main

البرمجة اللغوية العصبية

Reframing 2 – هنوصلك لحد البيت

September 28, 2011 — by فيصل عبد الواحد6

ناس كتير عجبها الجزء الأول من المقالة دي

Reframing

وطلبوا توضيح أكتر أو خطوط بسيطة يقدروا يقوموا بيها عشان يستخدموه في حياتهم اليومية

وعشان كدة كان الجزء التاني من المقالة

Reframing 2

الأول، بعتذر لزمايلي المدربين، والمسوقين، عشان هستخدم مثال، هما بيستخدموه دايماً في التسويق للكورسات أو الندوات

وهو

Reframing

بص، هقولك على حاجة مش المفروض أقولك عليها

حاجة كتير من المسوقين والمدربين بيستخدموها:

"الوقتي مش لازم تسافر وتيجي عندنا

تقدر تاخد كل محتويات الكورس وانت قاعد في بيتك

والكورس ييجي لحد عندك

مع ندوة ال... أونلاين، هتتعلم كل حاجة كإنك معانا وقدام المدرب شخصياً

في الكورس الأونلاين ده هتتعلم الآتي:

...."

ويبدأ المسوق يعدد في فوائد الكورس، وبالفعل بتبقى فوائد صحيحة

لكن انا هنا، بتكلم عن نقطة معينة

ان كل الناس شايفة ان عشان تتدرب صح، لازم تحضر الكورس وتبقى قدام المدرب

خصوصاً هنا في الدول العربية، لأن بره المفهوم ده انقرض خلاص، لدرجة ان التعليم عن بعد ما بقاش بس في كورسات التنمية الذاتية، بقى في الجامعات والامتحانات والتخرج كمان

المهم..

هنا المسوق بيجيب حاجة، الناس كلها شايفه انها عيب، مش ميزة، ويتكلم عنها انها ميزة

يعني الناس كلها شايفه ان التدريب أونلاين مش مفيد

وأي كلام

والمدرب ما بيبقاش واقف على

Stage

وما بتعرفش تتفاعل مع المدرب بالشكل الي بيكون في كورس عادي

لكن المسوق بيجيب العيب ده، ويكلمك عنه كميزة

ويقولك: هتقدر تحضر معانا من بيتك

وانت في بيتك

واحنا هنيجي لحد عندك

وهتتدرب على كذا وكذا، وهتاخد شهادات معتمدة كمان توصلك لحد البيت

ومع اننا هنوفر عليك السفر والمواصلات والانتظار ومتاعب التسجيل،

مش هيكون في أي مصاريف اضافية على الكورس

هتدفع نفس الرسوم وكإنك حاضر قدام المدرب بالظبط !

شوفت الـ

Reframing ؟

قوي جداً، وفعال جداً،

كمان في طريقة للإقناع، مرتبطة جداً بالي قلتلك عليه

هي انك تبدأ كلامك بـ

هقولك على حاجة مش المفروض أقولك عليها

بص..

أو..لأن السر ده قليل الي يعرفوه، والمفروض ما يتقالش عشان ما يبوظش كذا وكذا..

الطريقة دي بتخليك غصب عنك تنتبه لو انت تركيزك مشتت أو على حاجة تانية، وتخليك عايز تسمع كل حاجة، بالعكس لو قولت كدة وجربت بعدها تقول "السر" ده بصوت "واطي" أو بسرعة عشان ماحدش يسمعه، هتلاقي كل الحضور قدامك صمموا انك تعيد انت كنت بتقول ايه، لأن دي رغبة بشرية ماحدش يقدر يقاومها، وهي الفضول

وعلى فكرة، انا استخدمتها معاك فوق، هتلاقي السطر الوحيد المائل، عشان لما تطلع تدور عليه تاخد بالك منه، بعد ما تقرأ السطر ده،

قوللي انت بقى، جابت نتيجة ؟

بالتوفيق، وأتمنى تكون المقالة عجبتك ان شاء الله،

فيصل عبد الواحد


6 comments

  • Noha

    September 30, 2011 at 8:58 pm

    المقال حلوه…وانا معجبه بالمقال اللى قبلها بردو…بس فيه مشكله صغيره تكمن فى انى لما حد بيبتدى كلامه ب كدا ممكن مكملش اسمع..اللى هى الجمله دى""بص، هقولك على حاجة مش المفروض أقولك عليها""!!!

    السبب ايه…معرفش بس يمكن بحس ان هى جمله للتشويق بس…وانى هتخدع ف اللى جاى بعدها..فدماغى بتوقف انى اسمع باقى الكلام…اتعالج ازاى انا بقى دلوقتى؟!!:D

    بس المقال حلووه بجد

  • Faisal Abdelwahed

    October 2, 2011 at 9:13 pm

    بصي، هقولك على حاجة مش المفروض أقولك عليها
    🙂
    خلاص ما تقوليهاش، دي طريقة ناجحة مع 98% من الناس،
    ممكن تكوني انتي من ال2% الباقيين،
    لكن ممكن تجيب معاكي نتيجة، لو حد قالها صح
    ومثلها صح
    وعمل حركات الجسد المصاحبة ليها بالظبط
    وممكن تكوني انتي متمرسة في لغة الجسد، عشان كده تلقائياً بتعرفي تفرقي
    بين الجملة الحقيقة، والجملة المصنعة

    بالتوفيق،
    فيصل عبد الواحد

  • صحراء 55

    March 22, 2012 at 6:26 pm

    السلام عليكم

    مقاله رووعه الله يعطيك العافيه^_^

  • baro

    February 13, 2013 at 10:28 pm

    *هههههه  انا وقفت عند هالجمله يمكن دقيقتين وقعدت ارددها هههههه  عشان احفظهااا

    بلهجتي  (شوفي انا هقلك شي المفروض ما احكيلك عليه !!!)  لها تاثير فعاال  راح اجربهااا على الاهل والاصدقاء ان شاء الله

    جزاااك الله خير 

  • baro

    February 13, 2013 at 10:29 pm

    **هههههه  انا وقفت عند هالجمله يمكن دقيقتين وقعدت ارددها هههههه  عشان احفظهااا

    بلهجتي  (شوفي انا هقلك شي المفروض ما احكيلك عليه !!!)  لها تاثير فعاال  راح اجربهااا على الاهل والاصدقاء ان شاء الله

    جزاااك الله خير

    هالمقاله رقم 3 عشان  ما لخبط

  • فيصل عبد الواحد

    February 15, 2013 at 3:47 pm

    اهلاً يا Baro
    نعم بالفعل، جملة مؤثرة وتثير انتباه المستمع
    ان شاء الله تستفيدي دائماً
    تحياتي لك
    وبالتوفيق بإذن الله

Leave a Reply

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close