main

قانون الجذب

Ho’oponopono تقنية الهوبونوبونو

March 7, 2013 — by فيصل عبد الواحد96

hopo2.jpg

قانون الجذب - تقنية الهوبونوبونو

مازلت أعاني من مشكلة اللغة

ليست مشكلتي انا ولكن مشكلة من اعتاد بالفعل على العامية المصرية

ولكن لأكن صريحاً..نوعاً ما

أشعر أنني دخلت بيتاً جديداً علي

المهم..تحدثنا في المقالة السابقة عن تلك التقنية

 Ho'oponopono الـ

أو بالأحرى..تكلمنا في مقدمة عنها

قانون الجذب

انت المسئول

February 28, 2013 — by فيصل عبد الواحد42

hopo.jpg

كأول مقالة بالعربية الفصحى، تماشياً مع رغبتكم، وتكملة لسلسلة إزاي

نكمل الحديث عن التحرر بإذن الله

اليوم..لن نتكلم عن أنك المسئول عن كل ما يحدث حولك

ليس لأنه غير صحيح

! ولكن لأنك من المفترض أن تدرك، وتعرف بذلك بالفعل، كي تكمل قراءة تلك السطور

قانون الجذب

عربي ؟

February 25, 2013 — by فيصل عبد الواحد1

poll.jpg

النهاردة مش هتكلم معاك عن حاجة

غير اني هطرح استفتاء

اتطلب مني من فترة

استفتاء على استخدام اللغة العربية

لكن الغريب اني حتى في موضوع الاستفتاء

! بستخدم العامية المصرية

المهم..تقدر تشارك في الاستفتاء من صفحة أمير نفسك على الفيس بوك ان شاء الله

هتلاقي السؤال هناك في مقدمة الصفحة ان شاء الله

يلا..مستني رأيك

قانون الجذب

!! ازاي 4 – خاف

February 8, 2013 — by فيصل عبد الواحد56

images.jpg

قانون الجذب - !! ازاي 4 - خاف

تابعت المقالات اللي فاتت ؟

بدأنا نتكلم عن سيدونا، بداية من مقالة إزاي 2 - سيدونا، وإزاي 3 - سيدونا تاني

النهاردة بس عايز اكمل ليك حاجة مهمة

هي سيدونا والتحرر من الخوف

التحرر من الخوف مختلف شوية

هنعرف ليه، وإزاي

قانون الجذب

! ازاي 3- سيدونا تاني

January 31, 2013 — by فيصل عبد الواحد50

letting-go.jpg

اتكلمنا المقالة اللي فاتت عن سيدونا

وانصحك ما تقرأش المقالة دي النهاردة

الا اما تقرأ المقالة السابقة

عشان غالباً مش هتستفيد كتير بدون قراءتها

وتقدر تقرأها من هنا بإذن الله

وقفنا عند خطوات سيدونا

لكن في سؤال بتسأله كتير دايماً

هي سيدونا زي ان ابقى خلاص مش عايز هدفي ؟

قانون الجذب

إزاي 2 – سيدونا

January 23, 2013 — by فيصل عبد الواحد64

قانون الجذب - ازاي 2 سيدونا

يمكن عشان كانت جديدة على الوطن العربي

او ماحدش اتكلم عنها قبل كدة

ولحد الوقتي في ناس بتلومني انني خرجتها - التقنية دي - خارج كورسات التدريب

مجانا للناس

ويمكن فعلاً دي كانت غلطة - مش عشان اني خرجتها مجاناً

لكن عشان ان أي حد يتلقى التقنية دي

لازم يكون عنده وعي معين

قانون الجذب

إزاي – قانون الجذب

January 10, 2013 — by فيصل عبد الواحد53

Question-Mark-Man.jpg

إزاي - قانون الجذب

المقالة اللي فاتت

اتكلمنا عن..ليه

ليه التطهير مهم

وليه الناس اللي ما بتستخدموش، دايماً ما بتشوفش أي نتيجة بقانون الجذب

الا النتائج العسكية فقط

أو النتائج التي لا تغني ولا تسمن من جوع

النهاردة..

