main

قانون الجذب

!! شخصي

October 16, 2012 — by فيصل عبد الواحد20

coaching-ii.jpg

كنوع من المساواة

كنت من فترة مش كبيرة حطيت البوست ده على صفحة أمير نفسك على الفيس بوك

"كبروفة - تحضير - للكورس الجديد الذي لم يتم الاعلان عنه بعد..
ما هدفك..وسأجيبك كيف تجذبه بالتفصيل بإذن الله،
بشكل خاص..!"

والنتائج والردود كانت كتير جداً

وبعد ما وقفت الحكاية، طبقاً للاتفاق انها هتبقى ليومين فقط

قررت افتحها تاني عشان الناس اللي هنا تكون فعلاً

استفادت

وحصل نوع من أنواع المساواة

طريقة الرد برده هتكون نفس طريقة الرد اللي على الصفحة

ابعتلي ردك في رسالة على الحساب بتاعي على الفيس

ولازم تضيف الحساب، بعتذر لكن مش هقدر التفت للرسائل اللي بتيجي من أشخاص في الحساب عندي

ضيف الأكونت، وهتلاقي لينك ليه تحت ان شاء الله، "لمتابعتي على الفيس بوك" وبعد كده

وابعت هدفك او أمنيتك

وهقولك تعمل ايه بالتفصيل ان شاء الله

وان شاء الله تاني مرة أقابلك فيها

تكون في قصص النجاح

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

التنمية البشرية العامة

كاريزماتك 3

October 12, 2012 — by فيصل عبد الواحد32

Charisma2.jpg

المرة اللي فاتت اتكلمنا، أو وقفنا عند اننا نمدح الآخرين

ونمدحهم بصدق، مش نفاق

لأن حتى لو انت شايف الحاجة دي قليلة

هو مش شايفها قليلة، وإلا ماكانش عملها

وإلا ماكانش قالك عليها

يبقى يستحق المدح

اعط الناس ما يحبون سماعه - بحق - يعطوك ما يحبون أخذه

حكمه افهمها واذا طبقت الجزء الأول منها هتلاقي الجزء التاني

تلقائي

النهاردة هنتكلم ان شاء الله عن حاجة مهمة

لغة الجسد

وهنا لازم ناخد بالنا من حاجتين، اكيد انت مش محتاج اني اقولك

ان تواصلك من الناس، حوالي 93% منه لغة جسد، سواء نبرة الصوت أو حركات الجسد

أكيد انت عارف ان الكلمات بتمثل 7% بس

لكن في حاجتين لازم ناخد بالنا منهم - زي ما لسه قايلك الوقتي

أول حاجة..انك ما تقيدش جسمك وانت بتتكلم

ما تحاولش تقيد إيدك، ما تحاولش تفكر انك لازم تتكلم وانت مربع إيدك

أو مكتفها جمبك

ممكن تكون الحاجة دي مفهومة

لكن الجزء اللي ماحدش يعرفه كتير، اللي هو الحاجة التانية

ان ما "تبالغش" في لغة الجسد

اللي بيفهم..وغالباً نسبة كبيرة من الناس

هيعرف ان المبالغة في حركات الإيدين

والجسم

والإيماءات الجسدية، المبالغة في كدة كتير

يعني انك..مش واثق من نفسك

أو مش قادر تعبر على اللي جواك كويس

وصدقني، انت مش عايز تكون في أي حالة من الحالتين دول

المفروض، ان لغة جسدك "تتماشى" مع الكلام اللي بتقوله

واتفقنا اننا نتكلم ببطئ

فتكون لغة جسدنا بطيئة نوعاً ما

ومتماشية مع الكلام اللي بنقوله

آخر حاجة، كل شخص، شايف نفسه - أو على الأقل المفروض يشوف نفسه - انه مهم جداً

فعامله بنفس الطريقة دي

البنات لما بتسأل بعضها، انتي ايه اللي بيعجبك في خطيبك ده

: ساعات كتير أوي تسمع

بيحسسني أن أنا أهم واحدة عنده

بيحسسني أني ملكة الدنيا دي

تخيل..بس تخيل

اذا كل الناس اللي كلمتهم

حسوا كدة ؟

مش معنى كدة انك تجامل، أو تنافق، لكن معنى كده انك تبقى "مهتم" بكل كلمة بيقولوها

ومش تمثل انك مهتم..لأ تبقى مهتم فعلاً

لأنك عارف انهم مهتمين، وعشان كده بيحكوها ليك

الوقتي هقولك حاجات بسيطة تساعدك في انك تكون شخص جذاب

* ما تخافش من أنك تعارض، قول رأيك وحتى اذا كان هيعارض كل اللي في المكان

* ما تقلدش الناس !

