main

قانون الجذب

80 / 20

June 7, 2012 — by فيصل عبد الواحد20

8020rule-20111203T202133-639rk9r.jpeg
قانون الجذب - 20/80
قانون الجذب - 20/80

لسه مع سلسلة انسى السر، والنهاردة ان شاء الله هنتكلم أكتر عن الأرقام

اتكلمنا ان 3% بس في العالم هم اللي فعلاً بيوصلوا لآخر الطريق وهما فعلاً اللي بيقدروا يحققوا اللي هما عايزينه

ومش عجيب أن نسبة الناس الرأس ماليين اللي فعلاً يقال عليهم مديري العالم مالياً، 3% بس

بالمناسبة التقسيم ده قائم على تقسيم الأغنياء والمليارديرات والناس بوجه عام من ناحية الفلوس والماديات والثروات إلى 3 طوائف

اول طائفة اللي بيستخدموا وقتهم ومجهودهم عشان يعملوا فلوس ويكونوا ثروة

تاني طائفة اللي بيستخدموا فلوس عشان يعملوا فلوس

تالت طائفة اللي بتستخدم وقت، ومجهود ناس تانية عشان يعملوا فلوس وثروة

آخر اتنين دول على بعض نسبتهم 3% من اجمالي الناس

بدون الدخول في التفاصيل دي

لكن النهاردة مع رقم تاني اغرب وأعجب

عالم..مش فاكر اسمه بصراحة، كان بيعمل تجارب على حبوب البسلة

فبالصدفة، وبعد طبعاً ما اشترى محصول كبير من البسلة، اكتشف حاجة غريبة جداً

هي ان 20% بس من "أوعية" البسلة، وعاء البسلة اللي يحتوي على الحبات نفسها، 20 من الأوعية دي

تحتوي على 80% من اجمالي حبات البسلة في المحصول كله

وال80% الباقيين من الأوعية

بيحتووا على 20% بس، الباقيين من حبات البسلة

اقرأ الكلام ده تاني عشان تقدر تركز فيه، الحكاية ممكن تكون بتلخبط

20% بس

من أوعية البسلة، كانوا بيحتووا على 80% من حبات البسلة كلها

مش بس كدة، لما لقى الحكاية دي اتكررت في كل المحاصيل اللي اشتراها بعد كده، اختبر النظرية دي على كل حاجة تانية

لقى ان حتى في الواقع

20% من الناس

بتاخد 80% من النتائج الإجمالية

يعني..20% من اجمالي التعداد السكاني في دولته

بيتمتع ب80% من اجمالي الناتج القومي المحلي - الثروة المحلية يعني

ولقى ان الحكاية دي كمان مش بس في دولته لكن في كل دول العالم

التفسير الله اعلم، لا هو ولا أنا ولا أي شخص عنده تفسير علمي "ليه" ده بيحصل

لكن قانون كوني

كمان لقى ليها مظهر تاني، وهي ان 20% من المجهود المبذول من اي شخص، بيؤدي ل80% من النتائج

يعني تقريباً، 80% من المجهود اللي بتبذله، بيحقق نتايج أقل حوالي أربع مرات من النتايج المترتبة على 20% من اجمالي المجهود

بالمناسبة، ممكن تكون لما قرأت عنوان المقالة دي اتهيألك اني هتكلم عن نظرية ان 20% من الاحداث المحيطة بيك انت مالكش سيطرة عليه

وال80% الباقيين هو اللي انت بتعمله في حياتك

لكن دي نظرية تانية خالص انا مش بتكلم عنها النهاردة

انا بتكلم عن القانون الكوني الي كلمتك عنه من شوية

20% بس من الناس

بيتمتعوا ب80% من اجمالي النتائج والثروات العامة

يمكن عشان ال20% دول بيكون ليهم رؤية أوضح

أو ما بيرضوش بالواقع المفروض عليهم

ما بيرضوش بالأفكار المفروضة

يمكن عشان بيتحدوا الظروف

يمكن عشان هما ناس مؤثرين، والناس بتبقى تحب..انها تشتغل لصالحهم

يمكن ناس..حبوا نفسهم ؟

بس..هو ده قصدي من المقالة دي

اذا اشتغلت بجد، وحبيت نفسك فعلاً، واتحديت الظروف، هتحقق بإذن الله نتايج أكتر بكتير من اللي انت كنت مخططلها

وزي ما قولنا قبل كده في طريقين لتحقيق اهدافك

أول طريق هو تحديد الهدف، استقطاب خطوات وأفكار، وتفضل عليها لحد ما تحققه وده نسبة نجاحك فيه 3%، عشان ممكن تستسلم في النص

من مقاومة البارادايم، بالعكس ممكن تستسلم حتى من البداية

وفي طريق تاني..وهو اللي بعمله في الكورس المكثف لتدريب قانون الجذب

واللي ان شاء الله هحاول أكلمك عليه على أد ما أقدر المقالات الجاية

لأ..بالعكس المقالة دي مش دعاية للكورس، انت تقدر تتعرف على راي الناس فيه لو تعرف حد حضر الكورس التحضيري له، وطلب بفضل الله انه يحضره مره تانية