هنتكلم عن

إزاي

إزاي نتحرر، ازاي تطهر مسارات الطاقة المقفولة دي

المسئولة ان شاء الله عن "مرور" طاقة أي حاجة انت عايز تجذبها بإذن الله

كان المفروض ان السلسلة دي هتبقى مختصرة

لكن عشان اكون قابلت كل الاحتياجات

قررت اني ما اتكلمش عن تقنية واحدة

هتكلم عن أكتر من تقنية ان شاء الله

هنبدأ النهاردة بإذن الله، مع حرق المعتقدات

اتكلمت عنها في مقالة كبيرة قبل كده

وشرحتها أكتر من مرة

لكن زي ما قولت، انا هعتبر نفسي بتكلم من أول وجديد

عشان أي حد لسه ما يعرفش يعني ايه قانون الجذب

حرق المعتقدات..تماماً زي ما الاسم بيقول

حرق معتقدات !

وحرق ذكريات

وحرق مواقف

و حرق أشخاص..بالطريقة السلمية طبعاً، على الورق

! مش حرقهم في الحقيقة

ايه رأيك نجربها الوقتي مع بعض ؟

حتى ولو..للتسلية ؟

بص يا سيدي

كنوع من التغيير

هتكلم عنها كإنها وصفة أكلة

المقادير

ورق كتير

قلم

ذكريات سلبية

: طريقة الاستخدام

هتروح مكان هادي مع نفسك، وتبدأ تمسك القلم

وتفتكر 5 مواقف، أكتر خمس مواقف حسيت فيها في حياتك

بأحاسيس سلبية

أقوى 5 ذكريات مش حاببها

ممكن تكون حسيت فيها بالألم

الحزن

اليأس

فقد شخص عزيز عليك

الغضب

الذل

الخيانة

أي شعور "سلبي" مر عليك في حياتك

أي ذكرى سلبية

عايزك تكتب أقوى خمس مواقف فيهم

جميل..الوقتي، حط الورقة دي على جمب

وهات ورقة جديدة

وابتدي اكتب تفاصيل أول موقف

حصلك ايه

شوفت ايه

سمعت ايه

حسيت بإيه

مين كان موجود في الموقف ده معاك

عملك ايه وعملتله ايه

حسيت الاحساس ده ليه

كل حاجة

عايزك تكتب كل حاجة..لكن مش بس تكتب

عايزك تعيش اللي انت بتكتبه

عيش كل احساس حسيته

واسمع كل كلمة اتقالتلك وقتها

وشوف كل منظر شوفته على قدر ما تقدر

على قدر ما هتحس، وتعيش الكلام ده

على قدر ما هتتحرر منه بإذن الله

جميل..

اكتب كل حاجة تفتكرها

مش مشكلة هتاخد كام ورقة، زي ما قلنا احنا معانا ورق كتير

مش كدة ؟

ممتاز

مفيش اي مشاكل من انك تحس الأحاسيس السلبية دي

مفيش اي مشاكل

أنك تبكي

مفيش أي مشاكل

انك تحس نفس الاحساس اللي حسيته وقتها

انك تحس بالإهانة

بالذل

بالحزن

بالغضب

مفيش أي مشاكل

اكتب الحاجات السلبية بس

...

...