* ما تهاجمش أي حد سواء بكلام أو تريقة - سخرية بالمصري

* دايماً شوف نفسك، وانت بتتخيل نفسك او بتشوف أي حاجة في عقلك، بالصورة اللي انت عايز تكونها..اللي هي، شخص جذاب لكل اللي يعرفه، وبرده اللي ما يعرفوش

بعد كل ده عايز اقولك اهم حاجة

ما تعملش أي حاجة من اللي فات، في أي مقالة من التلاتة

عشان "تسعد" الناس

!!

آه بالظبط، اللي قلتهولك، عشانك انت، عشان انت تعيش الجو والفرحة والسعادة دي

ولما انت تعيشها

هتنتشر حواليك..والنتيجة هتحصل بشكل تلقائي

زي ما بالظبط بنقول في سيدونا، ما تتحرش عشان تجذب..

اتحرر..بإذن الله

أتمنى تكون السلسلة عجبتك، وكانت بمثابة استراحة قصيرة من قانون الجذب والطاقة

..تحياتي ليك، أتمنالك حياة مليئة بالجذب

.والجاذبية

اعمل كل اللي فات عشانك انت، وهتلاقي النتيجة

 

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

التنمية البشرية العامة

كاريزماتك 2

October 11, 2012 — by فيصل عبد الواحد16

090319_charisma.jpg

اتكلمنا المقالة اللي فاتت عن ازاي تبقى شخص..كاريزماتك

الناس بتحب تكون حواليك

رأيك بيأثر عليهم

حتى لو لسه سامعينه الوقتي من حد غيرك

ومعارضينه

ما حصلش قبل كده حاولت تقنع شخص بحاجة

وما قدرتش، وقعدت تقول هو مش عايز يقتنع

وفجأة لقيته بيقولك انا خلاص هعمل كذا

وتلاقيها نفس الحاجة اللي انت قايله عليها

لما تسأله، طب ما انا لسه كنت بحاول اقنعك ايه اللي غير رأيك

يقولك أصل قعدت مع "..." وكلمني شوية عن الموضوع ولقيت ان "رأيه" صح

عارف احساسك وقتها بتبقى عايز تعمل ايه لما تسمع كلمة "رأيه" دي

النهاردة مع الجزء التاني

ولسه بنتكلم عن الكلام

وقفنا عند رابع حاجة

وهي أن الشخص اللي عنده كاريزما

بيختار كلماته كويس جداً

لأنه قبل ما يقولها بصوت، بيقولها في دماغه

لأنه زي ما قولنا قبل كده بيتكلم ببطئ

فبياخد وقته في مراجعة الكلام

بيصيغ الكلام في طريقة ودية أكثر منها عملية

يعني بدل ما يقول للموظفين عنده، بكره عندنا اجتماع مهم

يقولهم بكره هنقعد مع بعض

حتى الفكرة اللي في دماغه بتبقى كدة، قبل ما يبدأ ندوة أو أمسية مثلاً تتضمن باور بوينت"داتا شو" ما بيفكرش في أنه

هيعمل بريزنتيشن

لأ بيفكر انه هيقدم حاجات ممتعة جداً وهيشاركها مع الناس بإذن الله

تفكيره كده..طريقة كلامه كدة..بيقول الكلام بالطريقة

اللي الطرف التاني يحب يسمعها

خامس حاجة في الكلام

لا يناقش فشل الآخرين، وده مهم جداً

وما بيتريقش على اللي حواليه

ممكن اذا اتريقت "قولت كلام يضحك على أحد الأشخاص" تضحك الناس فعلاً

ويحبوا يكونوا معاك

لكن وقتها هيحبوا يكونوا معاك..عشان يضحكوا

هتبقى انت البهلوان بتاعهم

مناقشة فشل الآخرين لا يدل الا على التكبر، وحب الانتقاد

وحتى اذا حد سألهم عن رأيهم في فشل شخص ما

ما "بيحكمش" بيقول عادي كلنا بنغلط

ويتكلم عن الجانب الايجابي اللي عمله في قصته

وبكده، يكون هو الوحيد في المجموعة، اللي جاب حاجة جديدة

لأن كلهم بيتكلموا عن الجزء الفاشل في تجربة شخص ما

وهو الوحيد..اللي بيتكلم عن الجزء الناجح

سادس نقطة..أنهم مع ذلك، بيعترفوا بفشلهم

ما بيخافوش من حكم الناس - فاكر ؟- عشان ما بيحكموش على حد

ولما بيشاركوا تجاربهم وأخطائهم

بيزيدوا في نظر الناس أكثر

رغم ان ده ما بيبقاش قصدهم..لكن ده اللي بيحصل

آخر حاجة، النقطة السابعة

هي أن الشخص ده، بيبص في عين اللي بيتكلم معاه

وبيركز عليها جداً وهو بيتكلم

ما بيبصش في أي مكان تاني، سواء كمحاولة للهروب من نظرات العين

او لأنك غير مهتم بالكلام

طبعاً في نقط كتير تانية، زي عدم المقاطعة في الكلام، السماح لغيرك بالنقاش، عرض المساعدة في النقاش