انا عايزك تعرف..ان دايماً ليك اختيار

اشوفك المقالة الجاية ان شاء الله

قانون الجذب

كل سنة وانت طيب

June 2, 2012 — by فيصل عبد الواحد35

happy-birthday-images-13.gif
قانون الجذب - كل سنة وانت طيب
قانون الجذب - كل سنة وانت طيب

الموضوع ده كان المفروض تشوفه امبارح

عشان كنت عايزك تشوف الفيديو الجميل ده في يوم مميز بالنسبة ليا

يوم عيد ميلادي

لكن عشان اتعمل ليا حفلة مفاجأة

ما قدرتش احطه في نفس اليوم

اتمنى الفيديو يعجبك

و كل سنة وانت طيب، وبالمناسبة

! كمان 28 يوم، ذكرى مرور أول سنة على أمير نفسك، وقتها برده هقولك كل سنة وانت طيب

قانون الجذب

! نسيت السر..؟ 97

May 31, 2012 — by فيصل عبد الواحد24

97.png
قانون الجذب
قانون الجذب

المقالة اللي فاتت كلمتك عن فيلم السر

وقلتلك انساه، مش كدة ؟

The Secret قولنا ان فيلم السر، أو

فيلم جميل، وعرف الناس بوجود حاجة اسمها قانون الجذب

لكنه ركز على عنصر واحد، من عنصر واحد من قانون الجذب، بمعنى أصح

ركز على المعايشة، وما اتكلمش عليها كما ينبغي كمان

والمعايشة دي جزء من عنصر واحد، اللي هو استخدام قانون الجذب لجذب الأهداف

وده قطعة واحدة من البازل

الحكاية في ايه

لو انت جبت توكيدات ايجابية وقولتها لنفسك كل يوم، زي انا غني، أنا أمتلك مليون جنيه

وابتسمت لكل حد تعرفه

لما شوفت جارك امبارح ضحكتله وقلتله حاجة ايجابية

فكرت تفكير ايجابي

Vision Board عملت فيجن بورد أو

وحطيت ليها صور لأحلامك وأهدافك، وعملت المعايشة لأهدافك دي وهي معاك

ده شيء جميل جداً

انت الوقتي بتستخدم 10% بس من عقلك بتجذب بيهم

انك عايز تكون غني

عشان كدة ممكن تكون بدأت تشوف نتايج صغيرة، ولما حاولت تستغلها

ظهرت المقاومة..ال90% التانيين اللي احنا كنا ناسيينهم خالص ؟

عشان تحقق هدفك في أي حاجة، قدامك طريق من اتنين

أول طريق هو تحديد هدفك، تبني خطة، وتفضل على الخطة دي لحد ما تحققه بفضل الله

وده نسبة نجاحك فيه 3% بس

ودي نسبة النجاح الكونية زي ما بيقولوا، في أي حاجة أي فرصة أو أي تغيير

3%

بس من الناس هما اللي بيستغلوه وهما الي بيكملوه للنهاية

مدرب ناجح جداً، في أمريكا، مؤسسته للتدريب من أنجح المؤسسات التدريبية في أمريكا وكندا

في سنة من السنين مؤسسته حققت أرباح أكتر من توني روبينز، اللي هو يعتبر الأب الروحي - رغم صغر سنه مقارنة بمدربين كتير - لمدربين التنمية الذاتية

الراجل ده كان عايز يغير مجال عمله، لحاجة تانية، اللي هي الطريق التاني اللي هقولك عليه ان شاء الله

ولما واحد سأله - اسمه دكتور برينت فيليبس - ليه، انت من أنجح الناس في مجال التنمية الذاتية

قاله نسب نجاح المشاركين في كل الكورسات اللي بننظمها على مدار السنة 3% بس

ومن ال3% دول بنجيب شهادات الناس بأن البرامج دي ناجحة، ومنها بنمول المؤسسة وندفع رواتب الناس اللي شغاله فيه

ليه ؟

عشان كل اللي بيتم تدريبه

هو الطريق الأول بس، كورسات كتير جداً عن تحديد الأهداف وتحقيقها

والتخطيط والإدارة واستثمار الوقت واكتشاف الذات والثقة بالنفس، وكلها ممتازة

لكن بتركز على حاجة واحدة بس

الطريق اللي 97% من الناس ما بتكملوش لآخره

لأن ال97% دول من الناس لما بيحطوا صورة الهدف النهائي ويبدأوا يتحركوا ليه

ويلاقوا مقاومة من البارادايم - كما هو متوقع - بيستسلموا

ال3% الباقيين بس هما اللي بيكملوا

في سلسلة المقالات الجاية ان شاء الله

هكلمك عن الحل التاني..الطريق التاني..الي الاحصائيات أثبتت ان 100% من اللي بيطبقوه، بيحققوا كل اللي هما عايزين بإذن الله

وغير كده، ما بيبقاش في أدنى مقاومة بفضل الله من البارادايم

وما تقلقش، انا مش هخل بقوانين الطبيعة، لأن أصلاً الناس اللي هتقدر تتغلب على صوت الشك جواها

وتاخد الطريق التاني

! هما 3% بس

و الأول قبل ما أقولك على الطريق التاني ده

هكلمك عن أرقام الطبيعة، المقالة الجاية ان شاء الله هكلمك عن حكاية الـ97 و ال3، ولو ما طولتش عليك فيها

