التانية والاهم اني كنت دايما أحس انه رافضني رغم انه أوقات كتير كان بيأكد انه معجب بيا

    ولكن في النهاية بسبب الطاقة السلبية العظيمة اللي عندي بدأ فعلا يبعد جدا عني

    هل ممكن لقانون الجذب أن يصلح ما أفسدته أنا؟؟

    وهل ممكن انه يشتغل معايا من غير ما يكون بيني وبين الشخص ده أي كلام يعني العلاقة خلاص اتقطعت بيننا

    أتمنى انك تجاوب سؤالي لأنه بجد مهم جدا بالنسبالي

    وألف شكر لك أستاذ فيصل

  • فيصل عبد ال

    April 2, 2012 at 5:14 pm

    واضح جداً من كلامك انه شخص
    مش شيء
    قانون الجذب بيشتغل سواء لصالحنا أو ضدنا، كل الي عليكي انك "تعكسي" الطريقة الي كنتي بتفكري بيها
    لاحظي الفترة الي بعد عنك فيها كنتي بتفكري فيه ازاي، واعملي العكس منها تماما، وقريب ان شاء الله – يمكن بكره – مقالة تفسيرية
    بالتوفيق ان شاء الله

  • mona

    April 3, 2012 at 9:48 am

    شكرا جزيلا استاذ فيصل وفي انتظار المقالة التفسيرية

  • scarlett

    April 18, 2012 at 11:44 am

    طيب دكتور لازم يعني يكون نوع الورق (كونسل) ما بيصير نستعمل كرتون ملون او اي مادة تانية ؟؟والصور صور فوتوغرافيه عادية مو هيك ….ونلزقها عالبوستر ؟؟ واذا عندي هدفين مختلفين اعمل بوسترين بنفس الوقت ولا لازم يكون هدف واحد بس ؟؟اما الطريقة فهي جديدة ورائعة جدا… شكرا كتير الك دكتور

  • فيصل عبد ال

    April 18, 2012 at 2:19 pm

    بالنسبة للبروسبرتي ويل يفضل هذا النوع من الورق، أو أي ورق مشابه بخلاف الورق العادي
    لو هدفين مختلفين ضعي صورتك في منتصف البوستر وارسمي اسهم تخرج منها
    وبنهاية كل سهم ضعي الهدف
    بالتوفيق ان شاء الله

  • Rama

    April 20, 2012 at 11:33 pm

    استاذ فيصل بالنسبة للي عنده كذا هدف حضرتك قلت انه كل هدف محتاج لون بوستر مختلف عن الاخر يعني مثلا الزواج و المال ف ازاي احطهم ببوستر واحد ممكن توضح لي و شكرا

  • فيصل عبد ال

    April 21, 2012 at 11:28 am

    لو الأهداف من نفس النوع يبقى بوستر واحد، لو مختلفين يبقى اكتر من بوستر
    بالتوفيق ان شاء الله

  • Rama

    April 21, 2012 at 1:28 pm

    يعني اللي افهمته من حضرتك اذا هدفي المال اخلي على بوستر اللي لونه الذهبي و اذا هدفي زواج استخدم اللون البينكو اذا هدفي التطوير الذاتي البوستر اللي لونه الابيض صح كدة و شكرا

  • فيصل عبد ال

    April 21, 2012 at 10:14 pm

    بالظبط يا رما
    بالتوفيق ان شاء الله

  • Rama

    April 23, 2012 at 9:21 pm

    *السلام عليكم

    استاذ فيصل

    عندي سؤال انا لاقيت دفتر ملون  نوع كانسون فيه كل الالوان اللي حضرتك ذكرتها

    ينفع اني اقص الصور و الزقها عادي

     