لكن كلها نقط معروفة، واغلبها تتبع مهارات الاتصال الفعال، أكتر منها في الكاريزما والتأثير

التصرفات

الشخص الكاريزماتك، بيسيب كل حاجة في ايده وهو بيتكلم مع أي حد

ما بيبصش في الساعة

ما بيلعبش في الموبايل

ما بيخلصش الشغل وهو بيتكلم بحجة "معاك معاك..أنا سامعك

لأنه عارف ان الحكاية دي تضايق، لأنها اتعملت معاه قبل كده

ولأن هدفه انه ما يسببش ألم للناس، بغض النظر عن "استحقاقهم" له، لكنه بيكلم كل الناس كأنه معاهم هما بس

الحاجة التانية هنا

ان الشخص الكاريزماتك..اللي الناس بتحب دايماً تكون حواليه

بيوزع نظراته على الأشخاص في المجموعات

ما بيركزش على شخص واحد بس

ممكن اكون بتكلم مع شخص ما في نقطة

وعند الجزء في الحوار اللي بقول فيه رأيي

أو بقول حجة أقوى من حجته

أبص للناس التانية في المجموعة، واعمل ايماءه بالقبول

يعني احرك دماغي كإني بوافق على حاجة

وبعدين أحول نظري بسرعة على الشخص اللي بتكلم معاه

وده بيخليهم بشكل تلقائي يكونوا معايا في أي نقطة بتكلم فيها

ثالث شيء هنا، ان الشخص الجذاب، ما بيعملش نفسه مهم

ما بيقولش المواعيد اللي وراه ولا الأشغال اللي لازم يخلصها

ما بيعملش أي حاجة عشان "يظهر" أنه مهم

لأنه واثق في نفسه

وما يهموش..الناس تشوفه ازاي

الوقتي في نقطة مهمة جداً، وما حبيتش أقولها في الكلام، حبيت اقولها في التصرفات

عشان تكون تصرف في طبيعتك

هي ان الشخص ده، دايماً بيتكلم عن نجاحات الناس

ويديهم حقهم جداً

ويقدمهم للناس ويشكر فيهم

أقولك على حاجة..ماحدش بيزهق من المدح

المهم ما يكونش نفاق

امدح الحاجات الجميلة اللي غيرك عملها، وامدحها من قلبك واتكلم عنها وعن الشخص اللي عملها

سواء قدامهم نفسهم أو من غير ما يكونوا موجودين

المقالة طولت مني جداً..أنا عارف

عشان كدة..هنكمل المقالة الجاية ان شاء الله

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

التنمية البشرية العامة

جورج قرداحي – كاريزما؟

October 10, 2012 — by فيصل عبد الواحد19

charisma.jpg

كلمة كاريزما

أول مرة اسمعها في حياتي كانت دائماً مقترنة بمقدم البرنامج المعروف

من سيربح المليون

جورج قرداحي

كنت دايماً أسمع المقدمين التانيين لما يستضيفوه

وهما بيقدموه، يقولوا :