جميل..آه جميل بإذن الله

الوقتي..عايزك بقى تجيب الورق ده

وتمسكه قدام عينيك

تبص فيه كويس

ركز عليه

وقطعه

آه قطع الورق ده

وبعد ما تقطعه، احرقه

احرق الورق المتقطع ده

وشوفه بيتقطع قدامك

ومش هقولك..هتحس بإيه وقتها ان شاء الله

هسيبك انت عشان تجربها ان شاء الله

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

قانون الجذب 2 – ليه

January 1, 2013 — by فيصل عبد الواحد25

the-magic-art-of-letting-go.jpg

المقالة اللي فاتت وقفنا عند سؤال مهم

لما الحكاية سهلة كدة

وكل حاجة بفكر فيها مرة واحدة او كتير

بجذبها

ليها مثلا لما بقول انا عايز ألف جنيه

ما بجذبهاش ؟

أو بجذب نتائج عكسية

وقولنا ان المشكلة..انت بتفكر انك عايز ألف جنيه

لكن بتوصل لعقلك ايه؟

قبل ما اجاوبك عايز اشرحلك حاجة بسيطة

اذا انت جربت تعمل عصير

والمصفاة اللي كنت بتصفي العصير بيها

مليانة شوائب وحاجات غير صحية ومضرة

لدرجة ان المصفاة نفسها، مسدودة

ولازم تستخدم المصفاة دي عشان تعمل عصير

ايه اللي هيحصل؟

حاجة من الاتنين، يا إما مفيش اصلاً عصير هيعدي الناحية التانية

يا إما مع الضغط، والوقت، والاصرار..ممكن يعدي حاجة بسيطة جداً

وبنسبة كبيرة كمان، هيكون عصير طعمه مش حلو

عشان الشوائب الكتير اللي عدى عليها

المشكلة فين..؟

المشكلة في "مسارات الطاقة" اللي بتمر فيها الطاقة المتبادلة، أو طاقة الجذب

بين التردد الداخلي، جواك

وبين الهدف الخارجي

المسارات دي، لما تكون مقفولة

طبيعي..طبيعي تلاقي صعوبة في عملية الجذب

مش كدة؟

ودي مشكلة كل اللي جربوا يستخدموا قانون الجذب بشكل عمدي بعد ما عرفوه

جربوا المعايشة والتوكيدات والسبليمنال وكل حاجة تقريباً

بس مفيش نتيجة

وساعات كتير..نتيجة عكسية

يبقى مفيش حاجة اسمها قانون جذب

مش ده اللي كنت بتقوله لنفسك قبل كده ؟

انت بدأت البداية الخطأ

فمتتوقعش توصل لخط النهاية

الا اذا كنت بتلف حوالين نفسك، زي ما بنقول في مصر

عشان توصل، لازم تبدأ صح

عشان تعرف تعمل العصير

لازم تنظف المصفاة دي

عشان تجذب اللي انت عايزه بإذن الله

لازم "تطهر" وتنظف مسارات الطاقة دي

جميل..

سامعك بتقول إزاي

إزاي..بأي تقنية تحرر

التقنيات كتير، لكن خلي الحديث عليها لمرة تانية، مع اننا اتكلمنا كتير عن الموضوع ده

لكن هنتكلم عليه تاني ان شاء الله

المهم..الفكرة وصلت ليك ؟

عشان تجذب صح، لازم تنظف مسارات الطاقة

ان شاء الله المقالة الجاية هتكلم معاك على تقنية تطهير فعالة جداً جداً

وقوية بشكل مش هتصدقه ان شاء الله، لكن بشرط

انك تعرف، ان التقنيات عشان تجيب نتيجة

مش لازم تكون معقدة

ومش لازم تمسك عصا سحرية وتعمل حركات معينة عشان تشوف سحر

الحكاية بسيطة

ما تصعبهاش على نفسك

التقنية ان شاء الله، هتبقى..سيدونا

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

قانون الجذب !