  • فيصل عبد ال

    April 23, 2012 at 11:26 pm

    المهم يكون حجم الورق كبير
    بالتوفيق ان شاء الله

  • Ran

    April 27, 2012 at 11:25 am

    عجبني الموقع جدا والكلام عن قانون الجذب بسلاسه 

    الله يوفقك ويجعله في موازين حسناتك 

    بس ممكن طلب يادكتور؟

    اذا ممكن تنزل مقاله خاصه عن جذب الزواج تحديدا لأنه موضوع مؤرق اغلب البنات انا عارفه ممكن يجربوا الطريقه اللي قلتها في مقالاتك ويستفيدوا بس مشكلة الأغلبية بالتخيل والمعايشه وفيه ناس يعتبرونه موضوع صعب وهدف كبير وهل لازم يطورو انفسهم قبل جذب شريك الحياه المثالي؟ والا لا؟

  • فيصل عبد ال

    April 28, 2012 at 1:09 pm

    جذب الزواج او شريك الحياة زي أي هدف تاني، ممكن نطبق الطرق اللي اتكلمت عنها معاه، لكن في اختلاف بسيط
    انه يستحسن في جذب شريك الحياة، جذب مواصفات، وليس جذب شخص بعينه
    وعموماً ان شاء الله هعمل مقالة قريب عن الموضوع ده، لكن بعد ما أخلص السلسلة، وأخلص المقالات اللي واعد بيها الناس بعدها ان شاء الله
    بالتوفيق بإذن الله

  • nidaa

    April 28, 2012 at 4:50 pm

    يسعد مساك استاذا فيصل
    في سؤال يتبادر الى ذهني عن جذب الاشخاص
    انا بقرا كثير عن جذب مواصفات شخص معين وليس شخص بعينه، اعتقد اننا ننجذب لاشخاص معينين وفي نفس الوقت ننفر من اشخاص وهذا يعتمد على الطاقة الموجودة عند كل شخص ودرجته ، يعني اذا حد طاقته كبيرة جدا وايجابية  مستحيل ينحذب لشخص طاقته سلبية، حيكون في نفور وكل واحد حيشوف الاخر مختلف حتى لو كان شخص مثالي بكل معنى الكلمة وهذا هو السر الي يخلينا نستلطف اشخاص معينين وفي نفس الوقت لانرتاح لوجود اشخاص اخرين. اذا كان الشخص المقابل لديه نفس الاحاسيس، لماذا غير محبب جذبه؟؟ اليس من الافضل ان نحاول نجذب الاشخصا ص الي نحس معاهم بالراحة؟؟
     في تجربة علمنا طبيب يعالج بالطاقة وهو انك تقرب ايديك من بعض وتغلق عينيك وتركز على المسافة الموجودة بين اليدين وتحاول تقرب يديك من بعضعا البعض اذا حسيت بوجود مجال مغناطسي وهذا المجال يكبر ويصبح مثل كرة او عجينة ، هذا يدل على الطاقة الموجودة في الجسم وممكن التدريب وجمع كل طاقة الجسم، انا شخصيا بعمل هذ التمرين وبجمع كل الطاقة ومررها على موضوع فيه الم.
    كل مرة بكون عاجزة عن الشكر وكلمات الشكر لاتكفي كل ماكررت قرائتي لكل مقالة اتعلم اكثر وينضج تفكيري اكثر، صحيح ليس كل عالم قادر او يوصل علمه لاخرين بسهولة، االعالم الحقيقي الي يخلي الكل يفهموا ببساطة وبسرعة 

  • فيصل عبد ال

    April 28, 2012 at 10:58 pm

    مساءك سعيد – أو صباحك على حسب توقيت قراءة ذلك الرد
    تجميع الطاقة تمرين بسيط وبدائي، داومي عليه اذا تريدي فلا أرى له أي أثر سلبي هنا، أما بالنسبة لجذب الشخص
    فكما أنصح دائماً، لا تجذبي أشخاص، نسبة كبيرة الشخص هيبعد عنك أكتر، لا تحاولي جذب شخص معين الا عندما تتأكدي
    انك تمتلكين عقل جاذب، يجذب لكي ما تفكري فيه حتى بدون التركيز عليه
    بالتوفيق ان شاء الله