الشخصية التي تتمتع بكاريزما عالية جداً

لدرجة اني بقيت احفظ وقتها

ان أي مذيع يقول كلمة كاريزما

يبقى الضيف اللي معاه في البرنامج هو جورج قرداحي

لكن ماحدش كان بيقول وقتها يعني ايه كاريزما

أظن حتى مقدمي البرامج المصرية ماكانوش يعرفوها يعني ايه

واحدة واحدة ابتدينا نعرف ان الشخص اللي عنده الكاريزما ده

شخص محبوب، الناس بتحب دايماً تكون معاه

تحب صحبته

تحب تاخد رأيه في كل حاجة

بدأنا نقرأ ونشوف ونسمع عن أسرار الشخصية الساحرة

وازاي يكون عندك كاريزما

هقولك سر..ورغم ان ده يتعارض مع النقاط اللي هنقولها سوا

لكن النجوم والممثلين، كل الكاريزما عندهم تعتمد على شيء واحد فقط

..الندرة

انه ما يبانش كتير، وسط الناس

ما يبقاش متاح للجمهور

لذلك يفضل النجم انه يكون في فيلم ساعتين

على انه يكون في مسلسل 30 حلقة

وأنه يطلع في برنامج واحد كل 6 أو 7 شهور

وأنه يظهر في مكان عام مرة كل سنتين أو تلاتة

هل ده صح ؟

جداً جداً

غلط

ممكن يكون صح بالنسبة ليهم

لكن الحقيقة غير كدة

..الحقيقة انك عشان تكون شخص

كاريزماتك

يبقى يكون عندك عدد من الصفات - مش مواهب - وأي حد يقدر يكتسبها

انك تكون

مركز الانتباه

ان أي حد يجيلك عشان مجرد

انه عايز يقعد معاك

في حاجات لازم تكون فيك، وحاجات لازم تعملها

ان شاء الله في السلسلة القصيرة دي

هنتكلم عن أهمهم

بداية..الكلام

: أولهم

الشخص الجذاب، الكاريزماتك، بيسمع أكتر ما يتكلم

أذنه..رغم ثباتها، لكن أهم بكتير من لسانه، رغم حركته

مش بس كدة..لكن بيسمعوا بشكل فعال، يعني الشخص ده وهو بيسمع حد

بيبص في عينيه..بيحرك رأسه بالايجاب حتى لو معترض

ودي نقطة مهمة جداً، حتى لو معترض، تحريك رأسك بالإيجاب، بيمحي المعارضة في الشخص اللي قدامك

وواحدة واحدة هتلاقيه هو، معاك في موضوعك

الشخص ده، ما بيقدمش نصايح، ما بينصحش

الا اذا اتطلب منه

خذ القاعدة الذهبية دي عيش بيها

لا تنصح..لا تنقد..لا تحكم

الا اذا طُلب منك

طبقها بكل حذافيرها في حياتك هتشوف سحر بإذن الله

كمان عايز أقولك..اللي يخاف من نقد الناس..يبقى أكيد

بينقدهم

اذا كنت مرة خايف من رأي الناس فيك او كلامهم عنك لما تعمل حاجة، لما تقول حاجة معينة

يبقى انت عندك مشكلة، جزء منها

انك انت نفسك..بتنقد الناس

عشان تكون كاريزماتك فعلاً..لا تنصح، لا تنقد، لا تحكم..الا اذا طُلب منك

وعايزك تتعود على كدة، على ان ناس كتير أوي هتطلب نصيحتك

لما تلاقيك انت..ما بتتطوعش بالنصيحة

زي 99% من الناس التانيين

: ثانيهم

ما تقدمش نفسك في أول الكلام

"أنا فيصل مدرب قانون الجذب والتنمية البشرية"

أو..أصل بص، انا مدرب قانون الجذب، فاللي بقوله أكيد صح

سيب الناس، من طريقة كلامك ومعلوماتك عن الموضوع..تكتشف ده

تسألك ايه ده، أنت عارف الكلام ده ازاي؟

أنت بتشتغل ايه..أصل شكلك دارس..شكلك عارف..شكلك قارئ

وقتها ممكن تقول كدة

..انا

على العكس، أما أنت بتعرف نفسك وتقول أنا كذا كذا

الناس اهتمامها بيزيد، والغلطة ليك هنا هتبقى ب1000 غلطة

وشئت أم أبيت..هيطلع الغرور في صوتك

أنا فاكر مرة من كام سنة، كنت بتناقش مع شخص في حاجة قانونية وقلتله انا خريج حقوق انجليزي عشان كده بتكلم عن ثقة

! ولحظي، كان الشخص ده "لئيم" فقال قدام الناس، دي مصيبة سودة انك تكون خريج حقوق وتقول كدة

! رغم ان في الآخر اعترف اني صح، بس بيني وبينه طبعاً

: ثالثهم

الشخص الكاريزماتك بيتكلم ببطئ

آه ببطئ

وبهدوء جداً

وبيدي كل حرف زمنه من الوقت

مهما كان عدد اللي بيكلمهم، وهنتكلم الوقتي على الكلام مع المجموعات، لكن المهم وأنت بتتكلم

مش عشان تقول رأيك بسرعة، وانك اكتشفت خطأ في كلام اللي قدامك تبقى هتتجنن عشان تقولها

فاكر مرة كنت في قطر..واتناقشت مع واحد في القطر نقاش ديني

والنقاش امتد لدرجة ان الناس في باقي عربة القطر اللي كنا فيها اتلموا

وحوالي 5 أشخاص تانيين دخلوا في الحوار ضدي

والشخص ده كان متمرس في النقاش الديني، وقال جملة خلت كل اللي في القطر ينتبهوا ليا

"أنت بتقول ان في تعارض في القرآن"