هنتكلم عن الـ80 والـ20

بالمناسبة تقدر تتابعني على الفيس بوك هنا :

http://www.facebook.com/pages/%D8%A3%D9%85%D9%8A%D8%B1-%D9%86%D9%81%D8%B3%D9%83-%D9%82%D8%A7%D9%86%D9%88%D9%86-%D8%A7%D9%84%D8%AC%D8%B0%D8%A8/141132272658055

أو على تويتر من هنا

twitter/amirnafsak

بالتوفيق ان شاء الله

قانون الجذب

انسى السر

May 26, 2012 — by فيصل عبد الواحد31

the_secret.jpg
قانون الجذب - انسى السر
قانون الجذب - انسى السر

وأنا صغير

كان عندنا قصة في المدرسة اسمها واسلاماه

أظن انت تعرفها وتعرف قصتها كويس أوي

أول ما بدأنا ندرسها

أستاذي - ربنا يخليه ويجزيه خير عني - قالنا

بصوا..عايزكوا تنسوا تماماً

! فيلم واسلاماه

عشان الفيلم، غير القصة الحقيقة تماماً

! ونفس الحكاية، مع فيلم السر..و قانون الجذب

فيلم السر غير قانون الجذب تماماً

هعيد الكلام عليك بالعكس

قانون الجذب غير فيلم السر تماماً

دي الحقيقة اللي لازم تعرفها

آه أكيد في بينهم تشابه نوعاً ما، زي ما في تشابه بين قصة واسلاماه وفيلم واسلاماه، على الأقل في أسماء الشخصيات

لكن فعلاً قانون الجذب غير اللي جه في فيلم السر

الحكاية ايه..؟

الحكاية ان فيلم السر اتعمل على أكتر حاجة في قانون الجذب الطبيعي

اللي ممكن تبيع وتجذب الناس عشان تشوفه

ومش كده بس، اتكلم عليها بنسبة كبيرة جداً غلط

ممكن يكون سؤال في دماغك الوقتي..مين العربي ده اللي بيقول على فيلم السر العالمي غلط

مش كلامي لواحدي، كلام ناس شاركت فيه شخصياً زي بوب بروكتور، وكلام ناس رفضت المشاركة فيه

لما قرأت السكريبت بتاعه زي دكتور روبرت أنتوني

والأهم..انك لو شايف ان اللي في الفيلم مكفيك، وحققت بيه نتايج فعلاً كبيرة

تقدر تقفل الموقع وتعتبرني فعلاً ما قلتش حاجة

لكن دي الحقيقة..ايه هي النقطة اللي ركز عليها فيلم السر

هي..ازاي تجذب أهدافك بقانون الجذب

طب وايه المشكلة؟

! تخيل لو في طيارة كبيرة أوي، وانا عملت فيلم، عشان أعلمك إزاي تقعد في مكان الطيار

تفتكر هتبقى كفاية ؟

قانون الجذب أكبر بكتير من أنك تستخدمه عشان تجذب أهدافك

عارف انك بتقول طب ليه اسمه قانون الجذب بقى

عشان الجذب مش بس بينك وبين أهدافك، الجذب موجود بين كل جسمين ليهم كتلة، وحتى مالهمش كتلة

وده قانون خدناه في الفيزياء، ان أي "جسمين" في بينهم قوة جاذبية، تتناسب طردياً مع حجم "كتلة" كل منهما

اللي قانون الجذب بيقوله، ان مش بس ليهم كتلة، ولا يكونوا جسمين

يكفي انهم يكونوا طاقة

بدون الدخول في تفاصيل الميتافيزيكس، خلينا حتى نفترض ان قانون الجذب بس، جذب وتحقيق الأهداف

فيلم السر، كل اللي قاله انه مطلوب منك

انك تقعد على الكنبة - او الكرسي مش مشكلة - وتجيب مجلة مثلاً

وتبدأ تختار اللي انت عايزه

و تشوف نفسك و انت معاك الهدف ده، لو عربية شوف نفسك سايقها

وجابوا مشهد الشخص اللي بيمثل أنه سايقها

آه طبعاً المعايشة، والتمثيل بأنك معاك الهدف حاجة مفيدة وفعالة جداً لتحقيق أهدافك

جداً..لكن مش هي كل حاجة

لو كانت الحكاية معايشة بس كان كل الناس بقى معاها كل حاجة

أكتر حاجة بنعملها هي الخيال

لكن العملية مش كدة

العملية ان قانون الجذب قانون طبيعي

يعمل وفقاً لنظام، سيستم

أي حاجة في الكون ماشية على نظام

قانون الجذب مش استثناء لكدة، فلازم تعرف السيستم اللي بيتم بيه جذب الأشياء

وليه بتنجذب، وازاي، وانت دورك ايه، عشان فعلاً تجذب اهدافك وتحققها

خلاصة القول، ان المعلومات اللي في فيلم السر غلط بنسبة كبيرة جداً، يكاد يكون الصحيح اللي فيه ما يتعداش ال5 في المائة