  • nidaa

    April 29, 2012 at 6:25 pm

    شكرا على ردك حاسة وانا بقرا اني بحتاج اعرف اكثر عن العقل الجاذب وكيف من الممكن ان نجذب الشئ حتى بدون تركيز؟؟ هل ينفع الاصرار اوالمقاومة مهما كان التعب؟؟ هل ينفع الاستمرار او راح يسبب في ابعاده اكثر؟؟ مابعرف في اسئلة كثير عن هل موضوع اكون شاكرة لو وضحتلي اكثر

  • فيصل عبد ال

    April 29, 2012 at 6:59 pm

    بالطبع، الاستمرار والاصرار والمقاومة هو الطريقة الفعالة، واتكلمنا عنها في مقالة
    انا اتخنقت كل ما احاول أجذب حاجة تختفي
    تقريباً الحكاية مش واضحة لسه لبعض الناس، فممكن يكون في المستقبل مقالة تفصيلية عن الموضوع ده
    بالتوفيق ان شاء الله

  • nidaa

    April 29, 2012 at 7:15 pm

    ياريت ان محتاجة جدا اعرف عن هذا الموضوع بشكل تفصيلي حتى اتعرف على نفسي اكثر

  • سوووما

    May 27, 2012 at 12:45 am

    *شكرا دكتوور لما اخلص البوستر اظل اشوفها كل يووم يعني ؟ وشكرا لك

  • فيصل عبد ال

    May 27, 2012 at 4:36 pm

    صاحبة النظرية بتقول تنسيها، كمان بتعدي كده لدرجة انها بتقول تعلقيها في مكان ما تشوفيهاش فيه
    لكن انا جربت وشوفت الحكاية دي مش فعالة
    لازم يكون قدامك على أد ما تقدري
    بالتوفيق بإذن الله

  • love

    September 2, 2012 at 7:04 pm

    *أنا مو عارفة السهم اللي الساقية

  • love

    September 2, 2012 at 7:11 pm

    *يفرق ايه عن السهم العادي

  • فيصل عبد ال

    September 4, 2012 at 6:21 pm

    مش فاهم يا لاف
    يعني ايه ؟

  • دعاء ح

    September 6, 2012 at 9:35 pm

    *استاذ فيصل

    اولا بشكرك على المقالة الراائعة

    سؤالي هو لو سمحت..

    كم مرة لازم اشوف االصور والبوست؟ ولمدة كم؟

    سؤالي التاني:

    هل ممكن اعمل الصور على برنامج ال

    paint

    او اي برنامج مع وضع الخلفية باللون المناسب حسب الهدف؟

  • فيصل عبد ال

    September 6, 2012 at 11:27 pm

    بالنسبة للطريقة دي يستحسن تجيبي صور من مجلات او الانترنت وتطبعيها
    والمفروض انك تعلقي الصور في مكان بتشوفيه بشكل "غير واعي" يعني مثلاً قدام السرير
    او قدام باب الشقة
    المهم ما تحطيش في بالك انك لازم تبصي عليها
    خليها كإنها جزء طبيعي من المكان
    بالتوفيق ان شاء الله

  • happy

    November 17, 2012 at 12:02 am

    السلام عليكم
    مقالة رائعة استهوتنى جدا لانى بحب الالوان والصور وباستعمل الورق فى تعليق اهدافى
    وعندى اسئلة
    لازم البوستر بتعلق فى مكان مرئى زى حائط غرفتى ولا ممكن اعينه فى درج وابص عليه من حين لاخر ؟؟؟
    مع ملاحظة انى ما اقدرش اعلف البوستر لعدم وجود خصوصية فى غرفتى
    وممكن احدد تاريخ على كل هدف؟؟؟؟
    وايه هو معدل النظر للوحة يا ترى يوميا ولا ليها مدة محددة ؟؟؟
    وشكرااااااااااااااا

  • amirnafsak

    November 17, 2012 at 4:04 pm

    وعليكم السلام ورحمة الله
    ممكن تعملي بوستر صغير وتخليه في جيبك او شنطتك على طول بإذن الله
    وياريت تبتعدي عن التواريخ حالياً