وانا ماكنتش قولت كدة خالص لا صراحة ولا ضمناً

لكن كان مجرد تعصب من الشيخ السلفي ده

وبفضل الله، وبعد نقاش من ال6 أفراد

ومئات النظرات من الناس المتابعة من بعيد

انتهي النقاش إلى انقلاب ال5 أفراد على الشيخ السلفي

!! وأخيراً الشيخ السلفي طلب يتعرف عليا..وياخد رقمي عشان يسألني في الدين لما يحب

الشيء اللي خلاني أقوله العفو..أنا اللي اسألك يا شيخنا

! بس خد الرقم برده

عشان ما أطولش عليك..ان شاء الله المقالة الجاية، نتكلم عن باقي النقاط

في ازاي تكون، أو تكوني

كاريزماتك

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

الصندوق الأحمر

October 6, 2012 — by فيصل عبد الواحد62

red_box_popup.png

المقالة دي من صفحة أمير نفسك على الفيس بوك

هنا عشان اللي ما قرأهاش هناك

حسناً إذاً..
تريد أن تعرف مقدار قوة جذبك..
أليس كذلك ؟
سأخبرك بتمرين قوي جداً لذلك..
شريطة أن تتبعه كما هو..
تمرين..الصندوق الأحمر.
بعد أن تنتهي من قراءة تلك السطور
اغمض عينيك..
استرخِ تماماً
خذ 3 أنفاس..بواقع 4 ثواني للشهيق

اكتم النفس ثانيتين
واخرجه في الزفير في 8 ثوان
افعلها 3 مرات..
الآن..
ضع ايديك أمامك..
وتخيل..أنك ممسك بذلك الصندوق..
صندوق أحمر بين يديك..
حس ملمسه..هل هو من الريش الناعم..
هل هو من الصوف..القطن
ربما الكتان..؟
شم رائحته..
هل له رائحة مميزة؟
رائحة عطر معين..
المسه فعلاً بأناملك الآن
ليس كأنه معك..
هو معك بالفعل..
وأنت ممسك به الآن بفضل الله
وتتحسسه
تبتسم تلك الابتسامة الخفيفة التي تظهر على شفتيك بتلقائية..
نعم..
أنا ممسك بذلك الصنودق الاحمر الآن..
جميل
جميل..
خذ نفس الآن وافتح عينيك..شيئاً فشيئاً استعد وعيك لطبيعتك..
الآن، بإذن الله، احسب الوقت الذي ترى ذلك الصندوف في حياتك..
سواء كان في صورة..
في فيلم
في خبر هنا على الفيس بوك..
في التليفزيون..
ربما يأتي لك شخصياً..
كي تعرف..
مقدار قوة جذبك للأشياء..
واذا تأخر عنك..لا مشكلة، اعلم أنه آت لا محالة بفضل الله.
الآن..أتركك مع صندوقك الأحمر.

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

! انا محتاجك..أنت

October 3, 2012 — by فيصل عبد الواحد68

feedback.jpg

النهاردة برده - بعتذر ليك - مش هتبقى مقالة

وان شاء الله مش هتطول في الفترة اللي هتشوفها على الصفحة الرئيسية لأمير نفسك

لكن باختصار

أنا عايزك تكتب رأيك في أي حاجة استفدتها من أمير نفسك

سواء كورسات او مقالات او استشارات شخصية او جلسات

رأيك يشرفني كتير

وهيتم وضعه باسمك اذا تحب ان شاء الله

تقدر تكتب رأيك في تعليق هنا

او تبعته على

Personal@amirnafsak.com

مستنيك..وكلامك حتى لو كان صغير

هيفرحني جداً اني اعرف انك بفضل الله وحده

بقيت فرحان

تحياتي ليك، وبالتوفيق دائماً ان شاء الله

فيصل عبد الواحد

قانون الجذب

أنت فين

October 2, 2012 — by فيصل عبد الواحد70

74095-SocialNets.jpg

ازيك، أخبارك ايه

المقالة دي هي اللي قلتلك عنها اول المقالة اللي فاتت

انها اهم من المقالة نفسها

عايز اقولك انت فين

ما بتشاركش مع الناس ليه ؟

أكيد بتشوف ناس كتير بتشارك بآرائها ومشاكلها

وأكيد بتشوف انا، وساعات أحد الزوار بيرد

وعلى أد ما أقدر بفضل الله بجاوب على كل الاستفسارات والأسألة

انت بقى..فين ؟

اللي ما بتشاركش الناس

صدقني الاستفادة هتتضاعف، لما تشارك الناس

وتقول رأيك ومشاكلك وحكاياتك وقصصك

ما تقفلش حياتك على نفسك

قانون الجذب..مش عايز كدة

لاحظت ان ناس كتير ما فهمتش قصدي من المقالة

اللي قصدته هو انك ما تتحرجش، ما تتحرجيش وما تتكسفيش تشاركي الناس هنا مشاكلك

واسألتك..في ناس بتقرأ وتتمنى انها تسأل

لكن بيصدها صوت داخلي..لأ

شكلي هيبقى ايه قدام الناس

هيقولوا عليا ايه لما اقول كدة

ما تسمعش صوت البارادايم..