والخمسة في المائة دي، الخاصة بان في حاجة اسمها قانون الجذب

آسف لو كنت كسرت ليك أحلام كتير، أو صدمتك في المقالة دي

بس انا غلطتي اني كانت لازم دي تبقى أول مقالة ليا هنا في الموقع

اشوفك في مقالة تانية ان شاء الله

قانون الجذب

لسه نايم ؟

May 24, 2012 — by فيصل عبد الواحد41

A-sleepwalker-006.jpg
قانون الجذب
قانون الجذب

المقالة دي كان المفروض أكتبها من زمان جداً

عشان بدأت الجزء الاول بتاعها من فترة،،اتكلمت فيه عن الناس

اللي بتمشي..وهي نايمة

مش قصدي اللي عندها مرض المشي أثناء النوم

لأ أصدي الناس اللي عايشة

نايمة

النهاردة زي بكره

بكره زي امبارح

امبارح زي النهاردة

النهاردة زي سنتين فاتوا

مقالة النهاردة يمكن مش متعلقة أوي بقانون الجذب، أنا بقالي فترة مركز على قانون الجذب

فشوفت ان الوقت ده مناسب اني أركز عليك انت

ما تخافش، مش هحاول ألومك في المقالة دي

زي ما ناس كتير بتعمل

مش هقولك انت هتفوق امتى بقى

مش هقولك انت عاجبك حالك اللي انت فيه ده

ولا هقولك شوف اللي زيك بقوا ايه

لا لا..مش هقولك كل الكلام السلبي ده

ما تقلقش

أنا متأكد انك سمعته قبل كده كتير

ومتأكد أكتر انك بقى عندك مناعة فولاذية ضده

وحتى لو ما سمعتوش قبل كده

انا مش هقولك كدة

لأن الضرب على الجرح، على ما أعرف في عالم الطب

هيخلي الجرح أعمق، وهيسبب ألم أكبر، وممكن الحالة تتفاقم

لكن أنا عايز اسألك - لو انت كنت من الناس الي عايشة في حياتها نايمة

قبل ما أقولك هسألك ايه

ممكن تكون بتسأل انت نفسك الوقتي وتقول

طب أعرف ازاي انا كده

لو حد سألك انت بتقضي يومك في ايه، قولت مش عارف

أو حسيت ان، رغم انك بتفضل صاحي فترة كبيرة من اليوم

مش أقل من 10 أو 15 ساعة

بس لو حد سألك السؤال ده

انت بتقضي يومك إزاي

قولت..مفيش

يبقى انت فعلاً كده

الوقتي خليني أسألك السؤال اللي كنت عايز اسأله ليك من شوية

أنت عايز ايه من الحياة دي ؟

بس من غير كلام عام، او بمعنى أصح

كلام عايم

مش فاهم

يعني هدفك ايه..؟

أكيد هدفي اني ابقى كويس واعيش حياة حلوة وكدة

لأ انا قلتلك من غير كلام عايم

عادي يعني نفسي يبقى معايا فلوس واشتغل واتجوز زي كل الناس

زي كل الناس..؟

وعادي يعني..؟

راجل جميل جداً قال مرة..المشكلة مش في الناس تحقق أهدافها ازاي

المشكلة..في أن الناس تعرف اهدافها من البداية

ما ينفعش تدخل سباق من غير ما تكون عارف خط النهاية فين

ولا خط النهاية ايه

ولا خط النهاية فيه ايه

ولا انت اصلاً دخلت السباق ده ليه

لازم تعرف انت عايز ايه من حياتك

اهدافك بالتحديد ايه

هدفي من الناحية المادية اني خلال سنة أبقى كذا

وخلال سنتين أبقى كذا

وبعد 5 سنين ان شاء الله أكون بقيت كذا

ومن الناحية الاجتماعية كذا

وأشتغل كذا

وأعمل كذا

اعرف انت عايز ايه..اعرف انت فعلاً عايز تعمل ايه

مالكش دعوة هتعمله ازاي

الأول اعرف عايز ايه

وبعدين نتكلم في هتعمله ازاي

هات ورقة و قلم وابدأ اكتب انت عايز ايه، حدد أهدافك في الحياة

فوق

اصحى، وما تقولش الكلام ده سمعته كتير

الكلام ده لو كنت سمعته كتير وما عملتوش يبقى المشكلة فيك انت

مش في الكلام

اعرف فعلاً انت عايز ايه واكتبه

ولما تكتبه وتركز عليه

لازم..صدقني لازم

عن تجاربي الشخصية وتجارب كل الناس اللي دخلت أمير نفسك

وتجارب كل الناس الي دربتها شخصياً

وتجارب كل الناس الي ساعدتهم بشكل أو بآخر في قانون الجذب بفضل الله وحده

وحتى تجارب الناس اللي اتعلمت منهم

لازم..هتظهر فكرة، هتظهر حاجة قدامك تجيبلك فكرة

امسكها..امسك الفكرة دي واكتبها

وهتلاقي بيتفرع منها أفكار تانية

وكل فكرة بيتفرع منها طرق

وهتلاقي في الآخر انك بقى معاك خطة أولية

ولما تبدأ تنفذ أول خطوة في الخطة دي لازم هتجذب المرحلة اللي بعدها ان شاء الله

اقعد مع نفسك وشوف بتقضي يومك ازاي..خصوصاً لو كنت شاب متخرج ما بتشتغلش

صدقني..والله، وأنا عمري ما حلفت في مقالة ليا قبل كده