  • دعاء ح

    November 22, 2012 at 12:44 am

    شكرا استاذ فيصل على ردك ربنا يكرمك..
    بس بستحي انو اهلي خاصة اختي الصغيرة تشوف رغباتي..خاصة اخي وواليني بصيرو يستهزئو باهدافي وبيا..مشان هيك ماينفع اعلقهم في حتة بحيث اشوفها بشكل غير واعي..شو نصيحة حضرتك؟

  • amirnafsak

    November 22, 2012 at 11:48 pm

    يمكنك عملها في ورقة صغيرة ووضعها في جيبك او حقيبتك دائماً ان شاء الله

  • دعاء ح

    November 24, 2012 at 9:08 pm

    (: شكرررررررررا جزييييييلا اخي الاستاذ فيصل (:

  • amirnafsak

    November 26, 2012 at 6:24 pm

    الشكر لله وحده، تحياتي لك، وبالتوفيق بإذن الله

  • دعاء ح

    December 3, 2012 at 5:37 am

    استاذي ..لو بدي اشياء مادية موبايل سيارة مثلا.. شو احط لون الخلفية؟ اخضر؟

  • amirnafsak

    December 3, 2012 at 7:38 pm

    أخضر أو ذهبي بإذن الله

  • دعاء ح

    December 3, 2012 at 8:08 pm

    شكرا جزيلا

  • amirnafsak

    December 6, 2012 at 6:19 pm

    بالتوفيق ان شاء الله

  • منة الله

    March 6, 2013 at 7:02 pm

    طب ينفع نطبق الطريقة دي عالكمبيوتر علي صورة

  • منة الله

    March 7, 2013 at 9:49 am

    يعني بدل ماحط الصورة علي بوستر وفي مكان واضح اعملها علي الكمبيوتر وتكون موجوده عالكمبيوتر عشان الخصوصيه

  • فيصل عبد الواحد

    March 7, 2013 at 10:29 pm

    لا، يجب ان تقومي بعملها بيدك ان شاء الله

  • فيصل عبد الواحد

    March 7, 2013 at 10:31 pm

    اهلاً بك
    كما أخبرتك يا منة
    لا، يجب ان تفعليها بيدك بإذن الله
    تحياتي لك

  • منة الله

    March 8, 2013 at 9:09 am

    شكرا لرد حضرتك .. واسفه ان خدت من وقت .. انا لو عملتها عالكمبيوتر هعملها بايدي بس باستخدام برامج الفوتوشوب .. ولا حضرتك تقصد حاجة ملموسه وشكرا ليك 🙂

  • فيصل عبد الواحد

    March 13, 2013 at 3:24 pm

    أهلاً يا منة
    ملموسة أفضل بإذن الله

  • Hashem Fouad

    August 16, 2013 at 7:41 pm

    أشكر حضرتك يا أستاذ فيصل على المقالة الرائعة بس عندي سؤال
    مش الطريقة دي كدة بتستخدم التوكيدات اللي حضرتك قولت عليها انها مضرة جدا لإنها بتقاوم الباراديم؟

  • Hashem Fouad

    August 16, 2013 at 7:43 pm

    شكر حضرتك يا أستاذ فيصل على المقالة الرائعة بس عندي سؤال
    مش الطريقة دي كدة بتستخدم التوكيدات اللي حضرتك قولت عليها انها مضرة جدا لإنها بتقاوم الباراديم؟

  • Faisal Abdelwahed

    August 16, 2013 at 9:03 pm

    أهلاً بك،
    لا على العكس، ليست توكيدات، لكن تتبع فقط طريقة مقاومة البارادايم،
    موجودة لمن يريدها فقط،
    تحياتي لك

  • فيصل عبد الواحد

    August 19, 2013 at 6:58 pm

    لا، ليس لها علاقة بالتوكيدات
    لكنها تتبع طريقة مقاومة البارادايم بالفعل
    تحياتي لك

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close