واسأل..وشاركنا كلنا مشاكلك

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

!! أسيب..ولا ما أسيبش

September 28, 2012 — by فيصل عبد الواحد44

Ws.jpg

النهاردة رغم اني هكلمك عن حاجة جديدة

لكن اللي هكلمك عنه آخر المقالة..أهم من اللي في المقالة نفسها

النهاردة هكلمك عن الرغبة

وتسيبها جواك

ولا ما تسيبهاش

ناس كتير أوي بتقول

يعني خلاص ابقى مش عايز الهدف ؟

وانا بتعلم مع دكتور بول دينوبريسكي

صاحب نظرية نقاط التعادل

كان دايماً بيقول - عن حق ان أي حاجة نتيجة التوسط بين ضدين

سواء كان التوسط ده في المنتصف

او مائل ناحية احد الطرفين

زي مثلاً خط الذكاء، أو الخبرات الاجتماعية

في منتصفه تماماً

الحكمة

يعني انت لما بتوصل لكمية من الذكاء الشخصي، وتعادلها بكمية مساوية تماماً من الخبرات الاجتماعية

والتواصل مع الناس

بتوصل للحكمة

لو مِلت لأحد الطرفين، وليكن الذكاء الشخصي واعتمدت عليه بس،

هتبقى مغرور

وإذا مِلت ناحية الكافة التانية..هتبقى مُنكب

ما بتفكرش في كلامك وشكلك وكل همك التواصل وتكوين علاقات

عارف الشاب اللي كل همه انه يضحك البنت عشان يصاحبها ؟

الذكاء ده نفسه بقى اللي هو أحد أطراف السبيكترا، أو الخط

Spectra

هي كلمة بتعبر عن خط بياني بين ضدين

المهم ان الذكاء ده نفسه

له برده سبيكترا خاصة بيه

اليمين في الخيال والابداع والصور والجمال

والشمال فيها الذاكرة والتذكر والرياضيات والقوانين والمسائل

أما بتوصل للمنتصف تماماً، بتوصل بإذن الله

للعبقرية

لكن مثلاً إذا ملت ناحية أحد الطرفين..وليكن ملت ناحية القوانين

ممكن الناس تقول عليك

ممل

أو ممل، كل همه القوانين

كل همه القواعد

غير مرن

والعكس، اذا مِلت ناحية الخيال والابداع، في نفس الوقت بتقل من الناحية التانية

فممكن تكون..متسيب

ما بتبحبش الالتزام

انا كلمتك عن الكلام ده كله ليه

عشان أقولك ان تسيب، ولا ما تسيبش

اذا كانت تسيب أقصى اليمين

وما تسيبش أقصى الشمال

فأنت مطلوب منك

بالظبط

صح

انك تكون في المنتصف

ايه المنتصف ده

انك تكون "مش" عايز الحاجة

انك خلاص..متوقعها بإذن الله

مش كمان متوقعها

انك تكون منتظرها عشان عارف انها جاية بإذن الله

لما تقوم تشرب، هل وانت رايح تجيب كوباية ميه، من التلاجة

بتفكر انا هوصل ولا لأ

كله بإذن الله طبعاً

قصدي انك قايم رايح وعارف ان الحكاية عادية

مش محتاجة تفكير

او شكوك

هتقوم تجيب ميه من التلاجة

الحكاية انك توصل للاحساس ده

هقولك ازاي ما تقلقش

الصح انك لما تفكر في امنيتك وتحسها

تضحك وتفرح وتبقى مستمتع جداً بيها

جداً

خلاص هي جايه بإذن الله

طب ازاي توصل للاحساس ده

اول حاجة المعايشة، الداخلية والخارجية

تاني حاجة..تتغلب على الشكوك والخوف

إزاي برده..؟

أيوة عليك نور

سيدونا

ادمج قانون الجذب، بسيدونا

هتلاقي معاك سلاح عجيب

سلاح غريب

نسبة نجاحه بفضل الله معايا ومع كل الناس اللي دربتهم عليه

100%

باستثناء اللي لسه في الأول بس، لسه ما وصلوش لل100% عشان لسه بيتقنوا العملية والمعادلة

هو ده الحل

هو ده الصح

هي دي اجابة

!! أسيب الرغبة..ولا ما أسيبش

بالمناسبة، الصورة اللي في المقالة دي هي صور

الـ

Spectra

اللي عايز أقولك عليه في آخر المقالة..كان هيبقى بعنوان

! أنت فين..بس هأجله للمقالة اللي جاية، عشان تركز في مفهوم المقالة دي

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

كبسولات مؤقتة 4

September 25, 2012 — by فيصل عبد الواحد14

thumbnail.aspx_.jpg

حسناً..الآن، مع العمل..
أذكرك أنك لن تستفيد شيئاً ما أن تكون قد قرأت تلك المقالة أولاً:
http://wp.me/p1JtQm-97