انت تملك، أنت تقدر تعمل كل الي انت عايزه، لو بقى معاك 3 حاجات

اليقين التام بالله

هدف

الرغبة الحارقة للوصول ليه

الرغبة اللي تقويك اذا وقعت، اللي تقولك لأ دي مش نهاية الدنيا

اسأل نفسك سؤال عشان تعرف فعلاً الهدف ده انت عايزه أوي ولا لأ

مستعد تفضل 3 أيام ورا بعض صاحي ما بتنامش عشان تحققه

مستعد تركز عليه لدرجة انك تنسى تاكل في يوم من الأيام

تقدر تخلي الهدف ده يتملك من كل ذرة من كيانك

لو فعلاً كدة..وعندك يقين تام بالله

يبقى هشوفك قريب ان شاء الله

في قصص النجاح

قانون الجذب

! خمس أشخاص – 5 بس

May 13, 2012 — by فيصل عبد الواحد52

blank_logo_opt.gif

قانون الجذب

قانون الجذب

قانون الجذب

مش هاخد من وقتك كتير

باختصار، الكورس اللي انا بدربه مع أتراكتيتود بالانجليزي، اللي كلمتك عنه قبل كده

تكلفة حضور الفرد ليه 497 دولار وتقدر تتأكد أكتر من هنا :

http://www.attractitude.com/Oriental_LOA.html

هدربه بالعربي ان شاء الله، وبنفس السعر

وحالياً بشوف شركة تكون الوكيل الحصري له في المنطقة العربية

لكن مش هو ده الموضوع

الموضوع، أني عايز خمس أشخاص

خمس أشخاص بس

خمس أشخاص أعمل معاهم الكورس ده بالعربي لأول مرة

تكلفة التدريب ده هتبقى بعد كده أونلاين من خلال امير نفسك $297 للفرد

والأعداد هتكون محدودة جداً عشان التدريب هيبقى فردي على كل واحد و واحدة

! لكن الخمس أشخاص دول أنا عايزهم - مجانا

آه بالظبط مجاناً، مش هيدفعوا أي حاجة

طب أنا هستفيد ايه لما أخسر 1485 دولار ؟

زي ما قلتلك التدريب ده اصلاً بالانجليزي، فمحتاج عشان أدربه للعرب، أعرف اخاطبهم بيه ازاي

في مصطلحات في التدريب ما ينفعش تتقال لينا كعرب عشان هتبقى غير مفهومة

ده غير رأي الخمس أشخاص دول بعد ما أخلص التدريب المكثف ده

هتبقى مفيدة للتدريب بوجه عام

أنا محتاج منك تكون فاضي خمس أيام

يعني خمس أشخاص - 5 أيام بس

التدريب على قانون الجذب هيبقى مكثف جداً، لأقصى درجة

هشتغل على كل مشكلة خاصة بكل واحد أو واحدة

هفهمك يعني ايه قانون الجذب من الألف للياء لحد ما تبقى محترف فيه لدرجة التدريب

همسح كل المعتقدات السلبية اللي جواك

هعملك جلسات طاقة، وجلسات معادلة

وكمان، هقولك على أسرار ماحدش يعرفها غير أقرب الناس ليا، زي المعادلة الخاصة بيا

اللي ماحدش يعرفها غيري أنا واتنين بس في العالم كله

وسر "الترددات" وان تقريباً كل الكلام الي بيتقال عليها، مش غلط، لكن على الأقل مش كامل

وسر تاني هيكون في تاني أو تالت يوم، هيعيش معاك العمر كله ان شاء الله

وأوعدك ان شاء الله في آخر يوم لازم هتسمع حاجة تفرحك بالنسبة لأهدافك

عشان العملية في قانون الجذب بسيطة، العملية محتاجة

سيستم، ودي مشكلة 99.9.999% من اللي بيطبقوا قانون الجذب بدون الدخول في تفاصيل

المواعيد غالباً هتبقى الساعة 10 مساءاً بتوقيت مصر

وان شاء الله كل المشاركين بعد ما يخلصوا، هستنى منهم فيديو أو تسجيل صوتي

بتجربتهم مع التدريب ان شاء الله

لو شايف انك فيك ده كله

ابعت رسالة بمعلوماتك الشخصية وتفاصيل بسيطة عنك على الميل ده

تم اغلاق باب الاشتراك لكثرة الطلبات - ان شاء الله يتم تكرار الحدث مرة تانية قريب

انا آسف لو بعتتلي وما قدرتش تحضر التدريب، الأولوية بأسبقية الارسال ان شاء الله

قانون الجذب

! أنت نجمك خفيف

May 9, 2012 — by فيصل عبد الواحد87

THird_Eye_by_ParmeneoN.jpg


Children Books Ar 728x90

قانون الجذب والحسد والقوى السلبية
قانون الجذب والحسد والقوى السلبية

ست طيبة قالتلي مرة..أنت نجمك خفيف

الكلمة دي كلمة مصرية بحتة، حتى ناس كتير مصريين ممكن ما يعرفوش يعني ايه

نجمك خفيف

يعني ايه نجمك خفيف؟

كنت لسه هسأل السؤال ده

بس فهمت أنها قصدها، من الأحداث المحيطة

أنني بتأثر بالحسد وبنظرات الناس بسرعة

كان ممكن أرد بالكلام الي هقوله ليك في المقالة دي

بس ما حبيتش ان حد يقول عليا مجنون - هتعرف ليه في آخر المقالة - ، خصوصاً الست الطيبة دي لأنها مهمة جداً ليا