December 24, 2012 — by فيصل عبد الواحد24

How-to-Guide-1024x924.jpg

قانون الجذب

غريب العنوان..مش كدة؟

عشان عنوان عام شوية

أو يمكن مش غريب خالص

في الأول والآخر أمير نفسك..موقع عن قانون الجذب بوجه خاص

اتكلمت كتير جداً عن بدايتك في قانون الجذب

وعملت صفحة خاصة ليها

لكن مازالت الأسألة كتير بتجيلي

أبدأ إزاي

فقررت اعمل سلسلة بسيطة مختصرة على قد ما أقدر

تاخدك واحدة واحدة من أول الطريق لغاية ما تقدر تعمل اللي انت عايزه ان شاء الله

في البداية

عايز أطمنك

من مميزات قانون الجذب، سواء انت صدقته

أو ما صدقتوش

اعتقدت فيه

أو لم تعتقد فيه

لازم هيأثر عليك بإذن الله

سواء بالسلب أو الايجاب

ايه ده..أمال ليه دايماً المدربين يقولوا انك لازم تكون مصدقه عشان تشوف نتيجة

ودايماً أما كنت اشتكي اني مش شايف نتيجة

يقولولي جواك شك ناحية قانون الجذب وأقول اه فعلاً

بعتذر ليك لكن ده غير صحيح

ممكن يكون بعض المدربين بيقولوا كده عشان يبرأوا نفسهم من سوء أو انعدام نتائج تدريباتهم

لكن انا بقولك وبإذن الله وفضله

سواء انت معتقد او غير معتقد فيه وفي صحته وجدواه

لكن اللي ممكن يأثر في "نوع" النتائج سواء سلبية او ايجابية

هو معتقداتك تجاه نفسك

لكن خلينا ما ندخلش في باب المعتقدات

عشان انا وعدتك انها تكون سلسلة مختصرة بإذن الله

جميل..ايه هو قانون الجذب بقى ؟

قانون الجذب - باختصار برده - هو كل اللي فكرت فيه مرة قبل كدة

او فكرت فيه كتير

وكل اللي انت حسيته مرة قبل كده

أو حسيته كتير

وكل اللي اعتقدته زمان

او اعتقدته الوقتي

هتشوفه في حياتك، ان ما كنتش بتشوفه بالفعل بإذن الله

طب ليه ؟

استنى قبل ما تقولي ليه..يعني ايه مرة أو كتير ؟

يعني اي فكرة فكرت فيها حتى وانا صغير هجذبها بإذن الله

آه بالفعل..وده اللي كنت عايز اكلمك فيه في مقالة تانية

عن أضرار النقد والسخرية

اللي مبدأها ان أي نقد هتنقده

وأي سخرية هتسخرها

والأخطر من كدة ان أي -رأي- هتقوله

لازم هتجذبه في حياتك مرة تانية ان شاء الله

برده عشان ما اتوهكش معايا في السلسلة المختصرة

خلي الكلام ده لموضوع تاني

كنت بتقول ليه؟

أو بمعنى أصح..إزاي؟

إزاي..لأن مش بس أي جسمين "ذوي كتلة" بينهم قوة جاذبية زي ما قال نيوتن

لكن برده أي طاقة بدون كتلة مادية تتمتع بنفس قوة الجاذبية بالفعل بإذن الله

ده ليه..طب إزاي؟

ازاي، بواسطة طاقة الجذب المتبادلة بين الفكرة او الهدف، ومرادفها في العالم المادي

عن طريق مسارات الطاقة

اللي بتكون مقفولة بالطاقة "السلبية" وعايزك تفتكر اني وضعت كلمة سلبية دي

بين علامتين تنصيص

لما ييجي وقتها هقولك ليه ان شاء الله

هو ده قانون الجذب

وهو ده تفسيره

طيب لما الحكاية بسيطة كدة

ليه الوقتي لما افكر في

ألف جنيه

ما بلاقيش ألف جنيه تجيلي ولا بجذبها ؟

مش بقول أي فكرة بفكر فيها مرة او كتير

هجذبها برده ان شاء الله؟

انت فعلاً هتجذبها..لكن انت ناسي حاجة مهمة جداً

انت فكرت فيها ألف جنيه

لكن وصلت للعقل الباطن إيه؟

ده اللي هنتكلم عليه أكثر المقالة الجاية ان شاء الله

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close