الآن..مع العمل
أولاً..
أريدك أن تفكر في العمل، او الوظيفة، مفهوم العمل نفسه لك
ما يمثل بالنسبة لك..؟
دع كل الأفكار المتعلقة بذلك تأتي اليك
لا تقاومها
رحب بها..
رحب بكل الأحاسيس والمشاعر التي تأتي بداخلك..
عند الحديث عن العمل
هل هي..الحزن ؟
الاحباط ؟
الغضب لعدم التقدير..؟
ربما ذهبت لأكثر من مقابلة عمل ولم يتم تقديرك مسبقاً..
رحب بكل ذلك
رحب بكل ما تريد ان تشعر به
اشعر بكل ما كان عليك ان تشعر به وكتمته بداخلك
اشعر بذلك الغضب
اشعر بذلك الحزن..
اشعر بكل تلك المشاعر
رحب بها..
اسمح لها أن تتواجد الآن..
..
..
رحب بكل شيء داخلك الآن..
ابتسم له..
ابتسم وأنت تقول له بداخلك.."أهلاً بك"

أنها مجرد طاقة..ليست سلبية وليست ايجابية..
مجرد مشاعر..وصفتها بالسلبية فقط لأنها ارتبطت بموقف سلبي..
الطاقة لا وصف لها، ايجابي او سلبي..

ممتاز..
رحب بها الآن و أنت تعلم حقيقتها
رحب بها..ان شئت، احتضن نفسك واحتضنها..

ممتاز..
...

هل تستطيع أن تتحرر من تلك المشاعر..؟
..
..
ممتاز

هل ستتحرر من تلك المشاعر ؟
...
..
جميل جداً..

متى..؟
الآن ان شاء الله

افعلها مرتين آخريتين..

الآن بعد الانتهاء..
استحضر رغبتك في أن تعمل..
استحضرها جيداً..
اشعر بها،
لا عيب في ذلك..ولا مشكلة أبداً
المشكلة في أن العقل الباطن يفسر كلمة "رغبة" واحساس الرغبة، بالنقص..لأنه يقارنها بما أنت عليه فلا يجدها..

ما يقف بينك وبين هدفك هو ذلك السور..المسمى بالرغبة فيه..
ما الأفضل لك، أن ترغب في عمل..
أم أن تعمل ؟

ممتاز..
رحب بتلك الرغبة
رحب بكل ما تشعر به من رغبة في العمل..
ممتاز..ممتاز
..
..

هل تستطيع أن تتحرر من تلك الرغبة ؟
تذكر أن المسألة مسألة اختيار، وليس معنى تحررك من الرغبة، أنك لن تعمل بإذن الله..
على النقيض تماماً..
فقط ستحرر نفسك من الضغط، وستهدم ذلك السور كي تحقق هدفك بإذن الله

هل تستطيع أن تتحرر من تلك الرغبة ؟

جميل..

هل ستتحرر من تلك الرغبة ؟
ممتاز..
..
متى..؟
الآن ان شاء الله

كما سبق، افعلها مرتين اضافيتين..

الآن، فكر في العمل..هل تشعر داخلك بأي مقاومة أن تعمل ؟
هل يوجد أي مقاومة لفكرة الاستيقاظ مبكراً..
أو فكرة المسئولية في العمل..
أو فكرة الاستمرار على روتين يومي..؟
هل يوجد أي مقاومة على الاطلاق ؟

اذا كان..رحب بتلك المقاومة..
لا مشكلة فيها، هي طريقة دفاعية للعقل الباطن كي يريحك..
رحب بها..
لا تحاول أن تقاومها فتشتد...
رحب بتلك المقاومة تماماً..وقل لنفسك..قل للمقاومة
كل شيء بخير..
كل شيء مسموح..

ممتاز..
هل تستطيع أن تتحرر من تلك المقاومة..؟
..
..
جميل..
هل ستتحرر من تلك المقاومة..؟
ممتاز
..
متى..؟
الآن ان شاء الله

كذلك، مرتين اضافيتين.

ماذا سيحدث اذا لم تعمل..
ماذا ستشعر به
ماذا سيحدث من حولك..
اشعر كل ذلك..ولا تهرب منه
رحب به..
لا تخف منه..
اسمح له ان يتواجد ورحب به
لا تقاومه فتجذبه
رحب به بكل بساطة
وابتسم له بكل ثقة..
ورحب به تماماً بداخلك في كل حب وسهولة..

ممتاز..
هل تستطيع ان تتحرر من كل ذلك ؟
ممتاز..
..
هل ستتحرر من كل ذلك..؟
..
..
جميل
متى..؟
الآن ان شاء الله.
مرتين اضافيتين..