زي ما انت عارف واتكلمنا كتير قبل كده،

في حاجة اسمها قوة الجذب

وعكس ما ناس كتير بتقول، وفي ناس كتير بتعارضني في الفكرة دي

لكن قوى جذب كل مننا بتأثر في التاني

ممكن انت تكون جذبت اني أقعد حالاً أكتب المقالة دي عشان عايز حاجة جديدة، رغم اني بكتبها من مكان عمل

فده خلاني فجأة أفتح أمير نفسك وأبدأ أكتب الحروف اللي انت شايفها الوقتي دي

أو ممكن أنت تفكر في حد تلاقيه يتصل بيك، ورغم ان الموضوع ده متصل بالتخاطر، لكن قوى الجذب هي أصل التخاطر

أنا ساعات كتير بفكر في حاجات وأنساها وتحصل بسرعة، مع اني لما بلاقي نفسي كده بحاول بقى أركز أجذب حاجة

ما تحصلش..ليه ؟

الموضوع ده كبير فخليه لمقاله تانية، لكن باختصار، لأن في حاجة اسمها تباعد قوى هنتكلم عنه بعدين ان شاء الله

المهم، ان كل واحد فينا قوة جذبه بتأثر في قوى جذب الناس التانيين اللي حتى ما يعرفهمش وممكن يكونوا في بلاد تانية

وصورة من صور التأثير بإذن الله طبعاً قبل و بعد كل شيء

التأثير السلبي للناس المحيطين بيك

يعني ممكن لو انت ليك هدف معين، وحد عرفه، يبقى شايف ومتأكد انك هتفشل

فده أكيد هيأثر عليك لو قوة جذبك أقل من قوة جذبه، وعشان تعرف مين اللي قوة جذبه أكبر برده عايز موضوع تاني

عشان ما ندخلش في كلام كتير مالوش لازمة - الوقتي - هدخل معاك في الموضوع على طول

الكلام العلمي عن موضوع التأثير والتأثر كبير جداً ممكن تعرفه من كتب كتير زي كتاب

The Holographic Universe

لكن خلينا نتكلم عن الوقائع وازاي نتغلب عليها

انتي دخلتي لوالدتك تقوليلها انك ان شاء الله بعد 3 شهور هيبقى معاكي 50 ألف جنيه

والدتك، اللي هي شخص عزيزي عليكي جداً، ما عملتش أي حاجة، والموضوع اتغير

لكن بعد كام دقيقة حسيتي بالخمول

الكسل..ممكن اتخنقتي

والدتك وقتها أول كلمة جت في ذهنها لما قلتيلها على هدفك

"ابقي قابليني"

كلمة مصرية معناها مستحيل

وعشان ماما، ما فكرتش كتير في الموضوع، ومن غير ما تعرف فصلت نفسها وفكت الارتباط، بانها غيرت الموضوع

الأثر بقى أكبر

وبدأ يأثر عليكي انتي

وبدأتي تحسي انك مش عايزه تكملي طريقك للهدف ده

وبدون الكلام، وبدون انك تقول على هدفك لأي حد

ممكن تدخل أي مكان تحس انك اتخنقت فجأة

صدعت

عايز تنام

المشكلة، انك لو ما اتعاملتش مع كل الطاقات المحيطة بيك دي، ممكن جداً تتعب وتلاقي مقاومة أكتر

أو ممكن..تفشل

 صورة تانية من صور التأثير

هو الحسد

الحسد ما هو الا طاقة بيتم توجيهها من شخص ما لشخص آخر، بدون قصد طبعاً

وأنا شخصياً بقدر أعرف في حد بيحسدني ولا  لأ، وبقدر اتعامل معاها، وبقدر أعكسها عليه

وده اللي هتتعلمه في آخر المقالة ان شاء الله

المهم، الصورة الأولى او التانية، أتعامل معاهم ازاي

ازاي اكسر تأثير الناس السلبي عليا، أو أعكس حسد أي حد

الطريقة واحدة بس بتختلف شوية ، لكن الأول، بالنسبة لتأثير الناس، ياريت تريح دماغك

وما تقولش اهدافك لحد

ندخل في الطريقة، بالنسبة للحسد

عايزك الوقتي تغمض عينيك

مش الوقتي طبعاً، بعد ما تخلص قراءة المقالة

تغمض عينيك، وتاخد أربع أو خمس أنفاس بطيئة

وياريت تعمل كده وانت مستلقي على سرير أو كرسي مريح

وتشوف نفسك من بره

شوف جسمك بكل تفاصيله

الوقتي، في الحالة اللي انت عليها

وشوف هالة من الطاقة بتحيط بجسمك كله

لو لاحظت ان في اماكن فيها ضعيفة او مفتوحة، كملها

ما تسيبش أي مكان مفتوح

ركز على الهالة دي جداً، وشوف لونها ايه

وكثافتها

ركز أكتر هتلاقي في أسهم كتير جداً بتحاول تخترق الهالة دي

قوي الهالة في المناطق اللي تحس انها ممكن تخترق، عشان الأسهم أو الأشعة - بعض الناس  قالوا أشعة - ما تخترقهاش

لغاية ما يبقى عندك هالة قوية، بلون مشع، مفيش اي سهم قادر يخترقها

اعمل التمرين ده مرة واحدة بس لواحدك

ووقت ما تحس انك قابلت حد، وحسيت انك اتخنقت فجأة

او صدعت بدون أي مقدمات

اعرف انه من غير ما يقصد بيحسدك - وعلى فكرة كلنا ساعات بنعمل كده من غير ما نعرف فماتظلمش الراجل وتقول عينه وحشه

والوقتي افتكر الهالة كويس جداً، وشوف الاختراق بيحاول يحصل من أي جهة واتعامل معاه

ممكن في اول كام مرة تبقى محتاج تغمض عينك

لكن بعد كده هتقدر تعملها وانت مفتح عادي

عرفت ليه خفت تقول عليا هي مجنون ؟

بالنسبة للتعامل مع الطاقة السلبية للناس اللي حواليك، لما تحس ان في حد بيحبطك

او انت فجأة حسيت بالاحباط، ركز على الشعور ده وغمض عينك وشوف منظر ازاز بيتكسر

وحس بيه واسمع صوته وشوفه وهو بيتكسر في ذهنك

كررها كذا مرة بسرعة جداً ورا بعض

مع الوقت هتقدر تستخدم التقنية دي لحاجات كتير

بالمناسبة، التقنية دي اتولدت من سؤال في امتحان ممارس البرمجة اللغوية العصبية المتقدم

كان في سؤال

Invent a Technique using NLP

وكانت دي التقنية بتاعتي

تقنية قوية جداً هتفيدك كتير ان شاء الله

أتمنى ما اكونش طولت عليك في المقالة دي

وبالتوفيق ان شاء الله

قانون الجذب

الخلاصة

May 6, 2012 — by فيصل عبد الواحد72

34cw1.png

اتكلمنا عن قانون الجذب، في كل مقالاتنا السابقة

خلاصة قانون الجذب
خلاصة قانون الجذب

واتكلمنا كمان عن الكتابة، وتكتب ولا ما تكتبش، ولو هتكتب هتكتب ليه، ولو هتكتب هتكتب ازاي، في معاك ورقة وقلم، و معاك ورقة وقلم 2

واتكلمنا ازاي تتعامل مع اهدافك وتبصلها ازاي من ناحية الفكرة والتركيز الشديد عليها والرغبة "الحارقة" اللي جواك أنك تحقق هدفك

اللي بتسندك بعد اليقين بالله وقت ما تحس انك تعبت، واتكلمنا كمان عن نظرتك من ناحية مدى تحقق الهدف، التأكد والثقة والطبيعة، كل ده اتكلمنا عنه في مفتاح قانون الجذب

واتكلمنا كمان عن حرق المعتقدات وإزاي تتخلص من المشاعرأو المعتقدات السلبية اللي أكيد ليها دور كبير في تعطيل جذب اللي انت عايزه

النهاردة المقالة مش هتبقى كبيرة، هي بالظبط زي ما العنوان بيقول

الخلاصة من كل الكلام ده

لو عايز حاجة، تعمل ايه؟

قبل أي شيء عايز أقولك ان ربنا اللي خلق الكون وخلق قانون الجذب وغيره من القوانين، فبإذن الله لما اهدافك تتحقق ما تقولش سبحان الله، قانون الجذب ده حاجة جميلة

قول الحمد لله وبفضل الله، أحمدك وأشكر فضلك يا رب، بس، ما تجيبش سيرة قانون الجذب، ما ينفعش تشكر الدواء وتجحد فضل الدكتور، مش كدة ؟

هقولك تعمل ايه بالتفصيل، وهقولك على حاجة جديدة، جميلة جداً، ما كلمتكش عنها قبل كده

أول حاجة انك تعرف انت عايز ايه، وناس كتير اوي شايفه الحكاية دي سهلة، لكن لما تعرف ان 99% من أهدافك ان ماكنش كلها

اهداف مفروضة عليك من البيئة المحيطة

بما فيها الأسرة والأصحاب والتربية والمدرسة والإعلام..إلى آخر القائمة الطويلة

هتتفاجئ

في طريقة جميلة جداً تعرف بيها انت فعلاً عايز ايه، خاصة بدكتور اسمه روبرت أنتوني، ممكن تكون قرأتها هنا قبل كده، هتلاقيها هنا ان شاء الله : حدد أهدافك

خلاص بعد ما عرفت انت عايز ايه بالظبط، خليك فاكره كويس جداً، وفكر فيه، شوف الصعوبات اللي هتيجي في دماغك ايه، يعني لو الهدف مادي مثلاً، 1000 جنيه مثلاً بعد اسبوعين

شوف الحاجات السلبية اللي هتيجي في دماغك ايه وخليك فاكرها، الوقتي بقى هتعمل طريقة حرق المعتقدات، وتبدأ تكتب اللي مضايقك كله