هل تشعر بالخوف من عدم العمل..؟
ربما تخاف على نفسك أنك لن تستطيع ان تحقق اهدافك
انك اذا لم تعمل لن تستطيع الزواج
لن تستطيع ان تعتمد على نفسك
هل..
تخاف ؟

اذا كان هناك خوف..
رحب به، اعلم انه مجرد طاقة ولكن نحن من سميناها خوف

ممتاز..
ممتاز..

هل تستطيع أن تتحرر من رغبتك في أن يحدث لك ذلك (ما تخافه) ؟
جميل جداً..
ممتاز..

هل ستتحرر من رغبتك في ان يحدث لك ذلك (ماتخافه)؟
ممتاز..
ممتاز...

متى..؟
الآن ان شاء الله..
أيضاً مرتين اضافيتين..

بعد الانتهاء من عمل كل مرحلة 3 مرات..
استرخ تماماً، واسمح لكل ما بداخلك ان يكون بداخلك
كل تلك الاصوات
كل تلك الحركات
كل تلك المشاهد..
كل شيء..
كل تلك الضوضاء..
اسمح لها تماماً ان تتحرك كيفما شائت دون ادنى محاولة للسيطرة عليها
واسترخ تماماً..
وتقبل نفسك ووضعك كما هو..
ورحب به...

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

قانون الجذب

!! قانون الجذب..أنا لسه جديد

September 22, 2012 — by فيصل عبد الواحد44

accreditation-guide.jpg

 

اتطلبت مني كتير جداً جداً

المقالة دي

وعشان كدة

وعشان كمان هي مهمة جداً

تعتبر الخريطة اللي بتوصلك لأي حاجة انت عايزها هنا بإذن الله

هيتم تثبيتها فوق في قسم الصفحات بإذن الله

انت لسه جديد

سواء في قانون الجذب، أو أمير نفسك

تعمل ايه؟

بص، ببساطة خليني أقولك ايه هو قانون الجذب

قانون الجذب مش بس، أن الأفكار المسيطرة عليك، والمشاعر والمعتقدات، هينجذبوا ليك في حياتك بطريقة او بأخرى

مش بس كدة

قانون الجذب هو ان كل حاجة حواليك، او مش حواليك

ليها تردد معين، بينتج عن انها في صورتها الأولية طاقة

الحاجة دي، انت بتجذبها ليك لما يكون جواك تردد مشابه ليها

عشان أدخل معاك في الموضوع على طول

عشان تستخدم قانون الجذب لتحقيق الأهداف، وده جزء بسيط جداً من قانون الجذب

قدامك 3 طرق

أول طريق هو فك الارتباط

وده ببساطة يعني حاجة من اتنين، اولهم انك تعمل معايشة "ايجابية" لضد هدفك

يعني اذا كان هدفك 1000 جنيه تعمل معايشة لدين ب1000 جنيه، وكإنك هتفرح اذا كنت مديون ب1000 جنيه

المعنى التاني انك تنسى الهدف فعلاً بعد ما تعمله معايشة عادية

المهم، فك الارتباط طريقة صعبة ومعقدة وما أنصحكش بيها

تاني طريقة هي مقاومة البارادايم، وباختصار هي انك تحط هدف

وتحارب لحد ما تحققه بإذن الله، مهما لقيت من صعوبات ومشاكل واشخاص سلبيين بيحبطوك

كنوع من أنواع مقاومة البارادايم..طريقة صعبة

ونسبة نجاحها 3% بس

الطريقة التالتة..وهي تغيير المقاومة الداخلية

الأشياء بتنجذب ليك عن طريق الطاقة، اللي بتمشي في مسارات مخصصة ليها

اسمها مسارات الطاقة

المسارات دي بتكون مقفولة - أو شبه مقفولة - من كتر الحاجات السلبية اللي انت شوفتها في حياتك

البداية الصح، هي انك تحرر المسارات دي وتحرر نفسك من اللي أنت لسه متمسك بيه

وبعد كده تبدأ تحدد هدفك بالتفصيل

وبعد كده المعايشة الداخلية

اللي هي انك تشوف هتحس بإيه لما تحقق هدفك بإذن الله

وتحسه الوقتي

أحد طرق التحرر دي هي سيدونا، ومن أقواهم وأفضلهم على الاطلاق

تمام..لحد كده متفقين

وان شاء الله متفقين دايماً

الوقتي عايزك، تبدأ تقرأ المقالات دي

سيدونا ببساطة

خط النهاية

الترددات

سيدونا

وتبدأ تقرأ من أول سيدونا لحد آخر مقالة ان شاء الله قبل سيدونا ببساطة، اللي هي كبسولات مؤقتة 3

أتمنى أني أكون اختصرت على أد ما أقدر

تحياتي ليك وبالتوفيق وجذب ممتع ان شاء الله

لمتابعتي على الفيس بوك

لمتابعتي على تويتر

لصفحة أمير نفسك على الفيس بوك

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close