بنفس الطريقة الي اتكلمنا بيها قبل كده عنها، وابدأ كمان اكتب كل حاجة مضايقاك ، مش بس اللي جه في دماغك، واعمل في اللي هتكتبه زي ما مكتوب في مقالة حرق المعتقدات

جميل، الوقتي خلصت حرق المعتقدات

تقدر تتدخل على الخطوة التانية انك تبدأ تكتب أهدافك، بنفس الصيغة والكلام اللي اتفقنا عليها في معاك ورقة وقلم، و معاك ورقة وقلم 2

وتبدأ تفكر في أهدافك دي بالطريقة اللي اتكلمنا عنها في مفتاح قانون الجذب

وتقرأ الورقة دي مرتين على الأقل في اليوم، لكن الجديد النهاردة اني هقولك حاجتين

أول حاجة، ان هيفرق معاك جداً لو جيبت نفس الورقة دي، وعلى الأقل مرة في الأسبوع، جيبت القلم

ومشيت على نفس الكلام المكتوب كإنك بتكتبه تاني

تاني معلش

يعني ايه ؟

يعني تجيب الورقة اللي انت اصلاً كتبت فيها اهدافك بالصيغة اللي اتفقنا عليها

وتعيد على اللي انت كتبته بالقلم كإنك بتكتبه من أول وجديد

مرة على الأقل كل أسبوع زي ما اتفقنا

تاني حاجة، عايزك وانت بتقرأ الورقة كل يوم، الكلام اللي انت بتقوله، مع انه محدد بتاريخ مستقبلي

بس عايزك تحس انك حققته فعلاً، وفيصل اللي بيقرأ أهدافه الوقتي

هو فيصل اللي حققها

فيصل الوقتي حقق الهدف ده وشايف نفسه فعلاً حققه

الكلمة دي كبيرة جداً وياما سمعتها وقرأتها قبل كده ماكنتش بهتم بيها، كنت بعتقد اني فاهمها كويس

لكن لما تفهم كويس جداً يعني ايه معنى، انك تكون فعلاً، معاك الهدف ده الوقتي

وانت بتقرأ الورقة دي

هتفهم قصدي، هتحس بشعور

هيخليك تفهم انا أقصد ايه

كمان حاجة أخيرة أحب أكد عليك فيها، ما تقولش أهدافك لحد

بس، دي كانت الخلاصة، وأشوفك المقالة الجاية ان شاء الله

قانون الجذب

Attractitude

May 3, 2012 — by فيصل عبد الواحد59

attractitude-big-logo.jpg
attractitude فيصل عبد الواحد
attractitude فيصل عبد الواحد

المقالة دي مش هكلمك فيها عن قانون الجذب

!ولا عن أي حاجة ليها علاقة بالتنمية البشرية

! هكلمك فيها عن نفسي

أناني، مش كدة ؟

مش انانية، لكن كنوع من الاحتفال، انا بعتز بيك كزائر من زوار موقعي

وحابب احتفل معاك بحاجة جميلة جداً

انا بفتخر بيها شخصياً

من حوالي 3 أسابيع، انضميت كمدرب لشركة عالمية للتدريب

شركة أجنبية، كندية تحديداً

والحمد لله اسمي موجود هناك الوقتي مع كل المدربين اللي هناك - كلهم أجانب

وأنا العربي الوحيد اللي هناك

وبفضل الله أصغر مدرب فيهم

مش بتباهى، بس زي ما قلتلك عايز اشارك فرحتي معاك

كمان انا هدرب قانون الجذب هناك، تحت مسمى قانون الجذب الشرقي

والتدريب أونلاين

تكلفة الحضور للمتدرب 500 دولار - بالظبط497

ودي حاجة عايز الفت النظر ليها، ان هنا الشخص "بيستكتر" يدفع 100 أو 200 أو حتى 1000 جنيه في كورسات

وبره الشخص بيدفع أضعاف المبلغ ده، لأنه عارف ان أغلى شيء يستثمر فيه، هو نفسه

دي حاجة اعتز بيها عشان بتمثل ثقة الشركة فيا الحمد لله

تقدر تشوف صورتي مع المدربين من هنا

http://pinterest.com/attractitude/coaches-at-attractitude/

هتلاقيها تحت على اليمين اظن

و تقدر تشوف كلام مختصر عني من خلال صفحتي على موقعهم الخاص من هنا

http://www.attractitude.com/Faisal_Abdelwahed.html

انا وصلت للمرحلة دي بفضل الله تعالى وحده، الحمد لله، ثم بيك، عشان انت كنت السبب اللي بكتب مقالاتي عشانه

وان شاء الله اتمنى اني اكون عند حسن ظنك دايماً وأقدر اقدم كل شيء يفيدك بإذن الله

بالتوفيق ان شاء الله

هل تريد متابعة شخصية مني للوصول لهدفك النهائي بإذن الله ؟
مجاناً
إذاً أكتب إيميلك بالأسفل و اضغط "أريد الاشتراك" لتصلك أول خطوة فوراً
! تم الاشتراك - رحلة ممتعة
ابحث عن رسالة في مجلد الرسائل الغير مهمة إذا لم تصلك بعد
Close